హైదరాబాద్: ‘ఆడపిల్ల.. ఆడపిల్ల అని బాధపడకండని మా అమ్మానాన్నలకు చెప్పు. మరో జన్మంటూ ఉంటే వారి కడుపున మగపిల్లాడినై పుడతాను’ అని ఓ యువతి తన స్నేహితురాలికి ఫోన్‌లో మెసేజ్‌ పెట్టి భవనంపై నుంచి దూకి బలవన్మరణానికి పాల్పడిన విషాదకర ఘటన జవహర్‌నగర్‌ పరిధిలో శుక్రవారం చోటుచేసుకుంది. ఎస్‌ఐ అనిల్‌కుమార్‌ యాదవ్‌ తెలిపిన వివరాల ప్రకారం.. జవహర్‌నగర్‌ కార్పొరేషన్‌ కారి్మకనగర్‌కు చెందిన మనోహర్, లావణ్య దంపతులు. కూలిపనులు చేసుకుంటూ జీవనం సాగిస్తున్నారు. వీరికి కుమార్తె, కుమారుడు ఉన్నారు. కూతురు చిత్ర శివాని (18) ఓ ప్రైవేటు కాలేజీలో డిగ్రీ మొదటి సంవత్సరం చదువుతోంది. శుక్రవారం ఉదయం ఆమె కాలేజీకి వెళ్లి తిరిగి ఇంటికి వెళ్లే క్రమంలో దమ్మాయిగూడలో బస్సు దిగింది. సాయినగర్‌ కాలనీలో డబుల్‌ బెడ్రూం ఇళ్ల వద్దకు వెళ్లి భవనంపై నుంచి దూకి ఆత్మహత్యకు పాల్పడింది. తొలుత స్నేహితురాలికి ఫోన్‌లో ‘ఆడపిల్ల.. ఆడపిల్ల అని బాధపడకండి అని మా తల్లిదండ్రులకు చెప్పు.. మరో జన్మంటూ ఉంటే మగపిల్లాడినై వారి కడుపులో పుడతా’నంటూ మెసేజ్‌ పెట్టింది. సదరు స్నేహితురాలు వెంటనే ఫోన్‌ చూసుకోలేదు. ఈ క్రమంలోనే చిత్ర శివాని భవనంపై నుంచి దూకి ఆత్మహత్యకు పాల్పడింది. స్థానికులు పోలీసులకు సమాచారం అందించారు. హుటాహుటిన వారు ఘటన స్థలికి చేరుకున్నారు. చిత్ర శివాని అప్పటికే మృతి చెందినట్లు నిర్ధారించారు. పోలీసులు కేసు దర్యాప్తు చేస్తున్నారు. 

సాక్షి, హైదరాబాద్‌: మార్కులు తక్కువగా వచ్చాయని తల్లి మందలించడంతో ఓ డిగ్రీ విద్యార్థిని ఆత్మహత్య చేసుకుంది. ఎస్‌ఆర్‌నగర్‌ ఇన్స్‌పెక్టర్‌ సైదులు తెలిపిన మేరకు..వెస్ట్‌బెంగాల్‌కు చెందిన అసిత్‌ కుమార్‌ డెరియ భార్య, పిల్లలతో కలిసి సనత్‌నగర్‌లోని రాజరాజేశ్వరీనగర్‌లో నివాసం ఉంటున్నారు. మాదాపూర్‌లో  డెక్కన్‌ సెరాయి హోటల్‌లో పనిచేసే కుమార్‌ ఎప్పటిలాగే పనికి వెళ్లాడు. బేగంపేటలోని సెయింట్‌ ఫ్రాన్సిస్‌ కళాశాలలో బీఎస్సీ రెండో సంవత్సరం చదువుతున్న కూతురు బోనాశ్రీ డెరియ (19) గురువారం ఉదయం కేఎల్‌ఎన్‌వై పార్కులో వాకింగ్‌కు వెళ్లి తిరిగి 7.30 గంటల సమయంలో ఇంటికి వచ్చింది. మార్కులు తక్కువగా ఎందుకు వచ్చాయని తల్లి మందలించి ఆమె కూడా వాకింగ్‌కు వెళ్లి పోయింది. తిరిగి తల్లి ఇంటికి రాగా లోపలి నుండి గడియ పెట్టి ఉంది. తలుపులు ఎంత సేపు తట్టినా లోపల నుండి సమాధానం రాకపోవడంతో  తలుపులు తెరిచి చూడగా బోనాశ్రీ సీలింగ్‌ వ్యాన్‌కు చీరతో ఉరి వేసుకుని కనిపించింది. వెంటనే కిందకు దింపి చూడగా అప్పటికే మృతి చెందినట్లు గుర్తించి పోలీసులకు ఫిర్యాదు చేశారు. పోలీసులు విద్యార్థిని ఆత్మహత్యకు గల కారణాలపై  ఆరా తీశారు.  కేసు నమోదు చేసి దర్యాప్తు జరుపుతున్నట్లు ఇన్‌స్పెక్టర్‌ తెలిపారు.   చదవండి: బయటపడ్డ వాస్తవాలు.. పేరుకే ప్రిన్సిపాల్‌.. పెత్తనమంతా డ్రైవర్‌దే 

ముదిగుబ్బ: ఆన్‌లైన్‌ గేమ్స్‌ ఓ విద్యార్థి ప్రాణాలను బలిగొన్నాయి. వివరాలు.. అనంతపురం జిల్లా ముదిగుబ్బ మండలం గుట్టకిందపల్లికి చెందిన సంతోష్‌కుమార్‌(20) డిగ్రీ చదువుతున్నాడు. మొబైల్‌లో ఆన్‌లైన్‌ గేమ్‌లకు బానిసై డిగ్రీ సెకండియర్‌ మధ్యలోనే మానేశాడు. ఇంటివద్దే ఉంటూ ఆన్‌లైన్‌ వీడియో గేమ్‌లు ఆడేవాడు. ఈ విషయమై తల్లిదండ్రులు గురువారం సంతోష్‌ను నిలదీశారు. చదువులు మానేసి ఆన్‌లైన్‌ గేమ్‌లు ఆడుతూ కూర్చొంటే ఎలా బతుకుతావంటూ మందలించారు. దీంతో మనస్తాపానికి గురైన సంతోష్‌ పురుగుమందు తాగి అపస్మారకస్థితికి చేరుకున్నాడు. కుటుంబసభ్యులు వెంటనే ఆస్పత్రికి తీసుకెళ్లారు. పరిస్థితి విషమించి సంతోష్‌ మృతిచెందాడు. పట్నం ఎస్‌ఐ సాగర్‌ కేసు నమోదుచేసి దర్యాప్తు చేస్తున్నారు.  

సాక్షి, ఇచ్చోడ(బోథ్‌): తల్లిదండ్రులు ప్రైవేట్‌ కాలేజీకి పంపడం లేదని మనస్తాపం చెంది డిగ్రీ విద్యార్థిని ఆత్మహత్యకు పాల్పడిన ఘటన మండలంలోని తలమద్రిలో గురువారం చోటుచేసుకుంది. ఎస్సై ఉదయ్‌కుమార్‌ తెలిపిన వివరాల ప్రకారం.. తలమద్రికి చెందిన గుల్లె శంకర్‌ కుమార్తె పూజ (19) ఇచ్చోడలోని సోషల్‌ వెల్ఫేర్‌ డిగ్రీ మహిళా కళాశాలలో డిగ్రీ రెండో సంవత్సరం చదువుతోంది. తనకు సోషల్‌ వెల్ఫేర్‌లో చదవడం ఇష్టం లేదని, ప్రైవేట్‌ కాలేజీకి పంపించాలని రెండు నెలలుగా కళాశాలకు వెళ్లకుండా ఇంటి వద్దే ఉంటుంది. ఈ క్రమంలో తల్లిదండ్రులు కోరిన కాలేజీకి పంపడం లేదని మనస్తాపం చెంది గురువారం కుటుంబ సభ్యులు పొలం పనులకు వెళ్లిన తర్వాత ఉరేసుకుని ఆత్మహత్య చేసుకుంది. మృతురాలి తండ్రి ఇచ్చిన ఫిర్యాదు మేరకు కేసు నమోదు చేసుకుని, దర్యాప్తు చేస్తున్నట్లు ఎస్సై తెలిపారు.   చదవండి: (చున్నీతో ప్రియుడిని నడుముకు కట్టుకుని.. కాలువలో దూకి..)

సాక్షి, నాగోలు: తండ్రి పడుతున్న ఆర్థిక ఇబ్బందులు చూడలేక ఓ యువకుడు ఆత్మహత్యకు పాల్పడిన ఘటన ఎల్‌బీనగర్‌ పోలీస్‌స్టేషన్‌ పరిధిలో ఆదివారం చోటుచేసుకుంది. ఎల్‌బీనగర్‌ పోలీసుల వివరాల ప్రకారం.. నల్లగొండ జిల్లా, చిట్యాల గ్రామానికి చెందిన యర్రమాద సదానంద్‌ టైలర్‌గా పనిచేసేవాడు. లాక్‌డౌన్‌ కారణంగా చిట్యాలలో పనిలేక పోవడంతో భార్య సంధ్య, కుమారుడు శివప్రసాద్‌ (24)కుమార్తె స్వాతిలతో కలసి సదానంద్‌ నగరానికి వచ్చాడు. ఎల్‌బీనగర్‌ కాకతీయనగర్‌ కాలనీలో అద్దె ఇంట్లో ఉంటూ  స్థానికంగా ప్లంబర్‌గా పని చేస్తున్నాడు. అతని కుమారుడు సీతాఫల్‌మండిలోని ప్రభుత్వ డిగ్రీ కళాశాలలో ఫైనల్‌ ఇయర్‌  చదువుతున్నాడు. సదానంద్‌ ప్లంబర్‌గా పని చేస్తున్నా ఆదాయం రాకపోవడంతో ఆర్థిక ఇబ్బందులు తలెత్తాయి. విషయం తెలుసుకున్న కుమారుడు గత కొద్ది రోజులుగా ముబావంగా ఉంటున్నా డు. ఆదివారం మధ్యాహ్నం అతడి తల్లి సంధ్య, సోదరి స్వాతి బయటకు వెళ్లిన సమయంలో శివప్రసాద్‌ ఇంట్లోని సీలింగ్‌ రాడుకు లుంగీతో ఉరేసుకుని ఆత్మహత్యకు పాల్పడ్డాడు. ఇరుగుపొరుగు వారి సాయంతో తలుపులు తీసి చూడగా  అప్పటికే అతడు మృతి చెందాడు. ఆర్థిక సమస్యలతోనే కుమారుడు ఆత్మహత్యకు పాల్పడి ఉంటాడని సదానందం ఎల్‌బీనగర్‌ పోలీసులకు ఫిర్యాదులో పేర్కొన్నాడు. ఈ మేరకు ఎల్‌బీనగర్‌ పోలీసులు కేసు నమోదు చేసుకుని మృతదేహాన్ని పోస్ట్‌మార్టం ఉస్మానియా హాస్పిటల్‌ మార్చురీకి తరలించారు.  

బెలగావి: అసలే కరోనా కాలం. ఆ కుటుంబాన్ని ఆర్థిక ఇబ్బందులు చుట్టుముట్టాయి. కుమార్తె  కాలేజీ ఫీజు రూ.40 వేలు చెల్లించే స్థోమత కూడా లేకుండాపోయింది. తల్లిదండ్రులు పడుతున్న కష్టాలు చూసి తట్టుకోలేక తనువు చాలించింది. ఈ విషాద ఘటన కర్ణాటక రాష్ట్రం బెలగావి జిల్లా బిడీ గ్రామంలో చోటుచేసుకుంది. షకీల్‌ సంగోలి కుమార్తె మెహెక్‌ (20) ఓ ప్రైవేట్‌ కాలేజీలో బీసీఏ ద్వితీయ సంవత్సరం చదువుతోంది. లాక్‌డౌన్‌ కారణంగా షకీల్‌ ఉద్యోగం కోల్పోయాడు. ఆర్థిక సమస్యలు ఎక్కువయ్యాయి. ఫీజు రూ.40 వేలు చెల్లించాలని కాలేజీ యాజమాన్యం ఇటీవల మెహెక్‌ను ఆదేశించింది. షకీల్‌ డబ్బు సర్దుబాటు చేయలేకపోయాడు. తల్లిదండ్రుల పరిస్థితిని చూసి ఆవేదనకు గురైన మెహెక్‌ ఇంట్లోనే ఉరి వేసుకుని మృత్యు ఒడికి చేరుకుంది. ఆమె తల్లి గృహిణి. 4, 6వ తరగతి చదువుతున్న ఇద్దరు సోదరులు ఉన్నారు. ఢిల్లీలోని లేడీ శ్రీరామ్‌ కాలేజీలో చదువుతున్న తెలంగాణ విద్యార్థిని ఐశ్వర్యారెడ్డి(19) ఇటీవల ఫీజు చెల్లించలేక ఆత్మహత్య చేసుకున్న సంగతి తెలిసిందే.

కోనేరుసెంటర్‌(మచిలీపట్నం): అనుమానాస్పదస్థితిలో ఓ యువతి ఆత్మహత్యకు పాల్పడిన ఘటన సుల్తానగరంలో గురువారం చోటుచేసుకుంది. బందరు రూరల్‌ పోలీసులు తెలిపిన వివరాలు.. మండలంలోని సుల్తానగరానికి చెందిన సమ్మెట అనితాసాయిలక్ష్మి (20) మచిలీపట్నం బాలసాయి డిగ్రీ కళాశాలలో డిగ్రీ మూడో సంవత్సరం చదువుతోంది. తండ్రి శ్రీనివాసరావు డొకిపర్రు దేవాలయంలో పనిచేస్తున్నాడు. ఉదయం అనిత ఇంట్లో ఉండగా తల్లిదండ్రులు బ్యాంకులో పని నిమిత్తం మచిలీపట్నం వెళ్లారు. తిరిగి ఇంటికి వచ్చి చూడగా అనితా ఇంట్లో ఫ్యానుకు ఉరి వేసుకుని ఆత్మహత్య చేసుకున్నట్లు గుర్తించారు. చికిత్స నిమిత్తం ఆమెను బందరు ప్రభుత్వాస్పత్రికి తరలించారు. అప్పటికే అనిత చనిపోయినట్లుగా వైద్యులు నిర్ధారించారు. ఘటనా స్థలాన్ని ఎస్‌ఐ లక్ష్మీనరసింహమూర్తి సందర్శించి, కేసు నమోదు చేశారు.

కర్నూలు:  నగరంలోని ఓ ప్రైవేటు కళాశాలలో డిగ్రీ(ఎంఎస్‌సీఎస్‌) రెండో సంవత్సరం చదువుతున్న గాండ్ల వంశీ (20) ఉరేసుకుని ఆత్మహత్య చేసుకున్నాడు. నాల్గో పట్టణ సీఐ శ్రీనివాసరెడ్డి కథనం మేరకు.. నగరంలోని కమలానగర్‌లో నివాసం ఉంటున్న కృష్ణారావు, పద్మావతి దంపతులు స్థానిక సీవీ రామన్‌ కాలేజీలో వంట మనుషులుగా పనిచేస్తున్నారు. వీరి ఏకైక కుమారుడు గాండ్ల వంశీ. చదువుపై శ్రద్ధ చూపకపోవడంతో మొదటి సంవత్సరం కొన్ని సబ్జెక్టులు ఫెయిలయ్యాడు. అప్పటి నుంచి తాను సినిమాల్లోకి వెళతానని, చదువుపై శ్రద్ధ లేదని తల్లిదండ్రులకు చెబుతుండేవాడు. డిగ్రీ పూర్తయ్యాక సినిమాల్లోకి వెళ్లమంటూ వారు మందలించారు. దీంతో మనస్తాపానికి గురై ఆదివారం రాత్రి ఇంట్లో ఎవరూ లేని సమయంలో ఫ్యాన్‌కు చీరతో ఉరేసుకుని ఆత్మహత్య చేసుకున్నాడు. రాత్రి ఆలస్యంగా ఇంటికి వచ్చిన తల్లిదండ్రులు తలుపులు మూసి ఉండడంతో బద్దలు కొట్టి గదిలోకి వెళ్లి చూశారు. వంశీ మృతదేహం ఫ్యాన్‌కు వేలాడుతూ కనిపించింది. ఈ మేరకు తండ్రి  కృష్ణారావు పోలీసులకు ఫిర్యాదు చేశాడు. కర్నూలు నాల్గో పట్టణ పోలీసులు సంఘటన స్థలాన్ని పరిశీలించారు. మృతదేహాన్ని ప్రభుత్వాసుపత్రికి తరలించి..సోమవారం పోస్టుమార్టం తర్వాత కుటుంబ సభ్యులకు అప్పగించారు.  

సాక్షి, తిరుపతి : నగరంలోని ఓ ప్రైవేటు కళాశాల వసతి గృహంలో ఓ విద్యార్థిని ఆత్మహత్యకు పాల్పడిన సంఘటన శుక్రవారం చోటుచేసుకుంది. వెస్ట్‌ ఎస్‌ఐ ప్రవీణ్‌ కుమార్‌ కథనం మేరకు.. పిచ్చాటూరు మండలం అడవికొడియంబేడుకు చెందిన ప్రమీల, దివంగత కుమార్‌కు ఇద్దరు కుమార్తెలు. వారిలో చిన్న కుమార్తె పి. పవిత్ర(18)ని తిరుపతిలో భవానినగర్‌లోని ఓ కళాశాలలో ఈనెల ఒకటో తేదీ బీఎస్సీ కోర్సులో చేర్చారు. అదే కళాశాలకు చెందిన వసతి కేంద్రంలో ఉంటూ యువతి కళాశాల వెళ్లి వచ్చేది. గురువారం రాత్రి కూడా కుటుంబ సభ్యులతో మాట్లాడిన యువతి శుక్రవారం ఉదయం 5.45 గంటలకు తల్లికి ఫోన్‌ చేసి తనకు అదోలా ఉందని తెలిపింది. అనంతరం కొంత సేపటికి తల్లి తిరిగి ఫోన్‌ చేసినా  తీయకపోవడంతో యువతి స్నేహితురాళ్లకు ఫోన్‌ చేసింది. అప్పటికే భవనం పైనుంచి పవిత్ర కిందకు దూకి ఆత్మహత్యకు పాల్పడింది. దీనిని గుర్తించిన కళాశాల వసతి గృహం వాచ్‌ మెన్‌ క్షతగాత్రురాలిని రుయా ఆస్పత్రి అత్యవసర విభాగానికి తరలించారు. యువత భవనం పై నుంచి దూకే సమయంలో అదే భవనం ఎదురుగా ఉన్న మరో భవనంలోని వ్యక్తి గుర్తించి, వాచ్‌మెన్‌ కి సమాచారం అందించారని పోలీసులు తెలిపారు. అనంతరం పవిత్ర స్నేహితురాలు  పవిత్ర చనిపోయిందని కుటుంబసభ్యులకు తెలపడంతో వారు రుయా ఆస్పత్రిలో మార్చురీ వద్దకు చేరుకున్న కుమార్తె మృతదేహాన్ని చూసి కన్నీరు మున్నీరయ్యారు. విద్యార్థిని మృతిపై పోలీసులు ఆత్మహత్య కేసును నమోదు చేశారు.  మృతిపై పలు అనుమానాలు  తమ కుమార్తె పవిత్ర మృతిపై కళాశాల యాజమాన్యం తమకు సమాచారం కూడా ఇవ్వలేదని, స్నేహితురాలి ద్వారా సమాచారం తెలుసుకున్నామని మృతురాలి తల్లి ప్రమీల ఆవేదన వ్యక్తం చేశారు. అంగన్‌వాడీ కార్యకర్తగా పని చేస్తూ తన కుమార్తెను చదవిస్తున్నానని తెలిపారు. ఐదంతస్తుల భవనంపై నుంచి పడినా మృతదేహానికి ఒక గాయం కూడా కాలేదని దీనిపై తమకు అనుమానం ఉందన్నారు. అయితే శవపరీక్షల ద్వారా మృతికి కారణాలు వెల్లడవుతాయని ఎస్‌ఐ తెలిపారు. అయితే మృతదేహం భవనం పక్కనే ఉన్న మట్టిపై పడడంతో అంతర్గత గాయాలతో మృతి చెంది ఉండవచ్చన్న పోలీసులు అనుమా నం వ్యక్తం చేస్తున్నారు.  మృతురాలు కుటుంబ సభ్యులకు డీవైఎఫ్‌ఐ, విద్యార్థి సంఘాలు మద్దతు ప్రకటించారు. మా నిర్లక్ష్యం లేదు కళాశాలలో ఈనెల మొదటి వారంలో విద్యార్థిని పవిత్ర చేరిందని, కళాశాలలో చేరినప్పటి నుంచి ఎటువంటి ఇబ్బందులు లేకుండా చర్యలు తీసుకున్నామని కళాశాల కరస్పాండెంట్‌ తెలిపారు. వసతి గృహంలో ఉన్న సమయంలో ఆమె తల్లితో సైతం మాట్లాడిందన్నారు. శుక్రవారం ఉదయం యువతి భవనం పైనుంచి దూకి ఆత్మహత్యకు పాల్పడిందన్నారు. వెంటనే వాచ్‌మెన్‌ గుర్తించి రుయా అత్యవసర విభానికి తరలించామని తెలిపారు. అప్పటికే యువతి మృతి చెందినట్లు వైద్యులు తెలిపారన్నారు దీనిపై కుటుంబసభ్యులకు సమాచారం అందించామన్నారు.   శోకసముద్రంలో అడవికొడియంబేడు పిచ్చాటూరు: మండలంలోని అడవికొడియంబేడుకు చెందిన పవిత్ర(18) శుక్రవారం ఉదయం ఆకస్మికంగా మృతి చెందడంతో ఆ గ్రామం శోక సముద్రంలో మునిగిపోయింది. పవిత్ర మృతదేహానికి పోస్టుమార్టం నిర్వహించి, సాయంత్రం 5 గంటలకు స్వగ్రామమైన అడవికొడియంబేడు తరలించారు. నాలుగు రోజుల క్రితం కళాశాలకు వెళ్లిన పవిత్ర విగతజీవిగా తిరిగి స్వగ్రామానికి చేరుకోవడంతో గ్రామంలో విషాద చాయలు అలుముకున్నాయి.   తల్లడిల్లిన తల్లి పిచ్చాటూరు: పవిత్ర మృతితో ఆమె తల్లి ప్ర మీల తల్లడిల్లిపోతోంది. పవిత్ర తండ్రి కుమార్‌ పదేళ్ల క్రితమే మరణించారు. తల్లి ప్రమీల  అడవి కొడియంబేడులో అంగన్‌వాడీ కార్యకర్తగా పని చేస్తున్నారు. అయినా తండ్రి లేని లోటు లేకుండా తన చిరు ఉద్యోగంతో తన కుమార్తెను చదివిస్తోంది. గురువారం రాత్రి కూడా పవిత్ర తనతో ఫోన్‌లో మాట్లాడిందని, సూర్యో దయానికి మరణించినట్లు సమాచారం అందిందని తల్లి ప్రమీల బోరుమని విలపించింది. తల్లి రోదనలు చూసి చుట్టుపక్కల వారు కంట తడి పెట్టారు.

సాక్షి, మేడ్చల్‌ : డిగ్రీ చదువుతున్న ఓ విద్యార్థిని బలవన్మరణానికి పాల్పడింది. ఈ ఘటన జిల్లాలోని మేడిపల్లి పోలీస్‌స్టేషన్‌ పరిధిలో గల విహార్‌ కాలనీలో బుధవారం అర్ధరాత్రి చోటుచేసుకుంది. వివరాలు.. యాదాద్రి జిల్లా వలిగొండ మండలం పులిగిల్ల గ్రామానికి చెందిన పైళ్ల దివ్య (20)..  అదే గ్రామానికి చెందిన బుగ్గ నవీన్‌ (23)ను గత కొంతకాలంగా ప్రేమిస్తోంది. తల్లిదండ్రులతో కలిసి విహార్‌ కాలనీలో నివాసముంటున్న ఆమె నిన్న రాత్రి ఫ్యాన్‌కు ఉరివేసుకుని ప్రాణాలు తీసుకుంది. ఈ ఘటనకు ప్రేమ వ్యవహారమే కారణంగా తెలుస్తోంది. పెళ్లి చేసుకోవడానికి నవీన్‌ నిరాకరించడంతోనే దివ్య ప్రాణాలు తీసుకున్నట్లు పోలీసులు అనుమానం వ్యక్తం చేస్తున్నారు.

కథలాపూర్‌(వేములవాడ): డిగ్రీ మూడో సంవత్సరం చదువుతున్న విద్యార్థినిని ప్రేమిస్తున్నానని ఓ యువకుడు వెంటపడి వేధింపులకు పాల్పడడంతో ఉరేసుకొని ఆత్మహత్య చేసుకున్న సంఘటన కథలాపూర్‌ మండలం దుంపేటలో గురువారం జరిగింది. పోలీసులు, కటుంబసభ్యులు తెలిపిన వివరాలు ఇలా ఉన్నాయి. కథలాపూర్‌ మండలం దుంపేట గ్రామానికి చెందిన తోట హర్షిత(22) కోరుట్ల పట్టణంలోని రామకృష్ణ డిగ్రీ కళాశాలలో మూడో సంవత్సరం చదువుతుంది. కొంత కాలంగా కథలాపూర్‌కు చెందిన దినేశ్‌ అనే యువకుడు ప్రేమ పేరిట హర్షితను వేధిస్తున్నాడు. విషయాన్ని హర్షిత కుటుంబ సభ్యులకు తెలుపడంతో సదరు యువకుడిని పద్ధతి మార్చుకోవాలని సూచిం చారు. అయినా ప్రేమించాలని హర్షితను దినేశ్‌ వెంబడిస్తూ వేధింపులకు పాల్పడుతుండడంతో మనస్తాపానికి గురై గురువారం ఇంట్లో ఉరేసుకొని ఆత్మహత్యకు పాల్పడింది. కొన ఊపిరితో ఉన్న హర్షితను కోరుట్ల ఆసుపత్రికి తరలించగా మృతి చెందింది. సంఘటన స్థలాన్ని ఎస్సై నాగేశ్వర్‌రావు పరిశీలించారు. మృతురాలి తండ్రి నరేశ్‌ ఉపాధినిమిత్తం దుబాయిలో ఉంటున్నారు. మృతురాలి తల్లి తోట భూలక్ష్మి ఫిర్యాదు మేరకు కేసు దర్యాప్తు చేస్తున్నట్లు ఎస్సై పేర్కొన్నారు.

అశ్వారావుపేటరూరల్‌మహబూబ్‌నగర్‌: అతిగా మద్యం సేవిస్తున్నాడని తల్లిదండ్రులు మందలించడంతో తట్టుకోలేని ఓ యువకుడు ఆత్మహత్య చేసుకున్నాడు. ఇది, శనివారం వెలుగులోకి వచ్చింది. స్థానికులు తెలిపిన వివరాలు...  మండలంలోని పాపిడిగూడేనికి చెందిన చిర్రా రవి(23) డిగ్రీ పూర్తి చేశాడు. కొద్ది రోజులుగా మద్యానికి బానిసయ్యాడు. తల్లిదండ్రులు శుక్రవారం రాత్రి మందలించడంతో ఇంట్లో నుంచి బయటకు వెళ్లిపోయాడు. అతడి కోసం ఆ రాత్రంతా కుటుంబీకులు గాలించినా ఆచూకీ తెలియలేదు. శనివారం ఉదయం గ్రామ సమీపంలోగల పంట పొలాల వద్ద రవి మృతదేహాన్ని స్థానికులు కొందరు గమనించి కుటుంబీకులకు సమాచారమిచ్చారు. తల్లిదండ్రులు మందలించడంతో పొలం వద్దకు వెళ్లి పురుగుల మందు తాగి ఆత్మహత్య చేసుకున్నట్టుగా స్థానికులు భావిస్తున్నారు. దీనిపై తమకు ఎలాంటి సమాచారం అందలేదని పోలీసులు చెప్పారు. గుండాల: మద్యానికి బానిసగా మారిన ఆ యవకుడు.. తల్లిదండ్రులు మందలించడంతో ఆత్మహ త్య చేసుకున్నాడు. ఎస్సై శ్రావణ్‌ కుమార్‌ తెలిపిన వివరాలు... మండలంలోని తూరుబాక గ్రామాని కి చెందిన జోగ సారయ్య(22), ఇటీవల మద్యాని కి బానిసగా మారాడు. శుక్రవారం రాత్రి అతడిని తల్లిదండ్రులు మందలించారు. దీనిని తట్టుకోలేని అతడు, శనివారం ఉదయం గ్రామ సమీపంలోగల మామిడి చెట్టుకు ఉరి వేసుకుని ఆత్మహత్య చేసుకున్నాడు. కుటుంబీకుల ఫిర్యాదుతో కేసును ఎస్సై కేసు శ్రావణ్‌ కుమార్‌ దర్యాప్తు చేస్తున్నారు.

కొత్తకోట : పెళ్లి నిశ్చయమైన ఓ విద్యార్థిని ఉరివేసుకుని బలవన్మరణానికి పాల్పడింది. ఈ సంఘటన కొత్తకోటలో ఆదివారం చోటుచేసుకుంది. కుటుంబ సభ్యుల కథనం ప్రకారం.. కొత్తకోటకు చెందిన చంద్రయ్య, లక్ష్మి దంపతులకు ముగ్గురు కుమార్తెలు. వీరిలో పెద్ద కుమార్తె కృష్ణవేణి(20) స్థానికంగా ఓ ప్రైవేట్‌ డిగ్రీ కళాశాలలో తృతీయ సంవత్సరం చదువుతోంది. కాగా వనపర్తి మండలం కడుకుంట్ల గ్రామానికి చెందిన ఓ యువకుడు (కృష్ణవేణి మేనమామ)తో ఈ నెల 10 వివాహం చేసేందుకు పెద్దలు నిర్ణయించారు. ఈ క్రమంలో ఏం జరిగిందో ఏమో కాని కృష్ణవేణి ఆదివారం తెల్లవారుజామున ఇంట్లో ఉరివేసుకొని ఆత్మహత్యకు పాల్పడింది. ఉదయం గమనించిన కుటుంబీకులు కృష్ణవేణిని కిందకి దించి పరిశీలించగా అప్పటికే మృతిచెందింది. దీంతో  కుటుంబంలో విషాదఛాయలు అలుముకున్నాయి. ఈ ఘటనపై ఎలాంటి ఫిర్యాదు అందలేదని ఎస్‌ఐ రవికాంత్‌రావు తెలిపారు.


 ములుగు: జయశంకర్ జిల్లా ములుగులో దారుణం చోటు చేసుకుంది. వేధింపులు తాళలేక ఓ విద్యార్థిని వంటిపై కిరోసిన్ పోసుకొని నిప్పంటించుకుంది. చికిత్స నిమిత్తం ఆమెను ఆస్పత్రికి తరలించగా.. కొద్దిసేపటి క్రితం మృతి చెందింది. ఈ సంఘటన శుక్రవారం చోటు చేసుకుంది. స్థానికంగా నివాసముంటున్న రమ్య(19) ఓ ప్రైవేట్ కళాశాలలో డిగ్రీ చదువుతోంది. కాగా.. గత కొన్ని రోజులుగా అమర్ అనే వ్యక్తి ఆమెను ప్రేమ పేరుతో వేధిస్తున్నాడు. అమర్‌కు ఇంతకు ముందే పెళ్లై ఇద్దరు పిల్లలు ఉన్నారు. ఈ మధ్య కాలంలో అమర్ వేధింపులు ఎక్కువకావడంతో రమ్య ఇంట్లో ఎవరు లేని సమయంలో వంటిపై కిరోసిన్ పోసుకొని నిప్పంటించుకుంది. ఇది గుర్తించిన చుట్టుపక్కల వారు అంబులెన్స్ సాయంతో వరంగల్‌లోని ఎంజీఎం ఆస్పత్రికి తరలించగా చికిత్స పొందుతూ మృతి చెందింది. విషయం తెలుసుకున్న పోలీసులు కేసు నమోదు చేసుకొని దర్యాప్తు చేస్తున్నారు. 


 ► అనుమానాస్పదంగా డిగ్రీ విద్యార్థిని ఆత్మహత్య
 ► కొల్లివలసలో విషాదఛాయలు
 ► అంత్యక్రియలకు సిద్ధమవుతుండగా  పోలీసుల రంగప్రవేశం
 ► శ్మశానంనుంచి ఆస్పత్రికి మృతదేహం తరలింపు
 ► పోస్టుమార్టం రిపోర్టు వచ్చేకే పూర్తి వివరాలు  
  
  అమ్మవారి పండగకు తల్లిదండ్రులతో కలిసి సంతోషంగా వెళ్లిన ఓ డిగ్రీ విద్యార్థిని.. తిరిగి ఇంటికి వచ్చిన కొద్దిసేపటికీ ఇంట్లో దూలానికి ఉరివేసుకుని దర్శనమిచ్చింది. ఆమదాలవలస మండలం గాజుల కొల్లివలసలో సంచలనం రేపిన ఈ సంఘటనలో వివరాలను పోలీసులు సైతం గోప్యంగా ఉంచుతున్నారు.
  
  ఆమదాలవలస: విశాఖపట్నం జిల్లా ఆమదాలవలస మండలంలోని గాజులకొల్లివలస గ్రామానికి చెందిన టీడ భాగ్యవతి(19) బుధవారం రాత్రి ఇంట్లో పెడక దూలానికి చున్నీతో ఉరివేసుకొని ఆత్మహత్య చేసుకున్నట్లు ఎస్‌ఐ కూన గోవిందరావు తెలిపారు. భాగ్యవతి ప్రస్తుతం శ్రీకాకుళం మెన్స్ డిగ్రీ కళాశాలలో డిగ్రీ ద్వితీయ సంవత్సరం చదువుతోంది. ఆయన కథనం ప్రకారం.. భాగ్యవతి బుధవారం తన తల్లిదండ్రులు లక్ష్మీకాంతం, రామయ్యలతో కలిసి పట్టణంలోని వెంగళరావు కాలనీలో జరిగిన అమ్మవారి పండగలకు హాజరై తిరిగి రాత్రి ఇంటికి చేరుకుంది.
  
  అప్పటివరకు అందరితో సరదాగా గడిపిన కుమార్తె, కొంత సేపటికి తమ ఇంట్లో వెనుకభాగంలో ఉన్న వంటగదిలో ఉరివేసుకుని వేలాడాన్ని గమించామని తల్లిదండ్రులు చెప్పినట్లు ఎస్‌ఐ తెలిపారు. తల్లిదండ్రులు కుమార్తె చావును గోప్యంగా ఉంచి గురువారం ఉదయాన్నే అంత్యక్రియలు చేసేందుకు ప్రయత్నించారని, ఇంతలో ‘100’ నంబర్‌కు ఆ గ్రామం నుంచి ఓ వ్యక్తి సమాచారం అందించడంతో ఎస్‌ఐ సిబ్బందితో హుటాహుటిన గ్రామానికి వెళ్లారు. అప్పటికే  శ్మశానానికి తరలించిన మృతదేహాన్ని స్వాధీనం చేసుకుని పోస్టుమార్టం నిమిత్తం శ్రీకాకుళం రిమ్స్‌కు తరలించారు. యువతి మృతికి కారణాలు తెలియాల్సి ఉందని పోస్టుమార్టం నివే దిక ప్రకారం కారణాలు వెల్లడిస్తామని ఎస్‌ఐ తెలిపారు.
  
  డిగ్రీ పూర్తియిన తరువాత బ్యాంకు టెస్టుకు ప్రిపేరై బ్యాంకు జాబ్ పొందేందుకు  నిరంతరం శ్రమిస్తానని చెప్పేదని, తెలివైన విద్యార్థిని ఇలా ఆత్మహత్యకు పాల్పడడాన్ని జీర్ణించుకోలేకపోతున్నామని గ్రామస్తులతో పాటు కుటుంబ సభ్యులతో చెబుతున్నారు. భాగ్యవతి మృతితో గ్రామంలో విషాద ఛాయలు అలుముకున్నాయి.
  


 పెళ్లి చేసుకుంటానని నమ్మించి కానిస్టేబుల్ నయవంచన
 
  ఇబ్రహీంపట్నం: ప్రేమపేరుతో ఓ కానిస్టేబుల్ చేసిన మోసానికి మనస్తాపం చెందిన డిగ్రీ విద్యార్థిని ఆత్మహత్యకు పాల్పడింది. రంగారెడ్డి జిల్లా ఇబ్రహీంపట్నంలో ఈ ఘటన బుధవారం చోటుచేసుకుంది. ఎస్‌ఐ ఇఫ్తకార్ అహ్మద్ కథనం ప్రకారం.. నల్లగొండ జిల్లా పోర్ల తండాకు చెందిన అంగోత్ శారద (20) రెండేళ్లుగా తన తల్లితో కలసి ఇబ్రహీంపట్నంలోని రాంనగర్ కాలనీలో అద్దె ఇంట్లో ఉంటోంది. ఆమె నగరంలోని కోఠి ఉమెన్స్ డిగ్రీ కళాశాలలో సెకండ్ ఇయర్  చదువుతోంది. యువతి సోదరుడు సంతోష్‌కుమార్ స్పెషల్ ప్రొటెక్షన్ విభాగంలో కానిస్టేబుల్‌గా రాజమండ్రిలో పనిచేస్తున్నాడు.
 
 అతడి బ్యాచ్‌మెట్ అయిన నల్లగొండ జిల్లాకు చెందిన గుగులోత్ రాజేష్ తరచూ రాజేష్ ఇబ్రహీంపట్నంలోని సంతోష్ ఇంటికి వచ్చి వెళ్లేవాడు. దీంతో రాజేష్‌కు శారదతో పరిచయం ఏర్పడి.. రెండేళ్లుగా ప్రేమించుకుంటున్నారు. పెళ్లి చేసుకుంటానని నమ్మించిన రాజేష్ యువతిని లొంగదీసుకున్నాడు. ఇటీవల అతడు శారదను వివాహం చేసుకోనని స్పష్టం చేశాడు. దీంతో తాను మోసపోయానని ఆమె తీవ్ర మనస్తాపానికి గురైంది. ‘రాజేశ్ మోసం చేశాడు.. నేను బతికి మీకు చెడ్డపేరు తీసుకురాలేను..’ అని శారద బుధవారం సోదరుడికి ఫోన్ చేసి చెప్పి ఇంట్లో ఫ్యాన్‌కు ఉరివేసుకొని ఆత్మహత్యకు పాల్పడింది.


 హైదరాబాద్: హైదరాబాద్లోని ఎల్బీ నగర్లో డిగ్రీ విద్యార్థిని మల్లిక ఆత్మహత్యకు పాల్పడింది. నగరంలోని ఓ ప్రైవేట్ కాలేజీలో ఆమె చదువుతోంది. ఈ ఘటనకు సంబంధించి మరిన్ని వివరాలు తెలియాల్సివుంది.