జాతీయ హాకీ పోటీలకు జిల్లా క్రీడాకారులు

జాతీయ హాకీ పోటీలకు జిల్లా క్రీడాకారులు

వనపర్తిటౌన్‌: జార్ఖండ్‌ రాష్ట్రంలోని రాంచీలో ఈ నెల 29 నుంచి ఫిబ్రవరి 7వ తేదీ వరకు జరిగే జాతీయస్థాయి అండర్‌–19 బాలబాలికల హాకీ టోర్నీలో పాల్గొనే రాష్ట్ర జట్లకు జిల్లా క్రీడాకారులు ఎంపికయ్యారు. ఇటీవల నల్లగొండ జిల్లాలో జరిగిన రాష్ట్ర జట్ల ఎంపిక పోటీలు నిర్వహించగా.. బాలురు విభాగంలో వినయ్‌, అర్జున్‌, టెండూల్కర్‌, జయసూర్య, బాలికల విభాగంలో మమత, జోసెఫ్‌ సునైనా, సింధూర, నీలావతి, శ్రీవాణి అత్యుత్తమ ప్రతిభ కనబరిచి జాతీయస్థాయి పోటీలకు ఎంపికై నట్లు ఎస్‌జీఎఫ్‌ కార్యదర్శి సురేందర్‌రెడ్డి, హాకీ అసోసియేషన్‌ జిల్లా కార్యదర్శి పీడీ కుమార్‌ తెలిపారు. ఈ సందర్భంగా జిల్లా కేంద్రంలోని డాక్టర్‌ బాలకిష్టయ్య క్రీడా ప్రాంగణంలో సోమవారం ఏర్పాటుచేసిన కార్యక్రమంలో జాతీయస్థాయి పోటీలకు ఎంపికై న క్రీడాకారులను వారు అభినందించారు. జాతీయస్థాయి టోర్నీలో ప్రతిభకనబరిచి రాష్ట్ర జట్ల గెలుపునకు కృషి చేయాలని సూచించారు. కార్యక్రమంలో హాకీ అసోసియేషన్‌ కోశాధికారి ఎస్‌.నిరంజన్‌గౌడ్‌, సీనియర్‌ క్రీడాకారులు పాల్గొన్నారు.