తలపండిన నేతలతో తలపడడం కష్టమే

సాక్షి, న్యూఢిల్లీ: ఆమ్‌ఆద్మీ పార్టీ ప్రకటించిన తొలి అభ్యర్థుల జాబితాలో ఏడు లోక్‌సభ స్థానాల్లో రెండింటినుంచి పోటీ చేయనున్న అభ్యర్థులు పాత్రికేయులే. కపిల్ సిబల్‌కు వ్యతిరేకంగా చాందినీచౌక్‌లో ఆశుతోష్‌ను, మహాబల్ మిశ్రాకు వ్యతిరేకం గా పశ్చిమఢిల్లీ నుంచి జర్నైల్‌సింగ్‌ను అభ్యర్థులుగా నిలబెట్టనున్నట్లు ఆమ్ ఆద్మీ పార్టీ ప్రకటించింది. పాత్రికేయ వృత్తిలో 23 ఏళ్ల అనుభవంగల ఆశుతోష్... హిం దీ వార్తా చానల్ ఐబీఎన్-7లో మేనేజింగ్ డెరైక్టర్‌గా నగరవాసులకు సుపరిచితు డే. ఇక హిందీ వార్తాపత్రిక దైనిక్ జాగ రణ్‌లో 15 ఏళ్ల అనుభవం కలిగిన జర్నైల్‌సింగ్ ఓ పర్యాయం విలేకరుల సమావేశంలో అప్పటి హోం శాఖ మంత్రి చిదంబరంపై బూటు విసిరిన వ్యక్తిగా గుర్తింపుపొందారు. 1984 నాటి సిక్కు అల్లర్ల కేసులకు సంబంధించి ప్రభుత్వ నిర్లక్ష్య వైఖరికి నిరసనగా బూటు విసిరారు.  ఢిల్లీలో వ్యతిరేక పవనాలు వీస్తున్నప్పటికీ దిగ్గజాలుగా గుర్తింపు పొందిన కాంగ్రెస్ నేతలకు గట్టి పోటీ ఇవ్వడమనేది స్థానిక ఓటర్లతో బొత్తిగా సంబంధాల్లేని ఈ ఇరువురు మాజీ పాత్రికేయులకు నల్లేరుపై నడకేం కాదని రాజకీయ పండితులు అంటున్నారు.   ఈ నియోజకవర్గాల నుంచి బీజేపీ ఎవరిని బరిలోకి దించుతుందనే దానిపై కూడా వారి విజయావకాశాలు ఆధారపడి ఉన్నాయి. ఈ నేపథ్యంలో ఈ రెండు నియోజకవర్గాలను ఓసారి పరిశీలిద్దాం.