డేరాలో ప్రత్యేక కరెన్సీ

సిర్సాః డేరా సచా సౌథా ప్రధాన కార్యాలయంలో గుర్మీత్‌ సింగ్‌ అనుచరులు ఏకంగా ప్రత్యేక కరెన్సీని రూపొందించుకున్నారు. వేయిఎకరాల సువిశాల ప్రాంగణంలో ఏర్పాటు చేసిన దుకాణాలు, సంస్థల్లో చిల్లర కొరతను అథిగమించేందుకు రూ 10, రూ5  ప్లాస్టిక​ కాయిన్లు, టోకెన్లను కస్టమర్లకు ఇస్తున్నారు. వీటిపై ధన్‌ధన్‌ సద్గురు...డేరా సచా సౌథా సిర్సా అని రాసి ఉంటుంది. ఈ టోకెన్లు, కాయిన్లను కస్టమర్లు సచ్‌ షాపుల్లో చూపించి తర్వాత తమకు నచ్చిన వస్తువులను కొనుగోలు చేస్తారు. ఉదాహరణకు ఓ కస్టమర్‌ రూ 70 విలువైన ఏదైనా వస్తువును కొనుగోలు చేసి షాపు ఓనర్‌కు రూ 100 ఇస్తే మిగిలిన రూ 30కి మూడు పది రూపాయల విలువైన ప్లాస్టిక​ టోకెన్లను ఇస్తారు. ఈ ప్లాస్టిక్‌ కాయిన్లకు భిన్న రంగుల కోడ్‌ను షాపు ఓనర్లు మెయింటైన్‌ చేస్తున్నారు.