‘మెరిసే మెరిసే’ చిత్రంతో దర్శకుడిగా పరిచయమైన పవన్‌ కుమార్‌ కొత్తూరి హీరోగా మారారు. ఆయన హీరోగా నటించి, స్వీయ దర్శకత్వంలో నిర్మించిన చిత్రం ‘యావరేజ్‌ స్టూడెంట్‌ నాని’. స్నేహా మాలవ్య, సాహిబా భాసిన్, వివియా సంత్‌ హీరోయిన్లుగా నటించారు. శ్రీ నీలకంఠ మహదేవ ఎంటర్‌టైన్‌మెంట్స్‌ ఎల్‌ఎల్‌పి బ్యానర్‌పై పవన్‌ కుమార్‌ కొత్తూరి, బిషాలీ గోయెల్‌ నిర్మించిన ఈ మూవీ ఫస్ట్‌ లుక్‌ పోస్టర్‌ను విడుదల చేశారు మేకర్స్‌.ఈ సందర్భంగా పవన్‌ కుమార్‌ కొత్తూరి మాట్లాడుతూ– ‘‘యూత్‌ఫుల్‌ లవ్, యాక్షన్, ఫ్యామిలీ ఎంటర్‌టైనర్‌గా రూపొందిన చిత్రం ‘యావరేజ్‌ స్టూడెంట్‌ నాని’. అన్ని వర్గాల ప్రేక్షకులకు మా సినిమా నచ్చుతుందనే నమ్మకం ఉంది’’ అన్నారు. ఝాన్సీ, రాజీవ్‌ కనకాల, ‘ఖలేజా’ గిరి తదితరులు నటించిన ఈ చిత్రానికి సంగీతం: కార్తీక్‌ బి. కొడకండ్ల, కెమెరా: సజీష్‌ రాజేంద్రన్‌.

సంక్రాంతి పండుగ వచ్చిందంటే చాలు.. తెలుగు రాష్ట్రాల్లో ఆ సందడే వేరు. కొత్త ఏడాదిలో అందరూ కలిసి సెలబ్రేట్ చేసుకునే పండగ ఇదొక్కటే. అంతలా ప్రాముఖ్యత ఉన్న ఈ ఫెస్టివల్‌ కోసం ఎంతోమంది ఎదురు చూస్తుంటారు. మరీ ముఖ్యంగా సినిమా వాళ్లకు సంక్రాంతి పండుగ ఓవరం లాంటిదనే చెప్పాలి. అగ్ర హీరోలంతా ఈ పండుగకు సినిమాలు రిలీజ్‌ చేసేందుకే మొగ్గు చూపుతారు. అలానే ఈ ఏడాది కూడా తెలుగులో నాలుగు సినిమాలు విడుదలయ్యాయి. వాటి మహేశ్ బాబు గుంటూరు కారం, తేజ సజ్జా హనుమాన్, వెంకటేశ్ సైంధవ్, నాగార్జున నాసామిరంగ చిత్రాలు ఇప్పటికే థియేటర్లలో సందడి చేస్తున్నాయి. వీటి సంగతి అలా ఉంచితే మరికొందరు హీరోలు ఈ ఫెస్టివల్‌కే అప్‌డేట్స్‌ సిద్ధమయ్యారు. చిన్న, పెద్దా అనే తేడా లేకుండా సినిమా హీరోలంతా క్రేజీ అప్‌డేట్స్‌తో ప్రేక్షకుల ముందుకొచ్చేశారు. మెగాస్టార్, ప్రభాస్, సూర్య, విజయ్‌, వరుణ్ తేజ్ లాంటి స్టార్‌ హీరోలు తమ మూవీ పోస్టర్స్‌తో అలరించారు. అంతే కాకుండా అలా ఈ ఏడాది పొంగల్‌కు మన ముందుకు వచ్చిన కొత్త సినిమాల పోస్టర్స్‌పై ఓ లుక్కేద్దాం.  మెగాస్టార్ చిరంజీవి నటిస్తోన్న 156వ చిత్రం టైటిల్‌ను సంక్రాంతి రోజే మేకర్స్ రివీల్ చేయనున్నారు. ఇప్పటికే ప్రభాస్- మారుతి డైరెక్షన్‌లో మూవీ టైటిల్‌ను వెల్లడించారు మేకర్స్. ది రాజాసాబ్ అంటూ యంగ్ రెబల్‌ స్టార్‌ వచ్చేస్తున్నారు. టైటిల్‌ అనౌన్స్‌మెంట్‌ చేస్తూ వీడియోను విడుదల చేశారు. వీటితో పాటు శర్వానంద.. శతమానంభవతి పార్ట్‌-2 రానుందని పోస్టర్ విడుదలైంది. మరోవైపు కోలీవుడ్ స్టార్స్ విజయ్‌, సూర్య సినిమాలకు సంబంధింటిన పోస్టర్లు సోషల్ మీడియాలో వైరలవుతున్నాయి. మీరు కూడా మీ అభిమాను హీరోల చిత్రాలకు సంబంధించిన అప్‌డేట్స్‌ చూసేయండి.  அனைவருக்கும் இனிய பொங்கல் நல்வாழ்த்துகள் 😇☀️🌾#VETTAIYAN 🕶️ @rajinikanth @SrBachchan @tjgnan @anirudhofficial @LycaProductions #Subaskaran @gkmtamilkumaran #FahadhFaasil @RanaDaggubati @ManjuWarrier4 @ritika_offl @officialdushara @srkathiir @philoedit @KKadhirr_artdir… pic.twitter.com/bbuCtkAgLG — Lyca Productions (@LycaProductions) January 15, 2024 The Art behind the aesthetic! 🎨✨ Delve into the making of the vibrant & colourful VETTAIYAN 🕶️ poster! ✨ Art by 🖌️ @sthabathy Designed by 🖼️ @gopiprasannaa Photographed by 📸 @anand16na#VETTAIYAN 🕶️ @rajinikanth @SrBachchan @tjgnan @anirudhofficial @LycaProductions… pic.twitter.com/wQiW2hiaZ1 — Lyca Productions (@LycaProductions) January 15, 2024 pic.twitter.com/Tl8mrlT8fT — Vijay (@actorvijay) January 15, 2024 Echoes of freedom in every note. 🇮🇳 #OperationValentine All set to launch our first song at the iconic Wagah border, Amritsar 💥#VandeMataram song launch on Jan 17th 🎶#HappySankranti ✨ pic.twitter.com/5CkfhnZykN — Varun Tej Konidela (@IAmVarunTej) January 15, 2024 For he was touched by fire, chosen as a beacon of hope🔥 Unveiling the #Kanguva2ndLook tomorrow at 11 AM⚔️#Kanguva🦅⚔️ #HappyPongal🌾 #HappyMakarSankranti🌞@Suriya_offl @DishPatani @directorsiva @ThisIsDSP @GnanavelrajaKe @StudioGreen2 @UV_Creations @KvnProductions #Vamsi… pic.twitter.com/pzW6yWR5pw — UV Creations (@UV_Creations) January 15, 2024 7 years ago, #ShathamanamBhavathi Celebrated Sankranthi with its timeless magic ❤️ Now, get ready for another chapter unfolding with even more enchantment in 2025! 😍 More Details loading soon 😉 వచ్చే సంక్రాంతికి కలుద్దాం ❤️‍🔥 pic.twitter.com/yJT5xump4Q — Sri Venkateswara Creations (@SVC_official) January 15, 2024 Igniting the MASS MODE 🥁🕺 Presenting the delightful #TheRajaSaab Title Announcement 🤩 - https://t.co/IhcaisVZsy 𝐀 𝐑𝐞𝐛𝐞𝐥’𝐬 𝐄𝐧𝐭𝐞𝐫𝐭𝐚𝐢𝐧𝐦𝐞𝐧𝐭 𝐄𝐱𝐩𝐥𝐨𝐝𝐞𝐬 𝐖𝐨𝐫𝐥𝐝𝐰𝐢𝐝𝐞 𝐒𝐨𝐨𝐧 🌋#PrabhasPongalFeast #Prabhas A @DirectorMaruthi film Produced by… — People Media Factory (@peoplemediafcy) January 15, 2024 The celestial bodies are making way for the MEGA MASS BEYOND UNIVERSE 🔥 #Mega156 title today at 5 PM 💫🌠 MEGASTAR @KChiruTweets @DirVassishta @mmkeeravaani @boselyricist @NaiduChota @mayukhadithya @sreevibes @gavireddy_srinu @AforAnilkumar @UV_Creations pic.twitter.com/bsyqxtE6Hk — UV Creations (@UV_Creations) January 15, 2024

మెగా అభిమాని జీఎస్ఎన్ నాయుడు ప్రధాన పాత్రలో తెరకెక్కుతున్న చిత్రం యుగల్. ది మాన్ విత్ డైవర్సన్ అనేదే ట్యాగ్ లైన్. ప్రమోద్ కుమార్ దర్శకత్వం వహిస్తుండగా.. ఆర్ బాలాజీ ఈ చిత్రాన్ని నిర్మిస్తున్నారు. శ్రీ లక్ష్మి గణ సుబ్రమణ్య స్వామి ప్రొడక్షన్స్ పతాకంపై తెరకెక్కిస్తున్నారు. తాజాగా ఈ చిత్రం మొదటి ప్రచార చిత్రాన్ని విడుదల చేసింది చిత్రబృందం. హీరో జీఎస్ఎన్ నాయుడు మాట్లాడుతూ.. 'మొదట ఈ చిత్రానికి గన్ని అనే టైటిల్ అనుకున్నాం. కానీ తర్వాత యుగల్ పేరు ఖరారు చేశాం. మేము ఈ చిత్రాన్ని రెండు భాగాలుగా చిత్రీకరిస్తున్నాం. హీరో క్యారెక్టరైజేషన్ చాలా కొత్తగా ఉంటుంది. మంచి యాక్షన్ ఎపిసోడ్స్ ఉన్నాయి.' అని తెలిపారు. దర్శకుడు ప్రమోద్ కుమార్ మాట్లాడుతూ..' ఈరోజు యుగల్ మొదటి ప్రచార చిత్రాన్ని విడుదల చేస్తున్నాం. హీరో మెగా పవర్ స్టార్ వీరాభిమాని. అందుకే మా చిత్రాన్ని ఆయన పుట్టిన రోజు సెప్టెంబర్ 2న విడుదల చేస్తున్నాం. ఈ చిత్రం పవన్ కల్యాణ్ అభిమానులకి విపరీతంగా నచ్చుతుంది. కథ స్క్రీన్ ప్లే చాలా బాగా వచ్చింది. మీ అందరికి సినిమా బాగా నచ్చుతుంది" అని అన్నారు. 

బింబిసారతో సూపర్ హిట్ అందుకున్న నందమూరి హీరో కల్యాణ్‌ రామ్. చాలా రోజుల తర్వాత బ్లాక్ బస్టర్ తన ఖాతాలో వేసుకున్న కల్యాణ్ రామ్ నెక్ట్స్‌ మూవీకి సంబంధించిన క్రేజీ అప్‌డేట్‌తో ప్రేక్షకుల ముందుకొచ్చారు. మైత్రి మూవీ మేకర్స్‌ పతాకంపై నిర్మిస్తున్న ఓ ప్రాజెక్ట్‌కు ఆయన ఇప్పటికే ఒకే చెప్పారు. తాజాగా ఈ చిత్రానికి సంబంధించిన టైటిల్, ఫస్ట్ లుక్ రివీల్ చేశారు మేకర్స్. (చదవండి: బింబిసార సక్సెస్.. ఫ్యాన్స్‌కు డైరెక‍్టర్ మరో సర్‌ప్రైజ్..!) రాజేంద్రా రెడ్డి దర్శకత్వం వహిస్తున్న ఈ చిత్రానికి 'అమిగోస్' అనే టైటిల్ పెట్టినట్లు చిత్రబృందం ప్రకటించింది. ఈ సందర్భంగా కల్యాణ్ రామ్ ఫస్ట్‌ లుక్ పోస్టర్‌ను విడుదల చేసింది. బింబిసార తర్వాత కల్యాణ్‌ రామ్ చేస్తున్న ప్రాజెక్ట్ కావడంతో అభిమానుల్లో భారీ అంచనాలు నెలకొన్నాయి. ఈ చిత్రానికి నవీన్ యెర్నేని, రవిశంకర్ నిర్మాతలుగా వ్యవహరిస్తున్నారు. ఈ విషయాన్ని హీరో కల్యాణ్ రామ్ సోషల్ మీడియా వేదికగా పంచుకున్నారు. ఆయన తన ట్విటర్‌లో రాస్తూ..' ఊహించని వాటిని ఆశించండి' అంటూ పోస్ట్ చేశారు. కాగా ఈ మూవీని వచ్చే ఏడాది ఫిబ్రవరి 10న విడుదల చేయనున్నారు.  బింబిసార హిట్ తర్వాత మరో వైవిధ్యమైన సినిమాతో కళ్యాణ్ రామ్ ప్రేక్షకుల ముందుకొస్తున్నారు. టాలీవుడ్‌లో భారీ చిత్రాలను నిర్మించే మైత్రీ మూవీ మేకర్స్ ఈ సినిమాను రూపొందిస్తుండటం మరో విశేషం. కళ్యాణ్ రామ్ 19వ చిత్రంగా ఇది నిలవనుంది. ఈ సినిమా ద్వారా రాజేంద్ర రెడ్డి దర్శకుడిగా పరిచయం అవుతున్నారు. నవీన్ ఎర్నేని, యలమంచిలి రవిశంకర్ నిర్మిస్తున్నారు. ఈ సినిమా టైటిల్‌తో పాటు ఫస్ట్ లుక్ పోస్టర్‌ను చిత్ర నిర్మాణ సంస్థ విడుదల చేసింది. సోషల్ మీడియా ఈ ఫస్ట్ లుక్ పోస్టర్‌కు విపరీతమైన రెస్పాన్స్ వస్తోంది.  అయితే టైటిల్ అమిగోస్ టాలీవుడ్ ఫ్యాన్స్‌లో మరింత ఆసక్తి రేకెత్తిస్తోంది. అమిగోస్ అనే పేరు కాస్త వైరైటీగా అనిపించడంతో నెట్టింట్లో తెగ వైరలవుతోంది. అమిగోస్ పదానికి స్పానిష్‌లో స్నేహితుడు అని అర్థం వస్తుందట. ఇవాళ రిలీజైన ఫస్ట్ లుక్ పోస్టర్‌లో ముగ్గురు కల్యాణ్ రామ్‌లు కనిపిస్తున్నారు. ముగ్గురు కూడా మూడు డిఫరెంట్ లుక్స్‌లో ఉన్నారు. ఈ పోస్టర్ ద్వారా కళ్యాణ్ రామ్ త్రిపాత్రాభినయం చేస్తున్నట్లు హింట్ ఇచ్చినట్లు కనిపిస్తోంది. అలాగే ట్విటర్‌లో ఫస్ట్ లుక్ పోస్టర్ షేర్ చేస్తూ.. ‘మీలాగే కనిపించే వారిని మీరు కలిసినప్పుడు, మీరు చనిపోతారని వారు అంటున్నారు’ అంటూ రాసుకొచ్చారు. సినిమా టైటిల్, కల్యాణ్ రామ్ లుక్స్ చూస్తుంటే మరో వైవిధ్యమైన కథతో నందమూరి హీరో వస్తున్నారని స్పష్టమవుతోంది. ఈ చిత్రంలో కల్యాణ్ రామ్ స‌ర‌స‌న ఆషిక రంగ‌నాథ్ హీరోయిన్‌గా న‌టిస్తోంది. సినిమా చిత్రీకరణ దాదాపు పూర్తయినట్లు సమాచారం. పోస్ట్ ప్రొడక్షన్ పనులు త్వరలోనే ప్రారంభమవుతాయని తెలుస్తోంది.  Hola #Amigos ❤️‍🔥 Expect the unexpected! See you in cinemas from Feb 10, 2023 🔥#RajendraReddy @AshikaRanganath @GhibranOfficial @MythriOfficial pic.twitter.com/1S2gdnUHeg — Kalyanram Nandamuri (@NANDAMURIKALYAN) November 7, 2022

అనురాగ్, అవికా గోర్ జంటగా నటిస్తున్న చిత్రం 'ఉమాపతి'. గ్రామీణ నేపథ్యం ఆధారంగా సత్య ద్వారపూడి దర్శకత్వంలో ఈ సినిమాను తెరకెక్కిస్తున్నారు. ఈ మూవీకి కె.కోటేశ్వరరావు నిర్మాతగా వ్యవహరిస్తుండగా.. శక్తికాంత్ కార్తిక్ సంగీతమందిస్తున్నారు. ప్రేమకథను ఎంతో వినోదాత్మకంగా కామెడీకి పెద్దపీట వేస్తూ ప్రేక్షకుల ముందుకు తీసుకొస్తున్నారు. తమిళంలో సూపర్ హిట్ అయిన 'కలవాని' చిత్రాన్ని తెలుగులో రీమేక్ చేస్తున్నారు. క్రిషి క్రియేషన్స్, అవికా స్క్రీన్ క్రియేషన్స్ సంయుక్త సమర్పణలో రూపొందిస్తున్నారు.  (చదవండి: అందం అంటే మేని మెరుపు ఒక్కటే కాదు.. ఎవర్‌గ్రీన్‌ బ్యూటీ చెప్పిన రేఖ చిట్కాలివే!) తాజాగా ఈ చిత్రానికి సంబంధించిన కీలక అప్ డేట్ ఇచ్చారు మేకర్స్. మూవీ ప్రమోషన్లలో భాగంగా దీపావళి కానుకగా  మూవీ ఫస్ట్ లుక్ పోస్టర్ రిలీజ్ చేశారు. ఈ పోస్టర్ చూస్తే హీరో, హీరోయిన్ల మధ్య కెమిస్ట్రీ ఆకట్టుకునేలా ఉంది. పచ్చని పంట పొలాల్లో గ్రామీణ వాతావరణంలో ఒకరినొకరు చూసుకుంటున్న పోస్టర్ చూస్తే కచ్చితంగా ప్రేమకథే ప్రధాన అంశంగా తెరకెక్కిస్తున్నట్లు కనిపిస్తోంది. లవ్ స్టోరీతో పాటు కామెడీ సీన్స్ జోడిస్తూ ప్రేక్షకుల ముందుకు తీసుకరాబోతున్నారు మేకర్స్. ఈ సినిమా షూటింగ్ ఇప్పటికే పూర్తి కాగా.. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. అతిత్వరలో ఈ సినిమా రిలీజ్ డేట్ అనౌన్స్ చేయనున్నారు. ఈ చిత్రంలో పోసాని కృష్ణమురళి, తులసి, ప్రవీణ్, జబర్దస్త్ ఫేమ్ ఆటో రాంప్రసాద్, త్రినాథ్, శ్రీమన్నారాయణ, భద్రం, శ్రీనివాస్, జయవాణి ప్రధాన పాత్రలు పోషించారు.   

సిద్‌ స్వరూప్, కార్తికేయ రెడ్డి, ఇందు ప్రియ ప్రధాన పాత్రల్లో సూర్యనారాయణ అక్కమ్మ స్వీయ దర్శకత్వంలో తెరకెక్కించిన చిత్రం ‘దోస్తాన్‌’. ఈ సినిమా విడుదలకు సిద్ధమవుతోంది. ఈ చిత్రం ఫస్ట్‌ లుక్‌ పోస్టర్‌ను తెలంగాణ రాష్ట్ర వైద్య, ఆరోగ్యశాఖ మంత్రి హరీష్‌రావు రిలీజ్‌  చేసి, మాట్లాడుతూ – ‘‘ఫస్ట్‌ లుక్‌ చూస్తుంటే మంచి కాన్సెప్ట్‌ ఉన్న కథను సెలక్ట్‌ చేసుకుని చిత్ర యూనిట్‌ సినిమా తీశారని అనిపిస్తోంది. ఈ సినిమాలో నటించిన అందరికీ మంచి పేరు వచ్చి, నిర్మాత సూర్యనారాయణకు పెద్ద హిట్‌గా నిలవాలని కోరుకుంటున్నాను’’ అని అన్నారు. ‘‘సిద్‌ స్వరూప్‌ అందించిన కథ నచ్చడంతో ఈ సినిమా చేశాం. త్వరలోనే ఈ సినిమా ప్రేక్షకుల ముందుకు రానుంది’’ అన్నారు సూర్యనారాయణ. ‘‘మంచి కాన్సెప్ట్‌ ఉన్న సినిమాలో నటించే చాన్స్‌ ఇచ్చిన సూర్యనారాయణ అక్కమ్మగారికి థ్యాంక్స్‌’’ అన్నారు సిద్‌ స్వరూప్‌.    

సింగిల్ క్యారెక్టర్‌ మూవీ 'హలో మీరా'తో డైరెక్టర్‌గా పరిచయమవుతున్నారు కాకర్ల శ్రీనివాసు. గార్గేయి యల్లాప్రగడ ప్రధాన పాత్రలో ఓ వైవిధ్యభరితమైన కథను ప్రేక్షకుల ముందుకు తీసుకొస్తున్నారు. తాజాగా చిత్రానికి సంబంధించిన ఫస్ట్ లుక్ రిలీజ్ చేశారు మేకర్స్. ఈ పోస్టర్‌లో ప్రధాన పాత్ర అయిన మీరాను చూపిస్తూ కథలోని కోణాన్ని చూపించారు. కేవలం సింగిల్ క్యారెక్టర్‌తో సినిమాను నడిపించడమే ప్రత్యేకత. సస్పెన్స్ డ్రామా థ్రిల్లర్‌గా కథ మొత్తం కూడా మీరా అనే పాత్ర చుట్టూ తిరుగుతూ ఉంటుంది. లూమియర్ సినిమా బ్యానర్‌పై జీవన్ కాకర్ల సమర్పణలో ఈ  చిత్రాన్ని నిర్మిస్తున్నారు.  ఈ పోస్టర్‌లో మీరా వెనకాల కనిపిస్తున్న ప్రకాశం బ్యారేజ్, ఆకాశంలో పక్షులు ఎగురు తుండటం చూస్తుంటే ఈ సినిమాలో ఊహకందని సస్పెన్స్ ఉంటుందని తెలుస్తోంది. ఆద్యంతం ఉత్కంఠభరితంగా సాగే ఈ సినిమా కచ్చితంగా ప్రేక్షకులకు మునుపెన్నడూ లేని అనుభూతినిస్తుందని దర్శకుడు అంటున్నారు.అతి త్వరలోనే ఈ సినిమా విడుదలకు సిద్ధమవుతోంది.  సూరి సాధనాల అసోసియేట్ డైరెక్టర్ గా పని చేశారు.

తమిళ సినిమా: భారతీయ చిత్రాలను విదేశాల్లో డిస్ట్రిబ్యూషన్‌ చేస్తున్న ప్రముఖ సంస్థ హంసిని ఎంటర్‌టైన్మెంట్‌ సంస్థ, వ్యూ బాక్స్‌ స్టూడియోస్‌ సంస్థతో కలిసి నిర్మిస్తున్న తొలి తమిళ చిత్రం స్వప్న సుందరి. నటి ఐశ్వర్య రాజేష్‌ ప్రధాన పాత్రలో నటిస్తున్న ఇందులో నటి లక్ష్మీ ప్రియ, దీపా శంకర్, కరుణాకరన్, రెడిన్‌ కింగ్స్‌ లీ, మైమ్‌ గోపి, సునీల్‌ రెడ్డి ముఖ్య పాత్రలు పోస్తున్నారు. లాకప్‌ చిత్రం ఫేమ్‌ ఎస్‌జీ చార్లెస్‌ దర్శకత్వం వహిస్తున్న ఈ చిత్రానికి బాలమురుగన్, విఘ్నేష్‌ రాజగోపాలన్‌ ద్వయం ఛాయగ్రహణం, అజ్మల్, శివాతి్మక ద్వయం సంగీతాన్ని అందిస్తున్నారు. చిత్ర వివరాలను తెలుపుతూ.. డార్క్‌ కామెడీ నేపథ్యంలో రూపొందిస్తున్న వైవిధ్య భరిత కథాచిత్రం ఇదని చెప్పారు. నటి ఐశ్వర్య రాజేష్‌ తొలిసారిగా హాస్య భరిత పాత్రలో నటిస్తున్నారని చెప్పారు. డార్క్‌ కామెడీ కథా చిత్రాలు తమిళ సినిమాకు పరిచయమేనని ఆ తరహాలో వస్తున్న మరో విభిన్న కథా చిత్రం స్వప్న సుందరి అని తెలిపారు. చిత్ర టైటిల్, ఫస్ట్‌ లుక్‌ పోస్టర్‌లను విడుదల చేయగా విశేష స్పందన వస్తోందని చెప్పారు. షూటింగ్‌ పూర్తయిందని, ప్రస్తుతం నిర్మాణాత్మక కార్యక్రమాలు జరుపుకుంటున్న ఈ చిత్రాన్ని త్వరలోనే విడుదలకు సన్నాహాలు చేస్తున్నట్లు తెలిపారు.  

Ek Villain 2 First Look Posters Of John Abraham Arjun Kapoor Out: బాలీవుడ్‌ ప్రముఖ దర్శకులలో మోహిత్ సూరి ఒకరు. ఆయన దర్శకత్వంలో శ్రద్ధా కపూర్‌, సిద్ధార్థ్‌ మల్హోత్ర, రితేష్ దేశ్‌ముఖ్‌ ప్రధాన తారగణంగా నటించిన చిత్రం 'ఏక్‌ విలన్‌'. 2014లో విడుదలైన ఈ సినిమా మంచి విజయం సాధించింది. తర్వాత ఈ సినిమాకు కొనసాగింపుగా సీక్వెల్‌ తెరకెక్కిస్తున్నట్లు ప్రకటించిన విషయం తెలిసిందే. అప్పటి నుంచి ఈ సీక్వెల్‌పై అంచనాలు ఏర్పడ్డాయి. అయితే ఈ సీక్వెల్‌లో ఎవరు నటించనున్నారనే విషయం ఆసక్తికరంగా మారింది.  ఈ సినిమాలో నటించే నటీనటులను దర్శకనిర్మాతలు కొన్నాళ్లుగా రహస్యంగా ఉంచగా, తాజాగా వారి పేర్లను బయటపెట్టారు. సుమారు ఎనిమిదేళ్ల తర్వాత నిరీక్షణకు తెరదింపారు. 'ఏక్‌ విలన్‌'కు సీక్వెల్‌గా వస్తున్న 'ఏక్‌ విలన్‌: రిటర్న్స్‌' చిత్రంలో అర్జున్‌ కపూర్, జాన్‌ అబ్రహం, దిశా పటానీ, తారా సుతారియా కీలక పాత్రలు పోషిస్తున్నారు. దీనికి సంబంధించిన పోస్టర్లను 'విలన్ల లోకంలో హీరోలకు చోటులేదు' అనే క్యాప్షన్‌తో విడుదల చేశారు. ​​యాక్షన్‌, సస్పెన్స్‌ థ్రిల్లర్‌గా తెరకెక్కిన ఈ మూవీకి మోహిత్‌ సూరి దర్శకత్వం వహించారు. ఈ చిత్రం జులై 29న ప్రేక్షకుల ముందుకు రానుంది. చదవండి: తల్లి కాబోతున్న స్టార్‌ హీరోయిన్ హార్ట్‌ సింబల్స్‌తో సమంత ట్వీట్‌.. నెట్టింట వీడియో వైరల్‌.. View this post on Instagram A post shared by John Abraham (@thejohnabraham) View this post on Instagram A post shared by Arjun Kapoor (@arjunkapoor) View this post on Instagram A post shared by disha patani (paatni) 🦋 (@dishapatani) View this post on Instagram A post shared by TARA💫 (@tarasutaria)

సాయి వెంకట్‌ లీడ్‌ రోల్‌లో నటిస్తూ, దర్శకత్వం వహిస్తున్న చిత్రం ‘జయహో రామానుజ’. జో శర్మ, సుమన్, ప్రవళ్లిక ఇతర పాత్రల్లో నటిస్తున్నారు. సుదర్శనం ప్రొడక్షన్స్‌పై సాయి ప్రసన్న, ప్రవళ్లిక నిర్మిస్తున్నారు. ఈ సినిమా ఫస్ట్‌ లుక్‌ పోస్టర్, మోషన్‌ పోస్టర్‌ని నిర్మాతలు వడ్లపట్ల మోహన్, ప్రసన్న కుమార్, టీఎఫ్‌సీసీ ప్రెసిడెంట్‌ కొల్లి రామకృష్ణ, సెన్సార్‌ బోర్డు మెంబర్‌ అట్లూరి రామకృష్ణ విడుదల చేశారు. ఈ సందర్భంగా సాయి వెంకట్‌ మాట్లాడుతూ– ‘‘11వ శతాబ్దంలోని భగవత్‌ రామానుజుల జీవిత చరిత్ర ఆధారంగా ‘జయహో రామానుజ’ తెరకెక్కిస్తున్నాం. 50 శాతం షూటింగ్‌ పూర్తి అయ్యింది. ఈ నెల 15 నుంచి మూడవ షెడ్యూలు ప్రారంభిస్తాం. ఈ సినిమాని రెండు భాగాలుగా తీస్తున్నాం. మొదటి భాగాన్ని ఈ ఏడాది దసరాకు, రెండవ భాగాన్ని 2023 మే 5న రామానుజ జయంతి సందర్భంగా రిలీజ్‌ చేయనున్నాం’’ అన్నారు. 

కామినేని శ్రీనివాస్‌ సమర్పణలో, పీఎస్‌ఎస్‌ ఎంటర్‌టైన్‌ మెంట్స్‌ బ్యానర్‌పై సునీల్, అనసూయ ప్రధాన పాత్రలలో రూపొందుతోన్న చిత్రం ‘దర్జా’. సలీమ్‌ మాలిక్‌ దర్శకత్వంలో శివశంకర్‌ పైడిపాటి నిర్మిస్తున్నారు. ఈ చిత్రం ఫస్ట్‌ లుక్‌ పోస్టర్‌ను శనివారం హైదరాబాద్‌లో జరిగిన కార్యక్రమంలో నిర్మాత కేఎల్‌ నారాయణ ఆవిష్కరించి, మాట్లాడుతూ– ‘‘ఈ ఫస్ట్‌ లుక్‌ దర్జాగా ఉంది. సినిమా కూడా దర్జాగా ఆడి, అందరికీ మంచి పేరు తీసుకురావాలి’’ అన్నారు. ఈ సందర్భంగా దర్శకనిర్మాతలు మాట్లాడుతూ– ‘‘సునీల్‌గారు, అనసూయగారు, ఇతర నటీనటులు ఎంతగానో సహకరిస్తున్నారు. ముఖ్యంగా అనసూయగారు తన తండ్రి చనిపోయిన బాధలోనూ షూటింగ్‌కి వచ్చి, మాకు సహకరించారు. హైదరాబాద్, భీమవరం, మచిలీపట్నంలో షూటింగ్‌ చేశాం. త్వరలోనే చిత్రాన్ని విడుదల చేయాలనుకుంటున్నాం’’ అన్నారు.

విరాన్‌ ముత్తంశెట్టి హీరోగా, నికిత అరోరా, శ్రుతీ శెట్టి హీరోయిన్లుగా నటిస్తున్న చిత్రం ‘బతుకు బస్టాండ్‌’. ఐఎన్‌ రెడ్డి దర్శకత్వం వహిస్తున్నారు. చక్రధర్‌ రెడ్డి సమర్పణలో ఐ. కవితా రెడ్డి, ఓ. మాధవి నిర్మిస్తున్నారు. కాగా ఈ సినిమా థీమ్‌ని పరిచయం చేస్తూ విడుదల చేసిన గ్లింప్స్‌ వీడియో ఫస్ట్‌ లుక్‌ పోస్టర్‌ను విడుదల చేశారు. ఈ సందర్భంగా నిర్మాతలు మాట్లాడుతూ– ‘‘ఆ మధ్య హీరో అల్లు అర్జున్‌ పుట్టినరోజు సందర్భంగా ‘బతుకు బస్టాండ్‌’ టీమ్‌ విడుదల చేసిన ట్రిబ్యూట్‌ వీడియోకు మంచి స్పందన వచ్చింది. విరాన్, నికితా అరోరా ఫస్ట్‌ లుక్‌కి కూడా మంచి స్పందన వస్తోంది. తాజాగా థ్రిల్లింగ్‌ విజువల్స్, బ్యాక్‌గ్రౌండ్‌ స్కోర్‌తో విడుదల చేసిన వీడియో గ్లింప్స్‌కి కూడా సోషల్‌ మీడియాలో విశేష స్పందన వస్తోంది. జూన్‌ 11న మా సినిమాని విడుదల చేసేందుకు సన్నాహాలు చేస్తున్నాం’’ అన్నారు. ఈ చిత్రానికి కెమెరా: వాస్‌ కమల్, సంగీతం: మహవీర్‌.

పురావస్తు శాస్త్రవేత్తగా అయోధ్యకు ప్రయాణమయ్యారు అక్షయ్‌ కుమార్‌. అభిషేక్‌ శర్మ దర్శకత్వంలో అక్షయ్‌ కుమార్, జాక్వెలిన్‌ ఫెర్నాండెజ్, నుమ్రత్‌ ప్రధాన పాత్రల్లో రూపొందుతున్న హిందీ సినిమా ‘రామ్‌ సేతు’. ఈ సినిమా షూటింగ్‌ ఉత్తరప్రదేశ్‌లోని అయోధ్యలో ప్రారంభమయింది. ఈ చిత్రంలో పురావస్తు శాస్త్రవేత్త పాత్రలో నటిస్తున్నారు అక్షయ్‌. ‘‘నా కెరీర్‌లోనే ఓ ప్రత్యేకమైన సినిమా ‘రామ్‌ సేతు’. ఈ సినిమా షూటింగ్, నా కొత్త లుక్‌ ఎలా ఉందో చెప్పండి’ అంటూ ఈ సినిమాలోని తన లేటెస్ట్‌ లుక్‌ను షేర్‌ చేశారు అక్షయ్‌. కొన్నేళ్ల క్రితం రామసేతు అనే బ్రిడ్జ్‌ ఉన్న మాట నిజమా? అబద్ధమా? అనే అంశం నేపథ్యంలో ఈ సినిమా తెరకెక్కుతోందదని బాలీవుడ్‌ టాక్‌. The journey of making one of the most special films for me begins today. #RamSetu shooting begins! Playing an archaeologist in the film. Would love to hear your thoughts on the look? It always matters to me🙏🏻 @Asli_Jacqueline@Nushrratt@Abundantia_Ent@LycaProductions pic.twitter.com/beI6p0hO0I — Akshay Kumar (@akshaykumar) March 30, 2021

మెగా స్టార్‌ చిరంజీవి నటిస్తున్న తాజా చిత్రం ఆచార్య. కమర్షియల్‌ చిత్రాల్లో సందేశాన్ని జోడించి హిట్‌ చిత్రాకలు కేరాఫ్‌ అడ్రస్‌గా నిలుస్తున్న కొరటాల ఈ చిత్రానికి దర్శకత్వం వహిస్తుండటంతో దీనిపై భారీ అంచనాలు ఏర్పడ్డాయి. భారీ బడ్జెట్‌తో తెరకెక్కుతున్న ఈ చిత్రంలో మెగా పవర్‌ స్టార్‌ రామ్‌ చరణ్‌ కీలక పాత్రలో నటిస్తున్నారు. ఈ చిత్రానికి సంబంధించి ఒక ఆసక్తికరమైన అపడేట్‌ను నిన్న చిరు విడుదల చేశారు. రామ్‌చరణ్‌ పుట్టినరోజు సందర్భంగా 27 మార్చి 2021న ‘నా సిద్ధ వస్తున్నాడు’ అంటూ ట్వీట్ చేశాడు. చెప్పినట్లుగానే సిద్ధ పాత్రలో చరణ్ ఫస్ట్ లుక్ పోస్టర్ శనివారం విడుదలైంది. మెగాపవర్‌ స్టార్‌ నిన్న ‘ఆర్‌ఆర్‌ఆర్‌’లో రామరాజుగా తన లుక్‌తో ప్రజలను ఆశ్చర్యపరిచాడు. ఈ రోజు సిద్ధగా ఇంకో లుక్‌తో అందరినీ ఆకట్టుకుంటున్నాడు. ఇక పోస్టర్‌ విషయానికొస్తే, రామ్ చరణ్ చిరు తుపాకులు పట్టుకొని నడుచుకుంటూ వస్తున్న ఈ ఫోటో చూసి మెగా అభిమానులు పండుగ చేసుకుంటున్నారు. ఇక ఫస్ట్‌లుక్‌ ఫోస్టర్‌ విడుదల చేసినప్పటి నుంచి సోషల్ మీడియా యూజర్లు, ఇతర ప్రముఖులు మెగాస్టార్‌లో మునుపటి గ్రేస్‌ ఇంకా తగ్గలేదంటూ ప్రశంసలు వర్షం కురిపిస్తున్నారు. ఈ చిత్రం బ్లాక్‌ బస్టర్‌ కావాలని కోరుకుంటున్నట్లు నెట్టింట కామెంట్ల రూపంలో తమ ప్రేమను తెలుపుతున్నారు. మే 13న ప్రేక్షకుల ముందుకు రానున్న ‘ఆచార్య’ చిత్రాన్ని రామ్ చరణ్, నిరంజన్ రెడ్డి నిర్మిస్తున్నారు. 140 కోట్ల భారీ బడ్జెట్ తో తెరకెక్కుతున్న ఈ చిత్రంలో  ఆలయం సెట్‌కే చాలా ఖర్చపెట్టినట్లు టాక్‌ .ఇందులో కాజల్ అగర్వాల్, సోను సూద్, రామ్చరణ్, పూజా హెగ్డే, జిషు సేన్‌గుప్తా, సౌరవ్ లోకేష్ ఉన్నారు. మణిశర్మఈ చిత్రానిక సంగీతం అందించనున్నారు. గతంలో చిరు-మణిశర్మ కాంబినేషన్‌లో పలు చిత్రాలు రాగా అన్నిమ్యూజికల్‌ హిట్లుగా నిలిచిన సంగతి తెలిసిందే. ఆల్ ది బెస్ట ఫర్‌ ‘ఆచార్య’ ( చదవండి: 'రామరాజు'గా రామ్‌చరణ్‌ పోస్టర్‌ విడుదల ) ఆచార్య "సిద్ధ " ...#HappyBirthdayRamcharan#Siddha #Acharya#AcharyaOnMay13 pic.twitter.com/Nk34oWYKRI — Chiranjeevi Konidela (@KChiruTweets) March 27, 2021

గత కొంత కాలంగా టాలీవుడ్‌ యంగ్ అండ్ టాలెంటెడ్ హీరో రాజ్ తరుణ్‌ వరుస ఫ్లాప్‌లతో సతమతమౌతున్నాడు. “ఒరేయ్ బుజ్జిగా” ఓటిటిలో మంచి హిట్ కావడంతో ట్రాక్‌ లో పడ్డాడని అనుకుంటే మళ్లీ  “పవర్ ప్లే” సినిమాతో వెనకబడ్డాడు. దీంతో సిల్వర్ స్క్రీన్ పై మంచి కంబ్యాక్ కోసం తీవ్రంగా ప్రయత్నిస్తున్నాడు. ప్రస్తుతం “స్టాండప్ రాహుల్” అనే టైటిల్‌తో ప్రేక్షకుల ముందుకు రానున్నాడు.  ఈ సినిమా ఫస్ట్ లుక్ పోస్టర్ ను  స్టార్‌ హీరోయిన్‌ సమంత అక్కినేని ట్విటర్‌‌ ద్వారా విడుదల చేసింది. ‘మెక్‌ టెస్టింగ్‌ 1..2..3, చెక్‌ చెక్‌.. రాజ్‌తరుణ్‌ కూర్చుంది చాలు’అని పేర్కొంటూ సోషల్‌ మీడియా వేదికగా చిత్ర యూనిట్‌కు ఆల్ ది బెస్ట్‌ చెప్పింది.  కాగా, ఈ మూవీతో మోహన్ వీరంకి అనే వ్యక్తి  దర్శకుడిగా పరిచయం కాబోతున్నాడు . ఇందులో రాజ్‌ తరుణ్‌ సరసన యంగ్ హీరోయిన్, మిడిల్‌ క్లాస్‌ మెలోడీస్‌ ఫేం వర్ష బొల్లమ  నటిస్తుంది. రొమాంటిక్‌ డ్రామాగా సాగే ఈ చిత్రం జీవితంలో దేని గురించి ఆలోచించని ఓ వ్యక్తి  చుట్టూ తిరుగుతుంది. ఈ చిత్రాన్ని నంద్‌కుమార్ అబ్బినేని, భరత్ మగులూరి నిర్మించారు. మరి ఈ చిత్రంతో అయినా రాజ్ తరుణ్ హిట్‌ కొట్టి తిరిగి ఫామ్‌లోకి వస్తాడో లేదో చూడాలి.  Mic testing 1..2..3... Check check.. @itsrajtarun Kurchundi Chalu!!! Presenting the Title & First Look of #StandUpRahul🎙️ Wishing outSTANDing success to this team! 🙂 @VarshaBollamma @mohan_veeranki @SweekarAgasthi @SreerajRavee @sidhu_mudda @Nandu_Abbineni @bharath1985 pic.twitter.com/Z3gQKceQ3p — Samantha Akkineni (@Samanthaprabhu2) March 24, 2021

పండగకు బోలెడు పిండి వంటలు.. భోజన ప్రియులకు భలే సంతోషం. మరి సినీ ప్రియులకు? లవ్లీ లుక్స్‌.. టెరిఫిక్‌ టీజర్స్‌   వడ్డించింది సినిమా ఇండస్ట్రీ. ఆ విశేషాలేంటో టేస్ట్‌ చేయండి. ► వెంకటేశ్, ప్రియమణి జంటగా శ్రీకాంత్‌ అడ్డాల దర్శకత్వంలో తెరకెక్కుతున్న సినిమా ‘నారప్ప’. సురేష్‌ బాబు, కలైపులి యస్‌. థాను నిర్మాతలు. కొత్త పోస్టర్‌ను విడుదల చేసి, వేసవిలో చిత్రాన్ని రిలీజ్‌ చేస్తున్నట్టు ప్రకటించారు. ► పవన్‌ కల్యాణ్‌ హీరోగా వేణు శ్రీరామ్‌ దర్శకత్వంలో తెరకెక్కిన చిత్రం ‘వకీల్‌ సాబ్‌’. శ్రుతీహాసన్, అంజలి, నివేదా థామస్, అనన్య ముఖ్య పాత్రల్లో నటించారు. ‘దిల్‌’ రాజు నిర్మించారు. ఈ చిత్రం టీజర్‌ను రిలీజ్‌ చేశారు. ► గోపీచంద్‌ కబడ్డీ కోచ్‌గా సంపత్‌ నంది దర్శకత్వంలో తెరకెక్కుతున్న స్పోర్ట్స్‌ డ్రామా ‘సీటీమార్‌’ పోస్టర్‌ రిలీజ్‌ అయింది. ఇందులో తమన్నా కథానాయిక.       టనితిన్‌ చెస్‌ ఛాంపియన్‌గా చంద్రశేఖర్‌ యేలేటి రూపొందించిన చిత్రం ‘చెక్‌’. రకుల్‌ ప్రీత్, ప్రియా ప్రకాశ్‌ వారియర్‌ కథానాయికలు. ఆనంద్‌ ప్రసాద్‌ నిర్మాత. ఈ సినిమా కొత్త పోస్టర్‌ విడుదలైంది. ► నితిన్, కీర్తీ సురేశ్‌ జోడీగా వెంకీ అట్లూరి తెరకెక్కించిన చిత్రం ‘రంగ్‌ దే’. ఈ సినిమా కొత్త పోస్టర్‌ను విడుదల చేశారు. ► ఆదీ సాయికుమార్, సురభి జంటగా శ్రీనివాస్‌ నాయుడు తెరకెక్కించిన చిత్రం ‘శశి’. ఫిబ్రవరి 12న ఈ సినిమాను విడుదల చేస్తున్నట్టు ప్రకటించారు. ► నాగ శౌర్య, రీతూ వర్మ జంటగా తెరకెక్కుతున్న రొమాంటిక్‌ ఎంటర్‌టైనర్‌ ‘వరుడు కావలెను’. లక్ష్మీ సౌజన్య దర్శకురాలు. కొత్త పోస్టర్‌ను విడుదల చేసి, ఈ వేసవిలో సినిమాను విడుదల చేస్తున్నట్టు ప్రకటించారు. ► నాగ శౌర్య, కేతికా శర్మ జంటగా సంతోష్‌ జాగర్లపుడి తెరకెక్కిస్తున్న చిత్రం ‘లక్ష్య’. సంక్రాంతి సందర్భంగా స్పెషల్‌ పోస్టర్‌ రిలీజ్‌ చేశారు. ► రాజ్‌ తరుణ్‌ హీరోగా విజయ్‌ కుమార్‌ కొండా దర్శకత్వం వహిస్తున్న చిత్రం ‘పవర్‌ ప్లే’. ఈ సినిమా ఫస్ట్‌ లుక్, మోషన్‌ పోస్టర్‌ను రానా విడుదల చేశారు. ► అదిత్‌ అరుణ్, శివానీ రాజశేఖర్‌ హీరోహీరోయిన్లుగా తెరకెక్కుతున్న సైబర్‌ థ్రిల్లర్‌ ‘డబ్యూ డబ్ల్యూ డబ్ల్యూ’. కేవీ గుహన్‌ దర్శకుడు. సంక్రాంతి స్పెషల్‌గా ఈ చిత్రం టీజర్‌ను మహేశ్‌బాబు విడుదల చేశారు. ► ‘మత్తు వదలరా’తో పరిచయమయ్యారు కీరవాణి తనయుడు శ్రీ సింహా కోడూరి. తాజాగా ‘తెల్లవారితే గురువారం’ అనే సినిమా చేస్తున్నారు. ఈ సినిమా ఫస్ట్‌ లుక్‌ విడుదలయింది. మణికాంత్‌ గిల్లి దర్శకుడు. మార్చిలో సినిమా విడుదల. ► కమెడియన్‌ సత్య హీరోగా చేస్తున్న చిత్రం ‘వివాహ భోజనంబు’. రామ్‌ అబ్బరాజు దర్శకుడు. హీరో సందీప్‌ కిషన్‌ ఓ నిర్మాత. ఈ సినిమా కొత్త పోస్టర్‌ను విడుదల చేశారు. ► మధు చిట్టి, మమత, ఉమా ముఖ్య పాత్రల్లో నరసింహ నంది దర్శకత్వంలో తుమ్మలపల్లి రామసత్యనారాయణ నిర్మించిన చిత్రం ‘జాతీయ రహదారి’. çఫస్ట్‌లుక్‌ను సి.కల్యాణ్‌ విడుదల చేశారు.  

ఏ పండగకైనా సినిమా లవర్స్‌ తాజా చిత్రాల అప్‌డేట్స్‌ని ఆశిస్తారు. అలా ఈ వినాయక చవితి పండగ వారికి బాగానే కిక్‌ ఇచ్చింది. స్టార్‌ హీరోల నుంచి చిన్న హీరోల సినిమాల వరకూ కొత్త లుక్, కొత్త పోస్టర్‌ లేదా ట్రైలర్‌.. ఇలా ఏదో ఒక అప్‌డేట్‌ ఇచ్చారు. కొందరైతే రిలీజ్‌ టైమ్‌ని  కూడా ప్రకటించారు. అభిమాన తారల కొత్త లుక్, అప్‌డేట్‌ అభిమానులను ఖుషీ చేశాయి. ఇక కొత్త లుక్స్‌పై లుక్కేద్దాం... స్వాతంత్య్ర సమరయోధుడు ఉయ్యాలవాడ నరసింహారెడ్డి జీవితం ఆధారంగా తెరకెక్కుతున్న సినిమా ‘సైరా: నరసింహారెడ్డి’. ఈ చిత్రంలో చిరంజీవి టైటిల్‌ రోల్‌ చేశారు. సురేందర్‌రెడ్డి దర్శకత్వంలో రామ్‌చరణ్‌ నిర్మించారు. ఆల్రెడీ టీజర్, ఫస్ట్‌ లుక్‌ పోస్టర్స్‌ను విడుదల చేసిన సంగతి తెలిసిందే. ఇప్పటివరకూ విడుదల చేసిన పోస్టర్స్‌లో చిరు పోరాడుతున్న లుక్సే ఎక్కువగా ఉన్నాయి. కానీ వినాయక చవితి రోజున కూల్‌గా ఉన్న వెండితెర ఉయ్యాలవాడ ఫొటోను విడుదల చేశారు. అక్టోబరు 2న ఈ సినిమా విడుదల కానుంది. తన కొత్త చిత్రంలో అదిరిపోయే గెటప్‌లో కనిపించారు బాలకృష్ణ. ఈ సినిమాకు కేఎస్‌ రవికుమార్‌ దర్శకత్వం వహిస్తున్నారు. సోనాల్‌  చౌహాన్, వేదిక కథానాయికలుగా నటిస్తున్నారు. సి. కల్యాణ్‌ నిర్మిస్తున్నారు. పండగ సందర్భంగా రెండు కొత్త పోస్టర్స్‌ను విడుదల చేశారు. ఈ సినిమాకు ‘రూలర్‌’ అనే టైటిల్‌ను పరిశీలిస్తున్నట్లు తెలిసింది. ఇక పండక్కి సంప్రదాయబద్ధంగా పంచెకట్టులో కనువిందు చేశారు మామాఅల్లుళ్లు వెంకటేశ్, నాగచైతన్య. ‘వెంకీమామ’ సినిమాలో ఈ ఇద్దరూ మామాఅల్లుళ్లుగానే నటిస్తున్నారు. కేఎస్‌ రవీంద్ర దర్శకత్వం వహిస్తున్న ఈ సినిమా చిత్రీకరణ తుదిదశకు చేరుకున్నట్లు తెలిసింది. రైస్‌మిల్‌ ఓనర్‌గా వెంకటేశ్, ఆర్మీ ఆఫీసర్‌గా నాగచైతన్య కనిపిస్తారని టాక్‌. డి. సురేశ్‌బాబు, టీజీ విశ్వప్రసాద్, వివేక్‌ కూచిభొట్ల నిర్మిస్తున్నారు. మమ్మమ్మాస్‌ అంటూ మాస్‌ రాజా రవితేజ కూడా పండగ నాడు అదిరిపోయే స్టైల్‌లో ఎంట్రీ ఇచ్చారు. క్రిస్మస్‌కు థియేటర్స్‌లో డిస్కో చేయడానికి రెడీగా ఉండమన్నారు. వీఐ ఆనంద్‌ దర్శకత్వంలో రవితేజ హీరోగా రామ్‌ తాళ్లూరి నిర్మిస్తున్న చిత్రం ‘డిస్కోరాజా’. ఈ చిత్రం ఫస్ట్‌ లుక్‌ను విడుదల చేశారు. డిసెంబరు 20న సినిమా విడుదల కానుంది. ‘తెనాలి రామకృష్ణ బీఏ బీఎల్‌: కేసులు ఇవ్వండి ప్లీజ్‌’ సినిమా కోసం లాయర్‌ అవతారం ఎత్తారు సందీప్‌ కిషన్‌. లాయర్‌గా సందీప్‌ వాదన ఎంత బలంగా ఉంటుందో వచ్చే నెలలో వెండితెరపై చూడొచ్చు. జి. నాగేశ్వరరెడ్డి దర్శకత్వంలో ఈ సినిమాను అగ్రహారం నాగిరెడ్డి, సంజీవ్‌రెడ్డి, రూపా జగదీష్‌ నిర్మిస్తున్నారు. అక్టోబరులో సినిమా విడుదల కానుంది.  ఇక వరుణ్‌ తేజ్‌ ‘వాల్మీకి’గా రానున్నారు. హరీష్‌ శంకర్‌ దర్శకత్వంలో రామ్‌ ఆచంట, గోపీ ఆచంట ఈ చిత్రాన్ని నిర్మిస్తున్నారు. ఈ నెల 20న ఈ చిత్రం విడుదల కానుంది. రానున్న దీపావళికి థియేటర్స్‌లో నవ్వుల బాంబ్‌ పేలనుంది. ఎందుకంటే ‘బంగారు బుల్లోడు’గా ‘అల్లరి’ నరేశ్‌ నవ్వుల బాంబ్స్‌ పేల్చడానికి రెడీ అయ్యారు. అల్లరి నరేశ్‌ హీరోగా నటిస్తున్న తాజా చిత్రం ‘బంగారు బుల్లోడు’. పీవీ గిరి దర్శకత్వంలో రామబ్రహ్మం సుంకర నిర్మిస్తున్నారు. ఈ చిత్రం దీపావళికి విడుదల కానుంది. ‘బాహుబలి’ సినిమాలో శివగామిగా రమ్యకృష్ణ ఎంత అద్భుతంగా నటించారో ప్రత్యేకించి చెప్పక్కర్లేదు. ఇప్పుడు ‘రాణి శివగామి’ పేరుతో ఓ సినిమా తెరకెక్కుతోంది. రమ్యకృష్ణే టైటిల్‌ రోల్‌ చేస్తున్నట్లున్నారు. ఈ సినిమాలో ఆమె తాజా లుక్‌ను విడుదల చేశారు. ఈ చిత్రాన్ని ఎమ్‌. మధు దర్శకత్వంలో డి. మురళీకృష్ణ నిర్మిస్తున్నారు. శ్రీకాంత్, సునీల్‌ ప్రధాన తారాగణంగా నటించిన చిత్రం ‘జైసేన’. శ్రీ కార్తికేయ, అభిరామ్, ప్రవీణ్, హరీష్‌ గౌతమ్‌ కీలక పాత్రధారులు. వి. విజయలక్ష్మీ సమర్పణలో శివ మహాతేజ ఫిలిమ్స్‌ పతాకంపై వి. సముద్ర దర్శకత్వంలో వి.సాయి అరుణ్‌కుమార్‌ నిర్మించిన ఈ చిత్రం ఫస్ట్‌ సాంగ్, టైటిల్‌ సాంగ్‌ను నాగబాబు విడుదల చేశారు. ‘‘పాట చూసినప్పుడు యూత్‌ అండ్‌ పొలిటికల్‌ మూవీ అనిపించింది. సినిమా అందరికీ పేరు తీసుకురావాలి’’ అని నాగబాబు అన్నారు. శిరీష్‌ రెడ్డి, శ్రీ కార్తికేయ, అభిరామ్, ప్రవీణ్‌ ఈ సినిమాకు సహ–నిర్మాతలు. ‘చిత్రం’ శీను, పూజా చౌరసియా, నవల్‌ ఆనంద్‌ పిళ్ళై, మితిలేష్‌ తివారి ముఖ్య తారాగణంగా తెరకెక్కిన చిత్రం ‘ఉత్కంఠ’. అఖిల్‌–నిఖిల్‌ సమర్పణలో ప్రవీణ్, మనోజ్‌ నిర్మించిన ఈ సినిమాకు చంద్రశేఖర్‌ ఆజాద్‌ దర్శకత్వం వహిస్తున్నారు. మధుబాబు వెల్లూరు సహ–నిర్మాత. ఈ సినిమా ట్రైలర్‌ను దర్శకుడు బాబీ విడుదల చేసి, సినిమా విజయం సాధించాలని ఆకాంక్షించారు. నవంబరు మొదటి వారంలో వెండితెరపై ‘బ్యాచిలర్‌ పార్టీ’ చూడబోతున్నాం. భూపాల్, అరుణ్, ప్రియాంక, సంజన హీరోహీరోయిన్లుగా డి. రామకృష్ణ దర్శకత్వంలో డి సుబ్బారావు, శ్రీనివాస్‌ సంపంగి నిర్మించిన చిత్రం ‘బ్యాచిలర్‌ పార్టీ’. ఈ సినిమా ట్రైలర్‌ను విడుదల చేశారు. ‘‘ఇది ఓ వెరైటీ యాక్షన్‌ చిత్రం. అన్ని కమర్షియల్‌ హంగులు ఉంటాయి. నిర్మాతలు మంచి సహకారం అందించారు. నవంబరు మొదటివారంలో సినిమాను విడుదల చేయాలనుకుంటున్నాం’’ అన్నారు రామకృష్ణ.

‘‘ఏ వస్తువుని కొలవడానికి అయినా ఎత్తును ప్రమాణంగా చూస్తారు. ఇప్పుడు నా పగ ఎత్తెంతో చూపిస్తాను’’ అంటున్నారు రితేష్‌ దేశ్‌ముఖ్‌. ‘మర్జావాన్‌’ సినిమాలో మరుగుజ్జు పాత్రలో కనిపించనున్నారు రితేష్‌. ‘నా ఎత్తు సంగతి తర్వాత.. నేను వేసే ఎత్తుల గురించి చూడండి’ అన్నట్టు ఆయన పాత్ర ఉంటుందట. మిలాప్‌ జావేరి దర్శకత్వంలో సిద్ధార్థ్‌ మల్హోత్రా, రితేష్‌ దేశ్‌ముఖ్‌ ముఖ్యపాత్రల్లో తెరకెక్కుతున్న చిత్రం ‘మర్జావాన్‌’. రకుల్‌ప్రీత్‌ సింగ్, తారా సుతారియా హీరోయిన్లుగా నటిస్తున్నారు. ఇందులో రితేష్‌  మూడు అడుగుల ఎత్తు ఉండే విలన్‌ పాత్ర పోషిస్తున్నారు. ఈ సినిమా ఫస్ట్‌ లుక్‌ పోస్టర్స్‌ను శుక్రవారం విడుదల చేశారు. నవంబర్‌ 22న ఈ చిత్రం రిలీజ్‌ కానుంది. గతంలో ఈ కాంబినేషన్‌లో (మిలాప్‌– సిద్ధార్థ్‌ – రితేష్‌) ‘ఏక్‌ విలన్‌’ సినిమా వచ్చింది.

మోహన్‌ కృష్ణ, హరిణి జంటగా తెరకెక్కుతున్న చిత్రం ‘గ్యాంగ్‌లీడర్‌’. సిహెచ్‌ కిషోర్‌బాబు దర్శకత్వంలో సింగులూరి మోహన్‌రావు నిర్మిస్తున్నారు. కిషోర్‌ రాఠీ, మహేష్‌ రాఠీ సమర్పకులు. చిత్ర హీరో మోహన్‌కృష్ణ పుట్టినరోజు నేడు. ఈ సందర్భంగా ఫస్ట్‌ లుక్‌ పోస్టర్, మోషన్‌ పోస్టర్‌ లను రిలీజ్‌ చేస్తున్నారు.‘‘నా అభిమాన హీరో చిరంజీవిగారి పుట్టిన రోజు ఆగస్టు 22న మా సినిమా విడుదల చేయడానికి ప్లాన్‌ చేస్తున్నాం’’ అని మోహన్‌కృష్ణ అన్నారు. ‘‘చిరంజీవిగారి సినిమా టైటిల్‌ పెట్టడం వల్ల ఎక్కడ కాంప్రమైజ్‌ కాకుండా సినిమాని తెరకెక్కిస్తున్నాం’’ అన్నారు సిహెచ్‌ కిషోర్‌ బాబు. ‘‘సినిమా షూటింగ్‌ వేగంగా జరుగుతోంది. టీమ్‌ చాలా కష్టపడుతున్నారు’’ అన్నారు సింగులూరి మోహన్‌రావు.

పద్మనాయక ప్రొడక్షన్‌పై కల్వకుంట్ల నాగేశ్వరరావు క‌థ‌ను అందిస్తూ నిర్మిస్తోన్న చిత్రం ‘ఉద్యమ సింహం’. న‌ట‌రాజ‌న్ (గిల్లిరాజా), సూర్య‌, పి.ఆర్.విఠ‌ల్ బాబు ప్ర‌ధాన పాత్ర‌లు పోషిస్తున్నారు.  అల్లూరి కృష్ణంరాజు దర్శక‌త్వం వ‌హిస్తున్నారు. ఈ సినిమా ఫ‌స్ట్ లుక్ పోస్టర్‌ను సోమ‌వారం హైద‌రాబాద్‌లో విడుద‌ల చేశారు. ముఖ్య అతిథిగా విచ్చేసిన నిర్మాత రాజ్ కందుకూరి పోస్టర్‌ను ఆవిష్కరించారు.  అనంత‌రం ఆయ‌న మాట్లాడుతూ, ‘ ఉద్యమ సింహం టైటిల్‌ల్ చాలా ప‌వ‌ర్ ఫుల్ గా ఉంది. కేసీఆర్ నాకు ఇష్టమైన నాయ‌కులు. ఆయ‌న‌పై ఎంతో ఇష్టంతో  దర్శక‌, నిర్మాత‌లు సినిమా చేస్తున్నారు. ఇప్పుడు నిర్మాత‌లంతా క‌మ‌ర్షియ‌ల్ సినిమాలు చేస్తున్న రోజుల్లో నాగేశ్వరరావు ఆయ‌న‌పై అభిమానంతో, ఎంతో ఇష్టంతో కేసీఆర్ పై  సినిమా చేయ‌డం గొప్ప విష‌యం. కేసీఆర్ పై సినిమా అన‌గానే? అంతా ఆయ‌న రాజ‌కీయ‌న నేప‌థ్యంపై చేస్తున్నార‌నుకుంటున్నారు. కానీ రాజ‌కీయాల‌కు అతీతంగా ఉండే సినిమా. కేసీఆర్ బ‌యోపిక్ లా ఆయ‌న గురించి అన్ని విష‌యాలు సినిమాలో చూపిస్తున్నట్లు నాకు చెప్పారు. కొన్ని సీన్స్ చూసాను. చాలా బాగా తీశారు’ అని అన్నారు. చిత్ర నిర్మాత నాగేశ్వరరావు మాట్లాడుతూ, ` జూన్ లో సినిమా ప్రారంభించాం. నేటి  (సోమ‌వారం)తో షూటింగ్ పూర్తయింది. మంచి అవుట్ ఫుట్ వ‌చ్చింది. టెక్నిక‌ల్ గాను సినిమా బాగా వ‌స్తోంది. 16న ఆడియా విడుద‌ల చేస్తాం. అతిత్వరలోనే సినిమా కూడా ప్రేక్షకుల ముందుకు తీసుకొస్తాం. తెలుగు ప్రేక్షకులందరికీ త‌ప్పకుండా న‌చ్చుతుందని ఆశిస్తున్నాం` అని అన్నారు. చిత్ర ద‌ర్శకుడు అల్లూరి కృష్ణంరాజు మాట్లాడుతూ, ` క‌థ ఎంత బాగో వ‌చ్చిందో.. సినిమా కూడా అంతే బాగా వ‌చ్చింది. కేసీఆర్ గురించి ప్రజల‌కు తెలియని ఎన్నో విష‌యాలో సినిమాలో చూపించ‌బోతున్నాం. సినిమా నిర్మాణానికి నాగేశ్వరరావు ఎక్కడా రాజీప‌డ‌లేదు. ఎంతో ఫ్యాష‌న్ తో సినిమా నిర్మిస్తున్నారు. ఈనెల 16న‌ ఆడియో రిలీజ్ చేస్తున్నాం. ఆరోజున కేసీఆర్ పాత్ర ఎవ‌రు పోషిస్తున్నారు?  మిగ‌తా న‌టీన‌టులు ఎవ‌రు? అనేది  రివీల్ చేస్తాం` అని అన్నారు.ఈ చిత్రంలో జెన్నీ, సి.హెచ్.పి.విఠ‌ల్, ఆకేళ్ల గోపాల‌కృష్ణ‌, గిరిధ‌ర్, జ‌ల‌గం సుధీర్, మాధ‌విరెడ్డి, ల‌త తదితరులు న‌టిస్తున్నారు. ఈ చిత్రానికి పాట‌లు:  సి.హెచ్. రాములు, కొరియోగ్రఫీ: గ‌ణేష్, ఫైట్స్:  సూప‌ర్ ఆనంద్, ఎడిటింగ్: న‌ంద‌మూరి హ‌రి, సినిమాటోగ్రఫి: ఉద‌య్ కుమార్, సంగీతం:  దిలీప్ బండారి, మాట‌లు: రాపోలు కృష్ణ అందిస్తున్నారు.  

సాగర్‌ శైలేష్, శ్రీ రితిక జంటగా నటించిన చిత్రం ‘రహస్యం’. ‘జబర్దస్త్‌’ అప్పారావు ముఖ్య పాత్రలో నటించారు. సాగర శైలేశ్‌ దర్శకత్వంలో భీమవరం టాకీస్‌ పతాకంపై తుమ్మలపల్లి రామసత్యనారాయణ నిర్మించారు. ఈ సినిమా  ఫస్ట్‌ లుక్‌ పోస్టర్‌ను ప్రముఖ దర్శకుడు వీవీ వినాయక్‌ విడుదల చేశారు. అనంతరం ఆయన మాట్లాడుతూ– ‘‘రహస్యం’ ఫస్ట్‌ లుక్‌ పోస్టర్‌ బాగుంది. సినిమా కూడా మంచి విజయం సాధించి చిత్ర బృందానికి మంచి పేరు, డబ్బు తీసుకురావాలి’’ అన్నారు. ‘‘కొత్త కథతో తెరకెక్కుతోన్న చిత్రమిది. రహస్యం ఏంటి? అన్నది తెరపైనే చూడాలి.  వినాయక్‌గారు మా సినిమా ఫస్ట్‌ లుక్‌ విడుదల చేయడం చాలా సంతోషంగా ఉంది ’’ అన్నారు సాగర శైలేశ్‌.

సాక్షి, హైదరాబాద్‌: ప్రముఖ నటుడు డా. మోహన్ బాబు ప్రధాన పాత్రలో తెరకెక్కుతున్న చిత్రం 'గాయత్రి'. క్రిస్మస్ సందర్భంగా సోమవారం ఈ మూవీ ఫస్ట్‌లుక్‌ని మోహన్‌బాబు సోషల్‌మీడియా ద్వారా అభిమానులతో పంచుకున్నారు . ‘ఆ రోజు రాముడు చేసింది తప్పయితే... నాదీ తప్పే’ అనే పవర్‌ఫుల్ క్యాప్షన్‌తో ఈ పోస్టర్ విడుదల చేశారు. దీంతో దీనిపై మరింత ఆసక్తికరంగా. ఈ క్యాప్షన్‌పై అప్పుడే సోషల్‌మీడియాలో చర్చ మొదలైంది. కాగా మోహన్‌బాబు- విష్ణు- శ్రేయ-నిఖిలా విమల్ కాంబినేషన్‌లో ఈ మూవీ తెరకెక్కుంది. ఇందులో మోహన్‌బాబు రోల్ ఎంతో వైవిధ్యభరితంగా ఉంటుందని అంటున్నాడు డైరెక్టర్ మదన్. తమన్ సంగీతాన్ని అందిస్తున్న ఈ చిత్రాన్ని ఫిబ్రవరి 9న తీసుకురావాలని చిత్ర యూనిట్‌ ప్లాన్‌ చేస్తోంది.   బ్రహ్మానందం, జర్నలిస్ట్‌గా అనసూయ  తదితరులు నటిస్తున్న ఈ సినిమాలో మోహన్‌బాబు కూతురిగా నిఖిలా విమల్‌ కనిపించనున్నారట.  ఆ రోజు రాముడు చేసింది తప్పు అయితే...నాదీ తప్పే #Gayatri pic.twitter.com/1nNd6r5c3v — Mohan Babu M (@themohanbabu) December 25, 2017


  తమిళసినిమా; విజయ్,సూర్యలు తమ తాజా చిత్ర ఫస్ట్‌లుక్ పోస్టర్లను పోటీ పోటీగా విడుదల చేశారు.24వ తారీకున సూర్య తన 24 చిత్ర పోస్టర్స్ విడుదల చేయగా విజయ్ తన 59 వ చిత్ర ఫస్ట్‌లుక్ పోస్టర్లను 25వ తారీకున విడుదల చేశారు.పనిలో పనిగా చిత్ర టైటిల్ కూడా ప్రకటించేశారు.అట్లీ దర్శకత్వంలో విజయ్ నటిస్తున్న  ఈ భారీ చిత్రాన్ని కలైపులి ఎస్.ధాను తన ఎస్.క్రియేషన్స్ పతాకంపై నిర్మిస్తున్న విషయం తెలిసిందే.
  
  ముద్దుగుమ్మలు సమంత,ఎమీజాక్సన్ హీరోయిన్లుగా నటిస్తున్న ఆ చిత్రంలో దర్శకుడు కేఎస్.రవికుమార్,రాధిక,దర్శకుడు వెట్ట్రిమారన్,మహేంద్రన్ తదితరులు ముఖ్యపాత్రలు పోషిస్తున్నారు. జీవీ.ప్రకాశ్‌కుమార్ సంగీతాన్ని అందిస్తున్నారు.కాగా ఈ క్రేజీ చిత్రంలో విజయ్ పోలీస్‌అధికారిగా పవర్‌పుల్ పాత్రను పోషస్తున్నారు.అయితే ఇందులో ఆయన మరో పాత్రలో కూడా కనిపించనున్నారనే ప్రచారం జరుగుతోంది.ఈ చిత్రానికి కాక్కీ,తారుమారు,మూండ్రుముగం,క్షత్రీయన్,వెట్ట్రి,తుపాకీ-2 తదితర పేర్లను పరిశీలించి చివరకు తెరి అనే టైటిల్‌ను ఖరారు చేశారు.
  
  ఈ చిత్రం ఫస్ట్‌లుక్ పోస్టర్లు ఇళయదళపతి అభిమానుల్ని కిక్‌లో ముంచేస్తున్నాయి.చిత్ర వర్గాల్లోనూ ఆసక్తిని రేకెత్తిస్తున్నాయి.ఒక విజయ్ మరో విజయ్ నోరు మూస్తుంటే మరో విజయ్ సైడ్ నుంచి చూస్తున్న పోస్టర్ ఈ చిత్రంలో విజయ్ త్రిపాత్రాబినం చేస్తున్నారా?అన్న సందేహం కలగక మానది.ఇక మరో పోస్టర్‌లో విజయ్ గన్ పట్టుకుని సీరియస్‌గా చూస్తున్న స్టిల్ అభిమానుల్ని అలరిస్తోంది.మొత్తం మీద పులి చిత్ర రిజల్ట్‌తో నిరుత్సాహంతో ఉన్న విజయ్ అభిమానులకు  ఈ తెరి చిత్రం ఫస్ట్‌లుక్ పోస్టర్లు నూతనోత్సాహాన్ని కలిగిస్తున్నాయని చెప్పవచ్చు.


 అల్లు అర్జున్,  త్రివిక్రమ్ శ్రీనివాస్ కాంబినేషన్ తెరకెక్కుతున్న 'సన్నాఫ్ సత్యమూర్తి' సినిమా ఫస్ట్ లుక్ పోస్టర్లు విడుదలైయ్యాయి. ఇందుల్లో స్టైలిష్ స్టార్ వెరైటీగా కన్పిస్తున్నాడు. తన మార్కు శైలి కనిపించేలా పోస్టర్ లో బన్నీ ఉన్నాడు.  'సన్నాఫ్ సత్యమూర్తి' ఫస్ట్ లుక్ లో బన్నీ సూపర్ గా ఉన్నాడని సమంత ట్వీట్ చేసింది.
 
 ఈ సినిమా ఆడియోను ఈ నెల 15న విడుదల  చేయనున్నారు. ఈ సినిమాకు దేవిశ్రీ ప్రసాద్ సంగీతం అందించారు.  'సన్నాఫ్ సత్యమూర్తి' ఏప్రిల్ 12న విడుదలయ్యే అవకాశముందని సమాచారం.