TV
టీటీడీ మానవసేవ చేస్తోంది: నారాయణ
తిరుమల: తిరుమల తిరుపతి దేవస్థానం (టీటీడీ) మానవసేవ చేస్తోంద ని సీపీఐ జాతీయ కార్యదర్శి కె.నారాయణ అన్నారు. తిరుమలలోని నిత్యాన్నప్రసాద భవనంలో ఆయన బుధవారం రాత్రి ఉచిత అన్నప్రసాదాలు స్వీకరించారు. అనంతరం భక్తులకు అన్నప్రసాదాలను స్వయంగా వడ్డించారు.
ఈ సందర్భంగా ఆయన విలేకరులతో మాట్లాడుతూ తిరుమలకు వచ్చే భక్తులతో పాటు ఇతర ఆలయ కేంద్రాల్లో రోజుకు లక్షలాది మందికి అన్నప్రసాదాలు అందించడం అభినందనీయమన్నారు. ఇలాంటి చోట యాత్రికులకు వడ్డించే అవకాశం తనకు రావడం ఆనందంగా ఉందని చెప్పారు.
