Mahesh Babu In Evaru Meelo Koteeshwarudu: యంగ్‌ టైగర్‌ జూ. ఎన్టీఆర్‌ హోస్ట్‌గా వ‍్యవహరిస్తున్న షో 'ఎవరు మీలో కోటీశ్వరులు (EMK)'. ఈ రియాలిటీ షోలో సూపర్ స్టార్‌ మహేశ్ బాబు పాల్గొన్న సంగతి తెలిసిందే. తనదైన జోష్‌తో ఆకట్టుకుంటున్న ఎన్టీఆర్‌కు తోడుగా ప్రొగ్రామ్‌కు తన రాకతో మరింత గ్లామర్‌ యాడ్‌ చేశారు మహేశ్‌. ఇటీవల రిలీజైన ప్రొమో ప్రస్తుతం ప్రసారం అవుతోంది. ఆ ప్రోమోలు ఎన్టీఆర్, మహేశ్‌ ఇద్దరూ కలిసి ఎలా సందడి చేశారో చూశాం. ఇక మహేశ్‌ బాబు పాల్గొన్న ఎపిసోడ్‌ త్వరలో ప్రసారం కానుంది. ఈ క్రమంలో 'ఎవరు మీలో కోటీశ్వరులు' ప్రోగ్రామ్‌లో 'టక్కరి దొంగ' ఎంత గెలుచుకున‍్నాడో అని సినీ వర్గాల్లో చర్చ మొదలైంది.  ఎన్టీఆర్‌ అడిగిన ప్రశ్నలకు సమాధానమిచ్చి, నవ్వులు పంచి, తనదైనా డైలాగ్‌లతో ప్రేక్షకులను అలరించిన సూపర్‌ స్టార్‌ మహేశ్‌ బాబు రూ. 25 లక్షలు గెలుచుకున్నాడని ప్రచారం జరుగుతోంది. అంతేకాకుండా ఆ మొత్తాన్ని అంతా ఛారిటీ కోసం కేటాయించి తన మంచి మనసు చాటుకున‍్నాడట ఈ శ్రీమంతుడు. అయితే మహేశ్‌ బాబు ఎంత గెలుచుకున్నాడు ? ఎన్టీఆర్‌ అడిగినా ప్రశ్నలేంటి ? వాటికి 'పోకిరి' ఎలా సమాధానమిచ్చాడు ? అనేది ఈ గ్లామరస్‌ ఎపిసోడ్‌ ప్రసారం అయితే గానీ చెప్పలేం.  ఇదీ చదవండి: మహేశ్‌ బాబు ఎంట్రీతో మరింత జోష్‌గా..

Mahesh Babu In Evaru Meelo Koteeshwarulu: బిగ్‌బాస్‌తో పాటు బుల్లితెర ప్రేక్షకులను అలరించే రియాలి​​​టీ షోలలో ‘ఎవరు మీలో కోటీశ్వరులు’ ఒకటి. దీనికి హోస్ట్‌గా చేస్తున్న యంగ్‌ టైగర్‌, జూనియర్‌ ఎన్టీఆర్‌ తనదైన స్టైల్‌తో ప్రేక్షకుల్లో ఫుల్‌ జోష్‌ నింపుతున్నాడు. ఎన్టీఆర్‌కు తోడుగా మరింత ఎంటర్‌టైన్‌మెంట్‌ ఇవ్వనున్నారు సూపర్‌ స్టార్‌ మహేశ్‌ బాబు. తాజాగా వీరిద్దరూ కలసి ‘ఎవరు మీలో కోటీశ్వరులు’ స్టేజిపై సందడి చేశారు. మహేశ్‌ బాబు అతిథిగా వచ్చిన ఈ పోగ్రాం ప్రత్యేక ఎపిసోడ్‌ ప్రోమోను షో మేకర్స్‌ విడుదల చేశారు. ఈ ఇద్దరు హీరోలను చూసిన అభిమానులు తెగ సంబరపడిపోతున్నారు.  ఈ ప్రోమోలో 'వెల్‌కమ్‌ మహేశ్‌ అన్న' అంటూ తారక్‌ ఇన్వైట్ చేస్తే.. 'అదిరిపోయింది' అని సూపర్‌ స్టార్‌ బదులిచ్చాడు. తర్వాత 'నా రాజా..' అంటూ ఎన్టీఆర్‌ తనదైన మ్యానరిజంతో జోష్‌ నింపారు. 'కరెక్ట్‌ ఆన్సర్‌నే అటూ, ఇటూ ఎందుకు తిప్పుతారు' అని మహేశ్‌ అడిగినా ప్రశ్నకు 'సరదా కోసం' అని ఎన్టీఆర్‌ సమాధానమిస్తారు. దీంతో కంప్యూటర్‌ను 'దీనికన్నా గురువు గారే బెటర్‌గా ఉన్నారు' అన్న మహేశ్‌ మాటకు షోలో నవ్వులు విరబూసాయి. ఇంతకుముందు ఈ షోకు రామ్‌ చరణ్‌, సమంత వచ్చి సందడి చేసి ప్రేక్షకులను అలరించారు. ఇప్పుడు సూపర్‌ స్టార్‌ మహేశ్‌ బాబు మరింత అలరించనున్నారు. 

Evaru Meelo Koteeswarulu 1cr Question: రాజా రవీంద్ర.. ఈ పేరు తెలుగు రాష్ట్రాల్లో ఇప్పుడు హాట్‌ టాపిక్‌. అనుకోకుండానే 'ఎవరు మీలో కోటీశ్వరులు' కార్యక్రమానికి హాజరై జూనియర్‌ ఎన్టీఆర్‌ హోస్ట్‌గా వ్యవహరిస్తున్న ఈ షోలో అడిగిన 15 ప్రశ్నలకు సమాధానాలు చెప్పి కోటి రూపాయలు గెలుచుకొని చరిత్ర సృష్టించాడు. అనంతరం మంగళవారం నాటి ఎపిసోడ్‌లో చెక్కు అందుకున్నారు. దీంతో ఈ సీజన్‌లో కోటి రూపాయలు గెలుచుకున్న తొలి వ్యక్తిగా తెలంగాణ భద్రాద్రి కొత్తగూడెంకు చెందిన రాజా రవీంద్ర నిలిచారు. ఈ షోలో రాజా రవీంద్ర ప్రయాణాన్ని మనం ఒకసారి గమనిస్తే..  రాజా రవీంద్రను హాట్ సీట్‌కి తీసుకెళ్లిన ప్రశ్న..  హైదరాబాద్ నుంచి వాటి దూరాల ప్రకారం, ఈ నగరాలను తక్కువ నుండి ఎక్కువకు అమర్చండి? A)న్యూయార్క్   B)ముంబయి   C)దుబాయ్   D)విజయవాడ ప్రశ్న చదవగానే సమాధానం అందరికీ తెలిసినట్టు అనుకున్నా హాట్‌సీట్‌పై కూర్చొని తక్కువ సమయంలోనే సరైన సమాధానం ఇవ్వాల్సి ఉంటుంది. ఫాస్టెస్ట్‌ ఫింగర్‌ ఫస్ట్‌కు తొలి ప్రాధాన్యం అన్న విషయాన్ని గుర్తుంచుకోవాలి. ఇందులో రాజా రవీంద్ర కేవలం 2.637 సెకన్లలోనే సమాధానం ఇచ్చి హాట్‌సీట్‌ను చేరుకున్నారు. ఇక​ అక్కడ నుంచి ఆయన వరుసగా సరైన సమాధానాలు చెప్తూ ఎన్టీఆర్‌ను సైతం ఆకట్టుకున్నారు. చదవండి: (Evaru Meelo Koteeswarulu: రూ.కోటి గెలిచినా దక్కేది ఇంతేనా!) సోమవారం ప్రసారమైన ప్రోగ్రాంలో ఆయన 12 ప్రశ్నలకు సమాధానం చెప్పారు. ఉన్న మూడు లైఫ్‌ లైన్లలో కేవలం ఒక్క దానిని మాత్రమే ఉపయోగించుకొని 12,50,000 గెలుచుకున్నారు. కోటి రూపాయలు గెలుచుకోవడానికి మరో మూడు ప్రశ్నల దూరంలో నిలిచారు. దీనికి కొనసాగింపుగా మంగళవారం జరిగిన షోలో రాజా రవీంద్ర కోటి రూపాయల వైపు అడుగులు వేసిన ప్రశ్నలను ఒకసారి చూస్తే.. ఆట ప్రారంభం కాగానే జూనీయర్‌ ఎన్టీఆర్‌.. రాజా రవీంద్రను 25 లక్షల రూపాయల ప్రశ్న అడిగారు. ఒక్క లైఫ్‌ లైన్‌ను అప్పటికే ఉపయోగించడం వల్ల ఇక రెండు మాత్రమే యాక్టివ్‌లో ఉన్నాయి. 25 లక్షలకు రాజా రవీంద్రను అడిగిన ప్రశ్న.. 2020లో ప్రపంచవ్యాప్తంగా ప్రాచుర్యం పొందిన ఏ పదం, ఇటాలియన్‌ భాషలో '40 రోజులు' అని అర్థం వచ్చే ఒక పదం నుండి వచ్చింది? A)లాక్‌డౌన్‌ B)ఐసోలేషన్‌ C)క్వారంటైన్‌ D)పాండమిక్ ఈ ప్రశ్నకు చాలాసేపు ఆలోచించిన రాజారవీంద్ర మరో లైఫ్‌ లైన్‌ను ఉపయోగించుకుని క్వారంటైన్‌ అని సరైన సమాధానం చెప్పాడు. దీంతో 50 లక్షల రూపాయల ప్రశ్నకు చేరుకున్నారు. ఈ షోలో పాల్గొని 50 లక్షల ప్రశ్నకు చేరుకున్న అతి తక్కువ మందిలో రాజారవీంద్ర ఒక్కరు. 50లక్షల ప్రశ్నను పరిశీలిస్తే..  జాతీయ వైద్యుల దినోత్సవం ఏ రాష్ట్ర మాజీ ముఖ్యమంత్రి మరియు వైద్యుడు అయిన ఒక వ్యక్తి జ్ఞాపకార్థం జరుపుతారు? A)మిజోరాం B)పశ్చిమబెంగాల్‌ C)ఉత్తరప్రదేశ్‌ D)కేరళ ఈ ప్రశ్నకు కొద్దిసేపు ఆలోచించి ఆప్షన్‌ బీ అంటూ కాన్ఫిడెంట్‌గా సరైన సమాధానం చెప్పారు. ఇప్పుడు కోటి రూపాయల ప్రశ్న. ఎవరు మీలో కోటీశ్వరులు చరిత్రలోనే ఇద్దరు మాత్రమే కోటి రూపాయల ప్రశ్నను చూశారు. వారిలో ఒకరు సెకండ్‌ సీజన్‌లో అయితే.. ఇప్పడు రాజారవీంద్ర మాత్రమే. ఇక కోటి రూపాయల ప్రశ్నను పరిశీలిస్తే..  1956 రాష్ట్రాల పునర్విభజన చట్టం ద్వారా ఆంధ్రప్రదేశ్‌ అవతరణకు కారణమైన కమిషన్‌కు, ఎవరు అధ్యక్షత వహించారు? A)రంగనాథ్‌ మిశ్రా B)రంజిత్‌సింగ్‌ సర్కారియా C)బీపీ మండల్‌ D)ఫజల్‌ అలీ కమిషన్‌ ఈ ప్రశ్నకు చాలా సేపు థింక్‌ చేసి ఉన్న మరో లైఫ్‌ లైన్‌ ఉపయోగించుకొని ఆప్షన్‌ డీ అంటూ చాలా కాన్ఫిడెంట్‌గా సరైన సమాధానం చెప్పారు. దీంతో ఈఎమ్‌కే చరిత్రలోనే కోటి రూపాయలు గెలుచుకున్న తొలి వ్యక్తిగా రాజా రవీంద్ర నిలిచారు.  చదవండి: (Evaru Meelo Koteeswarulu: కోటితో ఆగను.. అదే నా అసలు స్వప్నం)

Evaru Meelo Koteeswarudu 1 Crore Winner: కొత్తగూడెం ప‌ట్టణానికి చెందిన స‌బ్ ఇన్‌స్పెక్టర్ బీ రాజార‌వీంద్ర ‘ఎవరు మీలో కోటీశ్వరులు’ షోలో పాల్గొన్న సంగతి మనకు తేలిసిందే. ఈ షోలో జూనియర్ ఎన్టీఆర్ అడిగిన 15 ప్రశ్నలకు సరైన సమాధానాలు చెప్పి కోటి రూపాయ‌లు గెలుచుకున్నారు. రాజారవీంద్ర ప్రైజ్ మ‌నీ గెలిచిన ఎపిసోడ్ సోమ‌, మంగ‌ళ వారాల్లో రాత్రి 8.30 గంట‌ల‌కు ప్రముఖ ఛానెల్‌లో ప్రసారం అవుతుంది. ఖమ్మం జిల్లా సుజాతనగర్‌ ప్రాంతానికి చెందిన రిటైర్డ్‌ బ్యాంకు ఉద్యోగి బి.వి.ఎస్‌.ఎస్‌ రాజు, శేషుకుమారి దంపతుల సంతానం రవీంద్ర. రవీంద్రకు భార్య సింధూజ, కుమారుడు దేవాన్‌ కార్తికేయ, కూతురు కృతి హన్విక ఉన్నారు.  2000 - 2004 మధ్య హైదరాబాద్‌లోని వజీర్‌ సుల్తాన్‌ ఇంజనీరింగ్‌ కాలేజీలో బీటెక్‌ చేశారు. ఇదివరకు సాఫ్ట్‌వేర్, బ్యాంకు, ఇతర ఉద్యోగాలు సాధించారు. దేశం తరఫున ఒలింపిక్స్‌లో పాల్గొనడమే లక్ష్యంగా 2012లో పోలీస్‌ శాఖలో సబ్‌ ఇన్‌స్పెక్టర్‌గా ఉద్యోగం సంపాదించారు. ఎవరు మీలో కోటీశ్వరులు పాల్గొని కోటి రూపాయలు గెలుచుకున్న స‌బ్ ఇన్‌స్పెక్టర్ బీ రాజార‌వీంద్రకు దక్కేది మాత్రం తక్కువ అని సోషల్ మీడియాలో ప్రజలు కామెంట్ చేస్తున్నారు. అయితే, ఆదాయపు పన్ను చట్టం ప్రకారం ఒక వ్యక్తి ఏదైనా షోలో పాల్గొని ప్రైజ్ మనీ రూ.10,000 మించి గనుక గెలిస్తే అతడు కచ్చితంగా ప్రభుత్వానికి ట్యాక్స్ చెల్లిచాల్సి ఉంటుంది. గెలిచిన డబ్బుపై ఐటీ యు/ఎస్ 194బి‎‎ చట్టం ప్రకారం 31.2% పన్ను చెల్లించాల్సి ఉంటుంది. ప్రైజ్ డిస్ట్రిబ్యూటర్ చెల్లింపు సమయంలో ఈ పన్ను మినహాయించి డబ్బు చెల్లిస్తారు. అంటే ‎‎ఎవరు మీలో కోటీశ్వరులలో కోటి గెలిస్తే విజేతకు వచ్చేది రూ.68,80,000 మాత్రమే. మిగతా రూ.31,20,000 వేలు పన్ను రూపంలో కట్టాల్సి ఉంటుంది.  (చదవండి: ఇక టెస్లా పని అయిపోయినట్లే.. రంగంలోకి మెర్సిడెస్ బెంజ్!)

అనుకోకుండానే కార్యక్రమానికి హాజరై చరిత్ర సృష్టించిన ఈ కోటీశ్వరుడు సోమవారం రాత్రి 8ç:30 గంటలకు టీవీలో ప్రసారమైన కార్యక్రమంలో చెక్కు అందుకున్నారు. ఈ కార్యక్రమంలో మిగతా సగం మంగళవారం ప్రసారం కానుంది. ఖమ్మం జిల్లా సుజాతనగర్‌ ప్రాంతానికి చెందిన రిటైర్డ్‌ బ్యాంకు ఉద్యోగి బి.వి.ఎస్‌.ఎస్‌ రాజు, శేషుకుమారి దంపతుల సంతానం రవీంద్ర. రవీంద్రకు భార్య సింధూజ, కుమారుడు దేవాన్‌ కార్తికేయ, కూతురు కృతి హన్విక ఉన్నారు. 2000 – 2004 మధ్య హైదరాబాద్‌లోని వజీర్‌ సుల్తాన్‌ ఇంజనీరింగ్‌ కాలేజీలో బీటెక్‌ చేశారు. ఇదివరకు సాఫ్ట్‌వేర్, బ్యాంకు, ఇతర ఉద్యోగాలు సాధించారు. దేశం తరఫున ఒలింపిక్స్‌లో పాల్గొనడమే లక్ష్యంగా 2012లో పోలీస్‌ శాఖలో సబ్‌ ఇన్‌స్పెక్టర్‌గా ఉద్యోగం సంపాదించారు. హైదరాబాద్‌లోని సీఐడీ సైబర్‌ క్రైంలో సబ్‌ ఇన్‌స్పెక్టర్‌గా విధులు నిర్వర్తిస్తున్న రవీంద్ర పిస్టల్, ఎయిర్‌ రైఫిలింగ్‌లోనూ దిట్ట. ఈ సందర్భంగా రవీంద్రను ‘సాక్షి’ ఫోన్‌లో పలకరించింది. వివరాలు ఆయన మాటల్లోనే.. సివిల్స్‌ ప్రిపరేషన్‌ సహకరించింది.. గతంలో సివిల్స్‌కు సిద్ధమై ఉండటం నా గెలుపునకు తోడ్పడింది. ఒలింపిక్‌ క్రీడల్లో ఇండియా తరఫున పాల్గొని స్వర్ణ పతకం సాధించడం నా కల. ఇప్పటికే జాతీయ స్థాయి పోలీసు క్రీడాపోటీల్లో తెలంగాణ తరఫున పాల్గొని రెండుసార్లు బంగారు, రజతం, ఒకసారి కాంస్య పతకాలు సాధించాను. 2017 తెలంగాణ స్టేట్‌ షూటింగ్‌ చాంపియన్‌షిప్‌ 10 మీటర్ల ఎయిర్‌ రైఫిల్‌ విభాగంలో, అదే ఏడాది గుహవాటిలో జరిగిన జాతీయ స్థాయి క్రీడాపోటీల్లో బంగారు పతకాలు కైవసం చేసుకున్నా. 2019లో జరిగిన ఆలిండియా పోలీస్‌ పిస్టల్‌ విభాగం పోటీల్లో రజతం సాధించా. వచ్చిన రూ.కోటితో నాణ్యమైన శిక్షణ పొందుతా. నాలాగా అవసరం ఉన్నవారికీ సహకరిస్తాను.  

ChaySam Divorce: నాగ చైతన్య -సమంతల విడాకుల వ్యవహారం ఇప్పుడు టాలీవుడ్‌లో టాక్‌ ఆఫ్‌ది టౌన్‌గా మారింది. సోషల్‌ మీడియాలో ఎక్కడ చూసిన వీరి గురించే చర్చించుకుంటున్నారు. ప్రేమించి పెళ్లి చేసుకున్న  చై-సామ్‌లు విడిపోవడాన్ని ఇప్పటికీ అభిమానులు జీర్ణించుకోలేకపోతున్నారు. అయితే నాగ చైతన్య, సమంతలు మాత్రం జరిగిన విషయాన్ని మర్చిపోయి తమ, తమ పనుల్లో నిమగ్నులైనట్లు తెలుస్తోంది. విడాకుల తర్వాత నాగచైతన్య ఇప్పటికే లవ్ స్టోరీ సినిమాకు సంబంధించిన కొన్ని ప్రమోషనల్ ఈవెంట్స్ లో పాల్గొన్నారు. అలాగే త్వరలో మోస్ట్ ఎలిజిబుల్ బ్యాచిలర్ ప్రీ రిలీజ్ ఈవెంట్ లో ముఖ్యఅతిథిగా కూడా కనిపించబోతున్నాడు. అయితే సమంత మాత్రం ఇప్పటిదాకా ఎలాంటి కార్యక్రమంలో నేరుగా కనిపించలేదు. తాజాగా ఆమె ఎన్టీఆర్ షోలో కనిపించబోతోంది అంటూ ప్రచారం జరుగుతోంది. ఆ వివరాల్లోకి వెళితే..యంగ్‌ టైగర్‌ ఎన్టీఆర్‌ హోస్ట్‌గా వ్యవహరిస్తున్న రియాల్టీ షో ‘ఎవ‌రు మీలో కోటీశ్వ‌రులు’. జెమిని టీవీలో ప్రసారమవుతున్న ఈ షో మొదటి ఎపిసోడ్‌కి రామ్‌ చరణ్‌ గెస్ట్‌గా వచ్చాడు. ఆ తర్వాత స్టార్ డైరెక్ట‌ర్లు రాజ‌మౌళి-కొర‌టాల శివ ఈ కార్య‌క్ర‌మంలో సంద‌డి చేశారు. ఇక ఈ బిగ్‌ రియాల్టీ షోకి మహేశ్‌ బాబు కూడా గెస్ట్‌గా విచ్చేశాడు. దానికి సంబంధించి ప్రోమో కూడా విడుదల చేశారు. దసరాకు ఈ ఎపిసోడ్‌ ప్రసారం అవుతుందని ప్రచారం జరుగుతోంది. ఇదిలా ఉంటే.. తాజా ఈ షోకి స్టార్‌ హీరోయిన్‌ సమంత గెస్ట్‌గా రాబోతున్నట్లు తెలుస్తోంది. ఆమెకు సంబంధించిన ఎపిసోడ్‌ షూటింగ్‌ కూడా పూర్తయినట్లు టాలీవుడ్‌ వర్గాల్లో ప్రచారం జరుగుతోంది. ఈ స్పెష‌ల్ ఎపిసోడ్ ఈ నెల చివ‌ర‌లో కానీ..వ‌చ్చే నెల ప్రారంభంలో కాని ప్ర‌సారం కానుంద‌ని సమాచారం. 

Evaru Meelo koteeswarulu Promo: యంగ్‌ టైగర్‌ ఎన్టీఆర్‌ వ్యాఖ్యాతగా వ్యవహరిస్తున్న బుల్లితెర షో ‘ఎవరు మీలో కోటీశ్వరు’లు. తన వాక్చతుర్యంతో కంటెస్టెంట్లను, ప్రేక్షకులను అలరిస్తున్నాడు తారక్‌. ఈ షో ద్వారా మరింత వినోదం పంచేందుకు ప్రముఖు దర్శక దిగ్గజాలు సందడి చేయాడికి వస్తున్నారు. సోమవారం జరిగే ఎపిసోడ్‌లో ముఖ్యఅతిథులుగా దర్శక ధీరుడు ఎస్‌ఎస్‌ రాజమౌళి, కొరటాల శివ రాబోతున్నారు. ఈ ఎపిసోడ్‌కు సంబంధించిన ప్రోమోను తాజాగా జెమిని టీవీ విడుదల చేసింది. ఈ ప్రోమోలో హాట్‌సీట్‌లో కూర్చున్న  జగ్గన్న, కొరటాల శివలు రోల్‌ కెమెరా, యాక్షన్‌ అంటూ హంగామా చేశారు. చదవండి: సమంతే నా ఫస్ట్‌ అండ్‌ లాస్ట్‌ లవర్‌.. రీట్వీట్‌ చేసిన సామ్‌ ఈ క్రమంలో వారికి ఎన్టీఆర్‌ ఓ ప్రశ్న ఇవ్వగా దాని గురించి దర్శకులు ఇద్దరూ చర్చించుకుంటున్నారు. దీంతో ఎన్టీఆర్‌ ఎంతసేపూ మీలో మీరే మాట్లాడుకుంటే మాకు ఏం వినిపిస్తుందని అంటాడు. ఆ తర్వాత ఇలా చేసినందుకు వీరికి ఆప్షన్లు ఇవ్వకుండా తీసేయొచ్చా గురువు గారు(కంప్యూటర్‌) అని తారక్‌ అనగానే.. తప్పండి అలా చేయకూడదు అంటూ దర్శకులు విన్నవించుకుంటారు. ఆ తర్వాత మరి మరోసారి.. అంటూ ఎన్టీఆర్‌ ఆగిపోయి వెంటనే ఇక్కడ లోకేషన్‌ నాది, డైరెక్షన్‌ నాది... ఇక్కడ నేనే బాస్‌’ అంటూ వారిని ఓ ఆటాడుకున్నాడు. మీరు కూడా ఈ ప్రొమో చూసి ఎంజాయ్‌ చేయండి. చదవండి: జోరు పెంచిన ఎన్టీఆర్‌.. ఇక వరుస సినిమాలతో సందడి కాగా రాజమౌళి తెరకెక్కిస్తున్నా ఆర్‌ఆర్‌ఆర్‌ మూవీ షూటింగ్‌ ఇటీవల పూర్తి చేసుకుంది. ప్రస్తుతం పోస్ట్‌ ప్రొడక్షన్‌ పనులతో పాటు మిగిలిపోయిన చివరి షూటింగ్‌ను జరపుకుంటోంది. ఇదిలా ఉంచితే కొరటాల శివతో ఎన్టీఆర్‌ ఓ మూవీ చేస్తున్నట్లు ఇటీవల జోరుగా ప్రచారం జరిగిన సంగతి తెలిసిందే. కొరటాల ఈ షోకు అతిథిగా రావడం చూస్తుంటే కొరటాల-ఎన్టీఆర్‌ల ప్రాజెక్ట్‌ త్వరలోనే సెట్స్‌పైకి రానుందేమో అంటూ నెటిజన్లు అభిప్రాయ పడుతున్నారు.

బిగ్‌బాస్‌తో పాటు బుల్లితెర ప్రేక్షకులను అలరించే మరో రియాలిటీ షో ‘ఎవరు మీలో కోటీశ్వరులు’. గత సీజన్‌లు స్టార్‌ మాలో ప్రసారమవుగా దీనికి హోస్ట్‌గా కింగ్‌ నాగార్జున, చిరంజీవిలు వ్యవహరించారు. అయితే ఈ సారి ఈ రియాలిటీ షో సరికొత్తగా ఎవరు మీలో కోటీశ్వరులు పేరుతో జెమిని టీవీలో ప్రసారమవుతున్న సంగతి తెలిసిందే.  దీనికి హోస్ట్‌గా యంగ్‌ టైగర్‌ ఎన్టీఆర్‌ వ్యవహరిస్తున్నాడు. ఇప్పటికే బిగ్‌బాస్‌తో బుల్లితెర ఎంట్రీ ఇచ్చిన ఎన్టీఆర్‌ తనదైన మ్యానరిజం, చమత్కారంతో షోను ఆసక్తిగా మలుస్తున్నాడు. సోమవారం నుంచి బుధవారం వరకు ప్రతి రోజు రాత్రి 8:30 గంటల నుంచి 9:30 గంటలకు ప్రసారమయ్యే ఈ షో ఎన్నడూ లేని విధంగా ప్రేక్షకులను ఆకట్టుకుంటోందట. చదవండి: ఈ నటుడిని గుర్తుపట్టారా? హీరోగా రెండు సినిమాల్లో నవ్వించాడు! దీంతో ఈ షో అత్యధిక టీఆర్‌పీ రేటింగ్‌ను రాబడుతూ మిగతా షోల కంటే ముందంజలో దూసుకుపోతుందట. కాగా ప్రిమియర్‌ ఎపిసోడ్‌కు మెగా పవర్‌ స్టార్‌ రామ్‌ చరణ్‌ ముఖ్య అతిథిగా వచ్చిన సంగతి తెలిసిందే. ఈ ఎపిసోడ్‌కు 11.40 టీఆర్‌పీ రేటింగ్‌ రాగా, ఫస్ట్‌వీక్‌ 5.62 వచ్చిందట. ఇక రెండో వారం 6.48గా టీఆర్‌పీ రేటింగ్‌ వచ్చినట్లు షో నిర్వహకులు తెలిపారు. దీంతో గత సీజన్లతో పోలిస్తే ఈ సిజన్‌కు వచ్చిన టీఆర్‌పీ రేటింగ్‌ అత్యధికమట. అలాగే రానున్న రోజుల్లో కూడా ఇదే హావాతో ‘ఎవరు మీలో కోటీశ్వరులు’ దూసుకుపోనుందని విశ్లేషకుల అంచన. కాగా ఎన్టీఆర్‌ తాజా చిత్రం ‘ఆర్‌ఆర్‌ఆర్‌’ మూవీ షూటింగ్‌ దాదాపుగా పూర్తయింది. ప్రస్తుతం పోస్ట్‌ ప్రోడక్షన్‌ పనులతో పాటు పలు సన్నివేశాలను రామోజీ ఫిలిం సిటీ చిత్రీకరణ జరుపుకుంటోంది.  చదవండి: నా తల్లి పేరు కూడా అదే, అందుకే నామినేట్‌ చేయలేదు: షణ్నూ

Jr NTR Comments On Wife Laxmi Pranathi జూనియర్‌ ఎన్టీఆర్ ‘ఎవరు మీలో కోటీశ్వరులు’ ప్రోగ్రామ్‌లో తన పెళ్లి నాటి ముచ్చట్లను తన అభిమానులతో పంచుకున్నారు. తాజాగా హాట్ సీటులో కూర్చున్న కంటెస్టెంట్‌తో తన వివాహానికి సంబంధించిన పలు విషయాలను ప్రస్తావించారు ఎన్టీఆర్. కంటెస్టెంట్‌ పెళ్లి చూపులు సమయంలో కనీసం మీరు బాగా మాట్లాడారమ్మా కానీ మా పెళ్లి చూపుల్లో అయితే మా ఆవిడ అసలు మాట్లాడలేదు అంటూ సరదాగా నవ్వుకున్నారు. పెళ్లి చూపుల్లో తన భార్యను చూడగానే ఎన్టీఆర్ ఓకే అని చెప్పి వెళ్లిపోయాడట. అయతే లక్ష్మీ ప్రణతి మాత్రం ఎన్టీఆర్‌కు ఎస్ చెప్పలేదు. అలా అని నో చెప్పలేదు. నేనంటే ఇష్టమేనా లేక బలవంతంగా ఈ పెళ్లిని ఫిక్స్ చేశారా అని ఎన్టీఆర్‌, లక్ష్మీ ప్రణతిని అడిగారట అయితే దానికి ఆమె అప్పట్లో ఔనని కానీ కాదని కానీ ఎలాంటి సమాధానం ఇవ్వలేదు. ఇక పెళ్లికి నిశ్చితార్థానికి మధ్య దాదాపు 8 నెలల గ్యాప్ వచ్చింది. అయితే ఆ సమయంలో కూడా ఆమె ఎన్టీఆర్‌కు ఎస్ అని చెప్పలేదు. ఇక దీనితో ఆడవాళ్లను అర్ధం చేసుకోవడం ఎంత కష్టమో అపుడే తనకు అర్ధమైందన్నారు ఎన్టీఆర్. ఆడవాళ్లను అర్ధం చేసుకున్నవాడు ప్రపంచంలో దేన్నైనా అర్ధం చేసుకుంటాడనే విషయం తనకు ఆ తర్వాత బోధ పడిందంటూ చెప్పుకొచ్చాడు. ఎన్టీఆర్, లక్ష్మీ ప్రణతిల వివాహాం జరిగి పది సంవత్సరాలు పూర్తైయింది. వీరికి అభయ్‌రామ్‌, బార్గవ రామ్‌ ఇద్దరు కుమారులు. కాగ ప్రస్తుతం ఎన్టీఆర్, రామ్ చరణ్‌తో కలిసి దర్శకుడు రాజమౌళి డైరెక్షన్‌లో ‘ఆర్ఆర్ఆర్’ సినిమా చేస్తున్నారు. ఇటీవలే ఆ సినిమాకు రాజమౌళి గుమ్మడికాయ కొట్టేశారు. ఇక మరోవైపు ఎన్టీఆర్ తన తదుపరి చిత్రం కొరటాల శివ దర్శకత్వంలో చేయబోతున్న విషయం తెలిసిందే.

యంగ్‌ టైగర్‌ ఎన్టీఆర్‌ బుల్లితెర హోస్ట్‌గా ‘ఎవరు మీలో కోటీశ్వరుడు’ షో చేస్తున్న సంగతి తెలిసిందే. జెమిని టీవీలో ప్రసారమయ్యే ఈ షో నిన్నటి ఎపిసోడ్‌లో ఎన్టీఆర్‌ పలు ఆసక్తికర విషయాలను పంచుకున్నాడు. నిన్నటి ఎపిసోడ్‌లో పాల్గొన్న అభిరాం అనే కంటెస్టంట్‌కు క్రికెట్‌కు సంబంధించిన ప్రశ్న ఎదురైంది. ఈ సందర్భంగా తనకు క్రికెట్‌  ఆట అంటే చాలా ఇష్టమని ఎన్టీఆర్‌ చెప్పాడు. కానీ క్రికెట్‌ చూడాలనే ఆసక్తి పోయేలా తన తండ్రి హరికృష్ణ చేశారంటూ ఆసక్తికర వ్యాఖ్యలు చేశాడు. చదవండి: అమెజాన్‌ ప్రైంలోకి ‘పాగల్‌’ మూవీ, స్ట్రీమింగ్‌ ఎప్పుడంటే.. ‘నాకు క్రికెట్‌ ఆడటమంటే చాలా ఇష్టం. కానీ క్రికెట్‌ను టీవీలో చూడటమంటే అసలు ఇష్టం లేదు. దానికి కారణం మా నాన్న. ఎందుకంటే చిన్నప్పుడు ఉదయం టీవీలో వచ్చే క్రికెట్‌ మ్యాచ్‌ను వీసీఆర్‌లో రికార్డు చేయమని చెప్పేవారు. అది ఎలా చేయాలో కూడా ఆయనే నేర్పించారు. దీంతో ఆ మ్యాచ్‌ను నేను పూర్తిగా చూడాల్సి వచ్చేది. ఆ తర్వాత సాయంత్రం నాన్నతో కలిసి మళ్లీ అదే మ్యాచ్‌ను చూసేవాడిని. అలా  చూసి చూసి చివరకు క్రికెట్‌ అంటేనే బోర్‌ కొట్టింది’ అంటూ చెప్పుకొచ్చాడు. చదవండి: 'ఎన్టీఆర్‌తో గొడవలు'..స్పందించిన బండ్ల గణేష్‌

Ram Charan Reveales Mister C Story : మెగా పవర్‌స్టార్‌ రామ్‌చరణ్‌ని చాలామంది చరణ్‌, చెర్రీ అని పిలుస్తుంటారు. కానీ ఆయన భార్య ఉపాసన మాత్రం 'మిస్టర్‌ సి'  అని పిలుస్తుంటారు.రామ్‌చరణ్‌కి సంబంధించి ఉపాసన పెట్టే సోషల్‌మీడియా పోస్టుల్లోనూ ఈ విషయం స్పష్టంగా కనిపిస్తుంది. తాజాగా యంగ్‌ టైగర్‌ ఎన్టీఆర్‌ హోస్ట్‌గా తెరకెక్కుతున్న ‘ఎవరు మీలో కోటీశ్వరులు(EMK)’ రియాల్టీ షోలో పాల్గొన్న రామ్‌చరణ్‌ 'మిస్టర్‌ సి'  వెనకాల ఉన్న కారణాన్ని రివీల్‌  చేశారు.  ఓసారి లాస్ ఏంజెల్స్‌కి ట్రిప్‌కి వెళ్లినప్పుడు అక్కడ 'మిస్టర్‌ సి' అనే హోటల్‌ ఉండేది. అక్కడ చాలా మంచి డిన్నర్‌ చేశాం. ఈ క్రమంలో అ​క్కడి  చెఫ్‌తో సరదా చిట్‌చాట్‌ జరిగింది. హోటల్‌ బాగా నచ్చడంతో అప్పటినుంచి ఉపాసన నన్ను నాకు మిస్టర్‌ సీ అనే పేరు పెట్టింది. అప్పటినుంచి అలానే పిలుస్తుంది అని చరణ్‌ పేర్కొన్నాడు. సో ఇదన్నమాట 'మిస్టర్‌ సి'  వెనుకున్న అసలు  కథ.  కాగా  ఈ షోలో రెండు లైఫ్‌ లైన్లు వాడుకుని రామ్‌చరణ్‌ రూ.25లక్షల రూపాయలను గెలుచుకున్నారు. ఈ మొత్తాన్ని చిరంజీవి ఛారిటబుల్ ట్రస్ట్‌కి విరాళంగా ఇచ్చాడు చరణ్‌. ఇక సినిమాల విషయానికి వస్తే చరణ్‌, ఎన్టీఆర్‌ కలిసి రాజమౌళి దర్శకత్వంలో `ఆర్‌ఆర్‌ఆర్‌` చిత్రంలో నటిస్తున్న సంగతి తెలిసిందే. పాన్‌ ఇండియా పప్రాజెక్టుగా తెరకెక్కుతున్న ఈ సినిమాలో అలియాభట్‌, ఒలివీయా మోర్రీస్‌ హీరోయిన్లుగా నటిస్తున్నారు. అజయ్‌ దేవగన్‌, శ్రియా, సముద్రఖని కీలక పాత్రలు పోషిస్తున్నారు. చదవండి : వైరల్‌ : చిరంజీవి ఇంట్లో గ్రాండ్‌గా రాఖీ సెలబ్రేషన్స్‌ అభిషేక్‌కు గాయాలు.. హాస్పిటల్‌కు రాని ఐశ్వర్యరాయ్‌?

యంగ్‌ టైగర్‌ ఎన్టీఆర్‌ హోస్ట్‌గా ‘ఎవరు మీలో కోటీశ్వరులు(EMK)’ఓ రియాల్టీ షో తెరకెక్కుతున్న విషయం తెలిసిందే.  జెమినీ టీవీలో ఈ నెల 22 నుంచి ప్రసారం కానుంది. కాగా, ముందు నుంచి ప్రచారం జరుగుతున్నట్టే తొలి ఎపిసోడ్‌కు మెగా పవర్‌ స్టార్‌ రామ్‌ చరణ్‌ గెస్ట్ గా విచ్చేసి సందడి చేయనున్నాడు. ఈ విషయాన్ని తెలియజేస్తూ జెమిని టీవీ తాజాగా ఓ ప్రోమో విడుదల చేసింది. తారక్‌, చెర్రీ ఓ రేంజ్‌లో ఎంటర్‌టైన్‌మెంట్‌ అందించినట్లు ప్రోమో చూస్తే అర్థమవుతుంది. ‘సీటూ హీటెక్కుతుంది.. బ్రెయినూ హీటెక్కుతుంది’ అంటూ చరణ్ టెన్షన్ పడడం, తారక్ అతనితో కలిసి సందడి చెయ్యడంతో ప్రోమో చాలా ఇంట్రెస్టింగ్‌గా అనిపించింది. ప్రతి సోమవారం నుంచి బుధవారం వరకు సాయంత్రం రాత్రి 8:30 గంటలకు ఈ షో టెలికాస్ట్‌ కానుంది.  'ఎవరు మీలో కోటీశ్వరులు' ప్రారంభ ఎపిసోడ్ (కర్టెన్ రైజర్)కు ముఖ్య అతిథి తన సోదరుడు రామ్ చరణ్  వచ్చాడని,  దీనికి సంబంధించిన షూటింగ్ జరిగిందని, ప్రేక్షకులకు ఎంతో వినోదం లభిస్తుందని ఎన్టీఆర్‌ ట్వీట్‌ చేశాడు. 

యంగ్‌ టైగర్‌ ఎన్టీఆర్‌ ఇక సోమవారం నుంచి బుధవారం వరకు సాయంత్రం మీ ఇంట్లో సందడి చేయబోతున్నాడు. ఆయన హోస్ట్‌గా ‘ఎవరు మీలో కోటీశ్వరులు(EMK)’అనే ఓ రియాలిటీ షో వస్తున్న సంగతి తెలిసిందే. తాజాగా జెమిని టీవీ ఈ షో ప్రోమోను విడుదల చేసింది. అగష్టు 22వ తేదీ నుంచి ఈ షో ప్రారంభం కానున్నట్లు స్పష్టం చేశారు. ప్రోమోలో తారక్‌ వస్తున్న మీ ప్రతి ఇంటికి వచ్చేస్తున్నా.. ‘ఎవరు మీలో కోటీశ్వరులు’ ప్రతి సోమవారం నుంచి బుధవారం సాయంత్రం రాత్రి 8:30 గంటలకు మీ జెమిని టీవీలో’ అంటూ చెప్పుకొచ్చాడు. 

Evaru Meelo Koteeswarulu: యంగ్‌ టైగర్‌ ఎన్టీఆర్‌ హోస్ట్‌గా ఎలా రఫ్ఫాడిస్తాడన్నది బిగ్‌బాస్‌ తొలి సీజన్‌ ద్వారా మనం ఇదివరకే చూశాం. చాలా కాలానికి ఆయన మరోసారి బుల్లితెరపై సందడి చేసేందుకు రెడీ అయ్యాడు. ‘ఎవరు మీలో కోటీశ్వరులు(EMK)’ అనే రియాలిటీ షో ద్వారా బుల్లితెర ప్రేక్షకులను అలరించనున్నాడు. తాజాగా ఈ షోకు సంబంధించి కిక్కిచ్చే అప్‌డేట్‌ బయటకు వచ్చింది. ఈ నెలలోనే ఎవరు మీలో కోటీశ్వరులు ప్రసారం కాబోతోందంటూ ప్రోమోను రిలీజ్‌ చేశారు. ఇందులో ఒక స్కూలు టీచర్‌ పెద్దయ్యాక ఏమవుదాం అనుకుంటున్నారు? అని పిల్లలను అడిగింది. కలెక్టర్‌ అని ఒకరు, పైలెట్‌ అని మరొకరు సమాధానం చెప్తుండగా ఒక విద్యార్థిని మాత్రం అమ్మను అవుదాం అనుకుంటున్నానని చెప్పి అందరినీ ఆశ్చర్యపరుస్తుంది. పెద్దయ్యాక అదే అమ్మాయికి ఎన్టీఆర్‌ ముందు హాట్‌ సీట్‌లో కూర్చునే అవకాశం వరించింది. అప్పుడు ఎన్టీఆర్‌.. జీవితంలో మీరు ఏమవుదాం అనుకుంటున్నారు? అని ప్రశ్నించగా ఆమె మరోసారి 'అమ్మనవుదాం అనుకుంటున్నాను' అని బదులిచ్చింది. రేపటితరాన్ని ముందుకు నడపాలంటే అది అమ్మ వల్లే సాధ్యం అంటూ తన తల్లి పడ్డ కష్టాలను వివరించింది. ఆమె సమాధానం ఎన్టీఆర్‌ మనసును కూడా గెల్చుకున్నట్లు తెలుస్తోంది. 'ఇక్కడ మనీతో పాటు మనసులు కూడా గెల్చుకోవచ్చు. ఇక్కడ కథ మీది, కల మీది, ఆట నాది, కోటి మీది.. రండి గెలుద్దాం' అంటూ మీసం మెలేసి సవాలు విసురుతున్నాడు తారక్‌. ఆగస్టులోనే ఈ షో ప్రసారం అవుతుండటంతో అభిమానులు పండగ చేసుకుంటున్నారు. మొత్తానికి లేటెస్ట్‌ ప్రోమో చూస్తుంటే వారి నిరీక్షణకు డబుల్‌ ఫలితం దక్కేలా కనిపిస్తోంది.

బుల్లితెరపై యంగ్‌ టైగర్‌ ఎన్టీఆర్‌ హోస్ట్‌గా ‘ఎవరు మీలో కోటీశ్వరులు(EMK)’అనే ఓ రియాలిటీ షో రాబోతున్న విషయం తెలిసిందే. ఫ్రెండ్‌షిప్‌ డే సందర్భంగా ఆదివారం ఈ షో ప్రోమోని విడుదల చేశారు నిర్వాహకులు. ఈ ప్రోమో ఆద్యంతం ఆకట్టుకోవడంతో పాటు ఆలోచింపజేసేలా ఉంది. చదువు విలువతో పాటు కరోనా కాలంలో ప్రజల కష్టాలను తెలియజేసేలా ప్రోమోని అద్భుతంగా కట్‌ చేశారు.  కరోనా కష్ట కాలంలో ఉద్యోగాన్ని కోల్పొయిన  ఓ ప్రైవేట్‌ లెక్చరర్‌ .. ఈ  షో వల్ల రూ.25 లక్షలు గెలుచుకుంటాడు. అయితే ఆ డబ్బులో సగం విద్యార్థుల ఫీజలకు ఉపయోగిస్తానని చెప్తాడు. చివరికి ఎన్టీఆర్‌ ఎంట్రీ ఇచ్చి ‘ఇక్కడ మనీతో పాటు మనసులు కూడా లుచుకోవచ్చు. ఇక్కడ క‌థ మీది, క‌ల మీది.. ఆట నాది.. కోటి మీది.. రండి గెలుద్దాం’అని చెప్పడంతో ప్రోమో ముగుస్తుంది.షెడ్యూల్ ప్రకారం ఈ ప్రోగ్రాం మే చివరివారం నుంచి ప్రసారం కావాల్సి ఉంది. అయితే కరోనా సెకండ్ వేవ్ కారణంగా ఈ షో వాయిదా పడింది. మొత్తానికి ఈ నెల (ఆగస్టు) లోనే 'ఎవరు మీలో కోటీశ్వరులు' షో ప్రారంభం కాబోతున్నట్లు ప్రోమో ద్వారా తెలియజేశారు. 

బుల్లితెరపై యంగ్‌ టైగర్‌ ఎన్టీఆర్‌ హోస్ట్‌గా ‘ఎవరు మీలో కోటీశ్వరులు(EMK)’అనే ఓ రియాలిటీ షో రాబోతున్న విషయం తెలిసిందే. షెడ్యూల్ ప్రకారం ఈ ప్రోగ్రాం మే చివరివారం నుంచి ప్రసారం కావాల్సి ఉంది. అయితే కరోనా సెకండ్ వేవ్ కారణంగా ఈ షో వాయిదా పడింది. తాజాగా ఈ షో షూటింగ్‌ మొదలైంది. ప్రస్తుతం ఈ రియాల్టీ షో పనుల్లో ఎన్టీఆర్‌ బిజీగా గడుపుతున్నారు. ఇదిలా ఉంటే ఈ షోకి సంబంధించి ఓ ఇంట్రెస్టింగ్‌ న్యూస్‌ ఒకటి సోషల్‌ మీడియాలో చక్కర్లు కొడుతోంది. ఈ రియాల్టీ షోకి మెగా పవర్‌ స్టార్‌ రామ్‌ చరణ్‌ గెస్ట్‌గా రాబోతున్నారట. అయితే ఈ విషయాన్ని అధికారికంగా ధ్రువీకరించనప్పటికీ.. నిజమయ్యే అవకాశాలు అయితే మెండుగానే ఉన్నాయి. ఎందుకంటే.. ఎన్టీఆర్‌, రామ్‌ చరణ్‌ కలిసి ‘ఆర్‌ఆర్‌ఆర్‌’మూవీలో నటిస్తున్న సంగతి తెలిసిందే. దర్శకధీరుడు రాజమౌళి ప్రతిష్టాత్మకంగా రూపొందిస్తున్న ఈ చిత్రం.. అక్టోబర్‌ 13న ప్రేక్షకుల ముందుకు రాబోతుంది. ఈ క్రమంలో ప్రమోషన్‌లో భాగంగా చరణ్‌ ‘ఎవరు మీలో కోటీశ్వరులు’షోకి అతిథిగా వెళ్లబోతున్నట్లు సమాచారం. అదికూడా తొలి ఎపిసోడ్‌కే వెళ్లబోతున్నారట. ఒకవేళ ఇదే నిజమైతే.. ఆ ఒక్క రోజు తెలుగు ప్రేక్షకులకు కావాల్సినంత వినోదం దొరకడంతో పాటు టీఆర్పీ రేటింగ్‌లో కూడా రికార్డు సృష్టించడం ఖాయం. ఇక ఆర్‌ఆర్‌ఆర్‌ విషయానికొస్తే.. తాజాగా విడుదలైన ఈ మూవీ మేకింగ్‌ వీడియో యూట్యూబ్‌లో ట్రెండ్‌ అవుతోంది. ఈ చిత్రంలో అల్లూరి సీతారామరాజుగా రామ్‌చరణ్‌, కొమురంభీమ్‌గా తారక్‌ సందడి చేయనున్నారు. డీవీవీ దానయ్య నిర్మిస్తున్న  ఈ చిత్రంలో ఒలివియా మోరిస్, ఆలియా భట్‌ కథానాయికలుగా నటిస్తున్నారు.

కొద్ది రోజుల క్రితం యంగ్ టైగర్ జూనియర్ ఎన్టీఆర్ హోస్టుగా ‘ఎవరు మీలో కోటీశ్వరులు(EMK)’ అనే రియాలిటీ షోను గ్రాండ్‌గా అనౌన్స్ చేసిన సంగతి తెలిసిందే. షెడ్యూల్ ప్రకారం ఈ ప్రోగ్రాం మే చివరివారం నుంచి ప్రసారం కావాల్సి ఉంది. అయితే కరోనా సెకండ్ వేవ్ కారణంగా ఈ షో వాయిదా పడింది. ఇక ఈ షో ఈ ఏడాది టెలికాస్ట్‌ కాదనే వార్తలు సోషల్‌ మీడియాలో చక్కర్లు కొట్టాయి.  కరోనా ఉధృతి తగ్గగానే ఎన్టీఆర్‌ ఇంతకు ముందు కమిటైన సినిమాల షూటింగ్స్‌లో బిజీ కానున్నారని, ఆ సమయంలో ఈ షోకి డేట్స్‌ సర్థుబాటు చేసుకోవడం ఆయనకు వీలుకాదని, అందుకే షో వాయిదా పడబోతుందని వార్తలు వినిపించాయి.  ఈ నేపథ్యంలో  జెమిని టీవీ యాజమాన్యం తాజాగా ఓ ప్రోమో వదిలి రూమర్లకు చెక్‌ పెట్టింది. త్వరలోనే ఈ షో ప్రారంభం కానుందని ప్రోమో ద్వారా తెలిపింది. ‘EMK ఆడుతున్న వారి కలలను నెరవేరుస్తుంది. ఇటు చూస్తున్న వారికి వంద శాతం వినోదాన్ని అందజేస్తుంది​’అని ప్రోమోని విడుదల చేసింది. అయితే ఈ షో ఎప్పటి నుంచి మొదలవుతుందనే దానిపై మాత్రం క్లారిటీ ఇవ్వలేదు.  Evaru Meelo Koteeswarulu | Gemini TV Aadutunna valla kalalanu neraverustundi, itu chustunna vallaki 100 % Entertainment istundi EMK#EMKbyNTRonGeminiTV #EvaruMeeloKoteeswaruluOnGeminiTV #EvaruMeeloKoteeswarulu @tarak9999. pic.twitter.com/GtbKnRJQla — Gemini TV (@GeminiTV) June 5, 2021