మోత్కూరు మండలం ధర్మాపురంలో ఆదివారం విషాదం చోటుచేసుకుంది. గ్రామానికి చెందిన నల్లచంద్రయ్య(50) అనే రైతు ప్రమాదవశాత్తూ వ్యవసాయబావి వద్ద కరెంటు తగిలి అక్కడికక్కడే మృతిచెందాడు.
 
  


 నల్లగొండ జిల్లా భువనగిరి బైపాస్‌రోడ్డులో శుక్రవారం సాయంత్రం జరిగిన ప్రమాదంలో ఒకరు చనిపోయారు. యాదగిరిగుట్ట మండలం కాచారం గ్రామానికి చెందిన బొడిగే చంద్రయ్య(65) భువనగిరి వైపు స్కూటీపై వెళ్తుండగా వెనుక నుంచి వేగంగా వచ్చిన కారు ఢీకొట్టి, వెళ్లిపోయింది. తీవ్రంగా గాయపడిన ఆయన్ను స్థానికులు భువనగిరి ఏరియా ఆస్పత్రికి తరలించారు. వైద్యులు చికిత్స అందిస్తుండగానే చనిపోయాడు.
 
  


 అప్పుల బాధ తాళలేక అన్నదాత ఉరి వేసుకొని ఆత్మహత్య చేసుకున్నాడు. ఈ సంఘటన రంగారెడ్డి జిల్లా బంటువరం మండలం తొరమామిడి గ్రామంలో ఆదివారం చోటుచేసుకుంది. గ్రామానికి చెందిన కొటపల్లి చంద్రయ్య(35) వ్యవసాయం చేసుకుంటూ జీవనం సాగిస్తున్నాడు. ఈ క్రమంలో బోరు బావులు ఎండి పోవడంతో.. చెరుకు దిగుబడి రాక పోవడంతో.. పెట్టుబడుల కోసం తెచ్చిన అప్పులు తీర్చే దారి కానరాక ఇంట్లో ఎవరు లేని సమయంలో ఉరి వేసుకొని ఆత్మహత్య చేసుకున్నాడు. సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు.
 
  


 మైనర్ బాలికకు పెళ్లీ చేయాలనుకున్న ఓ కుటుంబానికి రెవెన్యూ అధికారులు నచ్చజెప్పి బాల్య వివాహాన్ని అడ్డుకున్న సంఘటన గురువారం మెదక్ జిల్లా దుబ్బాక నగర పంచాయతీ పరిధిలోని ధర్మాజీపేటలో జరిగింది.
 తహశీల్ధార్ అరుణ తెలిపిన వివరాల ప్రకారం... గ్రామానికి చెందిన కొత్తోళ్ల లక్ష్మి, చంద్రయ్య పద్నాలుగేళ్ల కూతురు స్థానిక ప్రభుత్వ ఉన్నత పాఠశాలలో తొమ్మిదవ తరగతి చదువుతోంది. మైనర్ అమ్మాయికి మండల పరిధిలోని చిట్టాపూర్ గ్రామానికి చెందిన ఎర్రోల్ల స్వామితో వివాహాం చేయడానికి ఏర్పాటు చేశారు. విషయం తెలుసుకున్న అధికారులు బాలిక తల్లిదండ్రులతో మాట్లాడి.. వివాహాన్ని రద్దు చేశారు. అనంతరం కుటుంబానికి కౌన్సిలింగ్ ఇచ్చారు.