కోలీవుడ్‌ స్టార్‌ అజిత్‌కు భయమనేదే లేదు. ఎంతటి డేంజరస్‌ స్టంటయినా సరే డూప్‌ లేకుండా చేసేస్తాడు. ఈ క్రమంలో పలుమార్లు గాయపడ్డాడు కూడా! ప్రస్తుతం అతడు విడాముయర్చి అనే సినిమా చేస్తున్నాడు. గతేడాది చివర్లో ఈ మూవీ చిత్రీకరణ ప్రారంభమైంది. అక్టోబర్‌లో.. అజర్‌బైజాన్‌లో తొలి షెడ్యూల్‌ నిర్వహించారు. ఈ షూటింగ్‌లో జరిగిన ప్రమాదానికి సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. కారు ప్రమాదం ఇందులో అజిత్‌ కుమార్‌ కారును వేగంగా నడుపుకుంటూ వెళ్తున్నాడు. కాసేపటికి ఆ కారును పక్కకు ఆపేందుకు ప్రయత్నించాడు, కానీ అప్పటికే అది అదుపుతప్పి బోర్లా పడింది. అజిత్‌ పక్కన నటుడు అరవ్‌ కూడా ఉన్నాడు. అతడి చేతికి బేడీలు వేసి ఉండటంతో పాటు తనను సీటుకు కట్టేసి ఉండటం వీడియోలో స్పష్టంగా కనిపిస్తోంది. కారు బోర్లా పడ్డాక అరవ్‌ను నువ్వు బాగానే ఉన్నావ్‌ కదా, ఏం కాలేదు కదా.. అని అజిత్‌ అతడి గురించి ఆరా తీశాడు. ఇంతలో సెట్‌లో ఉన్నవాళ్లు పరుగున వెళ్లి ఆ ఇద్దరిని బయటకు తీశారు. డేరింగ్‌ స్టంట్స్‌ ఏమాత్రం బెదురు లేకుండా ఇలాంటి డేరింగ్‌ స్టంట్స్‌ చేసిన అజిత్‌, అరవ్‌ను అభిమానులు కొనియాడుతున్నారు. సినిమా కోసం ప్రాణాలు పణంగా పెట్టే నీకు సెల్యూట్‌ అని కామెంట్లు చేస్తున్నారు. విడాముయర్చి సినిమాకు మగిళ్‌ తిరమేని దర్శకత్వం వహిస్తున్నాడు. లైకా ప్రొడక్షన్స్‌ భారీ బడ్జెట్‌తో నిర్మిస్తోంది. ఇందులో త్రిష హీరోయిన్‌గా నటిస్తుండగా ప్రియ భవానీ శంకర్‌, సంజయ్‌ దత్‌ ముఖ్య పాత్రలు పోషిస్తున్నారు. Bravery knows no bounds! 💪 Witness Ajith Kumar's fearless dedication as he takes on a daring stunt sequence in #VidaaMuyarchi without any stunt double. 🫡 🔥#AjithKumar pic.twitter.com/62NyEG4cvG — Lyca Productions (@LycaProductions) April 4, 2024 చదవండి: ఆ సీన్‌ చేయనని ఏడ్చేసిన హీరోయిన్‌.. విలన్‌గా అది తప్పదన్న నటుడు

చెన్నై : నటుడు అరవ్‌ పెళ్లి ఆదివారం చెన్నైలో జరిగింది. ఈయన మరో యువ నటిని పెళ్లి చేసుకున్నాడు. బిగ్‌బాస్‌ రియాల్టీ గేమ్‌ షో మొదటి సీజన్‌లో పాల్గొని విన్నర్‌గా నిలవడంతోపాటు, హౌస్‌లో చర్చనీయాంశ సభ్యుడిగా వార్తల్లోకి ఎక్కిన వ్యక్తి అరవ్‌. ఇతనికి ఆ హౌస్‌లో పాల్గొన్న నటి ఓవియ మధ్య ప్రేమాయణం పెద్ద వివాదానికి దారి తీసిన విషయం తెలిసిందే. కాగా ఆ తర్వాత కూడా వీరిద్దరి గురించి ప్రేమ వదంతులు దొర్లాయి. అయితే వాటిని అరవ్, నటి జూలియా ఖండించారు. అరవ్‌కు నటి రాహీకు మధ్య చాలా కాలంగా ప్రేమాయణం నడుస్తోందని ప్రచా రం జరుగుతోంది. ( సినిమాను ఏలింది చాలు.. రాజకీయాల్లోకి రండి! ) కాగా అరవ్‌ నటి రాహీ అనూహ్యంగా ఆదివారం ఉదయం పెళ్లి పీటలు ఎక్కారు. చెన్నైలో జరిగిన  వీరి పెళ్లి వేడుకకు దర్శకుడు కేఎస్‌ రవికుమార్, గాయత్రి రఘురాం, గణేష్‌ ఆర్తి దంపతులు, నిర్మాత సురభి మోహన్, దర్శకుడు సతీష్, నటి సుజా వరూణీ, నటుడు శివ, గీత రచయిత స్నేహన్, నటుడు గణేష్‌ వెంకట్రామన్, దర్శకుడు విజయ్, నటి బిందుమాధవి, నటుడు హరీష్‌ కల్యాణ్‌ విచ్చేసి నవ దంపతులకు ఆశీస్సులు అందించారు.

ట్వింకిల్‌ ఖన్నా కొడుకు పెద్దయ్యాడు! మరీ పదిహేడేళ్లకే పెద్దవాడు కాకున్నా.. తను పెద్దవాడిని అయ్యాననే అతడు అనుకుంటున్నాడు కాబట్టి, అతడి ఫీలింగ్‌ని గౌరవించాల్సిందే. అతడికున్న ఒక ఫీలింగ్‌.. మమ్మీ ఎప్పుడూ తనపై ఒక కన్నేసి ఉంచుతుందని! ఆ ఫీలింగ్‌ని కూడా ట్వింకిల్‌ గౌరవిస్తున్నారు. ట్వింకిల్‌ కొడుకు పేరు ఆరవ్‌. అతడి ఫోన్‌ కాంటాక్ట్స్‌లో ‘మమ్మీ’ అని ఉండాల్సిన చోట ‘పోలీస్‌’ అని ఉండటాన్ని ఎలాగో ఆమె ఈ మధ్య గమనించారు. తనపై కొడుక్కి ఉన్న అభిప్రాయం ఆమెకు నవ్వు తెప్పించినట్లే ఉంది. ఆ విషయాన్ని సోషల్‌ మీడియాలో షేర్‌ చేశారు ట్వింకిల్‌. అలాగే ఓ పోలీస్‌ వ్యాన్‌ ముందు నిలబడి రెండు చేతులు ఎత్తి బలం చూపిస్తున్నట్లున్న తన ఫొటోని ఆ పోస్ట్‌కి జత చేశారు ట్వింకిల్‌. ‘ఆరవ్‌ ఫోన్‌లో నా కాంటాక్ట్‌కి ఈ ఫొటోను డిస్‌ప్లే పిక్‌గా పెట్టుకుంటే ఇంకా కరెక్టుగా ఉంటుంది’’ అని కామెంట్‌ కూడా రాశారు. ఇదీ ఒక రకమైన పుత్రోత్సాహమే.

‘నకరాల్‌ పడితే తోల్‌ తీస్తా’ అని వీర మాస్‌ లెవల్లో రౌడీలకు వార్నింగ్‌ ఇస్తున్నారు నటి రాధికా శరత్‌కుమార్‌. ఆమె పోలీసాఫీసర్‌ పాత్ర చేయడం లేదు. వార్నింగ్‌ ఇస్తుంది డాన్‌ పాత్రలో. శరణ్‌ దర్శకత్వంలో అరవ్, కావ్వథాపర్, రాధికా శరత్‌కుమార్‌ ముఖ్య పాత్రలుగా ‘మార్కెట్‌ రాజా ఎంబీబీఎస్‌’ అనే సినిమా తెరకెక్కుతోంది. ఈ సినిమాలో అరవ్‌ లోకల్‌ డాన్‌ అండ్‌ రైల్వే కండక్టర్‌ పాత్రలో నటిస్తున్నారు. రాధిక డాన్‌గా నటిస్తున్నారు. ‘‘అరవ్‌ తల్లిగా రాధిక డాన్‌ పాత్రలో కనిపిస్తారు. ఆమె యాక్టింగ్‌లో ఎం.ఆర్‌. రాధ (రాధిక తండ్రి, ప్రముఖ తమిళ నటుడు) బాడీ లాంగ్వేజ్‌ను ఆడియన్స్‌ చూస్తారు. వాయిస్‌ మాడ్యులేషన్‌ కూడా అలానే ఉంటుంది’’ అని దర్శకుడు అన్నారు. ఈ సినిమా చిత్రీకరణ 80 శాతం పూర్తయింది. నెక్ట్స్‌ షెడ్యూల్‌ను చెన్నైలో ప్లాన్‌ చేశారు. సిమ్మన్‌ కె. కింగ్‌ ఈ సినిమాకు సంగీతం అందిస్తున్నారు.

తమిళసినిమా: నటి ఓవియ తనకు నచ్చడానికి కారణం అదే అంటున్నాడు నటుడు ఆరవ్‌. వీరిద్దరి గురించి ఆ మధ్య పెద్ద చర్చే జరిగిందన్నది తెలిసిన విషయమే. బిగ్‌బాస్‌ రియాలిటీ గేమ్‌ షోలో పాల్గొన్న వారి లో ఆరమ్, ఓవియ కూడా ఉన్న విషయం తెలిసిందే. అంతే కాదు వీరిద్దరి మధ్య ఆ గే మ్‌ షోలోనే ప్రేమ వ్యవహారం సాగిందని, అయితే ఓవియ పెళ్లి ప్రపోజల్‌ చేయగా ఆరవ్‌ రివర్స్‌ గేర్‌ తీసుకున్నట్లు ప్రచారం జరిగింది. అంతే కాదు ఆరమ్‌ తన ప్రేమను నిరాకరించడంతో మానసిక వేదనకు గురైన ఓవియ ఆత్మహత్యా ప్రయత్నం చేసినట్లు ప్రచారం హోరెత్తింది.  దీంతో నటి ఓవియ మళ్లీ మామూలు స్థితికి రావడానికి కొంత సమయం పట్టింది. అనంతరం ఆరవ్, ఓవియ సహజంగానే మసులుకోవడం మొదలెట్టారు. నటి ఓవియ ఆ గేమ్‌ షోలో గెలవకపోయినా, అంత కంటే ఎక్కువే ప్రాచుర్యం పొందింది. దీంతో కొత్తగా అవకాశాలు క్యూ కడుతున్నాయి. అంతే కాదు వాణిజ్య ప్రకటనలు తలుపు తడుతున్నా యి. మొత్తం మీద ఓవియ సెలబ్రిటీ నటి అయిపోయింది. అప్పుడు తన ప్రేమను నిరాకరించిన ఆరవ్‌ ఇప్పుడు ఓవియానే తనకు ఇష్టమైన నటి తను అని అంటున్నాడు. ఈయన ఇటీవల ఒక పత్రికకు ఇచ్చిన భేటీలో ఓవియ తనకు నచ్చడానికి కారణం ఏమంటంటే యథార్థంగా ఉండడం ప్రపంచంలోనే కష్టమైన విషయం అన్నారు. నిజజీవితంలోనూ ఏదో విధంగా నటిస్తూనే ఉంటామన్నారు. అయితే నటి ఓవియ ఎప్పుడూ తనలాగే ఉంటుందని అందుకే ఆమె తనతో పాటు అందరికీ నచ్చుతుందని పేర్కొన్నాడు.

‘జయం’ రవి హీరోగా శక్తి సౌందర్‌ రాజన్‌ దర్శకత్వంలో రూపొందిన ఇండియా ఫస్ట్‌ స్పేస్‌ ఫిలిం ‘టిక్‌ టిక్‌ టిక్‌’. ఈ సినిమా ద్వారా ‘జయం’ రవి కుమారుడు అరవ్‌ కూడా సిల్వర్‌ స్క్రీన్‌కి వరాన్‌ (వస్తున్నాడు). ఈ బుడతడు ‘టిక్‌ టిక్‌ టిక్‌’లో యాక్ట్‌ చేశాడు. కుమారుడితో కలిసి నటించటం చాలా ఆనందంగా ఉంది అంటూ పలు మార్లు పేర్కొన్నారు ‘జయం’ రవి. ఈ నెల 26న తెలుగు, తమిళ భాషల్లో ఈ చిత్రం విడుదల కానుంది.

చెన్నై : ఆయనకు నేను, నాకు ఆయన అంటోంది నటి ఓవియ. బిగ్‌బాస్‌ రియాలిటీ గేమ్‌ షోలో పాల్గొన్న తరవాత ఈ అమ్మడి క్రేజే వేరు. అంతకు ముందు కొన్ని చిత్రాల్లో హీరోయిన్‌గా నటించినా రాని పాపులారిటీ బిగ్‌బాస్‌ గేమ్‌ షోతో వచ్చిపడింది. దీంతో అవకాశాలు తలుపు తడుతున్నాయి. ప్రస్తుతం లారెన్స్‌తో ఆయన తాజా చిత్రంలో నటించడానికి రెడీ అవుతోంది. అయితే ఈ బ్యూటీ గురించి చాలా గ్యాసిప్స్‌ ప్రచారం అవుతున్నాయి. ఆమెతో పాటు బిగ్‌బాస్‌ గేమ్‌షోలో పాల్గొన్న నటుడు ఆరవ్‌తో కలిపి వదంతులు హోరెత్తుతున్నాయి. వీటి గురించి ఇటీవల ఒక టీవీకి ఇచ్చిన భేటీలో ఓవియ వివరణ ఇచ్చింది. తనకు పలు అకాశాలు వస్తున్న మాట నిజమేనని, అయితే ఒకే సమయంలో పలు చిత్రాలు చేయడం సాధ్యం కాదని పేర్కొంది. తాను ఆదాయం కోసం ప్రయత్నించి మోడలింగ్‌ రంగంలోకి వెళ్లానని చెప్పింది. ఆ తరువాత కళవాణి చిత్రంలో నటించే అవకాశం రావడంతో సినీరంగానికి పరిచయం అయ్యానని తెలిపింది. ప్రస్తుతం తాను లారెన్స్‌తో చేస్తున్న ఒక్క చిత్రాన్నే అంగీకరించానని చెప్పింది. ఇక నటుడు ఆరమ్‌తో ప్రేమ వ్యవహారం గురించి జరుగుతున్న ప్రచారం గురించి స్పందిస్తూ తనకు ఒక పార్ట్‌నర్‌ ఉన్నాడని, ఆయనకు తాను, తనకు ఆయన అంటూ తెలివిగా బదులిచ్చి ఆ ఆయన ఎవరన్నది చెప్పకుండానే మాట దాటవేసింది.


 శుక్రవారం ప్రపంచ వ్యాప్తంగా రిలీజ్ అయిన అక్షయ్ కుమార్ యాక్షన్ థ్రిల్లర్ ఎయిర్ లిఫ్ట్కు మంచి స్పందన వస్తోంది. ముఖ్యంగా ఇలాంటి కథను ఎంచుకోవటంతో పాటు, తన నటనతో సినిమా స్థాయిని పెంచిన అక్షయ్ కుమార్కు ప్రత్యేక ప్రశంసలు వస్తున్నాయి. ఈ నేపథ్యంలో అక్షయ్ కుమార్ తనయుడు ఆరవ్ మాత్రం భిన్నంగా స్పందించాడు. సినిమా చూసిన తరువాత ఆరవ్ అన్న మాటలను అక్షయ్ భార్య, ప్రముఖ నటి ట్వింకిల్ ఖన్నా ట్విట్టర్లో పోస్ట్ చేసింది.
 
 ' అమ్మా.. నాన్న తీరుతో బాధనిపిస్తోంది. ఆయన చాలా ఎక్కువగా కష్టపడుతున్నాడు' అని ఎయిర్ లిఫ్ట్ సినిమా చూశాకా తన కొడుకు కామెంట్ చేశాడు, అంటూ ట్వింకిల్ ఖన్నా ట్విట్టర్ లో పేర్కొంది. అక్షయ్ కుమార్ సరసన నిమ్రత్ ఖౌర్ హీరోయిన్గా నటించిన ఈ సినిమాకు రాజా కృష్ణ మీనన్ దర్శకుడు. ఈ శుక్రవారం రిలీజ్ అయిన ఎయిర్లిఫ్ట్కు ప్రేక్షకుల నుంచి, విశ్లేషకుల నుంచి మంచి రెస్పాన్స్ వస్తోంది.