వాటర్‌గ్రిడ్‌పై నేడు సీఎం సమీక్ష

వాటర్‌గ్రిడ్‌పై నేడు సీఎం సమీక్ష

సాక్షి, హైదరాబాద్: తెలంగాణ రాష్ట్ర ప్రభుత్వం ప్రతిష్టాత్మకంగా చేపట్టిన వాటర్‌గ్రిడ్ పథకం అమలుపై ముఖ్యమంత్రి కె.చంద్రశేఖరరావు మంగళవారం సమీక్షించనున్నారు. సీఎం స్వయంగా సమీక్షకు పిలవడంతో..  గ్రిడ్ నిర్మాణ బాధ్యతలను చూస్తున్న గ్రామీణ నీటి సరఫరా విభాగం అధికారులు ఈ పథకంపై సమాచారాన్ని  సిద్ధం చేశారు.

తొలుత ఉదయం 10 గంటలకు పంచాయతీరాజ్ ముఖ్య కార్యదర్శి రేమండ్ పీటర్, మధ్యాహ్నం 2 గంటల నుంచి ఆ శాఖ మంత్రి కేటీఆర్, చివరిగా సీఎం కేసీఆర్ వాటర్‌గ్రిడ్‌పై అధికారులతో సమీక్షించి ప్రణాళికలకు తుది రూపు ఇవ్వనున్నట్లు తెలిసింది. ఈ నెల 10న అధికారులతో జరిపిన సమీక్షలో తీసుకున్న నిర్ణయాల అమలుపైనే ప్రధానంగా సీఎం దృష్టి సారించనున్నట్లు తెలిసింది.