TV
రాజుగారు రాగానే...
రాజుగారు తిరిగి రాగానే సినిమా చిత్రీకరణ పూర్తి చేయడానికి ‘రాజుగారి గది–2’ టీమ్‌ ప్లాన్‌ చేస్తోంది. రాజుగారు ఎవరంటే... ఇంకెవరు? ‘కింగ్‌’ నాగార్జునే. ప్రస్తుతం విదేశాల్లో ఉన్నారాయన. సమ్మర్‌ హాలిడే ఇంకా పూర్తి చేసుకోలేదు! ఈ నెలాఖరుకి నాగార్జున తిరిగి వచ్చేస్తారు. ఆయన రాగానే ‘రాజుగారి గది–2’ చివరి షెడ్యూల్‌ మొదలు కానుంది.
ఓంకార్‌ దర్శకత్వంలో పీవీపీ సినిమా, మ్యాట్నీ ఎంటరై్టన్మెంట్, ఓక్‌ ఎంటరై్టన్మెంట్ సంస్థలు నిర్మిస్తున్న ఈ హారర్‌ థ్రిల్లర్‌లో సమంత, సీరత్‌ కపూర్, అశ్విన్, నరేశ్, ‘వెన్నెల’ కిశోర్, ప్రవీణ్‌ ప్రధాన పాత్రధారులు. ఈ చివరి షెడ్యూల్‌లో నాగార్జునతో పాటు ఇతర తారాగణంపై కీలక సన్నివేశాలు తీయనున్నారు. వచ్చే నెల రెండో వారం కల్లా చిత్రీకరణ అంతా పూర్తవుతుందని సమాచారం. ఇందులో నాగార్జున మెంటలిస్ట్‌ (ఎదుటివ్యక్తి మనస్తత్వం, మనసును చదవగల) పాత్రలో నటిస్తున్నారు. ఈ లుక్‌లా నాగార్జున క్యారెక్టరైజేషన్‌ కూడా అంతే కొత్తగా ఉంటుందట! ఆగస్టులో సినిమాను విడుదల చేయాలనుకుంటున్నారని టాక్‌!
