పీయూ డిగ్రీ సెమిస్టర్‌ ఫలితాలు విడుదల

పీయూ డిగ్రీ సెమిస్టర్‌ ఫలితాలు విడుదల

మహబూబ్‌నగర్‌ ఎడ్యుకేషన్‌: పాలమూరు యూనివర్సిటీ డిగ్రీ 1, 3, 5 సెమిస్టర్ల ఫలితాలను గురువారం వీసీ శ్రీనివాస్‌ విడుదల చేశారు. సెమిస్టర్‌–1లో 32.61 శాతం విద్యార్థులు ఉత్తీర్ణత సాధించారు. పరీక్షలకు 19,662 మంది విద్యార్థులు హాజరైతే 6,411 మంది ఉత్తీర్ణులు కాగా.. 13,202 మంది ప్రమోట్‌ అయ్యారు. 49 మంది విద్యార్థులు మాల్‌ ప్రాక్టీస్‌ కింద బుక్‌ అయ్యారు. సెమిస్టర్‌–3లో 15,444 మంది విద్యార్థులు పరీక్షలకు హాజరైతే 37.75 శాతంతో 5,830 మంది ఉత్తీర్ణులయ్యారు. 9,589 మంది ప్రమోటయ్యారు. 25 మంది విద్యార్థులు మాల్‌ ప్రాక్టీస్‌ కింద బుక్‌ అయ్యారు. 5వ సెమిస్టర్‌లో 11,343 మంది విద్యార్థులు పరీక్షలకు హాజరైతే 48.81 శాతంతో 5,537 మంది విద్యార్థులు ఉత్తీర్ణత సాధించారు. 5,793 మంది ప్రమోట్‌ కాగా.. 13 మంది విద్యార్థులు మాల్‌ ప్రాక్టీస్‌ కింద బుక్‌ అయ్యారు. ఈ సందర్భంగా వీసీ శ్రీనివాస్‌ మాట్లాడుతూ.. యాజమాన్యాలు, అధ్యాపకులు చర్యలు తీసుకుని మరిన్ని ఫలితాలు సాధించేందుకు కృషి చేయాలని సూచించారు. రీవాల్యుయేషన్‌ కోసం ఫిబ్రవరి 2వ తేదీ వరకు దరఖాస్తు చేసుకోవాలని సూచించారు. కార్యక్రమంలో రిజిస్ట్రార్‌ చెన్నప్ప, కంట్రోలర్‌ రాజ్‌కుమార్‌, మధుసూదన్‌రెడ్డి, చంద్రకిరణ్‌, శాంతిప్రియ, విజయలక్ష్మి, అరుంధతిరెడ్డి పాల్గొన్నారు.