శంకర నేత్రాలయ అమెరికా సంస్థ (SN USA) అట్లాంటాలో ఈ నెల 17న ఒక అద్భుతమైన శాస్త్రీయ నృత్య కార్యక్రమాన్ని పేద రోగుల దృష్టిని పునరుద్ధరించే మహత్తర కార్యం కోసం నిధులను సేకరించే లక్ష్యంతో నిర్వహించింది. ఈ కార్యక్రమంతో శంకర నేత్రాలయ అమెరికా సంస్థ $1,300,000(సుమారు రూ.10 కోట్లు పైన)ని సేకరించింది. ఈ నిధులు ద్వారా 20,000 కంటిశుక్లం శస్త్రచికిత్సలు చేయవచ్చు.అట్లాంటాకు చెందిన నాలుగు ప్రసిద్ధ శాస్త్రీయ నృత్య అకాడమీల నుంచి సుమారు 100 మంది విద్యార్థులు తమ ప్రదర్శనలతో వేదికను అలంకరించడం ద్వారా ఈ కార్యక్రమం విజయవంతమయ్యింది. ప్రతి నృత్యం ప్రేక్షకుల నుంచి గర్జించే చప్పట్లు అందుకుంది, ఇచ్చిన ప్రదర్శనలు:నేపధ్యం : వాసవీ కన్యకా పరమేశ్వరిఅకాడమీ ఆఫ్ కూచిపూడి నృత్య గురువు: శశికళ పెనుమర్తినృత్యకారుల సంఖ్య: 17నేపధ్యం : శరణం అయ్యప్పకలైవాణి డ్యాన్స్ అకాడమీ గురువు: పద్మజ కేలంనృత్యకారుల సంఖ్య: 13నేపధ్యం : నాద బ్రహ్మ శంకరశ్రీవాణి కూచిపూడి అకాడమీ గురువు: రేవతి కొమండూరినృత్యకారుల సంఖ్య: 13నేపధ్యం : పంచభూత ప్రశస్తినటరాజ నాట్యాంజలి కూచిపూడి అకాడమీ గురువు: నీలిమ గడ్డమణుగునృత్యకారుల సంఖ్య: 50ఈ కార్యక్రమాన్ని విజయవంతం చేయడంలో సహకరించిన అన్ని విద్యాసంస్థలకు, గురువులకు, విద్యార్థులకు మా హృదయపూర్వక కృతజ్ఞతలు తెలియజేస్తున్నట్లు నిర్వాకులు తెలిపారు. ఈ కార్యక్రమం కళ మాత్రమే కాకుండా సమాజం, దాతృత్వం వంటి వాటికి ప్రేరణగా నిలిచింది. ప్రతి నృత్యకారిణి, వాలంటీర్ అవసరమైన వారి కోసం నిధులను సేకరించడంలో కీలక పాత్ర పోషించారు. పేద రోగుల దృష్టిని పునరుద్ధరించే ఉదాత్తమైన లక్ష్యం కోసం పనిచేస్తున్న స్వచ్ఛంద సేవకులు, దాతలందరికీ భగవంతుని ఆశీస్సులు ఉండాలని కోరుకుంటూ..అట్లాంటా హిందూ దేవాలయం నుంచి పూజారి పవన్ కుమార్ క్రిస్టాపతి పవిత్ర మంత్రాలతో సత్కారాలు ప్రారంభించారు.మెగా డోనర్ ప్రసాద రెడ్డి కాటంరెడ్డి, అతని భార్య శోభా రెడ్డి కార్యక్రమానికి హాజరు కాలేక పోయారని నిర్వాకులు తెలిపారు. దురదృష్టవశాత్తు, ప్రసాద రెడ్డి గారి ప్రియమైన తల్లి ఇటీవల మరణించడంతో, దంపతులు ఈ కార్యక్రమానికి హాజరు కాలేకపోయారని వెల్లడించారు. ఈ నేపథ్యంలో డోనర్‌ ప్రసాద రెడ్డి గారి తల్లిగారి ఆత్మకు శాంతి చేకురాలని కోరుతూ ప్రగాఢ సంతాపం తెలిపారు నిర్వాహకులు. అలాగే ఇంత ఈ కష్ట సమయంలోనూ, $500,000(రూ. 4 కోట్లు) సహకారంతో మద్దతు అందించారు. ఈ ఉదార సహకారం ద్వారా 11 కంటి శిబిరాలకు మద్దతు లభించిందని తెలిపారు. దీంతోపాటు భారతదేశంలోని అత్యవసర ప్రాంతంలో మొబైల్ ఐ సర్జికల్ యూనిట్ (MESU)ని కూడా ఏర్పాటు చేయగలిగామని అన్నారు. శంకర నేత్రాలయ యూఎస్‌ఏ బ్రాండ్ అంబాసిడర్‌గా ప్రసాద రెడ్డి కాటంరెడ్డి గారిని ప్రకటించారు. ఆయన తరఫున బాలా ఇందుర్తి , మాధవి ఇందుర్తి ఈ ఘనతను స్వీకరించారు.SN USA బోర్డ్ ఆఫ్ అడ్వైజర్స్ సభ్యుడు డాక్టర్ కిషోర్ చివుకుల గారు $100,000 విరాళంగా అందించారు. ఈ విరాళం సంస్థకు అవసరమైన కంటి సంరక్షణ సేవలను అత్యవసరమైన రోగులకు చేరువ చేయడంలో కీలక పాత్ర పోషిస్తుంది. వేలాది మంది రోగులు తగిన దృష్టి పునరుద్ధరణ శస్త్రచికిత్సలను పొందే అవకాశం కల్పిస్తుంది.SN USA బోర్డ్ ఆఫ్ అడ్వైజర్స్ సభ్యుడు, పద్మభూషణ్ పురస్కార గ్రహీత డాక్టర్ జగదీష్ షేత్ స్ఫూర్తిదాయకమైన ప్రసంగంతో కార్యక్రమానికి హాజరైన వారందరినీ ఆకట్టుకున్నారు. MESU అడాప్ట్-A-విలేజ్ కంటి శిబిరానికి స్పాన్సర్ చేయడానికి $12,500(రూ. 10 లక్షలు) విరాళం అందించి డాక్టర్ షేత్ తన మద్దతును మరింతగా చాటిచెప్పారు. ఈ సహకారం వందలాది మంది పేద రోగులకు కంటి చూపును పునరుద్ధరించడానికి సహాయపడటమే గాక కొత్త ఆశను కలిగిస్తుంది.ఆగస్టా, జార్జియా నుంచి T. రామచంద్రారెడ్డి గారు 8 కంటి శిబిరాలకు $100,000 విరాళం ప్రకటించారు. ఇక తెలంగాణలోని నాగర్కర్నూల్ జిల్లా నంది వడ్డెమాన్ గ్రామంలో ఒక కంటి శిబిరాన్ని విజయవంతంగా పూర్తి చేశారు. ఎస్‌ఎన్‌ యూఎస్‌ఏ ప్రెసిడెంట్ బాలా రెడ్డి ఇందుర్తి ఎగ్జిక్యూటివ్ వైస్ ప్రెసిడెంట్ మూర్తి రేకపల్లి భారతదేశంలో MESU కార్యకలాపాల పురోగతిని వివరించారు. గ్రామీణ మారుమూల ప్రాంతాలకు చేరుకునే లక్ష్యంతో పేద రోగులకు సేవలను అందించడంపై దృష్టి పెట్టారు. భవిష్యత్తులో ఈ సేవలను మొత్తం భారతదేశానికి విస్తరించే ప్రణాళికను గురించి కూడా వెల్లడించారు.ముఖ్య అతిథిగా రావాలన్న మా ఆహ్వానాన్ని అంగీకరించి హాజరైన భారత కాన్సులేట్ జనరల్ రమేష్ బాబు లక్ష్మణన్ గారికి మా కృతజ్ఞతలు. ఈ కార్యక్రమాన్ని ఘనంగా విజయవంతం చేయడంలో ఆయన చూపిన అంకితభావం, మద్దతుకు మేము హృదయపూర్వక ధన్యవాదాలు తెలుపుతున్నాము. కార్యక్రమంలో పాల్గొన్న వారిని నిర్వాహకులను గౌరవంగా గుర్తించేందుకు ఆయన ఫలకాలను అందజేశారు.సాయంత్రం మొత్తం ఎస్‌ఎన్‌ యూఎస్‌ఏ అధ్యక్షుడు బాలా రెడ్డి ఇందుర్తి నాయకత్వం దార్శనికతకు ప్రతి ఒక్కరూ హృదయపూర్వక అభినందనలు తెలియజేశారు. ఆయన నాయకత్వంలో ఈ కార్యక్రమం గణనీయమైన నిధులను సేకరించడం మాత్రమే కాకుండా, గొప్ప కారణం కోసం అవగాహనను విస్తృతంగా పెంచగలిగింది. ముందుండి ఈకార్యక్రమాన్ని విజయవంతం చేయడంమేగాక, ఈ మిషన్‌లో చేర్చేలా ఇతరులను ప్రేరేపించడంలో బాలా గారి ఎనలేని కృషి ప్రధాన భూమికను పోషించింది. తన విశేష సేవలకు గుర్తింపుగా ప్రతిష్టాత్మక శంకరరత్న పురస్కారం అందుకోవడం పట్ల నిర్వాహకులందరూ ఆయనకు అభినందనలు తెలిపారు. వెనుకబడిన వ్యక్తుల జీవితాలను మెరుగుపరచడం, దృష్టిని పునరుద్ధరించడం పట్ల ఆయన చూపిన అచంచలమైన అంకితభావం స్ఫూర్తిదాయకం.SN USA ఎగ్జిక్యూటివ్ వైస్ ప్రెసిడెంట్ మూర్తి రేకపల్లి, ట్రస్టీలు శ్రీని వంగిమల్ల, మెహర్ చంద్ లంక, రాజ్ ఐల, శ్రీధర్ జూలపల్లి, నీలిమ గడ్డమణుగు, డాక్టర్ మాధురి నాముదురి, స్పోర్ట్స్ కమిటీ చైర్ రమేష్ చాపరాల, MESU కమిటీ సభ్యుడు డాక్టర్ కిషోర్ రెడ్డి రసమల్లు వంటి ప్రముఖుల నుంచి నిరంతరం మద్దతు అందింది. అట్లాంటా చాప్టర్ వైస్ ప్రెసిడెంట్ రాజేష్ తడికమళ్ళతో పాటు చాప్టర్ లీడర్స్ చిన్మయ్ దస్మోహపాత్ర, హేమంత్ వర్మ, పేన్మెట, సుధీర్ పాత్రో, విజయ్ గార్లపాటి ఈ ఈవెంట్‌ను విజయవంతం చేయడంలో కీలకంగా వ్యవహరించారు. కార్యక్రమ నిర్వహణ, భోజన ఏర్పాట్ల సమన్వయంపై ఈ బృందం చేసిన కృషికి ప్రేక్షకుల నుంచి భారీగా చప్పట్లు వచ్చాయి.గత 15 సంవత్సరాలుగా పనిచేస్తున్న రెండు MESU బృందాలలో ఒకటి చెన్నై కేంద్రంగా, మరొకటి జార్ఖండ్‌లో టాటా ట్రస్ట్స్ సహకారంతో సేవలందిస్తున్నాయి. ఇటీవల హైదరాబాద్, ఆంధ్రప్రదేశ్‌లలో 13నుంచి పది రోజుల కంటి శిబిరాలను విజయవంతంగా నిర్వహించింది. నాల్గవ యూనిట్ పుట్టపర్తిలో మార్చి 2025లో ప్రారంభమవుతుండగా, ఐదవ యూనిట్ ఆగస్టు 2025లో వైజాగ్‌లో ప్రారంభమవుతుంది. ప్రతి యూనిట్ దాని బేస్ లొకేషన్ నుంచి 500 కిలోమీటర్ల పరిధిలో ఉన్న ప్రాంతాలకు సేవలు అందిస్తుంది. ఈ యూనిట్లు పూర్తిగా ఆపరేషనల్ అయిన తర్వాత భారతదేశంలోని దాదాపు 1/3 గ్రామీణ ప్రాంతాలను కవర్ చేస్తాయి.MESU అడాప్ట్-ఎ-విలేజ్ ప్రోగ్రామ్‌లో భాగంగా, అట్లాంటా SN చాప్టర్ స్పాన్సర్లు బాలా రెడ్డి ఇందుర్తి, శ్రీని రెడ్డి వంగిమల్ల, డాక్టర్ మాధురి నాముదురి, మెహర్ చంద్ లంక, రాజశేఖర్ ఐల, నీలిమ గడ్డమణుగు ఈ శిబిరాలు వందలాది మంది రోగుల దృష్టిని పునరుద్ధరించడంలో కీలకపాత్ర పోషించారు. ఈ MESU ప్రోగ్రామ్ ద్వారా పేద రోగులకు అందించిన సేవల పట్ల వారి ఆనందాన్ని వ్యక్తం చేస్తూ అనుభవాలను పంచుకున్నారు.చాలా మంది వ్యక్తులు ముందుకు వచ్చి MESU అడాప్ట్-ఎ-విలేజ్ ప్రోగ్రామ్‌ను స్పాన్సర్ చేయడం ద్వారా తమ స్వస్థలం చుట్టుపక్కల ప్రాంతాల్లోని పేద రోగులకు సేవలను అందించడంలో భాగస్వాములు అయ్యారు. రూ. $12,500 విరాళంతో బేస్ హాస్పిటల్ నుంచి 300 కిలోమీటర్ల పరిధిలో ఉన్న ప్రాంతాల్లో కంటి శిబిరాలను నిర్వహించడం ద్వారా ఈ కార్యక్రమం పేదల జీవన ప్రమాణాలను మెరుగుపరచడం మాత్రమే కాకుండా దృష్టి కోల్పోయిన వారికి కొత్త ఆశలను అందించగలిగింది.SN USA ప్రెసిడెంట్ బాలా ఇందుర్తి గారు రాబోయే MESU ప్రాజెక్ట్‌ల గురించి, అవి ఎంత విస్తీర్ణంగా ఉన్నాయో, అలాగే ట్రస్టీలు, వాలంటీర్లు వివిధ నగరాల్లో నిధుల సేకరణ కార్యక్రమాలు నిర్వహించడం ద్వారా భారతదేశంలో అంధత్వాన్ని నిర్మూలించేందుకు ఎలా అవిశ్రాంతంగా పనిచేస్తున్నారో వివరించారు.పేద రోగులకు దృష్టిని పునరుద్ధరించడానికి SN USA చేస్తున్న కృషికి ప్రేక్షకుల నుంచి భారీ కరతాళ ధ్వనులు వచ్చాయి.. SN USA అట్లాంటా బృందానికి ప్రత్యేక ధన్యవాదాలు - మూర్తి రేకపల్లి, నీలిమ గడ్డమణుగు, మెహర్ లంక, శ్రీని రెడ్డి వంగిమళ్ల, ఉపేంద్ర రాచుపల్లి, డా. మాధురి నాముదూరి, రాజశేఖర్ ఐల, సురేష్ వేములమాడ, శ్రీధర్ రావు జూలపల్లి, రాజేష్ తడికమల్ల, రమేష్ చాపరాల, డాక్టర్ కిషోర్ రాసమల్లు - ఈ కార్యక్రమాన్ని ఘనవిజయంగా నిర్వహించడానికి లక్షల గంటలు కష్టపడ్డారు. డాక్టర్ నరసింహా రెడ్డి ఊరిమిండి (NRU), SN USA సెక్రటరీ శ్యామ్ అప్పాలి మాస్టర్స్ ఆఫ్ సెర్మనీ, శంకరనేత్రాలయ సంస్థకు ప్రత్యేక కృతజ్ఞతలు తెలిపారు(చదవండి: ఘనంగా శంకర నేత్రాలయ మ్యూజికల్ కాన్సర్ట్)

న్యూఢిల్లీ: దేశీ అంకుర సంస్థలు జోరు మీదున్నాయి. స్టార్టప్‌లు ఈ ఏడాది దాదాపు 8–12 బిలియన్‌ డాలర్ల వరకు నిధులు సమీకరించే అవకాశం ఉందని వెంచర్‌ క్యాపిటల్‌ సంస్థ పీక్‌ ఫిఫ్టీన్‌ ఎండీ రాజన్‌ ఆనందన్‌ తెలిపారు. దాదాపు 20 బిలియన్‌ డాలర్ల మేర ఇన్వెస్ట్‌ చేయతగిన ప్రైవేట్‌ నిధులు అందుబాటులో ఉన్నాయని, ప్రైవేట్‌ సంస్థలు.. స్టార్టప్‌లలో పెట్టుబడులు పెట్టేందుకు మదుపుదారులు ఆసక్తిగా ఉన్నారని స్టార్టప్‌ మహాకుంభ్‌ కార్యక్రమంలో పాల్గొన్న సందర్భంగా ఆయన పేర్కొన్నారు. 2021, 2022లో భారతీయ స్టార్టప్‌లలో ఏటా 8–10 బిలియన్‌ డాలర్ల పెట్టుబడులు వచ్చాయని ఆనందన్‌ చెప్పారు. దీంతో ఆ రెండు సంవత్సరాల్లో అంకుర సంస్థల్లోకి వచి్చన పెట్టుబడులు 60 బిలియన్‌ డాలర్లకు చేరాయన్నారు. ‘గతేడాది 7 బిలియన్‌ డాలర్లు వచ్చాయి. ఈ మొత్తం తక్కువని చాలా మంది అంటున్నారు. కానీ, నిజం చెప్పాలంటే ఆరేళ్లకు సరిపడా పెట్టుబడులు రెండేళ్లలోనే వచ్చేసిన నేపథ్యంలో గతేడాది అసలు పెట్టుబడుల పరిమాణం శూన్యంగా ఉండేది. ఈ ఏడాది మనం 8–10 లేదా 12 బిలియన్‌ డాలర్ల వరకు సమీకరించే దిశగా ముందుకు వెడుతున్నాం. రాబోయే రోజుల్లో 10–12 బిలియన్‌ డాలర్ల పెట్టుబడులను రాబట్టే స్థాయికి స్టార్టప్‌ వ్యవస్థ చేరుకోగలదు‘ అని ఆనందన్‌ తెలిపారు. దేశీ స్టార్టప్‌ వ్యవస్థను పటిష్టంగా నిర్మించుకోవడానికి ఏటా 10 బిలియన్‌ డాలర్లు (సుమారు రూ. 80,000 కోట్లు) సరిపోతాయని చెప్పారు. ప్రస్తుతం భారత్‌లో 20 స్టార్టప్‌లు లిస్ట్‌ అయ్యాయని, వచ్చే 7–8 ఏళ్లలో 100 అంకుర సంస్థలు లిస్టింగ్‌కి వస్తాయని ఆయన ధీమా వ్యక్తం చేశారు. డీప్‌టెక్‌ స్టార్టప్స్‌ కోసం పాలసీ.. డీప్‌టెక్‌ స్టార్టప్స్‌ కోసం ప్రత్యేక పాలసీని త్వరలోనే ప్రకటించనున్నట్లు పారిశ్రామిక, అంతర్గత వాణిజ్య ప్రోత్సాహక విభాగం (డీపీఐఐటీ) కార్యదర్శి రాజేశ్‌ కుమార్‌ సింగ్‌ తెలిపారు. అంకుర సంస్థలకు నిధులే కాకుండా ప్రభుత్వం నుంచి కూడా ఆర్డర్లు దక్కాల్సిన అవసరం ఉందని, గవర్నమెంట్‌ ఈ–మార్కెట్‌ప్లేస్‌తో ఈ అవకాశం లభిస్తోందని సింగ్‌ వివరించారు. స్టార్టప్స్‌ నుంచి జీఈఎం ద్వారా ఇప్పటివరకు దాదాపు రూ. 22,000 కోట్ల విలువ చేసే కొనుగోళ్లు జరిగినట్లు ఆయన పేర్కొన్నారు.

పిల్లలను దృష్టిలో పెట్టుకొని టీవీ కార్యక్రమాల్లో అసభ్యత, హింస చూపడాన్ని వ్యతిరేకించడంలో పేరొందారు ముంబై వాసి డాక్టర్‌ ప్రతిభా నైతాని. యాసిడ్‌ దాడి బాధితులకు ఉచితంగా కాస్మెటిక్‌ వైద్యం అందించడంతో పాటు, వారికి తగిన న్యాయం జరగాలంటూ ఆయా మంత్రిత్వ శాఖల చుట్టూ తిరుగుతూ, దోషులకు శిక్ష పడేలా చేశారు, చేస్తున్నారు. డాక్టర్‌ ప్రతిభ కష్టానికి ఫలితంగా  చట్టం మారింది, దోషులకు శిక్షలు పెరిగాయి. యాసిడ్‌ దాడి బాధితుల జీవితాలు కాస్త తేలికయ్యాయి. అయితే, గడిచిన ఈ ఐదేళ్లలో దేశవ్యాప్తంగా వెయ్యికి పైగా యాసిడ్‌ దాడులు జరిగాయని గణాంకాలు చెబుతున్నాయి. ఈ నేపథ్యంలో డాక్టర్‌ ప్రతిభా నైతాని ఎన్నో విషయాలను మీడియా ముందుంచారు. ‘‘పంతొమ్మిదేళ్ల క్రితం.. ప్రఖ్యాత ప్లాస్టిక్‌ సర్జన్‌ పద్మశ్రీ డాక్టర్‌ అశోక్‌ గుప్తాతో కలిసి పనిచేయడం ప్రారంభించాను. డాక్టర్‌ అశోక్‌ అప్పటికే తన పనితో పాటు సామాజిక సేవ కూడా చేస్తుండేవారు. మారుమూల ప్రాంతాలకు వెళ్లి పేద, గిరిజనులకు వైద్య శిబిరాలు ఏర్పాటు చేసి, ఉచితంగా కాస్మెటిక్‌ సర్జరీలు చేస్తుండేవారు. వారి నుంచి స్ఫూర్తి పొందిన నేను, ఈ సర్జరీలలో సహాయంగా ఉండేదాన్ని. యాసిడ్‌ దాడి కేసులు మొదట్లో ఒకటో రెండో వచ్చేవి. తర్వాత్తర్వాత వీటి సంఖ్య పెరుగుతుండటం గమనించాను. వీరికి ఉచితంగా సర్జరీలు చేయడమొక్కటే సమస్యకు పరిష్కారం కాదనుకున్నాను. వీటిని అరికట్టేందుకు ఏదైనా చేయాలనుకున్నాను. దోషులకు శిక్షను పెంచాలి పార్లమెంటరీ వ్యవహారాల మంత్రిత్వ శాఖ నుంచి మహిళా, శిశు సంక్షేమ శాఖ, లా కమిష¯Œ  వరకు ప్రదక్షిణలు చేశాను. ముంబై నుంచి ఢిల్లీకి తరచూ ప్రయాణించేదాన్ని. గతంలో యాసిడ్‌ దాడి దోషులకు శిక్షలు చాలా తక్కువగా ఉండేవి. నిందితులకు కేవలం ఆరు నెలలు మాత్రమే బెయిలబుల్‌ శిక్ష ఉండేది. కానీ అమ్మాయి జీవితమంతా నరకమే. దీంతో పాటు తమకు వ్యతిరేకంగా సాక్ష్యం చెబితే మరిన్ని ఇబ్బందులు తప్పవని బాధితురాలి కుటుంబాన్ని బెదిరించేవారు. దీంతో వారికి న్యాయం జరిగేది కాదు. కత్తి గాయం, యాసిడ్‌ మంట ఈ రెండింటి మధ్య చాలా వ్యత్యాసం ఉంది. ఒకరి శరీరంపై యాసిడ్‌ పోయడం హత్య కంటే ఘోరమైన నేరం. ఈ విషయంలో చేసిన సుదీర్ఘ పోరాటం తర్వాత, 2013లో ఐపిసి లో 32-6A, 32-6B సెక్షన్లు చేర్చబడ్డాయి. దీని ప్రకారం, నిందితుడు దోషిగా తేలితే, ఏడేళ్ల నుండి జీవిత ఖైదు వరకు శిక్ష పడుతుంది. అపరాధి నుండి జరిమానా కూడా వసూలు చేయబడుతుంది. దీంతో బాధితురాలి కోసం ఎంతో కొంతైనా చేయగలిగామనే ధీమా వచ్చింది.   బాధితులకు పునరావాసం ‘‘యాసిడ్‌ దాడి బాధితులు సమాజంలో జీవించడం కష్టం. ఈ అమ్మాయిలకు పని ఇవ్వడానికి ఎవరూ ఇష్టపడరు. చాలా సందర్భాల్లో చికిత్స ఖర్చులు పెరిగి, ఇంటి నుంచి వెళ్లగొట్టడం వంటి ఘటనలు కూడా తెలిశాయి. ఇలాంటి పరిస్థితుల్లో ఆడపిల్లల భవిష్యత్తుకు భద్రత కల్పించాల్సిన అవసరం ఏర్పడింది. యాసిడ్‌ దాడి బాధితులను వికలాంగుల కేటగిరీలో చేర్చాలని, విద్య, ప్రభుత్వ ఉద్యోగాల్లో రిజర్వేషన్‌ వంటి వికలాంగుల కోటాలో వచ్చే అన్ని సౌకర్యాలు వారికి కల్పించాలని డిమాండ్‌ చేశాం. ఈ డిమాండ్‌ను నెరవేర్చడంలోనూ విజయం సాధించాం’’. ఉచిత వైద్య చికిత్స ‘‘యాసిడ్‌ దాడి బాధితులకు ప్రతి నగరంలో ఉచితంగా చికిత్స అందించాలన్నది మరో డిమాండ్‌. చాలా ప్రభుత్వ ఆసుపత్రుల్లో ఇలాంటి కేసులకు ప్రత్యేకంగా ప్లాస్టిక్‌ సర్జరీ సౌకర్యం లేదు. ఏ ఆసుపత్రి అయినా, ఎక్కడ ఉన్నా ఉచితంగా ప్లాస్టిక్‌ సర్జరీ సౌకర్యం కల్పించాలని డిమాండ్‌ చేశాం. ఈ మేరకు యాసిడ్‌ దాడి బాధితురాలు లక్ష్మీ అగర్వాల్‌ సుప్రీంకోర్టులో పిటిష¯Œ  దాఖలు చేశారు. వారికి ఉచితంగా శస్త్ర చికిత్స సౌకర్యం కల్పించాలని సుప్రీంకోర్టు కూడా చెప్పింది. అందుబాటులో ఉండకూడదు బహిరంగంగా విక్రయించే యాసిడ్‌కు సంబంధించి, దాని విక్రయాలను నియంత్రించాలని డిమాండ్‌ చేశాం. సాధారణ దుకాణాల్లో యాసిడ్‌ ఉండకూడదు. ఎప్పుడు, ఎవరు కొన్నారు, దేనికి వినియోగిస్తున్నారనేదానిపై ఓ కన్నేసి ఉంచాలి. ఈ విధానం వల్ల యాసిడ్‌ దుర్వినియోగాన్ని నిరోధించవచ్చు. ప్రాణాలతో పోరాటం యాసిడ్‌ దాడి బాధను భరిస్తూ జీవితంలో ముందుకు సాగిన అమ్మాయిలు ఎందరో ఉన్నారు. అలాంటి అమ్మాయిలలో లలిత ఒకరు. దాడి జరిగి, తీసుకువచ్చినప్పుడు, ఆమె గాయాల వాసనకు, జనం క్లినిక్‌ నుంచి బయటకు వెళ్లిపోయారు. అనేక శస్త్రచికిత్సల తర్వాత కోలుకుంది. ఇప్పుడు సాధారణ జీవితం గడుపుతోంది. పెళ్లి చేసుకొని, ఒక బిడ్డకు తల్లి అయ్యింది. ఏ అమ్మాయీ యాసిడ్‌ బారిన పడకుండా అందరూ ఆనందంగా జీవించాలి’ అనే ఆశాభావాన్ని వ్యక్తం చేస్తారీ వైద్యురాలు.        

డాలస్‌: అమెరికాలో ప్రవాసాంధ్రుల అభిమాన తెలుగు సంఘం నార్త్‌ అమెరికా తెలుగు అసొసియేషన్‌ (నాటా ) బోర్డు సమావేశం డాలస్‌లో  ఘనంగా జరిగింది. ఈ సమావేశానికి నాటా అడ్వైజరీ కౌన్సిల్ గౌరవ చైర్మన్ డాక్టర్ ప్రేమ్‌ రెడ్డి ప్రత్యేక అతిధి గా విచ్చేయగా,  ఈ కార్యక్రమంలో డాక్టర్ కొర్సపాటి శ్రీధర్ రెడ్డి(అధ్యక్షులు), డాక్టర్ ఆదిశేషా రెడ్డి (అడ్వైజరీ కౌన్సిల్ చైర్మన్), డాక్టర్ గోసల రాఘవ రెడ్డి(మాజీ అధ్యక్షులు), డాక్టర్ సంజీవ రెడ్డి(అడ్వైజరీ కౌన్సిల్ సభ్యులు), హరి వేల్కూర్(కాబోయే అధ్యక్షులు), ఆళ్ళ రామి రెడ్డి (ఎగ్జిక్యూటివ్ వైస్ ప్రెసిడెంట్), గండ్ర నారాయణ రెడ్డి (ప్రధాన కార్యదర్శి), శ్రీనివాస్ సోమవరపు(కోశాధికారి), మందపాటి శరత్ రెడ్డి(సంయుక్త కార్యదర్శి ), సతీష్ నరాల (సంయుక్త కోశాధికారి ) తో పాటు ఎగ్జిక్యూటివ్ కమిటీ, బోర్డు సభ్యులు, స్టాండింగ్ కమిటీ చైర్స్, రీజినల్ వైస్ ప్రెసిడెంట్స్ మరియు రీజినల్ కోఆర్డినేటర్స్  అందరూ పాల్గొన్నారు. ఈ సమావేశంలో జూన్ 30, జులై 1-2  2023 లో డాలస్ లో జరిగే కన్వెన్షన్ గురించి వివరాలు తెలిపారు. బోర్డు సమావేశం తర్వాత సభ్యులు అందరూ డాలస్ కన్వెన్షన్ టూర్ కు వెళ్లి అక్కడ వేదికను పరిశీలించి నాటా మెగా కన్వెన్షన్‌కు రానున్న పదిహేను వేల మంది అతిధులకు  కల్పించే  సౌకర్యాలపై విస్తృతంగా చర్చించారు. ఆ తర్వాత సాయంత్రం జరిగిన నిధుల సేకరణ విందు లో పాల్గొన్న ఏడు వందల పైగా పలువురు దాతలు కనీవిని ఎరుగని రీతిలో రెండు మిలియన్ల ఆరు వందల వేల డాలర్లు ($2,600,000) ఇస్తామని నాటా కు వచ్చిన హామీ అమెరికాలో సరిక్రొత్త రికార్డు సృష్టించింది. ఈ విధంగా నిధుల సేకరణకు విశేష కృషి చేసిన డాక్టర్ కొర్సపాటి శ్రీధర్ రెడ్డి గారిని నాటా కార్యవర్గం ప్రత్యేకం గా అభినందించింది.  వివిధ రాష్టాల నుండి వచ్చిన నాటా కార్యవర్గ సభ్యులను గండ్ర నారాయణ రెడ్డి (ప్రధాన కార్యదర్శి) నిధుల సేకరణ విందు లో పాల్గొన్న దాతలకు పరిచయం చేసినారు. ఈ కార్యక్రమాన్ని గిరీష్ రామిరెడ్డి (కన్వీనర్ ), బూచిపూడి రామి రెడ్డి (కోఆర్డినేటర్ ), కృష్ణ కోడూరు (కో కన్వీనర్), భాస్కర్  గండికోట(కో కోఆర్డినేటర్), రమణ రెడ్డి క్రిస్టపాటి(డిప్యూటీ కన్వీనర్), మల్లిక్ ఆవుల (డిప్యూటీ కోఆర్డినేటర్), రవీంద్ర అరిమండ (బోర్డు సభ్యుడు), వీరా రెడ్డి వేముల, దర్గా నాగిరెడ్డి(అంతర్జాతీయ ఉపాధ్యక్షుడు), పుట్లూరు రమణ(బోర్డు సభ్యుడు), చెన్నా రెడ్డి, మోహన్ రెడ్డి మల్లంపాటి, ప్రసాద్ చొప్ప ఇతరులు అతిధులకు సౌకర్యాలను కల్పించారు.  ఈ నిధుల సేకరణ విందుకు హాజరై హామీ ఇచ్చిన దాతలు అందరిని నాటా కార్యవర్గం పేరు పేరున అభినందించింది.  

బెంగళూరు సమీప గ్రామానికి చెందిన కృష్ణప్ప నేత పనిచేసేవాడు. నెలకు రూ. 6000ను సంపాదించే కృష్ణప్పకు, గౌరమ్మతో వివాహం జరిగింది. వీరికి వివాహమై ఏడాది కావస్తుంది. కృష్ణప్ప భార్య గర్భం దాల్చడంతో ఇరువురు సంతోషంతో మునిగిపోయారు. డిసెంబర్‌ మొదటి వారంలో మా ఇంట్లోకి మరో వ్యక్తి వస్తారానే ఆనందంతో ఉప్పొంగిపోయారు. దురదృష్టవశాత్తూ గౌరమ్మ నెలలు నిండకుండానే బిడ్డకు జన్మనిచ్చింది.   సాధారణ నవజాత శిశువు సుమారు 3.5 కేజీల బరువు ఉంటారు. 30 వారాలలోపే గౌరమ్మ బిడ్డకు జన్మనివ్వడంతో శిశువు కేవలం 1.2 కిలోల బరువుతో పుట్టాడు. ఇప్పడు అదే శిశువు ప్రాణాలమీదకు వచ్చింది. ఆ బిడ్డను కాపాడేందుకు దంపతులు చేయరాని ప్రయత్నాలను చేస్తున్నారు. ఎలాగైనా తమ బిడ్డను బతికించాలనే ఆశతో వైద్యులను కలిశారు. వైద్యులు బిడ్డను కాపాడుకోవాలంటే 30 రోజుల పాటు ఆసుపత్రిలో ఉండాలని వైద్యులు  సూచించారు. శిశువు వైద్యం కోసం  గౌరమ్మ, కృష్ణప్ప దంపతులు ఇప్పటివరకు రూ.2 లక్షల వరకు అప్పుచేయాల్సి వచ్చింది. కొన్ని రోజులపాటు ఆసుపత్రితో ఉంటే మా బిడ్డను రక్షించుకోవచ్చునని వైద్యులు అన్నారు. అందుకుగాను వైద్యం కోసం ఇంకా రూ. 5 లక్షలు అవసరమవుతాయని వైద్యులు తెలిపారు. మా బిడ్డను రక్షించడం కోసం మీ తోచినంతా సహాయం చేయగలరని ఆశిస్తున్నాము. (అడ్వటోరియల్‌) సాయం చేసేందుకు ఇక్కడ క్లిక్‌ చేయండి

న్యూఢిల్లీ: ఈ ఆర్థిక సంవత్సరం తొలి నాలుగు నెలల్లో(ఏప్రిల్‌–జులై)లో ప్రైమరీ మార్కెట్‌ కళకళలాడింది. పబ్లిక్‌ ఇష్యూల ద్వారా మొత్తం 12 కంపెనీలు రూ. 27,052 కోట్లు సమీకరించాయి. ఈ బాటలో ఇకపైన కూడా మరిన్ని కంపెనీలు ఐపీవోలను చేపట్టేందుకు ప్రణాళికలు వేశాయి. ప్రస్తుతం నాలుగు కంపెనీలు దేవయాని ఇంటర్నేషనల్, విండ్లాస్‌ బయోటెక్, క్రిస్నా డయాగ్నోస్టిక్స్, ఎగ్జారో టైల్స్‌ సిద్ధంగా ఉన్నాయి. ఈ నెల 4 నుంచి ఇష్యూలు ప్రారంభంకానున్నాయి. ఈ ఏడాది (2021–22) మిగిలిన కాలంలోనూ మరో 40 కంపెనీలు పబ్లిక్‌ ఇష్యూ సన్నాహాల్లో ఉన్నట్లు శాంక్టమ్‌ వెల్త్‌ మేనేజ్‌మెంట్‌ ఈక్విటీస్‌ హెడ్‌ హేమంగ్‌ కె తెలియజేశారు. వెరసి రూ. 70,000 కోట్లు సమీకరించే వీలున్నట్లు వెల్లడించారు.  సుప్రసిద్ధ బ్రాండ్లు  రిటైల్‌ ఇన్వెస్టర్లకు పరిచయమున్న పలు సుప్రసిద్ధ బ్రాండ్లు(కంపెనీలు) ప్రైమరీ మార్కెట్లను పలకరించనున్నట్లు ఇన్వెస్ట్‌19 వ్యవస్థాపక సీఈవో కౌశలేంద్ర సింగ్‌ ఎస్‌ తెలియజేశారు. జాబితాలో పేటీఎమ్, మొబిక్విక్, పాలసీ బజార్, కార్‌ట్రేడ్‌ టెక్, డెల్హివరి, నైకా ఉన్నట్లు పేర్కొన్నారు. దేశీయంగా సెకండరీ మార్కెట్లలో బుల్‌ ట్రెండ్‌ నెలకొనడం ఐపీవోలకు జోష్‌నిస్తున్నట్లు వివరించారు. దీంతో కంపెనీలు గరిష్ట విలువలతో నిధులను సమకూర్చుకునేందుకు వీలుంటుందని తెలియజేశారు. ఫలితంగా పలువురు ప్రమోటర్లు అధిక విలువలవద్ద తమ వాటాలను విక్రయించేందుకు ఆసక్తి చూపుతున్నట్లు తెలియజేశారు.   ఇన్విట్‌లు సైతం  సమీక్షా కాలంలో ఐపీవో బాటలోనే ఇన్‌ఫ్రాస్ట్రక్చర్‌ ఇన్వెస్ట్‌మెంట్‌ ట్రస్ట్‌(ఇన్విట్‌) ద్వారా పీఎస్‌యూ దిగ్గజం పవర్‌గ్రిడ్‌ రూ. 7,735 కోట్లను సమీకరించింది. కాగా.. గతేడాది(2020–21) పబ్లిక్‌ ఇష్యూల ద్వారా 30 కంపెనీలు రూ. 31,277 కోట్ల పెట్టుబడులను అందుకున్నాయి. అంతక్రితం రెండేళ్లతో పోలిస్తే ఇవి అత్యధికమే. క్యాపిటల్‌ మార్కెట్ల మందగమనం కారణంగా 2019–20లో 13 కంపెనీలు రూ. 20,352 కోట్లు సమీకరించగా.. 2018–19లో 14 సంస్థలు రూ. 14,719 కోట్లు మాత్రమే అందుకోగలిగాయి. అయితే 2017–18లో పబ్లిక్‌ ఇష్యూల ద్వారా ఏకంగా 45 కంపెనీలు రూ. 82,109 కోట్లు సమకూర్చుకోవడం విశేషం!   స్టార్టప్‌ల జోష్‌ టెక్నాలజీ, స్పెషాలిటీ కెమికల్స్, డైరీ, ఫార్మాస్యూటికల్‌ తదితర విభిన్న రంగాల నుంచి కంపెనీలు నిధుల సమీకరణ చేపట్టడం ఇటీవల ఐపీవో మార్కెట్లకు జోష్‌నిస్తున్నట్లు విశ్లేషకులు పేర్కొన్నారు. ఇక పలు టెక్‌ స్టార్టప్‌లు సైతం పబ్లిక్‌ ఇష్యూ బాట పట్టడం పరిశ్రమకు మేలు చేయగలదని లెర్న్‌యాప్‌.కామ్‌ వ్యవస్థాపకుడు ప్రతీక్‌ సింగ్‌ అభిప్రాయపడ్డారు. దొడ్ల డైరీ, ఇండియా పెస్టిసైడ్స్, శ్యామ్‌ మెటాలిక్స్, తత్వ చింతన్, జీఆర్‌ ఇన్‌ఫ్రా, క్లీన్‌సైన్స్‌ తదితర ఐపీవోలకు 29–180 రెట్లు మధ్య స్పందన లభించడం, 14–110 శాతం మధ్య లాభాలతో లిస్ట్‌కావడం ఇన్వెస్టర్లను ఊరిస్తున్నట్లు ఈ సందర్భంగా మార్కెట్‌ నిపుణులు వ్యాఖ్యానించారు. పాలసీబజార్‌ ప్రాస్పెక్టస్‌ ఐపీవో ద్వారా రూ. 6,108 కోట్లు సమీకరించేందుకు అనుమతించమంటూ క్యాపిటల్‌ మార్కెట్ల నియంత్రణ సంస్థ సెబీకి పాలసీబజార్‌ తాజాగా ప్రాస్పెక్టస్‌ను దాఖలు చేసింది. ఇష్యూలో భాగంగా రూ. 3,750 కోట్ల విలువైన ఈక్విటీని కొత్తగా జారీ చేయనుంది. మరో రూ. 2,268 కోట్ల విలువైన షేర్లను కంపెనీ వాటాదారులు ఆఫర్‌ చేయనున్నట్లు దరఖాస్తులో వెల్లడించింది. ఫిన్‌కేర్‌ స్మాల్‌ బ్యాంక్‌కు ఓకే పబ్లిక్‌ ఇష్యూ చేపట్టేందుకు డిజిటల్‌ రుణాల ఫిన్‌కేర్‌ స్మాల్‌ ఫైనాన్స్‌ బ్యాంక్‌కు సెబీ గ్రీన్‌సిగ్నల్‌ ఇచ్చింది. దీంతో రూ. 1,330 కోట్లు సమీకరించేందుకు కంపెనీ సిద్ధపడుతోంది. ఐపీవోలో భాగంగా ప్రమోటర్‌ సంస్థ ఫిన్‌కేర్‌ బిజినెస్‌ సర్వీసెస్‌ రూ. 1,000 కోట్ల విలువైన ఈక్విటీని విక్రయానికి ఉంచనుంది. అంతేకాకుండా మరో రూ. 330 కోట్ల విలువైన షేర్లను తాజాగా జారీ చేయనుంది. అదానీ విల్మర్‌ ఐపీవో బాట వంట నూనెల దిగ్గజం అదానీ విల్మర్‌ పబ్లిక్‌ ఇష్యూ బాట పట్టింది. ఇందుకు వీలుగా క్యాపిటల్‌ మార్కెట్ల నియంత్రణ సంస్థ సెబీకి ప్రాస్పెక్టస్‌ను దాఖలు చేసింది. తద్వారా రూ. 4,500 కోట్లు సమకూర్చుకోవాలని భావిస్తోంది. ఫార్చూన్, ఆధార్‌ బ్రాండ్లతో కంపెనీ ప్రధానంగా వంట నూనెలను తయారు చేసి విక్రయిస్తోంది. ప్రస్తుతం ఆదానీ గ్రూప్‌లోని మరో ఆరు కంపెనీలు స్టాక్‌ ఎక్సే్ఛంజీలలో లిస్టయిన సంగతి తెలిసిందే.   హెల్త్‌కేర్‌ కంపెనీల జోరు రానున్న రెండు వారాల్లో ఫార్మా, హెల్త్‌కేర్‌ రంగాల నుంచి ఐదు కంపెనీలు ఐపీవోలకు రానున్నాయి. ఉమ్మడిగా రూ. 8,300 కోట్లు సమీకరించనున్నాయి. ఎమ్‌క్యూర్‌ ఫార్మా రూ. 4,000 కోట్లు, విజయా డయాగ్నోస్టిక్‌ రూ. 1,500 కోట్లు, క్రిస్నా డయాగ్నోస్టిక్స్‌ రూ. 1,200 కోట్లు, సుప్రియా లైఫ్‌సైన్సెస్‌ రూ. 1,200 కోట్లు, విండ్లాస్‌ బయోటెక్‌ రూ. 400 కోట్లు చొప్పున సమకూర్చుకునే యోచనలో ఉన్నాయి. 


 ప్రభుత్వరంగ బ్యాంకులకు ఆర్థిక శాఖ సూచన
 న్యూఢిల్లీ: నిధుల సమీకరణ ప్రక్రియలో భాగంగా ప్రభుత్వరంగ బ్యాంకులు ప్రాధాన్యేతర ఆస్తులను గుర్తించి వాటిని సమయానుకూలంగా విక్రయించడంపై దృష్టి సారించాలని ఆర్థిక శాఖ సూచించింది. కొన్ని బ్యాంకులు ఇప్పటికే ఈ పనిని మొదలు పెట్టగా, మరికొన్ని అందుకు సన్నద్ధం అవుతున్నాయని అధికార వర్గాలు తెలిపాయి. దీనివల్ల తమకు అవసరమైన అదనపు మూలధన అవసరాలను తీర్చుకోవడంతోపాటు కీలక వ్యాపారంపై తమ దృష్టిని మరింతగా నిలిపేందుకు వీలు చిక్కుతుందని పేర్కొన్నాయి.
 ప్రభుత్వరంగ బ్యాంకుల్లో చాలా వాటికి బీమా విభాగాలు, క్యాపిటల్‌ అడ్వైజరీ విభాగాలు, స్టాక్‌ ఎక్సే్యంజ్‌లలో వాటాలు ఉన్నాయి. ఉదాహరణకు ఎస్‌బీఐకి ఎన్‌ఎస్‌ఈ, యూటీఐ, ఏఆర్‌సీఐఎల్‌ వంటి పలు కంపెనీల్లో వాటాలు ఉన్నాయి. ఎస్‌బీఐ ఇప్పటికే జీవిత బీమా సహా పలు సబ్సిడరీల్లో వాటాల తగ్గింపునకు సంసిద్ధత వ్యక్తం చేసింది. గత నెలలో ఐడీబీఐ బ్యాంకు బోర్డు సైతం  మూలధనాన్ని పెంచుకునేందుకు వీలుగా అప్రాధాన్య వ్యాపారాల్లో వాటాలు తగ్గించుకోవాలని నిర్ణయించింది.


 - మరో 4 నెలల్లో బ్రేక్ ఈవెన్‌కు..
 - రూ.10 కోట్లతో 30 ఎక్స్‌పీరియెన్స్ స్టోర్లు
 - హైదరాబాద్‌లో తొలి సెంటర్ ప్రారంభం
 - కస్టమ్ ఫర్నిష్.కామ్ ఫౌండర్ అండ్ సీఈఓ మధుకర్ గంగాడి
 హైదరాబాద్, బిజినెస్ బ్యూరో: కస్టమైజ్డ్ ఫర్నిచర్ ఈటైలర్ సంస్థ కస్టమ్ ఫర్నిష్.కామ్ రూ.100 కోట్ల నిధుల సమీకరణపై దృష్టి సారించింది. మరో 4 నెలల్లో బ్రేక్ ఈవెన్‌కు చేరుకుంటామని.. ఆ తర్వాతే డీల్‌ను క్లోజ్ చేస్తామని కస్టమ్ ఫర్నిష్.కామ్ ఫౌండర్ అండ్ సీఈఓ మధుకర్ గంగాడి తెలిపారు. శనివారమిక్కడ తొలి ఎక్స్‌పీరియెన్స్ సెంటర్‌ను ప్రారంభించిన సందర్భంగా ఆయన విలేకరులతో మాట్లాడారు. ‘1,000-3,500 చ.అ. విస్తీర్ణంలో ఉన్న ఈ ఎక్స్‌పీరియెన్స్ స్టోర్‌లో ఇటాలియన్ డిజైన్స్ సోఫా, ఫర్నిచర్‌తో పాటూ కర్టెన్లు వంటివి ఏర్పాటు చేశాం.
 
 స్టోర్‌ను సందర్శించి ఫర్నీచర్‌ను ఎంపిక చేసుకొని అక్కడే ఉన్న కంప్యూటర్ కియోస్క్ ద్వారా ఆన్‌లైన్‌లో ఆర్డరిచ్చే వీలుంటుంది’ అని వివరించారు. ఈ ఏడాది ముగింపు నాటికి రూ.10 కోట్ల పెట్టుబడులతో 30 ఎక్స్‌పీరియెన్స్ స్టోర్లను, రెండేళ్లలో వంద స్టోర్లను ఏర్పాటు చేస్తామన్నారు. ఇందులో మరో 5 హైదరాబాద్‌లో, మిగిలినవి బెంగళూరు, చెన్నై, నాగ్‌పూర్, పుణెల్లో ఏర్పాటు చేస్తామని తెలిపారు. 1.5 లక్షల చ.అ. విస్తీర్ణంలో కొంపల్లిలో ఫర్నిచర్ తయారీ ప్లాంట్ ఉందని.. వచ్చే ఏడాది ముగింపు నాటికి ఢిల్లీ, బెంగళూరుల్లో కూడా యూనిట్లను నెలకొల్పుతామన్నారు.


 • ఒకే వేదికగా 20 వేల రిటైలర్లు, 15 లక్షల ఉత్పత్తులు
 • మహిళలకు వూనిక్; పురుషులకు మిస్టర్ వూనిక్
 • డిసెంబర్‌లో విలారా పేరిట మరో స్టార్టప్
 • ఇప్పటికే రూ.184 కోట్ల నిధుల సమీకరణ
 • రూ.660 కోట్ల జీఎంవీ; టర్నోవర్ రూ.80 కోట్ల్లు
 • రెండేళ్లలో ఇండోనేషియా, సింగపూర్, మలేషియాలకూ విస్తరణ
 హైదరాబాద్, బిజినెస్ బ్యూరో : ఫ్యాషన్‌ను అనుకరిస్తే నలుగురిలో ట్రెండీగా కనిపించొచ్చు!
 అదే ఫ్యాషన్స్‌పై ఇష్టం పెంచుకుంటే?
 ట్రెండీతో పాటూ ఆదాయాన్ని ఆర్జించొచ్చు!!
 ...ఇదే వూనిక్ ఫౌండర్ల వ్యాపార సూత్రం. మహిళా ఫ్యాషన్ పోర్టల్‌గా ప్రారంభమైన వూనిక్.. పురుషుల కోసం మిస్టర్ వూనిక్‌గా విస్తరించింది. దేశంలోని ఇతర ఫ్యాషన్ స్టార్టప్స్ ఆరింటిని కొనుగోలు చేసే స్థాయికీ ఎదిగింది. విదేశాలకూ ఫ్యాషన్ పాఠాలను నేర్పే దిశగా ఆడుగులేస్తోంది. ఒక్క ముక్కలో చెప్పాలంటే వూనిక్.. ఓ ఫ్యాషన్ ప్రపంచం! రూ.40 లక్షల పెట్టుబడితో 2013లో బెంగళూరు కేంద్రంగా ప్రారంభమైన వూనిక్ సేవలు, విస్తరణ ప్రణాళికల గురించి సుజాయత్ అలీ, నవనీత కృష్ణన్‌లు ‘స్టార్టప్ డైరీ’కి వివరించారు.
 పెట్టుబడుల్లేవ్.. గిడ్డంగులూ లేవ్
 ఎలాంటి పెట్టుబడులు, గిడ్డంగులు లేకుండానే వందల కోట్ల వ్యాపారాన్ని చేస్తోంది వూనిక్. ఇది కే వలం ఫ్యాషన్ ప్రియులను, రిటైలర్లు కలిపే ఒక వేదిక. మ్యాడ్‌స్టాక్ టెక్నాలజీ ద్వారా పనిచేయడమే వూనిక్ ప్రత్యేకత. అంటే వెబ్‌సైట్‌లో ఉత్పత్తులను చూడటంతో పాటూ మన శరీరానికి వేసుకుంటే ఎలా ఉంటుందో కళ్లతో చూసుకునే వీలుంటుంది కూడా. అలాగే మన శరీరాకృతి, రంగును చెబితే చాలు మనకెలాంటి దుస్తులు నప్పుతాయో సూచిస్తారు. ‘హర్ దిన్ ఫ్యాషన్ కరో’ నినాదంతో ఈ ఏడాది ప్రారంభంలో తొలి టీవీ క్యాంపెయిన్‌ను ప్రారంభించాం. దీనికి ప్రముఖ బాలీవుడ్ డెరైక్టర్ ఫరాఖాన్ లీడ్ రోల్ నిర్వహించారు.
 ఏటా రూ.660 కోట్ల జీఎంవీ..
 ప్రస్తుతం మా వెబ్‌సైట్‌లో 5 కోట్ల మంది యూజర్లున్నారు. 10 లక్షల మంది యాప్‌ను డౌన్‌లోడ్ చేసుకున్నారు. రోజుకు 25 వేల ఆర్డర్లు వస్తున్నాయి. ఇందులో నాలుగో వంతు వాటా దక్షిణాది రాష్ట్రాలదే. ప్రస్తుతం మా సంస్థలో 20 వేల రిటైలర్లు నమోదయ్యారు. 15 లక్షలకు పైగా ఉత్పత్తులున్నాయి. ప్రతి కొనుగోలు మీద 20% కమీషన్ రూపంలో తీసుకుంటాం. మా భాగస్వామ్య సంస్థలకు ఏడాదికి రూ.660 కోట్లు (100 మిలియన్ డాలర్లు) గ్రాస్ మర్చంటైస్ వాల్యూ (జీఎంవీ) జరుగుతోంది. ఇందులో రూ.80 కోట్లు (12 మిలియన్ డాలర్లు) కమీషన్ రూపంలో వస్తుంది. ఇదే మా టర్నోవర్.
 డిసెంబర్‌లో విలారా ప్రారంభం..
 జూన్‌లో పురుషుల కోసం మిస్టర్ వూనిక్‌ను ప్రారంభించాం. ఇందులో 1,500 మంది అమ్మకందారులు, 2 లక్షల మంది యూజర్లు నమోదయ్యారు. డిసెంబర్‌లో విలారా పేరిట మరో స్టార్టప్‌ను ప్రారంభించనున్నాం. మహిళలు, పురుషులు ఇద్దరికీ ప్రీమియం డిజైనర్ దుస్తుల విభాగం. మార్కెటింగ్, రిటైలర్లతో ఒప్పందాల కోసం 25 మంది ఉద్యోగులు పనిచేస్తున్నారు కూడా. ‘‘గతేడాది ఆగస్టులో ట్రయల్‌కార్ట్ కొనుగోలుతో మొదలైన మా ప్రయాణం.. గెట్సీ, స్టయిల్, పిక్‌సిల్క్, జోహ్రా, డెక్కాన్‌ల వరకు సాగింది. వచ్చే రెండేళ్లూ టెక్నాలజీ స్టార్టప్స్ కొనుగోళ్లపై దృష్టిసారిస్తాం.
  రూ.184 కోట్ల నిధుల సమీకరణ..
 ఇప్పటిదాకా వూనిక్ రూ.184 కోట్లు(28 మిలియన్ డాలర్లు) సమీకరించింది. ఇందులో సికోయా క్యాపిటల్, టైమ్స్ ఇంటర్నెట్, బీనస్, బీనెక్ట్స్, పార్క్‌వుడ్ బెస్పిన్, టాన్‌కాన్, ఫ్రీచార్జ్ కునాల్ షా ఉన్నారు. ప్రస్తుతం మా సంస్థలో 500 మంది ఉద్యోగులున్నారు. అమెజాన్ ఇండియా ఎగ్జిక్యూటివ్ రఘు లక్కప్రగడ సీఓఓగా, మింత్ర సీఎఫ్‌ఓ ప్రభాకర్ సుందర్ లీడ్ ఫైనాన్స్ గా ఉన్నారు. వచ్చే 12 నెలల్లో 300 మిలియన్ డాలర్ల జీఎంవీని చేరాలన్నది లక్ష్యం. ఆ తర్వాతే మరో విడత నిధుల సమీకరణ చేస్తాం. రెండేళ్లలో ఇండోనేషియా, సింగపూర్, మలేషియాలకూ వూనిక్ సేవలను విస్తరిస్తాం.
 అద్భుతమైన స్టార్టప్‌ల గురించి అందరికీ తెలియజేయాలనుకుంటే
 startups@sakshi.com కు మెయిల్ చేయండి...


 న్యూయార్క్: అమెరికా అధ్యక్ష రేసులో ఉన్న డెమొక్రటిక్ అభ్యర్థి హిల్లరీ క్లింటన్ నిర్వహించనున్న విరాళాల సేకరణ కార్యక్రమంలో ప్రముఖ హాలీవుడ్ నటుడు, ఆస్కార్ అవార్డు విజేత లియోనార్డో డికాప్రియో పాలుపంచుకోనున్నాడు. ఈ కార్యక్రమానికి ఆయన ఆతిధేయిగా వ్యవహరించనున్నారు.
 
 ఈ నెల 23న లాస్ ఎంజెల్స్ లో 'హిల్లరీతో సంభాషణ' అనే కార్యక్రమం నిర్వహిస్తున్నారు. ఇందులో పాల్గొనే ఒక్కొక్కరు దాదాపు 33 వేల డాలర్లకు పైగా చెల్లించాల్సి ఉంటుంది. అయితే, దీనిని డికాప్రియో ఇంట్లోనే నిర్వహించాలని ప్రాథమికంగా నిర్ణయించినట్లు తెలుస్తోంది. ఇంకా తుది నిర్ణయం మాత్రం వెలువరించాల్సి ఉంది. గతంలో జూన్ లో కూడా ఇలాంటి కార్యక్రమాన్ని క్లింటన్ కోసం డికాప్రియో నిర్వహించారు.


 ♦ మాతృభాషలో వినియోగించుకునే వీలుండే షేర్‌చాట్
 ♦ ప్రస్తుతం తెలుగు, హిందీ, మలయాళం, మరాఠీ భాషల్లో..
 ♦ నెల రోజుల్లో తమిళం, గుజరాతీ భాషలకు విస్తరణ
 ♦ రూ.10 కోట్ల నిధుల సమీకరణ
 ♦ ‘సాక్షి స్టార్టప్ డైరీ’తో షేర్ చాట్ సీఈఓ ఫరీద్ హెసన్
 హైదరాబాద్, బిజినెస్ బ్యూరో : 125 కోట్ల జనాభా ఉన్న మన దేశంలో.. స్మార్ట్‌ఫోన్ వినియోగదారుల సంఖ్య 30 కోట్ల లోపే. ఇందులో సామాజిక మాధ్యమాల యూజర్లు 15 కోట్ల కిందే. మరి ఇంత గ్యాప్ ఎందుకుంది? ఏ సోషల్ నెట్‌వర్కింగ్‌నైనా ఆంగ్లంలో వినియోగించాలనేది ఒక కారణమైతే! మెట్రో యువతతో పోల్చుకుంటే ద్వితీయ, తృతీయ శ్రేణి పట్టణాల్లోని యువత ఇంగ్లిష్‌లో వెనకబడి ఉండటం మరో కారణం!! మరి రోజూ మనం మాట్లాడుకునే భాషల్లో సోషల్ నెట్‌వర్క్‌ను వినియోగించుకునే వీలుంటే? ఎంచక్కా మాతృ భాషలో స్పందిస్తూ.. ఎప్పుడూ ఇతరులతో టచ్‌లో ఉంటూ ఎంజాయ్ చేయొచ్చు కదూ!! ఇదిగో ఇలాంటి సోషల్ నెట్‌వర్కింగ్ యాపే ‘షేర్‌చాట్’! యాప్ విశేషాలు, విస్తరణ ప్రణాళికల గురించి షేర్‌చాట్ సీఈఓ ఫరీద్ హెసన్ మాటల్లోనే..
  నాతో పాటూ అంకుష్ సచ్‌దేవ్, భాను సింగ్‌లు ముగ్గురం ఐఐటీ కాన్పూర్ గ్రాడ్యుయేట్స్. ఇంగ్లిష్‌లో కంటే స్థానిక భాషలో సామాజిక మాధ్యమాలను వినియోగించే వీలుంటే చాలా మందికి  చేరుతుందని అనుకున్నాం. అందుకే లక్ష రూపాయల పెట్టుబడితో ఆరు నెలలపాటు యాప్, సాఫ్ట్‌వేర్, ఫీచర్లను అభివృద్ధి చేసి గతేడాది అక్టోబర్‌లో బెంగళూరు కేంద్రంగా షేర్‌చాట్ సోషల్ నెట్‌వర్కింగ్ యాప్‌ను విడుదల చేశాం. షేర్ ప్రత్యేకత ఏంటంటే..  యూజర్లు తమ స్థానిక భాషలోనే కంటెంట్ పొందొచ్చు. పోస్ట్ చేయవచ్చు కూడా. ఫొటోలు, వీడియోలు, ఆడియోలు అన్నీ మీ భాషలోనే చేసుకునే వీలుంది. వీటికి తోడు న్యూస్, విషెస్, ఇతరుల కంటెంట్, ప్రొఫైల్‌ను ఎప్పటికప్పుడు ఫాలో కావొచ్చు.
 నెలాఖరుకల్లా తమిళం, గుజరాతీలో..
 ప్రస్తుతం తెలుగు, హిందీ, మరాఠీ, మలయాళం భాషల్లో షేర్‌చాట్‌ను వినియోగించుకోవచ్చు. ఈ ఏడాది ముగింపు నాటికి బెంగాళీ, కన్నడ, పంజాబీ, ఒడియా భాషలకు విస్తరించాలని లక్ష్యంగా పెట్టుకున్నాం. తొలి విడత ఈ నెలాఖరుకల్లా గుజరాతీ, తమిళ భాషలకు విస్తరించనున్నాం. ఫీచర్ల విషయానికొస్తే.. చాటింగ్, కామెంట్ ఫీచర్లనూ అందుబాటులోకి తెస్తున్నాం.
 
 
  
  రూ.10 కోట్ల నిధుల సమీకరణ..
 ప్రస్తుతం మా సంస్థలో 25 మంది ఉద్యోగులున్నారు. ఇటీవలే కాలిఫోర్నియాలో జరిగిన గూగుల్ లాంచ్‌ప్యాడ్ యాక్సలేటర్ కార్యక్రమానికి ఎంపికయ్యాం. మన దేశం తరపున ఎంకికైన ఏకైక యాప్ మాదే. ఇందులో 50,000 డాలర్ల నగదు బహుమతితో పాటూ 6 నెలల మెంటార్‌షిప్ కూడా ఇస్తారు. ఇటీవలే సైఫ్ పార్టనర్స్ నుంచి రూ.10 కోట్లు నిధులను సమీకరించాం. మరో మూడు నెలల్లో కొత్త ఇన్వెస్టర్ల నుంచి మరికొంత నిధుల సమీకరణ కూడా చేయనున్నామని ఫరీద్ వివరించారు.
 రోజుకు 2 లక్షల షేరింగ్స్
 ప్రస్తుతం షేర్‌చాట్‌కు 12 లక్షల మంది యూజర్లున్నారు. ఇందులో సగానికి పైగా యాక్టివ్ యూజర్లే. నెలకు 4 లక్షల మంది కొత్తగా యాడ్ అవుతున్నారు. రోజుకు 2 లక్షల కంటెంట్స్ షేరింగ్ అవుతున్నాయి. మొత్తం యూజర్లలో దక్షిణాది రాష్ట్రాల నుంచి 5 లక్షల యూజర్లున్నారు. ప్రస్తుతం ఆండ్రాయిడ్ యాప్ మాత్రమే అందుబాటులో ఉంది. నెల రోజుల్లో ఐఓఎస్ యాప్‌నూ అందుబాటులోకి తీసుకొస్తాం.
 అద్భుతమైన స్టార్టప్‌ల గురించి అందరికీ తెలియజేయాలనుకుంటే  startups@sakshi.com కు  మెయిల్ చేయండి...


 రూ.550 కోట్ల డి రౌండ్ ఫండింగ్
  న్యూఢిల్లీ: బుక్‌మైషో(బీఎంఎస్)ను నిర్వహించే బిగ్‌ట్రీ ఎంటర్‌టైన్మెంట్ తాజాగా రూ.550 కోట్ల నిధులను సమీకరించింది. ఈ నిధుల్లో అధిక భాగం అమెరికాకు చెందిన స్ట్రైప్స్ గ్రూప్ నుంచి లభించగా, ప్రస్తుత ఇన్వెస్టర్లు-నెట్‌వర్క్ 18, యాక్సెల్ పార్ట్‌నర్స్, ఎస్‌ఏఐఎఫ్ పార్ట్‌నర్స్‌లు కూడా ఇన్వెస్ట్ చేశాయి. కాగా స్ట్రైప్స్ గ్రూప్‌కు భారత మార్కెట్లో ఇదే తొలి పెట్టుబడి. ఈ డి రౌండ్ ఫండింగ్‌లోనే బిగ్‌ట్రీ ఎంటర్‌టైన్మెంట్ అధిక మొత్తంలో పెట్టుబడులను సమీకరించింది. ఈ తాజా నిధులతో దేశీయ మార్కెట్‌లో ఆఫర్స్‌ను మరింత పటిష్టం చేస్తామని, అంతర్జాతీయంగా మరింతగా విస్తరిస్తామని బుక్‌మైషో పేర్కొంది. అంతేకాకుండా తమ ప్లాట్‌ఫామ్‌పై కంటెంట్‌ను మరింత శక్తివంతం చేస్తామని, బిగ్ డేటా, ఎనలిటిక్స్ రంగాల్లో కార్యకలాపాలు నిర్వహిస్తున్న కంపెనీలను కొనుగోలు చేస్తామని  బుక్‌మైషో సీఈవో, వ్యవస్థాపకుల్లో ఒకరైన ఆశిష్ హేమ్జ్రని వెల్లడించారు.
  ఆదాయం వంద శాతం వృద్ధి...
 కాగా ఇప్పటివరకూ బుక్‌మైషో రూ.200 కోట్ల నిధులను సమీకరించిందని, ప్రస్తుత రౌండ్ నిధుల సమీకరణ పరంగా చూస్తే కంపెనీ విలువ రూ.3,500 కోట్ల సమీపంలో ఉంటుందని హేమ్జ్రని చెప్పారు. గత నెలలోనే ఇండోనేసియా మార్కెట్లోకి ప్రవేశించామని,  శ్రీలంక మార్కెట్లోకి ఈ నెలలో ప్రవేశిస్తామని పేర్కొన్నారు. గత ఆర్థిక సంవత్సరంలో బీఎంఎస్ ప్లాట్‌ఫామ్‌పై 10 కోట్ల లావాదేవీలు జరిగాయని, ఈ ఏడాది ఆదాయం 100 శాతం వృద్ధి చెందుతుందన్నారు.


 హైదరాబాద్, బిజినెస్ బ్యూరో: బెంగళూరు కేంద్రంగా ఆదాయ పన్ను రిటర్న్ ఫైలింగ్ సేవలందిస్తున్న క్లియర్ ట్యాక్స్.. సిరీస్-ఏ రౌండ్‌లో భాగంగా రూ.80 కోట్ల నిధులను సమీకరించింది. సైఫ్ పార్టనర్స్ నుంచి ఈ పెట్టుబడులను సమీకరించామని.. వీటి సాయంతో కొత్త ఉత్పత్తులను పరిచయం చేయడంతో పాటు మరో 100 మంది ఇంజనీర్లను నియమించుకొని నాయకత్వ బృందాన్ని పటిష్ఠం చేస్తామని క్లియర్ ట్యాక్స్ వ్యవస్థాపక సీఈఓ అర్చిత్ గుప్తా మంగళవారమిక్కడ చెప్పారు. దేశంతో పాటు సిలిక్యాన్ వ్యాలీ నుంచి పలువురు టెక్ నిపుణులు ఇందులో ఉంటారని, త్వరలో పూర్తి వివరాలు వెల్లడిస్తామని చెప్పారాయన. 2015-16లో 10 లక్షల మంది తమ ట్యాక్స్ రిటర్న్‌లను క్లియర్ ట్యాక్స్ ద్వారా ఫైల్ చేశారని, ఈ ఏడాది పూర్తయ్యేనాటికి ఈ సంఖ్యను 25 లక్షలకు చేర్చాలని లక్ష్యంగా పెట్టుకున్నామని అర్చిత్ వివరించారు.


  ప్రభుత్వానికి మూడీస్ సూచన
 న్యూఢిల్లీ: మార్కెట్ల నుంచి నిధుల సమీకరణ విషయంలో తీవ్ర ఇబ్బందులు ఎదురయ్యే పరిస్థితి ఉన్నందున, కేంద్రమే ప్రభుత్వ రంగ బ్యాంకులకు (పీఎస్‌బీ) తగిన మూలధనం సమకూర్చాలని రేటింగ్ దిగ్గజ సంస్థ- మూడీస్ ఇన్వెస్టర్స్ సర్వీసెస్ వైస్ ప్రెసిడెంట్ (ఫైనాన్షియల్ ఇన్‌స్టిట్యూషన్స్ గ్రూప్) అల్కా అంబరసు పేర్కొన్నారు. మూలధనం సమకూర్చే విషయంలో కేంద్రం తగిన చర్యలు తీసుకోకపోతే- బ్యాంకింగ్ క్రెడిట్ ప్రొఫైల్‌పై ప్రతికూల ప్రభావం పడే అవకాశం ఉందని అన్నారు.
 ఆయన అభిప్రాయాల్లో మరికొన్నింటిని చూస్తే... బకాయిలు రాబట్టుకోవడంలో బ్యాంకింగ్ తీవ్ర ఇబ్బందులను ఎదుర్కొంటోంది. బ్యాలెన్స్ షీట్లు తీవ్ర ఒత్తిడిలో ఉన్నాయి. డిసెంబర్ నాటికి మొండిబకాయిల పరిణామం రూ.3.7 లక్షల కోట్లకు పెరగడం ఆందోళన కలిగిస్తోంది. ఆర్‌బీఐ ఆదేశాలకు అనుగుణంగా అసెట్ క్వాలిటీ సమీక్షలు, తగిన ప్రొవిజనింగ్ కేటాయింపులు బ్యాంకింగ్‌పై మరింత ఒత్తిడిని పెంచుతోంది.


 దేశీయంగా పెట్టుబడులు పెంచాలంటే నిధుల సమీకరణ వ్యయం దిగిరావాలని... ఇందుకోసం వడ్డీరేట్లను భారీగా తగ్గించాల్సిందేనంటూ మోదీతో భేటీలో పారిశ్రామికవేత్తలు గళమెత్తారు. రిలయన్స్ ఇండస్ట్రీస్ చైర్మన్ ముకేశ్ అంబానీ, టాటా గ్రూప్ చైర్మన్ సైరస్ పి.మిస్త్రీ, ఆదిత్య బిర్లా గ్రూప్ హెడ్ కుమార మంగళం బిర్లా, భారతీ ఎయిర్‌టెల్ అధినేత సునీల్ మిట్టల్, ఐటీసీ చీఫ్ వైసీ దేవేశ్వర్ తదితర పారిశ్రామిక అగ్రగాములు ఈ సమావేశంలో పాల్గొన్నారు. బ్యాంకర్ల నుంచి ఐసీఐసీఐ చీఫ్ చందా కొచర్, ఎస్‌బీఐ చైర్‌పర్సన్ అరుంధతి భట్టాచార్య హాజరయ్యారు. ఆర్‌బీఐ గవర్నర్ రఘురామ్ రాజన్, కేంద్ర ముఖ్య ఆర్థిక సలహాదారు అరవింద్ సుబ్రమణియన్, నీతి ఆయోగ్ ఉపాధ్యక్షుడు అరవింద్ పనగారియాతో పాటు సుబీర్ గోకర్ణ్ వంటి ఆర్థికవేత్తలు కూడా పాల్గొన్నారు.
 
 ‘ప్రస్తుత ప్రపంచ ప్రతికూల పరిస్థితులను మనకు అనువుగా మలచుకోవాలంటే భారీగా పెట్టుబడులు పెట్టాలని ప్రధాని పారిశ్రామిక వేత్తలను కోరారు. పెట్టుబడి నిధులు చాలా భారంగా ఉన్న ఇటువంటి తరుణంలో రిస్క్ తీసుకొని ఎంతమంది ఇన్వెస్ట్ చేస్తారో చెప్పలేం. తక్షణం వడ్డీరేట్లు తగ్గేలా చూడాలని మేమంతా ప్రధానికి విన్నవించాం’ అని ఫిక్కీ ప్రెసిడెంట్ జ్యోత్స్న సూచి పేర్కొన్నారు. పారిశ్రామిక రంగం రిస్క్‌లకు సిద్ధపడాలని, పెట్టుబడుల పెంపు ద్వారా ఆర్థిక వ్యవస్థ వృద్ధికి చేయూతనివ్వాల్సిందిగా ప్రధాని మోదీ సూచించినట్లు సీఐఐ ప్రెసిడెంట్ సుమిత్ మజుందార్ చెప్పారు. వచ్చే ఏడు నెలల్లో ఆర్‌బీఐ కీలక పాలసీ రేటు(రెపో)ను 0.75-1.25 శాతం మేర తగ్గించేందుకు తగిన సానుకూల పరిస్థితులున్నాయని ప్రధానికి వివరించినట్లు అసోచామ్ ప్రెసిడెంట్ రాణా కపూర్ చెప్పారు.


 స్కూలు బ్యాగులవసరం లేకుండా పాఠ్యాంశాలన్నీ ట్యాబ్లెట్స్‌లోనే..
 - మన దేశంతో పాటు దుబాయ్, దక్షిణాఫ్రికాల్లో సేవలందిస్తున్న ఎడ్యుటర్
 - మూడో విడతగా రూ.40 కోట్ల నిధుల సమీకరణపై దృష్టి
 హైదరాబాద్, బిజినెస్ బ్యూరో: తొమ్మిదో తరగతి చదివే శ్రీధర్‌కు ఎప్పుడూ లెక్కల్లో 20కి పది మార్కులే వస్తాయి. ప్రతిసారీ మిగతా పది మార్కులు ట్రిగ్నోమెట్రీలోనే పోతాయి. అమ్మానాన్నల దృష్టిలో శ్రీధర్ మ్యాథ్స్‌లో వీక్. కానీ, నిజానికి శ్రీధర్ లెక్కల్లో కాదు కేవలం ట్రిగ్నోమెట్రీలోనే వెనకబడిపోతున్నాడు. ఈ సంగతి వాళ్లకి తెలిసేదెలా?
 నిఖిత తల్లిదండ్రులిద్దరూ ఉద్యోగస్తులే. పేరెంట్స్ మీటింగ్‌కు హాజరవటం ఇద్దరికీ కుదరదు. మరి కూతురి మార్కులు, హాజరుకు సంబంధించిన సమాచారం వాళ్లకు తెలిసేదెలా?
 ...ఇలా ఒకటి కాదు రెండు కాదు పిల్లల విషయంలో తల్లిదండ్రులకు ఎన్నో సందేహాలు. ఇదిగో... ఈ సందేహాలు తీర్చడానికే విద్యావ్యవస్థ అప్‌గ్రెడేషన్ అవసరమని భావించారు రామ్ గొల్లమూడి, రమేష్ కర్ర, ప్రసన్న బోని. అందుకే క్లాస్‌రూమ్‌లో మార్పుల కోసం ‘ఎడ్యుటర్ టెక్నాలజీస్’ను ఆరంభించి ట్యాబ్లెట్ పీసీలతో స్కూళ్లకు ఈ-చదువులను పరిచయం చేస్తోంది. నిజానికి స్మార్ట్‌ఫోన్లు, స్మార్ట్ కార్లు, స్మార్ట్ సిటీలూ... అంటూ గత కొన్నేళ్లులో ప్రపంచంలో ఎన్నో మార్పులొచ్చినా క్లాస్ రూంలు, పరీక్షలు, ప్రోగ్రెస్ కార్డులతో నిండిన విద్యా వ్యవస్థలో మాత్రం చెప్పుకోదగ్గ మార్పులు రాలేదు. విద్యార్థి దశలోనే డిజిటలైజేషన్ అలవాటు చేయడానికే తాము ఈ సంస్థను ఆరంభించామంటున్న మిత్ర బృందం ఇంకా ఏం చెబుతోందో వారి మాటల్లోనే...
  
 రిటైల్ నుంచి క్లాస్ రూంలోకి...
 రూ.10 లక్షల పెట్టుబడితో 2010లో ఎడ్యుటర్ టెక్నాలజీస్‌ను ప్రారంభించాం. మొదట్లో కేవలం పాఠ్యపుస్తకాల్లోని సిలబస్‌లను ట్యాబ్లెట్ పీసీల్లో నిక్షిప్తం చేసి విక్రయించే వాళ్లం. మా ఆలోచన న చ్చి చాలా స్కూళ్ల ప్రిన్సిపల్స్... మీ ఆలోచన బాగుంది. ఎందుకు దీన్ని రిటైల్ మార్కెట్ నుంచి క్లాస్ రూమ్‌కు తీసుకురాకూడదని అడిగారు. దీంతో రెండేళ్లు సాఫ్ట్‌వేర్ అభివృద్ధికి శ్రమించి 2012లో ఇగ్నిటర్ కంటెంట్ సాఫ్ట్‌వేర్‌ను అభివృద్ధి చేశాం. దీంతో కేజీ నుంచి +2 (12వ తరగతి) వరకు అన్ని సబ్జెక్టుల పాఠ్యాంశాలు ట్యాబ్లెట్స్‌ల్లో నిక్షిప్తమై ఉంటాయి. దీంతో విద్యార్థులు బ్యాగులు మోసుకుంటూ పాఠశాలకు వెళ్లాల్సిన అవసరం లేదు.
 
 ఆడియో, వీడియో రెండు రకాల సేవలూ ఉంటాయిందులో. కొన్ని కొన్ని సబ్జెక్ట్‌లకు వీడియో ఆధారంగా పాఠాలు చెబితేనే అర్థంమవుతుంది మరి. ఇలాంటి సేవలందించే సంస్థలు ప్రపంచవ్యాప్తంగా నాలుగైదు ఉన్నాయి. కానీ, వాటికి ఇగ్నిటర్‌కున్న ప్రధాన తేడా ఏంటంటే.. మా సాఫ్ట్‌వేర్ ఇంటర్నెట్ అవసరం లేకుండానే పనిచేస్తుంది. ఆండ్రాయిడ్, ఐఓఎస్, విండోస్ అన్ని సిస్టమ్స్‌నూ ఇగ్నిటర్ సాఫ్ట్‌వేర్ సపోర్ట్ చేస్తుంది.
  
 60 వేల మంది విద్యార్థులు...
 మన దేశంతో పాటు దుబాయ్, దక్షిణాఫ్రికాల్లోని పాఠశాలల్లో కూడా ఎడ్యుటర్  సేవలందిస్తోంది. దాదాపు 60 వేల మంది విద్యార్థులు దీని సభ్యులే. పాఠశాలలే కాదు కాలేజీలు, విశ్వ విద్యాలయాలు, కోచింగ్ సెంటర్లూ దీని కస్టమర్లుగా ఉన్నారు. హైదరాబాద్‌లోని ఓక్రిడ్జ్, ఢిల్లీ పబ్లిక్ స్కూల్, చిరాక్, మెరిడియన్, విద్యానికేతన్, ఇండస్, జైన్ ఇంటర్నేషనల్, గీతాంజలి వంటి కార్పొరేట్ విద్యా సంస్థలున్నాయి. ఆకాశ్ ఇనిస్టిట్యూట్, ఏస్ క్రియేటివ్ లెర్నింగ్, లెర్న్‌పీడియా, ప్రైమ్స్ వంటి శిక్షణ  సంస్థలూ ఉన్నాయి. ఎస్‌ఆర్‌ఎం, ఎన్‌టీటీఎఫ్, గేట్‌ఫోరం, దక్షిణాఫ్రికాలోని సీటీఐ-ఎంజీఐ గ్రూప్ వంటి విశ్వ విద్యాలయాలూ వినియోగిస్తున్నాయి. ఏడాదికి సాఫ్ట్‌వేర్, కంటెంట్ కలిపి రూ.3-4 వేల మధ్య చార్జీ ఉంటుంది.
  
 తల్లిదండ్రులకు రిపోర్ట్‌లు...
 వందల మంది విద్యార్థుల్లో ఏ పిల్లాడు ఏ సబ్జెక్ట్‌లో వెనకబడ్డాడో కనిపెట్టి సరిదిద్దడం కాసింత కష్టమైన పనే. కానీ, ఎడ్యుటర్ ఆ పనిని సులభంగా చేసిపెడుతుంది.
  
 రూ.40 కోట్ల నిధుల సమీకరణ..
 ఎడ్యుటర్ టెక్నాలజీస్ మూడో విడ త నిధుల సమీకరణపై దృష్టిసారించింది. రెండేళ్ల క్రితం ఎడ్యుటర్ టెక్నాలజీస్‌లో హైదరాబాద్ ఏంజిల్స్ రూ.5 కోట్లు పెట్టుబడులు పెట్టింది. గతేడాది ఢిల్లీకి చెందిన సఫారి గ్రూప్ రూ.20 కోట్లు పెట్టుబడి పెట్టింది. ఈ ఏడాది చివరినాటికి మరో రూ.40 కోట్లు పెట్టుబడులను సమీకరించేందుకు సన్నాహాలు చేస్తోంది. ఇటీవలే అనంతపురంలోని ఓ ప్రభుత్వ పాఠశాలలో పెలైట్ ప్రాజెక్ట్ కింద ఈ సేవల్ని ఆరంభించింది ఎడ్యుటర్.
  
 అద్భుతమైన స్టార్టప్‌ల గురించి అందరికీ తెలియజేయాలనుకుంటే startups@sakshi.com కు మెయిల్ చేయండి...


 లిస్టింగ్ నిబంధనలు నోటిఫై చేసిన సెబీ
 
  ముంబై : స్టార్టప్‌లకు నిధుల సమీకరణ సులభతరం చేస్తూ.. దేశీ స్టాక్ ఎక్స్చేంజీల్లో ఈ తరహా సంస్థల లిస్టింగ్‌కు సంబంధించిన మార్గదర్శకాలను స్టాక్ మార్కెట్ల నియంత్రణ సంస్థ సెబీ శుక్రవారం నోటిఫై చేసింది. ఐటీ, డేటా అనలిటిక్స్, బయోటెక్నాలజీ తదితర రంగాల్లో వస్తున్న స్టార్టప్‌లకు తోడ్పాటు కల్పించేలా.. కీలక వివరాల వెల్లడి సహా డీలిస్టింగ్, టేకోవర్, ప్రచార వ్యయాల పరిమితులు, ప్రమోటర్ల పెట్టుబడికి లాకిన్ వ్యవధి మొదలైన నిబంధనల్లో వెసులుబాటు కల్పించింది.


 డబ్బులకు కటకటలాడుతున్న కొన్ని కంట్రీలు నిధుల సమీకరణ కోసం కొత్త మార్గాలు అన్వేషిస్తున్నాయి. ఇందులో భాగంగా ప్రస్తుతం అత్యంత చౌకగా తమ దేశ పౌరసత్వాన్ని ఇచ్చేస్తామంటున్నాయి. తమ పాస్‌పోర్టు తీసుకుంటే బోలెడన్ని ప్రయోజనాలు ఉంటాయంటూ ఊదరగొడుతున్నాయి.
 
 మన దగ్గర ఒక మోస్తరు సిటీలో కాస్త మెరుగైన ఇల్లు కొనుక్కోవాలంటే.. అరవై, డెబ్భై లక్షల పైచిలుకు అవుతోంది. దాదాపు అంతే మొత్తానికి కొన్ని కరీబియన్, యూరోపియన్ దేశాలు ఏకంగా పౌరసత్వాన్నే ఇచ్చేస్తున్నాయి. తాజాగా యూరోపియన్ దేశం మాల్టా .. ఇలాగే సుమారు రూ. 5.5 కోట్లు కట్టిన వారికి తమ దేశ పౌరసత్వం ఇచ్చేస్తామంటూ ప్రకటించడంతో ఈ అంశం మరోసారి తెరపైకి వచ్చింది.
 
 ఇంత డబ్బు కట్టి మాల్టా పాస్‌పోర్టు తీసుకున్న వారికి .. యూరోపియన్ యూనియన్‌లో 27 దేశాల్లో ఎక్కడైనా నివసించేందుకు అధికారాలు లభిస్తాయట. ఆఖరికి యూరోపియన్ పార్లమెంటు సభ్యులు అయ్యేందుకు కూడా హక్కులు లభిస్తాయట. ఇంత కన్నా చౌక ఆప్షన్స్ కూడా ఉన్నాయి.
  
 1.    సుమారు 73,000 మంది జనాభా ఉండే డొమినికా కేవలం రూ. 60 లక్షలకు పౌరసత్వం ఇస్తోంది. దీనికోసం ఆ దేశానికి ప్రత్యేకంగా వెళ్లనక్కర్లేదు.. అక్కడే ఉండాలన్న నిబంధన కూడా ఉండదు. ఈ దేశం పాస్‌పోర్టు పొందిన వారు 50 దేశాలకు వీసా సమస్య లేకుండా వెళ్లొచ్చు.
  
 2. సెయింట్ కిట్స్ అండ్ నెవిస్‌ది కూడా ఇదే ధోరణి. తమ దేశ చక్కెర మిల్లుల్లో రిటైరయిన ఉద్యోగుల నిధి కోసం దాదాపు రూ. 1.5 కోట్లు విరాళమిస్తే అక్కడి పౌరసత్వం ఇస్తామంటోంది. ఈ దేశ పాస్‌పోర్టుతో 139 దేశాలకు వీసాల్లేకుండా వెళ్లొచ్చు.
  
 3. హంగరీలో రూ. 2 కోట్లతో ప్రత్యేక బాండు కొనుక్కుంటే నివసించేందుకు పర్మిట్ దొరుకుతుంది.
  
 4. పోర్చుగల్‌లో రూ. 4 కోట్లు రియల్ ఎస్టేట్‌లో ఇన్వెస్ట్ చేస్తే రెసిడెన్సీ పర్మిట్ లభిస్తుంది.
  
 5. ఇటీవల కొన్నాళ్ల కిందటి దాకా గ్రామీణ ప్రాంతాల్లో సుమారు రూ. 58 లక్షలతో ప్రాపర్టీ కొన్నా, సిటీల్లో రూ. 1.1 కోట్లు పెట్టి రియల్టీ కొన్నా లాత్వియా తమ దేశంలో అయిదేళ్లు నివసించేందుకు పర్మిట్ ఇచ్చేది. ప్రస్తుతం ఈ మొత్తాన్ని రూ. 2 కోట్ల పైచిలుకు పెంచేసింది.
  
 ఇలాగే, అమెరికా, కెనడా, బ్రిటన్, ఆస్ట్రియా తదితర దేశాలు కూడా తమ దేశంలో ఇన్వెస్ట్ చేస్తే పౌరసత్వం ఇచ్చేందుకు సిద్ధంగా ఉంటాయి. కానీ, మిగతా చిన్నా, చితకా దేశాలతో పోలిస్తే వీటిలో నిబంధనలు, ఇన్వెస్ట్ చేయాల్సిన డబ్బు చాలా భారీ స్థాయిలో ఉంటుంది.