కాసర్‌గడ్‌: ఐఐఎం రాంచీలో అసిస్టెంట్‌ ప్రొఫెసర్‌గా ఉన్న రంజిత్‌ రామచంద్రన్‌ది స్ఫూర్తిదాయక చరిత్ర. నైట్‌వాచ్‌మన్‌గా పనిచేసి, ఆ తరువాత ఐఐటీలో చదువుకుని, ప్రస్తుతం ఐఐఎం రాంచీలో అసిస్టెంట్‌ ప్రొఫెసర్‌కి చేరారు. ఈ వివరాలను ఫేస్‌బుక్‌ పోస్ట్‌లో ఆయన వివరించారు. కూలిపోయే దశలో ఉన్న టార్పాలిన్‌తో కప్పిన తన చిన్న గుడిసె ఫొటోను కూడా అందులో పోస్ట్‌ చేశారు. ఈ పోస్ట్‌కు ఫేస్‌బుక్‌లో 37 వేల లైక్స్‌ వచ్చాయి. కేరళ ఆర్థిక మంత్రి థామస్‌ ఇసాక్‌ కూడా రంజిత్‌కు అభినందనలు తెలిపారు. కాసర్‌గడ్‌లోని పనతుర్‌లో ఉన్న ఒక టెలిఫోన్‌ ఎక్ఛ్సేంజ్‌లో రంజిత్‌ నైట్‌ వాచ్‌మన్‌గా పనిచేశారు. అలా చేస్తూనే పీఎస్‌ కాలేజ్‌ నుంచి ఎకనమిక్స్‌లో డిగ్రీ పూర్తి చేశారు. ఆ తరువాత ఐఐటీ మద్రాస్‌లో సీటు సంపాదించారు. తనకు మలయాళం మాత్రమే తెలియడం, ఆంగ్లం రాకపోవడంతో అక్కడ ఇబ్బందులు ఎదుర్కొన్నారు. చివరికి పీహెచ్‌డీ కోర్సు వదిలేద్దామనుకున్నారు. కానీ గైడ్‌ డాక్టర్‌ సుభాష్‌ సహకారంతో కోర్సు పూర్తి చేసి అసిస్టెంట్‌ ప్రొఫెసర్‌గా విధుల్లో చేరారు. పేదరికంతో పాఠశాల విద్యను మధ్యలోనే వదిలేశానని, తన తండ్రి టైలర్‌ కాగా, తల్లి ఉపాధి  కూలీ అని ఆ పోస్ట్‌లో రంజిత్‌ తెలిపారు. 


 న్యూఢిల్లీ:  టెకీని నమ్మించి మోసం చేసిన  ఓ ఐఐఎం ప్రొఫెసర్ నిర్వాకం వెలుగు చూసింది. పెళ్లి చేసుకుంటానని నమ్మించి  సాఫ్ట్ వేర్ సంస్థలో పనిచేసే ఉద్యోగిని గర్భవతి చేసిన సంఘటన ఢిల్లీలో చోటు చేసుకుంది. గుజరాత్లో ఉద్యోగం ఇప్పిస్తానని నమ్మించి  ఆమెను లోబరుచుకున్న ఘటన కలకం రేపింది.
  
 తనపై ఢిల్లీలోని  ఫైప్ స్టార్ హోటల్ లో  ఢిల్లీ కి చెందిన  ఐఐఎం ప్రొఫెసర్ అత్యాచారం చేశాడని  గుర్గావ్ ఐబిఎం లో పనిచేస్తున్న యువతి (21)ఢిల్లీ పోలీసులకు ఫిర్యాదు చేసింది.  గుర్గాంలో  పనిచేసే  తనను పెళ్లి చేసుకుంటానని  ప్రొఫెసర్ నమ్మించాడని వాపోయింది.  గుజరాత్ లో ఉద్యోగం  కూడా ఇప్పిస్తానని వాగ్దానం చేశాడని ఆరోపించింది.  అయితే అప్పటికే మరో ప్రొఫసర్ తో  పెళ్లి, పిల్లలు కూడా ఉన్నారని తెలుసుకుని షాకయ్యానంటోంది.  తనను వంచించిన ప్రొఫెసర్పై తగిన చర్యలు తీసుకోవాలని డిమాండ్ చేసింది. 
  ఢిల్లీ పోలీసులు ప్రొఫెసర్ సహా మరో ఇద్దరిపై  కేసు నమోదు చేశారు. దర్యాప్తు కొనసాగుతోందని వారు తెలిపారు.