దీర్ఘకాల లక్ష్యాలకు ఈక్విటీ మ్యూచువల్‌ ఫండ్స్‌ మెరుగైన ఆప్షన్‌ అనడంలో ఎలాంటి సందేహం లేదు. మరీ ముఖ్యంగా దీర్ఘకాలంలో మెరుగైన సంపద సృష్టించాలని కోరుకునే వారు నిఫ్టీ మిడ్‌క్యాప్‌ ఇండెక్స్‌ ఫండ్స్‌ను పరిశీలించొచ్చు. ఈ విభాగంలో పెట్టుబడికి తక్కువ పథకాలే అందుబాటులో ఉన్నాయి. అందులో మోతీలాల్‌ ఓస్వాల్‌ నిఫ్టీ మిడ్‌క్యాప్‌ 150 ఇండెక్స్‌ ఫండ్‌ ఒకటి. ఇన్వెస్టర్లు తమ వెసులుబాటుకు అనుగుణంగా సిస్టమ్యాటిక్‌ ఇన్వెస్ట్‌మెంట్‌ ప్లాన్‌ (సిప్‌) లేదా లంప్‌సమ్‌ రూపంలోనూ ఇన్వెస్ట్‌ చేసుకోవచ్చు.రాబడులు మోతీలాల్‌ ఓస్వాల్‌ నిఫ్టీ మిడ్‌క్యాప్‌ 150 ఇండెక్స్‌ ఫండ్‌ 2019 సెప్టెంబర్‌లో మొదలైంది. గడిచిన ఏడాది కాలంలో అసాధారణ స్థాయిలో 50 శాతం రాబడినిచ్చింది. మరీ ముఖ్యంగా మిడ్‌క్యాప్‌ షేర్ల ర్యాలీ ఈ పథకం లాభాల్లో ప్రతిఫలిస్తోంది. మూడేళ్లలో ఏటా 27.55 శాతం చొప్పున పెట్టుబడులపై ప్రతిఫలాన్ని అందించింది. ఆరంభం నుంచి చూసుకుంటే వార్షిక రాబడి రేటు 32 శాతంగా ఉంది. నిఫ్టీ 100తో పోల్చి చూస్తే నిఫ్టీ మిడ్‌క్యాప్‌ 150 ఇండెక్స్‌ పరిమిత రిస్క్‌తోనే రోలింగ్‌ రాబడులు అధికంగా ఇస్తున్నట్టు అర్థం చేసుకోవచ్చు. యాక్టివ్‌ ఫండ్స్‌తో పోలిస్తే ఇండెక్స్‌ ఫండ్స్‌ దీర్ఘకాలంలో మెరుగైన ఆప్షన్‌ అవుతుంది. వీటిల్లో ఫండ్స్‌ సంస్థలు వసూలు చేసే చార్జీలు తక్కువగా ఉంటాయి. దీంతో ఇన్వెస్టర్లకు రాబడులు మెరుగవుతాయి.దీర్ఘకాలంలో నిఫ్టీ మిడ్‌క్యాప్‌ 150 ఇండెక్స్‌ ఫండ్స్‌ మంచి రాబడులను ఇస్తాయి. కానీ, అదే సమయంలో అధిక రిస్క్‌ కూడా ఉంటుంది. కరెక్షన్లలో ఎక్కువ విలువను కోల్పోవడం ఈ విభాగంలో గమనించొచ్చు. అందుకని రిస్క్‌ భరించే సామర్థ్యంతో ఉన్న వారు, కనీసం 7–10 ఏళ్ల కాలానికి ఈ విభాగాన్ని పరిశీలించొచ్చు. అయితే, ఈ పథకం కేవలం మిడ్‌క్యాప్‌ ఒక్కటే కాకుండా, లార్జ్‌క్యాప్‌కూ ప్రాధాన్యం ఇవ్వడం వల్ల రిస్క్‌ తక్కువగా ఉంటుందని గమనించొచ్చు.పెట్టుబడులకు విధానంప్రతీ ఇన్వెస్టర్‌ ఈక్విటీ పెట్టుబడుల్లో లార్జ్‌క్యాప్‌తోపాటు మిడ్‌క్యాప్, స్మాల్‌క్యాప్‌ కంపెనీలకూ చోటు కల్పించుకోవాలి. తద్వారా రిస్క్‌ సర్దుబాటుతో అధిక రాబడులు సమకూర్చుకోవడం సాధ్యపడుతుంది. టాప్‌–100 కంపెనీల తదుపరి 150 కంపెనీల్లో ఈ పథకం ప్రధానంగా ఇన్వెస్ట్‌ చేస్తుంది. తమ పనితీరుతో చిన్న కంపెనీల నుంచి మధ్యస్థ స్థాయికి ఎదిగిన ఇవి.. దీర్ఘకాలంలో లార్జ్‌క్యాప్‌ కంపెనీలుగానూ అవతరించే అవకాశాలు ఎక్కువగా ఉంటాయి. ఇది ఇన్వెస్టర్ల రాబడులను ఇతోధికం చేస్తుంది.మార్కెట్‌ విలువ పరంగా 101 నుంచి 250 వరకు వరుసలో ఉన్న కంపెనీలు మిడ్‌క్యాప్‌ విభాగం కిందకు వస్తాయి. మిడ్‌క్యాప్‌ ఫండ్స్‌కు.. నిఫ్టీ 150 మిడ్‌క్యాప్‌ ఇండెక్స్‌ ఫండ్స్‌కు మధ్య వ్యత్యాసాన్ని గమనించినట్టయితే.. నిఫ్టీ 150 మిడ్‌క్యాప్‌ ఇండెక్స్‌ ఫండ్స్‌ ఒకే రంగానికి, ఒకే స్టాక్‌కు ఎక్కువ కేటాయింపులు చేయవు. దీంతో రిస్క్‌ను వైవిధ్యం చేసుకున్నట్టు అవుతుంది.పోర్ట్‌ఫోలియో ఈ పథకం నిర్వహణలో ప్రస్తుతం రూ.1878 కోట్ల పెట్టుబడులు ఉన్నాయి. ఇందులో 99.86 శాతం మేర ఈక్విటీల్లో ఇన్వెస్ట్‌ చేసి ఉంది. ఇందులో 41 శాతం పెట్టుబడులు లార్జ్‌క్యాప్‌ కంపెనీల్లోనే ఉన్నాయి. మిడ్‌క్యాప్‌ ఇండెక్స్‌ ఫండ్‌ అయినప్పటికీ లార్జ్‌క్యాప్‌కు ఈ స్థాయి కేటాయింపులతో రిస్క్‌ను తగ్గించే విధానాన్ని అనుసరిస్తున్నట్టు తెలుస్తోంది.మిడ్‌ క్యాప్‌ కంపెనీలకు 59 శాతం కేటాయింపులు చేసింది. రిస్క్‌ దృష్ట్యా స్మాల్‌క్యాప్‌లో ఇన్వెస్ట్‌ చేయలేదు. పోర్ట్‌ఫోలియోలో 150 స్టాక్స్‌ ఉన్నాయి. అత్యధికంగా 21 శాతం పెట్టుబడులను ఇండస్ట్రియల్స్‌ కంపెనీలకు కేటాయించింది. ఆ తర్వాత 17 శాతం మేర ఫైనాన్షియల్‌ రంగ కంపెనీల్లో, కన్జ్యూమర్‌ డిస్క్రీషినరీలో 14.39 శాతం, మెటీరియల్స్‌లో 13 శాతం, హెల్త్‌కేర్‌లో 10.52 శాతం చొప్పున ఇన్వెస్ట్‌ చేసింది. – సాక్షి, బిజినెస్‌ డెస్క్‌

మ్యూచువల్‌ ఫండ్స్‌లో ప్యాసివ్‌ ఫండ్స్‌ (ఇండెక్స్‌ ఫండ్స్‌)కు ఆదరణ పెరుగుతోంది. రెండేళ్ల క్రితం ప్యాసివ్‌ ఫండ్స్‌ నిర్వహణలో రూ.8,000 కోట్ల ఆస్తులు ఉంటే.. అవి ఇప్పుడు రూ.50,000 కోట్లకు పెరగడం ఇందుకు నిదర్శనం. ఈక్విటీ మార్కెట్లలో సానుకూలతలు, లార్జ్‌క్యాప్‌ యాక్టివ్‌ ఫండ్స్‌ పనితీరు అంత ఆశాజనకంగా లేకపోవడం, తక్కువ వ్యయాలు.. వెరసి ప్యాసివ్‌ ఫండ్స్‌కు ఆదరణ విస్తరిస్తోంది. ఆయా సూచీల్లోని స్టాక్స్‌లో ఇన్వెస్ట్‌ చేసేవే ఇండెక్స్‌ ఫండ్స్‌. ఇండెక్స్‌ పనితీరు స్థాయిలో రాబడులను అందించడం వీటి ప్రత్యేకత. యాక్టివ్‌ ఫండ్స్‌తో పోలిస్తే వీటిల్లో నిర్వహణ ఖర్చు చాలా తక్కువ. మరి రాబడులు సంగతి ఏమిటి? ఇండెక్స్‌ ఫండ్స్‌లో అసలు ఎన్ని రకాలున్నాయి? తమ లక్ష్యానికి అనుకూలమేనా? వీటికి సమాధానమే ఈ ‘ప్రాఫిట్‌ ప్లస్‌’ కథనం. నేడు వివిధ సూచీలను అనుసరించి పెట్టుబడులు పెట్టే ఇండెక్స్‌ ఫండ్స్‌ 50 వరకు ఉన్నాయి. లార్జ్‌క్యాప్, మిడ్‌క్యాప్, స్మాల్‌క్యాప్, మూమెంటమ్, క్వాలిటీ ఇలా ఎన్నో విభాగాల్లో ప్యాసివ్‌ ఫండ్స్‌ అందుబాటులో ఉన్నాయి. ఉదాహరణకు నిఫ్టీ 50 ఇండెక్స్‌ ఫండ్‌ను తీసుకుంటే.. ఈ పథకం నిఫ్టీ–50లోని కంపెనీల్లో వాటి వెయిటేజీకి తగినట్టు పెట్టుబడులు పెడుతుంది. ఇందులో ఫండ్‌ మేనేజర్‌ ప్రమేయం పెద్దగా ఉండదు. కానీ, యాక్టివ్‌ ఫండ్స్‌ అలా కాదు. ఆయా పథకం పెట్టుబడుల విధానాన్ని అనుసరించి ఇండెక్స్‌లో కాకుండా.. మంచి వృద్ధికి అవకాశం ఉన్న కంపెనీల్లో ఇన్వెస్ట్‌ చేస్తుంటాయి. వీటిని యాక్టివ్‌లీ మేనేజ్డ్‌ ఫండ్స్‌ అంటారు. వీటిల్లో రాబడులు ఫండ్స్‌ మేనేజర్‌ నైపుణ్యాలపైనే ఆధారపడి ఉంటాయి. ఎందుకంటే పెట్టుబడులు ఎక్కడ పెట్టాలన్న స్వేచ్ఛ వారికి ఉంటుంది. మార్కెట్‌ పరిస్థితులు, కంపెనీల్లో జరిగే పరిణామాలు, ఆకర్షణీయమైన అవకాశాలకు అనుగుణంగా వీరు పోర్ట్‌ఫోలియోను ఎప్పటికప్పుడు మార్పులు, చేర్పులు చేస్తూ ఉంటారు. అధిక రాబడులను ఇవ్వడమే లక్ష్యంగా పనిచేస్తుంటాయి. కనుక వీటిల్లో ఎక్స్‌పెన్స్‌ రేషియో ఎక్కువగా ఉంటుంది. ఎందుకనో గానీ, గతంతో పోలిస్తే మన మార్కెట్‌ కొంత పరిపక్వత సాధించిన నేపథ్యంలో ఏవో కొన్ని మినహాయిస్తే యాక్టివ్‌లీ మేనేజ్డ్‌ ఫండ్స్‌ రాబడులు సూచీలతో పోలిస్తే ఏమంత మెరుగ్గా ఉండడం లేదు. అందు కనే ప్యాసివ్‌ ఫండ్స్‌ మార్కెట్‌ వాటాను పెంచుకుంటున్నాయి. అభివృద్ధి చెందిన దేశాల్లో ఇండెక్స్‌ ఫండ్స్‌ మార్కెట్‌ గణనీయంగా ఉంటుంది. మన దగ్గరే ఇది ఇంకా మొగ్గ దశలోనే ఉంది. యూఎస్‌ మార్కెట్లో మొత్తం మ్యూచువల్‌ ఫండ్స్‌ ఆస్తుల్లో 35% ప్యాసివ్‌ ఫండ్స్‌ నిర్వహణలో ఉన్నాయి.   లార్జ్‌క్యాప్‌ ఇండెక్స్‌ ఫండ్స్‌ అన్నింటిలోకి లార్జ్‌క్యాప్‌ ఇండెక్స్‌ ఫండ్స్‌కు ఎక్కువ ఆదరణ ఉంది. ఎందుకంటే లార్జ్‌క్యాప్‌ విభాగంలోనే ఎక్కువ యాక్టివ్‌ ఫండ్స్‌ సూచీలకు మించి రాబడులను ఇవ్వలేకపోతున్నాయి. 2018లో సెబీ మ్యూచువల్‌ ఫండ్స్‌ పథకాల పునర్‌వ్యవస్థీకరణ చేపట్టిన తర్వాత ఇది మరింత ఎక్కువైంది. ఫలితంగా ఈ విభాగంలో ప్యాసివ్‌ ఫండ్స్‌ను ఆశ్రయించే ఇన్వెస్టర్లు పెరుగుతున్నారు. నేడు లార్జ్‌క్యాప్‌ ఇండెక్స్‌ ఫండ్స్‌లో (ప్యాసివ్‌ ఫండ్స్‌) ఎన్నో భిన్నమైన పథకాలు అందుబాటులో ఉండడాన్ని గమనించాలి. నిఫ్టీ 50 టీఆర్‌ఐ, నిఫ్టీ నెక్ట్స్‌ 50 టీఆర్‌ఐ, నిఫ్టీ 100 టీఆర్‌ఐ, ఎస్‌అండ్‌పీ బీఎస్‌ఈ సెన్సెక్స్‌ టీఆర్‌ఐ, లో వోలటాలిటీ ఇండెక్స్‌ ఫండ్స్‌ ఇలా చాలా రకాలు ఉన్నాయి. టీఆర్‌ఐ అంటే మొత్తం సూచీ రాబడులుగా చూడాలి.  నిఫ్టీ 50 టీఆర్‌ఐ, సెన్సెక్స్‌ టీఆర్‌ఐ ఫండ్స్‌ అన్నవి ఈ రెండు సూచీల్లోని అగ్రగామి లార్జ్‌క్యాప్‌ కంపెనీలను ప్రతిఫలిస్తాయి. గడిచిన పదేళ్లలో సగటున సూచీల స్థాయిలోనే ఇవి రాబడులు ఇచ్చాయి. అదే విధంగా సూచీలు ప్రతికూల రాబడులను ఇచ్చిన సందర్భాల్లోనూ ఈ పథకాల్లో నష్టాలు అదే స్థాయిలో ఉంటాయి. కనుక ఇన్వెస్టర్లు లార్జ్‌క్యాప్‌లో ఇన్వెస్ట్‌ చేయాలని భావిస్తే ఈ రెండు సూచీలకు సంబంధించి ఏదేనీ పథకాన్ని ఎంపిక చేసుకోవచ్చు. తక్కువ ఎక్స్‌పెన్స్‌ రేషియో ఉన్న పథకాన్ని ఎంపిక చేసుకోవడం సరైనది అవుతుంది. ఇండెక్స్‌ ఫండ్స్‌కు సంబంధించి ట్రాకింగ్‌ ఎర్రర్‌ అని ఒకటి ఉంటుంది. సూచీతో పోలిస్తే పథకం ఇచ్చిన రాబడులకు మధ్య ఉన్న అంతరమే ట్రాకింగ్‌ ఎర్రర్‌. చాలా వరకు లార్జ్‌క్యాప్‌ ఫండ్స్‌కు ట్రాకింగ్‌ ఎర్రర్‌ 0.10–0.27 శాతం మధ్య ఉంటుంది. అంటే ఒక సూచీ ఏడాది కాలంలో 16 శాతం రాబడులను ఇస్తే, అదే సూచీని అనుసరించే ఇండెక్స్‌ ఫండ్‌ రాబడి 15.90 శాతం మేర ఉండొచ్చు. అప్పుడు 0.10 శాతాన్ని ట్రాకింగ్‌ ఎర్రర్‌గా పేర్కొంటారు. అందుకని ఇండెక్స్‌ ఫండ్స్‌లో ఎక్స్‌పెన్స్‌ రేషియో తక్కువగా ఉన్న దానిని ఎంపిక చేసుకోవాలి. దీర్ఘకాలంలో సూచీలతో పోలిస్తే తక్కువ ట్రాకింగ్‌ ఎర్రర్‌ ఉండి, తక్కువ ఎక్స్‌పెన్స్‌ రేషియో పథకం అయితే ఇంకా మంచిది.   ఐడీఎఫ్‌సీ నిఫ్టీ ఫండ్‌లో ఎక్స్‌పెన్స్‌ రేషియో 0.08 శాతం మేర ఉంటే.. ఐసీఐసీఐ ప్రుడెన్షియల్‌ నిఫ్టీ ఇండెక్స్‌ ఫండ్‌లో 0.17 శాతం ఉంది. వీటి డైరెక్ట్‌ ప్లాన్లను ఎంపిక చేసుకోవచ్చు. అలాగే, ఐసీఐసీఐ ప్రుడెన్షియల్‌ సెన్సెక్స్‌ ఇండెక్స్‌ ఫండ్‌ 0.16 శాతం మేర ఎక్స్‌పెన్స్‌ రేషియోను వసూలు చేస్తోంటే, నిప్పన్‌ ఇండియా ఇండెక్స్‌ ఫండ్‌ సెన్సెక్స్‌ ప్లాన్‌లో ఎక్స్‌పెన్స్‌ రేషియో 0.15 శాతంగా ఉంది. వీటి ట్రాకింగ్‌ ఎర్రర్‌ 0.16 శాతంలోపే ఉంది. ఇవన్నీ మూడేళ్లకు పైగా పనిచేస్తున్న పథకాలు.   నిఫ్టీ 100 నిఫ్టీ 100 టీఆర్‌ఐ అన్నది మార్కెట్‌ విలువలో టాప్‌–100 కంపెనీలను ప్రతిఫలిస్తుంది. ఇవన్నీ లార్జ్‌క్యాప్‌ కిందకే వస్తాయి. ఈ లార్జ్‌క్యాప్‌ ఇండెక్స్‌ను ప్రతిఫలించే ప్యాసివ్‌ ఫండ్స్‌ను ఇటీవలే యాక్సిస్‌ మ్యూచువల్‌ ఫండ్, ఐడీఎఫ్‌సీ మ్యూచువల్‌ ఫండ్‌ ఆవిష్కరించాయి. కనుక ఈ పథకాలకు దీర్ఘకాల చరిత్ర లేదు. అయినప్పటికీ సూచీల స్థాయిలో రాబడిని వీటి నుంచి ఆశించొచ్చు. ఎన్‌ఎస్‌ఈ మొత్తం మార్కెట్‌ క్యాపిటలైజేషన్‌లో నిఫ్టీ 100 కంపెనీల వాటా 70 శాతంగా ఉంది. నిఫ్టీ 50, సెన్సెక్స్‌ స్థాయిలోనే రాబడులు వీటిలో ఉండొచ్చు.   నిఫ్టీ నెక్ట్స్‌ 50 మార్కెట్‌ విలువ పరంగా 51వ స్థానం నుంచి 100 వరకు ఉన్న కంపెనీలు నిఫ్టీ నెక్ట్స్‌ 50 సూచీ కిందకు వస్తాయి. టాప్‌ 50 కంపెనీలు నిఫ్టీ 50 కింద ఉంటాయి. కానీ, నిఫ్టీ–50తో పోలిస్తే నెక్ట్స్‌ 50లో ఎక్కువ అస్థిరత కనిపిస్తుంది. కనుక రిస్క్‌ను సర్దుబాటు చేసుకునే, దీర్ఘకాల ఇన్వెస్టర్లు ఈ ఫండ్స్‌ను ఎంపిక చేసుకోవచ్చు. ఈ విభాగంలో ఐసీఐసీఐ ప్రుడెన్షియల్‌ మ్యూచువల్‌ ఫండ్, యూటీఐ మ్యూచువల్‌ ఫండ్స్‌ పథకాలు ఆకర్షణీయంగా ఉన్నాయి. వీటి ట్రాకింగ్‌ ఎర్రర్‌ 0.14 శాతం మేర ఉంది. ఈ రెండూ కూడా 0.30 శాతం, 0.33 శాతం మేర ఎక్స్‌పెన్స్‌ రేషియోను వసూలు చేస్తున్నాయి. ఒకవేళ ఇన్వెస్టర్లు ఎవరైనా నిఫ్టీ–50, నిఫ్టీ నెక్ట్స్‌50 పథకాల్లో విడిగా ఇన్వెస్ట్‌ చేసుకునేట్టు అయితే.. దీనికి బదులు నేరుగా నిఫ్టీ 100 ఇండెక్స్‌ ఫండ్‌ను ఎంపిక చేసుకోవడం మంచి నిర్ణయం అవుతుంది. ఎందుకంటే ఈ రెండు సూచీల్లో ఉండే కంపెనీలే నిఫ్టీ 100 సూచీలోనూ ఉంటాయి. కాకపోతే వెయిటేజీ పరంగా అంతరం చూడొచ్చు.     మిడ్‌ క్యాప్‌ ఇండెక్స్‌ ఫండ్స్‌ అధిక రిస్క్‌ను భరించగలిగే ఇన్వెస్టర్లు మిడ్‌క్యాప్‌ విభాగంలో ఇండెక్స్‌ ఫండ్స్‌ కోసం చూస్తుంటే.. నిఫ్టీ 150 టీఆర్‌ఐను అనుసరించే నాలుగు పథకాలు ఉన్నాయి. ఇక్కడ యాక్టివ్, ప్యాసివ్‌ ఫండ్స్‌ గురించి ఒక విషయం చెప్పుకోవాలి. మిడ్‌క్యాప్‌ విభాగంలో ఒక్క యాక్సిస్‌ మిడ్‌క్యాప్‌ ఫండ్‌ మినహా మిగిలిన అన్ని యాక్టివ్‌ పథకాలు సూచీలకు సమానంగా, అంతకంటే అధిక రాబడులను ఇచ్చాయి. కానీ, ప్రతికూల పరిస్థితుల్లో సూచీలతో పోలిస్తే అధిక నష్టాలను కూడా పంచాయి. అందుకనే ఈ విభాగంలో ఇండెక్స్‌ ఫండ్స్‌ ఎంపిక మెరుగైనది అవుతుంది. ఉన్న నాలుగు ఇండెక్స్‌ ఫండ్స్‌లో మూడు 2021లో మొదలైనవి. మోతీలాల్‌ ఓస్వాల్‌కు చెందిన పథకం 2019లో ప్రారంభమైంది. కనుక వీటి రాబడులను విశ్లేషించడానికి కొంత సమయం ఇవ్వాల్సిందే.     స్మాల్‌క్యాప్‌ ఇండెక్స్‌ ఫండ్స్‌ స్మాల్‌క్యాప్‌ ఇండెక్స్‌ ఫండ్స్‌ కూడా ఇటీవలి కాలంలో అందుబాటులోకి వచ్చినవే. వీటికి సంబంధించి దీర్ఘకాల ట్రాక్‌ రికార్డు లేదు. ఈ విభాగంలో మూడు పథకాలు ఉండగా, అన్నీ నిఫ్టీ స్మాల్‌క్యాప్‌ 250టీఆర్‌ఐను అనుసరించేవే. స్ట్రాటజీ ఇండెక్స్‌ ఫండ్స్‌ (వ్యూహాత్మకమైనవి) ఇండెక్స్‌లోని కాంపోనెంట్స్‌లోనే కొన్ని అంశాల ఆధారంగా ఎంపిక చేసిన షేర్లలో ఇవి ఇన్వెస్ట్‌ చేస్తుంటాయి. ఉదాహరణకు నిఫ్టీ 200 మూమెంటమ్‌ 30 ఇండెక్స్‌ ఫండ్‌ అన్నది.. నిఫ్టీ 200 ఇండెక్స్‌లోని మూమెంటమ్‌ పరంగా టాప్‌ 30 కంపెనీల్లో ఇన్వెస్ట్‌ చేస్తుంది. ఇందుకు ఆయా స్టాక్స్‌ ధరల కదలికలు ప్రామాణికం అవుతాయి. అలాగే, నిఫ్టీ 100 లో వోలటాలిటీ 30 ఇండెక్స్‌ కూడా ఒకటి. అంటే నిఫ్టీ 100 సూచీలోని 100 కంపెనీల్లో తక్కువ అస్థిరతలతో ఉన్న 30 కంపెనీల్లో ఇన్వెస్ట్‌ చేస్తుంది. నిఫ్టీ 50, నిఫ్టీ 100 ఇండెక్స్‌లకు సంబంధించి ఈక్వల్‌ వెయిట్‌ ఫండ్స్‌ కూడా ఉన్నాయి. ఇవేమి చేస్తాయంటే ఆయా సూచీల్లోని కంపెనీల్లో వాటికున్న వెయిటేజీ ప్రకారం ఇన్వెస్ట్‌ చేయవు. అన్ని కంపెనీలకు సమాన కేటాయింపులు చేస్తాయి. ఉదాహరణకు నిఫ్టీ 50లో ఒక్క రిలయన్స్‌ వెయిటేజీ 10.86 శాతంగా ఉంది. సాధారణ నిఫ్టీ 50 ఫండ్‌ అయితే తనవద్దనున్న నిర్వహణ ఆస్తుల్లో 10.86 శాతాన్ని రిలయన్స్‌కు కేటాయిస్తుంది. ఈక్వల్‌ వెయిట్‌ ఇండెక్స్‌ ఫండ్‌ అలా కాదు. నిఫ్టీ 50 కంపెనీలకు ఒక్కో దానికి 2 శాతం చొప్పున కేటాయింపులు చేస్తుంది. దీనివల్ల ఒకటే రంగంలో ఎక్కువ పెట్టుబడులు పోగు పడవు. నిఫ్టీలో బ్యాంకింగ్‌ ఇండెక్స్‌కు వెయిటేజీ ఎక్కువ. ఈక్వల్‌ వెయిటేజీ ఇండెక్స్‌ ఫండ్‌కు వస్తే సమాన కేటాయింపులు చేస్తుంది కనుక దీన్ని నిరోధించొచ్చు. ఇండెక్స్‌ ఫండ్స్‌లోనే భిన్నమైన ఎక్స్‌పోజర్‌ కోరుకునే వారికి ఇవి అనుకూలంగా ఉంటాయి.   నిఫ్టీ 100 క్వాలిటీ 30 ఇండెక్స్‌ క్వాలిటీ స్కోరు ఆధారంగా నిఫ్టీ 100 కంపెనీల్లో మెరుగైన 30 కంపెనీల్లో పెట్టుబడులు పెడతాయి. క్వాలిటీ అంటే.. అధిక లాభదాయకత ను చూపిస్తున్న కంపెనీలు. అంటే కంపెనీల రిటర్న్‌ ఆన్‌ ఈక్విటీ (ఆర్‌వోఈ) అధికంగా ఉంటుంది. ఈక్విటీతో పోలిస్తే తక్కువ రుణ భారం ఉన్నవి. అలాగే, ఆదాయం, లాభాల్లో పెద్దగా అస్థిరతలు లేనివి ఈ ఇండెక్స్‌ కిందకు వస్తాయి. క్వాలిటీ స్కోరు, ఫ్రీ ఫ్లోట్‌ మా ర్కెట్‌ క్యాప్‌ ఆధారంగా కేటాయింపులు ఉంటాయి. అయితే, నిఫ్టీ 100 క్వాలిటీ 30 ఇండెక్స్‌ రాబడులు.. నిఫ్టీ 100 కంటే గడిచిన 3–5 ఏళ్లలో తక్కువగా ఉన్నాయి. ఇక్కడ నాణ్యతకు, తక్కువ అస్థిరతలకు ప్రాధాన్యం ఉం టుంది. అందుకని రాబడి తక్కువ ఉన్నప్పటికీ, మార్కెట్‌ పతనాల్లో నషా ్టలు కూడా పరి మితంగా ఉంటాయని గమనించాలి. ఈ విభాగంలో ఎడెల్వీజ్‌ మ్యూచు వల్‌ ఫండ్‌ ఒక్కటే నిఫ్టీ 100 క్వాలిటీ 30 ఇండెక్స్‌ ఫండ్‌ను ఆఫర్‌ చేస్తోంది. ప్రారంభించి ఆరు నెలలే అయింది. ఎక్స్‌పెన్స్‌ రేషియో 0.27 శాతమే ఉంది. నిఫ్టీ 200 మోమెంటమ్‌ 30 ఇండెక్స్‌ ఇటీవలి కాలంలో మంచి పనితీరు చూపిం చిన కంపెనీలు ఈ ఇండెక్స్‌ పరిధిలోకి వస్తాయి. గడిచిన 6, 12 నెలల్లో నిఫ్టీ టాప్‌ 200 కంపెనీల్లో (లార్జ్‌ అండ్‌ మిడ్‌క్యాప్‌) అధిక రాబడులను ఇచ్చిన టాప్‌ 30 కంపెనీలను ఎంపిక చేసుకుని ఇన్వెస్ట్‌ చేసేవే నిఫ్టీ 200 మూమెంటమ్‌ 30 ఇండెక్స్‌ ఫండ్స్‌. సూచీల కంటే ఈ పథకాల్లో రాబడి 6% అధికంగా ఉంది. యూటీఐ మ్యూచువల్‌ పండ్, మోతీలాల్‌ ఓస్వాల్‌ మ్యూ చువల్‌ ఫండ్‌ సంస్థలు ఈ పథకాలను అందిస్తున్నాయి. ఈ రెండూ గడచిన ఏడాది కాలంలో ఆరంభమైనవి. పెద్దగా ట్రాక్‌ రికార్డు లేదు. గమనిక యాక్టివ్‌ ఫండ్స్‌కు సంబంధించి స్మాల్‌క్యాప్‌ విభాగం ఒక్కటీ భిన్నంగా ఉంది.  అన్ని పేరున్న స్మాల్‌క్యాప్‌ యాక్టివ్‌ పథకాలు సూచీలకంటే అధిక రాబడులిస్తున్నాయి. అంతేకాదు, అస్థిరతలూ తక్కువగా ఉంటున్నాయి. అధిక రిస్క్‌ భరించగలిగేవారు స్మాల్‌క్యాప్‌ విభాగంలో ఇండెక్స్‌ ఫండ్స్‌కు బదులు  యాక్టివ్‌ స్మాల్‌క్యాప్‌ ఫండ్స్‌కు వెళ్లొచ్చు. వీటిలో ఎస్‌బీఐ, యాక్సిస్, నిప్పన్‌ ఇండియా స్మాల్‌క్యాప్‌ ఫండ్‌ మంచి పనితీరు చూపిస్తున్నాయి. 

న్యూఢిల్లీ: స్టాక్‌ ఎక్సే్ఛంజీ దిగ్గజం ఎన్‌ఎస్‌ఈ మిడ్‌ క్యాప్‌ స్టాక్స్‌లోనూ డెరివేటివ్స్‌ను ప్రవేశపెట్టనున్నట్లు తాజాగా వెల్లడించింది. ఈ నెల 24 నుంచీ నిఫ్టీ మిడ్‌క్యాప్‌ సెలెక్ట్‌ ఇండెక్స్‌లో కాంట్రాక్టులను అనుమతించనున్నట్లు తెలియజేసింది. ఇందుకు క్యాపిటల్‌ మార్కెట్ల నియంత్రణ సంస్థ సెబీ నుంచి అనుమతులు పొందినట్లు పేర్కొంది. నిఫ్టీ మిడ్‌క్యాప్‌ 150 ఇండెక్స్‌ నుంచి ఎంపిక చేసిన 25 స్టాక్స్‌తోకూడిన పోర్ట్‌ఫోలియోను నిఫ్టీ మిడ్‌క్యాప్‌ సెలెక్ట్‌ ఇండెక్స్‌ ట్రాక్‌ చేస్తుందని వివరించింది. ఈ ఇండెక్స్‌లో భాగమైన స్టాక్స్‌లోనూ విడిగా డెరివేటివ్స్‌ అందుబాటులో ఉంటాయని తెలియజేసింది. ఒక్కో స్టాక్‌కు ఫ్రీఫ్లోట్‌ మార్కెట్‌ క్యాపిటలైజేషన్‌ పద్ధతిలో వెయిటేజీ ఉంటుందని వివరించింది. ఫ్యూచర్స్‌ అండ్‌ ఆప్షన్స్‌లో భాగంగా నెలవారీ గడువు కాంట్రాక్టును మినహాయించి వారం రోజుల్లో గడువు ముగిసే(వీక్లీ) కాంట్రాక్టులతోపాటు, మరో మూడు నెలవారీ సీరియల్‌ కాంట్రాక్టులకు అనుమతిస్తున్నట్లు పేర్కొంది.   లార్జ్‌ క్యాప్స్‌లో..: ప్రస్తుతం ఇండెక్స్‌ డెరివేటివ్స్‌ ప్రధానంగా లార్జ్‌ క్యాప్‌ స్టాక్స్‌ లేదా రంగాల ఆధారంగా ఎంపిక చేసిన కౌంటర్లలో అందుబాటులో ఉన్నట్లు ఎన్‌ఎస్‌ఈ సీఈవో, ఎండీ విక్రమ్‌ లిమాయే ఈ సందర్భంగా పేర్కొన్నారు. మార్కెట్‌ క్యాపిటలైజేషన్‌లో మిడ్‌క్యాప్స్‌ 17 శాతం వాటాను కలిగి ఉన్నట్లు తెలియజేశారు. పోర్ట్‌ఫోలియో రిస్కును తగ్గించుకునే బాటలో నిఫ్టీ మిడ్‌క్యాప్‌ సెలెక్ట్‌ ఇండెక్స్‌లో డెరివేటివ్స్‌ అదనపు హెడ్జింగ్‌ టూల్‌గా వినియోగపడతాయని వివరించారు. ఇటీవల మార్కెట్‌ ర్యాలీలో విభిన్నతరహా ఇన్వెస్టర్ల నుంచి మిడ్‌క్యాప్‌లో లావాదేవీలు పెరగడం, లిక్విడిటీ పుంజుకోవడం వంటి అంశాల నేపథ్యంలో ఎన్‌ఎస్‌ఈ నిర్ణయానికి ప్రాధాన్యత ఏర్పడినట్లు నిపుణులు పేర్కొన్నారు. నిఫ్టీ మిడ్‌క్యాప్‌ సెలెక్ట్‌ ఇండెక్స్‌ ఏడాదిలో 39% వృద్ధి చూపడం గమనార్హం! 

మిడ్‌క్యాప్‌, స్మాల్‌క్యాప్‌ షేర్లు ఈ జూన్‌1 తేది నుంచి లార్జ్‌క్యాప్‌ షేర్ల కంటే అధిక లాభాల్ని ఆర్జిస్తున్నాయి. లాక్‌డౌన్‌ విధింపుతో రిటైల్‌ ఇన్వెస్టర్లు స్టాక్‌మార్కెట్లోకి రావడం ఇందుకు కారణమైనట్లు మార్కెట్‌ నిపుణులు భావిస్తున్నారు. ఈ జూన్‌ 1నుంచి బీఎస్‌ఈ మిడ్‌క్యాప్‌ ఇండెక్స్‌ 13.6శాతం, స్మాల్‌క్యాప్‌ ఇండెక్స్‌ 17.2శాతం ర్యాలీ చేయగా, బీఎస్‌ఈ సెన్సెక్స్‌ మాత్రం 12.50శాతం మాత్రమే పెరిగింది. గత కొన్నేళ్లుగా ర్యాలీలో వెనుకబడిన రియల్‌ ఎస్టేట్‌, ప్రభుత్వరంగ బ్యాంక్స్‌లకు చెందిన మధ్య, చిన్న తరహా కంపెనీల షేర్లకు అధికంగా కొనుగోళ్ల మద్దతు లభించినట్లు గణాంకాలు చెబుతున్నాయి. రిటైల్‌ ఇన్వెస్టర్ల మార్కెట్‌ పతనంలో భాగంగా కనిష్టస్థాయిలకు పతమైన మిడ్‌క్యాప్‌, స్మాల్‌ క్యాప్‌ షేర్లను అధికంగా కొనుగోలు చేశాయని బ్రోకరేజ్‌ సంస్థలు తెలిపాయి.  ఈ జూన్‌లో రిటైల్‌, హైనెట్‌వర్త్‌ ఇన్వెస్టర్లు స్మాల్‌, మిడ్‌క్యాప్‌ షేర్లను కొనేందుకు ఆసక్తి చూపారు. ఈ క్యాలెండర్‌ ఇయర్స్‌లో ప్రస్తుతం మిడ్‌క్యాప్‌ ఇండెక్స్‌ లార్జ్‌క్యాప్‌ ఇండెక్స్‌ కంటే అత్యుత్తమ ప్రదర్శన కొనసాగిస్తోంది. ఈ పరిస్థితులు విస్తృత మార్కెట్లో అధిక రిస్క్‌ భరించే స్థాయిని సూచిస్తుంది.’’ అని మోతీలాల్‌ ఓస్వాల్‌ ఈక్విటీస్‌ సీఈవో రాజ్‌ఘరియా తెలిపారు. ప్రభుత్వరంగ రిటైల్‌ రంగాలకు చెందిన చెందిన స్మాల్‌, మిడ్‌క్యాప్‌ షేర్లు అధిక రాణిస్తున్నాయని ఆయన తెలిపారు. మిడ్‌క్యాప్‌ విభాగంలో ప్రభుత్వరంగ బ్యాంకింగ్‌ షేర్ల కొనుగోళ్లు రిటైల్‌ ఇన్వెస్టర్లు అధికంగా ఆసక్తి చూపినట్లు తెలుస్తోంది. ఐడీబీఐ బ్యాంక్‌, బ్యాంక్‌ ఆఫ్‌ బరోడా, ఇండియా బ్యాంక్‌ సేర్లు ఈ జూన్‌ ప్రారంభం నుంచి 39శాతం నుంచి 108శాతం లాభపడ్డాయి. గతకొన్నేళ్లుగా పీఎస్‌యూ బ్యాంక్‌, రియల్‌ ఎస్టేట్‌ షేర్లు ర్యాలీలో బాగా వెనుకబడ్డాయి. గడిచిన 11ఏళ్లలో బీఎస్‌ఈ రియాల్టీ ఇండెక్స్‌ 7ఏళ్లను నష్టాలను నమోదు చేసింది. అలాగే బీఎస్‌ఈ పీఎస్‌యూ ఇండెక్స్‌ 2010 నుంచి 6ఏళ్లు నష్టాలను చవిచూసింది. ఎన్‌పీఎ సంబంధిత ఆందోళలు, మార్కెట్‌లో వాటాను కోల్పోవడంతో పీఎస్‌యూ బ్యాంక్‌ షేర్లు అమ్మకాల ఒత్తిడిని ఎదుర్కోన్నాయి. అలాగే నెమ్మదించిన అమ్మకాలు, పెరిగిన రుణాలతో రియల్‌ ఎస్టేట్‌ షేర్ల పతనాన్ని చవిచూశాయి. ‘‘మిడ్‌క్యాప్‌ ఇండెక్స్‌ 2018 జనవరిలో గరిష్టాన్ని తాకినప్పటికీ నుంచి మిడ్‌క్యాప్‌ షేర్లు చవిచూసిన మూడేళ్ల సైకిల్‌కు ఇది ముగింపు. ఈ మార్చిలో నిఫ్టీ ఇండెక్స్‌ 7500 కనిష్టస్థాయిని తాకినపుడు ఇవి బాటమ్‌ లైన్‌ను తాకాయి. అలాగే కనిష్టాలను చవిచూసిన ప్రతిషేరుకు కొనుగోళ్ల మద్దతు లభిస్తోంది.’’ అని ఐఐఎఫ్‌ఎల్‌ ఇన్‌స్టిస్యూషనల్‌ ఈక్విటీస్‌ డైరెక్టర్‌ సంజీవ్‌ భాసిన్‌ తెలిపారు. ప్రస్తుత ర్యాలీ భారీ పతనాన్ని చవిచూసిన పీఎస్‌యూ బ్యాంకులతో మొదలైంది. పీఎస్‌యూ బ్యాంకులు బలమైన రీ-రేటింగ్‌ పొటెన్షియల్‌ను కలిగి ఉన్నాయి.

గతేడాది లార్జ్‌క్యాప్‌ స్టాక్స్‌ ర్యాలీ చేస్తే, మిడ్‌క్యాప్‌ స్టాక్స్‌ నష్టపోయాయి. లార్జ్‌క్యాప్‌ ఫండ్స్‌లో ఇన్వెస్ట్‌ చేసిన వారికి లాభాలు, మిడ్‌క్యాప్‌ ఫండ్స్‌లో వారికి నష్టాలు మిగిలాయి. కానీ, ఇదే పనితీరు ఎల్లప్పుడూ కొనసాగదు. ఒక్కోసారి ఒక్కో విభాగం ర్యాలీ చేస్తే, మరో విభాగం నష్టపోవచ్చు. కొన్ని సందర్భాల్లో అన్ని రకాల స్టాక్స్‌తో కూడిన విస్తృత ర్యాలీ కూడా ఉంటుంది. అందుకే ఇన్వెస్టర్లు ఈ తరహా ఒక్కో విభాగం ర్యాలీ చేసిన సమయాల్లోనూ ప్రయోజనం పొందేందుకు లార్జ్‌ అండ్‌ మిడ్‌క్యాప్‌ ఫండ్స్‌ అనుకూలంగా ఉంటాయి. అలాగే, రెండు విభాగాలు ర్యాలీ చేసిన సందర్భాల్లో మరింత లాభపడొచ్చు. లార్జ్‌ అండ్‌ మిడ్‌క్యాప్‌ విభాగంలో ఇన్వెస్ట్‌ చేయాలనుకునే వారు కెనరా రొబెకో ఎమర్జింగ్‌ ఈక్విటీస్‌ పథకాన్ని పరిశీలించొచ్చు. పథకం రూపం...  సెబీ నిబంధనల ప్రకారం లార్జ్‌ అండ్‌ మిడ్‌ క్యాప్‌ ఫండ్స్‌ ఒక్కో విభాగంలో కనీసం 35 శాతం చొప్పున పెట్టుబడులు పెట్టాల్సి ఉంటుంది. కెనరా రొబెకో ఎమర్జింగ్‌ ఈక్విటీస్‌ అన్నది గతంలో మిడ్‌క్యాప్‌ ఫండ్‌. 2018లో సెబీ మ్యూచువల్‌ ఫండ్స్‌ పథకాల వర్గీకరణల్లో మార్పుల తర్వాత లార్జ్‌ అండ్‌ మిడ్‌క్యాప్‌ ఫండ్‌గా రూపం మార్చుకుంది. అంటే గతంలో మిడ్‌క్యాప్‌ పథకంగా 65 శాతం వరకు మిడ్‌క్యాప్‌ స్టాక్స్‌లో ఎక్స్‌పోజర్‌ కలిగి ఉండేది. దాంతో రిస్క్‌ అధికం. ఇప్పుడు లార్జ్‌క్యాప్‌ పెట్టుబడులతోనూ ఉండడం కొంత రిస్క్‌ను తగ్గించేదే. అయితే, అదే సమయంలో ఈ పథకంలోని మిడ్‌క్యాప్, స్మాల్‌క్యాప్‌ పెట్టుబడులపై రిస్క్‌ ఎక్కువగా ఉంటుంది. కనుక మోస్తరు రిస్క్‌ తీసుకునే వారు దీర్ఘకాలం కోసం సిప్‌ ద్వారా ఇన్వెస్ట్‌మెంట్‌ను పరిశీలించొచ్చు. పనితీరు  కెనరా రొబెకో ఎమర్జింగ్‌ ఈక్విటీస్‌లో ఏడాది రాబడులు 10.20 శాతంగా ఉన్నాయి. అదే మూడేళ్ల కాలంలో వార్షికంగా 14.3 శాతం, ఐదేళ్లలో వార్షికంగా 11.5 శాతంగా ఉన్నాయి. గతంలో కేవలం మిడ్‌క్యాప్‌ ఫండ్‌గానే ఉండడం, ప్రస్తుతం లార్జ్‌ అండ్‌ మిడ్‌క్యాప్‌ ఫండ్‌గా మారినందున భవిష్యత్తు రాబడులు భిన్నంగా ఉండొచ్చు. అంటే దీర్ఘకాలానికి (5–10 ఏళ్ల కాలంలో) ఇంకాస్త మెరుగైన రాబడులను ఆశించొచ్చు. ఏడేళ్ల కాలంలో ఈ పథకం వార్షికంగా 19.65 శాతం, పదేళ్ల కాలంలో వార్షికంగా 17.77 శాతం చొప్పున రాబడులను ఇచ్చినట్టు గణాంకాలు స్పష్టం చేస్తున్నాయి. పోర్ట్‌ఫోలియో  మార్కెట్‌ పరిస్థితులకు అనుగుణంగా రంగాలు, స్టాక్స్‌ ఎంపికను ఈ ఫండ్‌ మేనేజర్‌ చేస్తుంటారు. డైవర్సిఫైడ్‌ పోర్ట్‌ఫోలియోను ఇందులో చూడొచ్చు. బ్యాంకింగ్‌ అండ్‌ ఫైనాన్షియల్‌ రంగానికి పెద్ద పీట వేస్తూ 33.5 శాతం పెట్టుబడులను ఈ రంగాలకు చెందిన స్టాక్స్‌లోనే ఇన్వెస్ట్‌ చేయడాన్ని గమనించొచ్చు. ఆ తర్వాత సేవల రంగానికి చెందిన స్టాక్స్‌లో 10 శాతం, హెల్త్‌ కేర్‌ స్టాక్స్‌లో 8 శాతం వరకు పెట్టుబడులు ఉన్నాయి. టాప్‌ 10 స్టాక్స్‌లో ఈ ఫండ్‌ మొత్తం పెట్టుబడులు 37 శాతం వరకు ఉన్నాయి. ప్రస్తుతానికి ఈ పథకంలో 48.5 శాతం పెట్టుబడులు మెగా, లార్జ్‌క్యాప్‌ స్టాక్స్‌లో, 47 శాతం మిడ్‌క్యాప్‌లో, 4 శాతం స్మాల్‌క్యాప్‌ స్టాక్స్‌లో ఉన్నాయి.

హైదరాబాద్, బిజినెస్‌ బ్యూరో: చౌక వేల్యుయేషన్స్‌కు లభిస్తున్న మిడ్‌క్యాప్, స్మాల్‌క్యాప్‌ షేర్లు .. ఇన్వెస్ట్‌మెంట్‌కు ఆకర్షణీయంగా ఉన్నాయని టాటా అసెట్‌ మేనేజ్‌మెంట్‌ ఫండ్‌ మేనేజర్‌ శైలేష్‌ జైన్‌ తెలిపారు. గతంలో భారీ ప్రీమియం పలికిన ఈ స్టాక్స్‌.. ప్రస్తుతం లార్జ్‌క్యాప్‌ షేర్లతో పోలిస్తే 10 శాతం పైగా డిస్కౌంట్‌తో లభిస్తున్నాయన్నారు. కార్పొరేట్ల ఆదాయాల వృద్ధి 10 శాతం పైగా నమోదు కావొచ్చని, జూన్‌ త్రైమాసికం నుంచి మార్కెట్‌ పరిస్థితులు మరింత సానుకూలంగా ఉండవచ్చని జైన్‌ చెప్పారు. రంగాలవారీగా చూస్తే కార్పొరేట్‌ బ్యాంకులు, టెలికం వంటివి ఆకర్షణీయంగా బుధవారమిక్కడ విలేకరులకు తెలిపారు.   క్వాంట్‌ ఫండ్‌..: ఈ సందర్భంగా టాటా క్వాంట్‌ ఫండ్‌ వివరాలను జైన్‌ వెల్లడించారు. జనవరి 3న ప్రారంభమైన ఈ ఓపెన్‌ ఎండెడ్‌ ఈక్విటీ మ్యూచువల్‌ ఫండ్‌ పథకం 17న ముగియనుంది. ఆర్టిఫిషియల్‌ ఇంటెలిజెన్స్, మెషీన్‌ లెర్నింగ్‌ వంటి సాంకేతికతల ఆధారంగా ఈ స్కీమ్‌లో పెట్టుబడి విధానం ఉంటుందని జైన్‌ చెప్పారు. మెరుగైన రాబడులు ఇచ్చేందుకు, రిస్కులను తగ్గించేందుకు ఇది గణనీయంగా తోడ్పడగలదని పేర్కొన్నారు.

ఈక్విటీ మార్కెట్లలో సాధారణంగా అస్థిరతలు ఉంటుంటాయి. కానీ, కొన్ని సందర్భాల్లో ఇవి అసాధారణ స్థాయికి చేరుతుంటాయి. ముఖ్యంగా ఈ తరహా ఆటుపోట్లు, అనిశ్చిత పరిస్థితుల్లో మల్టీక్యాప్‌ విభాగం ఈక్విటీ ఇన్వెస్టర్లను ఆకర్షిస్తుంటుంది. ఎందుకంటే ఈ విభాగంలోని మ్యూచువల్‌ ఫండ్స్‌ పథకాలు కేవలం ఒక విభాగానికే పరిమితం కాకుం డా.. చిన్న, మధ్య, పెద్ద స్థాయి ఇలా అన్ని ర కాల మార్కెట్‌ విలువతో కూడిన స్టాక్స్‌లో ఇన్వెస్ట్‌ చేసే వెసులుబాటుతో ఉంటాయి. మార్కెట్‌ పరిస్థితులకు అనుగుణంగా స్పందించే వెసులుబాటు వీ టి కి ఉంటుంది. అయినప్పటికీ ఈ పథకాలు లార్జ్‌క్యాప్‌నకు, మధ్య స్థాయి విభాగంలోని పెద్ద కంపెనీలకు ఎక్కువ ప్రాధాన్యం ఇస్తాయి. ఎందుకంటే వీటిల్లో లిక్విడిటీ ఎక్కువగా ఉండడం వల్ల అవసరమైన సందర్భాల్లో వేగంగా విక్రయించేందుకు వీలుంటుంది. అలాగే, అధిక రాబడుల కోసం స్మాల్, మిడ్‌క్యాప్‌లోనూ కొంత మేర ఇన్వెస్ట్‌ చేస్తుంటాయి. మల్టీక్యాప్‌ విభాగంలో ఇన్వెస్టర్లు తప్పక పరిశీలించాల్సిన పథకాల్లో ఆదిత్య బిర్లా సన్‌లైఫ్‌ (ఏబీఎస్‌ఎల్‌) ఈక్విటీ ఫండ్‌ ప్రధానమైనది.     రాబడులు ఏబీఎస్‌ఎల్‌ ఈక్విటీ ఫండ్‌లో మిడ్, స్మాల్‌క్యాప్‌ స్టాక్స్‌ వాటా సాధారణంగా 25 నుంచి 35 శాతం మధ్య ఉంటుంది. మిగిలిన పెట్టుబడులను ఈ పథకం లార్జ్‌క్యాప్‌ కంపెనీలకు కేటాయిస్తుంది. ఇది డైవర్సిఫైడ్‌ ఈక్విటీ ఫండ్‌. 1998లో ఈ పథకం ఆరంభం కాగా, నాడు రూ.లక్ష ఇన్వెస్ట్‌ చేసి ఉంటే 2017 నాటికి రూ.73 లక్షలు అయ్యేవి. 73 రెట్లు వృద్ధి చెందినట్టు. దీర్ఘకాలంలో ఈ పథకం చక్కని పనితీరును చూపించింది. మూడేళ్ల కాలంలో ఏబీఎస్‌ఎల్‌ ఈక్విటీ పథకం వార్షికంగా 11.47 శాతం చొప్పున రాబడులను ఇవ్వగా, ఇదే కాలంలో బీఎస్‌ఈ 200 టోటల్‌ రిటర్న్‌ ఇండెక్స్‌ ఇచ్చిన వార్షిక రాబడులు 12.22 శాతంగా ఉన్నాయి. కానీ ఐదేళ్ల కాలంలో మాత్రం బీఎస్‌ఈ 200 రాబడులు 10.55 శాతంతో పోలిస్తే.. ఏబీఎస్‌ఎల్‌ ఈక్విటీ ఫండ్‌ అధికంగా, 11.38 శాతం చొప్పున వార్షిక రాబడులను ఇన్వెస్టర్లకు పంచింది. ఏడేళ్లలో 16.86 శాతం, పదేళ్ల కాలంలో 14.34 శాతం, 12 ఏళ్లలో 10.59 శాతం, 15 ఏళ్లలో 18.99 శాతం చొప్పున వార్షిక రాబడులను ఏబీఎస్‌ఎల్‌ ఈక్విటీ పథకం ఇచ్చింది. ఆరంభం నుంచి చూసుకుంటే బీఎస్‌ఈ 200కు మించి పనితీరు చూపించడమే కాకుండా, 22.64 శాతం చొప్పున కాంపౌండెడ్‌ వార్షిక ప్రతిఫలాన్ని ఇచ్చింది. పెట్టుబడుల విధానం ఈ పథకం పెట్టుబడుల విధానం టాప్‌డౌన్, బోటమ్‌ అప్‌ విధానాల మిశ్రమంగా ఉంటుంది.  బోటమ్‌అప్‌ స్టాక్‌ ఎంపికలో భాగంగా ఫండ్‌ మేనేజర్‌.. ఏ కంపెనీలు ప్రస్తుత స్థాయి నుంచి మంచిగా వృద్ధి చెందగలవన్నది చూసి వాటిల్లో ఇన్వెస్ట్‌ చేస్తారు. ఈ పథకం ప్రైవేటు బ్యాంకులు, మెటల్స్, ఫార్మా, సిమెంట్‌ రంగాల స్టాక్స్‌ పట్ల అధిక వెయిటేజీతో ఉంది. ఐసీఐసీఐ బ్యాంకు, హెచ్‌డీఎఫ్‌సీ బ్యాంకు, డాక్టర్‌ రెడ్డీస్, ఐటీసీలో అధిక పెట్టుబడులు కలిగి ఉంది. హెచ్‌డీఎఫ్‌సీ       బ్యాంకు విషయానికొస్తే.. మంచి ఆస్తుల     నాణ్యత, బలమైన రిటైల్‌ ఫ్రాంచైజీ కలిగిన బ్యాంకు. 20 శాతానికి పైగా ఎర్నింగ్స్‌ వృద్ధి కారణంగా ఈ స్టాక్‌ అధిక వ్యాల్యూషన్‌ కొనసాగుతుంది. ఐసీఐసీఐ బ్యాంకు టర్న్‌ అరౌండ్‌ స్టోరీ. ఐటీసీ ఇతర కన్జ్యూమర్‌ స్టాపుల్‌ స్టాక్స్‌తో పోలిస్తే     చౌకగా ఉంది. ఉత్పత్తుల పోర్ట్‌ఫోలియో దృష్ట్యా రానున్న 15–18 నెలల కాలానికి డాక్టర్‌ రెడ్డీస్‌ ఆకర్షణీయంగా ఉంది.   డి.జయంత్‌కుమార్‌ థర్డ్‌పార్టీ ప్రొడక్ట్స్‌ హెడ్, కార్వీ స్టాక్‌ బ్రోకింగ్‌

మిడ్‌క్యాప్‌ విభాగంలో మంచి రాబడులు ఆశిస్తూ అదే సమయంలో పెట్టుబడులకు భద్రత ఉండాలని భావించే వారు తప్పక పరిశీలించాల్సిన పథకాల్లో ఫ్రాంక్లిన్‌ ఇండియా ప్రైమా ఫండ్‌ కూడా ఒకటి. కనీసం ఐదేళ్లు ఆ పై వ్యవధి కోసం ఇన్వెస్ట్‌ చేసేవారు ఎంపిక చేసుకునే మంచి పేరున్న పథకాల్లో ఇదీ కూడా ఉంటుంది. ఎందుకంటే ఈ పథకం ప్రారంభమై 25 ఏళ్లు  అయింది. అప్పటి నుంచి చూసుకుంటే రాబడుల్లో మేటిగానే కొనసాగుతోంది.   రాబడులు   ఈ పథకం ప్రారంభమైన దగ్గర్నుంచీ సగటున ప్రతీ ఏటా 20% రాబడులను ఇచ్చిందంటే దీని పనితీరు ఏ స్థాయిలో ఉందో అర్థం చేసుకోవచ్చు. ఈ పథకం రాబడులకు ప్రామాణిక సూచీ నిఫ్టీ 500. మూడేళ్ల కాలంలో ఈ పథకంలో రాబడులు సగటున ఏటా 11.4%గా ఉన్నాయి. బెంచ్‌ మార్క్‌ నిఫ్టీ 500 రాబడులు ఈ కాలంలో ఏటా 9.3 శాతమే. ఐదేళ్ల కాలంలో ఏటా సగటున ఫ్రాంక్లిన్‌ ఇండియా ప్రైమా ఫండ్‌ 24.1% రాబడులను ఇవ్వగా, బెంచ్‌ మార్క్‌ రాబడులు 14.9%గానే ఉన్నాయి.  పదేళ్ల కాలంలో చూసుకున్నా ఈ పథకమే అగ్ర స్థాయిలో ఉంది. ఏటా సగటున 18.1% రాబడులను ఇవ్వగా... ఇదే కాలంలో  నిఫ్టీ–500 రాబడులు ఏటా సగటున 10.6% కావడం గమనార్హం. భిన్న రంగాలు, ఆయా రంగాల్లో భిన్న స్టాక్స్‌ మధ్య పెట్టుబడులను వర్గీకరించడం ద్వారా రిస్క్‌ను తగ్గించడం ఈ పథకం నిర్వహణ పనితీరులో భాగం. ఇక లార్జ్‌క్యాప్‌ స్టాక్స్‌ను యాడ్‌ చేయడం ద్వారా రిస్క్‌ తగ్గించే ప్రయత్నం కూడా జరుగుతుంది. కానీ, లార్జ్‌క్యాప్‌లో పెట్టుబడులను 15 శాతంలోపునకే పరిమితం చేస్తుంది. ఈ విధమైన వ్యూహాత్మక విధానాలతోనే మిడ్‌ క్యాప్‌ విభాగంలో రాబడులు, భద్రతా పరంగా ఈ పథకం మెరుగైన స్థాయిలో ఉంది. ఈ విభాగంలో నంబర్‌ 1 కాకపోయినప్పటికీ... కేటగిరీతో పోలిస్తే సగటు కంటే ఎక్కువే రాబడులను ఇస్తూ ముందుండటం గమనించాలి. గడిచిన పదేళ్ల కాలంలో ఎస్‌బీఐ మ్యాగ్నం మిడ్‌క్యాప్‌ ఫండ్, ఐసీఐసీఐ ప్రుడెన్షియల్‌ మిడ్‌క్యాప్, ఆదిత్య బిర్లా సన్‌లైఫ్‌ మిడ్‌క్యాప్‌ పథకాల కంటే పనితీరులో మెరుగ్గా ఉంది.   పోర్ట్‌ఫోలియో, స్ట్రాటజీ స్టాక్స్‌ ఎంపికలోనూ ఫండ్‌ మేనేజర్లు జాగ్రత్తలు పాటిస్తుంటారు. విడిగా ఒక్కో స్టాక్‌లో పెట్టుబడులు 3–4% మించనీయరు. ఎంత ఉత్తమ కంపెనీ అయినా సరే 4% దాటకపోవడం గమనించాలి. అంటే రిస్క్, రాబడుల కోణంలోనే ఈ నియమాన్ని అమలు చేస్తున్నట్టు లెక్క. పోర్ట్‌ఫోలియోలో మొత్తం స్టాక్స్‌ 50–60 వరకు ఉంటాయి. మార్కెట్లు ర్యాలీ సమయాల్లో రాబడులను అందించే విషయంలో మంచి స్థితిలో ఉండటం, అదే సమయంలో మార్కెట్‌ కరెక్షన్లలో నష్టాలు పరిమితంగా ఉండటం ఈ పథకంలో గమనించొచ్చు. మార్కెట్ల అస్థిరత సమయాల్లో 7–9% వరకు నగదు నిల్వలను కొనసాగిస్తుంది. ఎక్కువగా బ్యాంకింగ్, ఫైనాన్స్‌ స్టాక్స్‌లో పెట్టుబడులను కలిగి ఉంది. గత ఏడాది కాలంలో ఆటో యాన్సిలరీ, ఇండస్ట్రియల్‌ ప్రొడక్ట్స్‌ రంగాల్లో ఎక్స్‌పోజర్‌ను పెంచుకుంది. ఆర్థిక వ్యవస్థ అధిక వృద్ధి దిశగా సాగిపోతే ఈ రంగాలు ఎక్కువగా లబ్ధి పొందుతాయి. కన్జ్యూమర్‌ నాన్‌ డ్యూరబుల్స్‌లోనూ గత కొన్నేళ్లుగా పెట్టుబడులను పెంచుకుంటూ వస్తోంది. ఇక  ఏడాది కాలంలో ఐటీ స్టాక్స్‌లో ఎక్స్‌పోజర్‌ను తగ్గించుకుంది. దీంతో ఈ కాలంలో ఐటీ స్టాక్స్‌ ర్యాలీ చేయడంతో ఆ అవకాశం కోల్పోయింది. 


 సాక్షి, ముంబై : నిఫ్టీ, మిడ్‌క్యాప్స్‌ తాజా గరిష్ట స్థాయిల్లో ప్రారంభమయ్యాయి. అంతర్జాతీయంగా వస్తున్న బలమైన సంకేతాలతో మార్కెట్లు భారీగా జంప్‌ చేశాయి. ప్రారంభంలో 200 పాయింట్లకు పైగా జంప్‌ చేసిన సెన్సెక్స్‌, 195.18 పాయింట్ల లాభంలో 32,467 వద్ద ట్రేడవుతోంది. నిఫ్టీ 72 పాయింట్ల లాభంలో 10,150 మార్కుకు పైన 10,157 వద్ద కొనసాగుతోంది. నిఫ్టీ బ్యాంకు సైతం 25వేల మార్కును అధిగమించింది. ఎల్‌ అండ్‌ టీ, భారతీ ఇన్‌ఫ్రాటెల్‌, హెచ్‌డీఎఫ్‌సీ బ్యాంకు, టాటా మోటార్స్‌ నిఫ్టీలో మేజర్‌ గెయినర్స్‌గా లాభాలు పండిస్తున్నాయి. సన్‌ ఫార్మా, అదానీ పోర్ట్స్‌, డాక్టర్‌ రెడ్డీస్‌ ల్యాబ్స్‌, ఓఎన్‌జీసీలు మాత్రమే నిఫ్టీలు నష్టాలు గడిస్తున్నాయి.
  
 నిఫ్టీ మిడ్‌క్యాప్‌ 0.8శాతం పైకి ఎగిసింది. మిడ్‌క్యాప్స్‌లో గోవా కార్బన్‌, బొంబై డైయింగ్‌, గ్రాఫైట్‌ ఇండియా, స్పెషాలిటీ రెస్టారెంట్స్‌, జుబిలెంట్‌ ఫుడ్‌వర్క్స్‌, క్యాడిలా హెల్త్‌కేర్‌, ఐసీఐసీఐ ప్రుడెన్షియల్‌, టీవీఎస్‌ ఎలక్ట్రానిక్స్‌ 10 శాతం పైగా లాభపడుతున్నాయి. అటు డాలర్‌తో రూపాయి మారకం విలువ 12 పైసలు బలపడి 64 వద్ద ఉంది. ఎంసీఎక్స్‌ మార్కెట్‌లో బంగారం ధరలు 156 రూపాయల నష్టంలో 29,854 రూపాయలుగా ఉన్నాయి.  
  


 సాక్షి, ముంబై : రోజంతా లాభాల్లో ట్రేడైన స్టాక్‌ మార్కెట్లు చివరికి ఫ్లాట్‌గా ముగిశాయి. బీఎస్‌ఈ సెన్సెక్స్‌ 0.77 పాయింట్ల లాభంలో 31,662.74 వద్ద, నిఫ్టీ 13.70 పాయింట్ల లాభంలో 9900 ఎగువన 9,929.90 వద్ద క్లోజయ్యాయి.  ట్రేడింగ్‌ ప్రారంభంలోనే నిఫ్టీ 9,950ను అధిగమించినప్పటికీ ఆ స్థాయిలో నిలవలేకపోయింది. 9,965-9,917 పాయింట్ల మధ్య పరిమిత స్థాయిలో ఊగిసలాడింది. సెన్సెక్స్‌ సైతం తొలుత 125 పాయింట్ల వరకూ జంప్‌చేసినప్పటికీ తదుపరి స్వల్ప లాభాల మధ్యనే నడిచి, చివరికి 0.77 పాయింట్ల లాభంలో ముగిసింది. నేటి మార్కెట్‌లో మెటల్‌ ఇండెక్స్‌ మంచి లాభాలను గడించింది.
  
 బీఎస్‌ఈ మిడ్‌క్యాప్‌, స్మాల్‌క్యాప్‌ సూచీలు 0.5-0.8 శాతం లాభపడ్డాయి. టాప్‌ గెయినర్లుగా  ఎం అండ్‌ ఎం, డాక్టర్‌ రెడ్డీస్‌ ల్యాబ్స్‌, ఇండియాబుల్స్‌ హౌసింగ్‌, ఐషర్‌ మోటార్స్‌ నిలువగా.. టాటా మోటార్స్‌, టాటా మోటార్స్‌ డీవీఆర్‌, బీపీసీఎల్‌ ఎక్కువగా నష్ట పోయాయి. అటు బ్యాంకు నిఫ్టీ ఫ్లాట్‌గా ముగిసింది. వరుసగా నాలుగు సెషన్ల నుంచి ఐటీసీ షేర్లు 4 శాతం పైగా కిందకి పడిపోయాయి. అటు డాలర్‌తో రూపాయి మారకం విలువ 0.07 పైసలు బలపడి 64.04గా ఉంది. ఎంసీఎక్స్‌ మార్కెట్‌లో బంగారం ధరలు 70 రూపాయల లాభంలో 30,145 రూపాయలుగా నమోదయ్యాయి.  


 సాక్షి, ముంబై : కన్సాలిడేషన్‌ నేపథ్యంలో బుధవారం స్టాక్‌ మార్కెట్లు పాజిటివ్‌గా ప్రారంభమయ్యాయి. సెన్సెక్స్‌ 100 పాయింట్లకు పైగా జంప్‌చేసి, 140.34 పాయింట్ల లాభంలో 31,432 వద్ద ట్రేడవుతోంది. నిఫ్టీ 9800పైన 37.50 లాభంలో కొనసాగుతోంది. మార్కెట్లు పాజిటివ్‌ కొనసాగుతున్నందున్న నిఫ్టీ మిడ్‌క్యాప్‌ ఇండెక్స్‌ 0.7 శాతం పైకి ఎగిసింది. అటు ఆసియన్‌ మార్కెట్లు కూడా లాభాలతోనే ప్రారంభమయ్యాయి. రాజకీయ భౌగోళిక టెన్షన్లు తగ్గడంతో స్టాక్స్‌ బలపడుతున్నాయి.
  
 అంతర్జాతీయంగా వస్తున్న సానుకూల స్పందనలతో మన మార్కెట్లు కూడా లాభాల్లో నడుస్తున్నాయి.  ఓపెనింగ్‌లో డీఎల్‌ఎఫ్‌ 4 శాతం, అదానీ పోర్ట్స్‌ 2 శాతం లాభపడింది.అటు డాలర్‌తో రూపాయి మారకం విలువ నిన్నటి ట్రేడింగ్‌తో 0.05 బలపడి, 64.09 వద్ద కొనసాగుతోంది. ఎంసీఎక్స్‌ మార్కెట్‌లో బంగారం ధరలు 166 రూపాయల నష్టంలో 29,117 రూపాయలుగా ట్రేడవుతున్నాయి.
  


 నష్టాలతో ప్రారంభమైన ఈక్విటీ బెంచ్మార్కులు సోమవారం స్వల్పలాభాల్లో ముగిశాయి. సెన్సెక్స్ 34 పాయింట్ల స్వల్ప లాభంతో 26,350 పాయింట్ల వద్ద, నిఫ్టీ 13 పాయింట్ల లాభంతో 8,126.90 వద్ద క్లోజ్ అయ్యాయి. అదేవిధంగా బీఎస్ఈ మిడ్ క్యాప్ ఇండెక్స్ 1 శాతం, స్మాల్ క్యాప్ 0.66 శాతం పెరిగాయి. కానీ రిజర్వు బ్యాంకు ఊహించని విధంగా సీఆర్ఆర్ పెంచడంతో బ్యాంకులు షేర్లు నష్టాల బాట పట్టాయి. పెద్ద నోట్ల రద్దుతో బ్యాంకుల వద్ద భారీగా డిపాజిట్లు పెరగడంతో సెంట్రల్ బ్యాంకు వద్ద బ్యాంకులు ఉంచాల్సిన నగదు నిల్వల నిష్ఫత్తి కూడా పెంచాలని ఆర్బీఐ ఆదేశాలు జారీచేసింది.
  
 ఈ ఆదేశాల నేపథ్యంలో నిఫ్టీ పీఎస్యూ బ్యాంకు ఇండెక్స్ 2.55 శాతం కిందకు దిగజారింది. నిఫ్టీ బ్యాంకు ఇండెక్స్ కూడా 1.11 శాతం నష్టపోయింది. బ్యాంకు షేర్లలో భారీగా సెంట్రల్ బ్యాంకు ఆఫ్ ఇండియా 2.84 శాతం, బ్యాంకు ఆఫ్ బరోడా 2.89 శాతం పడిపోయాయి.  అయితే ఆసియన్ షేర్ల పెరుగుదల మొత్తంగా కొంచెం సెంటిమెంట్ బలపడంతో మార్కెట్లు స్వల్పలాభాల్లో ముగిశాయి.  


 స్టాక్ సూచీలు నూతన గరిష్ట స్థాయిలను దాటి దూసుకుపోతున్న తరుణంలో షేర్ల పెట్టుబడిలో ఉండే లాభనష్టాలు, ఇన్వెస్ట్ చేసే ముందు పాటించాల్సిన నియమాలతో పాటు, ప్రస్తుత ర్యాలీలో ఏ రంగాల షేర్లు పెరిగే అవకాశం ఉందన్న దానిపై ఐఐఎఫ్‌ఎల్ ప్రైవేట్ వెల్త్ మేనేజ్‌మెంట్ సీఐవో ఉమాంగ్ సలహాలు,సూచనలు ప్రత్యేకంగా ‘ప్రాఫిట్’ పాఠకుల కోసం ...
  
 సుదీర్ఘ కాలం తర్వాత కేంద్రంలో ఏక పార్టీ పూర్తిస్థాయి మెజార్టీతో అధికారం చేపట్టడంతో ఆర్థిక వ్యవస్థను గాడిలో పెట్టే విధంగా కీలకమైన ఆర్థిక సంస్కరణలను చేపట్టే అవకాశం ఏర్పడింది. ఈ అంశమే విదేశీ ఇన్వెస్టర్లను అమితంగా ఆకర్షిస్తోంది. గత రెండేళ్లలో ఎఫ్‌ఐఐలు సగటున ఏడాదికి 22 బిలియన్ డాలర్లు ఇన్వెస్ట్ చేస్తే ఈ ఏడాది జూన్ 18 నాటికే 10 బిలియన్ డాలర్లకు పైగా ఇన్వెస్ట్ చేశారు.
 
 అలాగే గత రెండేళ్లుగా తగ్గిన దేశీయ పొదుపు రేటు తిరిగి పుంజుకునే అవకాశాలు కనిపిస్తున్నాయి. ఈ రెండు అంశాలు కూడా స్టాక్ మార్కెట్లోకి కొత్త నిధుల ప్రవాహాన్ని సూచిస్తున్నాయి. రానున్న కాలంలో స్టాక్ మార్కెట్లు మరింత పైకి ఎదిగే అవకాశాలు కనిపిస్తుండటంతో ఈక్విటీలు మంచి లాభాలను అందిస్తాయనే అంచనాలున్నాయి. ఇలాంటి పరిస్థితుల్లో ఈక్విటీ పోర్ట్‌ఫోలియో ఏ విధంగా ఉండాలో ఇప్పుడు చూద్దాం...
  
 మిడ్‌క్యాప్‌దే జోరు
 ఆర్థిక వ్యవస్థ తిరిగి గాడిలో పడుతున్నప్పుడు మిడ్, స్మాల్ క్యాప్ విభాగంలో మంచి కంపెనీల షేర్లు అత్యధికంగా లాభపడతాయి. సహజంగా పెరుగుతున్న వృద్ధిరేటుతో పాటే ఈ కంపెనీల వ్యాపార, ఆదాయాలు గణనీయంగా పెరుగుతాయి. వాటి భవిష్యత్తు ఆదాయాలు, లాభాలను దృష్టిలో పెట్టుకొని కంపెనీల షేర్ల ధరల రీ-రేటింగ్ జరుగుతుంది. బుల్ మార్కెట్ ర్యాలీలో లార్జ్ క్యాప్ షేర్ల కంటే మిడ్ క్యాప్ షేర్లే ఎక్కువ లాభాలను అందిస్తాయి. ఉదాహరణకు గత బుల్ ర్యాలీనే పరిశీలిస్తే... 2003-2007లో నిఫ్టీ 47 శాతం పెరిగితే నిఫ్టీ మిడ్‌క్యాప్ ఇండెక్స్ 55 శాతం వార్షిక వృద్ధిరేటును అందించింది. కాబట్టి మిడ్, స్మాల్ క్యాప్ విభాగంలో మంచి కంపెనీల షేర్లు తప్పకుండా మీ పోర్ట్‌ఫోలియోలో ఉండే విధంగా చూసుకోవాలి
  
 అదే బాటలో సైక్లికల్స్
 బుల్ ర్యాలీలో మంచి పనితీరు కనపర్చే వాటిల్లో సైక్లికల్స్ అంటే.. క్యాపిటల్ గూడ్స్, మెటల్స్, బ్యాంకింగ్, ఇన్‌ఫ్రా రంగాలు ఉంటాయి. వృద్ధిరేటు మందగించడంతో ఈ రంగాలకు చెందిన కంపెనీల ఆదాయం 40 -60% పడిపోయింది. దీంతో ఈ షేర్లు వాటి సగటు ట్రేడింగ్ స్థాయి కంటే చాలా చౌక ధరల్లో ట్రేడ్ అవుతున్నాయి. ఆర్థిక వ్యవస్థ గాడిలో పడితే ముందుగా పెరిగేది ఈ సైక్లికల్సే కాబట్టి వీటిపై ఓ కన్నేసి ఉంచాలి.
  
 పీఎస్‌యూలదే భవిష్యత్తు
 ప్రధాని నరేంద్ర మోడీ ఆర్థిక సంస్కరణల్లో మొదటి ప్రాధాన్యత పీఎస్‌యూలను సంస్కరించడమే. గుజరాత్ ముఖ్యమంత్రిగా పీఎస్‌యూలను ఆయన గాడిలో పెట్టిన విషయం తెలిసిందే. సరైన నిర్వహణ సామర్థ్యం లేక చాలా పీఎస్‌యూ కంపెనీలు పూర్తిస్థాయిలో లాభాలను పొందలేకపోతున్నాయి. స్టాక్ మార్కెట్లో నమోదైన 81 ప్రభుత్వరంగ కంపెనీల పదేళ్ల సగటు లాభాలు 12.5 శాతంగా ఉంటే ఇదే సమయంలో బీఎస్‌ఈలోని టాప్ 100 కంపెనీల సగటు లాభాలు 19.2%గా ఉన్నాయి. బ్యాంకులను మినహాయిస్తే 52 పీఎస్‌యూల సగటు లాభాలు 9.8 శాతం. పీఎస్‌యూలు రానున్న కాలంలో మరింత వృద్ధి చెందే అవకాశం ఉందని ఈ గణాంకాలు స్పష్టం చేస్తున్నాయి.
  
 ప్రస్తుత బుల్ ర్యాలీలో మిగిలిన వాటికంటే ఈ మూడు రంగాలు మరింత మెరుగైన పనితీరును కనపర్చే అవకాశాలు కనిపిస్తున్నాయి. అలా అని మీ మొత్తం పెట్టుబడి అంతా ఈ మూడింటికే కేటాయించడం మంచిది కాదు. స్టాక్ మార్కెట్‌లో పెట్టుబడులు కేవలం ఒకే రంగానికి కాకుండా అన్ని రంగాలకు కేటాయించే విధంగా చూసుకోవాలి. అందులో కొద్దిగా అధిక భాగం ఈ మూడింటికి కేటాయించడం ద్వారా రిస్క్ తగ్గించుకొని అధిక లాభాలను పొందే అవకాశం ఉంటుంది. మ్యూచువల్ ఫండ్స్‌లో ఇన్వెస్ట్ చేసేటప్పుడు ఆర్థిక వృద్ధికి దోహదం చేసే రంగాల్లో ఇన్వెస్ట్ చేసే ఫండ్స్‌ను ఎంచుకోండి.