భార్య తలతో నడివీధిలో సంచారం

భార్య తలతో నడివీధిలో సంచారం

పుణె: కట్టుకున్నవాడే కాలయముడు కావడమంటే అక్షరాల ఇదేనేమో.. పుణెలో ఓ కిరాతక వృద్ధుడు ఓ చేతిలో గొడ్డలి, మరో చేతిలో నరికేసిన తన భార్య తల పట్టుకొని.. నడివీధిలో కాలయముడిలా నడుచుకుంటూపోయాడు. ఈ దృశ్యాన్ని చూసినవారికి దిగ్భ్రాంతితో సొమ్మసిల్లినంత పనైంది. వారు తేరుకునేలోపే ట్రాఫిక్ పోలీసులు ఈ వ్యక్తిని నిలువరించి అరెస్టు చేశారు.

మహారాష్ట్రలోని పుణెలో శుక్రవారం ఉదయం జరిగిన ఈ ఘటన తాలుకు మొబైల్ వీడియో దృశ్యాలు దిగ్భ్రాంతికి గురిచేస్తున్నాయి. 60 ఏండ్ల రామచంద్ర చవన్ వాచ్మ్యాన్గా పనిచేస్తున్నాడు. తన భార్య (55)  ఎవరితోనో అక్రమ సంబంధం కలిగివుందనే అనుమానంతో గొడ్డలితో ఆమె తలను నరికేశాడు. అంతేకాకుండా ధోతి, కుర్తా ధరించిన అతను భార్య తలను ఓ చేతిలో, గొడ్డలిని ఓ చేతిలో పట్టుకొని నడివీధిలో నడుచుకుంటు వెళ్లడం చూసినవారిని దిగ్భ్రాంత పరిచింది.