ఎన్నో సినిమాల్లో తన నటనతో అలరించిన అందాల తార శ్రీదేవి. ఆమె మరణించినా నేటికి శ్రీదేవి పేరు చిరస్మరణీయం. భారతీయ దిగ్గజ నటీమణులలో ఒకరిగా శ్రీదేవి పరిగణించబడ్డారు. బాల నటిగా ఎంట్రీ ఇచ్చి ఎన్నో చిత్రాల్లో హీరోయిన్‌గా మెరిసిన శ్రీదేవి 1990ల చివరలో నటనకు విరామం తీసుకుంది. ఆ తర్వాత 2012 మళ్లీ ఇంగ్లీష్ వింగ్లీష్‌తో ఆమె పవర్-ప్యాక్డ్ పునరాగమనం చేసింది. ఈ చిత్రంలో శ్రీదేవికి సహనటుడిగా నటించిన ఆదిల్ హుస్సేన్ ఇటీవల పలు ఆసక్తకరమైన విషయాలు పంచుకున్నాడు. ANIకి ఇచ్చిన ఇంటర్వ్యూలో శ్రీదేవిని ఆదిల్ గుర్తుచేసుకున్నాడు. ఆమెతో పనిచేసిన అనుభవం గురించి చెప్పుకొచ్చాడు.  శ్రీదేవిని కలిసినప్పుడు ఆమె నటించిన సద్మా చిత్రం తనకు గుర్తుకు వచ్చిందట. వేశ్యాగృహంలో చిక్కుకున్న నేహలతగా శ్రీదేవి నటన ఎవరికైనా కన్నీళ్లు తెప్పిస్తాయి. ఆ చిత్రం తనపై ఎంత ప్రభావం చూపిందని, సినిమా చూసిన తర్వాత కొన్ని రోజులుగా తాను తినలేకపోయానని చెప్పినట్లు ఆయన వెల్లడించారు. 'మొదటగా డైరెక్టర్‌ గౌరీ షిండేనే నన్ను శ్రీదేవికి పరిచయం చేశారు. అప్పుడు ఆమె తన పెద్ద అందమైన కళ్లతో నన్ను చూసింది. సద్మా సినిమా చూసిన తర్వాత నేను ఏమీ తినలేను అని నేను ఆమెకు మొదట చెప్పాను. శ్రీదేవిని చూడగానే అప్పుడు నా కళ్లలో నీళ్లు తిరిగాయి.  అప్పుడు నా మాటలు విన్న తర్వాత, ఆమె కళ్ళలో కన్నీళ్లు వచ్చాయి..  ఎందుకో నాకు కూడా తెలియదు. ఆమె కొద్దిగా మృదువైన తడి కళ్లు కలిగి ఉంది. అలా చాలా సమయం తర్వాత మేము రిహార్సల్స్‌కు వెళ్లాము.' అని చెప్పాడు. మెరిల్ స్ట్రీప్‌తో సమానంగా శ్రీదేవి: ఆదిల్ హుస్సేన్ శ్రీదేవిని హాలీవుడ్ లెజెండ్ మెరిల్ స్ట్రీప్‌తో పోలుస్తూ.. ఆమె  'చాలా సెన్సిటివ్' అని పాశ్చాత్య దేశాల మాదిరిగానే ఆమెకు కథలు ఆఫర్ చేసి ఉంటే, శ్రీదేవికి ఆస్కార్ లభించేదని అన్నారు. ఇంగ్లిష్ వింగ్లీష్ గౌరీ షిండే రచించి దర్శకత్వం వహించింది. 2012లో విడుదలైన ఆ సినిమా బాక్సాఫీస్ వద్ద కమర్షియల్ విజయాన్ని సాధించింది. శ్రీదేవి, జాన్వీ కపూర్‌ల మధ్య పోలికలు శ్రీదేవి, ఆమె కుమార్తె జాన్వీ కపూర్‌ మధ్య ఉన్న సారూప్యత గురించి కూడా ఆదిల్‌ వివరించాడు. జాన్వీ తన  తన తల్లి నుంచి చాలా "గుణాలను" వారసత్వంగా పొందిందని చెప్పాడు. "శ్రీదేవిని మరోకరు మ్యాచ్‌ చేయడం చాలా కష్టమైన పని..  కానీ జాన్వీ  కష్టపడి పనిచేస్తే శ్రీదేవికి దక్కినంత గౌరం, పేరు తప్పకుండా వస్తాయి. జాన్వీలో ఆ టాలెంట్‌ ఉంది. కచ్చితంగా భవిష్యత్‌లో ఆమె భారత వెండితెరపై తిరుగులేని రాణిలా గుర్తింపు పొందుతుందని ఆదిల్‌ తెలిపాడు. టాలీవుడ్‌లో జూ.ఎన్టీఆర్‌ సరసన దేవరలో జాన్వీ నటిస్తున్న విషయం తెలిసిందే.

ప్రముఖ బాలీవుడ్ నిర్మాత బోనీ కపూర్ పరిచయం అక్కర్లేని పేరు. ఎందుకంటే ఆయన భార్య దివంగత శ్రీదేవి మనకు సుపరిచితమే. తాజాగా ఆయన భార్య శ్రీదేవి నటించిన 'ఇంగ్లీష్ వింగ్లీష్' చిత్రం పదేళ్లు పూర్తయిన సందర్భంగా ఏర్పాటు చేసిన వేడుకలో పాల్గొన్నారు. ఈ సందర్భంగా బోనీ కపూర్ చిన్న పిల్లాడిలా మారిపోయాడు. భార్యను తలుచుకుంటూ బోరున విలపించారు. ఆమెను గుర్తు చేసుకుని ఎమోషనల్ అయ్యారు. ఈ సందర్భంగా చిత్రబృందం నిర్వహించిన కార్యక్రమానికి బోనీ కపూర్‌తో పాటు ఆయన చిన్నకుమార్తె ఖుషీ కపూర్ కూడా హాజరయ్యారు. ఈ కార్యక్రమంలో బోనీ కపూర్ బోరున విలపించడంతో అక్కడే ఉన్న చిత్రనిర్మాత బాల్కీ ఆయనను ఓదార్చారు.  గౌరీ షిండే దర్శకత్వం వహించిన ఇంగ్లీష్ వింగ్లీష్ చిత్రం విడుదలై పదేళ్లు పూర్తి చేసుకుంది. (చదవండి: విధి మా కలలను నాశనం చేసింది.. బోనీ కపూర్‌ ఎమోషనల్‌) ఇటీవలే బోనీ కపూర్ తన ఇన్‌స్టాగ్రామ్‌లో శ్రీదేవిని గుర్తు చేసుకుంటూ ఓ పోస్ట్ చేశారు.  శ్రీదేవి 15 సంవత్సరాల విరామం తర్వాత కూడా ఇంగ్లీష్ వింగ్లీష్‌ సినిమాలో నటించి తనదైన ముద్ర వేసిందని ప్రశంసించారు.  ప్రతి ఒక్కరి హృదయాలను హత్తుకునేలా అద్భుత ప్రదర్శన చేయడం శ్రీదేవి మాత్రమే సాధ్యమైందంటూ కొనియాడారు. ఈ సినిమా ఆమె కెరీర్‌లో ఎల్లప్పుడూ ప్రత్యేకంగా నిలుస్తుందన్నారు. గతంలో శ్రీదేవి ముద్దుల తనయ జాన్వీ కపూర్​ తన తల్లిపై హృదయానికి హత్తుకునేలా పోస్ట్​ చేసింది.   అతిలోక సుందరి శ్రీదేవి మరణంతో ఒక్కసారిగా యావత్ సినీ ప్రపంచం షాక్‌కు గురైంది. ఆమె నటన, అందాన్ని సినీలోకంతో పాటు యావత్ ప్రపంచం గుర్తు చేసుకుంది. ఆమె పలు తమిళ, తెలుగు, హిందీ సినిమాల్లో నటించి పాన్ ఇండియా నటిగా గుర్తింపు పొందింది. 2018 ఫిబ్రవరి 24న దుబాయ్‌లో  శ్రీదేవి చనిపోయిన సంగతి తెలిసిందే.  View this post on Instagram A post shared by Instant Bollywood (@instantbollywood)

అతిలోక సుందరి, దివంగ నటి శ్రీదేవి చీరలను వేలం వేస్తున్నారు.  ఆమె నటించిన ఇంగ్లిష్‌-వింగ్లిష్‌ చిత్రంలో శ్రీదేవి ధరించిన చీరలను వేలం వేసేందుకు చిత్ర బృందం ప్లాన్‌ చేస్తోంది. కాగా తనదైన అందం, నటనతో ప్రపంచవ్యాప్తంగా ఎంతోమంది ఫ్యాన్‌ ఫాలోయింగ్‌ సంపాదించుకున్నారు ఆమె. 1980లో హీరోయిన్‌గా రాణించిన ఆమె పెళ్లి అనంతరం 1997లో నటనకు విరామం చెప్పారు.ఆ తర్వాత 2012లో ఇంగ్లిష్-వింగ్లిష్ చిత్రంతో మళ్లీ ప్రేక్షకుల ముందుకు వచ్చారు. ఇక ఈ సినిమా అక్టోబర్ 10న పదేళ్లు పూర్తి చేసుకుంటోంది. చదవండి: ట్రెండింగ్‌లో బాయ్‌కాట్‌ ఆదిపురుష్‌.. ‘బాలీవుడ్‌ మళ్లీ మళ్లీ అదే తప్పు చేస్తోంది’ ఈ సందర్భంగా ప్రత్యేక కార్యక్రమాన్ని నిర్వహించేందుకు డైరెక్టర్ గౌరీ షిండే ప్లాన్ చేస్తున్నారు. ఈ మూవీ 10వ వార్షికోత్సవం నిర్వహించడంతోపాటు, ఇంగ్లిష్ వింగ్లిష్‌లో శ్రీదేవి ధరించిన చీరలను వేలం వేయాలని అనుకుంటున్నట్టు గౌరీ షిండే ప్రకటించారు. వేలం ద్వారా వచ్చే మొత్తాన్ని బాలికల విద్య కోసం పనిచేసే స్వచ్ఛంద సంస్థకు ఇవ్వనున్నారు. ఈ విషయాలను దర్శకురాలు గౌరీ షిండే ఓ ఇంటర్వ్యూలో భాగంగా వెల్లడించారు. ఇంగ్లిష్ వింగ్లిష్‌లో సగటు ఇల్లాలిగా, ఇంగ్లిష్ ప్రావీణ్యం లేని పాత్రలో శ్రీదేవి నటించి మెప్పించారు. అమెరికా వెళ్లిన ఆమె ఇంగ్లిష్‌ రాక అక్కడ ఎన్ని ఇబ్బందులు పడ్డారు, ఆ తర్వాత ఇంగ్లిష్‌లో ఎంతటి ప్రావీణ్యం పొందారనేదే కథ.  చదవండి: దీపావళికి ఓటీటీలో ‘బింబిసార’ మూవీ, రిలీజ్‌ డేట్‌ ఇదే!

సాక్షి, ముంబై: దలాల్ స్ట్రీట్‌ బిగ్ బుల్ రాకేష్ ఝున్‌ఝున్‌వాలా ఇక లేరన్న వార్త  అటు స్టాక్‌మార్కెట్‌​ నిపుణుల్ని, ఇటు ఆయన అభిమానులను తీవ్ర విషాదంలోకి నెట్టేసింది. కేవలం 5 వేల రూపాయలతో  స్టాక్‌మార్కెట్‌లో పెట్టుబడిదారుడిగా తన ప్రస్తానాన్ని ప్రారంభించిన ఝున్‌ఝున్‌వాలా ప్రస్తుత నికర విలువ 5 బిలియన్ల డాలర్లకుపై మాటే అంటే ఆయన ప్రతిభను అర్థం చేసుకోవచ్చు.  మధ్యతరగతి కుటుంబంలో జన్మించిమార్కెట్ నిపుణిగా రాకేష్ సక్సెస్‌ఫుల్‌ జర్నీ చాలామందికి స్ఫూర్తిదాయకం. ఏ స్టాక్‌పై ఇన్వెస్ట్‌ చేయాలో, దాని ఫండమెండల్స్‌ ఏంటో అలవోకగా చెప్పగల సామర్థ్యం అతని సొంతం. స్నేహితుల ద్వారా స్టాక్ మార్కెట్‌పై పెంచుకోవడమే కాదు, లాభాలను అంచనా వేయడంలో పెట్టుబడిలో, రిస్క్‌ తీసుకోవడంలో ఆయన తరువాతే ఎవరైనా. కేవలం సంపదను ఆర్జించడమే కాదు, సంపాదనలో కొంత భాగాన్ని దాతృత్వానికి వినియోగించిన  గొప్ప వ్యక్తిత్వం ఆయనది.   ఇంగ్లీష్‌ వింగ్లీష్‌ రాకేష్ ఝున్‌ఝున్‌వాలా బాలీవుడ్ సినిమాల పట్ల  చాలా అభిమానం. ఈ నేపథ్యంలో మూడు బాలీవుడ్ సినిమాలను నిర్మించారు. ఇంగ్లీష్ వింగ్లీష్, షమితాబ్,కి అండ్‌ కా అలాగే 1999లో మరో నలుగురు భాగస్వాములతో కలిసి హంగామా డిజిటల్ మీడియాను కూడా ప్రారంభించారు. ఇదే తరువాత హంగామా డిజిటల్ మీడియా ఎంటర్‌టైన్‌మెంట్ ప్రై.లి.గా మారింది. ప్రస్తుతం దీనికి ఆయన కంపెనీ ఛైర్మన్‌గా ఉన్నారు. ముఖ్యంగా 'ఇంగ్లీష్ వింగ్లీష్' తో భారీ విజయం సాధించారు. గౌరీ షిండే దర్శకత్వంలో 2012లో దివంగత అందాల తార శ్రీదేవి ప్రధాన పాత్రగా ఇంగ్లీష్ వింగ్లీష్ మూవీని నిర్మించారు.10 కోట్ల బడ్జెట్‌తో తీసిన ఈ మూవీ 102 కోట్లను వసూళ్లతో భారీ ఆర్థిక విజయాన్ని సాధించింది. అంతేకాదు 2012 గౌరీ షిండే  ఉత్తమ తొలి దర్శకుడి అవార్డును గెలుచు కున్నారు. అంతేనా ఉత్తమ విదేశీ భాషా చిత్రం విభాగంలో అకాడమీ అవార్డు కోసం ఇండియానుంచి అధికారిక ఎంట్రీగా షార్ట్‌లిస్ట్ అయింది. అనేక అంతర్జాతీయ ఉత్సవాల్లో ప్రపంచవ్యాప్తంగా ప్రశంసలందుకుంది. శ్రీదేవి "మెరిల్ స్ట్రీప్ ఆఫ్ ఇండియా",  "భారత మహిళా రజనీకాంత్"గా ప్రశంసలు దక్కించుకోవడం మరో విశేషం. అతను చైనీస్ వంటకాలను ఎక్కువగా ఆస్వాదించే పెద్ద ఆహారప్రియుడు కూడా. కుకింగ్‌ షోలను చూసి ఎక్కువ ఆనందించే వారట. సామాన్యుడికి విమాన సేవల్ని అందించాలన్న లక్క్ష్యంతో  ఆకాశ విమానయాన సంస్థను స్థాపించారు. ఆగస్ట్ 7న తన సేవలను కూడా ప్రారంభించింది. సీఎన్‌బీసీ టీవీతో చివరిగా మాట్లాడిన ఆయన "భారతదేశం ఒక స్వర్ణకాలంలోకి అడుగుపెట్టబోతోంది,10 శాతం వృద్ధిని సాధిస్తుంది’’ అని రాకేష్‌ అంచనా వేశారు. కానీ ఇంతలోనే కిడ్నీ వ్యాధి, ఇస్కీమిక్ గుండె జబ్బుతో అనారోగ్యానికి గురైన ఆయన  62 ఏళ్ల వయసులో  ముంబైలోని  బ్రీచ్ కాండీ ఆసుపత్రిలో గుండెపోటుతో  ఆదివారం ఉదయం కన్నుమూశారు.

శ్రీదేవి సెకండ్‌ ఇన్నింగ్స్‌ చిత్రం ‘ఇంగ్లీష్‌ వింగ్లీష్‌’తో తెలుగువారికి పరిచయమై, బాలకృష్ణ ‘లెజండ్‌’ చిత్రంలో కీలక పాత్ర పోషించిన ప్రముఖ బాలీవుడ్‌ నటి సుజాతా కుమార్‌ మృతి చెందారు. సుజాతా కుమార్‌ మరణం గురించి ఆమె సొదరి క్రిష్ణ కుమారి సోషల్‌మీడియా ద్వారా తెలియజేసారు. గత కొంతకాలంగా మెటాస్టాటిక్‌ క్యాన్సర్‌తో బాధపడుతున్న సుజాతను చికిత్స నిమిత్తం ముంబైలోని లీలావతి ఆస్పత్రిలో చేర్చారు. కానీ అప్పటికే ఆమె పరిస్థితి చేయి దాటిపోయిందని తెల్చారు డాక్టర్లు. Our beloved Sujata Kumar has passed away and moved on to a better place leaving us with an umimaginable void. She left us an hour ago at 11.26 pm on the 19th of august 2018..Life can never be the same again ... — Suchitra Krishnamoorthi (@suchitrak) August 19, 2018 ఈ క్రమంలో ఆదివారం (నిన్న) రాత్రి 11 . 26 గంటల ప్రాతంలో ఆమె మరణించారు. ఈ విషయం గురించి సుజాతా సోదరి ‘మన ప్రియమైన సుజాతా కుమార్‌ ఇక లేరు. ఆమె మనందరిని వదిలి మరోక ఉన్నతమైన ప్రదేశానికి వెళ్లారు. ఆదివారం రాత్రి 11.26 గంటలకు కన్నుమూశారు. జీవితమెప్పుడూ ఒకేలా ఉండదు’ అంటూ ట్వీట్‌ చేశారు. అంతేకాక ‘ఇంగ్లీష్‌ వింగ్లీష్‌’లో శ్రీదేవితో కలిసి ఉన్న ఫోటోను కూడా పోస్టు చేశారు. గౌరీ షిండే దర్శకత్వంలో శ్రీదేవి నటించిన ‘ఇంగ్లీష్‌ వింగ్లీష్‌’ చిత్రంలో సుజాతా కుమార్‌ నటించారు. ఈ చిత్రంలో ఆమె అమెరికాలో సెటిల్‌ అయిన శ్రీదేవి సోదరి మను పాత్రలో మెప్పించారు. అంతేకాక ‘హోటల్‌ కింగ్‌డమ్‌’, ‘బాంబే టాకింగ్‌’, ‘24’ అనే ధారావాహికల్లోనూ సుజాత నటించారు. తెలుగులో బాలకృష్ణ నటించిన ‘లెజెండ్’ చిత్రంలో సుజాత ఆయనకు బామ్మగా నటించారు.

తెల్ల చీర.. ఓ కంట్లో కుండల కొద్దీ కన్నీళ్లు.. మొహంలో దయనీయత... కంపిస్తున్న జీవితం..టాలీవుడ్, బాలీవుడ్‌ అమ్మకు ప్రతిరూపం పదేళ్ల కిందటిదాకా! ఎప్పుడూ ఎవరో ఒకరు ఆదుకోవాలని చూసే సెల్ఫ్‌ పిటీతో కుంగిపోతూ ఉంటుంది ఆ అమ్మ. ఇప్పుడు పరిస్థితులు మారాయి కనీసం బాలీవుడ్‌లో. ఆత్మవిశ్వాసం, ఆత్మస్థయిర్యంతో ఆధునిక అమ్మ తెర మీద ధైర్యంగా అడుగులేస్తోంది. అంతకుముందు అమ్మంటే సినిమా కథ ఫార్ములాలో ఓ పాత్ర మాత్రమే. కానీ ఇప్పుడు అలా కాదు.. కథను నడిపించే ప్రధాన నాయిక. ఉదాహరణ.. నిల్‌ బత్తే సన్నాట! నిజానికి ఈ మార్పు ‘దిల్‌ వాలే దుల్హనియా లేజాయేంగే’ సినిమా నుంచి మొదలైందని చెప్పొచ్చు.  అందులో కథానాయిక కాజోల్‌కి తల్లిగా నటించిన ఫరిదా జలాల్‌ కొంచెం రివల్యూషనరీ మదర్‌గా కనిపించారు. ఆ తర్వాత నుంచి వచ్చిన చాలా సినిమాల్లో అమ్మ రూపురేఖలు.. వ్యక్తిత్వమూ మారిపోయాయి కొత్తగా... తల్లుల్లో ఉత్సాహాన్ని పెంచేలా! ఆ సినిమాలు కొన్ని.. పైన నిల్‌ బత్తే సన్నాట ఊసెత్తాం కాబట్టి దాన్నే మొదట ఉదహరించుకుందాం. అందులో తల్లే ప్రధాన పాత్ర. స్వర భాస్కర్‌  పోషించింది. ఆమె ఓ పనిమనిషి. కూతురిని పెద్ద చదువులు చదివించాలని కలలు కంటూంటుంది. కానీ పనిమనిషి కూతురు ఇంకో పనిమనిషి కాక ఐఏఎస్‌ ఆఫీసర్‌ అవుతుందా అనే నిస్పృహతో బతుకుతుంది. అంతే నిస్సత్తువగా బడికి వెళ్తూంటుంది. బిడ్డ ఆలోచనలు మార్చడానికి ఆ తల్లీ స్కూల్లో చేరుతుంది. కూతురితో కలిసి పదవ తరగతి పరీక్ష రాసి ఆమెలో పోటీని రగిలిస్తుంది. జీవితం పట్ల ఆశను రేపుతుంది. ఉత్తేజాన్ని నింపుతుంది. అచ్చంగా ఓ అమ్మను హీరోయిన్‌గా చూపించిన ఈ సినిమా.. తీరు మారిన బాలీవుడ్‌ తలపుకు మచ్చు తునక. జానే తూ.. యా జానే నా.. ఫ్రెండ్లీ మదర్‌ కాన్సెప్ట్‌ను ప్రమోట్‌ చేసిన సినిమా జానే తూ.. యా జానే నా! ఆమిర్‌ ఖాన్‌ మేనల్లుడు ఇమ్రాన్‌ఖాన్‌ సెల్యూలాయిడ్‌ ఫస్ట్‌ ఎంట్రీ ఈ మూవీ. అందులో అతనికి అమ్మగా రత్నా పాటక్‌ షా నటించింది. సర్కాస్టిక్‌ మదర్‌. విడో. భర్త పట్ల మిస్సింగ్‌ ఫీలింగ్‌నూ ఆ వ్యంగ్యంతోనే భర్తీ చేసుకుంటుంది. కొడుకుకు ఆప్తమిత్రురాలిలా మసలుకుంటుంది. బోలెడు ధైర్యాన్నిస్తుంది. అలా ‘జానే తూ యా జానే నా’ లో అమ్మను డేరింగ్‌ అండ్‌ డైనమిక్‌గా చిత్రీకరించారు. ఈ మధ్య వచ్చిన మంచి సినిమా కపూర్‌ అండ్‌ సన్స్‌లో కూడా రత్నా పాటక్‌ షా ఇన్‌స్పైరింగ్‌ మదర్‌లా నటించారు. భర్త వివాహేతర సంబంధం... కొడుకు గే అని తేలడం.. ఇలాంటి షాకింగ్‌ సందర్భాల్లో గట్టిగా అరుస్తూ కూలిపోకుండా.. సంయమనంగా డీల్‌ చేయగల స్త్రీగా అద్భుతంగా చిత్రీకరించిన పాత్ర అది. రత్నా పాటక్‌ షా ఒదిగిపోయి మహిళకు మరో నిర్వచనంగా నిలిచారు. ఇంగ్లిష్‌ వింగ్లిష్‌.. ‘‘నాకు కావాల్సింది ప్రేమ కాదు.. గౌరవం’’ అంటుంది ‘ఇంగ్లిష్‌ వింగ్లిష్‌’ సినిమాలోని  అమ్మ ‘శశి’. నిజమే.. వంటింటికే పరిమితమైన ఇల్లాలిని.. వంట తప్ప ఏమీ రాదని హేళన చేస్తే భర్త, ఇంగ్లిష్‌ రాకపోతే ఆ అమ్మకు ఏమీ తెలియదని.. ఒట్ట జడ్డని.. టీచర్, పేరెంట్‌ మీటింగ్‌కు ఆమెను అవాయిడ్‌ చేయాలని చూసే కూతురుంటే .. ఏ తల్లైనా ఆశ పడేది కాసింత గౌరవం పొందాలనే కదా! ఇంగ్లిష్‌ నేర్చుకొని అనర్గళంగా ఆ భాషలో స్పీచ్‌ కూడా ఇచ్చి ఆ గౌరవాన్ని దక్కించుకుంటుంది శశి. అమ్మ ఆత్మగౌరవం అనే ఓ సున్నితమైన అంశాన్నే ప్రధానం చేసుకొని మధ్య వయసు మహిళనే ముఖ్య భూమికగా పెట్టుకొని తీసిన ‘ఇంగ్లిష్‌ వింగ్లిష్‌’ ఎంత సూపర్‌ హిట్టో తెలియంది కాదు! అంటే అమ్మకు ప్రేమతో పాటు గౌరవాన్నీ ఇవ్వాలని మనమందరం కోరుకుంటున్నట్టేగా. మరెందుకు జాలి పాత్రలు? ఈ సినిమా శ్రీదేవికి రీ ఎంట్రీ. శశిగా ఆమె సింప్లీ సూపర్బ్‌. పా.. ప్రిజేరియా ఉన్న కుర్రాడి సింగిల్‌ పేరెంట్‌ స్ట్రగులే ‘పా’. ఆ సింగిల్‌ పేరెంటే విద్యా బాలన్‌. అసాధారణ జబ్బున్న పిల్లాడికి తల్లిగా ఏ మాత్రం నిరాశకు లోనవకుండా.. ఆ కొడుకుని సాధారణ పిల్లల్లాగే పెంచగలిగే ఆత్మబలం ఉన్న అమ్మ ఆమె. అసలా కథను ఎంచుకున్నందుకు బాల్కీకి, నటించి మెప్పించిన విద్యాబాలన్‌కు హ్యాట్సాఫ్‌. లిజన్‌ అమాయా.. భర్త మరణం భార్య కలలు, కలర్‌ఫుల్‌ లైఫ్‌కి ఫుల్‌స్టాప్‌ కానక్కర్లేదు. ఆయన జ్ఞాపకాలతో బతికే మొండితనమన్నా ఉండాలి.. లేదా కొత్త భాగస్వామిని ఎంచుకొని జీవితాన్ని మళ్లీ మొదలుపెట్టే ధైర్యమన్నా కావాలి. రెండో కోవకు చెందినదే అమాయా తల్లి. తండ్రిని తప్ప ఇంకో వ్యక్తిని ఆ స్థానంలో ఊహిచంలేని కూతురికి ఇంకో భాగస్వామిని ఎంచుకున్నానని ఎలా చెప్పాలి? అని మథన పడుతుందే తప్ప బలహీనపడదు. తనకూ కొత్తగా జీవించే హక్కుందని బిడ్డకు చెప్పాలని ప్రయత్నిస్తుంది. ఇలాంటి సంఘర్షణను కన్నీళ్లు.. దిగులు భావాలతో కాకుండా స్థిరమైన ఆలోచనలు, అభిప్రాయాలతో అధిగమిస్తుంది. ఆ పాత్రలో దీప్తి నావల్‌ జీవించింది. ఇవి ట్రైలర్స్‌ మాత్రమే. గే కొడుకును యాక్సెప్ట్‌ చేసే అమ్మగా ‘దోస్తానా’లో కిరణ్‌ ఖేర్, ప్రత్యర్థి మూఠాను వణికించే తల్లిగా ‘రామ్‌లీలా’ లో సుప్రియా పాఠక్, సెరిబ్రల్‌ పాల్సీ ఉన్న కూతురిని సంబాళించే తల్లిగా ‘మార్గరిటా విత్‌ స్ట్రా’లో రేవతి, ‘మిత్ర్‌’లో శోభనా, పంజాబీ బ్యూటీషియన్‌ అండ్‌  చిల్‌ మదర్‌గా  ‘విక్కీ డోనర్‌’లో డాలీ అహ్లువాలియా వీళ్లంతా ఆధునిక అమ్మ బలం చూపించారు.ఆమె గౌరవం పెంచారు.  అనవసరమైన త్యాగాలు, ఔన్నత్యాలకు  జీవితాన్ని అంకితం చేసుకునే బేలతనం లేదు వాళ్లకు.   ప్రాక్టికల్‌గా ఆలోచిస్తూ..  పిల్లల వ్యక్తిత్వాలను తీర్చిదిద్దే అమ్మతనం వాళ్లది. సెల్యులాయిడ్‌ను మోడర్న్‌ యాంగిల్‌లో సెట్‌ చేస్తున్న మదర్‌ స్టార్స్‌కి వందనాలు!                                       నిల్‌ బత్తే సన్నాటలో..                                   ‘పా’లో విద్యా, అభిషేక్‌

సాక్షి, ముంబయి : చాలాకాలంపాటు సినిమాలకు దూరంగా ఉండి మరోసారి ఇంగ్లిష్‌ వింగ్లిష్‌ అనే చిత్రంతో తళుక్కున మెరిశారు శ్రీదేవి. అది ఆమెకు దాదాపు సెకండ్‌ ఇన్నింగ్స్‌ కూడా ఆ చిత్రంలో చాలా అద్భుతంగా శ్రీదేవిని చూపించారు ప్రముఖ దర్శకురాలు గౌరీ షిండే. గురువారం ఆమె తన ట్విటర్‌ ఖాతాలో శ్రీదేవితో తనకు ఎంతటి ఎమోషన్‌ ఉందో ఒక్క ట్వీట్‌ ద్వారా చెప్పారు. 'శ్రీ... వచ్చే వారం నిన్ను చూడలేననే నిజాన్ని ఇంకా నమ్మలేకపోతున్నాను' అంటూ ఆమె ట్వీట్‌ చేశారు. ఇంగ్లిష్‌ వింగ్లిష్‌ చిత్రం వచ్చి ఐదేళ్లు పూర్తయిన సందర్భంగా ఆమె ఇటీవలె శ్రీదేవిని కలిసి రెండు స్వీయ చిత్రాలు కూడా ట్విటర్‌లో పెట్టారు. త్వరలోనే మళ్లీ వస్తున్నాం అంటూ అందులో పెట్టారు. సీక్వెల్‌ చిత్రం చేద్దామనుకున్నారు. కానీ, శ్రీదేవి హఠాన్మరణం చెందడంతో గౌరీ తీవ్ర దిగ్భ్రాంతికి లోనయ్యారు. Sri ... I still refuse to believe that I won't be seeing you next week... pic.twitter.com/5DeAWnfqUg — Gauri Shinde (@gauris) 1 March 2018

‘ఇంగ్లిష్‌–వింగ్లిష్‌’తో కమ్‌బ్యాక్‌ తర్వాత శ్రీదేవి ‘పులి’ చిత్రంలో నటించిన విషయం తెలిసిందే. ఈ చిత్రంలో శ్రీదేవి కూతురుగా నటించిన హన్సిక నిజంగా కూడా తనని ఓ కూతురిలానే చూశారని చెప్పారు. శ్రీదేవి గురించి మాట్లాడుతూ... ► నేనొక్కదాన్నే కాదు శ్రీదేవి మేడమ్‌ను చూసి చాలామంది ఇన్‌స్పైర్‌ అయ్యారు. తనొక లెజెండ్‌. ఇండియన్‌ సినిమాకి ఇదొక డార్క్‌ డే అనుకోవచ్చు. ఒక గొప్ప టాలెంటెడ్‌ యాక్టర్‌ను కోల్పోయింది. శ్రీదేవిగారితో యాక్ట్‌ చేసే అదృష్టం నాకు దక్కినందుకు చాలా గర్వంగా ఉంది.  శ్రీదేవిగారితో స్క్రీన్‌ షేర్‌ చేసుకోవడాన్ని చాలా ఎంజాయ్‌ చేశాను. ► తను చాలా కైండ్, పొలైట్, ఎప్పుడూ ఎంకరేజ్‌ చేస్తూ ఉంటారు. తనతో నేను మాట్లాడినప్పుడు ‘జాన్వీ, నేను ఇలానే మాట్లాడుకునేవాళ్లం, జాన్వీని నేను చాలా మిస్‌ అవుతున్నాను’ అనేవారు. మా ఇద్దరి స్టార్‌ సైన్స్‌ (రాశులు) ఒక్కటే. మేం బాగా కలిసిపోయాం.   అంత త్వరగా దేవుడు  శ్రీదేవిగారిని తీసుకువెళ్లిపోవటం అన్యాయం. శ్రీదేవిగారు ఎక్కడున్నా ఆవిడ ఆత్మ శాంతిస్తుందనే అనుకుంటున్నాను. ఇండియన్‌ సినిమా డెఫినెట్‌గా ఒక లెజెండ్‌ను మిస్‌ అవుతుంది’’ అన్నారు.

శ్రీదేవి పెదాలకు ఏమైంది? అవును ఏమైంది? ప్రస్తుతం సోషల్‌ మీడియాలో ఇదే చర్చ. సెలబ్రిటీల విషయంలో  కాదేదీ చర్చకు అనర్హం. ఇటీవల దర్శకుడు అనురాగ్‌ బసు నిర్వహించిన సరస్వతి పూజకు శ్రీదేవితో పాటు పలువురు బాలీవుడ్‌ తారలు హాజరయ్యారు. అక్కడ శ్రీదేవి పెదాలను చూసి ప్రతి ఒక్కరూ ముక్కున వేలేసుకున్నారట. ఎందుకంటూ ఆమె పెదాలు ఉబ్బి, కనిపించాయట. దాంతో శ్రీదేవి పెదాలకు సర్జరీ చేయించుకున్నారా? అనే వార్తలు మొదలయ్యాయి. పెదాల షేప్‌ బాగా లేకపోవడంతో సర్జరీ వికటించిందని కూడా చెప్పుకుంటున్నారు. దీని గురించి శ్రీదేవి నుంచి ఎలాంటి స్పందన రాలేదు. అందరూ ఊహిస్తున్నట్లు సర్జరీ జరిగి ఉంటుందా? లేక ఆరోగ్యం బాగాలేకపోవడంవల్ల శ్రీదేవి లిప్స్‌ అలా తయారయయ్యాయా? అనే వాదన కూడా వినిపిస్తోంది. ఆ సంగతలా ఉంచితే కమ్‌బ్యాక్‌ మూవీ ‘ఇంగ్లీష్‌ వింగ్లీష్‌’ అప్పుడు కూడా శ్రీదేవి ప్లాస్టిక్‌ సర్జరీ చేయించుకున్నారని వార్తలు వచ్చాయి. అప్పుడు ఆ విషయం పై శ్రీదేవి స్పందిస్తూ – ‘‘అందంగా కనిపించటానికి సర్జరీలు చేయించుకోలేదు. నేను సిస్టమాటిక్‌ లైఫ్‌ లీడ్‌ చేస్తాను. పవర్‌ యోగా, టెన్నిస్‌ ఆడుతుంటాను. కొన్నిసార్లు అపియరెన్స్‌లో తేడా కనిపిస్తుంది. అంత మాత్రాన సర్జరీలు చేయించుకున్నారంటే ఎలా’’ అన్నారు. ఇప్పుడూ కేవలం అపియరెన్స్‌లో తేడానా? లేక సర్జరీనా? అనే విషయం పై శ్రీదేవి క్లారిటీ ఇస్తేనే వ్యవహారం సద్దుమణుగుతుంది.

పరాయి దేశంలో అక్కడి భాష సరిగా రాకపోతే ఇక్కట్లు తప్పవు. లోకల్‌ లాంగ్వేజ్‌ వచ్చినవారు ఎవరైనా తోడుంటే పర్లేదు. కానీ, ఒంటరి ప్రయాణం చేస్తే మాత్రం కమ్యూనికేషన్‌ ప్రాబ్లమ్స్‌ను ఫేస్‌ చేయక తప్పదు. అయితే అక్కడే లైఫ్‌ లీడ్‌ చేయాలనుకున్నప్పుడు భాష నేర్చుకోవడంలో తప్పు లేదు. అందుకు వయసుతో సంబంధంలేదు. తక్కువ టైమ్‌లోనే భాష నేర్చుకుని అక్కడి లోకల్‌ పీపుల్స్‌కు దీటుగా మాట్లాడగలిగితే గ్రేట్‌. రీల్‌ లైఫ్‌లో శ్రీదేవి ఇదే పని చేసి, ప్రేక్షకుల చేత గ్రేట్‌ అనిపించుకున్నారు. పైన చెప్పిన లైన్స్‌ను చదువుతున్నప్పుడు ఆమె నటించిన ‘ఇంగ్లీష్‌..వింగ్లీష్‌’ సినిమాలోని కొన్ని సీన్స్‌ సినిమా చూసినవారికి గుర్తొచ్చి ఉండొచ్చు. ఐదేళ్లక్రితం దర్శకురాలు గౌరీ షిండే రూపొందించిన ఈ సినిమాతోనే శ్రీదేవి సెకండ్‌ ఇన్నింగ్స్‌ను స్టార్ట్‌ చేశారన్న విషయం తెలిసిందే. ఇప్పుడు ‘ఇంగ్లీష్‌–వింగ్లీష్‌’ సినిమాకు సీక్వెల్‌ రూపొందించనున్నారట గౌరీ షిండే. వచ్చే ఏడాది మొదట్లో ఈ సినిమా షూటింగ్‌ను స్టార్ట్‌ చేయాలనుకుంటున్నారన్నది బాలీవుడ్‌ సమాచారమ్‌. అంటే శ్రీదేవి కొత్త సంవత్సరంలో సరికొత్తగా న్యూ మూవీ స్టార్ట్‌ చేయబోతున్నారన్నమాట. అసలు.. 2014లోనే శ్రీదేవి–గౌరీ షిండే కాంబినేషన్‌లో ఓ థ్రిల్లింగ్‌ లేడీ ఓరియంటెడ్‌ చిత్రం తెరకెక్కనుందని వార్తలొచ్చాయి. అయితే ఆ స్క్రిప్ట్‌ వర్కౌట్‌ కాలేదని, అందుకే ‘ఇంగ్లీష్‌..వింగ్లీష్‌’ సీక్వెల్‌ను తెరకెక్కించాలని భావిస్తున్నారన్నది బాలీవుడ్‌ టాక్‌. అంతా ఓకే అయితే ఐదేళ్ల తర్వాత హిట్‌ కాంబినేషన్‌లో ఓ డిఫరెంట్‌ కాన్సెప్ట్‌తో మరో హిట్‌ మూవీ చూడొచ్చని బాలీవుడ్‌ వర్గాలు అనుకుంటున్నాయి.


 విలక్షణ పాత్రలతో బాలీవుడ్లో స్టార్ ఇమేజ్ సొంతం చేసుకున్న నటుడు నవాజుద్ధీన్ సిద్ధిఖీ. పాజిటివ్, నెగెటివ్ అన్న తేడా లేకుండా అన్ని రకాల పాత్రలతో అలరిస్తున్న నవాజ్, ఇప్పుడో స్టార్ హీరోయిన్ తో కలిసి నటించబోతున్నాడు. ఈ విషయాన్ని స్వయంగా వెల్లడించిన నవాజ్, ఆమె దేశంలోనే గొప్పనటి అంటూ కీర్తించాడు.
 
 80, 90 దశకాలలో వెండితెరను శాసించిన స్టార్ హీరోయిన్ శ్రీదేవి, తరువాత లాంగ్ గ్యాప్ తీసుకొని, నాలుగేళ్ల క్రితం ఇంగ్లీష్ వింగ్లీష్ సినిమాతో రీ ఎంట్రీ ఇచ్చింది. రీ ఎంట్రీలో ఆచితూచి సినిమాలు చేస్తున్న ఈ సీనియర్ హీరోయిన్ మరో లేడీ ఓరియంటెడ్ సినిమాకు రెడీ అవుతుంది. 'మామ్' పేరుతో తెరకెక్కుతున్న ఈ సినిమాలో విలక్షణ నటుడు నవాజుద్ధీన్ సిద్దిఖీ మరో కీలక పాత్రలో నటిస్తున్నాడు.
 
 ఈ సందర్భంగా నవాజ్, తన ఆనందాన్ని అభిమానులతో పంచుకున్నాడు. 'పది రోజుల క్రితం నేనో సినిమా అంగీకరించాను. థ్రిల్లింగ్ స్క్రిప్ట్తో రూపొందనున్న ఈ సినిమాలో శ్రీదేవి ప్రధాన పాత్రలో నటిస్తుంది. నేను అతిథి పాత్రలో నటిస్తున్న ఈ సినిమాలో ఎక్కవ శాతం శ్రీదేవిగారితో స్క్రీన్ షేర్ చేసుకోబోతున్నాను. నా దృష్టిలో దేశంలోనే ఆమె గొప్ప నటి' అంటూ కామెంట్ చేశాడు నవాజ్.


 ముంబై : పులి సినిమా షూటింగ్ని మంచి ఎంజాయి చేస్తున్నానని ప్రముఖ నటి శ్రీదేవి తెలిపారు. చిత్రంలోని నటీ నటులు, సాంకేతిక బృందంతో కలసి పని చేయడం చాలా ఆనందంగా ఉందన్నారు. ఈ మేరకు ఆదివారం శ్రీదేవి ట్విట్టర్లో పోస్ట్ చేశారు. ఈ చిత్రంలో హీరోయిన్ హాన్సికాకు తల్లిగా శ్రీదేవి నటిస్తున్నారు. దాదాపు రెండు దశాబ్దాల తర్వాత మళ్లీ శ్రీదేవి తమిళ చిత్ర సీమలో అడుగుపెట్టారు.  ఈ చిత్రంలో విజయ్ హీరోగా నటిస్తున్నారు.
 అలాగే శృతీ హాసన్, సుదీప్ కూడా నటిస్తున్నారు. దాదాపు నాలుగేళ్ల వయస్సులో బాలనటిగా చిత్రసీమలోకి అడుగు పెట్టిన శ్రీదేవి... తమిళ, తెలుగు, మలయాళ, కన్నడ చిత్రాలలో నటించారు. ఇంగ్లీషు వింగ్లీషు చిత్రం ద్వారా శ్రీదేవి బాలీవుడ్ లో  సెకండ్ ఇన్నింగ్ ప్రారంభించిన సంగతి తెలిసిందే.


 ఓ మారుమూల గ్రామానికి, ఓ పోస్ట్‌మేన్‌కి మధ్య ఉండే అనుబంధం నేపథ్యంలో రూపొందిన చిత్రం ‘తపాల్’. ప్రస్తుతం హిందీ చిత్రసీమలో ఈ చిత్రం హాట్ టాపిక్‌గా నిలిచింది. శుక్రవారం నాడు విడుదల కానున్న ఈ చిత్రాన్ని పలువురు సినీ ప్రముఖులు చూశారు. వారిలో శ్రీదేవి ఒకరు. ఈ చిత్ర దర్శకుడు లక్ష్మణ్ ఉటేకర్, శ్రీదేవి కోసం ఓ ప్రత్యేక ప్రదర్శన ఏర్పాటు చేసి మరీ సినిమా చూపించారు. చూసిన తర్వాత శ్రీదేవి ఉద్వేగంతో కంట తడిపెట్టారు. ‘‘దర్శకునిగా లక్ష్మణ్‌కి ఇది మొదటి సినిమా. అయినప్పటికీ ఎంతో అద్భుతంగా తీశారు.
  
  ఈ మధ్యకాలంలో నన్ను చాలా ఉద్వేగానికి గురిచేసిన చిత్రమిది’’ అని సామాజిక నెట్‌వర్క్ ట్విట్టర్‌లో శ్రీదేవి పేర్కొన్నారు. ఇంతకీ శ్రీదేవికి ఈ చిత్రాన్ని చూపించాలని లక్ష్మణ్ ఎందుకనుకున్నారంటే.. చాలాకాలం తరువాత వెండితెరపైకి వచ్చిన చిత్రం ‘ఇంగ్లిష్ వింగ్లిష్’కి ఛాయాగ్రాహకునిగా పని చేసింది ఆయనే. ఆ విధంగా ఆమెతో లక్ష్మణ్‌కు మంచి అనుబంధం ఏర్పడింది. పైగా శ్రీదేవి మంచి నటి కాబట్టి, తన ప్రయత్నాన్ని ఆమెకు చూపించాలనుకున్నారట లక్ష్మణ్. ఆ సంగతి ఆయనే విలేకరులకు చెప్పుకొచ్చారు.
  


 సుదీర్ఘ విరామం తర్వాత అతిలోక సుందరి శ్రీదేవి నటించిన ‘ఇంగ్లిష్ వింగ్లిష్’ జపాన్‌లో భారీ వసూళ్లు సాధిస్తోంది. ఇప్పటి వరకు 4.20 లక్షల డాలర్లు వసూలు చేసిన ‘ఇంగ్లిష్ వింగ్లిష్’ జపాన్ థియేటర్లలో ఇంకా ఆడుతోంది.‘3 ఇడియట్స్’ తర్వాత జపాన్‌లో భారీ వసూళ్లు సాధించిన హిందీ చిత్రం ఇదే కావడం విశేషం. గౌరీ షిండే దర్శకత్వంలో రూపొందిన ఈ చిత్రాన్ని ఎరోస్ ఇంటర్నేషనల్  విడుదల చేసింది.
  


 సినిమా తారలెవరైనా సరే విరామం లేకుండా వెండితెరపై కనిపిస్తేనే క్రేజ్ ఉంటుంది. రెండు మూడేళ్లు... ఆ పై విరామం తీసుకుంటే ప్రేక్షకులు దాదాపు మర్చిపోతారు. కానీ, కొంతమంది తారలకు మాత్రం ఈ విషయంలో మినహాయింపు ఉంటుంది. వాళ్లు సినిమాలు చేసినా చేయకపోయినా అభిమానులు ఆరాధిస్తూనే ఉంటారు. అలాంటి అరుదైన అభిమానాన్ని సొంతం చేసుకున్న తారల్లో శ్రీదేవికి ప్రముఖ స్థానమే ఉంటుంది. బోనీకపూర్‌ని పెళ్లి చేసుకుని ఇద్దరు బిడ్డలకు తల్లయిన తర్వాత దాదాపు పదిహేనేళ్లు శ్రీదేవి సినిమాల్లో నటించలేదు. అయినా అభిమానులు ఆమెను మర్చిపోలేదు. ‘ఇంగ్లిష్ వింగ్లిష్’తో మళ్లీ ప్రేక్షకుల ముందుకు వచ్చినప్పుడు శ్రీదేవికి ఘనస్వాగతం పలికారు. పదిహేనేళ్ల క్రితం ఎంత అద్భుతంగా నటించారో, ఇంత విరామం తర్వాత కూడా శ్రీదేవి అంతే అద్భుతంగా నటించారు.
  
   దాంతో ‘ఇంగ్లిష్ వింగ్లిష్’ తర్వాత చాలామంది దర్శక, నిర్మాతలు శ్రీదేవితో సినిమా చేయడానికి ఆసక్తి కనబర్చారు.కానీ, మళ్లీ విజయవంతమైన సినిమానే చేయాలని ఆచితూచి అడుగులేస్తున్నారు. ఈ నేపథ్యంలో ఓ తమిళ చిత్రంలో నటించడానికి ఆమె పచ్చజెండా ఊపారని సమాచారం. విజయ్ హీరోగా చింబుదేవన్ దర్శకత్వంలో ఈ చిత్రం రూపొందనుంది. ఓ కాల్పనిక కథతో అత్యంత భారీ నిర్మాణ వ్యయంతో ఈ చిత్రాన్ని రూపొందించనున్నారని సమాచారం. ఇందులో ఓ కీలక పాత్రకు శ్రీదేవిని, మరో కీలక పాత్రకు కన్నడ నటుడు, ‘ఈగ’ ఫేం సుదీప్‌ని తీసుకున్నారు. మరో మూడు నాలుగు నెలల్లో ఈ చిత్రం షూటింగ్ ప్రారంభం కానుంది. కంప్యూటర్ గ్రాఫిక్స్ ప్రధానంగా సాగే సినిమా కాబట్టి, ఇప్పటికే ఆ పనులు ప్రారంభించారట. అనువాద చిత్రం ‘ఆంగిలమ్ వాంగిలమ్’ (‘ఇంగ్లిష్ వింగ్లిష్’ తమిళ వెర్షన్ టైటిల్) తర్వాత శ్రీదేవి తమిళంలో స్ట్రయిట్ సినిమా అంగీకరించడం అక్కడి అభిమానులకు తీపి వార్తే!
  


 సినిమా పరిశ్రమలో ఎవరైనా సుదీర్ఘ విరామం తీసుకుని, మళ్లీ సినిమాలు చేస్తే ‘సెకండ్ ఇన్నింగ్స్’ అంటారు. దాదాపు పదిహేనేళ్ల విరామం తర్వాత శ్రీదేవి ‘ఇంగ్లిష్ వింగ్లిష్’ సినిమా చేసినప్పుడు అందరూ అలానే అన్నారు. కానీ, శ్రీదేవి మాత్రం అలా అంటే ఒప్పుకోరు. ‘‘ఇన్నేళ్లూ నేను తెరపై కనిపించకపోయినప్పటికీ, నా భర్త నిర్మించిన సినిమాల్లో తెర వెనుక పాత్ర పోషించాను. సినిమా వేడుకలకు కూడా హాజరయ్యేదాన్ని. కాబట్టి, సెకండ్ ఇన్నింగ్స్ ఎలా అవుతుంది?’’ అన్నారు శ్రీదేవి. ఏదేమైనా ఆమె మళ్లీ వెండితెరపై కనిపించినందుకు అభిమానులు ఆనందపడిపోయారు. అలాగే, దర్శకురాలిగా తొలి చిత్రం అయినప్పటికీ ‘ఇంగ్లిష్ వింగ్లిష్’ని అద్భుతంగా తెరకెక్కించి, భేష్ అనిపించుకున్నారు గౌరీ. శ్రీదేవి, గౌరీ కలిసి మరో సినిమా చేయనున్నారని సమాచారం. ‘ఇంగ్లిష్ వింగ్లిష్’లో చూపించినట్లుగా ఇందులోనూ శ్రీదేవిని మధ్యతరగతి మహిళ పాత్రలోనే ఆవిష్కరించనున్నరట గౌరీ. అయితే, ఇది ‘ఇంగ్లిష్ వింగ్లిష్’కి సీక్వెల్‌కి కాదని బాలీవుడ్ టాక్.
  


  అందం, అభినయానికి చిరునామాగా నిలిచే తారల్లో శ్రీదేవి ఒకరు. ఒకప్పుడు వెండితెరను ఓ స్థాయిలో ఏలిన శ్రీదేవి చాలా విరామం తర్వాత ‘ఇంగ్లిష్ వింగ్లిష్’ ద్వారా సెకండ్ ఇన్నింగ్స్ ప్రారంభించిన విషయం తెలిసిందే. ఈ చిత్రం సక్సెస్ అయిన నేపథ్యంలో ఆమెకు చాలా అవకాశాలు వస్తున్నాయి. వాటిలో ‘హవా హవాయ్’ అనే సినిమా ఒకటి. ఇందులో ఉన్న అతిథి పాత్రను శ్రీదేవితో చేయించాలనుకున్నారట చిత్ర దర్శకుడు అమోల్ గుప్తా. 
  
  గతంలో శ్రీదేవి నటించిన చిత్రాల్లో సూపర్ హిట్ మూవీగా నిలిచిన ‘మిస్టర్ ఇండియా’లో ’కెహతే హై ముజ్కో హవా హవాయ్..’ అనే పాట ఎంత హిట్టయ్యిందో చాలామంది తెలుసు. ఆ పాటకు గొప్ప ఆదరణ లభించిన కారణంగా శ్రీదేవిని ‘మిస్ హవా హవాయ్’ అనేవాళ్లు.  ఈ కారణంగా ఈ ‘హవా హవాయ్’ చిత్రంలో శ్రీదేవిని నటింపజేయాలని, అతిథి పాత్ర ఆమె చేస్తేనే ప్లస్ అవుతుందని అమోల్ భావించారట. ఈ చిత్రంలో కొన్ని సన్నివేశాలు, ఓ పాటలో కనిపించనున్నారట శ్రీదేవి. జనవరిలో ఆమె పాల్గొనగా  ఈ పాట, సన్నివేశాలను చిత్రీకరించాలనుకుంటున్నారని బాలీవుడ్ టాక్.


 అందం అంటే ఆమెదే అని నాటి తరంవారు శ్రీదేవికి వందకు వంద మార్కులిచ్చేశారు. నేటి తరంలోనూ ఈ అందానికి బోల్డంత మంది అభిమానులున్నారు. అందుకే ఫిఫ్టీ ప్లస్‌లో ఉన్నా శ్రీదేవిని అక్క, వదిన, అత్త పాత్రల్లో చూడ్డానికి ఆమె అభిమానులు ఇష్టపడటంలేదు. ఆ మాటకొస్తే.. శ్రీదేవికీ ఆ పాత్రలు చేయడం పెద్దగా ఇష్టం లేదు. చివరకు యాంటీ రోల్స్ చేయడానికి కూడా ఆమె ఆసక్తి కనబర్చడంలేదని సమాచారం. ‘ఇంగ్లిష్ వింగ్లిష్’ చిత్రంతో సెకండ్ ఇన్నింగ్స్ ప్రారంభించిన శ్రీదేవికి ఆ తర్వాత చాలా అవకాశాలు వచ్చాయి. 
  
  కానీ పాత్రల ఎంపిక విషయంలో ఆమె చాలా జాగ్రత్తగా వ్యవహరిస్తున్నారు. ఈ నేపథ్యంలో ‘కై పో చే’ ఫేం అభిషేక్‌కపూర్ తను దర్శకత్వం వహించనున్న తాజా చిత్రం ‘ఫితూర్’లో శ్రీదేవిని ప్రతినాయిక ఛాయలున్న పాత్రకు తీసుకోవాలనుకున్నారట. హాలీవుడ్ చిత్రం ‘గ్రేట్ ఎక్స్‌పెక్టేషన్స్’ ఆధారంగా ఆయన ఈ చిత్రాన్ని రూపొందించాలనుకుంటున్నారు. అందులో నటుడు రాబర్ట్ డి నీరో చేసిన పాత్రను హిందీ వెర్షన్‌లో శ్రీదేవితో చేయించాలన్నది అభిషేక్ ఆలోచన. అందుకని ఈ కథను లేడీ ఓరియంటెడ్‌గా మార్చారట.
  
   అయితే ప్రతినాయికగా నటించడం ఇష్టం లేక ఈ చిత్రాన్ని తిరస్కరించారట శ్రీదేవి. ‘ఈ పాత్రకు నేను రైట్ చాయిస్ కాదు’ అని అభిషేక్‌తో ఆమె పేర్కొన్నట్లు బాలీవుడ్ టాక్. ఇదిలా ఉంటే ఈ చిత్రంలో కత్రినా కైఫ్ కథానాయికగా నటించనున్నారు. ‘కై పో చే’లో నటించిన సుశాంత్‌సింగ్ రాజ్‌పుత్‌ని ఈ చిత్రంలో హీరోగా తీసుకోవాలనుకున్నారట అభిషేక్. అయితే అతని డేట్స్ లేకపోవడంవల్ల ఆయన డైలమాలో పడ్డారని సమాచారం.అటు  హీరో ఇటు విలన్ పాత్రలకు ఆర్టిస్టులు సెట్ అవ్వకపోవడంతో ఈ చిత్రం షూటింగ్‌ని వాయిదా వేసుకున్నారని సమాచారం.
  


 ఒకప్పుడు భారతీయ సినిమాను ఏకఛత్రాధిపత్యంగా ఏలిన తార శ్రీదేవి. పెళ్లి తర్వాత సినిమాలకు దూరమైన ఆమె ఇటీవలే ‘ఇంగ్లిష్ వింగ్లిష్’తో సెకండ్ ఇన్నింగ్స్ ప్రారంభించిన విషయం తెలిసిందే. ఈ చిత్రవిజయంతో ఐదుపదుల వయసులోనూ తనకు తిరుగు లేదని నిరూపించేసుకున్నారామె. ‘ఇంగ్లిష్ వింగ్లిష్’ తర్వాత శ్రీదేవికి బోల్డన్ని అవకాశాలు వచ్చినా, దేనికీ పచ్చజెండా ఊపలేదు. 
  
 చేస్తే మళ్లీ హిట్ సినిమానే చేయాలనే పట్టుదలతో ఉన్నారామె. ఈ నేపథ్యంలోనే కోన వెంకట్ చెప్పిన కథ నచ్చి, ఆమె ఒప్పుకున్నారు. తాజాగా, శ్రీదేవిని ఓ హాలీవుడ్ ఆఫర్ వరించిందని సమాచారం. హాలీవుడ్‌లో నటిగా మంచి గుర్తింపు తెచ్చుకున్న మెరిల్ స్ట్రీప్, శ్రీదేవి కాంబినేషన్‌లో జెరిమీ వాల్, జెర్రీ లీడర్ ఓ చిత్రాన్ని నిర్మించాలనుకుంటున్నారట. 
  
 ఈ చిత్రానికి ‘కౌబోయ్స్ అండ్ ఇండియన్స్’ అనే టైటిల్‌ని అనుకుంటున్నారని, దీనికి అమీ రెడ్‌ఫోర్డ్ దర్శకత్వం వహించనున్నారని సమాచారం. ఇటీవలే ఈ చిత్రం గురించి శ్రీదేవితో చర్చించారట. అయితే శ్రీదేవి మాత్రం అధికారికంగా సైన్ చేయలేదని వినికిడి. ఈ అవకాశం వచ్చింది నిజమేనని, కథ కూడా తమ చేతికొచ్చిందని శ్రీదేవి భర్త బోనీకపూర్ ఓ ప్రకటనలో తెలిపారు. 
  
 తమ కుమార్తె జాన్వీ ఈ కథ చదివిన తర్వాతే అసలు విషయాన్ని నిర్ణయిస్తామని ఆయన పేర్కొన్నారు. ఒకవేళ శ్రీదేవి ఈ సినిమా ఒప్పుకుంటే హాలీవుడ్‌లో ఆమెకు ఇదే తొలి సినిమా అవుతుంది. వాస్తవానికి శ్రీదేవి ఎప్పుడో హాలీవుడ్‌లో చేయాల్సి ఉంది. ఆలస్యం అయినా తన దైన ఓ మార్క్ చూపిస్తారని అభిమానుల ఆకాంక్ష.
  


 చాలా విరామం తర్వాత శ్రీదేవి నటించిన ‘ఇంగ్లిష్-వింగ్లిష్’ ఘన విజయం సాధించి, ఆమెకు ప్రేక్షకుల్లో ఏమాత్రం క్రేజ్ తగ్గలేదని నిరూపించింది. ‘ఇంగ్లిష్ వింగ్లిష్’ తర్వాత మళ్లీ చాలామంది దర్శక నిర్మాతలు శ్రీదేవితో సినిమా చేయాలని అభిలషిస్తున్నారు.
  
  ఇందుకోసం ఆమెకు చాలా కథలు వినిపించారు. అయితే ఏ కథా ఆమెను ఆకట్టుకోలేకపోయింది. అయితే తాజాగా మన తెలుగు రచయిత కోన వెంకట్ చెప్పిన కథ ఆమెను బాగా ఇంప్రెస్ చేసిందట. వెంటనే ఆ కథతో సినిమా చేయడానికి పచ్చజెండా కూడా ఉపేశారామె. 
  
  మూడు భాషల్లో ఈ చిత్రాన్ని నిర్మించడానికి శ్రీదేవి భర్త బోనీకపూర్ సన్నాహాలు మొదలుపెట్టారట. ఈ విషయాన్ని కోన వెంకట్ ట్విట్టర్ ద్వారా తెలియజేశారు. దర్శకుడు, ఇతర తారాగణం వివరాలు త్వరలోనే తెలుస్తాయి.
  


 బాలీవుడ్ అందాల తార శ్రీదేవి 50 జన్మదినాన్ని పురస్కరించుకుని భర్త బోని కపూర్ ఇచ్చిన విందు బాలీవుడ్ తారలతో కళకళలాడింది. బోని కపూర్ ఏర్పాటు చేసిన విందుకు బాలీవుడ్ కు చెందిన ప్రముఖులు, తారలు తరలివచ్చారు.  సద్మా, హిమ్మత్ వాలా, చాల్ బాజ్, జుదాయి, మిస్టర్ ఇండియాలాంటి హిట్ లతో అగ్రతార వెలుగొంది.. కొంత కాలం బాలీవుడ్ కు దూరమైన శ్రీదేవి తాజాగా ఇంగ్లీష్ వింగ్లీష్ చిత్రంతో రీఎంట్రీ ఇచ్చింది. 
  
 విందుకు హాజరైన వారిలో బాలీవుడ్ తారలు శిల్పా శెట్టి, సుస్మితా సేన్, హేమా మాలిని, ఇషా డియోల్, జూహీ చావ్లాలతోపాటు దర్శకులు అబ్బాస్ మస్తాన్, బంటీవాలియా, రమేశ్ తరానీ, గిరిష్ తరానీ, మధుర్ బండార్కర్, రాజ్ కుమార్ సంతోషి, జయ్ మెహతా, రిషి కపూర్, మనోజ్ బాజ్ పేయ్, వినోద్ ఖన్నా, అనుపమ్ ఖేర్, అనిల్ కపూర్ లు సంగీత దర్శకులు అను మాలిక్, బప్పిల హరి లుహాజరయ్యారు.