TV
కౌంటింగ్‌కు కేటీఆర్ దూరం
సిరిసిల్ల, న్యూస్‌లైన్ : సిరిసిల్ల మాజీ ఎమ్మెల్యే కె.తారకరామారావు శుక్రవారం జరిగే ఓట్ల లెక్కింపునకు దూరంగా ఉంటున్నారు. 2009లో ఓట్ల లెక్కింపు ఉత్కంఠభరితంగా సాగగా.. ఆయన కౌంటింగ్‌కు దూరంగానే ఉన్నారు. 2010 ఉప ఎన్నికల్లో మాత్రం కౌంటింగ్‌కు హాజరయ్యారు.
తెలంగాణ రాష్ట్రం ఏర్పడ్డాక తొలిసారి జరుగుతున్న ఎన్నికల్లో గెలుపు తనదే అన్న ధీమాతో కేటీఆర్ కౌంటింగ్‌కు దూరంగా ఉన్నట్లు సమాచారం. రాష్ట్ర రాజకీయ పరిణామాలను పర్యవేక్షించే బాధ్యత కేటీఆర్ తీసుకున్నట్లు తెలిసింది. ఇందులో భాగంగానే ఆయన ఓట్ల లెక్కింపునకు రావడం లేదని ఆ పార్టీ వర్గాలు తెలిపాయి.
