మహాత్ముడి మార్గంలో పయనిద్దాం

మహాత్ముడి మార్గంలో పయనిద్దాం

వనపర్తి: దేశ స్వాతంత్యం కోసం శాంతియుతంగా ఎన్నో సత్యాగ్రహాలు, పోరాటాలు చేసిన మహనీయుడు మహాత్మాగాంధీ అని.. ఆయన మార్గంలో నేటి యువత పయనించాలని కలెక్టర్‌ ఆదర్శ్‌ సురభి కోరారు. గురువారం ఉదయం ఐడీఓసీ సమావేశ మందిరంలో నిర్వహించిన మహాత్మాగాంధీ వర్ధంతి కార్యక్రమంలో అదనపు కలెక్టర్లు సంచిత్‌ గంగ్వార్‌, జి.వెంకటేశ్వర్లుతో కలిసి పాల్గొని చిత్రపటానికి పూలమాలలు వేసి నివాళులర్పించారు. అనంతరం కలెక్టర్‌ మాట్లాడుతూ.. బాపూజీ కుష్టు వ్యాధిగ్రస్తులపై ప్రేమ, ఆప్యాయత చూపించే వారని, అందుకే ఆయన వర్ధంతి రోజును జాతీయ కుష్టు నివారణ దినంగా పాటిస్తామని తెలిపారు. ఈ సందర్భంగా వ్యాధిగ్రస్తులకు వైద్య, ఆరోగ్యశాఖ సమకూర్చిన పౌష్టికాహార కిట్లను అందజేశారు. అనంతరం సిబ్బందితో కుష్టు నివారణపై ప్రతిజ్ఞ చేయించారు. కార్యక్రమంలో జిల్లా అధికారులు, సిబ్బంది తదితరులు పాల్గొన్నారు.