ఒక్కొక్కరికి ఒక్కో ముద్దుపేరు ఉండటం సహజం. వారి ప్రవర్తనతో గానీ, అలవాట్లు.. ఇష్టాలతోగానీ, కనిపించే తీరుతోగానీ.. ఇలా చెప్పుకుం‍టూ వెళ్తే.. చాలా రకాలుగా మారుపేర్లు, ముద్దుపేర్లు వస్తూంటాయి. కొన్ని ముద్దు పేర్లు మాత్రం స్థిరపడిపోతాయి కూడా. ఇలాగే ప్రముఖ బాలీవుడ్‌ నటి అయినటువంటి ఆలియా భట్‌కి కూడా ఓ చిన్న కథ ఉంది. అదేంటో చూద్దామా! ఆలియా భట్‌.. మగవాళ్ల కోసం తయారుచేసిన డియోడరెంట్స్‌ని వాడుతుందని బాలీవుడ్‌లో చెవులు కొరుక్కుంటారట. అది సరే.. ఆలియాను ఆమె ఫ్రెండ్స్‌ ప్రేమగా.. ఇంటోవాళ్లు్ల ముద్దుగా ఆలూ అని పిలుచుకుంటారని ఆమె అభిమానులకు తెలిసే ఉంటుంది. అయితే ఆలియా నుంచి ఆలూ అని రాలేదట. ఆమె చిన్నప్పుడు చబ్బీ చబ్బీగా ఉండటం వల్ల వాళ్లమ్మ సోనీ రాజ్‌దాన్‌ ‘ఆలూ’ అని పిలవడం మొదలుపెట్టిందట. తర్వాత అదే ముద్దు పేరుగా సెట్‌ అయిపోయిందని మూవీ వెబ్‌సైట్స్‌ ఇన్‌ఫో! ఇవి చదవండి: పద్నాలుగేళ్ల వయసులోనే దేశాధ్యక్షుడు

బాలీవుడ్‌  టాప్‌ హీరోయిన్‌ అలియా భట్‌ నిర్మాతగా మారి విజయాన్ని అందుకున్నారు.ప్రముఖ ఓటీటీ వేదిక అమెజాన్‌ ప్రైమ్‌ వీడియోతో కలిసి ఆమె 'పోచర్‌' అనే వెబ్‌సిరీస్‌ను నిర్మించారు. ఎమ్మీ అవార్డు విన్నర్‌, దర్శకుడు రిచీ మెహతా రూపొందించిన క్రైమ్‌ సిరీస్‌ ఫిబ్రవరి 23 నుంచి అమెజాన్‌లో స్ట్రీమింగ్‌ అవుతుంది. హిందీ, తెలుగు, తమిళ, కన్నడ, మలయాళ భాషల్లో అందుబాటులోకి వచ్చిన ఈ వెబ్‌ సిరీస్‌కు మంచి ఆదరణ దక్కుతుంది. (ఇదీ చదవండి:  వరుణ్‌ తేజ్‌- లావణ్య పూజలు.. కారణం ఇదేనా..?) తాజాగా పోచర్‌ సిరీస్‌ గురించి అలియాభట్‌ ఇలా తెలిపింది. ఈ వెబ్‌ సిరీస్‌ గురించి మంచి రెస్పాన్స్‌ రావడం ఎంతో ఆనందంగా ఉందని ఆమె చెప్పింది. తన ఇంట్లోని టీవీ ముందు నిలబడి పెంపుడు పిల్లితో  ఉన్న ఫోటోను షేర్‌ చేసింది. వెబ్ సిరీస్ విడుదలైన రోజునే భారతదేశంలో నంబర్ వన్‌గా నిలవడం ఎంతో సంతోషాన్ని ఇచ్చిందని పేర్కొంది. ప్రస్తుతం కూడా పోచర్‌ వెబ్‌ సిరీస్‌ టాప్‌లో ఉంది. సిరీస్ చూడని వారు త్వరగా చూడాలని ఆమె కోరింది. ఇందులో నిమిషా సజయన్, రోషన్ మాథ్యూ, దివ్యేంద్రు భట్టాచార్య ప్రధాన పాత్రలలో కనిపించారు. కథ ఏంటి..? ఈ కథ 2015 నేపథ్యంలో నడుస్తూ ఉంటుంది. నిమిషా సజయన్ (మాల) తండ్రి చేసిన పాపానికి పరిహారంగా అడవిలోని వన్య మృగాలను రక్షించాలని ఆమె నిర్ణయించుకుంటుంది. ఏనుగు దంతాల కోసం 18 ఏనుగులను చంపేశారనే వార్త బయటకి రావడంతో 'మాల' నివ్వెరపోతుంది. ఏనుగులను ఎవరు చంపుతున్నారు..? ఏనుగు దంతాల రవాణా ఎక్కడి నుంచి సాగుతోంది..? అవి ఎక్కడికి చేరుకుంటున్నాయి..? మొత్తం ఈ నెట్ వర్క్‌ వెనుక ఉండి నడిపిస్తున్నదెవరు..? అనేది తెలుసుకోవడం కోసం ఒక టీమ్ బరిలోకి దిగుతుంది. అందులో మాల కూడా భాగం అవుతుంది. ఈ కేసులో ముందుకు వెళుతున్న కొద్దీ వాళ్లకి తెలిసే నిజాలు ఏంటి..? అనేది తెలుసుకోవాలంటే సిరీస్‌ చూడాల్సిందే.. కథను నిదానంగా చెప్పడం వల్ల నిడివి పెరిగిపోయింది. స్క్రీన్ ప్లేలో కొన్ని లోపాలు .. ఇన్వెస్టిగేషన్‌లో వేగం తగ్గడం.. కథలో పెద్దగా లేని ట్విస్టులు .. ప్రధాన మైనస్‌గా ఉన్నాయి. View this post on Instagram A post shared by Alia Bhatt 💛 (@aliaabhatt)

ప్రతిష్టాత్మక 69వ ఫిలింఫేర్‌ అవార్డ్స్ జాబితా వచ్చేసింది. జనవరి 28న గుజరాత్‌లోని గాంధీనగర్‌లో జరిగిన ఓ కార్యక్రమంలో ఈ పురస్కారాలను ప్రకటించారు. 2023లో విడుదలైన చిత్రాలనే ఈ అవార్డులకు ఎంపిక చేశారు. విక్రాంత్ మాస్సే-విధు వినోద్ చోప్రా చిత్రం 12th ఫెయిల్ ఉత్తమ చిత్రంగా నిలిచింది. ఎలాంటి అంచనాలు లేకుండా విడుదలైన ఈ చిత్రం బాక్సాఫీస్‌ వద్ద దుమ్మురేపిన సంగతి తెలిసిందే! బాలీవుడ్‌ స్టార్‌ జంట రణబీర్ కపూర్- అలియా భట్ ఉత్తమ హీరో, హీరోయిన్‌ అవార్డును ఎగరేసుకుపోయారు. యానిమల్‌ చిత్రానికిగానూ రణబీర్‌ కపూర్‌ ఎంపికైతే.. రాఖీ ఔర్‌ రాణీకి ప్రేమ్‌ కహానీ చిత్రానికి గాను అలియాభట్‌ ఎంపికైంది. 12th ఫెయిల్ చిత్రాన్ని తెరకెక్కించిన విధు వినోద్‌ చోప్రాకు ఉత్తమ డైరెక్టర్‌గా అవార్డు దక్కింది. 69వ ఫిలింఫేర్‌ అవార్డుల జాబితా  ♦ ఉత్తమ చిత్రం: 12th ఫెయిల్‌ ♦ ఉత్తమ చిత్రం (క్రిటిక్స్‌): జొరామ్‌ ♦ ఉత్తమ నటుడు: రణ్‌బీర్‌ కపూర్‌ (యానిమల్‌) ♦ ఉత్తమ నటుడు (క్రిటిక్స్‌): విక్రాంత్‌ మెస్సె (12th ఫెయిల్‌) ♦ ఉత్తమ నటి: అలియా భట్‌ (రాఖీ ఔర్‌ రాణికి ప్రేమ్‌ కహానీ) ♦ ఉత్తమ నటి (క్రిటిక్స్‌): రాణీ ముఖర్జీ (మిస్సెస్‌ ఛటర్జీ Vs నార్వే), షఫాలీ షా (త్రీ ఆఫ్‌ అజ్‌) ♦ ఉత్తమ దర్శకుడు:  విధు వినోద్‌ చోప్రా (12th ఫెయిల్‌) ♦ ఉత్తమ సహాయ నటుడు: విక్కీ కౌశల్‌ (డంకీ) ♦ ఉత్తమ సహాయ నటి: షబానా అజ్మీ (రాఖీ ఔర్‌ రాణి కీ ప్రేమ్‌ కహానీ) ♦ ఉత్తమ గీత రచయిత: అమితాబ్‌ భట్టాచార్య(జరా హత్కే జరా బచ్కే) ♦ ఉత్తమ మ్యూజిక్‌ ఆల్బం: (యానిమల్‌ ) ♦ ఉత్తమ నేపథ్య గాయకుడు: భూపిందర్‌ బాబల్‌ ( అర్జన్‌ వెయిలీ- యానిమల్‌) ♦ ఉత్తమ నేపథ్య గాయకురాలు: శిల్పా రావు (చెలెయ- జవాన్‌) ♦ ఉత్తమ కథ: అమిత్‌ రాయ్‌ (OMG 2) ♦ ఉత్తమ స్క్రీన్‌ప్లే: విధు వినోద్‌ చోప్రా (12th ఫెయిల్‌) ♦ ఉత్తమ డైలాగ్‌: ఇషితా మొయిత్రా (రాఖీ ఔర్‌ రాణి కీ ప్రేమ్‌ కహానీ) ♦ ఉత్తమ బ్యాక్‌గ్రౌండ్‌ స్కోర్‌: హర్షవర్ధన్‌రామేశ్వర్‌ (యానిమల్‌) ♦ ఉత్తమ సినిమాటోగ్రఫీ : అవినాష్ అరుణ్ ధావారే (త్రీ ఆఫ్‌ అజ్‌) ♦ ఉత్తమ కాస్ట్యూమ్‌ డిజైనర్‌ : సచిన్ లవ్లేకర్, దివ్వ్యా గంభీర్, నిధి గంభీర్ (స్యామ్‌ బహదూర్) ♦ ఉత్తమ కొరియోగ్రఫీ : గణేష్ ఆచార్య ( వాట్‌ జుమ్కా?- రాఖీ ఔర్‌ రాణి కీ ప్రేమ్‌ కహానీ)

'పుష్ప' ఇప్పుడు దేశంలో​ ట్రెండింగ్​లో ఉన్న పేరు ఇదే. ఈ సినిమాతో అల్లు అర్జున్ నటనకుగాను తాజాగా జాతీయ అవార్డు దక్కిన విషయం తెలిసిందే. అంతేకాకుండా ఈ అవార్డు అందుకుంటున్న టాలీవుడ్‌ తొలి హీరో కూడా ఆయనే.. ఈ అవార్డుతో పాటు విజేతలకు కేంద్ర ప్రభుత్వం ఏమేం ఇస్తుందని సోషల్‌మీడియాలో నెటిజన్లతో పాటు ఆయన అభిమానులు  వెతుకుతున్నారు. జాతీయ చలనచిత్ర అవార్డలను అందుకున్న విజేతలకు స్వర్ణ కమలం, రజత కమలంతో పాటు నగదు బహుమతిని అందిస్తారు. అంతేకాకుండా గుర్తింపుగా ప్రశంసా పత్రాలను కూడా అందిస్తారు. కానీ జ్యూరీ నుంచి  అభినందనలు అందుకున్న సినిమాల విషయంలో కేవలం సర్టిఫికేట్ మాత్రమే అందిస్తారు. జ్యూరీ స్పెషల్ విజేతలకు మాత్రం ప్రశంసా పత్రంతో పాటు నగదు బహుమతి కూడా అందిస్తారు. (ఇదీ చదవండి: డిసెంబర్‌ 12న విడుదల కానున్న రజనీకాంత్‌ మరో సినిమా) 2021 ఏడాదికి గాను 69వ జాతీయ అవార్డు అందుకోబోతున్న వారి జాబితా ఇప్పటికే విడుదలైంది. ఇందులో భాగంగా ఉత్తమ నటుడిగా అవార్డుకు ఎంపికైన అల్లు అర్జున్, ఉత్తమ నటీమణులుగా ఎంపికైన అలియా భట్, కృతి సనన్‌లకు ఒక్కోక్కరికి రూ.50 వేల నగదుతో పాటు రజత కమలాన్ని కేంద్ర ప్రభుత్వం అందిస్తుంది. ► ఉత్తమ చిత్రం అవార్డుల కోసం 28 భాషల నుంచి 280 సినిమాలు పోటీ పడితే.. బెస్ట్ మూవీగా ఎంపికైన రాకెట్రీ: ది నంబీ ఎఫెక్ట్‌కు  రూ.2.50 లక్షల నగదుతో పాటు స్వర్ణ కమలాన్ని అందజేయనున్నారు. ► ఉత్తమ వినోద చిత్రం అవార్డు కోసం  23 భాషల నుంచి 158 చిత్రాలు పోటీపడగా ఈ అవార్డుకు ఎంపికైన RRR సినిమాకు రూ. 2 లక్షల నగదుతో పాటు స్వర్ణ కమలం దక్కించుకోనుంది. ► గోదావరి అనే మరాఠ సినిమాకు బెస్ట్ డైరెక్టర్​గా  జాతీయ అవార్డు గెలుచుకున్న నిఖిల్ మహాజన్‌కు  రూ.2.50 లక్షల నగదు బహుమతి, రజత కమలం అందుకుంటారు ► ఉత్తమ జాతీయ సమగ్రత చిత్రంగా ఎంపికైన ది కశ్మీర్ ఫైల్స్​కు రూ. 1.50 లక్షల నగదుతో పాటు రజత కమలం అందుకుంటారు. ఈ సినిమాకు రెండు అవార్డులు వచ్చిన విషయం తెలిసిందే ► జ్యూరీ స్పెషల్ అవార్డుకు ఎంపికైన షేర్షా సినిమాకు రూ.2 లక్షల నగదుతో పాటు రజత కమలాన్ని కేంద్ర ప్రభుత్వం అందిస్తుంది.

బాలీవుడ్ సూపర్‌స్టార్‌లపై కంగనా రనౌత్ తాజాగా భారీ కామెంట్లే చేసింది. హృతిక్ రోషన్‌తో తనకున్న అనుబంధాన్ని మరోసారి పరోక్షంగా బయటపెట్టింది నటి కంగనా. బాలీవుడ్‌లో ఒక వ్యక్తి తన ప్రతినిధిగా (కంగనా) నటిస్తూ ఇతరులను స్కామ్ చేస్తున్నాడని, వారి సోషల్‌ మీడియా ఖాతాలను హ్యాక్ చేస్తున్నాడని కొందరు ఆమెకు చెప్పడంతో కంగనా రియాక్ట్‌ అయింది. ఒకప్పుడు హృతిక్‌గా నటిస్తూ కొందరు తనకు కూడా పోస్ట్‌ చేశారని అప్పుడు తాను కూడా మోసపోయానని కంగనా గుర్తు చేసుకుంది. బాలీవుడ్ కక్షలు, బంధుప్రీతిపై ఎప్పుడూ తన స్వరం పెంచే కంగనా తాజాగా ఓ బాలీవుడ్ నటుడిని టార్గెట్ చేసింది. ఓ సూపర్ స్టార్ తనను డేట్‌కు రమ్మని అడిగాడని పేరు చెప్పకుండానే చెప్పింది కంగనా. అంతే కాదు పరోక్షంగా మరోసారి హృతిక్ రోషన్‌పై మండిపడింది. హృతిక్‌ రోషన్‌ని టార్గెట్‌! హృతిక్ రోషన్‌తో తనకున్న ఎఫైర్ గురించి కంగనా రనౌత్ మరోసారి ఓపెన్ అయ్యింది. కంగనా తన ఇన్‌స్టాగ్రామ్ స్టోరీలో ఒకదాని తర్వాత ఒకటి అనేక పోస్ట్‌లను షేర్‌ చేసింది. తన ఖాతా కూడా హ్యాక్ అయిందని ఆమె ఇలా పేర్కొంది.  'బాలీవుడ్‌ ఫిల్మ్ మాఫియా ఎప్పుడూ నేర కార్యకలాపాలలో పాల్గొంటుంది. గతంలో నేను డేటింగ్ చేసిన సూపర్ స్టార్ కూడా ఇలాంటి పనే చేశాడు. అతను నాతో చాట్ చేయడానికి వేర్వేరు నంబర్లు, సోషల్‌ మీడియా ఖాతాలను ఉపయోగించాడు. ఒకానొక సమయంలో అతను నా ఖాతాను కూడా హ్యాక్ చేసి తప్పుగా ఆపరేట్ చేశాడు. ఆ సమయంలో అతను విడాకులు తీసుకుంటున్నాడని నేను అనుకున్నాను, కానీ అతని అనుమానాస్పద ప్రవర్తనకు దానితో సంబంధం లేదని నాకు తరువాత తెలిసింది.' అని కంగనా పేర్కొంది. 'ఫిల్మ్ మాఫియా' తరగతి బాలీవుడ్‌లో ఇదొక్కటే కాదు, ఒక సినిమా బాక్సాఫీస్ కలెక్షన్ల విషయానికి వస్తే 'ఫిల్మ్ మాఫియా' ఎలా పనిచేస్తుందో కూడా కంగనా ప్రస్తావించింది. 'సినిమా విడుదల అయ్యాక వారు పెద్దమొత్తంలో నకిలీ టిక్కెట్లను కొనుగోలు చేస్తారు. అలా ఆ సినిమా కలెక్షన్స్‌ను తారుమారు చేస్తారు. దానిని జనాలకు ఎక్కువగా చూపుతారు. ఈ మాఫియా ఒక స్పై గా కొందరి కోసం పనిచేస్తుంది. ప్రముఖుల వాట్సాప్ డేటాను కూడా కొనుగోలు చేస్తారు, అలా నా సినిమా ఒప్పందాలు, వ్యక్తిగత జీవితానికి సంబంధించిన విషయాలను కూడా తస్కరించారు. (ఇదీ చదవండి: 'కల్కి' టీమ్ ముందు జాగ్రత్త.. దానికి భయపడి!) ఈ దోపిడీల గురించి నేను ఎల్లప్పుడూ చూస్తున్నాను, చెబుతున్నాను. ఇలాంటి పనులు చేసేది ప్రతిభ లేని వారు మాత్రమే. అలాంటి వారు తెలివి తక్కువ వ్యక్తులు.... వారికి నేర ప్రవృత్తి ఉంది... చాలా భయానకంగా ఉంది... @cybercrimehelp.mumbai దయచేసి చర్య తీసుకోండి. అని పరోక్షంగా రణబీర్ కపూర్,  అలియాను కంగనా లాగింది.  రణబీర్‌పై ఆరోపణలు? కంగనా మరొక ఇన్‌స్టా కథనంలో ఇలా రాసింది, 'బాలీవుడ్‌లో ఉమనైజర్ అని పిలువబడే మరో సూపర్ స్టార్ నా ఇంటికి వచ్చి అతనితో డేటింగ్ చేయమని అడిగాడు. అయితే దీనిని పూర్తిగా గోప్యంగా ఉంచాలన్నాడు. ఎందుకని కారణాన్ని నేను అడిగినప్పుడు, అతను తాను 'పాపా కి పరి'తో డేటింగ్ చేస్తున్నానని చెప్పాడు. అంటే వారి మధ్య ప్రేమ లేదు. అతని కోరికకు నేను అంగీకరించలేదు. తిరస్కరించాను. ఆ తర్వాత వివిధ నంబర్ల నుంచి నాకు కాల్ చేయడం ప్రారంభించాడు. అతని నంబర్లన్నీ బ్లాక్ చేశాను. అప్పటి నుంచి అతను నా సోషల్‌ మీడియా ఖాతాలతో పాటు.. నా ఫోన్లను కూడా  హ్యాక్ చేయడం ప్రారంభించాడు. తర్వాత అది నేను గ్రహించాను. చివరకు తన పెళ్లి కూడా ఒక బూటకం. అతను ఇ‍ష్టంతో పెళ్లి చేసుకోలేదు. తన సినిమాను ప్రమోట్ చేసేందుకు చాలా ఎత్తుగడలు వేశాడు. అవన్నీ తెలుసుకొని నేను ఆశ్చర్యపోయాను. ఎవరైనా ఇంత నైతికంగా అవినీతికి పాల్పడతారా అని నమ్మలేకపోయాను. వాళ్లు మనుషులు కాదు, రాక్షసులు.. అందుకే వారిని నాశనం చేయాలని నిర్ణయించుకున్నాను'. 'ధర్మానికి ఉన్న ముఖ్య ఉద్దేశ్యం ఆధర్మాన్ని నాశనం చేయడమే. ఇదే శ్రీ కృష్ణుడు గీతలో చెప్పాడు. కంగనా తెలిపిన ఈ స్టోరీలో డైరెక్ట్‌గా  ఎవరి పేరు చెప్పకున్నా పరోక్షంగా రణబీర్ కపూర్, అలియాకు లింక్ అయ్యేలా చెబుతూ వచ్చింది. ఇదే విషయాన్ని ఆమె అభిమానులు కూడా కామెంట్ల రూపంలో చెబుతున్నారు.

‘‘నా సినిమా బావుంటుంది అని గ్యారెంటీగా చెప్పగలను కానీ ఎప్పుడు విడుదల వుతుందో మాత్రం గ్యారెంటీగా చెప్పలేను’’ అని దర్శకుడు రాజమౌళి తన సినిమా రిలీజ్‌ డేట్స్‌పై సరదాగా జోక్‌ చేస్తుంటారు. దానికి కారణం ఆయన సినిమాలన్నీ అనుకున్న తేదీకి ఎక్కువ శాతం విడుదల కాకపోవడమే. ఇప్పుడు తాజాగా ‘ఆర్‌ఆర్‌ఆర్‌’ కూడా ముందుగా ప్రకటించిన తేదీకి కాకుండా వేరే డేట్‌కి రిలీజ్‌ కానుందనే టాక్‌ నడుస్తోంది. ఎన్టీఆర్, రామ్‌చరణ్‌ హీరోలుగా రాజమౌళి తెరకెక్కిస్తున్న పీరియాడికల్‌ మూవీ ‘ఆర్‌ఆర్‌ఆర్‌’. ఎన్టీఆర్‌ సరసన హాలీవుడ్‌ నటి ఒలీవియా మోరిస్, చరణ్‌ సరసన బాలీవుడ్‌ నటి ఆలియా భట్‌ నటిస్తున్నారు. డీవీవీ దానయ్య నిర్మాత. ప్రస్తుతం వికారాబాద్‌ అడవుల్లో ఎన్టీఆర్, చరణ్‌లపై ఓ యాక్ష¯Œ  సన్నివేశాన్ని చిత్రీకరిస్తున్నారు. మొదట ఈ సినిమాను ఈ ఏడాది జూలై 31న విడుదలæ చేయాలనుకున్నారు. ఇప్పుడు అక్టోబర్‌ 2న విడుదల కానుందని తెలిసింది. అక్టోబర్‌ 2 నేషనల్‌ హాలిడే (గాంధీ జయంతి) కావడంతో ‘ఆర్‌ఆర్‌ఆర్‌’ భారీ ఓపెనింగ్స్‌ కొల్లగొడుతుందని ఊహించవచ్చు. సుమారు 10 భాషల్లో ఈ సినిమా విడుదల కానుంది.

‘స్టూడెంట్‌ ఆఫ్‌ ది ఇయర్‌’లాంటి రొమాంటిక్‌ కామెడీ–డ్రామాలో  ఫ్యాషన్‌ ఎడిక్ట్‌ శనయగా మెరిసినా, ‘రాజీ’లాంటి స్పై థ్రిల్లర్‌లో  క్విక్‌ లెర్నర్‌ సెహ్మత్‌ఖాన్‌గాఅలరించినా...నటనలో తనదైన ముద్ర ఉండేలా చూసుకుంటుంది బాలీవుడ్‌ ముద్దుగుమ్మ ఆలియాభట్‌. ఈ అమ్మడు త్వరలో మన తెలుగు సినిమాలో నటించనుందనే వార్తలు షికారు చేస్తున్నాయి. ‘ప్రతి సినిమా ఏదో ఒక పాఠం నేర్పుతుంది’ అంటున్న ఆలియా అంతరంగ తరంగాలు ఇవి... కొత్త కొత్తగా... నేర్చుకోవడానికి సిద్ధంగా ఉండాలేగానీ ప్రతి సినిమా, ప్రతి పాత్ర ఏదో కొత్త విషయాన్ని నేర్పుతూనే ఉంటుంది. ‘ఇలాంటి పాత్రలు మాత్రమే చేస్తాను’ అని ఎవరూ అనుకోరు. నేను కూడా అంతే. కొత్త కొత్త పాత్రలు చేయాలనుకుంటున్నాను. బయోపిక్, యాక్షన్, సైన్స్‌–ఫిక్షన్‌ సినిమాలు చేయాలని ఉంది. ఇలా కూడా... ప్రతి సినిమాను ‘ఇదే నా మొదటి’ సినిమా అన్నట్లుగా చేస్తాను. అప్పుడే జోష్‌ వస్తుంది. ఒక క్యారెక్టర్‌ కోసం ప్రిపరేషన్‌ అవసరమేగానీ అదీ లేకుండా కూడా బాగానే ఉంటుంది. సహజంగా ఉంటుంది. నా విషయానికి వస్తే షైనింగ్‌ డైమండ్‌లా తెరపై కనిపించాలనుకోవడం లేదు. పర్సనల్‌ హ్యాంగోవర్‌ సినిమాల్లో చేసే క్యారెక్టర్‌ను ఇంటికి తీసుకెళ్లే అలవాటు నాకు లేదు. అయితే కొన్నిసార్లు తప్పకపోవచ్చు. ‘హైవే’ సినిమాలో నేను చేసిన ‘వీర’ పాత్ర అలాంటిదే. అందులో లోతుగా లీనమైపోయాను. ఒక దశలోనైతే...‘కొండ ప్రాంతాల్లోకి వెళ్లాలని ఉంది, అక్కడే నివసించాలని ఉంది’...అంటూ నాన్నతో సీరియస్‌గా ఛాట్‌ చేసేదాన్ని. అది ఆల్కహాలిక్‌ హ్యాంగోవర్‌ కాదు. పర్సనల్‌ హ్యాంగోవర్‌. వీర హ్యాంగోవర్‌. బ్రేక్‌ ‘బ్రేక్‌ లేకుండా ఏడాది పొడుగునా పనిచేస్తాను’ అనే మాట వింటుంటాం.కానీ నేను మాత్రం  ఈ రకం కాదు. ఏడాదిలో కనీసం రెండు బ్రేక్‌లైనా ఉండాల్సిందే. బ్రేక్‌లో ప్రయాణాలు చేస్తాను. జీవితాన్ని ఆస్వాదిస్తాను. అందుకే ఈ బ్రేక్‌ను ‘విశ్రాంతి’ అనుకోను. జీవితాన్ని ఆస్వాదించడానికి ఒక అవసరం, అనుభవం అనుకుంటాను. ఆ అనుభవం వృథా పోదు. జీవితంలో లేదా సినిమాల్లో ఉపయోగపడుతుంది.

టాలీ, కోలీ, బాలీ.. అన్ని వుడ్‌లనూ దాటిలవేరియా అన్ని అడవు(డ్‌)లకూ పాకింది.గుయ్‌.. గుయ్‌ మంటూ..ఈ వుడ్డునుంటావా, ఆ వుడ్డునుంటావాఅని అడిగేవరకూ ఆగడం లేదు. పడవెక్కి ప్రేమవుడ్డుకు.. సారీ.. ప్రేమఒడ్డుకుసాగిపోతోంది. అన్ని వుడ్‌ల ప్రేమా ఫలించాలి.  స్క్రీన్‌ మీద లవ్‌బర్డ్స్‌కి లైఫ్‌లో కూడా లవ్‌ వైరస్‌  సోకితే.. అభిమానులు, ఆడియన్స్‌ ఎంటర్‌టైన్‌మెంట్‌ వాక్సిన్‌ వేసుకుంటారు. అలా లవేరియాతో అయిదు జంటలు ఎంజాయ్‌ చేస్తున్నాయి. ఎవరో తెలుసుకోండి... పండగ చేసుకోండి ‘వాలెంటైన్స్‌డే’ను.   ఆ దేవుడే పంపాడు ఈ సంక్రాంతికి విశాల్‌ తన పెళ్లిని కన్ఫార్మ్‌ చేశారు. అనీషా ఆళ్ల అనే హైదరాబాద్‌ అమ్మాయిని పెళ్లి చేసుకోబోతున్నట్లు చెప్పారాయన. అనీషా కూడా నటే. ‘పెళ్ళి చూపులు, అర్జున్‌ రెడ్డి’ చిత్రాల్లో ఆమె నటించారు. ‘‘అనీషాతో నా పరిచయం పెళ్లివరకు వెళ్తుందని ఊహించలేదు. తనలో ఎన్నో మంచి క్వాలిటీస్‌  ఉన్నాయి. తను బాస్కెట్‌బాల్‌ నేషనల్‌ ప్లేయర్‌. సోషల్‌ వర్కర్‌ కూడా. మా పెళ్లి అయ్యాక అనీషా సినిమాలు మానేస్తుందని నేను చెప్పలేను. ఆమెను దేవుడే నా కోసం పంపాడు’’ అని విశాల్‌ అంటారు. విశాల్, అనీషా నిశ్చితార్థం మార్చిలో జరగనుందట. పెళ్లి ఆగస్టులో జరగనుందని టాక్‌. పెళ్లి కబురు ఎప్పుడొస్తుందో! కోలీవుడ్‌లో ప్రేమపక్షులు అంటే నయనతార, విఘ్నేష్‌ శివన్‌లే.  లేటెస్ట్‌గా ఆర్య, సాయేషాల పేర్లూ టైటిల్‌ కార్డ్స్‌లో చేరాయి. ఈ ఇద్దరూ కలిసి  ‘గజనీకాంత్‌’ అనే సినిమాలో జంటగా నటించారు. ఈ సినిమా టైమ్‌లోనే ఈ ఇద్దరి మీద కాదల్‌ (ప్రేమ) క్లాప్‌ కొట్టిందట. ఇప్పుడు సూర్య హీరోగా నటిస్తున్న ‘కాప్పాన్‌’ సినిమాలో సాయేషా కథానాయికగా నటిస్తుండగా, ఆర్య ఓ కీలక పాత్ర చేస్తున్నారు. అతి త్వరలో ఆర్య, సాయేషాల వివాçహానికి సంబంధించి అధికారిక ప్రకటన రావొచ్చనే వార్త వైరల్‌ అయింది  తమిళ సినీ పరిశ్రమలో.  ఫొటోలతో కన్ఫార్మ్‌  బాలీవుడ్‌ కూడా లవ్‌ ఫ్లూతో ఫ్లేమ్‌ అవుతోంది. నటుడు, దర్శకుడు  ఫర్హాన్‌ అఖ్తర్, నటి షిబానీ దండేకర్‌ ప్రేమలో ఉన్నారని ఎప్పటినుంచో వినపడుతోంది. సోషల్‌ మీడియాలో  కనపడుతోంది కూడా. గతేడాది అక్టోబర్‌లో ఫర్హాన్‌ అఖ్తర్, షిబానీ ఇద్దరూ ఒకేఫొటోను ఇన్‌స్టాగ్రామ్‌లో పోస్ట్‌ చేశారు. ఫర్హాన్‌ లవ్‌ సింబల్‌ను జతపెట్టి మరీ పోస్ట్‌ చేశారు. దీంతో వీరిద్దరి లవ్‌కి కన్ఫర్మేషన్‌ వచ్చినట్టయింది.  ‘‘మీరు ఫర్హాన్‌తో ప్రేమలో ఉన్నారా?’’ అని షిబానీని అడిగితే ‘‘మేం పోస్ట్‌ చేసే ఫొటోలను బట్టే అందరూ అర్థం చేసుకోవాలి’’ అని జవాబు ఇచ్చారు. దాంతో ఈ ఏడాదే వీళ్లిద్దరూ మ్యారేజ్‌ చేసుకోనున్నారని బాలీవుడ్‌లో ఒకటే హోరు.  రోహ్మాన్‌తో ప్యార్‌ మే 1994 మిస్‌ యూనివర్స్‌ సుష్మితా సేన్‌ ఇప్పుడు సినిమాల్లో రేర్‌ అయినా పబ్లిసిటీలో జోరుగా ఉన్నారు... రోహ్మన్‌ షాల్‌ అనే వ్యక్తితో లవ్‌లో పడి. ఇటీవల ఢిల్లీలో జరిగిన ఓ పెళ్లిలో ఈ జంట  వేసిన స్టెప్స్‌ సూపర్‌ హిట్‌. ‘రోహ్మాన్‌తో ప్యార్‌ మే’  కదా అంటే సుష్మితా నవ్వుతున్నారు.  ‘మీ పెళ్లెప్పుడు?’  అంటే మాత్రం ‘నా పెళ్లి విషయం మీకెందుకు’ అంటూ  మండిపడతున్నారట. కానీ మీడియాలో అయితే వీళ్లిద్దరూ ఈ ఏడాది వివాహం చేసుకోబోతున్నారనే న్యూస్‌ స్ట్రీమ్‌ అవుతోంది. సుష్మితా సేన్‌కు రినీ సేన్, అలీసా సేన్‌ అనే ఇద్దరు దత్తపుత్రికలు ఉన్న సంగతి తెలిసిందే. లవ్‌ ఫర్‌ హార్లిన్‌  ‘ఉరి: ది సర్జికల్‌స్ట్రైక్‌’తో 200 కోట్ల క్లబ్‌లో చేరాడు విక్కీ కౌశల్‌. పర్సనల్‌ లైఫ్‌ను లవ్‌ క్లబ్‌లో రిజిష్టర్‌ చేయించుకున్నాడు. హార్లిన్‌ సేథి అనే అమ్మాయితో ప్రేమలో ఉన్నట్లు చెప్పారు విక్కీ. ‘‘కామన్‌ ఫ్రెండ్‌ ద్వారా ఓ పార్టీలో హార్లిన్‌ను కలిశాను. లాస్ట్‌ ఇయర్‌ నుంచే తనతో డేటింగ్‌లో ఉన్నా. ఒకరినొకరం తెలుసుకుంటున్నాం. మా రిలేషన్‌ బాగుంది’’ అని చెప్పారు విక్కీ కౌశల్‌. మొహబ్బతే... తాప్సీ–మాథ్యాస్‌ బో,  శ్రుతీహాసన్‌ – మైఖేల్‌ కోర్సలే, ఇలి యానా –ఆండ్రూ నీబోన్, నటాషా దలాల్‌–వరుణ్‌ధావన్, ఆలియా భట్‌–రణ్‌బీర్‌ కపూర్, రియా కపూర్‌–కరణ్‌ బులానీ, టైగర్‌ ష్రాఫ్‌–దిశా పాట్నీ... ఈ జంటలు ప్రేమలో మునిగి ఉన్నట్లు  వాళ్ల తీరు స్పష్టం చేస్తోంది. వీళ్ల ప్యార్‌ ఈ యేడాదైనా మ్యారేజ్‌ టేక్‌ తీసుకుంటుందా? చూడాలి!  ఇంతకీ ఇక్కడ ప్రస్తావించిన జంటల్లో రియా కపూర్‌ ఎవరో అనుకునేరు... ప్రముఖ నటుడు అనిల్‌ కపూర్‌ కుమార్తె, నటి సోనమ్‌కపూర్‌ సోదరే  రియా. రింగులు మార్చుకున్నారు నిశ్చితార్థంతో  సగం పెళ్లి బంధంలోకి అడుగుపెట్టిన కథానాయికలూ ఉన్నారు.  జో అనే వ్యక్తితో రిచా గంగోపాధ్యాయ, జార్జ్‌ పానాయియోటోన్‌తో అమీ జాక్సన్, గుణ జక్కాతో అనీషా అంబ్రోస్‌లకు ఎంగేజ్‌మెంట్‌ అయింది. వీళ్ల పెళ్లి తేదీలు ఇంకా ఖరారు కాలేదు. జతకూడేనా? టాలీవుడ్‌లో ప్రేమ, పెళ్లి  టాపిక్స్‌ వస్తే చాలు వెంటనే ప్రభాస్, రానా గుర్తొస్తారు. వీరితోపాటు వరుణ్‌ తేజ్, శర్వానంద్, నితిన్, నిఖిల్, విజయ్‌ దేవరకొండ, సాయిధరమ్‌ తేజ్, అఖిల్, నాగశౌర్య, రాజ్‌ తరుణ్‌ వంటి హీరోల స్టేటస్‌ సింగిల్‌గానే ఉంది. వచ్చే ప్రేమికుల రోజుకైనా వీరికి వాళ్ల వేలెంటైన్‌ దొరికేనా.. జత కూడేనా? కాలం కాదల్‌తో జవాబిస్తుందేమో చూద్దాం! ప్రేమించు.. పెళ్లాడు ఇటీవల ప్రేమ వివాహలు చేసుకున్న జంటలు చాలానే ఉన్నాయి. మలయాళ నటి భావన.. నిర్మాత నవీన్‌ను, శ్రియ తన ప్రేమికుడు అండ్రూ కృశ్చేవ్‌ను,  కలర్స్‌ స్వాతి పైలట్‌ వికాస్‌ను పెళ్లి చేసుకున్నారు. అంతేకాదు నటి శ్వేతాబసు ప్రసాద్‌ గత డిసెంబర్‌ 13న పుణేలో రోహిత్‌ మిట్టల్‌కు జీవితభాగస్వామి అయ్యారు.  సూపర్‌స్టార్‌ రజనీకాంత్‌ కుమార్తె , దర్శక, నిర్మాత సౌందర్యా రజనీకాంత్‌ వ్యాపారవేత్త  విశాగన్‌ వనంగాముడిని వివాహమాడారు. ఇక బీటౌన్‌ పెళ్లిళ్ల వైపు వెళితే.. దీప్‌వీర్‌ల (దీపికా పదుకోన్‌–రణ్‌వీర్‌ సింగ్‌)  ఇటలీలో జరిగిన డెస్టినేషన్‌ వెడ్డింగ్‌తో ఒకింటి వారయ్యారన్నది సినీ అభిమాన జగమెరిగిన సత్యం.  ప్రియాంకా చోప్రా–నిక్‌ జోనస్‌ (నిక్యాంక)లు కూడా గత డిసెంబర్‌ 1, 2 తేదీల్లో రాజస్థాన్‌లోని జో«ద్‌పూర్‌లో పెళ్లి చేసుకున్నారు. డిసెంబర్‌ 1న క్రిస్టియన్‌ స్టైల్‌లో, డిసెంబర్‌ 2న నార్త్‌ ఇండియన్‌ స్టైల్‌లో ఆ పెళ్లి వేడుకలు జరిగాయి. బాలీవుడ్‌ నటి సోనమ్‌ కపూర్, ఢిల్లీకి చెందిన వ్యాపారవేత్త ఆనంద్‌ ఆహూజాల వెడ్డింగ్‌ పంజాబ్‌ స్టైల్‌లో గత మే 8న జరగింది. సోనమ్‌ కపూర్‌ పెళ్లి జరిగిన రెండు రోజుల తర్వాత మే 10న నేహా« «ధూపియా, అంగద్‌ బేడీల పెళ్లి అయింది.  నటుడు మిలింద్‌ సోమన్, అంకిత కోన్వార్‌..  ఏప్రిల్‌ 22న మహారాష్ట్రియన్‌ వివాహ పద్ధతిలో వైవాహిక జీవితంలోకి అడుగుపెట్టారు.  దర్శక–నిర్మాత దినేష్‌ విజన్‌ దుబాయ్‌కి చెందిన ప్రమీత తన్వర్‌ను,  బాలీవుడ్‌ నటుడు, కమెడియన్‌ కపిల్‌ శర్మ.. గిన్ని చత్రాథ్‌ను పరిణయమాడారు. వీరితో పాటు హిందీ బుల్లితెర నటీనటులు కొందరు గతేడాది మ్యారీడ్‌ లైఫ్‌కు శ్రీకారం చూట్టారు.

స్టార్‌ స్టేటస్‌ని ఎంజాయ్‌ చేస్తున్న హీరోయిన్‌లు పెళ్లి గురించి ప్రస్తావించడానికి ఎక్కువగా ఇష్టపడరు. కెరీర్‌ గ్రాఫ్‌ గురించో.. లేదా పర్శనల్‌ విషయాలు ప్రైవేట్‌గా ఉండటం కోసమో పెళ్లి ఊసెత్తితే చాలు మాట దాటేయటమో లేదా మౌనవ్రతం చేస్తుంటారు.  కానీ ఆలియా భట్‌ అలా కాదు. 30కి ముందే మూడు ముళ్లు వేయించుకుంటానేమో? అంటున్నారు. పెళ్లి విషయం గురించి ఆలియా మాట్లాడుతూ – ‘‘ప్రస్తుతం పెళ్లి మీద ఎటువంటి ఆలోచనలు లేవు. హానెస్ట్‌గా చెప్పాలంటే ఈ విషయం ఇప్పుడు జరగాలి.. అది అప్పుడు జరగాలి అని ప్లాన్‌ చేసుకునే టైప్‌ కాదు నేను. ఆ క్షణంలో చేయాలనిపించింది చేసేస్తా. నా ఉద్దేశంలో ఏదైనా ఎక్స్‌పెక్ట్‌ చేయనప్పుడు జరిగితేనే అసలు కిక్కు. అందరూ నేను ముప్ఫై ఏళ్ల తర్వాత పెళ్లి చేసుకుంటాననుకుంటారేమో. దాని కంటే ముందే చేసుకొని సర్‌ప్రైజ్‌ చేస్తానేమో. నాకు లివ్‌ ఇన్‌ రిలేషన్‌షిప్‌ మీద మంచి ఒపీనియన్‌ లేదు. సహజీవనం సరి కాదనన్నది నా అభిప్రాయం. అందుకే నాకు నచ్చినవాడు దొరికితే ‘ఐలవ్‌ యు. మనం పెళ్లి చేసుకుందాం, కలిసుందాం. పెళ్లి తర్వాత కూడా నేను వర్క్‌ చేస్తాను’ అని చెప్పేస్తాను’’ అని పేర్కొన్నారు ఆలియా భట్‌. ప్రస్తుతం బాలీవుడ్‌ యంగ్‌హీరో రణ్‌బీర్‌తో లవ్‌లో ఉన్నారని టాక్‌. ఈ రిలేషన్‌షిప్‌ని ఉద్దేశిస్తూ ఆలియా ఇలా మాట్లాడి ఉంటారా? అంటే సన్నాయి మేళం వినిపించేదాకా చెప్పలేం.

డైరెక్టర్‌ ప్యాకప్‌ చెప్పారు. వెంటనే కారెక్కి లొకేషన్‌ నుంచి తుర్రుమన్నారు హీరోయిన్‌ ఆలియా భట్‌. ఇంటికి పోలేదు. షాపింగ్‌కి వెళ్లలేదు. మీరు ఊహిస్తున్నట్లు పార్టీలోనూ జాయిన్‌ అవ్వలేదు. డైరెక్ట్‌గా ఇంకో మూవీ లొకేషన్లోకి ‘ఐ యామ్‌ రెడీ’ అంటూ అడుగుపెట్టారు. అంటే... ఆలియా డబుల్‌ షిఫ్ట్‌ చేస్తున్నారు. అయాన్‌ ముఖర్జీ దర్శకత్వంలో అమితాబ్‌ బచ్చన్, రణబీర్‌ కపూర్, ఆలియా భట్‌ ముఖ్య తారలుగా రూపొందుతోన్న సినిమా ‘బ్రహ్మాస్త్ర’. మార్నింగ్‌ ఈ సినిమా షూట్‌ను కంప్లీట్‌ చేసుకుని నెక్ట్స్‌ ‘కళంక్‌’ మూవీ సెట్‌లో జాయిన్‌ అయ్యారు. అభిషేక్‌ వర్మన్‌ దర్శకత్వంలో రూపొందుతోన్న మల్టీస్టారర్‌ మూవీ ఇది. ఇందులో సంజయ్‌దత్, మాధురీ దీక్షిత్, సోనాక్షీ సిన్హా, ఆలియా భట్, వరుణ్‌ ధావన్, అదిత్యారాయ్‌ కపూర్‌ ముఖ్య తారలుగా నటిస్తున్నారు. గురువారంతో ఆలియా ఈ సినిమా సెట్‌లోకి అడుగుపెట్టి 20 రోజులైంది. ‘బ్రహ్మాస్త్ర’, ‘కళంక్‌’ చిత్రాలు వచ్చే ఏడాది రిలీజ్‌ కానున్నాయి. అందుకే రెండు సినిమాలకు డేట్స్‌ ఇచ్చేసి, మార్నింగ్‌ ఒక లొకేషన్‌తో ఈవెనింగ్‌ ఇంకో లొకేషన్‌కి మారుతూ ఆలియా బిజీ బిజీగా ఉంటున్నారు.  మరోవైపు రణబీర్‌ కపూర్‌తో ఆలియా భట్‌ డేటింగ్‌ చేస్తోందన్న వార్తలు బీటౌన్‌లో  హాట్‌టాపిక్‌గా మారాయి.

ఫస్ట్‌ బల్గేరియాలో ముగించారు. నెక్ట్స్‌ ఎక్కడ? ఏం చేద్దాం? అని బిగ్‌ బి అమితాబ్‌ బచ్చన్‌ ఇంట్లో మీటింగ్‌ పెట్టారు ‘బ్రహ్మాస్త్ర’ టీమ్‌. అయాన్‌ ముఖర్జీ దర్శకత్వంలో అమితాబ్‌ బచ్చన్, రణ్‌బీర్‌ కపూర్, ఆలియా భట్, ముని రాయ్‌ ముఖ్య తారలుగా ధర్మ ప్రొడక్షన్స్‌ పై కరణ్‌ జోహార్‌ నిర్మిస్తోన్న చిత్రం ‘బ్రహ్మాస్త్ర’. తొలి షెడ్యూల్‌ను బల్గేరియాలో కంప్లీట్‌ చేసిన మూవీ యూనిట్‌ నెక్ట్స్‌ షెడ్యూల్‌ కోసం అమితాబ్‌ బచ్చన్‌ ఇంట్లో డిస్కస్‌ చేస్తున్నారు. సో.. ‘బ్రహ్మాస్త్ర’ టీమ్‌ ఆన్‌ ప్రిపరేషన్‌ మోడ్‌ అన్నమాట. త్రీ పార్ట్స్‌గా రూపొందనున్న ఈ సినిమా తొలి పార్ట్‌ను వచ్చే ఏడాది ఆగస్టు 15న రిలీజ్‌ చేయాలనుకుంటున్నారు.

శ్రీదేవి అతిలోక సుందరి. అందంలో కానీ అభినయంలో కానీ పోటీ అనే ప్రసక్తి లేకుండా ఇండియన్‌ ఫిల్మ్‌ ఇండస్ట్రీని రూల్‌ చేశారు. ఇటీవల దుబాయ్‌లో ఆమె దురదృష్టవశాత్తూ బాత్‌ టబ్‌లో పడి మరణించిన విషయం తెలిసిందే. ఇది జరగకముందే ‘2 స్టేట్స్‌’ ఫేమ్‌ అభిషేక్‌ వర్మ దర్శకత్వంలో ‘షిద్ధత్‌’ అనే సినిమాలో నటించటానికి అంగీకరించారట శ్రీదేవి. ఆమె హఠాన్మరణంతో ఆ ప్లేస్‌లో వేరే తారను తీసుకునే పనిలో పడింది చిత్రబృందం. పలువురు కథానాయికలను సంప్రదించారని సమాచారమ్‌. ఫైనల్లీ మాధురీ దీక్షిత్‌ ‘యస్‌’ చెప్పారు. ఈ విషయాన్ని శ్రీదేవి కుమార్తె జాన్వీ కపూర్‌ స్వయంగా వెల్లడించారు. తన ఇన్‌స్టాగ్రామ్‌ అకౌంట్‌లో ‘‘అభిషేక్‌ వర్మ రూపొందించబోయే తదుపరి సినిమా మమ్మీ హృదయానికి చాలా దగ్గరైనది. ఈ సినిమాలో నటించడానికి ఒప్పుకున్నందుకు నేను, ఖుషీ, డాడీ మాధురీజీకి చాలా థాంక్‌ఫుల్‌గా ఉంటాం’’ అని పేర్కొన్నారామె. కరణ్‌ జోహార్‌ నిర్మించనున్న ఈ సినిమాలో వరుణ్‌ ధావన్, ఆలియా భట్, సంజయ్‌ దత్‌ కీలక పాత్రల్లో కనిపించనున్నారు. ఈ ఇయర్‌ సెకండ్‌ హాఫ్‌లో సినిమా సెట్స్‌పైకి వెళ్లనుంది.

కండలు కరిగాయి. హెయిర్‌ స్టైల్‌ కంప్లీట్‌గా మారింది. గడ్డం, మీసాలు ట్రిమ్‌ అయ్యాయి. ఫేస్‌లో కోపం పోయి అమాయకత్వం వచ్చింది. ఇక్కడున్న ఫొటోల్లో మధ్య తేడాలు చెప్పమంటే బహుశా.. ఇలాగే చెప్పుకుంటామేమో. కానీ పేరులో మాత్రం ఏ మార్పు లేదు. ఇతని పేరు రణ్‌వీర్‌సిం గ్‌. ‘జిందగీ నా మిలేగీ దొబారా’ జోయా అక్తర్‌ దర్శకత్వంలో రణ్‌వీర్‌సింగ్‌ హీరోగా రూపొందుతున్న తాజా సినిమా ‘గల్లీ బాయ్‌’. ఇందులో ఆలియా భట్‌ కథానాయిక. ఈ సినిమాలోని కంప్లీట్‌ లుక్‌ను ‘పద్మావత్‌ టు గల్లీ బాయ్‌ ’ అంటూ సోషల్‌ మీడియాలో పోస్ట్‌ చేశారు రణ్‌వీర్‌. సంజయ్‌లీలా భన్సాలీ దర్శకత్వంలో రూపొందిన ‘పద్మావత్‌’ చిత్రంలోని ఖిల్జీ పాత్రకు భారీగా బరువు పెరిగిన రణ్‌వీర్‌ ‘గల్లీబాయ్‌’ కోసం బరువు తగ్గారు. అన్నట్లు... ఎన్నో వివాదాల నడుమ రూపొంది, ఎన్నో అడ్డంకుల మధ్య ‘పద్మావత్‌’ ఈ 25న విడుదల కానుంది. సుప్రీమ్‌ కోర్టు అన్ని రాష్ట్రాల్లో ఈ చిత్రాన్ని విడుదల చేయొచ్చని అనుమతి ఇచ్చినప్పటికీ ఇంకా కొన్ని చోట్ల విడుదల చేయకూడదనే వివాదం సాగుతోంది. కొన్ని థియేటర్ల ముందు ఆందోళనకారులు నిరసన వ్యక్తం చేస్తున్నారు. మరి.. విడుదల రోజున ఏం జరుగుతుందో చూడాలి.

యస్‌.. కౌంట్‌డౌన్‌ స్టార్టయ్యింది.. బాలీవుడ్‌ హీరోయిన్‌ ఆలియా భట్‌కు. ఎందుకంటే లేడీ డైరెక్టర్‌ మేఘనా గుల్జార్‌ దర్శకత్వంలో నటించిన ‘రాజీ’ సినిమాను 2018 మే 11న రిలీజ్‌ చేయనున్నట్లు ఆలియా భట్‌ పేర్కొన్నారు. తొలిసారి ఆలియా లేడీ డైరెక్టర్‌తో చేసిన సినిమా ‘డియర్‌ జిందగీ’. దీనికి గౌరీ షిండే దర్శకురాలు. ఇప్పుడు ‘రాజీ’తో మరోసారి మహిళా దర్శకురాలితో సినిమా చేయడం ఆనందంగా ఉందంటున్నారు. 1971 ఇండో–పాక్‌ వార్‌ టైమ్‌ బ్యాక్‌డ్రాప్‌లో ఈ సినిమా సాగుతుంది. ఇందులో ఆలియా భట్‌ కాశ్మీరీ అమ్మాయి క్యారెక్టర్‌లో నటించారు. అంతేకాదు.. ఈ సినిమాలో దేశం కోసం ఇష్టం లేని పెళ్లి చేసుకుని ఆలియా ‘స్పై’గా వర్క్‌ చేస్తారన్నది బాలీవుడ్‌ సమాచారం. ‘‘సినిమా షూటింగ్‌ కంప్లీట్‌ అయ్యింది. చాలా రోజులుగా ఒకే క్యారెక్టర్‌లో నటిస్తున్నప్పుడు బయటికి రావడం అంత ఈజీ కాదు. కానీ, తప్పదు. సినిమా కోసం చాలా కష్టపడ్డాం. మీ అందరికీ నచ్చుతుందని అనుకుంటున్నాం’’ అని షూట్‌ కంప్లీట్‌ అయిన సందర్భంగా ఆలియా పేర్కొన్నారు.

‘బాహుబలి’ ఎన్ని పార్టులుగా తీశారు? రెండు! చిత్రీకరణ ప్రారంభించిన కొన్ని రోజుల తర్వాత దర్శకుడు రాజమౌళి అండ్‌ కో రెండు పార్టులుగా తీస్తున్నట్టు చెప్పారు. హిందీలో ఈ సిన్మాను విడుదల చేసిన ప్రముఖ దర్శక–నిర్మాత కరణ్‌ జోహార్, మేం ఏమన్నా తక్కువా? అన్నట్టు 3 పార్టులుగా ఓ సినిమా (‘బ్రహ్మాస్త్ర’)ను తీస్తున్నట్టు ప్రకటించారు. బిగ్‌ బి అమితాబ్‌ బచ్చన్, కపూర్స్‌ వారసుడు– యంగ్‌ హీరో రణబీర్, ఆలియా భట్‌ ముఖ్య తారలుగా నటించనున్న ఈ సినిమాకి అయాన్‌ ముఖర్జీ దర్శకుడు. ఫస్ట్‌ పార్టును 100 కోట్ల బడ్జెట్‌తో నిర్మిస్తారట! ఈ దర్శకుడు రణబీర్‌కి క్లోజ్‌ ఫ్రెండ్‌. తనదీ ఫిల్మీ బ్యాగ్రౌండే. ఆల్రెడీ రణబీర్‌ హీరోగా ‘వేకప్‌ సిద్‌’, ‘యే జవానీ హై దివానీ’ సినిమాలు తీశారు. ఇప్పుడు ఎలాంటి సినిమా తీయబోతున్నారో? స్నేహితుడు హీరోగా ‘బాహుబలి’ రికార్డులను బ్రేక్‌ చేసే సినిమా తీస్తారా? వెయిట్‌ అండ్‌ సీ!! హిందీలో హృతిక్‌ రోషన్‌ ‘క్రిష్‌’ ఫ్రాంచైజీలో మూడు సిన్మాలు వచ్చాయి. కానీ, ఒకటి హిటై్టన తర్వాత మరొకటి అనౌన్స్‌ చేశారు. షూటింగ్‌కి ముందే ఓ సినిమాను మూడు పార్టులుగా తీస్తున్నట్టు ప్రకటించడం ఇదే ఫస్ట్‌ టైమ్‌.


 ప్రతి జీవితం ప్రియమైనది కావాలి
 కాయ్‌రాకు తన ప్రాబ్లం తనకు తెలియదు. అందంగా ఉంటుంది. సినిమాటోగ్రాఫర్‌గా మంచి ప్రతిభ ఉంది. ఇండస్ట్రీ ఇప్పుడిప్పుడే గుర్తిస్తోంది. తనకు మంచి భవిష్యత్తు కూడా ఉంది. కాని తను ఒక రిలేషన్‌ను, జీవిత భాగస్వామిని ఎంచుకోవడంలో మాత్రం విఫలమవుతోంది. మొదటి బాయ్‌ఫ్రెండ్ ఒక హోటల్ యజమాని. మంచివాడు. పొడుగ్గా ఉంటాడు. కాని అతడికి నో చెప్పేస్తుంది. సింగపూర్‌లో ఔట్‌డోర్ షూటింగ్‌లో ఉండగా ఆ సినిమా నిర్మాతైన యువకునితో చనువుగా ఉండాల్సి వచ్చింది కనుక నో చెప్తున్నానని చెప్తుంది. ఆ తర్వాత ఆ నిర్మాతైన యువకుడు ఆమెకు సన్నిహతం కాబోతాడు.
 
 అమెరికాలో తీయబోతున్న సినిమాకు ఆమెను సినిమాటోగ్రాఫర్‌గా తీసుకుంటాడు. అయితే చిన్న ఇబ్బంది చెబుతాడు. తనకు గతంలో ఒక గర్ల్‌ఫ్రెండ్ ఉండేదని ఆమెతో తెగదెంపులు అయిపోయాయని అయితే ఆమె ఈ సినిమాకు  కో ప్రొడ్యూసర్‌గా వ్యవహరించాల్సి వస్తోందని ఈ విషయం ముందే చెప్పడం మంచిదని చెప్పేస్తున్నానని అంటాడు. అంతేకాదు ఇక మనం మన అనుబంధం పట్ల  సీరియస్ అవుదాం, పరస్పరం దీనిని ముందుకు తీసుకెళదాం అని కూడా చెప్తాడు. కాని అతడికీ నో చెప్పేస్తుంది. బతిమిలాడినా వినదు. దాంతో అతడు అమెరికా వెళ్లి తన మాజీ గర్ల్‌ఫ్రెండ్‌తోనే ఎంగేజ్‌మెంట్ చేసుకుంటాడు.
 
 అక్కడ సమస్య మొదలవుతుంది.
 పర్సనల్ వెర్సస్ ప్రొఫెషనల్. పర్సనల్‌గా ఆమె అతడిని వద్దనుకుంది. ప్రొఫెషనల్‌గా అతడి సినిమాలో పని చేయాలనుకుంటోంది. కాని అలా పని చేయాలంటే రోజూ అతణ్ణి చూడాలి, అతడి గర్ల్‌ఫ్రెండ్‌ని చూడాలి, వాళ్లిద్దరి సాన్నిహిత్యాన్ని చూడాలి ఇదంతా తాను పడగలదా అనే సందేహం. వద్దనుకుంటే బంగారంలాంటి సినిమా అవకాశం పోతుందే అని బాధ. ఈ రెంటి మధ్య నలిగిపోయి నిద్రకు కరువవుతుంది. వారాల తరబడి నిద్ర పట్టదు. నిద్రమాత్రలు మింగినా నిద్ర పట్టదు. దాని నుంచి బయటపడటానికే చివరకు గోవా వస్తుంది. అక్కడ ఉండే తల్లిదండ్రులతో నిత్యం గొడవ పడుతుంది. చివరకు గోవా సైకియాట్రిస్ట్ అయిన జహంగిర్ ఖాన్‌తో తన సమస్య చెప్పుకుని దాని నుంచి బయటపడుతుంది. అప్పటి వరకూ నరకంగా మారిన ఆ జీవితం ఆమెకు ఇప్పుడు ప్రియమైనదిగా మారుతుంది.
 
 ‘డియర్ జిందగీ’ వర్తమాన సమాజంలో వస్తున్న భావోద్వేగ సమస్యలకు వైద్యం ఎలా అవసరమో సున్నితంగా చెప్పే సినిమా.
 ఇందులో కాయ్‌రాగా ఆలియాభట్, సైకియాట్రిస్ట్ జహంగిర్ ఖాన్‌గా షారూక్ ఖాన్ కనిపిస్తారు. షారూక్ తన ఎంట్రీలోనే మన దేశంలో ఉన్న సమస్యను బహిరంగ పరుస్తాడు- ‘మన దేశంలో కిడ్నీ పాడైందనో లంగ్ ఇన్ఫెక్షన్ వచ్చిందనో ఇరుగుపొరుగువారికి ధైర్యంగా చెప్తాము. కాని మనసు పాడైంది అని మాత్రం చెప్పుకోము. ఇంట్లో కూడా అదొక రహస్యంగా భావిస్తాము’ అంటాడతడు. ‘మన మెదడు మన దేహంలో భాగం కాదా?’ అని ప్రశ్నిస్తాడు. అతడు వైద్యం చేసే పద్ధతి కూడా భిన్నంగా ఉంటుంది. మందులూ మాకులతో చేసే వైద్యం కాదు అది. కేవలం మాట్లాడటం ద్వారా ఎదుటివారికి తమను తాము అర్థం చేయించడం ద్వారా చేసే వైద్యం. ‘పజిల్‌ని పూర్తి చేయాల్సింది నువ్వే. నేను కేవలం అందుకు సహాయకుణ్ణి మాత్రమే’ అంటాడు ఒకచోట.
 
 ఇంతకూ కాయ్‌రా సమస్య ఏమిటి? ఆమెకు ఆరేళ్ల వయసప్పుడు తల్లిదండ్రులు ఆమెను అమ్మమ్మ, తాతయ్య దగ్గర వదిలేసి జీవిక కోసం విదేశాలకు వెళ్లారు. ఆ ఎడబాటు ఆమె భరించలేకపోయింది. అక్కడ తమ బతుకు పోరాటంలో వాళ్లు కాయ్‌రాను పూర్తిగా అలక్ష్యం చేశారు. అంతే కాదు కన్నకూతురు తమకు దూరంగా ఉందని కాక రెండో తరగతిలో ఆమె ఫెయిల్ అయ్యిందనే కారణాన విదేశాల నుంచి స్వదేశం వచ్చి ఇక్కడే ఉండిపోయారు. తనంటే ప్రేమ లేదా? తానెంతో ప్రేమించిన తల్లిదండ్రులు తన పట్ల చూపే ప్రేమ ఇదా అని ఆమె మనసులో లోతైన గాయం అయ్యింది. ఆ గాయం వల్ల తాను మనస్ఫూర్తిగా ఎవరినీ ప్రేమించలేకపోయింది. ఎవరైనా దగ్గర కావడానికి ప్రయత్నించినా వాళ్లు ఎక్కడ ‘నో’ చెప్తారో అని తానే ముందు ‘నో’ చెప్పేస్తుంది. ఎందుకంటే తాను ఎవరినైనా కోరుకుంటే వాళ్లు దూరం అవుతారేమోనన్న భయం.
 
 ఇది ఆమెకు తెలియజేసి ఆమెను ఆ సమస్య నుంచి దూరం చేస్తాడు సైకియాట్రిస్ట్ షారుక్. తప్పులు ప్రతి ఒక్కరూ చేస్తారని కనుక తల్లిదండ్రుల తప్పును క్షమించేస్థాయికి ఎదగాలని అంటాడు. నువ్వు ఎవరి సమక్షంలో  భద్రంగా సంతోషంగా ఫీలవుతావో అతను దొరికే దాకా వెతకడం, రిజెక్ట్ చేయడం తప్పు కాదని చెబుతాడు. ‘ఇష్టం లేకపోయినా కఠినమైన నిర్ణయాలు తీసుకుని మనసునూ శరీరాన్ని బాధించుకోవడం కంటే అసలు ఆ నిర్ణయాన్ని వదులుకోవడం మేలు’ అనే సూచన చేస్తాడు.
 
 ఇవన్నీ కాయ్‌రాకు మాత్రమే కాదు... థియేటర్‌లో ఉన్న ప్రేక్షకులకు కూడా సూచనలే.
 ఈ సినిమాలో ఆలియాతో పని మనిషి ‘ఎందుకమ్మా పిచ్చి డాక్టర్ దగ్గరకు వెళ్లావు? నీకు పిచ్చా?’ అని అడిగితే ‘కాదు. మానసికంగా కొన్ని సమస్యలను ఎదుర్కోలేనప్పుడు డాక్టర్‌ని కలిస్తే ధైర్యం వస్తుంది’ అని జవాబు చెప్తుంది ఆలియా. అప్పుడు పని మనిషి ‘అలాగైతే మంచిదే. నిజానికి అందరికీఅలాంటి డాక్టర్ల దగ్గరకు వెళ్లాల్సిన అవసరం ఉంది’ అంటుంది అర్థం చేసుకున్న దానిలా.
 
 నిజమే. మెదడు మన శరీరంలో భాగం అయినప్పుడు శరీరానికి ఏవో ఒక సమస్యలు వచ్చినట్టే మనసుకు కూడా ఏవో ఒక సమస్యలు వస్తూనే ఉంటాయి. అలాంటి సమయంలో అది అనారోగ్యం కాదు అని అనుకోరాదు. చేయి తెగి రక్తం కారితే వైద్యం అవసరమనీ మనసు చెదిరి గాయపడితే వైద్యం అక్కర్లేదని అనుకోరాదు. మనందరం ఏదో ఒక సందర్భంలో మానసిక వైద్యం తీసుకోవాల్సిందే. తీసుకోవడమే మంచిది.
 
 ఎందుకంటే వైద్యం కన్నా జీవితం ప్రియమైనది. మళ్లీ మళ్లీ దక్కనిది.
 ఈ సినిమా దర్శకురాలు గౌరి షిండే, నిర్మాతలు గౌరి ఖాన్, కరణ్ జొహర్ ఇలాంటి సున్నితమైనసమస్యను తీసుకుని సినిమా తీసినందుకు అభినందనీయులు. 22 కోట్ల బడ్జెట్‌తో సినిమా తీస్తే దాదాపుగా ఇప్పుడు 50 కోట్లు వసూలు చేసింది. ఇంకా చేయొచ్చు కూడా. చిన్న సినిమా అయినా షారూక్ ఇందులో నటించడం అతనికీ ప్రేక్షకులకూ ఒక మార్పు. ఆలియా భట్ తనలో ఉన్న టాలెంట్‌ని ప్రదర్శించడానికి ఈ సినిమా ఒక సవాలు. అందులో ఆమె ఒకటో ర్యాంకులో పాస్ అయ్యింది. సంగీతం, సినిమాటోగ్రఫీ అన్నీ అమరిన అలంకరణలు. సెకండ్ హాఫ్‌లో కొంచెం స్లో అయినా క్లయిమాక్స్‌కు అందుకుంటుంది.
 
 గోవాలో హాయిగా ఉండే వాతావరణంలో హాయిగా సాగే కథతో ఒక సినిమా చూడాలనుకుంటే డియర్ జిందగీ చూడొచ్చు. ఇది మీకు కొద్దోగొప్పో మేలే చేయగలదు. హాని కాదు. కెన్ గో ఫర్ ఇట్.


 ఓ 60, 70 ఉంటుందనుకుంటున్నారా...అయితే ఈ ఫొటో చూడండి. బట్టతలతో, కళ్ల జోడుతో, ముడుతలు పడిన మొహంతో కనిపిస్తున్న రిషికపూర్‌ను లుక్ చూసే కాకుండా దాని కోసం అయిన ఖర్చు విని అందరూ నోరెళ్లబెడుతున్నారు. షకున్ బాత్రా దర్శకత్వంలో కరణ్‌జోహార్ నిర్మిస్తున్న ఈ చిత్రంలో సిద్థార్థ్ రాయ్ మల్హోత్రా, ఆలియాభట్ జంటగా నటిస్తున్నారు.
 
 ఈ చిత్రంలో ఓ ముఖ్య పాత్రలో నటిస్తున్న రిషికపూర్  మేకప్ కోసమే దర్శకనిర్మాతలు రూ. 1.5 కోట్లు నుంచి 1.75 రూపాయలు ఖర్చు చేశారని సమాచారం. ప్రముఖ హాలీవుడ్ చిత్రాలు ‘ద క్యూరియస్ కేస్ ఆఫ్ బెంజిమన్ బుట్టో’, ‘డ్రాకులా’ చిత్రాలకు మేకప్‌మ్యాన్‌గా పనిచేసిన గ్రెగ్ కానమ్ రిషికపూర్ కొత్త లుక్‌కు రూపం ఇచ్చారు.
 
 దీని గురించి రిషికపూర్ మాట్లాడుతూ- ‘‘ప్రతి రోజూ ఐదు గంటల పాటు ఈ మేకప్ కోసం కేటాయించాల్సి వచ్చేది. కరణ్, షకున్‌లు  ఈ పాత్ర గురించి చెప్పినప్పుడు కాస్త సందేహించాను. ఖర్చు కూడా ఎక్కువే. కానీ వాళ్లు మాత్రం వెనుకాడలేదు. నాకైతే  మేకప్ కోసం అంత సేపు కష్టమనిపించింది. కానీ మేకప్ వేసుకున్నాక మాత్రం నన్ను నేను గుర్తుపట్టలేకపోయాను’’ అని చెప్పారు.


 ఆలియాభట్ జనరల్ నాలెడ్జ్ సామర్థ్యంపై నెట్‌లో ఎన్నో  జోక్‌లు రావచ్చుగాక, అంతమాత్రాన ఆమె నటన గురించి వంక పెట్టడానికి లేదు. ‘స్టూడెంట్ ఆఫ్ ది ఇయర్’ ‘హైవే’ ‘టు స్టేట్స్’ చిత్రాలలో తన నటనతో ప్రేక్షకులను కట్టిపడేసింది. ‘ఉత్తమ నటి’గా ఫిలింఫేర్ అవార్డ్ కూడా అందుకుంది. నటన అంటేనే కాదు... సంగీతం అంటే కూడా ఆలియాకు ఇష్టం. ‘హైవే’ సినిమాలో పాట పాడి ఎ.ఆర్.రెహమాన్ ప్రశంసలు కూడా అందుకుంది. ఈ ముద్దుగుమ్మ దృష్టి తాజాగా ‘డెరైక్షన్’పై పడిందని గుసగుసలు వినిపిస్తున్నాయి. ఏ గూటి చిలక ఆ గూటి పలుకే పలుకుతుంది... అన్నట్లు మహేష్‌భట్ కూతురైన ఆలియా... తండ్రిలాగే డెరైక్టర్‌గా పేరు తెచ్చుకోవాలనుకుంటోందేమో.
  
 డెరైక్టర్ కావాలనే తన  కోరికను ఆలియా ఇంతవరకు బహిరంగంగా చెప్పనప్పటికీ, ఒకవేళ ఆమె డెరైక్టర్ కావాలనుకుంటే ఆ కోరిక నెరవేరడం ఎంతసేపు!
  
 ఆలియా అక్క పూజాభట్ కూడా డెరైక్టర్‌గా ప్రయత్నించిందిగానీ పెద్దగా పేరేమీ తెచ్చుకోలేదు. ఆమెకు మాజీ హీరోయిన్‌గా మాత్రమే పేరుంది. ‘‘హీరోయిన్‌గా మంచి స్టేజ్‌లో ఉన్న సమయంలో  డెరైక్షన్ వైపు వెళ్లి రిస్క్ చేయవద్దు’’ అని సన్నిహితులు ఆలియాకు సలహా ఇస్తున్నారట!


 రణ్‌బీర్ కపూర్  ఇల్లు విడిచి, కత్రినా కైఫ్‌తో కలిసి  వేరే  ఇంట్లో ఉంటున్నాడని గత సంవత్సరం పుకార్లు షికార్లు చేశాయి. అదెంత వరకు నిజమో తెలియదుగానీ, అందాల ముద్దుగుమ్మ ఆలియాభట్ విషయంలోనూ తాజాగా  ‘ఇల్లు విడిచింది’ టైప్ పుకార్లు జోరుగా వినిపిస్తున్నాయి. అమ్మా నాన్నలతో కలిసి ఉంటున్న ఆలియా ఆ ఇంటికి కూతవేటు దూరంలోనే కొత్త ఇల్లు ఒకటి  ఎంపిక చేసుకుందని, ఇంటీరియర్ డిజైన్‌ను దగ్గరుండి మరీ చూసుకుంటుందనే వార్తలు వినిపిస్తున్నాయి.
 
 ఇంతకీ ఆలియా ఇల్లు  ఎందుకు విడిచినట్లు? తన బాయ్‌ఫ్రెండ్‌తో  కలిసి కొత్త  ఇంట్లో ఉండబోతుందని గుసగుసలు వినిపిస్తున్నాయి. అయితే ఆలియా పొరపాటున కూడా అలాంటి పని చేయదని తల్లిదండ్రులను నొప్పించేలా వ్యహరించదు అనేవాళ్లూ ఉన్నారు. ‘‘తల్లిదండ్రులతో నివసించడం ద్వారా ప్రేమాభిమానాలు సొంతం అవుతాయి. ఇదొక కోణం. అయితే  స్వతంత్రంగా జీవించడం వల్ల బాధ్యతలు తెలిసొస్తాయి. జీవితం పట్ల ఒక అవగాహన ఏర్పడుతుంది’’ అని గతంలో ఆలియా  చెప్పిన విషయాన్ని  ఒకసారి గుర్తు చేసుకోవడం అవసరం.


 సూపర్ డెరైక్టర్ మహేష్‌భట్ గారాల కూతురుగా బాలీవుడ్‌లో ఎంట్రీ ఇచ్చినా... ఆ తరువాత స్పెషల్ ఇమేజ్‌తో కుర్రకారుకు దగ్గరైపోయింది బొద్దుగుమ్మ అలియాభట్. గత ఏడాది వరుస సినిమాలతో అభిమానుల మనసు కొల్లగొట్టిన ఈ సొగసిరి లెక్క తక్కువైనా పర్లేదు గానీ... ఎక్కువ కాకుండా ఉంటే చాలంటోంది. ఆఫర్లు వస్తున్నాయి కదా అని చేసుకుంటూ పోతే... చివరకు ఫ్యాన్స్ విసుగెత్తిపోతారంది. ఏదైనా ఓ లిమిట్‌లో ఉంటే బాగుంటుందంటోంది.
 
 తన సినిమాల రిలీజ్‌లో కాస్త గ్యాప్ ఇవ్వాలని అభిప్రాయపడుతోంది. ఇక తన తండ్రి మహేష్‌భట్ ప్రొడక్షన్స్‌లో పనిచేసే ప్లాన్స్ ప్రస్తుతానికైతే ఏమీ లేవంది అలియా. ఇటీవల జరిగిన ఫిలింఫేర్ అవార్డుల ఫంక్షన్లో ‘బెస్ట్ ఫిమేల్ యాక్టర్’ (క్రిటిక్స్) గెలుచుకున్న ఈ చబ్బీ చీక్స్ సుందరి మెస్మరైజింగ్ లుక్సే కాదు... ఎనర్జటిక్ యాక్టింగ్‌తో క్రేజీ తారగా మారిపోయింది.
  
  


 బాలీవుడ్ బొద్దుగుమ్మ అలియాభట్ ఓ కారు ఓనరైంది. ఇండస్ట్రీలోకి వెచ్చి రెండేళ్లయినా... హిట్స్‌తో క్రేజ్ సంపాదించుకున్నా... అమ్మడికి ఇప్పటి వరకూ సొంత కారు లేదంటే ఆశ్చర్యమే! ఇండస్ట్రీ పీపుల్‌కు లగ్జరీ కార్ల మోజు అంతకంతకూ పెరుగుతోంది. ఖర్చుకు వెనకాడకుండా ఖరీదైన కారును బుక్ చేసేస్తున్నారు.
 
 ఈ మధ్యే కొన్న తన ఆడి కారు ముందు రకరకాల పోజులు పెట్టి ఫొటోలు దిగిన అలియా... వాటిని తన సామాజిక సైట్ పేజీలో అప్‌లోడ్ చేసి టెక్కులు పోతోంది. ‘ఇదిగో నా ఫస్ట్ కారు. వూ... ఆడీ’ అంటూ ఇన్‌స్టాగ్రామ్‌లో కామెంట్ చేసిందీ రైజింగ్ హీరోయిన్. శ్రద్ధాకపూర్ కూడా రెండుమూడు సినిమాల తరువాత సొంత కారు కొనుక్కుంది!
  


 దీపం ఉండగానే ఇల్లు చక్కబెట్టుకోవాలనే కాన్సెప్ట్ వినడానికి బానే ఉంటుంది గానీ... ఆచరణలోకి వచ్చేసరికే తేడా కనిపిస్తున్నట్టుంది బాలీవుడ్ భామలకు.
 
 స్టార్‌డమ్ ఉండగానే క్యాష్ చేసుకోవాలనుకున్న తారలు ఓవర్‌లోడ్‌తో సెట్స్‌లోనే చక్కర్లు వచ్చి పడిపోతున్నారు. నిన్న ప్రియాంక చోప్రా, తాజాగా అలియాభట్ బెడ్ ఎక్కిందట.
 
 యూకే, పోలండ్‌ల్లోని గడ్డకట్టే చలిలో ‘షాన్‌దార్’ సినిమా షూటింగ్ చేసిన అలియా... ముంబైకి వచ్చేసరికి జ్వరం, విపరీతమైన కడుపునొప్పితో మంచం పాలైందట.
  


 సున్నా! ఆర్యభట్ట మెదడులో పుట్టి, అలియాభట్ ఒంటి మీద వాలింది. ఆరు నూరవ్వలేదు కానీ, సున్నా అయింది. ఎంతలా అంటే ‘సున్న’టి నడుము ఉంటేనే సన్నని నడుము అన్నట్టు అయ్యింది పరిస్థితి. ఇంతకీ అన్నం తినకుండా అందం పెంచుకోవడం అనే దాంట్లో ఎంత నిజముంది? ఈ బాడీ లెంగ్త్ ఫ్యాషన్ వెనక ఉన్న ట్రూత్ ఎంత? మిత్ ఎంత? తెలుసుకోవాలంటే...
  
 ‘టు ఆల్ ద గర్ల్స్... థింక్ యూ ఆర్ ఫ్యాట్ బికాజ్ యు ఆర్ నాట్ ఎ జీరో సైజ్, యూ ఆర్ ద బ్యూటిఫుల్ వన్, ఇట్స్ ది సొసైటీ హూజ్ అగ్లీ’... జీరో సైజ్ గురించి మార్లిన్ మన్రో అన్న మాటలివి. ‘అందం అంటే సన్నబడడం ఒక్కటే కాదు’ అని ఆవిడ ఉద్దేశం. జీరోసైజ్ ఫ్యాషన్ మన దేశానికి 2007లో వచ్చినా ఇది మొదలైంది మాత్రం 1960లోనే. లెస్లీ లాసన్, బ్రిజెట్ బార్‌డాట్. వీరిద్దరే మొట్టమొదట సైజ్ జీరో మోడల్స్. నాజూకైన ఒళ్ళు, గాజు లాంటి కళ్ళతో ఉన్న లెస్లీ లాసన్‌ని చూసి ముగ్ధులవ్వని వాళ్ళు లేరు అప్పట్లో. తర్వాత మోడల్స్ అందరూ ఈమె స్ఫూర్తితోనే తమని తాము సన్నపెట్టుకోవడం మొదలుపెట్టారు. చాలా డిజైనర్ కంపెనీలు, డిజైనర్‌లు కూడా జీరో సైజ్ సుందరాంగులు వేసుకుంటేనే, తమ దుస్తుల డిజైన్ అందం తెలుస్తుందని ఈ ఫ్యాషన్‌ని విపరీతంగా ప్రోత్సహించారు. ఒకానొక కాలంలో జీరో సైజ్ ‘తప్పనిసరి’ అని నిబంధనలు విధించిన రోజులు కూడా ఉన్నాయి. వివిధ రకాల ఆరోగ్యసమస్యల గురించి డాక్టర్లు ఎంత హెచ్చరించినా ‘జీరో’ క్రేజ్ మాత్రం తగ్గలేదు. ఈ క్రేజ్ మూలంగానే ‘లూయిసెల్ రామోర్’ అనే మోడల్ తన ప్రాణం పోగొట్టుకుంది.  జీరో సైజ్ వల్ల వచ్చే ‘అనొరెక్సియా నెర్వోసా’ అనే డిజార్డర్‌తో ఆమె మరణించింది. ఈ దెబ్బతో ఈ ‘జీరో’ సైజ్ యూరప్ నుండి కనుమరుగవడం ప్రారంభించింది. కానీ అదే సమయంలో దాన్ని ఇండియాకి తీసుకొచ్చింది కరీనా!
  
 ‘తషన్’ చిత్రంలో 51 కేజీలు తూగిన కరీనా సన్నదనం చూసి స్టన్నయింది బాలీవుడ్. దీంతో మిగిలిన నటీమణులు కూడా క్యాలరీలు కట్‌చేసుకోవడం మొదలు పెట్టారు. ఇలా కరీనా తర్వాత దీపికా పదుకొనె, బిపాసా, అనుష్క శర్మ, వీళ్ళంతా జీరో బాట పట్టినవారే. కానీ ఆ నాజూకుతనం భారతీయ మగ కంటికి అంత ఇంపుగా అనిపించక పోవడంతో జీరో సైజ్‌ని ఎంచుకునేవారి సంఖ్య జీరోకి చేరుకుంటోంది.
  
  ఎనరెక్సియా నెర్వోసా
 
 ఇది అత్యధిక మోడళ్ళలో కనపడే డిజార్డర్. తిండి తినడం వల్ల బరువు పెరుగుతుందనే ఫోబియా వల్ల వచ్చే రోగం ఇది. ఇది ఒక సాంఘిక అంటువ్యాధి.. నాకన్నా ఆ అమ్మాయి సన్నగా ఉందనే ఆత్మన్యూనతా భావంతో ఈ డిజార్డర్ బారిన పడుతుంటారు. ఇలా కొలతల గురించి కలత చెంది ప్రాణాల మీదకు తెచ్చుకున్న మోడళ్ళు ఎందరో.
  
  ఫిజిక్స్
 
  జీరో సైజ్ అంటే 30-20-30 అని అనుకుంటారందరూ. యూఎస్ సైజ్ రేంజ్ ప్రకారం 30-22-32 నుండి 33-25-35 మధ్య ఉండే మోడల్స్‌ని జీరో సైజ్‌గా పరిగణిస్తారు. ఇందులోనూ ‘0’, ‘00’ అని రెండు రకాలున్నాయి. రెండింటికి అర ఇంచు తేడా ఉంటుంది. ‘జీరో’ సైజ్ అనేది అందరి శరీర ఆకృతులకు సరిపోయేది కాదు. హైట్ టు వెయిట్ ఫ్యాక్టర్‌ని దృష్టిలో ఉంచుకొని ఈ ఫ్యాషన్‌ని అనుసరించాలి. అందుకే మరీ పొడుగు, పొట్టిగా ఉండే మోడల్‌లు ‘జీరో’ సైజ్‌కి ప్రయత్నించి విఫలమౌతున్నారు.
  
  ఎకనామిక్స్
 
  బరువు తగ్గించుకోవడానికి వేలం వెర్రిగా మోడళ్ళు పరిగెత్తినా, వారి వెనక నుండి పరిగెత్తించి డబ్బులు చేసుకునేది మాత్రం డిజైనర్లే. అప్పట్లో, కేవలం సైజ్ జీరో మోడళ్ళను మాత్రమే ఎంచుకుని వారికోసం క్యాట్‌వాక్‌లు నిర్వహించేవి ఎన్నో ఫ్యాషన్ కంపెనీలు. హ్యాలీబెరీ, నటాలీ పోర్ట్‌మన్ లాంటి  ఎందరో జీరో సైజ్ నటీమణులకు ఉన్న క్రేజ్‌ని చూసి వారికి తగ్గట్లుగానే దుస్తులు డిజైన్ చేయడం కూడా ఒక కారణం. దీనివల్ల ఎన్నో ఆరోగ్య సమస్యలు వచ్చినా... డబ్బు కూడా బాగా వస్తుందని ఎంత కష్టమైనా ఇష్టంగానే ఒళ్ళు కరిగించుకున్న మోడళ్ళు ఎందరో ఉన్నారు.
  
  బయాలజీ
 
  ఈ శరీరాకృతి సాధించడానికి చాలా పద్ధ్దతులున్నాయి. కానీ, ఆరోగ్యవంతమైనా పద్ధతులు చాలా తక్కువ. మగవాళ్ళు సిక్స్ ప్యాక్‌కి కష్టపడ్డట్టు, అమ్మాయిలు కూడా ‘జీరో’సైజ్‌కి అంతే కష్టపడాలి. ప్రత్యేకమైన డైట్లు, రోజువారీ ఎక్సర్‌సైజ్‌లు చేయాలి. ఇలా చేస్తే జీరో సైజ్ సాధించడానికి నెలల సమయం పడుతుంది. కానీ పోటీ తత్వం పెరగడంతో మోడళ్ళు షార్ట్‌కట్ రూట్లు వెతకడం వల్ల చాలా అనర్థాలే వచ్చాయి. కొందరు ఆహారం పూర్తిగా మానేసి కాఫీలు, సిగరెట్లను ఆశ్రయిస్తున్నారు. ఇంకొందరు స్టెరాయిడ్స్ తీసుకుంటూ... జీరో సైజ్ యావలో లైఫ్‌ని జీరో చేసుకుంటున్నారు.
  
 - జాయ్