తమిళనాడు ఫ్యామిలీ ట్రిప్‌లో అనసూయ చిల్..గోవా ట్రైబల్ ఫెస్టివల్‌లో శ్రద్ధాదాస్ డ్యాన్స్‌..న్యూ ఇయర్ విషెస్ చెబుతోన్న బిగ్‌బాస్ బ్యూటీ అశ్విని..2024 జ్ఞాపకాలు షేర్ చేసిన నమ్రతా శిరోద్కర్..మలేషియాలో శివం భజే హీరోయిన్ దిగాంగన సూర్యవన్షి...న్యూ ఇయర్‌ సెలబ్రేట్ చేసుకున్న ఆలియా భట్.. View this post on Instagram A post shared by Alia Bhatt 💛 (@aliaabhatt) View this post on Instagram A post shared by Digangana Suryavanshi (@diganganasuryavanshi) View this post on Instagram A post shared by Namrata Shirodkar (@namratashirodkar) View this post on Instagram A post shared by Ashwini Sree (@ashwinii_sree) View this post on Instagram A post shared by Shraddha Das (@shraddhadas43) View this post on Instagram A post shared by Susank Bharadwaj (@susank.bharadwaj)

బిగ్‌బాస్ ‍బ్యూటీ అశ్విని శ్రీ హోయలు..రెడ్ డ్రెస్‌లో యాంకర్ శ్రీముఖి పోజులు..జూబ్లీహిల్స్ ఆలయంలో క్లీంకార పూజలు..శారీలో బుల్లితెర నటి విష్ణుప్రియ అందాలు..దుబాయ్‌ ఈవెంట్‌లో ప్రియాంక చోప్రా సందడి.. View this post on Instagram A post shared by Upasana Kamineni Konidela (@upasanakaminenikonidela) View this post on Instagram A post shared by Rajitha Chowdary (@artist_rajitha) View this post on Instagram A post shared by Vishnu Priya (@vishnupriyaaofficial) View this post on Instagram A post shared by Sreemukhi (@sreemukhi) View this post on Instagram A post shared by Ashwini Sree (@ashwinii_sree) View this post on Instagram A post shared by House Of Neeta Lulla (@houseofneetalulla) View this post on Instagram A post shared by Priyanka (@priyankachopra) View this post on Instagram A post shared by Divi (@actordivi)

రైతుబిడ్డగా బిగ్‌బాస్‌ రియాలిటీ షో అడుగుపెట్టిన పల్లవి ప్రశాంత్ టైటిల్ గెలిచాడు. వంద రోజులకు పైగా సాగిన ఈ షోలో మరో కంటెస్టెంట్ అమర్‌దీప్‌ రన్నరప్‌గా నిలిచాడు. ‍అయితే అంతవరకు బాగానే ఉన్నా.. ప్రశాంత్ గెలిచి బయటికొచ్చాక జరిగిన పరిణామాలు తీవ్రమైన చర్చకు దారితీశాయి. అభిమానుల అత్యుత్సాహంతో కార్లతో పాటు ఆర్టీసీ బస్సులు అద్దాలు ధ్వంసం కావడంతో పోలీసులు పల్లవి ప్రశాంత్‌పై కేసు నమోదు చేసి రిమాండ్‌కు తరలించారు. అన్నపూర్ణ స్టూడియో వద్ద ఫ్యాన్స్ చేసిన హంగామాతో అమర్‌దీప్‌, అశ్విని, గీతూరాయల్ కార్ల అద్దాలు ధ్వంసమయ్యాయి. ‍ (ఇది చదవండి: భారీ ధరకు డంకీ ఓటీటీ రైట్స్.. స్ట్రీమింగ్ ఎక్కడంటే?) అయితే తాజాగా పల్లవి ప్రశాంత్‌ అరెస్ట్‌పై మరో కంటెస్టెంట్ అశ్విని స్పందించారు. పల్లవి ప్రశాంత్‌ అమాయకుడని అతన్ని ఎందుకు అరెస్ట్ చేశారంటూ ఆవేదన వ్యక్తం చేశారు. బిగ్‌బాస్‌ టైటిల్‌ గెలిచిన సంతోషం లేకుండా చేశారని అన్నారు. నాకు ప్రశాంత్ తమ్ముడిలాంటి వాడు.. అతను త్వరలోనే జైలు నుంచి బయటికి రావాలని కోరుకుంటున్నట్లు అశ్విని బాధపడ్డారు. అది ఫ్యాన్స్ చేసిన తప్పే కానీ.. ప్రశాంత్ అలాంటివాడు కాదని తెలంగాణ పోలీసులను కోరింది.  అశ్విని మాట్లాడుతూ.. 'పల్లవి ప్రశాంత్‌ను అరెస్ట్ చేశారని తెలిసింది. ఇది కరెక్ట్ కాదండి. ఓ కామన్‌ మ్యాన్‌గా వచ్చి ట్రోఫీ గెలిచాడు. పాపం.. ప్రశాంత్ ఏం చేశాడండి. అతన్ని చూసేందుకు అన్నపూర్ణ స్టూడియో వద్దకు ఫ్యాన్స్ వచ్చారు. అతన్ని అరెస్ట్ చేయడం చాలా తప్పు. ప్రశాంత్ చాలా అమాయకుడు, మంచి వ్యక్తి కూడా. కప్ గెలిచి ఒక్కరోజు కూడా కాలేదు. ఆ సంతోషం కూడా లేకుండా చేశారు. నా తమ్ముడు లాంటి వ్యక్తిని జైల్లో వేశారంటనే చాలా బాధగా ఉంది. అతను త్వరగా బయటికి రావాలని కోరుకుంటున్నా. ప్లీజ్ ప్రశాంత్‌కు సపోర్ట్ చేయండి. అది అతని తప్పుకాదని తెలంగాణ పోలీసులకు విజ్ఞుప్తి చేస్తున్నా' అంటూ ప్రశాంత్‌కు మద్దతుగా నిలిచారు. కాగా.. స్టూడియో బయట జరిగిన గొడవలో అశ్విని కారు అద్దాలు కూడా ధ్వంసమైన సంగతి తెలిసిందే.  (ఇది చదవండి: ఆర్జీవీ బ్యూటీ.. ఏకంగా హీరోయిన్ ఛాన్స్ కొట్టేసిన భామ!)

ఒక కామన్‌ మ్యాన్‌ అనుకుంటే ఏదైనా సాధించగలడని నిరూపించాడు పల్లవి ప్రశాంత్‌. రైతుబిడ్డగా హౌస్‌లో అడుగుపెట్టిన అతడు ఎంతో వినయంగా మెదులుతూ అందరి మనసులు గెలుచుకున్నాడు. ఆటల్లోనూ విజృంభిస్తూ ఇతర కంటెస్టెంట్లకు గట్టిపోటినిచ్చాడు. అంతిమంగా అందరినీ వెనక్కు నెట్టి బిగ్‌బాస్‌ 7 టైటిల్‌ ఎగరేసుకుపోయాడు. కానీ ఈ ఆనందం ఒక్కరోజులోనే ఆవిరైపోయింది. బిగ్‌బాస్‌ గ్రాండ్‌ ఫినాలే రోజు అన్నపూర్ణ స్టూడియో ఎదుట కంటెస్టెంట్ల కార్లపై, ప్రభుత్వ ఆస్తులపై దాడి జరిగింది. పోలీసుల మాటలు బేఖాతరు శాంతి భద్రతల సమస్య దృష్ట్యా ప్రశాంత్‌ను అక్కడ ఆగకుండా వెంటనే వెళ్లిపోమన్నారు పోలీసులు. ఇతడు మాత్రం రైతుబిడ్డకు విలువిస్తలేరంటూ పోలీసులనే వీడియోలు తీస్తూ దురుసుగా ప్రవర్తించాడు. బయటకు వెళ్లిపోయిన కాసేపటికే పోలీసుల ఆదేశాలను బేఖాతరు చేస్తూ ప్రశాంత్‌ మళ్లీ అన్నపూర్ణ స్టూడియోకు చేరుకోవడంతో అక్కడ ఉద్రిక్త వాతావరణం నెలకొంది. పబ్లిక్‌ న్యూసెన్స్‌కు కారణమయ్యాడంటూ పల్లవి ప్రశాంత్‌ను పోలీసులు అరెస్ట్‌ చేసి చంచల్‌గూడ జైలుకు తరలించారు. కావాలనే నెగెటివ్‌ చేస్తున్నారు అయితే తాను అరెస్ట్‌ అవడానికి ముందు ప్రశాంత్‌.. అసలేం జరిగిందనేదానిపై వివరణ ఇస్తూ ఓ మీడియాకు ఇంటర్వ్యూ ఇచ్చాడు. ఇందులో ప్రశాంత్‌ మాట్లాడుతూ.. 'నాకు సరిగా తిండీ నిద్ర లేదు. కొంచెం ఫ్రీ అయ్యాక మీకు గంటలు గంటలు ఇంటర్వ్యూ ఇస్తానని చెప్పిన. కొందరికి ఇంటర్వ్యూ ఇవ్వలేదని వాళ్లు ఏదేదో మాట్లాడారు. అది చాలా తప్పు. ఆ నలుగురైదుగురి ఫోటోలు, వీడియోలు మావాళ్ల దగ్గర ఉన్నాయి. వాళ్లు నన్ను కావాలనే నెగెటివ్‌ చేస్తున్నారు. నాకేమైనా అయితే వాళ్లదే బాధ్యత! పోలీసులు చెప్పారు, కానీ.. బిగ్‌బాస్‌ హౌస్‌ నుంచి బయటకు రాగానే నాకోసం వచ్చిన జనాన్ని చూసి నేను పరేషాన్‌ అయిన. నాకు ఇంతమంది సపోర్ట్‌ చేశారా? అనుకున్నాను. పోలీసులు వెనుక గేట్‌ నుంచి వెళ్లమన్నారు. కానీ నేను ఒప్పుకోలేదు. నాకోసం అంతమంది వచ్చారు.. నేను దొంగలాగా వెనుక నుంచి వెళ్లను.. ముందు గేట్‌ నుంచే వెళ్తానని చెప్పాను. వాళ్లు ఇంకా ఏమని చెప్పారో ఆ రణగొణ ధ్వనుల మధ్య నాకు వినబడలేదు. వాళ్లు నా మంచి కోసమే చెప్పారు.. కానీ అప్పుడు నాకు ఏదీ సరిగా వినబడకపోవడంతో అలాగే ముందుకు వెళ్లాను. కొందరు కావాలనే నా గురించి తప్పుగా ప్రచారం చేస్తున్నారు. ఒకవేళ నాకేదైనా అయినా, నా ఇంట్లోవాళ్లకు ఏదైనా జరిగినా ఆ ఐదుగురి ఫోటోలు బయటకు వస్తాయి' అని చెప్పుకొచ్చాడు పల్లవి ప్రశాంత్‌. చదవండి: పల్లవి ప్రశాంత్‌కు 14 రోజుల రిమాండ్‌.. వారిద్దరిపై నమోదైన కేసు ఇదే

బిగ్‌బాస్ 7లో అనుకున్నట్లే ఎలిమినేషన్ జరిగింది. శనివారం ఎపిసోడ్‌లో భాగంగా హౌస్ నుంచి అశ్విని బయటకొచ్చేసింది. గతవారం హోస్ట్ నాగార్జున చెప్పినట్లే ఈ వారం డబుల్ ఎలిమినేషన్‌లో భాగంగా ఈమెది తొలి వికెట్. అయితే ఈమె ఎలిమినేట్ అవడానికి హింట్స్ ముందే వచ్చాయి. ఇన్నాళ్లు హౌస్‌లో ఉన్నందుకుగానూ ఎన్ని లక్షలు సంపాదించింది? (ఇదీ చదవండి: Bigg Boss 7: బయటకొచ్చేస్తానని శివాజీ డ్రామా? అమర్ నిజస్వరూపం బట్టబయలు!) వైల్డ్ కార్డ్ ఎంట్రీ 'సరిలేరు నీకెవ్వరు', 'సర్దార్ గబ్బర్ సింగ్', 'రాజా ది గ్రేట్' తదితర సినిమాల్లో చిన్నచిన్న పాత్రలు చేసిన అశ్వినికి గుర్తింపు ఏం రాలేదు. కాకపోతే సోషల్ మీడియాలో మాత్రం ఈమె ఒంపుసొంపులకు బోలెడంతమంది ఫ్యాన్స్ ఉన్నారు. ఈ క్రమంలోనే అక్టోబరు 8న బిగ్‌బాస్‌లోకి ఐదుగురు వైల్డ్ కార్డ్ ఎంట్రీ ఇచ్చారు. వీళ్లలో అశ్విని ఒకరు. భోలెతో దోస్తీ ఇక బిగ్‌బాస్‌లోకి వచ్చిన తర్వాత అశ్విని మిగతా వాళ్లతో పెద్దగా కలవలేకపోయింది. తనతో ఎవరు మింగిల్ అవ్వట్లేదని సీరియల్ బ్యాచ్‌తో నామినేషన్స్ సందర్భంగా ఈమె గొడవ కూడా పెట్టుకుంది. అయితే వైల్డ్ కార్డ్ ఎంట్రీలోనే తనతో పాటు వచ్చిన సింగర్ భోలెతో ఈమెకి దోస్తీ కుదిరింది. గేమ్స్ పరంగా అంతంత మాత్రంగానే ఉన్న అశ్విని.. ఒక్కో వారం సేవ్ అవుతూ ఇప్పటివరకు ఉండిపోయింది. (ఇదీ చదవండి: Bigg Boss 7: రైతుబిడ్డ వల్ల రెండోసారి రతిక ఎలిమినేట్.. వేరే లెవల్ రివేంజ్!) ఎలిమినేషన్ కారణం? అయితే ప్రతివారం కాస్తోకూస్తో తన టంగ్ పవర్ చూపిస్తూ వచ్చిన అశ్విని.. ఈ వారం మాత్రం సైలెంట్ అయిపోయింది. నామినేట్ చేయడానికి పేర్లు లేవని చెప్పి సెల్ఫ్ నామినేట్ చేసుకుంది. దీంతో అప్పుడే చాలామంది ఈమె ఈవారం ఎలిమినేట్ అయిపోవడం పక్కా అని ఫిక్స్ అయ్యారు. అనుకున్నట్లు ఈమె బయటకొచ్చేసింది. రెమ్యునరేషన్ ఎంత? వైల్డ్ కార్డ్ ఎంట్రీ ఇచ్చిన అశ్విని.. బిగ్‌బాస్‌లో మొత్తంగా ఏడు వారాలు ఉంది. వారానికి రూ.2 లక్షలు చొప్పున దాదాపు రూ.14 లక్షలు సంపాదించినట్లు తెలుస్తోంది. వైల్డ్ కార్డ్ కంటెస్టెంట్స్‌లో ప్రసుతానికైతే ఈమె ఎక్కువ మొత్తం అందుకుంది. వైల్డ్ కార్డ్ కంటెస్టెంట్స్‌లో ఇంకా అర్జున్ మాత్రమే మిగిలున్నాడు. (ఇదీ చదవండి: ఆస్పత్రిలో చేరిన 'జబర్దస్త్' ఫైమా.. అసలు ఏమైందంటే?) View this post on Instagram A post shared by Ashwini Sri (@ashwinii_sree)

బిగ్‌బాస్ షోలో కాస్తోకూస్తో ఆసక్తిగా ఉండేవి అంటే నామినేషన్స్, వీకెండ్ ఎపిసోడ్ మాత్రమే. ఈ సీజన్‌లో నామినేషన్స్ తప్ప వీకెండ్ ఎపిసోడ్స్ బోరింగ్‌గా సాగుతూ వచ్చాయి. ఇన్నాళ్లకు ఓ వీకెండ్ ఎపిసోడ్ ఇంట్రెస్టింగ్‌గా అనిపించింది. హోస్ట్ నాగార్జున అయితే ఒక్కొక్కరిని నిలబెట్టి కడిగేశాడు. అలానే చాలామంది ఊహించినట్లే అశ్విని ఎలిమినేట్ అయిపోయింది. ఇంతకీ శనివారం ఎపిసోడ్‌లో ఏం జరిగిందనేది Day 83 హైలైట్స్‌లో ఇప్పుడు చూద్దాం. శివాజీ భుజం డ్రామా కెప్టెన్సీ టాస్క్‌లో తనకు అన్యాయం జరగడంపై అమర్ రాత్రంతా ఏడుస్తూనే ఉన్నాడు. ఎవరొచ్చి చెప్పినా సరే ఆ బాధ నుంచి బయటకు రాలేకపోయాడు. ఇక శివాజీని కన్ఫెషన్ గదికి పిలిచిన బిగ్‌బాస్.. భుజం నొప్పి తగ్గిందా? అంతా ఓకేనా అని ఆరా తీశాడు. డాక్టర్స్ చెప్పిన దాని ప్రకారం కోలుకుంటున్నారని, రాబోయే వారాల్లో టఫ్ గేమ్స్ ఉంటాయని చెప్పాడు. హౌసులో ఉండాలనుకుంటున్నారా? బయటకొచ్చేయాలనుకుంటున్నారా? అని బిగ్‌బాస్ అడగ్గా.. కాస్త టైమ్ ఇస్తే ఆలోచించి చెబుతానని అన్నాడు. అయితే ఇకపై హౌసులో మీ గాయానికి ఎలాంటి ప్రమాదం జరిగినా బాధ్యత అంతా మీదే అని బిగ్‌బాస్ క్లారిటీ ఇచ్చాడు. తొలుత కొనసాగుతానని చెప్పిన శివాజీ.. కాసేపటి తర్వాత మనసు మార్చుకుని.. బయటకెళ్లిపోతా అని అన్నాడు. (ఇదీ చదవండి: ఆస్పత్రిలో చేరిన 'జబర్దస్త్' ఫైమా.. అసలు ఏమైందంటే?) ధైర్యం చెప్పిన నాగ్ ఇదంతా జరిగిన తర్వాత హోస్ట్ నాగార్జున కూడా కన్ఫెషన్ రూంకి పిలిచి మరీ శివాజీ ఆరోగ్య పరిస్థితి గురించి ఆరా తీశాడు. 100 శాతం ఎఫర్ట్ పెట్టలేనప్పుడు కప్ ఆశించడం కరెక్ట్ కాదని, అందుకే వెళ్లిపోతానని అన్నట్లు శివాజీ చెప్పాడు. ఎక్కువ ఆలోచించొద్దు, భయమనేది వద్దని నాగ్ కాస్త సర్దిచెప్పేసరికి శివాజీ అంగీకరించాడు. ఇకపై ఏం జరిగినా బాధ్యత తనదేనని చెప్పాడు. దీనిబట్టి చూస్తే.. ఒకవేళ గాయం ఏమైనా తిరగబెడితే మాత్రం ఎప్పుడైనా సరే శివాజీ హౌస్ నుంచి బయటకెళ్లిపోయే ఛాన్స్ ఉంది. మరి చివరి వారం వరకు ఉంటాడా లేదా అనేది అతడి గాయం తీవ్రత బట్టి ఆధారపడి ఉంటుంది. అమర్ నిజస్వరూపం ఎవిక్షన్ పాస్ గెలుచుకున్న ప్రశాంత్‌ని నాగార్జున మెచ్చుకున్నాడు. ఆ తర్వాత అశ్విని నిలబెట్టి.. డబుల్ ఎలిమినేషన్ అని తెలిసి కూడా సెల్ఫ్ నామినేట్ చేసుకుంటావా? కాన్ఫిడెన్సా, ఓవర్ కాన్ఫిడెన్సా? అని అని నాగ్ సీరియస్ అయ్యాడు. అనంతరం అమర్‌తో మాట్లాడాడు. గతంలో ప్రశాంత్ ఏడుస్తుంటే, దాన్ని యాక్టింగ్ అని అమర్ అందులో అన్నట్లు ఉంది. తాజాగా కెప్టెన్సీ టాస్క్ సందర్భంగా అమర్ ఏడవటాన్ని లింకప్ చేసి నాగ్ ప్రశ్నించాడు. వేరేవాళ్లు ఏడిస్తే, వాళ్లది యాక్టింగ్ అని నువ్వు అన్నావ్.. ఇప్పుడేమో నువ్వు చేసింది యాక్టింగా? అని నాగ్ అడిగేసరికి.. నా వరకు వస్తే గానీ తెలియలేదు అని అమర్ తన అభిప్రాయం చెప్పాడు. అలానే గత వారం కెప్టెన్సీ టాస్క్ సందర్భంగా తన ఏడిచింది స్ట్రాటజీ అని శివాజీతో మాట్లాడుతూ అమర్ ఓ సందర్భంలో చెప్పాడు. ఆ వీడియోని కూడా స్క్రీన్‌పై ప్లే చేసిన నాగ్.. ఇదేంటని అడిగాడు. అమర్ ఏదో చెప్పబోతుంటే.. నీ విషయంలో ఏది యాక్టింగ్? ఏది జెన్యూనిటీ? ఏది స్ట్రాటజీ? అనేది మాకే అర్థం కావట్లేదని నాగ్ అసహనం వ్యక్తం చేశాడు. ఏదైనా సరే కెప్టెన్సీ కంటే కప్ ముఖ్యం అని చెప్పి అమర్‌ని నాగ్ శాంతింపజేశాడు. (ఇదీ చదవండి: Bigg Boss 7: రైతుబిడ్డ వల్ల రెండోసారి రతిక ఎలిమినేట్.. వేరే లెవల్ రివేంజ్!) శివాజీ వాదన శివాజీ.. కెప్టెన్సీ విషయమై అమర్‌కి మాటిస్తున్నా అన్నావ్? మాట కోసం చచ్చిపోతాను అన్నావ్? ఎందుకు మాట మార్చావ్ అని నాగ్, శివాజీని అడిగాడు. దానికి శివాజీ ఏదేదో చెప్పుకొచ్చాడు. అమర్ కెప్టెన్ అయితే తన డిప్యూటీలుగా ప్రియాంక-శోభాని పెట్టుకుంటానన్నాడని అది తనకు నచ్చలేదని, అలానే ప్రియాంక కెప్టెన్సీలో చాలా విషయాలు కరెక్ట్‌గా జరగలేదని నాగ్ ముందే చెప్పాడు. మధ్యలో లేచిన ప్రియాంక.. నాగ్ ముందే శివాజీతో వాదన పెట్టుకుంది. ఇదంతా కూడా చిన్నపిల్లలా యవ్వారంలా అనిపించింది తప్పితే డీసెంట్‌గా అయితే లేదు. అలానే 'హత్య టాస్క్' సందర్భంగా శోభాకి సీక్రెట్ చెప్పి, ఆమె డెడ్ అవ్వకుండా ప్రియాంక కాపాడింది. ఈ వీడియోని చూపించిన నాగ్.. ప్రియాంకని కూడా ఓ రేంజులో ఇ‍చ్చిపడేశాడు. మీ ముగ్గురూ(అమర్-ప్రియాంక-శోభా).. ఒకరికి ఒకరు హెల్ప్ చేసుకుంటున్నారని సీరియస్ అయ్యాడు.  అశ్విని ఎలిమినేట్ చివర్లో యావర్‌ని కూడా నిలబెట్టి కెప్టెన్ అంటే హౌస్ మొత్తానికి కెప్టెన్ అని, ఆమెతో నామినేషన్స్ సందర్భంగా ప్రవర్తించిన తీరు సరికాదని చెప్పిన నాగార్జున.. యావర్‌తో ప్రియాంకకు సారీ చెప్పించాడు. కట్ చేస్తే ఈ వారం డబుల్ ఎలిమినేషన్ ఉంటుందని గుర్తుచేసిన నాగ్.. గన్‌తో పేల్చడం అనేది పెట్టి అశ్విని ఎలిమినేట్ అయినట్లు ప్రకటించారు. అయితే ప్రశాంత్.. నువ్వేమైనా ఎవిక్షన్ పాస్ ఇప్పుడు ఉపయోగిస్తావా అని అడగ్గా.. 14వ వారం వేరొకరి కోసం ఉపయోగిస్తానని ప్రశాంత్, నాగార్జునకు మాటిచ్చేశాడు. అలా శనివారం ఎపిసోడ్ ముగిసింది. (ఇదీ చదవండి: గుర్తుపట్టలేనంతగా మారిపోయిన తెలుగు స్టార్ హీరోయిన్.. ఈమె ఎవరంటే?)

బిగ్‌బాస్‌ షోలో గేమ్స్‌ ఒక్కటే కీలకం కాదు.. వ్యక్తిత్వం, ప్రవర్తన కూడా ముఖ్యమే! చిన్నచిన్న పొరపాట్లనే భూతద్దంలో పెట్టి చూస్తుంటారు. చికాకు తెప్పించే కంటెస్టెంట్లను అస్సలు సహించరు. అలా ఈ సీజన్‌లో చాలామందిని బయటకు పంపించేశారు. తాజాగా మరో ఎలిమినేషన్‌కు రంగం సిద్ధమైంది.  రిస్క్‌ తీసుకోవడం అవసరమా? బిగ్‌బాస్‌ తెలుగు ఏడో సీజన్‌లో పన్నెండో వారం ఎనిమిది మంది నామినేషన్‌లో ఉన్నారు. ప్రియాంక, శోభ మినహా అందరూ నామినేషన్‌లో ఉన్నారు. అయితే వీళ్లలో అశ్విని తెలివితక్కువ పని చేసింది. సిల్లీ కారణాలతో ఎవరినీ నామినేట్‌ చేయలేనంటూ తనను తాను సెల్ఫ్‌ నామినేట్‌ చేసుకుంది. అసలే తనకు పెద్ద ఫ్యాన్‌ ఫాలోయింగ్‌ లేదు. టాస్క్‌ల్లోనూ పెద్దగా పర్ఫార్మ్‌ చేసింది లేదు. పైగా ప్రతిదానికీ ఏడుస్తూ క్రైయింగ్‌ బేబీగా మారింది.  కొంప ముంచిన సెల్ఫ్‌ నామినేసన్‌ పైగా ఫినాలే దగ్గరపడుతున్న సమయంలో సెల్ఫ్‌ నామినేట్‌ చేసుకుని డేంజర్‌ జోన్‌లో ఉండటం అవసరమా? మళ్లీ ఎక్కడ ఎలిమినేట్‌ అయిపోతానోనని భయంతో వణికిపోతోంది. చివరకు ఆమె భయమే నిజమైంది. ఈవారం అశ్విని ఎలిమినేట్‌ అయినట్లు తెలుస్తోంది.. ఈ రోజు ఎపిసోడ్‌లోనే ఆమె ఎలిమినేషన్‌ ఉండనున్నట్లు తెలుస్తోంది. ఈ వారం డబుల్‌ ఎలిమినేషన్‌ కావడంతో రతిక కూడా ఎలిమినేట్‌ అయిందంటున్నారు. మరి అది నిజమా? కాదా? అనేది తెలియాలంటే రేపటి వరకు వెయిట్‌ చేయాల్సిందే! చదవండి: దొరికిపోయిన సోఫాజీ.. ముసుగు ఊడిపోయింది.. విన్నర్‌ రేసులో నుంచి అవుట్‌

బిగ్‌బాస్‌ షోలో కొన్ని అనుకున్నవి అనుకున్నట్లుగా జరుగుతాయి. షో ప్రారంభమైన తొలి వారాల్లో ఎవరు ఎలిమినేట్‌ అవుతారనేది ఇట్టే పసిగట్టేస్తుంటారు. కానీ రానురానూ ఎవరు ఎలిమినేట్‌ అవుతారనేది చెప్పడం చాలా కష్టం. ఎవరికి వారు తమకంటూ సొంత ఫ్యాన్‌బేస్‌ ఏర్పాటు చేసుకుంటారు. గెలుపు కోసం తెగ కష్టపడుతుంటారు, ఎంటర్‌టైన్‌ చేస్తుంటారు. వారి మధ్య పోటీ పెరగడంతో ఎలిమినేషన్‌ను అంచనా వేయడం చాలా కష్టమవుతుంది. కానీ ఈ సీజన్‌లో దాదాపు అన్ని ఎలిమినేషన్స్‌ ఊహించినట్లే జరుగుతున్నాయి. నయని పావని, సందీప్‌, భోలె షావళి ఎలిమినేషన్స్‌ మాత్రమే కాస్త అటూఇటుగా జరిగాయి. ఎవిక్షన్‌ పాస్‌ వెనక్కు ఇక ఈ వారం ఎవరు మూటాముళ్లె సర్దుకుంటారనేది ఆసక్తికరంగా మారింది. అందులోనూ బిగ్‌బాస్‌ ఎవిక్షన్‌ ఫ్రీ పాస్‌ ప్రవేశపెట్టడం.. అది యావర్‌ గెల్చుకోవడంతో ఎలిమినేషన్‌ మరింత ఉత్కంఠగా మారింది. కానీ బిగ్‌బాస్‌ తలిచింది వేరు.. ఆ పాస్‌ లేడీ కంటెస్టెంట్‌ గెలుచుకోవాలని ప్రయత్నించాడు. అందుకే ఒకటీ రెండు కాకుండా బోలెడన్ని గేమ్స్‌ పెట్టాడు. అయినా చివరకు యావరే గెలిచాడు. అయితే ఓ గేమ్‌లో యావర్‌ చేసిన తప్పును నేడు నాగార్జున వీడియో వేసి చూపించాడు. దీంతో తనది ఫౌల్‌ గేమ్‌ అని ఒప్పుకుని ప్రిన్స్‌ తన పాస్‌ను వెనక్కు ఇచ్చేశాడు. కానీ అంతలోనే సర్‌ప్రైజ్‌.. అంటూ పాస్‌ తిరిగిచ్చేసినా ఆశ్చర్యపోనక్కర్లేదు. డేంజర్‌ జోన్‌లో అమ్మాయిలు.. అనూహ్య నిర్ణయం తీసుకున్న బిగ్‌బాస్‌ అయితే ఈ వారం శివాజీ, ప్రశాంత్‌ తప్ప మిగిలిన అందరూ నామినేషన్స్‌లో ఉన్నారు. వీరిలో అమర్‌దీప్‌, ప్రిన్స్‌ యావర్‌, గౌతమ్‌, ప్రియాంక సేఫ్‌ జోన్‌లో ఉన్నారు. రీఎంట్రీ తర్వాత పెద్దగా ప్రభావం చూపని రతిక ఎలిమినేట్‌ కానుందని ప్రచారం జరిగింది. కానీ చివర్లో అశ్విని, శోభాలలో ఎవరో ఒకరిని బయటకు పంపించనున్నట్లు టాక్‌ నడిచింది. అయితే ఇవేవీ కాదని బిగ్‌బాస్‌ అనూహ్య ట్విస్ట్‌ ఇచ్చాడు. ఎలిమినేషన్‌ ఎత్తేశాడు. ఈవారం ఎవరినీ బయటకు పంపించలేదు. అమ్మాయిలను హౌస్‌లో ఉంచడానికే బిగ్‌బాస్‌ ఈ ప్లాన్‌ వేసినట్లు స్పష్టమవుతోంది. చదవండి: నీతులు చెప్తూ బూతులు మాట్లాడుతున్న శివాజీ.. ఈసారైనా నాగ్‌ కోటింగ్‌ ఇస్తాడా?

బిగ్‌బాస్ 7 తెలుగు సీజన్ గతంతో పోలిస్తే గత కొన్నివారాలుగా పికప్ అయిందని చెప్పొచ్చు. గ్రూపులుగా తయారై కొట్టుకుంటున్నారు. అయితేనేం మంచి ఎంటర్‌టైన్‌మెంట్ ఇస్తున్నారు. ఇకపోతే ఉల్టాపుల్టా అనే ట్యాగ్ లైన్‌తో ఈ సీజన్ రన్ చేస్తున్నారు. ఇప్పుడు ఆ లైన్‌కి మరోసారి న్యాయం చేసేలా ఈ వారం డబుల్ ఎలిమినేషన్ ప్లాన్ చేసి ట్విస్ట్ ఇవ్వబోతున్నారట. ఇంతకీ మేటర్ ఏంటి? ఎలిమినేట్ అయ్యే ఆ ఇద్దరు ఎవరు? (ఇదీ చదవండి: ఈ శుక్రవారం ఓటీటీల్లోకి ఏకంగా 33 సినిమాలు) నామినేషన్స్‌లో ఎవరు? ఈ వారం బిగ్ బాస్ హౌసులో 8 మంది నామినేట్ అయ్యారు. శివాజీ కెప్టెన్ కాబట్టి అతడు లిస్టులో లేడు. రైతుబిడ్డ ప్రశాంత్‌కి ఒక్క ఓటు పడటంతో అతడు సేఫ్ అయిపోయాడు. దీంతో మిగిలిన వాళ్లందరూ అంటే అమర్‌దీప్, యావర్, ప్రియాంక, శోభాశెట్టి, అర్జున్, గౌతమ్, అశ్విని, రతిక ఉన్నారు. వీళ్లలో యావర్‌కి ఈసారి ఎక్కువ ఓట్లు పడినట్లు తెలుస్తోంది. రెండులో అమర్ ఉన్నాడట. తర్వాత వరసగా రతిక, అశ్విని, గౌతమ్, అర్జున్, ప్రియాంక, శోభాశెట్టి ఉన్నట్లు తెలుస్తోంది. ఎలిమినేట్ అయ్యేది ఎవరు? ఓటింగ్ ప్రకారం చూసుకుంటే సీరియల్ బ్యాచ్‌లోని ప్రియాంక లేదా శోభాశెట్టిలో ఒకరు ఎలిమినేట్ అయిపోవాలి. కానీ బిగ్‌బాస్ ఆర్గనైజర్స్ అస్సలు వీళ్లని బయటకు పంపించారు. ఎందుకంటే ఆటైనా గొడవైనా వీళ్లిద్దరూ ముందుంటున్నారు. శివాజీకి ఎదురు నిలబడి మాట్లాడుతున్నది కూడా వీళ్లే. ఇలాంటోళ్లని ఎలిమినేట్ చేసి పంపించేస్తే షోలో మజా పోతుంది. అందుకే ఓట్లు తక్కువ పడినా సరే వీళ్లు బయటకెళ్లే ప్రసక్తే లేదనిపిస్తోంది. (ఇదీ చదవండి: 'సప్త సాగరాలు దాటి సైడ్-బి' సినిమా రివ్యూ) డబుల్ ట్విస్ట్ ఈ వారం ఎవిక్షన్ పాస్ ఇవ్వడాని కంటే ముందు.. ఇప్పటివరకు హౌసులో ఉన్నదాని ప్రకారం ర్యాంకింగ్ ప్రకారం నిలబడమని బిగ్‌బాస్ చెప్పాడు. దీంతో వరసగా శివాజీ, యావర్, ప్రశాంత్, ప్రియాంక, శోభా, అమర్, గౌతమ్, అర్జున్, అశ్విని, రతిక నిల్చున్నారు. చివరి రెండు స్థానాల్లో అశ్విని-రతిక ఉన్నారు. అంటే వీళ్లిద్దరూ ఎలిమినేషన్ కి అర్హులని పరోక్షంగా చెప్పినట్లే. అలా ఇప్పుడు ఈ ఇద్దరిని ఈవారం ఒకేసారి ఎలిమినేట్ చేస్తారని అంటున్నారు. లేదంటే మిడ్ వీక్ ఎలిమినేషన్ కూడా ప్లానింగ్‌లో ఉందని టాక్. ఎవిక్షన్ పాస్ సంగతేంటి? ఈవారం పెట్టిన పోటీల్లో గెలిచిన యావర్.. ఎవిక్షన్ పాస్ సొంతం చేసుకున్నాడు. అయితే మనోడు ఎలిమినేషన్‌లో ఉన్నాడు కాబట్టి సొంతంగా సేవ్ చేసుకోవాలని బిగ్ బాస్ ఫిట్టింగ్ పెడితే.. యావర్ తనకోసం తానే దీన్ని ఉపయోగించే అవకాశముంటుంది. వేరే వాళ్ల కోసం అంటే మాత్రం కచ్చితంగా రతికని యావర్ సేవ్ చేసేస్తాడు. మరి ఏం జరుగుతుందో చూడాలి. గేమ్, టాస్కుల పరంగా చూసుకుంటే రతిక ఎప్పుడో వెళ్లిపోవాలి. కానీ బిగ్‌బాస్ ఎందుకో ఆమెపై తెగ ప్రేమ చూపిస్తున్నాడు. ఈసారి ఆమె ఎలిమినేట్ అవుతుందా? సేవ్ అవుతుందా అనేది చూడాలి. అ‍ప్పటివరకు వెయిట్ అండ్ సీ. (ఇదీ చదవండి: నెలన్నర నుంచి ఓటీటీ ట్రెండింగ్‌లో ఆ థ్రిల్లర్ మూవీ)

బిగ్‌బాస్ ఏ సీజన్ తీసుకున్నా సరే కచ్చితంగా లేడీస్ కలరింగ్ ఉంటుంది. హాట్‌బ్యూటీస్‌నే వీలైనంత వరకు బిగ్ బాస్ ఆర్గనైజర్స్ తీసుకొస్తుంటారు. అలా ఈసారి వచ్చిన వాళ్లలో అశ్విని తన గ్లామర్‌తో ఆకట్టుకుంటోంది. గేమ్-గొడవల పరంగా పర్లేదనిపిస్తున్న ఈ బ్యూటీకి సంబంధించిన ఓ ఆసక్తికర విషయం ఇప్పుడు వైరల్ అవుతోంది. (ఇదీ చదవండి: తుస్సుమన్న కొత్త సినిమాలు.. తొలిరోజు కలెక్షన్స్ ఎంతంటే?) తెలుగు సినిమాల్లో నటిగా చిన్నాచితకా పాత్రలు చేసిన అశ్విని శ్రీకి గుర్తింపు అయితే రాలేదు. దీంతో కష్టపడి బిగ్‌బాస్ 7వ సీజన్ లో అడుగుపెట్టింది. గ్లామర్ చూపించడంలో ఎలాంటి మొహమొటం చూపించట్లేదు. వైల్డ్ కార్డ్ ఎంట్రీగా హౌసులోకి వచ్చిన ఈమె.. మొదటినుంచి భోలెతో ఎక్కువగా ఉంటూ వస్తోంది. ఈవారం అతడు ఎలిమినేట్ కానున్నాడని అంటున్నారు. ఒకవేళ భోలె ఎలిమినేట్ అయితే అశ్విని ఒంటరి అయిపోతుంది. అశ్విని చూస్తే పెళ్లి కాని అమ్మాయిలానే కనిపిస్తుంది. కానీ ఆమెకి ఇదివరకే పెళ్లయిందని పలువురు నెటిజన్స్ కామెంట్స్ చేస్తున్నారు. 2013లో పెద్దల చూపించిన ఓ అబ్బాయిని పెళ్లి చేసుకుందని, కానీ ఇద్దరి మధ్య విబేధాలు రావడంతో విడిపోయారని అంటున్నారు. అయితే నిజమా? అబద్ధమా? అనేది మాత్రం తెలియట్లేదు. ఏదేమైనా ఒకవేళ పెళ్లయి విడాకులు తీసుకుంటే మాత్రం స్వయంగా ఈమె చెబితే గానీ ఈ విషయమై క్లారిటీ రాదు! (ఇదీ చదవండి: సీక్రెట్‌గా నిశ్చితార్థం చేసుకున్న 'విక్రమ్' నటుడు.. అమ్మాయి ఎవరంటే?) Instagramలో ఈ పోస్ట్‌ని వీక్షించండి Ashwini Sri (@ashwinii_sree) ద్వారా పోస్ట్ భాగస్వామ్య చేయబడింది

బిగ్‌బాస్‌ హౌస్‌లో ఓ మ్యాజిక్‌ ఉంది. తిట్టుకున్నా, కొట్టుకున్నా, ద్వేషించినా, ప్రేమించినా ఫ్యామిలీ వీక్‌ వచ్చేసరికి మాత్రం అంతా కలిసిపోతారు. ఆయా కంటెస్టెంట్ల అభిమానులు కూడా ఆ ఒక్కవారం ఏ కంటెస్టెంట్‌ మీదా విమర్శించలు గుప్పించడానికి ఇష్టపడరు. ఇంటి సభ్యులను చూసి కంటెస్టెంట్లు కన్నీళ్లు పెట్టుకుంటే వారిని చూసి ప్రేక్షక జనాలు సైతం ఎమోషనల్‌ అవుతుంటారు. మరి తాజా(నవంబర్‌ 7నాటి) ఎపిసోడ్‌లో ఏయే కంటెస్టెంట్ల కుటుంబ సభ్యులు హౌస్‌లోకి ఎంట్రీ ఇచ్చారో చూసేద్దాం.. కాలేజ్‌గా మారిన బిగ్‌బాస్‌ ఈ వారం ఫ్యామిలీ వీక్‌ కావడంతో ఇంకా అప్పుడే టాస్కుల జోలికి పోలేదు బిగ్‌బాస్‌. అంతేగాక బిగ్‌బాస్‌ హౌస్‌ను బీబీ కాలేజ్‌గా మార్చాడు. ఇక్కడ అందరూ విద్యార్థులుగా ఉంటారని, సమయానుసారం వీరిలో కొంతమంది టీచర్లుగా మారి పాఠాలు చెప్పాల్సి ఉంటుందన్నాడు. అంతిమంగా వినోదాన్ని అందించాలన్నాడు. ఇంతలో శివాజీని మెడికల్‌ రూమ్‌కు రమ్మన్నాడు బిగ్‌బాస్‌. అక్కడ ముఖానికి మాస్కు, తలకు క్యాప్‌ వేసుకుని ఉన్న డాక్టర్‌.. శివాజీ ఆరోగ్యం గురించి ఆరా తీశాడు. ఎక్సర్‌సైజులు చేస్తున్నారా? అని అడగ్గా చేస్తున్నట్లు చెప్పాడు శివాజీ. రెండు, మూడు రోజుల్లో నొప్పి తగ్గిపోతుందని డాక్టర్‌ చెప్పగానే థాంక్యూ అంటూ అక్కడి నుంచి వెళ్లబోయాడు. శివాజీకి హింటిచ్చిన పెద్ద కుమారుడు ఇంతలో  డాక్టర్‌.. నాన్న అని పిలవడంతో షాకైన శివాజీ వెనక్కు తిరిగాడు. వెంటనే మాస్కు, క్యాప్‌ అన్నీ తీసేయగా డాక్టర్‌గా వచ్చింది నా పెద్ద కొడుకా అని ఒక్కసారిగా ఏడ్చేశాడు. కెన్నీ.. శివాజీతో కబుర్లాడుతూ ఓ సలహా ఇచ్చాడు కెన్నీ. హౌస్‌లో అందరినీ నమ్మకు. యావర్‌, ప్రశాంత్‌ గురించి కాదు. మిగిలినవాళ్లు ఎంత రెచ్చగొట్టాలని చూసినా రెచ్చిపోకు. మాటలు జారుతున్నావు, చూసుకో అని హెచ్చరించాడు. హౌస్‌ నుంచి వెళ్లేటప్పుడు కూడా వీకెండ్‌లో నాగ్‌ సర్‌ ఇచ్చే పాయింట్లు దృష్టిలో పెట్టుకుని ఆడమన్నాడు. తర్వాత అర్జున్‌ అంబటి భార్య సురేఖ హౌస్‌లోకి ఎంట్రీ ఇచ్చింది. గర్భవతిగా ఉన్న భార్యను చాలారోజుల తర్వాత చూడటంతో కన్నీళ్లు ఆపుకోలేకపోయాడు అర్జున్‌. నీపై కోపం వస్తోంది: అర్జున్‌ భార్య సురేఖపై ముద్దుల వర్షం కురిపించాడు. నీ ఎమోషన్స్‌ దాచుకోకు.. బయటపెట్టు. నువ్వు రియాక్ట్‌ అవ్వట్లేదని నాకు కోపం వస్తుంది.. నువ్వు రియాక్ట్‌ అయితే చూడాలనుంది అంటూ అర్జున్‌కు సలహా ఇచ్చింది అతడి భార్య. భర్తకు ప్రేమగా గోరుముద్దలు పెడుతూ డల్‌గా ఉండకు.. కప్పు ముఖ్యం బిగిలూ అని తన లక్ష్యాన్ని గుర్తు చేసింది. ఇంతలో ఆమెకు సీమంతం చేసేందుకు బిగ్‌బాస్‌ పసుపు-కుంకుమ, పళ్లు, పూలు, గాజులు.. అన్నీ పంపించాడు. హౌస్‌ అంతా కలిసి సురేఖకి సీమంతం చేశారు. భర్త చేతుల మీదుగా సీమంతం జరుపుకున్న ఆనందాన్ని గుండె నిండా నింపుకుని అక్కడి నుంచి వెళ్లిపోయింది సురేఖ. బంగారుతల్లి.. ఏడ్చేసిన అశ్విని తల్లి కాసేపటికి హౌస్‌లో ఉన్న అందరినీ కదలకుండా ఉండాలన్నాడు బిగ్‌బాస్‌. సరిగ్గా అప్పుడే అశ్విని తల్లి ఎంట్రీ ఇచ్చింది. నా బంగారుతల్లి.. అంటూ అశ్వినిని పట్టుకుని ఏడ్చేసింది ఆమె తల్లి. అశ్విని అయితే నేనూ నీతో వచ్చేస్తానమ్మా అంటూ కన్నీళ్లు పెట్టుకుంది. పెద్దవాళ్లతో కలిసుండు.. నా అని నువ్వు ఎవరిని అనుకుంటావో వాళ్లు నీవాళ్లు కాదు.. ఎవరైతే కాదనుకుంటావో ఆ పెద్దవాళ్లే న్యాయంగా ఉంటారు. అని సలహా ఇచ్చింది అశ్విని తల్లి. ఇంతలో బిగ్‌బాస్‌ అశ్వినికి తన కుక్కపిల్ల(సోను) ఫోటోను గిఫ్ట్‌గా పంపాడు. తర్వాత భారంగా తల్లికి వీడ్కోలు పలికింది అశ్విని. అలా ఈరోజు ఎపిసోడ్‌ మొత్తం ఎమోషన్‌తో పిండేశారు. చదవండి: ఆ ఒక్క ఘటనతో కుదేలైన కెరీర్‌.. ఇప్పుడు ఫుల్‌ ఫామ్‌లో ఉన్న త్రిష

నామినేష‌న్స్ అంటే డైరెక్ట్‌గా బ‌య‌ట‌కు పంపించేయ‌రురా.. ఇదొక ప్ర‌క్రియ మాత్ర‌మే.. జ‌నాల‌కు న‌చ్చితే ఉంటాం, లేదంటే పోతాం.. అంటూ నీతులు వ‌ల్ల‌వేస్తుంటాడు శివాజీ. కానీ త‌న‌దాకా వ‌చ్చేస‌రికి మాత్రం ఎవ‌రైనా నామినేట్ చేస్తే చాలు తోక తొక్కిన తాచులా లేస్తుంటాడు. అవ‌త‌లి వారి గొంతు పెగ‌ల‌నియ్య‌కుండా ఏది ప‌డితే అది అనేస్తాడు. ఈరోజు కూడా అదే జ‌రిగింది. త‌న‌ను నామినేట్ చేయ‌డంతో అత‌డి అహం దెబ్బ తింది. మ‌రి ఎవ‌రు ఎవ‌ర్ని నామినేట్ చేశారో తెలియాలంటే నేటి (న‌వంబ‌ర్ 6) ఎపిసోడ్ హైలైట్స్ చదివేయండి.. క‌త్తులు దూసిన కంటెస్టెంట్లు వాళ్లూ వీళ్లు చెప్తే కాదు, శివాజీని రెడ్ హ్యాండెడ్‌గా ప‌ట్టుకోవాలంటూ గౌత‌మ్‌కు స‌ల‌హాలిచ్చాడు అర్జున్‌. తాను కూడా స‌రైన స‌మ‌యం కోసం వేచి చూస్తున్నాన‌న్నాడు. అనంత‌రం బిగ్‌బాస్ నామినేష‌న్ ప్ర‌క్రియ గురించి వెల్ల‌డించాడు. ఈసారి నామినేష‌న్స్ బిగ్‌బాస్ మ‌హారాజ్యంలో జ‌రుగుతాయ‌ని, ఈ రాజ్యంలో శోభ‌, ప్రియాంక‌, అశ్విని, ర‌తికల‌ను రాజ‌మాత‌లుగా ప్ర‌క‌టించాడు. శంఖారావం వ‌చ్చిన ప్ర‌తిసారి ఇద్ద‌రు కంటెస్టెంట్లు క‌త్తుల‌ను బ‌య‌ట‌కు తీసి మిగ‌తా ప్ర‌జల్లో ఎవ‌రిని నామినేట్ చేయాల‌నుకుంటున్నారో చెప్పాలి. ఆ ఇద్ద‌రిలో ఎవ‌రి నామినేష‌న్ స‌బ‌బు అనిపిస్తే వారిని రాజ‌మాత‌లు నేరుగా నామినేట్ చేస్తారు. రాజ‌కీయాలు జ‌రిగాయ‌న్న భోలె మొద‌ట అమ‌ర్‌, అర్జున్ క‌త్తులు అందుకున్నారు. అమ‌ర్ మాట్లాడుతూ.. భోలె షావ‌ళిని టీమ్ నుంచి వెళ్ల‌గొడుతుంటే త‌న‌ను తాను స‌మ‌ర్థించుకోలేక‌పోయాడ‌న్నాడు. దీనికి భోలె స్పందిస్తూ అక్క‌డ రాజ‌కీయాలు జ‌రిగాయ‌ని, అందుకే ఆ గ్రూపు నుంచి బ‌య‌ట‌కు రావ‌డానికి సంకోచించ‌లేద‌న్నాడు. అర్జున్ మాట్లాడుతూ.. చెప్పుడు మాట‌లు విని గౌత‌మ్ శివాజీ మీద అస‌త్య‌ ఆరోప‌ణ‌లు చేశాడంటూ డాక్డ‌ర్‌బాబును నామినేట్ చేశాడు. అమ‌ర్‌, అర్జున్‌ల‌లో రాజ‌మాత‌లు అమ‌ర్ చెప్పిన పాయింట్ ఎక్కువ స‌మ్మ‌తంగా అనిపించ‌డంతో అత‌డి ప్ర‌కారం భోలెను డైరెక్ట్‌గా నామినేట్ చేశారు. జీవితాల‌తో ఆడుకోకూడ‌దు.. సోది మొద‌లుపెట్టిన భోలె ప్రిన్స్‌.. అమ‌ర్‌ను, ప్ర‌శాంత్‌.. గౌత‌మ్‌ను నామినేట్ చేసేందుకు రెడీ అయ్యారు. రాజ‌మాత‌లు..ప్ర‌శాంత్‌కు మ‌ద్ద‌తుగా నిల‌బ‌డి గౌత‌మ్‌ను నామినేట్ చేశారు. త‌ర్వాత‌ భోలె షావ‌ళి.. అమ‌ర్ న‌న్ను వీక్ అన‌డం నచ్చ‌లేదంటూ నామినేట్ చేశాడు. కానీ అది సూటిగా చెప్ప‌కుండా జీవితాల‌తో ఆడుకోకూడ‌దు.. అదీ ఇదీ అని ఏదేదో సోది చెప్పాడు. ఇంత‌లో రాజ‌మాత ప్రియాంక‌కు రోషం పొడుచొక్కింది. అమ‌ర్ నిన్ను వీక్ అన‌లేదు, బిగ్‌బాస్ అన్నాడంటూ అత‌డి త‌ర‌పున లాయ‌ర్‌లా వాదించింది. ఊరుకో అని అశ్విని న‌చ్చ‌జెప్పేందుకు ప్ర‌య‌త్నించ‌గా ఆమె మీద‌కు గ‌య్యిమ‌ని లేచింది. శివాజీని అడ్డంగా బుక్ చేసిన గౌత‌మ్‌ గౌత‌మ్‌.. శివాజీ ఎవ‌రినో కొట్టేసి పోతాన‌న్నాడు. నాగ్ దాని గురించి అడిగితే త‌న‌ను తాను కొట్టుకుని పోతాన‌ని మాట మార్చాడని చెప్పాడు. రాజ‌మాత‌లు గౌత‌మ్‌కు మ‌ద్ద‌తుగా నిలిచి శివాజీని నేరుగా నామినేష‌న్‌లోకి పంపించారు. ఇది స‌హించ‌లేక‌పోయిన శివాజీ.. వాడి పాయింట్స్ మీకు క‌రెక్ట్‌గా అనిపించాయా? నేను త‌ప్పుడు నా బిడ్డ‌నైతే న‌న్ను ఎలిమినేట్ చేయండి అని ఆగ్ర‌హించాడు. ఇంత‌లో ప్రియాంక‌, శోభ‌.. అశ్విని గొడ‌వ‌ప‌డ్డారు. త‌న‌ను అస‌లు మాట్లాడ‌నివ్వ‌ట్లేద‌ని, గ‌డ్డిపోచ క‌న్నా హీనంగా చూస్తున్నార‌ని బాధ‌ప‌డింది అశ్విని.  కాళ్లు మొక్కిన అశ్విని నువ్వొక్క‌దానివి గ్రేట్‌.. ఇక్క‌డ కూర్చున్న మేమంతా వేస్టా? అని ప్రియాంక‌తో వాదిస్తూ ఏడ్చింది. మ‌ధ్య‌లో శోభ గ‌ట్టిగ‌ట్టిగా అరవ‌డంతో.. మేమిద్ద‌రం మాట్లాడుతుంటే నువ్వెందుకు మ‌ధ్య‌లోకి వ‌స్తున్నావని ఆమెపై ఫైర్ అయింది. కానీ వాళ్ల‌ముందు అశ్విని నిల‌బ‌డ‌గ‌ల‌దా? అశ్విని ఒక్క‌మాట అంటే ప్రియాంక‌, శోభ నాలుగు మాట‌లంటూ త‌న‌ను డామినేట్ చేశారు. వారితో అరిచే ఓపిక లేక ఏడుస్తూ ఇద్ద‌రి కాళ్లు మొక్కింది. దీంతో ఆ సీరియ‌ల్ న‌టులిద్ద‌రూ ఇదంతా ఓవ‌ర్ యాక్ష‌న్  అని తిట్టిపోశారు. అనంత‌రం శివాజీ, ప్రిన్స్ క‌త్తులు ప‌ట్టుకుని నిల‌బ‌డ్డారు. మొద‌ట‌గా శివాజీ.. గోనెసంచి గేమ్‌లో అమ‌ర్ నా చేయి ప‌ట్టుకుని లాగ‌డంతో చేయంతా నొప్పి పుట్టిందంటూ నామినేట్ చేశాడు. అమ‌ర్‌ను టార్గెట్ చేసిన ఆ ఇద్ద‌రు నిజానికి ఈ శివాజీయే అమ‌ర్ వ‌ల్ల చేయి బాగైంద‌ని కూడా సంతోషించాడు. ఇప్పుడు అమ‌ర్‌ను టార్గెట్ చేస్తూనే పైకి మాత్రం ఇత‌ర‌త్రా కార‌ణాలు చెప్పుకొచ్చాడు. ప్రిన్స్ యావ‌ర్ సైతం మ‌రోసారి అమ‌ర్‌ను నామినేట్ చేసేందుకు రెడీ అయ్యాడు. కానీ ఇద్ద‌రూ ఒక‌రినే నామినేట్ చేసేందుకు వీల్లేద‌న్నాడు బిగ్‌బాస్‌. ఎవ‌రో ఒక‌రిని నామినేట్ చేయ‌క‌పోతే నువ్వే నామినేట్ అవుతావ‌ని హెచ్చ‌రించాడు. దీంతో యావ‌ర్ త‌న‌కు తానుగా నామినేట్ అయ్యేందుకు రెడీ అయ్యాడు. అటు రాజ‌మాతలు కూడా యావ‌ర్‌నే నామినేట్ చేశారు. ఈరోజు చాలామంది అమ‌ర్‌ను నామినేట్ చేసేందుకు ప్ర‌య‌త్నించినా రాజ‌మాత‌లు మాత్రం విశ్వ‌ప్ర‌య‌త్నాలు చేసి అత‌డిని కాపాడారుజ. బ‌లైన ర‌తిక‌ అనంత‌రం అదిరిపోయే ట్విస్ట్ ఇచ్చాడు బిగ్‌బాస్‌. రాజ‌మాత‌లు చ‌ర్చించుకుని వారిలో ఒక‌రు నామినేట్ అవ్వాల‌న్నారు. ర‌తిక‌, అశ్విని.. ప్రియాంక‌ను నామినేట్ చేయ‌గా ప్రియాంక‌, శోభ‌.. ర‌తిక‌ను నామినేట్ చేశారు. ప్రియాంక‌, ర‌తిక‌కు టై అవ‌డంతో నామినేష‌న్ బాధ్య‌త‌ను కెప్టెన్‌కు అప్ప‌గించాడు బిగ్‌బాస్‌. శోభకు మ‌రో ఆప్ష‌నే లేదు, ప్రియాంక‌ను సేవ్ చేసి ర‌తిక‌ను నామినేట్ చేసింది. కానీ ఈ క్ర‌మంలో పెద్ద యుద్ధ‌మే న‌డిచింది. నువ్వు నాకు ఆఫ్ట్రాల్ అంటూ శోభ‌కు ఇచ్చిప‌డేసింది ర‌తిక‌.ఈ వారం భోలె షావ‌ళి, శివాజీ, గౌత‌మ్‌, ప్రిన్స్ యావ‌ర్‌, ర‌తిక రోజ్ నామినేష‌న్‌లో ఉన్నారు. చ‌ద‌వండి: జూన్‌లో పెళ్లి.. త్వ‌ర‌లో తండ్రి కాబోతున్న హీరో..

బిగ్‌బాస్ షో నుంచి మ‌రొక‌రిని బ‌య‌ట‌కు పంపించేందుకు అవ‌స‌ర‌మైన‌ నామినేష‌న్స్ ప్రక్రియ మొద‌లైంది. అయితే ఈసారి దీన్ని వినూత్నంగా ప్లాన్ చేశాడు బిగ్‌బాస్‌. ఇంట్లోని ఆడ‌వాళ్ల‌ను రాజ‌మాత‌లుగా ప్ర‌క‌టించాడు. మిగ‌తా ఇంటిస‌భ్యులు ఎవ‌రినైతే నామినేట్ చేయాల‌నుకుంటున్నారో చెప్పి అందుకు త‌గ్గ కార‌ణాలు చెప్పాల్సి ఉంటుంది. రాజ‌మాత‌ల‌కు ఆ కార‌ణం స‌రైన‌ది అనిపిస్తేనే నామినేష‌న్ జ‌రుగుతుంది. అమ‌ర్‌ను వెన‌కేసుకొచ్చిన ప్రియాంక‌ ముందుగా గౌత‌మ్ మాట్లాడుతూ.. నా క్యారెక్ట‌ర్, డాక్ట‌ర్ వృత్తి గురించి శివాజీ అలా మాట్లాడ‌టం న‌చ్చ‌లేదంటూ సోఫాజీని నామినేట్ చేశాడు. త‌ర్వాత భోలె షావ‌ళి.. నీకు న‌వ్వు వీక్ అయి బ‌య‌ట‌కు వ‌చ్చావ‌ని అన్నావంటూ అమ‌ర్‌ను నామినేట్ చేశాడు. ఇంత‌లో రాజ‌మాత ప్రియాంక మ‌ధ్య‌లో క‌ల‌గ‌జేసుకుంటూ అమ‌ర్‌.. నిన్ను వీక్ అన‌లేద‌ని వెన‌కేసుకొచ్చింది. నువ్వు విష‌యాన్ని క‌ప్పిపుచ్చుతున్నావ్‌.. మ‌ధ్య‌లో ఎందుకొస్తున్నావు?  ఒర్రొద్దు అని అడిగాడు. నువ్వు చాలా గ్రేటు.. ఇక్క‌డ కూర్చున్నవాళ్లంద‌రం వేస్ట్‌. వ‌దిలెయ్ ప్రియాంక అంటూ ఆమెను కూల్ చేసేందుకు అశ్విని ప్ర‌య‌త్నించగా నేను అత‌డితో మాట్లాడుతున్నాను అంటూ రెచ్చిపోయింది ప్రియాంక‌. ప్ర‌తిసారి నా నోరెత్తితే చాలు ప్రాబ్ల‌మైపోతుంది ఇక్క‌డ‌.. ఇప్పుడేంటి నువ్వు చాలా గ్రేటు.. ఇక్క‌డ కూర్చున్నవాళ్లంద‌రం వేస్ట్‌.. క‌నీసం నా పెద‌వి కూడా  విప్ప‌నివ్వ‌డం లేదు. ఇంకేం చేయాలి? అని ఏడుస్తూ ప్రియాంక‌, శోభల కాళ్లు మొక్కింది. నామినేష‌న్స్‌లో ర‌తిక‌ ఎందుకిలా ప్ర‌వ‌ర్తిస్తున్నావు? ఇలా చేయ‌డం క‌రెక్ట్ కాదు అంటూ ప్రియాంక‌, శోభ హెచ్చ‌రించినా అశ్విని ఆవేశం, బాధ‌ చ‌ల్లార‌లేదు.. కాగా రాజ‌మాత‌లుగా లేడీ కంటెస్టెంట్ల‌ను పెట్టింది వారిని నామినేష‌న్స్ నుంచి కాపాడ‌టానికే అన్న‌ అభిప్రాయాలు వ్య‌క్త‌మ‌వుతున్నాయి. అయిన‌ప్ప‌టికీ చివ‌ర్లో ఏదో ట్విస్ట్ ఉండేలా కనిపిస్తోంది. ఎందుకంటే ఈవారం నామినేష‌న్స్ లిస్టులో ర‌తిక పేరు కూడా ఉంద‌ట‌! ర‌తిక‌తో పాటు ప్రిన్స్ యావ‌ర్‌, శివాజీ, గౌత‌మ్‌, భోలె షావ‌ళి నామినేష‌న్స్‌లో ఉన్న‌ట్లు స‌మాచారం. చ‌ద‌వండి: అడ్డంగా దొరికిపోయిన తేజ‌.. ఆన్స‌ర్ చెప్ప‌మంటే నీళ్లు న‌ములుతున్నాడే

నాగార్జున‌తో తేల్చుకునే స‌మ‌యం కోసం తెగ ఎదురుచూశారు తేజ‌, గౌత‌మ్‌. ఇద్ద‌రి ఫిర్యాదు శివాజీ గురించే! అయితే ఎప్ప‌టిలాగే శివాజీని వెన‌కేసుకువ‌చ్చే ప్ర‌య‌త్నం చేశాడు నాగ్‌. గేమ్‌లో దొంగ‌త‌నం చేయ‌బోతే శివాజీ నానామాట‌లు తిట్టి, బెదిరించిన సంగ‌తి తెలిసిందే క‌దా! అదంతా అత‌డి స్ట్రాట‌జీ అని శివాజీకి పాజిటివ్‌గా మాట్లాడారు. దీంతో తేజ‌, గౌత‌మ్ బిక్క‌మొహం వేసుకున్నారు. అటు అశ్విని కూడా గ‌ట్టిగానే క‌ల్ఆస్ పీకాడు నాగ్‌. మ‌రి నేటి(న‌వంబ‌ర్ 4) ఎపిసోడ్ హైలైట్స్‌లో ఏమేం జ‌రిగాయో చ‌దివేయండి.. శివాజీ ఫౌల్ గేమ్స్‌.. ఒప్పుకున్న యావ‌ర్‌ ఎప్పుడూ ప్ర‌శాంత్‌, యావ‌ర్ జ‌పం చేసే శివాజీ కెప్టెన్సీ టాస్కులో యావ‌ర్‌కు స‌పోర్ట్ చేయ‌లేదు. అలా అని త‌న చేయి బాలేద‌ని ఆడ‌కుండా కూర్చోలేదు. ఆడి దెబ్బ త‌గిలితే అది సింప‌తీ కింద వ‌ర్క‌వుట్ అవుతుంద‌ని ఆలోచించాడు. ఎలాగో ఓడిపోయే గేమ్‌కు యావ‌ర్ త‌ర‌పున ఎందుక‌ని అర్జున్‌కు స‌పోర్ట్ చేస్తూ అత‌డి త‌ర‌పున గేమ్‌ ఆడాడు. ఇది యావ‌ర్‌కు అస్స‌లు న‌చ్చ‌లేదు. నాకోసం ఎందుకాడ‌లేదు? అని నిల‌దీశాడు. అంతేకాదు అశ్విని ద‌గ్గ‌ర కూడా శివాజీ అన్న ఫౌల్ గేమ్ ఆడాడ‌ని అస‌హనానికి లోన‌య్యాడు. తేజ‌ను ఏడిపించిన శోభ‌ మ‌రోవైపు శోభా శెట్టి-తేజ వాష్‌రూమ్ ఏరియాలో గొడ‌వ‌ప‌డ్డారు. అమ‌ర్ నా స్నేహితుడు కాబ‌ట్టి కెప్టెన్సీ టాస్క్‌లో స‌పోర్ట్ చేశాడు.. నువ్వెవ‌రివి అస‌లు? మా ఇద్ద‌రి మ‌ధ్య పుల్ల‌లు పెడుతున్నావు.. నీ ఒరిజిన‌ల్ క్యారెక్ట‌ర్ ఇప్పుడు తెలుస్తుంది.. అని ఆవేశంతో బుస‌లు క‌క్కింది. త‌న మాట‌ల‌తో క‌ల‌త చెందిన తేజ ఒంట‌రిగా ఏడ్చాడు. అనంత‌రం జ‌పాన్ ప్ర‌మోష‌న్స్ కోసం కార్తీ బిగ్‌బాస్ స్టేజీ మీదకు వ‌చ్చాడు.  ఎప్పుడూ పొగుడుతూ ఉంటే నాగ్ ఈసారి కంటెస్టెంట్ల‌పై సెటైర్లు వేస్తూ కార్తీకి ప‌రిచ‌యం చేశాడు. అశ్విని పుల్ల‌లు పెడుతుంద‌ని, ప్ర‌శాంత్ అప‌రిచితుడు అని, శోభ అపార్థం చేసుకుంటుంద‌ని, తేజ ప‌క్క‌వారి బాధ‌ను రెట్టింపు చేస్తాడ‌ని, శివాజీ సోఫాజీ(సోఫాకే అతుక్కుపోయాడ‌ని) అని మాట్లాడాడు. కాసేపు క‌బుర్లాడాక కార్తీని పంపించేశాడు నాగ్‌. శివాజీని వెన‌కేసుకొచ్చిన నాగ్‌ ఇక బాల్స్ టాస్కులో శివాజీ దొంగ‌త‌నం చేయ‌కూడ‌ద‌ని వాదించాడు. దాదాపు హౌస్ అంతా అత‌డి పెద్ద‌రికానికి గౌర‌వ‌మిచ్చి దొంగ‌త‌నం ప్ర‌య‌త్నం విర‌మించుకుంది. అలా దొంగ‌త‌నాన్ని ఆప‌డ‌మ‌నేది శివాజీ స్ట్రాట‌జీ అని నాగ్ క‌వ‌ర్ చేశాడు. దొరికిందే ఛాన్స‌ని శివాజీ కూడా అవును, అది నా స్ట్రాట‌జీ అంటూ ఎగిరెగిరి ప‌డ్డాడు. కెప్టెన్సీ టాస్క్‌లో శివాజీ మ్యాచ్ ఫిక్సింగ్ చేసి న‌న్ను గేమ్ నుంచి త‌ప్పించాల‌ని చూశాడంటూ నాగ్‌కు ఫిర్యాదు చేశాడు గౌత‌మ్‌. అశ్విని కూడా అదే చెప్పింద‌న్నాడు. నిజంగానే శివాజీ.. అంద‌రినీ ఇన్‌ఫ్లూయెన్స్ చేసి కెప్టెన్సీ టాస్క్ నుంచి గౌత‌మ్‌ను ఎలిమినేట్ చేయ‌డానికి ప్ర‌య‌త్నించాడా? అని ఇంటిస‌భ్యుల‌ను నాగ్ అడిగాడు. అయితే అలాంటిదేమీ జ‌ర‌గ‌లేద‌ని హౌస్ ముక్త‌కంఠంతో చెప్పింది. దీంతో గౌత‌మ్ త‌న‌కు క్లారిటీ వ‌చ్చింద‌న్నాడు. వీళ్లు బంగారం.. వాళ్లు బొగ్గు త‌ర్వాత హౌస్‌లో ఎవ‌రెలా గేమ్‌ ఆడార‌నేదాన్ని బ‌ట్టి వారి ఫోటోల‌ను బంగారం/మ‌ట్టి /బొగ్గు టేబుల్‌లో అతికించాడు. గౌత‌మ్‌ను బెస్ట్ కెప్టెన్‌గా అభివ‌ర్ణించిన నాగ్ అత‌డిని బంగారంగా పేర్కొన్నాడు. శోభ, తేజ‌, అమ‌ర్‌, అర్జున్‌ను, శివాజీల‌ను సైతం బంగారం లైన్‌లో పెట్టాడు. భోలెను గేమ్‌లో స్వాప్ చేస్తుంటే చూస్తూ ఊరుకున్నాడ‌ని అత‌డిని బొగ్గు బోర్డులో పెట్టాడు. ర‌తిక, అశ్విని గేమ్ ఆడ‌లేద‌ని వారిని కూడా బొగ్గు కేట‌గిరీలో వేశాడు. ఆట‌పై ఫోక‌స్ చేయ‌లేదంటూ యావ‌ర్‌ను మ‌ట్టి కేట‌గిరీలో పెట్టాడు. తేజ కోసం బాగా ఆడావు, కానీ నీకోసం ఆడంటూ ప్రియాంక‌ ఫోటోను మ‌ట్టిలో పెట్టాడు. మ‌ధ్య‌లో దూరిన శివాజీ ప్ర‌శాంత్‌ను బంగారంలో పెట్ట‌డంతో రైతుబిడ్డ ఏడ్చేశాడు. మాటిమాటికీ ఏడుస్తావ్‌.. సింప‌తీనా? అని అడ‌గ్గా వెంట‌నే శివాజీ మ‌ధ్య‌లో దూరుతూ.. అత‌డి స్వ‌భావ‌మే అంత‌.. అని స‌పోర్ట్ చేశాడు. ఈరోజు క్లాసులు తీసుకోవ‌డం మీదే ఫోక‌స్ పెట్టిన నాగ్ ఎవ‌రినీ సేవ్ చేయ‌కుండానే వెళ్లిపోయాడు. అయితే ఈ వారం తేజ ఎలిమినేట్ కానున్నాడ‌ని టాక్ న‌డుస్తోంది. మ‌రి అదెంత‌వ‌ర‌కు నిజ‌మ‌నేది తెలియాలంటే రేప‌టి ఎపిసోడ్ చూడాల్సిందే! చ‌ద‌వండి: శోభ సేఫ్‌, తేజ ఎలిమినేట్‌.. చేసిన పాపం ఊరికే పోతుందా?

బిగ్‌బాస్ కెప్టెన్సీ కంటెండ‌ర్‌షిప్ కోసం ఇంటిస‌భ్యుల‌ను రెండు టీములుగా విభ‌జించాడు. అయితే గౌత‌మ్ టీమ్‌ను గెలిపించాల‌ని బిగ్‌బాస్ బ‌లంగా ఫిక్స‌యిన‌ట్లు క‌నిపిస్తోంది. ఎరుపు, న‌లుపు రంగులో ఉన్న బాల్స్ గౌత‌మ్ సంపాదించ‌గా వాటితో విజ‌యం సాధించేలా బిగ్‌బాస్ పావులు క‌దిపాడు. అస‌లు హౌస్‌లో ఇంకా ఏమేం జ‌రిగాయో తాజా(న‌వంబ‌ర్ 3) ఎపిసోడ్ హైలైట్స్‌లో చ‌దివేయండి.. ఆ టీమ్‌లోని అంద‌రూ కంటెండ‌ర్లే బిగ్‌బాస్ బ్లాక్ బాల్ ఎవ‌రి ద‌గ్గ‌రుంద‌ని అడిగాడు. వీర‌సింహాలు టీమ్ త‌మ ద‌గ్గ‌రే ఉంద‌ని బ‌దులిచ్చారు. ఈ న‌ల్ల‌ బంతి సాయంతో అవ‌త‌లి టీమ్ ద‌గ్గ‌రున్న అన్ని బంతుల‌ను తీసుకోవ‌చ్చ‌ని భ‌లే స‌ర్‌ప్రైజ్ ఇచ్చాడు బిగ్‌బాస్‌. దీంతో  వీర‌సింహాలు టీమ్ స‌భ్యులు ఎగిరి గంతేశారు. కానీ గ‌ర్జించే పులుల టీమ్‌లోని శివాజీ, ప్రియాంక మాత్రం ఓ రెండు బంతుల‌కు కక్కుర్తి ప‌డ్డారు. అన్నీ ఇచ్చేయ‌మ‌న్నాక ఇంకెందుకు ఆలోచిస్తున్నార‌ని గౌత‌మ్ ప్ర‌శ్నించ‌గా మా ఇష్ట‌మొచ్చిన‌ట్లు చేస్తామ‌న్నాడు శివాజీ. దీంతో గౌత‌మ్ ఆవేశంతో ఊగిపోయాడు.  ఇక అన్ని బంతులు వీర‌సింహాల‌కే ద‌క్కి పైచేయి సాధించ‌డంతో ఆ టీమ్‌లో ఉన్న అంద‌రినీ కెప్టెన్సీ కంటెండ‌ర్లుగా ప్ర‌క‌టించాడు బిగ్‌బాస్‌. ర‌తిక‌తో దూరంగా ఉండ‌మ‌న్న శివాజీ మ‌రోవైపు ర‌తిక‌తో కాస్త దూరంగా ఉండ‌మ‌ని యావ‌ర్‌ను హెచ్చ‌రించాడు శివాజీ. మీ అతి చ‌నువు జ‌నాల‌కు న‌చ్చ‌క‌పోవ‌చ్చ‌ని సుతిమెత్త‌గా వార్నింగ్ ఇచ్చాడు. ఇదిలా ఉంటే బంతుల టాస్కు మ‌ధ్య‌లో వీర‌సింహాలు టీమ్ త‌మ స‌భ్యులైన‌ భోలె షావ‌ళిని అవ‌త‌లి టీమ్‌లోని అర్జున్‌తో స్వాప్ చేసిన సంగ‌తి తెలిసిందే క‌దా! అయితే తాను మొద‌ట తేజ పేరు సూచించాన‌ని గౌత‌మ్ అన్నాడు. అదేంటి? నువ్వు భోలె పేరు చెప్పావ‌ట‌గా అని అశ్విని గబుక్కున అడిగేసింది. అది విని షాకైన గౌత‌మ్‌.. భోలె ద‌గ్గ‌ర‌కు వెళ్లి నేను డైరెక్ట్‌గా మీ పేరు చెప్ప‌లేదు.. అది టీమ్ నిర్ణ‌యం అని క్లారిటీ ఇచ్చాడు. స్వ‌చ్ఛందంగా ఆట‌లో నుంచి త‌ప్పుకున్న ప్రిన్స్‌ అనంత‌రం బిగ్‌బాస్ బీన్ బ్యాగ్ అనే కెప్టెన్సీ టాస్క్ ఇచ్చాడు. కానీ ఇక్క‌డో మెలిక‌ పెట్టాడు. వీర‌సింహాలు టీమ్‌లోని కెప్టెన్సీ కంటెండ‌ర్స్ కోసం అవ‌త‌లి టీమ్‌లోని కంటెస్టెంట్లు ఆడాల్సి ఉంటుంద‌న్నాడు. అలాగే ఓ కంటెండ‌ర్ స్వ‌చ్ఛందంగా ఆట‌లో నుంచి త‌ప్పుకోవాల‌న్నాడు. దీంతో ప్రిన్స్ యావ‌ర్ ఆట నుంచి వైదొలిగాడు. గౌత‌మ్ త‌ర‌పున అశ్విని, అర్జున్ త‌ర‌పున శివాజీ, తేజ త‌రపున ప్రియాంక‌, ర‌తిక త‌ర‌పున భోలె షావ‌ళి ఆట‌లో దూకారు. ఇద‌స‌లే ఫిజిక‌ల్ టాస్క్‌.. చేయి నొప్పి ఉన్న శివాజీ ముందే ఆట‌లో నుంచి వైదొల‌గాల్సింది. అయినా స‌రే త‌న ప్ర‌తాపం చూపిస్తానంటూ ఆడేందుకు వెళ్లాడు. దెబ్బ త‌గ‌ల‌డంతో శివాజీ అవుట్‌ తీరా అక్క‌డ అంద‌రూ లాక్కుని పీక్కునే క్ర‌మంలో అత‌డి చేతికి దెబ్బ త‌గిలింది. దీంతో ఆయ‌న ఆట‌లో నుంచి త‌ప్పుకోవాల్సిన ప‌రిస్థితి ఏర్ప‌డింది. ఇక ఈ ఆట‌లో అమ‌ర్‌దీప్‌- అశ్విని కొట్టుకున్నారు. బిగ్‌బాస్ గీసిన వృత్తంలో నుంచి అంద‌రూ బ‌య‌ట‌కు వ‌చ్చార‌ని సంచాల‌కుడైన ప్ర‌శాంత్ అభిప్రాయ‌ప‌డ్డాడు. ఆ గీత దాటి బ‌య‌ట‌కు వ‌చ్చింది శివాజీ అన్న అని, కావాలంటే వీడియో చూడ‌మ‌న్నాడు అమ‌ర్‌దీప్‌. ఒక‌వేళ తాను చెప్పింది త‌ప్ప‌యితే చెప్పుతో కొట్టుకుంటాన‌ని స‌వాలు విసిరాడు. అమ‌ర్ సాయం.. కెప్టెన్‌గా శోభ‌ ఇక బీన్ బ్యాగ్ టాస్కులో శోభా శెట్టి త‌ర‌పున ఆడి, పోరాడి అమ‌ర్ గెలిచాడు. మొత్తానికి అమ‌ర్ సాయంతో ఈ సీజ‌న్‌లో శోభా శెట్టి తొలి లేడీ కెప్టెన్‌గా అవ‌త‌రించింది.ఇక శోభా కెప్టెన్ అయిందో, లేదో అర్జున్‌, తేజ ఆమెను ఏడిపించేందుకు ప్ర‌య‌త్నించారు. ఎలిమినేట్ అయి వెళ్లేట‌ప్పుడు నీ ద‌గ్గ‌రున్న కాయిన్స్ ఎవ‌రికి ఇస్తావు? అని అర్జున్ అడ‌గ‌డంతో చిర్రుబుర్రులాడింది శోభ‌. కామెడీ చేయ‌డానికి కూడా ఓ స‌మ‌యం ఉంటుంద‌ని విసుక్కుంది. శివాజీపై ఫిర్యాదు త‌ర్వాత గౌత‌మ్‌.. శివాజీ ప్ర‌వ‌ర్త‌న‌పై అస‌హ‌నం వ్య‌క్తం చేశాడు. 'శివాజీ అన్న‌ గేమ్‌ను ముందే మ్యాచ్ ఫిక్సింగ్ చేస్తున్నాడు. నీతి, నిజాయితీ, ధ‌ర్మం అని మాట‌లు చెప్తుంటాడు.. కానీ ఆయ‌న చాలా త‌ప్పులు చేస్తున్నాడు. అవ‌న్నీ క‌ళ్ల‌కు క‌ట్టిన‌ట్లు క‌నిపిస్తున్నాయి. ఆయ‌న చేసేదంతా చేసి మ‌ళ్లీ ఏమీ ఎరుగ‌న‌ట్లు త‌ప్పించుకుంటున్నాడు. ఇలా ఆడి, గెలిచి ఆయ‌న‌ క‌ప్పు కొట్టుకుంటాడేమో.. కానీ ఇది నేను భ‌రించ‌లేక‌పోతున్నాను. నేను త‌ప్ప‌యితే న‌న్ను ఎలిమినేట్ చేసేయండి' అని కెమెరాల ముందు బిగ్‌బాస్‌కు ఫిర్యాదు చేశాడు. చ‌ద‌వండి: రాహుల్‌-ర‌తిక పెళ్లి.. అత‌డు పెట్టిన కండీష‌న్స్ వ‌ల్లే బ్రేక‌ప్‌!

బిగ్‌బాస్‌ హౌస్‌లో కెప్టెన్సీ అనేది అమృతం కన్నా ఎంతో విలువైనది. కెప్టెన్సీ వస్తే ఒక వారం పాటు ఇమ్యూనిటీ లభించినట్లే! ఈ లెక్కన ఆ వారమంతా ఏ పనీ చేయనక్కర్లేదు, నామినేషన్స్‌ ఉండవు, ఎలిమినేషన్‌ భయమే లేదు. పైగా తన మాటే శాసనం అన్నట్లుగా కెప్టెన్‌ ఏది చెప్తే అదే నడుస్తుంది. అందుకే కెప్టెన్‌ అవ్వాలని కంటెస్టెంట్లు తహతహలాడిపోతుంటారు. కెప్టెన్సీ కోసం పోటీపడే కంటెండర్లను ఎంపిక చేసేందుకు బిగ్‌బాస్‌ బీబీ మారథాన్‌ పోటీ పెట్టాడు. మరి ఈ మారథాన్‌లో ఏం జరిగింది? ఎవరు కంటెండర్లుగా నిలిచారు? అనేది తాజా(అక్టోబర్‌ 26) ఎపిసోడ్‌లో చూసేద్దాం.. నీటితో గేమ్‌ కెప్టెన్సీ కంటెండర్‌ అయ్యేందుకు ఈ ఎపిసోడ్‌లో ముందుగా స్టోర్‌ ఇట్‌.. పోర్‌ ఇట్‌ అనే టాస్క్‌ ఇచ్చాడు. ఇందులో భాగంగా షవర్‌ నుంచి వచ్చే నీళ్లను తలపై స్పాంజిలో నింపుకుని తమ కంటైననర్లో పిండుకోవాలి. ఈ గేమ్‌లో అర్జున్‌, అశ్విని, సందీప్‌, భోలె షావళి ఆడారు. ఒకరినొకరు తోసుకున్నారు. ఈ క్రమంలో అర్జున్‌ తోసేయడంతో అశ్విని కిందపడిపోయింది. ఇక బజర్‌ మోగిన ప్రతిసారి కంటైనర్లో తక్కువ నీళ్లు ఉన్నవారు అవుట్‌ అవుతారు. మొదట భోలె అవుట్‌ కాగా అతడు తన కంటైనర్‌లోని నీటిని అశ్వినికి ఇచ్చేశాడు. ఇద్దరి త్యాగాలు.. గెలిచిన సందీప్‌ తర్వాతి రౌండ్‌లో అశ్విని అవుట్‌ కాగా ఆమె తన నీటిని సందీప్‌ మాస్టర్‌కు ఇచ్చేసింది. మూడో రౌండ్‌లో అర్జున్‌ ఎంత కష్టపడ్డా సందీపే గెలిచి కెప్టెన్సీ కంటెండర్‌ అయ్యాడు. తర్వాత అమర్‌తో సందీప్‌ ముచ్చట్లు పెట్టాడు. అర్జున్‌ సీరియస్‌గా ఆడుతున్నాడని, తను తోసేశాడని ఆరోపించాడు. ఎక్కడ కొడితే ఎక్కడ నొప్పి వస్తుందో నాకూ తెలుసు. నా మోచేయి చాలు తన హైట్‌కు.. అంటూ ఏదేదో మాట్లాడాడు. ఇక అర్జున్‌ తను గేమ్‌ ఆడేటప్పుడు ఎవరూ తనకు సపోర్ట్‌ చేయలేని తెగ ఫీలైపోయాడు. ఇంతకుముందు నో మాస్టర్‌ అనేవాళ్లు, ఇప్పుడు మాస్టర్‌ మాస్టర్‌ అంటున్నారనగానే శివాజీ.. అవన్నీ గచ్చిబౌలి స్ట్రాటజీస్‌ అంటూ చులకనగా మాట్లాడాడు. అక్కా అనొద్దంటూ వెంటపడ్డ రతిక హౌస్‌లో రీఎంట్రీ ఇచ్చిన రతిక వచ్చినప్పటినుంచి ఇంకా ఏ అలజడి సృష్టించకుండా ఉందేంటా? అనుకునేలోపు మళ్లీ మొదలెట్టేసింది. యావర్‌తో నిన్ను, శివనన్నని తప్ప హౌస్‌లో ఎవరినీ నమ్మను.. మనం ఇద్దరం ఒకే ప్లేట్‌లో తింటుంటే ప్రియాంక.. మనల్ని లవ్‌బర్డ్స్‌ అందట. నీ మనసులో, నా మనసులో ఏం లేదు. ఫ్రెండ్లీగా ఉన్నాం.. లవ్‌ కనెక్షన్‌ ఎట్లా వస్తుంది అని మాట్లాడింది. మరోవైపు ప్రశాంత్‌తో తనను అక్కా అనొద్దంటూ సతాయించింది. అతడికేమో ఆమె పెట్టిన టార్చర్‌ గుర్తొచ్చి ఏడుస్తూ అక్కా అనే పిలుస్తా అన్నాడు. ఆమె మాత్రం అందుకొప్పుకోలేదు. చివర్లో శివాజీ కలగజేసుకుని అక్కా అని పిలవనవసరం లేదు అంటూ తీర్పునిచ్చాడు. కంటెండర్‌గా గౌతమ్‌ కాసేపటికి ఎంప్టీ ద కంటైనర్‌ టాస్క్‌ ఇచ్చాడు. దీంతో శోభా.. నేను ఆడతా.. నన్ను ఆడనివ్వకపోతే ఎవరినీ ఆడనివ్వను.. నేను ఆడాల్సిందే అంటూ ఓరకంగా వార్నింగే ఇచ్చింది. దీంతో అర్జున్‌.. ఆమెతో పోరు పడలేక శివాజీ, అశ్విని, గౌతమ్‌లతో పాటు శోభాకు ఛాన్స్‌ ఇచ్చాడు. ఈ గేమ్‌లో గౌతమ్‌ గెలిచాడు. ఓటమిని తీసుకోలేని శోభ ఏడుపు మొదలెట్టేసింది. తర్వాత తేజ-శోభలను బిగ్‌బాస్‌ ఆటపట్టించాడు. తేజను తిననివ్వకుండా ఎందుకంత క్రూరంగా ప్రవర్తిస్తున్నావ్‌.. స్వయంగా మీరే రెండు చపాతీలు చేసి తేజకు తినిపించాలంటూ శోభకు పనిష్మెంట్‌ ఇచ్చాడు. దీంతో లవ్‌ సింబల్‌ షేప్‌లో చపాతీ చేసి తేజ వద్దంటున్నా అతడి వెనకాలే వెళ్తూ ముద్దలు తినిపించింది. ఎట్టకేలకు కంటెండర్‌గా శోభా ఇక చివరగా వేర్‌ ఇట్‌ అండ్‌ విన్‌ ఇట్‌ గేమ్‌ పెట్టాడు. మళ్లీ శోభా.. నేను ఆడతా.. అంటూ మళ్లీ మొదలుపెట్టింది. అర్జున్‌ ఏదో ఆలోచిస్తుంటే అలిగి వెళ్లిపోయింది. దీంతో అశ్విని, అర్జున్‌ త్యాగం చేసి తేజ, యావర్‌, శోభాలకు అవకాశం ఇచ్చారు. ఇందులో తేజకు అమర్‌, శోభాకు ప్రియాంక, యావర్‌కు ప్రశాంత్‌ సపోర్ట్‌ చేశాడు. ఈ గేమ్‌లో శోభా అత్యధికంగా 72 దుస్తులేసుకుని విన్నర్‌గా నిలిచింది. ఈ వారం బీబీ మారథాన్‌లో ప్రియాంక, ప్రశాంత్‌, సందీప్‌, గౌతమ్‌, శోభ కెప్టెన్సీ కంటెండర్లుగా నిలిచారు. చదవండి: సడన్‌గా ఓటీటీలోకి వచ్చిన లేటెస్ట్‌ మూవీ.. స్ట్రీమింగ్‌ ఎక్కడంటే?

బిగ్‌బాస్‌ హౌస్‌లో కెప్టెన్సీ కంటెండర్‌ టాస్క్‌ నడుస్తోంది. ఇప్పటికే రెండు టాస్కులు జరగ్గా వాటిలో ప్రియాంక, ప్రశాంత్‌ గెలిచి కంటెండర్లుగా నిలిచారు. అమర్‌, రతిక ఆటలో నుంచి అవుట్‌ అయి రేసులోనే లేకుండా పోయారు. ఇక మిగిలిన కంటెస్టెంట్ల కోసం నేడు బిగ్‌బాస్‌ మరిన్ని టాస్కులు పెట్టనున్నాడు. ఈమేరకు ప్రోమోలు రిలీజయ్యాయి. షవర్‌ కింద స్పాంజ్‌ ఉన్న హెల్మెట్‌ పెట్టుకుని నిలబడాలి. తర్వాత ఆ స్పాంజ్‌లోని నీళ్లను తమ కంటెయినర్లలో నింపాలి. అర్జున్‌ ఆటతీరుపై అసహనం ఈ టాస్కులో అర్జున్‌, భోలె షావళి, అశ్విని, సందీప్‌ ఆడారు. స్పాంజ్‌ను పూర్తిగా తడుకుపుకునేందుకు పోటీపడి మరీ ఆడారు. ఈ క్రమంలో ఒకరినొకరు తోసుకున్నారు. అర్జున్‌ అయితే అశ్వినిని కింద పడేశాడు. ఈ గేమ్‌ ముగిసిన తర్వాత సందీప్‌.. అర్జున్‌ ఆటతీరుపై అసహనం వ్యక్తం చేశాడు. ఫిజికల్‌ చేయాలంటే రెండు నిమిషాలు పట్టదు. నా పీక పట్టుకుని తోశాడు. ఆ పిల్లను ఒక్క తోపు తోస్తే కింద పడింది అంటూ అర్జున్‌ మీద మండిపడ్డాడు. ఈ ఆటలో సందీప్‌ గెలిచినట్లు తెలుస్తోంది. గెలిచిందెవరంటే? ఇక మరో ఆటలో వీలైనన్ని ఎక్కువ దుస్తులు వేసుకోవాలని ఫన్నీ టాస్క్‌ ఇచ్చాడు బిగ్‌బాస్‌. ఇందులో తేజ, శోభా శెట్టి, ప్రిన్స్‌ యావర్‌ ఆడారు. ఇక తేజ తనవే కాకుండా అందరి బట్టలు సైతం వేసుకోవడంతో హౌస్‌మేట్స్‌ పడీపడీ నవ్వారు. ఈ టాస్కులో శోభ గెలిచినట్లు తెలుస్తోంది. ఇప్పటివరకు లైవ్‌లో జరిగిన గేమ్స్‌ ప్రకారం ప్రియాంక, శోభా, గౌతమ్‌, పల్లవి ప్రశాంత్‌, సందీప్‌ కెప్టెన్సీ కంటెండర్లుగా నిలిచారు. మరి ఈ వారం ఎవరు కెప్టెన్‌గా అవతరిస్తారో చూడాలి! చదవండి: భోపాల్‌ గ్యాస్‌ లీకేజీ దుర్ఘటన.. 39 ఏళ్ల తర్వాత వెబ్‌ సిరీస్‌గా.. ఏ ఓటీటీలో అంటే?

నయని పావని ఎలిమినేషన్‌తో బిగ్‌బాస్‌ హౌస్‌లో 13 మంది మిగిలారు. ఇప్పటివరకు పాత కంటెస్టెంట్లను ఆటగాళ్లుగా కొత్తగా హౌస్‌లో ఎంట్రీ ఇచ్చిన వైల్డ్‌ కార్డ్‌ కంటెస్టెంట్లను పోటుగాళ్లుగా విభజించిన సంగతి తెలిసిందే! నేటితో ఆ బేధాలు చెరిపేసి అందరూ సమానమే అని ప్రకటించాడు బిగ్‌బాస్‌. ఈ వారం కంటెస్టెంట్ల ఎదుట ఉన్న కుండను పగలగొట్టి నామినేషన్‌ చేయాలని తెలిపాడు. ప్రశాంత్‌.. సందీప్‌ మాస్టర్‌, అమర్‌దీప్‌లను నామినేట్‌ చేశాడు. ఇక అమర్‌.. అశ్వినిని నామినేట్‌ చేశాడు. ఈ క్రమంలో అశ్విని మాట్లాడుతూ అమర్‌కు బదులుగా ప్రశాంత్‌.. ప్రశాంత్‌.. అని రైతుబిడ్డ పేరు జపించింది. అనంతరం పాటబిడ్డ భోలెను నామినేట్‌ చేశాడు అమర్‌. ఇది చూసి నవ్వుకున్న భోలె.. పదేళ్ల పిల్లాడిలా కనపడుతున్నావ్‌ అన్నాడు. పూజా మూర్తి.. అశ్విని, భోలె షావళిని నామినేట్‌ చేసింది. ప్రోమో చూస్తుంటే ఎక్కువ ఓట్లు అశ్విని, భోలె షావళికి పడ్డట్లు కనిపిస్తోంది. ఇక సోషల్‌ మీడియాలో వినిపిస్తున్న సమాచారం ప్రకారం.. ఈ వారం అర్జున్‌, గౌతమ్‌, అమర్‌, భోలె, అశ్విని, తేజ, పూజ, శోభ, ప్రశాంత్‌ నామినేషన్‌లో ఉన్నారట! వీరిలో ఒకరిద్దరి పేర్లు అటుఇటుగా మారే అవకాశం ఉన్నట్లు కనిపిస్తోంది. శివాజీ హెల్త్‌ చెకప్‌, ట్రీట్‌మెంట్‌కు వెళ్లి తిరిగి హౌస్‌లోకి రానున్నాడు.