న్యూఢిల్లీ: టెలికాం మేజర్‌  భారతి ఎయిర్‌టెల్‌ తన పోస్ట్‌ పెయిడ్‌ వినియోగదారులకోసం  సరికొత్త డేటా ప్లాన్‌ను  ప్రకటించింది.   జూలై 1 ఒకటినుంచి అమలయ్యేలా "మాన్సూన్ సర్ప్రైజ్" ఆఫర్‌ను తీసుకొచ్చింది.  డేటా సర్‌ప్రైజ్‌ కు కొనసాగింపుగా  ఈ డేటా ప్లాన్లను వెల్లడించింది. వీటిల్లో మూడు నెలలపాటు  అదనంగా 30జీబీ 4 జీ డేటాను ఆఫర్‌  చేస్తోంది. రూ. 499, రూ.649, రూ799 ప్లాన్లలో ఈ ఆఫర్‌ వర్తించనుంది. ఈ ప్లాన్లను ఎంపిక  చేసుకున్న తమ పోస్ట్‌పెయిడ్‌ కస్టమర్లకు అదనంగా ఈ ప్రయోజనాలకు సెప్టెంబరు నెల వరకు అందించనున్నామని ఎయిర్‌టెల్‌ సిఇఓ గోపాల్ విఠల్‌ చందాదారులకు  ఇమెయిల్‌ సమాచారంలో తెలిపారు.
 ఈ ఉచిత డేటా ఆఫర్ 4జీ హ్యాండ్ సెట్లలో మాత్రమే చెల్లుతుంది. అలాగే  మూడు నెలల తర్వాత ఈ ఆఫర్‌ ఆటోమేటిక్‌గా వెనక్కి తీసుకోబడుతుందని ఎయిర్టెల్  వెబ్‌సైట్లో  పేర్కొంది. ఈ అదనపు 30జీబీ డేటా కోసం, ప్లేస్టోర్‌, లేదా ఆప్‌ స్టోర్‌ నుంచి ఎయిర్‌ టెల్‌ టీవీ ఆప్‌ డౌన్లోడ్ చేసిన తర్వాత, పోస్ట్‌పెయిడ్ వినియోగదారులు ఆఫర్ను క్లెయిమ్ చేయవచ్చని తెలిపింది. ఇప్పటికే డేటా సర్‌ప్రైజ్‌  ఖాతాదారులకు కూడా  మూడు నెలల అదనపు డేటా వర్తిస్తుందని   తెలిపింది. 
  


 న్యూఢిల్లీ: దేశీయ స్మార్ట్‌ఫోన్‌ కంపెనీ మైక్రోమ్యాక్స్‌  యూజర్లకు బంపర్‌ ఆఫర్‌ ఇచ్చింది.  2012లో లాంచ్‌ చేసిన కాన్వాస్‌ 2 ను తిరిగి  అద్భుతమైన ఆఫర్లతో తిరిగి లాంచ్‌ చేసింది.  ఈ స్మార్ట్‌ఫోన్‌ను వినూత్న ఆఫర్లతో  వినియోగదారులకు అందుబాటులోకి తెచ్చింది. ఈ సందర్భంగా యూజర్లకు సంవత్సరంపాటు 4జీ  ఉచిత డేటాను, ఏ నెట్‌వర్క్‌కైనా ఉచిత కాలింగ్‌ సదుపాయాన్ని ఆఫర్‌ చేస్తోంది.  దీనికోసం  దేశీయ టెలికాం దిగ్గజం భారతి ఎయిర్‌టెల్‌తో  భాగస్వామ్యం కుదుర్చుకుంది.  ఈ మేరకు  కాన్వాస్‌ 2 డివైస్‌లో ఎయిర్‌టెల్‌ 4జీ సిమ్‌తో కలిపి  అందిస్తోంది. కార్నింగ్‌ గొరిల్లా గ్లాస్‌ ప్రొటెక్షన్‌తో లాంచ్‌ చేసిన దీని ధరను రూ.11,999 గా కంపెనీ నిర్ణయించింది. అంతేకాదు దీనిపై ఒక సంవత్సరం  స్క్రీన్‌ రీప్లేస్‌మెంట్‌  ఆఫర్‌ కూడా అందిస్తోంది. 
 కాన్వాస్‌ -2 ఫీచర్లు
 ఫ్రింగర్‌ ప్రింట్‌   సెన్సర్‌,
 క్వాడ్‌ కోర్‌ 1.3 గిగా హెడ్జ్‌ ప్రాసెసర్‌
 3 జీబీర్యామ్‌
 16 జీబీ  ఇంటర్నెనల్‌ స్టోరేజ్‌,  
 64 జీబీ దాకా విస్తరించుకునే సదుపాయం
 13 ఎంపీ రియర్‌  కెమెరా
 5 ఎంపీ సెల్ఫీ కెమెరా, విత్‌ ఎఫ్‌.20 ఎపర్చర్, ఆటో ఫోకస్,  5పి లెన్స్
 3050 ఎంఏహెచ్‌ బ్యాటరీ
 
 ఇతర స్మార్ట్‌ఫోన్లతో పోలిస్తే, ఎయిర్‌టెల్‌భాగస్వామ్యంతో ఏడాది పాటు ఉచిత 4జీ డేటా,  ఉచిత కాలింగ్‌ సదుపాయంతో కాన్వాస్‌ 2    ఒక బెంచ్‌మార్క్‌గా, విప్లవాత్మకంగా ఆశిస్తున్నామని మైక్రో మ్యాక్స్‌ కో ఫౌండర్‌ రాహుల్‌ శర్మ  వ్యాఖ్యానించారు. తమ వినియోగదారులకు అద్భుతమైన యూజర్ అనుభవాన్ని, గొప్ప స్పెక్స్,  ఇతర కావలసిన లక్షణాలతో ఒక పరికరాన్ని ఇవ్వాలని లక్ష్యంగా పెట్టుకున్నట్టు  మైక్రోమ్యాక్స్  తెలిపింది. మార్కెట్లో తన బలమైన హోదాను మరింత పటిష్టపరుచుకోవడంతోపాటు, భారత్‌ సహా ఇతర మార్కెట్లలో 1 మిలియన్ కన్నా ఎక్కువ కాన్వాస్ 2 స్మార్ట్‌ఫోన్లను  విక్రయించాలని లక్ష్యంగా పెట్టుకుంది. కార్నింగ్ గొరిల్లా గ్లాస్ 5 రక్షణతో తన ధరల విభాగంలో మొట్టమొదటి స్మార్ట్‌ఫోన్‌ అని కంపెనీ వాదిస్తోంది.
  
  


 ఉచిత ఆఫర్లతో రిలయన్స్ జియో దూసుకెళ్తుండగా.. కొత్త ఏడాదిలో ఆ కంపెనీకి షాకిచ్చేందుకు టెలికాం దిగ్గజం ఎయిర్టెల్ సిద్ధమైంది. తమ 4జీ నెట్వర్క్లోకి మారే కస్టమర్లకు కొత్త ఏడాదంతా ఉచిత డేటా అందించనున్నట్టు ప్రకటించింది. 4జీ మొబైల్ హ్యాండ్సెట్ కస్టమర్లందరికీ ఈ ఆఫర్ అందుబాటులో ఉండనుంది. ఈ ఆఫర్ కింద ఎంపికచేసిన ప్రీపెయిడ్, పోస్ట్పెయిడ్ ప్యాక్స్నూ ఈ కొత్త ఏడాది డిసెంబర్ చివరి వరకు ప్రతి నెలా 3జీబీ డేటాను ఉచితంగా ఎయిర్టెల్ అందించనుంది. కంపెనీ ప్యాక్ ప్రయోజనాలకు ఈ ఉచిత డేటా తక్కువగా లేదా ఎక్కువగానూ ఉండొచ్చని కంపెనీ పేర్కొంది. అందుబాటులోని ధరలకు యూజర్లకు 4జీ నెట్వర్క్ అనుభవం పొందడానికి ఈ ఆఫర్ను తీసుకొస్తున్నట్టు కంపెనీ చెప్పింది.
  
 ఈ ఉచిత డేటా ఆఫర్ కింద అన్ని రకాల ప్రయోజనాలు యూజర్లకు అందించనున్నట్టు,  ఫిబ్రవరి 28లోపల ఎయిర్టెల్లోకి మారే కస్టమర్లకు ఈ ఆఫర్ అందించనుందని వెల్లడించింది. రేపటి నుంచి ఆ ఆఫర్ అందుబాటులోకి వస్తోంది. ఫిబ్రవరి 28తో ఈ ఆఫర్ గడువు ముగియనుంది. అప్పటివరకు ఎయిర్టెల్ 4జీ నెట్వర్క్లోకి మారాలని సూచించింది.  కొత్త 4జీ హ్యాండ్సెట్లోకి అప్గ్రేడ్ అయ్యే ప్రస్తుత ఎయిర్టెల్ కస్టమర్లకూ ఇది వర్తించనుంది. టెలికాం ఇండస్ట్రిలో గుబేలు పుట్టిస్తూ మళ్లీ రిలయన్స్ జియో తన ఉచిత ఆఫర్లను మార్చి 31వరకు పొడిగించిన సంగతి తెలిసిందే. 2017 మార్చి తర్వాత మళ్లీ జియో తన ఆఫర్లను పొడిగించాలని యోచిస్తుందని టెలికాం విశ్లేషకులు చెబుతున్నారు. దీంతో జియోకు పోటీగా టెలికాం దిగ్గజాలు ఉచిత ఆఫర్లకు సన్నద్ధమవుతున్నాయి. ఈ క్రమంలోనే ఎయిర్టెల్ ఈ ఉచిత డేటా ఆఫర్ను  ప్రకటించింది.