TV
జిమ్మీ నీషమ్
హాస్యచతురతకు మారుపేరైన న్యూజిలాండ్‌ ఆల్‌రౌండర్‌ జిమ్మీ నీషమ్ కరోనా సమయంలోనూ సోషల్‌ మీడియాలో ఆసక్తికర పోస్టులు పెడుతున్నాడు. ‘కఠిన పరిస్థితులు ఎదురైనప్పుడే నేను సరదాగా ఉండేందుకు ప్రయత్నిస్తా. తాజా పరిస్థితి కూడా అలాగే ఉంది. ఇలాంటి క్షణాలను ఏదో రోజు అధిగమిస్తాం. కాబట్టి ఎప్పుడూ నవ్వుతూనే ఉండాలి. అన్నీ ముగిసిపోయిన తర్వాత మనకు మళ్లీ మంచి రోజులు వస్తాయి’ అని నీషమ్ భావోద్వేగంతో చెప్పాడు. మరోవైపు గత ఏడాది ప్రపంచ కప్‌ ఫైనల్‌ పరాజయం తనను ఇంకా బాధిస్తోందని ఈ కివీస్‌ ఆల్‌రౌండర్‌ అన్నాడు. నాడు సూపర్‌ ఓవర్లో నీషమ్ 13 పరుగులు చేసినా బౌండరీ లెక్కతో జట్టు ఓడింది. ‘కాలం గడిచేకొద్దీ బాధ తగ్గుతుందని అంటారు. కానీ నాలో ఇప్పటికే ఆ బాధ మిగిలి ఉంది. అది తగ్గేందుకు మరికొన్నేళ్లు పడుతుందేమో’ అని నీషమ్ అన్నాడు.
Comments
Please login to add a commentAdd a comment