హైదరాబాద్, బిజినెస్‌ బ్యూరో: నిర్మాణ సంస్థ అన్విత గ్రూప్‌ రూ.2,000 కోట్ల భారీ ప్రాజెక్టు చేపట్టింది. హైదరాబాద్‌ సమీపంలోని కొల్లూరు వద్ద ఇవానా పేరుతో గృహ నిర్మాణ ప్రాజెక్టును నెలకొల్పుతోంది. 12.9 ఎకరాల్లో రెండు దశల్లో 1,850 ఫ్లాట్లు రానున్నాయి. మొదటి దశలో 15 అంతస్తుల్లో 2 టవర్లలో 450 ఫ్లాట్ల నిర్మాణం పూర్తి కావస్తోంది. వీటిని ఈ ఏడాది చివరికల్లా కస్టమర్లకు అప్పగిస్తారు. రెండవ దశలో 36 అంతస్తుల్లో 4 టవర్లను నిర్మించనుంది. ఇందులో భాగంగా 1,400 ఫ్లాట్లను 2027లో వినియోగదార్లకు అందజేస్తామని అన్విత గ్రూప్‌ సీఎండీ అచ్యుతరావు బొప్పన గురువారమిక్కడ మీడియాకు తెలిపారు. 36 లక్షల చదరపు అడుగుల విస్తీర్ణంలో ఇవానా ఉంటుందని కంపెనీ డైరెక్టర్‌ అనూప్‌ బొప్పన చెప్పారు. భారత్‌లో 6, అమెరికాలో 3 స్థిరాస్తి ప్రాజెక్టులను గ్రూప్‌ చేపట్టింది.

ఓవైపు సంగీత దర్శకుడిగా, మరోవైపు హీరోగా రాణిస్తున్నాడు జీవీ ప్రకాశ్‌ కుమార్‌. అతడు ఇటీవల ప్రధాన పాత్రలో నటించిన చిత్రం కల్వన్‌. దీన్ని తెలుగులో చోరుడు పేరిట రిలీజ్‌ చేయాలని భావించారు. ఈ మేరకు గతేడాది ఫస్ట్‌ లుక్‌ పోస్టర్స్‌ కూడా వదిలారు. ఇవానా, భారతీరాజా కీలక పాత్రల్లో నటించిన ఈ సినిమాకు జీవీ ప్రకాశే సంగీతం అందించాడు. ఓటీటీ రిలీజ్‌ డేట్‌ఏప్రిల్‌ 4న ప్రేక్షకుల ముందుకు వచ్చిన ఈ సినిమా ఆశించిన విజయాన్ని అందుకోలేకపోయింది. దీంతో తెలుగులో రిలీజ్‌ చేయాలన్న ఆలోచనను విరమించుకున్నట్లున్నారు. తాజాగా ఈ మూవీ ఓటీటీ రిలీజ్‌ డేట్‌ వచ్చేసింది. మే 14 నుంచి ఓటీటీలోకి అందుబాటులోకి వస్తున్నట్లు హాట్‌స్టార్‌ ప్రకటించింది. అలాగే ఇతర దేశాల్లో ఉన్నవారికోసం సింప్లీ సౌత్‌, టెన్‌కోట్టా వంటి ఓటీటీ ప్లాట్‌ఫామ్స్‌లోనూ ఈ మూవీ మే 10 నుంచి అందుబాటులోకి రానుంది.ఈ విషయాన్ని వెల్లడిస్తూ టీజర్‌ కూడా వదిలారు. కల్వన్‌ సినిమా విషయానికి వస్తే పీవీ శంకర్‌ దర్శకరచయితగా వ్యవహరించడంతో పాటు సినిమాటోగ్రాఫర్‌గానూ పని చేశాడు. ఢిల్లీ బాబు నిర్మించిన ఈ చిత్రానికి సాన్‌ లోకేశ్‌ ఎడిటర్‌గా వ్యవహరించాడు.Tamil film #Kalvan @disneyplusHSTam / @Tentkotta / @SimplySouthApp 🎬💥 pic.twitter.com/PbSz2PXu9E— Tamilmemes3.0 (@tamilmemes30) May 7, 2024

సాధారణంగా స్టార్ హీరోల సినిమాల్లో ఛాన్స్ వస్తే ఎవరైనా మరో ఆలోచన లేకుండా ఒప్పేసుకుంటారు. కొందరు మాత్రం నిరభ్యంతరంగా నో చెప్పేస్తుంటారు. తమిళ బ్యూటీ ఇవానా కూడా అలానే దళపతి విజయ్ మూవీకి నో చెప్పేసిందట. ఇప్పుడు ఈ విషయం ఇండస్ట్రీలో చర్చనీయాంశంగా మారిపోయింది. (ఇదీ చదవండి: ఓటీటీలోకి సూపర్‌స్టార్ సినిమా.. అనుకున్న టైమ్ కంటే ముందే!) దళపతి విజయ్ ప్రస్తుతం 'ద గోట్' (The GOAT) అనే సినిమా చేస్తున్నాడు. వెంకట్ ప్రభు దర్శకత్వం వహిస్తున్న ఈ చిత్ర షూటింగ్ శరవేగంగా సాగుతోంది. టైమ్ ట్రావెల్ కాన్సెప్ట్‌తో తీస్తున్న ఈ చిత్రంలో విజయ్ ద్విపాత్రాభినయం చేస్తున్నాడు. తండ్రికి జరిగిన అన్యాయాన్ని టైమ్ ట్రావెల్ చేసి, హీరో ఎలా తీర్చుకుంటాడనే కథతో ఈ సినిమా తీస్తున్నట్లు తెలుస్తోంది.  ఇదే మూవీలో విజయ్‌తో పాటు ప్రభుదేవా, అజ్మల్, ప్రశాంత్ తదితరులు కీలక పాత్రలు పోషస్తున్నారు. విజయ్ చెల్లి పాత్ర కోసం 'లవ్ టుడే' ఫేమ్ హీరోయిన్ ఇవానాని అడిగారట. చెల్లి పాత్ర చేస్తే తనకు హీరోయిన్‌గా ఛాన్సులు తగ్గే ప్రమాదముందని, అందుకే నో చెప్పినట్లు ఈ బ్యూటీ చెప్పుకొచ్చింది. ఫలితంగా ఈమెకు బదులు నటి-మోడల్ అభియుక్తని ఆ పాత్ర కోసం ఎంపిక చేశారట. (ఇదీ చదవండి: పెళ్లి చేసుకున్న 'బిగ్‌బాస్' వాసంతి.. కుర్రాడు ఎవరంటే?)

జీఎస్‌ సినిమా ఇంటర్నేషనల్‌ పతాకంపై మంద్ర వీరపాండియన్‌ దర్శకత్వం వహించిన చిత్రం మదిమారన్‌. ఈయన ప్రముఖ దర్శకుడు బాల శిష్యుడు. హీరో వెంకట్‌ సెంగుట్టవన్‌, లవ్‌ టుడే హీరోయిన్‌ ఇవానా ప్రధాన పాత్రలు పోషించిన ఈ చిత్ర ఫస్ట్‌లుక్‌ పోస్టర్‌ను ఆదివారం విడుదల చేశారు. థ్రిల్లర్‌ జానర్‌లో రూపొందుతున్న ఈ సినిమా గురించి చిత్రయూనిట్‌ మాట్లాడుతూ.. డోంట్‌ జడ్జ్‌ ఎ బుక్‌ బై ఇట్స్‌ కవర్‌ (పుస్తకం కవర్‌ పేజ్‌ను చూసి దానికి వెల కట్టకూడదు) అనే సామెతను నేపథ్యంగా తీసుకుని రూపొందిస్తున్న కథా చిత్రం ఇదని పేర్కొంది. తనతో పాటు పుట్టిన (కవల పిల్లలుగా) సహోదరి కోసం వెతికే హీరో ఇతివృత్తమే ఈ చిత్రం అని తెలిపింది. ఈ సినిమా ప్రేక్షకులకు వినూత్న అనుభవాన్ని కలిగిస్తుందని నమ్మకం ఉందని ఆశాభావం వ్యక్తం చేసింది. నటి ఆరాధ్య, ఎంఎస్‌ భాస్కర్‌, ఆరుగళం నరేన్‌, బాబా చెల్లదురై, ప్రవీణ్‌కుమార్‌, సుదర్శన్‌, గోవింద్‌ తదితరులు ముఖ్యపాత్రలు పోషిస్తున్నారు. త్వరలోనే చిత్ర ట్రైలర్‌ను, ఆడియో ఆవిష్కరణ కార్యక్రమాన్ని నిర్వహించడానికి సన్నాహాలు చేస్తున్నట్లు యూనిట్‌ సభ్యులు తెలిపారు. కాగా మదిమారన్‌ సినిమా తమిళనాడు విడుదల హక్కులను బాబిన్స్‌ స్టూడియోస్‌ సంస్థ చేజిక్కించుకున్నట్లు చెప్పారు. ఈ మూవీకి కార్తీక్‌ రాజా సంగీతాన్ని, ప్రవేశ్‌, కె ఛాయాగ్రహణం అందించారు. Ivana’s #Mathimaaran, A story like never before! Releasing in theaters this December pic.twitter.com/YitgFWokXS — Christopher Kanagaraj (@Chrissuccess) December 10, 2023 చదవండి: రూ. 2 వేల కోట్లకు పైగా మోసం కేసులో సినీ నటుడు

బాలా దర్శకత్వం వహించిన నాచ్చియార్‌ చిత్రంలో జీవీ ప్రకాష్‌ కుమార్‌ ప్రేమికురాలిగా నటించి వెలుగులోకి వచ్చిన హీరోయిన్‌ ఇవానా. ఆ తరువాత ప్రదీప్‌ రంగనాథన్‌ సరసన లవ్‌ టుడే చిత్రంలో నటించింది. ఆ చిత్రం అనూహ్య విజయాన్ని సాధించింది. దీంతో ఇవానా యూత్‌ ఫేవరెట్‌ హీరోయిన్‌గా మారిపోయింది. తర్వాత అమ్మడికి వరుసగా అవకాశాలు తలుపు తట్టాయి. అలా హరీష్‌ కల్యాణ్‌ కు జంటగా ఎల్‌ జీఎం చిత్రంలో నటించింది. ఎంఎస్‌ ధోనీ నిర్మించిన ఆ చిత్రం ఆశించిన విజయాన్ని సాధించలేదు. అదే సమయంలో ఇవానా అధిక పారితోషికం డిమాండ్‌ చేస్తున్నట్లు ప్రచారం జరిగింది. దీంతో అవకాశాలు తిరుగు ముఖం పట్టినట్లు టాక్‌ స్ప్రెడ్‌ అయ్యింది. ఇలాంటి పరిస్థితుల్లో ఇవానాకు హీరో విజయ్‌తో కలిసి నటించే లక్కీ ఛాన్స్‌ వచ్చింది. విజయ్‌ ప్రస్తుతం తన 68వ చిత్రంలో నటిస్తున్నారు. వెంకట్‌ ప్రభు దర్శకత్వం వహిస్తున్న ఇందులో హీరోయిన్‌ మీనాక్షి చౌదరి కథానాయికగా నటిస్తోంది. నటి స్నేహ, ప్రశాంత్, ప్రభుదేవా, యోగిబాబు, ప్రేమ్‌ జీ తదితరులు ముఖ్య పాత్రలు పోషిస్తున్న ఇందులో విజయ్‌ ద్విపాత్రాభినయం చేస్తున్నట్టు సమాచారం. ఇందులో నటి ఇవానాకు నటించే అవకాశం వచ్చింది. అయితే ఆ అవకాశాన్ని ఇవానా జారవిడుచుకుంది. కారణం ఆ చిత్రంలో విజయ్‌కు చెల్లెలిగా నటించే అవకాశం కావడమే. ఈ చిత్రంలో చెల్లెలు పాత్రలో నటిస్తే ఆ తరువాత అలాంటి పాత్రలోకి పిలుస్తారనే భయంతోనే ఈ ఆఫర్‌ వదులుకున్నట్లు తెలుస్తోంది. మొత్తం మీద విజయ్‌తో నటించే అవకాశాన్ని ఈ అమ్మడు వదులు కోవడం సామాజిక మాధ్యమాల్లో చర్చనీయాంశంగా మారింది. చదవండి: కాలర్‌ ఎగరేసుకుని బయటకు వస్తారు

‘లవ్ టుడే’ సినిమాతో తెలుగు ప్రేక్షకులకు పరిచయమైంది కేరళ బ్యూటీ ఇవాన. ఎలాంటి అంచనాలు లేకుండా తమిళనాటలో మొదట విడుదలైన ఈ చిత్రం తర్వాత తెలుగులో కూడా విడుదలైంది.  ఈ సినిమాను కేవలం ఐదు కోట్ల బడ్జెట్‌తో నిర్మిస్తే.. రూ.60 కోట్లకు పైగా వసూళ్లను రాబట్టి తమిళ్‌లో చరిత్ర సృష్టించింది. ఇందులో హీరోయిన్‌గా నటించిన ఇవానకు కూడా మంచి గుర్తింపు వచ్చింది. తాజాగా భారత క్రికెట్ జట్టు మాజీ కెప్టెన్ ఎంఎస్ ధోని నిర్మించిన lgm చిత్రంతో ఇవాన మళ్లీ తెరపైకి వచ్చింది. ఇదిలా ఉంటే ఇవానా ఓ యూట్యూబ్ ఛానెల్‌కి ఇచ్చిన ఇంటర్వ్యూ అందరి దృష్టిని ఆకర్షిస్తోంది. (ఇదీ చదవండి: పునీత్‌ రాజ్‌కుమార్‌ కుటుంబంలో విషాదం.. గుండెపోటుతో స్పందన మృతి) ఇవానా తక్కువ ఎత్తు ఉండటం వల్ల తాను ఎన్నో ఇబ్బందులను ఎదుర్కొవడమే కాకుండా వచ్చిన సినిమా అవకాశాలను కూడా కోల్పోయానని తెలిపింది. అలాంటి సమయంలో చాలా బాధ కలిగిందని ఆమె చెప్పింది. వారు శారీరక రూపం గురించి ఎందుకు మాట్లాడుతారు అని తనలో తాను ఎప్పుడూ ఆలోచిస్తూ ఉంటానని పేర్కొంది. అలా బాధలో ఉన్న తనకు ఒకరోజు కన్నడలోని ఒక బిగ్‌ హీరోతో సినిమా చేసే అవకాశం దక్కింది. సినిమా పూజా కార్యక్రమం కూడా చేశారు. కానీ ఆఖరి నిమిషంలో హీరో పక్కన తన ఎత్తు సరిపోదని చెప్పి తిరష్కరించారని ఇవాన చెప్పుకొచ్చింది. (ఇదీ చదవండి: బాబు.. నువ్వే మా జీవితంలో వెలుగు నింపావ్‌..నిహారిక పోస్ట్‌ వైరల్‌) లవ్ టుడే సినిమా విడుదల సమయంలో కూడా తాను బాడీ షేమింగ్ గురించి ఎదుర్కొన్నానని ఇవానా ఇలా వెల్లడించింది. 'నేను పొట్టిగా ఉన్నానని అందరూ అంటారు. స్కూల్లో చదువుతున్నప్పుడు నాకు కూడా అలానే అనిపించింది. స్కూల్‌ అసెంబ్లీ ఏర్పాటు సమయంలో నన్నే ముందు వరసలో నిల్చోబెట్టేవారు.. ఎందుకంటే నేను హైట్‌ తక్కువని. అదంతా చిన్న క్లాసులో నుంచే నాకు అనుభవమే. ఒక్కోసారి స్నేహితులు ఎగతాళి చేసినప్పుడు దాని ప్రభావం రోజంతా ఉంటుంది.' అని ఇవానా తెలిపింది. 

టైటిల్‌: ఎల్‌జీఎం నటీనటులు: హరీష్ క‌ళ్యాణ్‌, ఇవానా, న‌దియా, యోగిబాబు తదితరులు నిర్మాణ సంస్థ: ధోని ఎంట‌ర్‌టైన్‌మెంట్ ప్రై.లిమిటెడ్‌  నిర్మాతలు: సాక్షి ధోని, వికాస్ హ‌స్జా  దర్శకత్వం: రమేశ్‌ తమిళ్‌ విడుదల తేది(తెలుగులో): ఆగస్ట్‌ 4, 2023 ఎల్‌జీఎం కథేంటంటే..  ఓ ప్రైవేట్‌ కంపెనీలో పని చేసే గౌతమ్(హరీశ్ కల్యాణ్), మీరా(ఇవానా) రెండేళ్లుగా లవ్‌లో ఉంటారు. గౌతమ్‌ తండ్రి చిన్నప్పుడే చనిపోవడంతో తల్లి లీల(నదియ) అల్లారుముద్దుగా పెంచుతుంది. గౌతమ్‌కి తల్లి అంటే చాలా ఇష్టం. పెళ్లి తర్వాత కూడా తల్లితో కలిసే ఉండాలనుకుంటాడు. కానీ మీరా మాత్రం డిఫరెంట్‌. చిన్నప్పటి నుంచి హాస్టల్‌లోనే పెరగడంతో ఇతరులతో కలిసి ఉండడానికి అస్సలు ఇష్టపడదు. ఇదే విషయాన్ని పెళ్లి చూపులకని ఇంటికి వచ్చి గౌతమ్‌తో చెప్పేస్తుంది. దీంతో గౌతమ్‌ తల్లి కోసం ప్రేమను వదులుకుంటాడు. కొన్నాళ్ల తర్వాత మీరా రాజీకొచ్చి.. అత్తను అర్థం చేసుకునేందుకు పెళ్లికి ముందు ఓ వారం ట్రిప్‌కి వెళ్దాం అని గౌతమ్‌ని ఒప్పిస్తుంది. అయితే ఈ విషయం గౌతమ్‌ తన తల్లికి చెప్పకుండా ఆఫీస్‌ ట్రిప్‌ అని తీసుకెళ్తాడు.  ఆ తర్వాత ఏం జరిగింది? ఒకవైపు తల్లి, మరోవైపు ప్రేయసి.. ఇద్దరి ఈగోల కారణంగా గౌతమ్‌ పడ్డ కష్టాలేంటి? మీరా తన కాబోయే అత్తతో పాటు గోవాకు ఎందుకు వెళ్లాల్సి వచ్చింది?  గోవా నుంచి తిరిగి వచ్చే క్రమంలో ఏం జరిగింది? చివరకు గౌతమ్‌, మీరాల పెళ్లికి లీల ఒప్పుకుందా లేదా? అనేదే మిగతా కథ.  ఎలా ఉందంటే.. పెళ్లిపై నేటి యువతకు ఎన్నో భయాలు ఉన్నాయి. ముఖ్యంగా అత్తా కోడ‌ళ్ల మ‌ధ్య ఉండే రిలేష‌న్ గురించి ఎంత చెప్పినా తక్కువే. అలా పెళ్లి తర్వాత అత్తతో కలిసి ఉండగలనా లేనా అని తెలుసుకోవడానికి సిద్ధమైన నేటి తరం అమ్మాయి కథే ఈ ఎల్‌జీఎం. ఈ కథను కాస్త తిరిగేస్తే మనకు బొమ్మరిల్లు హాసినిని గుర్తు చేస్తుంది . అందులో కోడలు తమతో ఎలా ఉంటుందో అని అత్తింటి వారు పరీక్ష పెడితే.. ఇక్కడ అత్త తనతో ఎలా ఉంటుందో అని టూర్‌ పేరుతో పరీక్ష పెడుతుంది కోడలు. అంతే తేడా. అత్త కోడళ్ల మధ్య గొడవలు.. వారిద్దరి మధ్య హీరో పడే కష్టాలు.. ఈ కాన్సెప్ట్‌తో సినిమాలతో పాటు పలు సీరియళ్లు కూడా తెలుగులో వచ్చాయి. అలాంటి రోటీన్‌ పాయింట్‌తో ఎల్‌జీఎం కథను రాసుకున్నాడు దర్శకుడు రమేష్‌ తమిళమణి. పెళ్లికి ముందే అత్తతో కలిసి కోడలు టూర్‌కి వెళ్లే కాన్సెప్ట్‌ వినడానికి కాస్త కొత్తగా ఉంది కానీ తెరపై మాత్రం రొటీన్‌గా సాగుతుంది.  కథనం నెమ్మదిగా సాగడం మరింత ఇబ్బందికరం.  కామెడీకి ఎమోషనల్‌ జోడించి మంచి సందేశం ఇచ్చే ప్రయత్నం చేశారు. ఫస్టాఫ్‌లో యోగిబాబుతో ఓ ముసలాయన చేసే కామెడీ నవ్వులు పూయిస్తుంది. ఇంటర్వెల్‌ ట్విస్ట్‌ సెకండాఫ్‌పై ఇంట్రెస్ట్‌ని క్రియేట్‌ చేస్తుంది. అయితే ద్వితియార్థంలో కథ సాగదీతగా అనిపిస్తుంది.  అత్తా కోడళ్లు కిడ్నాప్‌కు గురైన తర్వాత కథపై ఆసక్తి పెరుగుతుంది.  అక్కడ కూడా యోగిబాబు కామెడీ బాగా వర్కౌట్‌ అయింది. క్లైమాక్స్‌ రొటీన్‌గా ఉంటుంది. ఎవరెలా చేశారంటే? ఈ సినిమాకు ప్రధాన బలం ఇవానా, నదియా అనే చెప్పాలి. హీరోగా హరీశ్‌ కల్యాణ్‌ చేసిన.. కథ మొత్తం ఇవానా, నదియా పాత్రల చుట్టే తిరుగుతుంది. అత్తాకోడళ్లుగా వీరిద్దరి నటన ఆకట్టుకుంటుంది. ఇద్దరు కలిసి పబ్‌లో వేసే స్టెప్పులు అలరిస్తాయి. నేటితరం అమ్మాయి మీరాగా ఇవానా, గడుసరి అత్తగా నదియా అదరగొట్టేశారు. వీరిద్దరి మధ్య నలిగే వ్యక్తి గౌతమ్‌. ఈ పాత్రలో హరీశ్‌ కల్యాణ్‌ చక్కగా నటించాడు. బస్సు డ్రైవర్‌గా యోగిబాబు చేసే కామెడీ సినిమాకు ప్లస్‌ పాయింట్‌. హీరో స్నేహితుడిగా చేసిన నటుడి కామెడీ పంచులు కూడా బాగున్నాయి. ఇక సాంకేతిక విషయాలకొస్తే దర్శకుడు తమిళమణియే ఈ సినిమాకు సంగీతం అందించాడు. పాటలు కథలో బాగంగా వస్తాయి కానీ ఒక్కటి కూడా గుర్తిండిపోయేలా ఉండదు. నేపథ్య సంగీతం ఓకే.  సినిమాటోగ్రఫీ బాగుంది. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి.

మారుతున్న ట్రెండ్‌లో ప్రేమ‌కు అర్థం మారిపోయింది. అమ్మాయి-అబ్బాయి లివ్ ఇన్ రిలేష‌న్‌లో ఉండి, న‌చ్చితే పెళ్లి చేసుకుంటున్నారు. పెళ్లికి ముందు ఇదేం ప్యాష‌న్ అని అనుకోవ‌చ్చు. కానీ అబ్బాయిని అమ్మాయి.. అమ్మాయిని అబ్బాయి అర్థం చేసుకోవ‌టానికే ఇది కచ్చితమనే భావ‌న ఉండటంతో చాలామంది అటు వైపుగానే ఆలోచ‌న‌లు చేస్తున్నారు.  (ఇదీ చదవండి: ఆమె వల్ల చనిపోదామనుకున్నా.. నటుడు అబ్బాస్ కామెంట్స్) అలానే పెళ్లి చేసుకుని ఓ ఇంట్లోకి కోడ‌లిగా అడుగు పెట్టాల్సిన అమ్మాయి త‌న ప్రేమికుడిని విచిత్ర‌మైన కోరిక కోరుతుంది. త‌న‌కు కాబోయే అత్త‌తో క‌లిసి కొన్ని రోజులు ట్రిప్‌ వెళ‌తాన‌ని అప్పుడు ఇద్ద‌రికీ ఒక‌రి గురించి ఒక‌రికీ తెలుస్తుంద‌ని చెబుతుంది. ఇది కాస్త వింతగానే ఉన్నా.. అతడు ఒప్పుకొంటాడు. తర్వాత ఏమైందో తెలియాలంటే 'ఎల్‌జీఎం' చూడాల్సిందే.  టీమిండియా స‌క్సెస్‌ఫుల్ కెప్టెన్ మ‌హేంద్ర సింగ్ ధోని నిర్మాణ రంగంలోకి అడుగుపెట్టిన తీసిన ఫస్ట్ మూవీ ఇది. తెలుగు ట్రైలర్ ని తాజాగా రిలీజ్ చేశారు. హ‌రీష్ క‌ళ్యాణ్‌, ఇవానా, న‌దియా, యోగిబాబు కీల‌క పాత్ర‌ల్లో న‌టిస్తున్నారు. ఫ్యామిలీ ఎంట‌ర్‌టైన‌ర్‌గా తీస‍్తున్న ఈ చిత్రానికి ర‌మేష్ త‌మిళమ‌ణి ద‌ర్శ‌కత‍్వంతో పాటు సంగీతం అందించారు. త్వరలో ఈ సినిమాని థియేటర్లలోకి తీసుకురాబోతున్నారు. (ఇదీ చదవండి: నటి ప్రగతి కొత్త జర్నీ.. ఇది అస్సలు ఎవరూ ఊహించలేదు!)

‘‘ప్రేక్షకులకు విజయవంతమైన సినిమా ఇవ్వడం అంత తేలిక కాదు. ‘బలగం, దసరా, విరూ పాక్ష’.. ఇలా కొత్తదనంతో నూతన దర్శకులు తీసిన చిత్రాలు ప్రేక్షకుల్ని మెప్పిస్తున్నాయి. కొత్తదనం లేని సినిమాలు చూడటానికి రెడీగా లేరు.. అది ఇవ్వడానికి రాత్రీపగలు కష్టపడాల్సిందే’’ అన్నారు ‘దిల్‌’ రాజు. ఆశిష్, ఇవానా జంటగా కాశీ విశాల్‌ దర్శకత్వంలో తెరకెక్కుతోన్న చిత్రం ‘సెల్ఫిష్‌’. శ్రీ వెంకటేశ్వర క్రియేషన్స్, సుకుమార్‌ రైటింగ్స్‌పై ‘దిల్‌’ రాజు–శిరీష్‌ నిర్మిస్తున్నారు. ఆశిష్‌ పుట్టినరోజు (మే 1)ని పురస్కరించుకుని ‘సెల్ఫిష్‌’లోని ‘దిల్‌ ఖుష్‌..’ అంటూ సాగే పాటని విడుదల చేశారు. మిక్కీ జె. మేయర్‌ స్వరపరచిన ఈ పాటకు రామజోగయ్య శాస్త్రి సాహిత్యం అందించగా, జావేద్‌ అలీ పాడారు. ఈ సందర్భంగా ‘దిల్‌’ రాజు మాట్లాడుతూ– ‘‘నేను, సుకుమార్‌ సపోర్ట్‌గా ఉంటాం. కానీ, ప్రేక్షకులకు నచ్చాల్సింది మాత్రం ఆశిష్‌. దాని కోసం తను కష్టపడాలి’’ అన్నారు. ‘‘సెల్ఫిష్‌’ కోసం నేను, కాశీ ప్రాణం పెట్టి కష్టపడుతున్నాం’’ అన్నారు ఆశిష్‌. ‘‘మాస్‌ లవ్‌ స్టోరీగా తెరకెక్కుతోన్న చిత్రం ఇది’’ అన్నారు విశాల్‌ కాశీ. ఈ చిత్రానికి సహనిర్మాతలు: హర్షిత్‌ రెడ్డి, హన్షిత రెడ్డి, ఎగ్జిక్యూటివ్‌ ప్రొడ్యూసర్‌: అశోక్‌ బండ్రెడ్డి.

‘రౌడీ బాయ్స్‌’తో హీరోగా పరిచయమైన ఆశిష్‌ రెడ్డి హీరోగా నటిస్తున్న రెండో చిత్రం ‘సెల్ఫిష్‌’. నూతన దర్శకుడు కాశీ విశాల్‌ దర్శకత్వంలో సుకుమార్‌ రైటింగ్స్, ‘దిల్‌’ రాజు, శిరీష్‌ల శ్రీ వెంకటేశ్వర క్రియేషన్స్‌పై ఈ చిత్రం రూపొందుతోంది. ఇందులో స్వార్థానికి చిరునామాలా ఉండే పాత బస్తీ కుర్రాడి పాత్రలో కనిపిస్తారు హీరో ఆశిష్‌. ఇవానా హీరోయిన్‌. ఈ చిత్రంలోని తొలి పాట ‘దిల్‌ ఖుష్‌..’ను మే 1న విడుదల చేయనున్నట్లు ప్రకటించి, ఆశిష్‌ కొత్త పోస్టర్‌ని విడుదల చేసింది చిత్రబృందం, ఈ చిత్రానికి సంగీతం: మిక్కీ జె మేయర్, కెమెరా: మణికందన్, సహనిర్మాతలు: హర్షిత్‌ రెడ్డి, హన్షిత రెడ్డి, అశోక్‌ బండ్రెడ్డి.

‘రౌడీ బాయ్స్‌’తో ఆకట్టుకున్న ఆశిష్‌ రెడ్డి హీరోగా నటిస్తున్న రెండో చిత్రం ‘సెల్ఫిష్‌’. కాశీ విశాల్‌ దర్శకత్వంలో సుకుమార్‌ రైటింగ్స్‌ , ‘దిల్‌’ రాజు, శిరీష్‌ నిర్మిస్తున్న ఈ చిత్రంలో ఇవానా కథానాయిక. ఆమె పాత్ర పేరు చైత్ర. ఆందోళనగా ఉన్న చైత్రను హీరో తదేకంగా చూస్తున్న పోస్టర్‌ను శనివారం విడుదల చేశారు. హైదరాబాద్‌లోని పాతబస్తీలో జరిగే ఈ మాస్‌ లవ్‌స్టోరీలో ఆశిష్‌ ఓల్డ్‌ సిటీ కుర్రాడి పాత్ర చేస్తుండగా, ఇవానా ఫైనాన్షియల్‌ ఎనలిస్ట్‌ పాత్ర చేస్తున్నారు. ప్రస్తుతం ఈ చిత్రం షూటింగ్‌ హైదరాబాద్‌లో జరుగుతోంది. ఈ చిత్రానికి సంగీతం: మిక్కీ జె మేయర్, కెమెరా: ఎస్‌. మణికందన్, సహనిర్మాతలు: హర్షిత్‌ రెడ్డి, హన్షిత రెడ్డి, అశోక్‌ బండ్రెడ్డి.

కేవలం ఒక్క సినిమాతోనే తన సత్తా చాటింది. ఓకే దెబ్బకు రెండు పిట్టలు అన్నట్లు.. అటు తెలుగు.. ఇటు తమిళ ఇండస్ట్రీలో భారీ విజయాన్ని సొంతం చేసుకుంది. ఒక్క సినిమాతోనే ఇన్ని అద్భుతాలు సృష్టించింది. చిన్న వయసులోనే సినీ రంగంలోకి అడుగుపెట్టి తక్కువ కాలంలోనే స్టార్‌డమ్​ సంపాదించుకుంది. ఒక్క సినిమాతో సౌత్‌ ఇండస్ట్రీలో స్టార్‌గా మారిపోయింది. తన అందం, అభినయంతో సినీ ప్రేక్షకులను అలరిస్తోంది.ఒక్క సినిమాతోనే ఇన్ని అద్భుతాలు సృష్టించిందంటూ అభిమానులు కామెంట్స్ చేస్తున్నారు. ఆమె లవ్ టుడే హీరోయిన్ ఇవానా. తాజాగా ఆమె చిన్నప్పటి ఫోటోలు నెట్టింట వైరలవుతున్నాయి. చిన్నప్పటి ఫొటోల్లోనూ ముద్దు ముద్దుగా ఉంది హీరోయిన్​. ‘లవ్ టుడే’ సినిమాతో ఇటీవలే తెలుగు ప్రేక్షకుల పరిచయమైంది మలయాళ ముద్దుగుమ్మ ఇవానా. ఎలాంటి అంచనాలు లేకుండా తమిళనాట నవంబర్ 4న విడుదలైన ఈ చిత్రం అక్కడ భారీ విజయాన్ని సాధించింది. కేవలం ఐదు కోట్ల బడ్జెట్‌తో నిర్మిస్తే.. రూ.60 కోట్లకు పైగా వసూళ్లను రాబట్టి తమిళ్‌లో చరిత్ర సృష్టించింది. ఆ తర్వాత ఈ సినిమాను తెలుగులోకి ప్రముఖ నిర్మాత దిల్ రాజు టాలీవుడ్‌లో రిలీజ్ చేశారు. నవంబర్‌ 25న టాలీవుడ్‌లో విడుదలైన ఈచిత్రానికి తొలి షో నుంచే పాజిటివ్‌ టాక్‌ వచ్చింది. విడుదలైన రెండు రోజుల్లోనే ఈ మూవీ రూ.2.35 కోట్లకు పైగా వసూళ్లను రాబట్టింది. గతంలో ఓ తెలుగు ఛానల్‌తో మాట్లాడుతూ ఓ తెలుగు స్టార్‌ హీరో ఫ్యాన్‌ని అంటూ ఆసక్తికర విషయం చెప్పుకొచ్చింది. తెలుగులో నా ఫేవరేట్ హీరో అల్లు అర్జున్ ‍అని.. ఆయన సినిమాలను తప్పకుండా చూస్తానని తెలిపింది. కాగా.. ప్రస్తుతం ఇవానా టీమిండియా క్రికెటర్ మహేంద్ర సింగ్ ధోనీ నిర్మించనున్న కొత్త ప్రాజెక్టులో నటించనున్నట్లు తెలుస్తోంది. ధోనీ ఎంటర్టైన్మెంట్ లెట్స్ గెడ్ మ్యారిడ్ సినిమాలో ఇవానా నటించనుంది. ఈ చిత్రానికి తమిళ మణి దర్శకత్వం వహిస్తున్నారు. ఈ మూవీ షూటింగ్ జనవరి 27న ప్రారంభమైంది.  

ప్రస్తుత కాలంలో సినిమాలు ఒక్క వారం థియేటర్లలో ఆడటమే గగనంగా మారింది. అలాంటిది శతదినోత్సవ వేడుకలు సాధ్యమా? అంటే లవ్‌ టుడే అనే చిన్న చిత్రం సాధ్యమే అని నిరూపించింది. ఏజీఎస్‌ సంస్థ నిర్మించిన ఈ చిత్రానికి ప్రదీప్‌ రంగనాథన్‌ దర్శకత్వం వహించడంతో పాటు కథానాయకుడిగా పరిచయం అయ్యారు. నటి ఇవాని హీరోయిన్‌గా నటించగా సత్యరాజ్, నటి రాధికాశరత్‌కుమార్, యోగిబాబు తదితరులు ముఖ్య పాత్రలు పోషించారు. యువన్‌ శంకర్‌రాజా సంగీతాన్ని అందించారు. రెడ్‌ జెయింట్‌ మూవీస్‌ సంస్థ నవంబర్‌ 4వ తేదీన విడుదల చేసిన ఈ సినిమా అందరి అంచనాలను తలకిందులు చేసి ఘన విజయాన్ని సాధించింది. దాదాపు రూ.100 కోట్లు వసూలు చేసినట్లు చిత్ర వర్గాలు చెబుతున్నాయి. ఈ చిత్ర శత దినోత్సవ వేడుకలను మంగళవారం రాత్రి చెన్నై చెట్‌పెట్‌లోని లేడీ ఆండాళ్‌ స్కూల్‌లో ఘనంగా నిర్వహించారు. దీనికి పలువురు సినీ ప్రముఖులు హాజరయ్యారు. ఈ వేదికపై చిత్ర దర్శక, కథానాయకుడు ప్రదీప్‌ రంగనాథన్‌ మాట్లాడుతూ.. లవ్‌ టుడే చిత్రం ప్రపంచవ్యాప్తంగా రూ.100 కోట్లు వసూలు సాధించిందన్నారు. తాను కథానాయకుడిగా నటించిన ఈ సినిమా చతికిలబడితే మళ్లీ పైకి లేవడం కష్టం అని చాలా మంది ఎగతాళి చేశారన్నారు. మరికొందరేమో ఇది ఒక కొండలాంటిదని అన్నారన్నారు. అయితే తాను ఆలోచించింది ఏమిటంటే కొండ ఎక్కడం కష్టమా? అందుకు ఏం చేయాలి? తగిన పరికరాలు, శిక్షణ, శారీరక బలం, ఆక్సిజన్‌ వంటివి ఉండాలి కదా. అసలు ఎక్కడానికి ఆ కొండ కావాలి కదా.. అదే లవ్‌ టుడే చిత్రం అన్నారు. తనపై నమ్మకంతో అవకాశాన్ని కల్పించిన చిత్ర నిర్మాతలకు ఈ సందర్భంగా కృతజ్ఞతలు తెలుపుకుంటున్నానని తెలిపారు. చదవండి: రెండుసార్లు బ్రేకప్‌.. అది బ్లాక్‌డే అంటున్న బ్యూటీ

ఖతర్‌ వేదికగా జరుగుతున్న ఫిఫా వరల్డ్‌కప్‌లో క్రొయేషియా మూడోస్థానంలో నిలిచిన సంగతి తెలిసిందే. శనివారం మూడోస్థానం కోసం మొరాకోతో జరిగని ప్లే ఆఫ్‌ మ్యాచ్‌లో 2-1 తేడాతో క్రొయేషియా ఘన విజయం సాధించింది. గతేడాది రన్నరప్‌గా నిలిచిన క్రొయేషియా మూడోస్థానంతో సరిపెట్టుకోవాల్సి వచ్చింది. జట్టు కెప్టెన్‌ లుకా మోడ్రిక్‌ తన కెరీర్‌లో చివరి ఫిఫా వరల్డ్‌కప్‌ ఆడేసినట్లే. వరుసగా రెండు ప్రపంచకప్‌ల్లో క్రొయేషియాను నడిపించిన లుకా మోడ్రిక్‌ ఒకసారి రన్నరప్‌, మరోసారి మూడో స్థానంలో నిలిపాడు. టైటిల్‌ అందుకోవాలన్న తన కలను నెరవేర్చుకోలేకపోయాడు లుకా మోడ్రిక్‌. అయినా కూడా ఈ క్రొయేషియా స్టార్‌ తన ఆటతో చాలా మంది అభిమానులను సంపాదించుకున్నాడు. ఈ సంగతి పక్కనబెడితే.. ఫిఫా వరల్డ్‌కప్‌లో ఫుట్‌బాల్‌ స్టార్స్‌ తర్వాత మరో పేరు బాగా మార్మోగింది. ఆమెనే క్రొయేషియా మోడల్‌ ఇవానా నోల్‌. ఖతర్‌లో పొట్టి దుస్తులు వేసుకోవాన్ని ఆ దేశం బహిష్కరించనప్పటికి  ఇవానా నోల్‌ మాత్రం పొట్టి బట్టలు ధరించి క్లీవేజ్‌ షో చేస్తూ అందాల ఆరబోతను ప్రదర్శించింది. తనకు ఖతర్‌ అధికారుల నుంచి అనుమతి ఉందని.. అందుకే పొట్టి దుస్తులు వేసుకొని స్టేడియానికి వచ్చినట్లు ఇవానా పేర్కొంది. ఇక తాజాగా శనివారం క్రొయేషయా, మొరాకోల మధ్య జరిగిన ప్లేఆఫ్‌ మ్యాచ్‌లో మరోసార దర్శనమిచ్చింది. అయితే ఈసార అందాల ప్రదర్శన కాకుండా తన ఫెవరెట్‌ అయిన.. క్రొయేషియా కెప్టెన్‌ లుకా మోడ్రిక్‌ కోసం మ్యాచ్‌కు వచ్చిందంట. అందుకు తగ్గట్లుగానే లుకా మోడ్రిక్‌ పేరున్న ప్రత్యేక ఔట్‌ఫిట్‌ను వేసుకొచ్చింది. ఈ సందర్భంగా లుకా మోడ్రిక్‌కు స్పెషల్‌ థాంక్స్‌ చెబుతూ.. థాంక్యూ కెప్టెన్‌ లుకా మోడ్రిక్‌.. మన దేశం గర్వించేలా చేశారు. ఇక మూడోప్లేస్‌లో నిలిచి మెడల్‌ అందుకోవడమే తరువాయి. ఇంకెందుకు ఆలస్యం పని కానిచ్చేయండి అంటూ రాసుకొచ్చింది. ఇవానా నోల్‌ కోరికను క్రొయేషియా నిలబెట్టింది. మొరాకోతో జరిగిన మ్యాచ్‌లో 2-1తేడాతో గెలిచి ఈ వరల్డ్‌కప్‌ను మూడోస్థానంతో ముగించింది క్రొయేషియా జట్టు. ఏది ఏమైనా ఈసారి మాత్రం ఇవానా నోల్‌ తన అందచందాలతో ప్రత్యేకంగా నిలిచింది. చదవండి: మొరాకోపై ఘన విజయం.. మూడోస్థానం క్రొయేషియాదే FIFA: అర్జెంటీనాదే వరల్డ్‌కప్‌.. గత రికార్డులు ఏం చెబుతున్నాయంటే!

కంటెంట్‌ బావుంటే చిన్న సినిమా, పెద్ద సినిమా అన్న తేడా లేకుండా బ్లాక్‌ బస్టర్‌ హిట్‌ను సొంతం చేసుకోవడం ఖాయం. ఈ కోవలోకే వస్తుంది లవ్‌టుడే సినిమా. ఎలాంటి అంచనాలు లేకుండా విడుదలైన ఈ చిత్రం తమిళనాట సూపర్‌ హిట్‌గా నిలిచింది. కేవలం రూ. 5కోట్ల బడ్జెట్‌తో రూపొందిన ఈ సినిమా సుమారు రూ. 60కోట్లకు పైగా వసూళ్లు సాధించి రికార్డు సృష్టించింది. దీంతో తెలుగులోనూ ఈ సినిమాను డబ్‌ చేశారు. గతనెల 25న విడుదలైన ఈ చిత్రం ఇక్కడా సూపర్‌ హిట్‌ టాక్‌ను సొంతం చేసుకుంది. ముఖ్యంగా ప్రదీప్‌, ఇవానాల నటన ప్రేక్షకులను విపరీతంగా ఆకట్టుకుంది. ఇదిలా ఉంటే లవ్‌టుడే తెలుగు వెర్షన్‌ ఇప్పుడు ఓటీటీ స్ట్రీమింగ్‌కు సిద్ధమైంది. ప్రముఖ ఓటీటీ దిగ్గజం నెట్‌ఫ్లిక్స్‌ లవ్‌టుడే డిజిటల్‌ రైట్స్‌ను సొంతం చేసుకున్నట్లు తెలుస్తుంది. ఈనెల 25న క్రిస్మస్‌ కానుకగా ఈ చిత్రాన్ని ఓటీటీలో రిలీజ్‌ చేయనున్నట్లు సమాచారం. 

ఖతర్‌ వేదికగా జరుగుతున్న ఫిఫా వరల్డ్‌కప్‌ 2022 ఫాలో అవుతున్న వారికి క్రొయేషియా మోడల్‌ ఇవానా నోల్‌ గురించి పరిచయం అక్కర్లేదు. అసభ్య దుస్తులకు అనుమతి లేని చోట పొట్టి పొట్టి డ్రెస్సులు ధరిస్తూ హాట్‌ లుక్స్‌తో ఫిఫా అభిమానులను అలరిస్తుంది. తనకు తాను హాటెస్ట్‌ ఫ్యాన్‌ ఇన్‌ ద వరల్డ్‌ అని ప్రకటించుకున్న ఇవానా నోల్‌ తాజాగా తన చర్యతో మరోసారి వార్తల్లో నిలిచింది.   తాజాగా అర్జెంటీనా, క్రొయేషియా మధ్య జరిగిన సెమీఫైనల్‌ మ్యాచ్‌కు హాజరైన ఇవానా నోల్‌ మరింత రెచ్చిపోయింది. క్రొయేషియా జెండా కలర్‌ లో కట్‌ టాప్‌ డ్రెస్‌.. బ్లూ జీన్స్‌తో మ్యాచ్‌కు హాజరైంది.  కట్టిపడేసే అందంతో మ్యాచ్‌ చూడడానికి వచ్చిన కుర్రకారు గుండెల్లో ఆమె రైళ్లు పరిగెత్తించింది. క్లీవేజ్‌ షో చేస్తూనే హాట్‌ హాట్‌ లుక్స్‌తో అందరి కళ్లు తనవైపుకు తిప్పుకుంది.  అయితే క్రొయేషియా కథ సెమీస్‌లో ముగియడంతో అమ్మడు అందాలు కూడా ఇక్కడికే పరిమితమవుతాయేమోనని కొంతమంది తెగ ఫీలవుతున్నారు. క్రొయేషియా వెళ్లిపోయింది కాబట్టి తాను వెళ్లిపోతుందని.. ప్చ్‌ అందాల ప్రదర్శన మిస్‌ అవుతామోనని మరికొంత మంది కామెంట్స్‌ చేశారు. అయితే ఇవానా నోల్‌ ఖతర్‌ను వీడి వెళుతున్నట్లు ఎలాంటి సమాచారం లేదని.. కచ్చితంగా ఫైనల్‌ మ్యాచ్‌ ముగిసాకే ఆమె తన దేశం వెళుతుందంటూ కొంతమంది పేర్కొన్నారు. ఏది ఏమైనా తన అందంతో ఈసారి ఫిఫా వరల్డ్‌కప్‌లో ఆటగాళ్లతో సమానంగా పేరు పొందిన ఇవానా నోల్‌కు థ్యాంక్స్‌ చెప్పాల్సిందే. అరబ్‌ లాంటి కఠినమైన దేశాల్లో వారి ఆంక్షలను బేఖాతరు చేసి పొట్టి పొట్టి డ్రెస్సుల్లో దర్శనమిచ్చి అందాలు ఆరబోసిన ఇవానా నోల్‌ దైర్యానికి మెచ్చుకోవాల్సిందే అంటూ కొందరు అభిమానులు ట్విటర్‌ వేదికగా తెలిపారు.  View this post on Instagram A post shared by Ivana Knöll (@knolldoll) View this post on Instagram A post shared by Ivana Knöll (@knolldoll) చదవండి: FIFA WC 2022: అరబ్‌ గడ్డపై అందాల ప్రదర్శన.. చిక్కుల్లో సుందరి Ivana Knoll FIFA WC: జపాన్‌ను అవమానించిన క్రొయేషియా సుందరి

ఇటీవలే క్రొయేషియాకు చెందిన మోడల్‌ ఇవానా నోల్‌ ఖతర్‌ వేదికగా జరుగుతున్న ఫిఫా వరల్డ్‌కప్‌లో పొట్టి బట్టలతో దర్శనమిచ్చి వరల్డ్‌ హాటెస్ట్‌ ఫ్యాన్‌గా నిలిచింది. కఠిన నిబంధనలు ఉన్న అరబ్‌ గడ్డపై అందాల ప్రదర్శన చేసిన ఆమె వార్తల్లో నిలిచింది. పైగా తన అందాలను చూపించడానికి ఖతర్‌ దేశం అనుమతి ఇచ్చిందంటూ పేర్కొంది.  తాజాగా ఇవానా నోల్‌ మరోసారి హాట్‌టాపిక్‌గా మారింది. అయితే ఈసారి అందాల ప్రదర్శన కాకుండా జపాన్‌ను అవమానిస్తూ వార్తల్లోకి ఎక్కింది. విషయంలోకి వెళితే.. ఫిఫా వరల్డ్‌కప్‌లో ప్రీక్వార్టర్స్‌లో భాగంగా సోమవారం రాత్రి క్రొయోషియా, జపాన్‌ల మధ్య మ్యాచ్‌ జరిగింది. నిర్ణీత సమయంలోగా ఇరుజట్లు 1-1తో సమంగా నిలిచాయి. దీంతో మ్యాచ్‌ పెనాల్టీ షూటౌట్‌కు దారి తీసింది. పెనాల్టీ షూటౌట్‌లో జపాన్‌ను  3-1 తేడాతో క్రొయేషియా ఓడించి క్వార్టర్‌ ఫైనల్స్‌కు దూసుకెళ్లింది.  కాగా మ్యాచ్‌ ముగిసిన తర్వాత ఇవానా నోల్‌ జపాన్‌ను ట్రోల్‌ చేసింది. జపనీయులకు సుషీ అనేది ఫెవరెట్‌ డిష్‌. వెంజర్డ్‌ రైస్‌, కూరగాయలు, ఇతర పదార్థాలను కలిపి ఈ డిష్‌ను తయారు చేస్తుంటారు. మ్యాచ్‌కు ముందు ఇవానా నోల్‌ తన ప్లేట్‌లో సుషీ డిష్‌ను ఉంచి.. ''జపాన్‌ మీకోసం మేము రెడీగా ఉన్నాం'' అంటూ పోస్ట్‌ చేసింది. దీనర్థం జపాన్‌తో కలిసి సుషీ తినడానికి మేం రెడీ అని. అయితే జపాన్‌ మ్యాచ్‌ ఓడిపోయాకా ఇవానా నోల్‌ మరో ఫోటో షేర్‌ చేసింది. ''ఈరోజు సుషీ మాత్రమే మా ఫుడ్‌మెనులో కనిపిస్తుంది.. పాపం జపాన్‌ తినే అర్హత కోల్పోయింది'' అంటూ అవమానించింది. దీనికి సంబంధించిన ఫోటోలను ఇవానా షేర్‌ చేయగా.. అవి వైరల్‌ అయ్యాయి.  View this post on Instagram A post shared by Ivana Knöll (@knolldoll) చదవండి: 'దేశానికి గోల్డ్‌ మెడల్‌ తీసుకురా అన్నప్పుడు నవ్వుకున్నా' FIFA WC: విజేతపై మెస్సీ జోస్యం.. ఆశ్చర్యపోవడం ఖాయం!     var request = 'https://www.sakshi.com/knowwidget/kwstr_5091503545.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

‘లవ్ టుడే’ సినిమాతో ఇటీవలే తెలుగు ప్రేక్షకుల పరిచయమైంది కేరళ బ్యూటీ ఇవాన. ఎలాంటి అంచనాలు లేకుండా తమిళనాట నవంబర్ 4న విడుదలైన ఈ చిత్రం అక్కడ భారీ విజయాన్ని సాధించింది. కేవలం ఐదు కోట్ల బడ్జెట్‌తో నిర్మిస్తే.. రూ.60 కోట్లకు పైగా వసూళ్లను రాబట్టి తమిళ్‌లో చరిత్ర సృష్టించింది. దీంతో ఈ సినిమాను తెలుగులోకి ప్రముఖ నిర్మాత దిల్ రాజు తీసుకొచ్చారు. నవంబర్‌ 25న టాలీవుడ్‌లో విడుదలైన ఈచిత్రానికి తొలి షో నుంచే పాజిటివ్‌ టాక్‌ వచ్చింది. విడుదలైన రెండు రోజుల్లోనే ఈ మూవీ రూ. 2.35 కోట్లకు పైగా వసూళ్లను రాబట్టింది. ఇక ఈ మూవీ సక్సెస్‌ నేపథ్యంలో తాజాగా ఓ తెలుగు చానల్‌తో ముచ్చటించింది లవ్‌ టుడే బ్యూటీ ఇవాన. ఈ సందర్భంగా ఓ తెలుగు స్టార్‌ హీరో ఫ్యాన్‌ని అంటూ ఆసక్తికర విషయం చెప్పంది. ‘‘తెలుగు సినిమాలు నేను చూస్తూనే ఉంటాను. ‘హ్యాపీ డేస్’ నుంచి ‘జాతి రత్నాలు’ వరకూ చాలా సినిమా చూశాను. తెలుగులో నా ఫేవరేట్ హీరో అల్లు అర్జున్. ఆయన సినిమాలను తప్పకుండా చూస్తుంటాను. ఆయన యాక్టింగ్, డాన్స్ అంటే నాకు చాలా ఇష్టం’’ అంటూ చెప్పుకొచ్చింది. చదవండి:  కృష్ణలో ఏదో ఆకర్షణ శక్తి ఉండేది, అందుకే ఆయనతో..: చంద్రమోహన్‌ బిగ్‌బాస్‌ 6: ఆర్జీవీతో డాన్స్‌ వీడియోపై ఇనయా సుల్తానా ఏమందంటే..

ప్రదీప్‌ రంగనాథన్‌ హీరోగా నటించి, దర్శకత్వం వహించిన తమిళ చిత్రం ‘లవ్‌ టుడే’. ఇవాన హీరోయిన్‌గా, రవీనా కీలక పాత్రలో నటించారు. ఈ నెల 4న తమిళంలో విడుదలైన ఈ చిత్రం మంచి విజయం సాధించింది. ఈ సినిమాను అదే టైటిల్‌తో ‘దిల్‌’ రాజు తెలుగులో ఈ నెల 25న విడుదల చేస్తున్నారు. ఈ సందర్భంగా జరిగిన ‘లవ్‌ టుడే’ ఆడియో, ట్రైలర్‌ లాంచ్‌ ఈవెంట్‌లో దర్శకులు వంశీ పైడిపల్లి, అనిల్‌ రావిపూడి, నటి రాధికా శరత్‌కుమార్‌ ముఖ్య అతిథులుగా పాల్గొన్నారు. ‘దిల్‌’ రాజు మాట్లాడుతూ– ‘‘చిన్న సినిమాగా విడుదలైన ‘లవ్‌ టుడే’ యాభై కోట్లకు పైగా కలెక్ట్‌ చేసింది. తమిళ ట్రైలర్‌ చూసి రీమేక్‌ ఆలోచన వచ్చింది. కానీ మ్యాజిక్‌ మిస్సవుతుందేమోనని తెలుగులో డబ్‌ చేశాం’’ అన్నారు. ‘‘తమిళంలోలానే ఈ చిత్రం తెలుగులోనూ పెద్ద విజయం సాధిస్తుందని నమ్ముతున్నాను’’ అన్నారు ప్రదీప్‌.

ప్రతిభను చాటు ఫలితం అదే వస్తుంది అని పెద్దలు చెబుతుంటారు. అలా ఆలస్యంగా శ్రమకు తగిన ఫలితం ఉంటుంది. యువ నటి ఇవనా ప్రస్తుతం అలాంటి విజయాన్ని అనుభవిస్తోంది. ఈ మలయాలి కుట్టి తన 12వ ఏట నుంచే సినిమాల్లో నటించడం మొదలెట్టింది. మొదట్లో కొన్ని మలయాళ చిత్రాల్లో నటించిన ఇవనా 2018లో బాల దర్శకత్వంలో జ్యోతిక ప్రధాన పాత్ర పోషించిన నాచియార్‌ చిత్రంలో ఈమె కీలక పాత్ర ద్వారా కోలీవుడ్‌ ఎంట్రీ ఇచ్చింది. చదవండి: అల్లు అర్జున్‌ గొప్ప మనసు.. ప్రశంసలు కురిపిస్తున్న కేరళ కలెక్టర్‌ ఆ చిత్రంలో నటిగా మంచి ప్రశంసలు అందుకున్న ఈమె ఆ తర్వాత హీరో తదితర చిత్రాల్లో నాయకిగా నటించింది. తాజాగా ప్రదీప్‌ రంగనాథన్‌ స్వీయ దర్శకత్వంలో కథానాయకుడిగా నటించిన లవ్‌ టుడే చిత్రంలో కథానాయకిగా నటించింది. ఏజీఎస్‌  ఎంటర్‌టైన్‌మెంట్‌ పతాకంపై కల్పాత్తి అఘోరం నిర్మించిన ఈ చిత్రం గత 4వ తేదీన విడుదలై విశేష ప్రేక్షకాదరణతో పొందుతోంది. కాగా ఇందులో నటి ఇవనా హీరో ప్రదీప్‌ రంగనాథన్‌తో కలిసి పడక గదిలో చాలా సన్నిహితంగా నటించిన సన్నివేశం గురించి పెద్ద చర్చే జరుగుతోంది. మూవీ సక్సెస్‌లో భాగంగా ఓ చానల్‌తో ముచ్చటించిన ఆమె దీనిపై స్పందించింది. చదవండి: రజనీకి థ్యాంక్స్‌ చెప్పిన అలనాటి హీరోయిన్‌ రాధ, ట్వీట్‌ వైరల్‌ ‘నాకు దర్శకుడు కథ చెప్పినప్పుడే ఆ సన్నివేశం గురించి నా తల్లిదండ్రులతో చర్చించాను. అందుకు వారు కథకు అవసరమైతే నటించడంలో తప్పు లేదని చెప్పారు. నటించే ముందు నేను కూడా భయపడ్డాను. కానీ సెట్‌లో ఆ సీన్‌లో నటిస్తున్నప్పుడు నేను భావించిన దానికంటే పూర్తి భిన్నంగా ఉంది. అందులో ఎలాంటి అశ్లీలత లేకుండా చిత్రీకరించారు. మూవీ చూసిన తర్వాత నా తల్లిదండ్రులు గానీ, స్నేహితులు కానీ ఎలాంటి విమర్శలను వ్యక్తం చేయలేదు’ చెప్పుకొచ్చింది. అనంతరం మాట్లాడుతూ ఇలాంటి సన్నివేశం ద్వారా ప్రేక్షకులకు మంచి సందేశం ఉంటుందనే ఉద్దేశంతోనే తాను ఈ సీన్‌లో నటించడానికి మరో కారణం అని ఇవనా పేర్కొంది.  

వాషింగ్టన్‌: అమెరికా మాజీ అధ్యక్షుడు డొనాల్డ్ ట్రంప్ కుటుంబంలో తీవ్ర విషాదం చోటు చేసుకుంది. ఆయన మొదటి భార్య ఇవానా ట్రంప్‌ (73) గురువారం కన్నుముశారు. ఈ విషయాన్ని ట్రంపే స్వయంగా తన సొంత సోషల్ మీడియా 'ట్రుత్ సోషల్' వేదికగా వెల్లడించారు. అయితే ఆమె మృతికి గల కారణాన్ని మాత్రం ట్రంప్ చెప్పలేదు. 'న్యూయార్క్ సిటీలోని తన నివాసంలో ఇవానా మరణించింది. ఆమె అందమైన, అద్భుతమైన మహిళ. గొప్ప స్ఫూర్తిదాయక జీవితాన్ని గడిపింది. ఆమెకు తన ముగ్గురు పిల్లలు డొనాల్డ్ జూనియర్, ఇవాంక, ఎరిక్‍లే సర్వస్వం. ఆమె పట్ల మేమూ గర్వపడుతున్నాం. ఇవానా ఆత్మకు శాంతి చేకూరాలి' అని ట్రంప్ భావోద్వేగ సందేశాన్ని రాసుకొచ్చారు. ఇవానా ట్రంప్‌ ఓ మోడల్. 1977లో అప్పుడు రియల్ ఎస్టేట్ డెవలపర్‌గా ఉన్న ట్రంప్‌ను పెళ్లాడారు. ఈ దంపతులకు పెళ్లైన ఏడాదికే డొనాల్డ్ జూనియర్ పుట్టాడు.  ఆ తర్వాత 1981లో ఇవాంక, 1984లో ఎరిక్ జన్మించారు.  1993లో వీరిద్దరూ విడాకులు తీసుకున్నారు.  ఆ తర్వాత ట్రంప్‌ మార్లా మ్యాపుల్స్‌ను రెండో పెళ్లి చేసుకున్నారు. 1999లో ఈమెతో కూడా విడిపోయి 2005లో మెలానియా ట్రంప్‌ను మూడో పెళ్లి చేసుకున్నారు. చదవండి: నిరసనల్లో వేల మంది.. పట్టించుకోని జంట.. ఫోటో వైరల్‌


 వాషింగ్టన్: భార్యలకు పని అప్పగించడం చాలా ప్రమాదకరమని అమెరికా రిపబ్లికన్ పార్టీ అధ్యక్ష అభ్యర్థి డొనాల్డ్ ట్రంప్ పేర్కొన్నారు. 1994లో ఏబీసీ న్యూస్'కు ఇచ్చిన ఇంటర్వ్యూలో ఆయన ఈ అభిప్రాయం వ్యక్తం చేశారు. అమెరికా అధ్యక్ష బరిలో నిలవడంతో ఈ ఇంటర్వ్యూలో బయటకు వచ్చింది. ఆ ఏడాది మార్చిలో 'ప్రైమ్ టైమ్ లైవ్'లో మాట్లాడుతూ.. తన మాజీ ఇవానాకు తన వ్యాపారంలో బాధ్యతలు అప్పగించడం వల్లే ఆమెతో వివాహబంధం విచ్ఛిన్నమైందని పేర్కొన్నారు. అట్లాంటిక్ సిటీ కాసినోస్ లో ఆమెను మేనేజనర్ నియమించానని తెలిపారు.
 
 'మీ వ్యాపారంలో భార్యకు పని అప్పగించడం చాలా ప్రమాదకరం. ఇది తెలితక్కువ ఐడియా. ఇలా చేయడం వల్లే ఇవానాతో నా వైవాహిక జీవితంలో ఒడిదుడుకులు వచ్చాయి. వివాదస్పద వ్యాపార కార్యకలాపాల గురించి ఫోన్ లో ఆమె పెద్దగా ఆరవడం నాకు నచ్చేది కాదు. భార్యగా ఉన్నప్పుడు ఇవానా సున్నితంగా వ్యహరించేంది. నా కంపెనీలో ఎగ్జిక్యూటివ్ గా నియమించాక ఆమెలో సున్నిత స్వభావం మాయమైంద'ని ట్రంప్ వెల్లడించారు.
 
 1991లో ఇవానా నుంచి విడిపోయిన తర్వాత 1993లో మార్లా మాప్లెస్ ను పెళ్లాడారు. 1997లో ఆమెకు కూడా విడాకులిచ్చారు. 2005లో మెలానియా క్నాస్ ను పెళ్లి చేసుకున్నారు. అయితే మగాళ్ల కంటే మహిళలు బాగా పనిచేస్తారని తన పుస్తకం 'ది ఆర్ట్ ఆఫ్ ది డీల్'లో ట్రంప్ పేర్కొనడం విశేషం.