వార్రూమ్లో అభ్యర్థుల ఎంపికపై కసరత్తు

న్యూఢిల్లీ : రాష్ట్ర కాంగ్రెస్ వ్యవహారాల ఇన్ఛార్జ్ దిగ్విజయ్ సింగ్తో తెలంగాణ పీసీసీ అధ్యక్షుడు పొన్నాల లక్ష్మయ్య, తెలంగాణ పీసీసీ వర్కింగ్ ప్రెసిడెంట్ శనివారం భేటీ అయ్యారు. వార్ రూమ్లో కాంగ్రెస్ స్క్రీనింగ్ కమిటీ సమావేశం అయ్యింది. దిగ్విజయ్, వాయలార్ రవి, పొన్నాల, ఉత్తమ్ కుమార్ రెడ్డి  లోక్ సభ, అసెంబ్లీ అభ్యర్థుల ఎంపికపై కసరత్తు చేస్తున్నారు. అలాగే దిగ్విజయ్, వాయలార్ .... పార్టీ ఎంపీలతో విడివిడిగా భేటీ కానున్నారు.

కాగా  తెలంగాణ నుంచి లోక్‌సభ, అసెంబ్లీకి పోటీ చేయాలనుకుంటున్న కాంగ్రెస్‌ పార్టీ ఆశావహుల జాబితాతో పొన్నాల, ఆ పార్టీ సీనియర్‌ నేత దామోదర రాజనర్సింహ శనివారం ఢిల్లీ బయల్దేరి వెళ్లారు. ఈ సందర్భంగా పొన్నాల మాట్లాడుతూ ఏ పార్టీతోనూ పొత్తులపై ఇంకా స్పష్టత లేదన్నారు. అభ్యర్థుల జాబితాను మాత్రమే తాము హైకమాండ్‌కు అందజేస్తామని, తుది నిర్ణయం వారిదేనని చెప్పారు. మరోవైపు పవన్‌ కళ్యాణ్‌ స్టూడియోలో కూర్చోకుండా రాజకీయాల గురించి మాట్లాడితే బాగుంటుందని దామోదర రాజనర్సింహ ఎద్దేవా చేశారు.