TV
కేసీఆర్ లేడు, గీసీఆర్ లేడని కిషన్ రెడ్డి ఫైర్
హైదరాబాద్: మోడీని కించపరుస్తూ వ్యాఖ్యలు చేసిన తెలంగాణ రాష్ట్ర సమితి అధినేత కేసీఆర్ పై బీజేపీ అధ్యక్షుడు కిషన్ రెడ్డి మండిపడ్డారు. బీసీని ప్రధాని అభ్యర్థిగా ప్రకటిస్తే కేసీఆర్ ఇలా మాట్లాడుతారా అని ప్రశ్నించారు. తెలంగాణలో కాకుండా దేశవ్యాప్తంగా మోడి ప్రభంజనం కొనసాగుతోందని కిషన్ రెడ్డి అన్నారు.
బీజేపీ ప్రధాని అభ్యర్థి నరేంద్రమోడీ ప్రభంజనాన్ని అడ్డుకునే శక్తి కేసీఆర్ కు లేదని కిషన్‌రెడ్డి తెలిపారు. అంతేకాకుండా తెలంగాణలో కేసీఆర్ లేడు గీసీఆర్ లేడని కిషన్‌రెడ్డి తీవ్రంగా స్పందించాడు. కేసీఆర్ హుందాగా స్పందించాలని ఆయన సూచించారు.
తెలంగాణలో మోడీ ప్రభంజనం లేదని, మోడీ లేడు, గీడీ లేడన్న కేసీఆర్ వ్యాఖ్యలు చేసిన సంగతి తెలిసిందే.
