కార్తీక పౌర్ణమి గురునానక్ జయంతి పర్వదినాన్ని బాలీవుడ్‌ నటి నిమ్రత్ కౌర్ జరుపుకుంది. ఈ శుభ సందర్భంగా స్వయంగా ఇంట్లోనే కడ ప్రసాదం(హల్వా) తయారు చేసి గురుద్వారాలో ప్రార్థనలు, నివేదన అనంతరం పంచిపెట్టింది. కుటుంబంలో తరతరాలుగా కడ ప్రసాదం తయారు చేస్తున్న వైనాన్ని వివరించి, ఈ రెసిపీ వీడియోను ఇన్‌స్టాలో షేర్‌ చేసింది. గురుద్వారాలో పూజల తరువాత మీడియాకు ప్రసాదాన్ని పంచిపెట్టడం విశేషం. దీనికి సంబంధించిన వీడియో నెట్టింట చక్కర్లు కొడుతోంది.గురునానక్‌ జయంతి సందర్భంగా ప్రసాదం హల్వాను ఎలా తయారు చేయాలో దశలవారీగా నిమ్రత్ కౌర్ వెల్లడించింది. ఈ ప్రసాదం తయారు చేయడం తన తల్లి దగ్గరనుంచి నేర్చుకున్నట్టు తెలిపింది. అలాగే తన తాతగారు చాలా ఏళ్లు గురుద్వారాలో హల్వా తయారు చేసేవారనీ, ఆయన్నుంచి అమ్మ , అమ్మనుంచి తాను నేర్చుకున్నానని చెప్పింది.కాగా బాలీవుడ్ నటి నిమ్రత్ కౌర్ అభిషేక్ బచ్చన్‌తో ఎఫైర్ ఉందనే పుకార్ల మధ్య గత కొన్ని వారాలుగా వార్తల్లో నిలుస్తోంది. ఐశ్వర్య రాయ్ బచ్చన్, అభిషేక్ బచ్చన్ మధ్య సమస్యలకు నిమ్రత్ కౌర్‌తో ఎఫైర్ ఒక కారణమని ఊహాగానాలు జోరుగు నడుస్తున్న సంగతి తెలిసిందే. ఊహిస్తున్నాయి. ఈ వివాదాలను, ఆరోపణల ప్రభావం తనమీద ఏమాత్రం పడకుండా నిమ్రత్ కౌర్ తన పని తాను చేసుకుపోతోంది. View this post on Instagram A post shared by BollywoodShaadis.com (@bollywoodshaadis); View this post on Instagram A post shared by Nimrat Kaur (@nimratofficial)

బాలీవుడ్‌ నటి నిమ్రత్ కౌర్ ఎర్ర గులాబీ రంగు డ్రెస్‌ ఫోటోషూట్‌తో ఫ్యాన్స్‌ను ఆశ్చర్యపర్చింది. బోల్డ్ అండ్‌ బాడీ-హగ్గింగ్ రెడ్ ఎంసెట్‌లో డేరింగ్ స్టైల్‌తో చేసిన ఫోటో షూట్‌, వీడియో నెట్టింట చక్కర్లు కొడుతున్నాయి.ఇటీవల సిటాడెల్: హనీ బన్నీ ప్రీమియర్‌లో కనిపించి ఫ్యాషన్ ప్రపంచాన్ని అలరించింది. తాజాగా "సవాల్: మిషన్ కా క్యా నామ్ హై? జవాబ్: కోడ్ లాల్ గులాబ్" అనే క్యాప్షన్‌తో గ్లామరస్ రెడ్ గౌనులో క్లాసిక్‌ లుక్‌లో దర్శనిమిచ్చింది. ఏకవర్ణ థీమ్‌తో,మ్యాచింగ్‌ రెడ్ హీల్స్‌ను జోడించింది. దీంతో అభిమానులు లోలెడన్ని లైక్‌లు , కామెంట్‌లతో స్పందించారు. కాగా నిమ్రత్‌తో ప్రేమాయణం కారణంగానే బాలీవుడ్‌ స్టార్‌ కపుల్‌ ఐశ్వర్యరాయ్‌, అభిషేక్ బచ్చన్‌ విడిపోవడం ఖాయమన్న పుకార్లు జోరుగా వ్యాపిస్తున్న సంగతి తెలిసిందే. View this post on Instagram A post shared by Nimrat Kaur (@nimratofficial) ఇదీ చదవండి: ఫ్యాషన్‌ ప్రపంచాన్నే ఊపేస్తున్న పేదింటి అమ్మాయిలు

విమాన ప్రయాణంలో ప్రముఖ బాలీవుడ్‌ నటి నిమ్రత్‌ కౌర్‌కు చేదు అనుభవం ఎదురైంది. దీంతో ఆమె అమెరికా ఎయిర్‌లైన్‌పై సోషల్‌ మీడియా వేదికగా ఫైర్‌ అయ్యింది. ఇంతకి ఏం జరిగిందంటే. నిమ్రత్‌ కౌర్‌ ఇటీవల అమెరికా ఎయిర్‌ లైన్‌ డెల్టాలో ఇండియాకు వచ్చింది. ఈ నేపథ్యంలో ఎయిర్‌పోర్ట్‌లో ఆమె లగేజ్‌ బ్యాగ్‌ ఒకటి మిస్‌ కాగా మరోకటి డ్యామేజ్‌ అయ్యింది. ఇదే విషయాన్ని ఆమె ట్వీట్‌ చేస్తూ డ్యామేజ్‌ అయిన బ్యాగేజీ ఫొటోలను షేర్‌ చేసింది. చదవండి: జూ.ఎన్టీఆర్‌ సినిమాకు నో చెప్పిన సమంత? కారణం ఇదేనట! ఈ సందర్భంగా ‘డెల్టా ఎయిర్‌ లైన్‌ సిబ్బంది నా లగేజ్‌ని ఎక్కడో మిస్‌ చేసింది. మరోక బ్యాగ్‌ అందిన అది పూర్తి డ్యామేజ్‌ అయ్యింది. దీనివల్ల నేను 90 గంటలకు పైగా ఇబ్బంది పడ్డాను. మానసికంగా, శారీరకంగా ఒత్తిడికి గురయ్యా. ఈ విషయంలో డెల్టా సంస్థ బాధ్యాతారాహిత్యం స్పష్టంగా కనిపిస్తోంది. ఇప్పిటికైన డెల్టా సంస్థ దీనిపై స్పందించి మిస్‌ అయినా నా లగేజ్‌ ఎక్కుడుందో గుర్తించి నా దగ్గరకు చేర్చాలని కోరుతున్నా’ అంటూ నిమ్రత్‌ ఆవేదన వ్యక్తం చేసింది. చదవండి: ఖర్చు లేకుండా నయన్‌ దంపతుల హనీమూన్‌ ట్రిప్‌? ఎలా అంటే.. ఆమె ట్వీట్‌పై డెల్టా ఎయిర్‌లైన్‌ స్పందిస్తూ తన ఫిర్యాదుపై తక్షణమే చర్యలు తీసుకుంటామని, అప్పటి వరకు మీరు మాకు సహకరించాలని ఆమెను విజ్ఞప్తి చేసింది. కాగా రాజస్థాన్‌కు చెందిన నిమ్రత్‌ కౌర్‌ మోడల్‌గా, నటిగా ఇటూ భారత్‌ అటూ అమెరికాలో గుర్తింపు పొందింది. 200లో ఇండస్ట్రీలో అడుగు పెట్టిన ఆమె హిందీలో పలు మ్యూజిక్‌ వీడియోల ద్వారా పాపులర్‌ అయ్యింది. ఆ తర్వాత పలు సినిమాలు, షార్ట్‌ పిలింస్‌లో నటించిన ఆమె ఇటీవల అభిషేక్‌ బచ్చన్‌ దాస్వి సినిమాలో నటించింది.  @Delta I’ve been informed your operations in India are no longer functional. Taking up this matter here to draw your attention to this horrifying ordeal and help me sort this highly stressful situation. 🙏🏼 pic.twitter.com/DZjibFdtty — Nimrat Kaur (@NimratOfficial) August 26, 2022

సాక్షి, ముంబై:  బాలీవుడ్ నటులు,లగ్జరీ కార్లును సొంతం చేసుకోవడం చాలాకామన్‌. తాజాగా లంచ్‌బాక్స్‌ నటి ఈ  లిస్ట్‌లో చేరింది. బాలీవుడ్‌ నటి  నిమ్రత్ కౌర్ తాజాగా   లగ్జరీకారును కొనుగోలు చేసింది. కొత్త కారుకు సంబంధించిన ఫోటోను తన ఇన్‌స్టాగ్రామ్ హ్యాండిల్‌లో పోస్ట్ చేసింది. "వెల్‌కమ్ హోమ్ మై బ్లాక్ బీస్ట్" అంటూ  ఒక పిక్‌నుషేర్‌ చేసింది.  కొత్త కారు కొన్నందుకు  ఫ్యాన్స్‌ అభినందనలతో ముంచెత్తుతున్నారు.  ప్రస్తుతం కౌర్‌ పిక్‌ సోషల్ మీడియాలో చక్కర్లు కొడుతోంది. అంతేకాదు కొత్త రేంజ్ రోవర్‌లో ముంబైలోని మాడాక్ ఫిల్మ్స్ ఆఫీసుకు వచ్చిన వీడియో ఒకటి ఆన్‌లైన్‌లో సర్క్యులేట్ అవుతోంది. ఐదో తరం రేంజ్ రోవర్ కారు భారతదేశంలో కంపెనీ విడుదల చేసినంది. నటి  నిమ్రత్‌ కొన్న రేంజర్ రోవర్ ఎస్‌యూవీ ధర 2.38 కోట్లకు పై మాటేనని అంచనా . నిమ్రత్‌కౌర్‌  అభిషేక్ బచ్చన్ ,యామీ గౌతమ్‌లతో కలిసి నటించిన దాస్విలో కనిపించింది. ఈ మూవీలో  అభిషేక్ ఆన్ స్క్రీన్ భార్య బిమ్లా దేవి పాత్రలో నటించింది. దాస్వీ కంటే ముందు 2016లో అక్షయ్ కుమార్ ఎయిర్‌లిఫ్ట్‌లో నటించింది. ఒక హిందీ వెబ్ సిరీస్ ది టెస్ట్ కేస్‌లో కూడా కౌర్ యాక్ట్‌ చేసింది. కాగా  కొత్త రేంజ్ రోవర్ స్టాండర్డ్ , లాంగ్-వీల్‌బేస్ బాడీ డిజైన్‌లలో ఐదు సీట్లతో అందుబాటులో ఉంది. కొత్త రేంజ్ రోవర్ హైబ్రిడ్ ధరలు రూ. 2.61 కోట్లు నుండి ప్రారంభం. గత నెలలో కారు డెలివరీలు  ప్రారంభమయ్యాయి.  ఈ కారు పెట్రోల్ , డీజిల్ వెర్షన్‌లలో, 25 ట్రిమ్స్‌లో లభ్యం.

టైటిల్‌: దస్వీ నటీనటులు: అభిషేక్‌ బచ్చన్, నిమ్రత్ కౌర్, యామీ గౌతమ్ కథ: రామ్‌ బాజ్‌పాయ్‌ నిర‍్మాత: దినేష్‌ విజన్ దర్శకత్వం: తుషర్ జలోటా సంగీతం: సచిన్‌-జిగర్‌ ఓటీటీ: నెట్‌ఫ్లిక్స్‌, జియో సినిమా విడుదల తేది: ఏప్రిల్‌ 7, 2022 చదువు ప్రాముఖ్యత గురించి చెప్పిన చిత్రాలు రావడం చాలా అరుదు.  'ఈ ప్రంపంచాన్ని మార్చేందుకు ఉపయోగపడే అత్యంత శక్తివంతమైన ఆయుధం చదువు' అని నెల్సన్‌ మండెలా చెప్పిన కొటేషన్‌తో చదువు గొప్పతనం గురించి వివరించిన హిందీ చిత్రం 'దస్వీ'. నిరాక్షరాస్యుడైన రాజకీయ నాయకుడు జైలు శిక్ష సమయంలో చదువుకున్న విలువ గురించి  ఎలా తెలుసుకున్నాడేది పూర్తి వినోదభరితంగా చూపించిన మూవీ ఇది. ఈ చిత్రంలో అభిషేక్‌ బచ్చన్‌, నిమ్రత్‌ కౌర్‌, యామీ గౌతమ్‌ ప్రధాన పాత్రలు పోషించారు. అధికారమనే రుచి మరిగితే భార్యాభర్తల నడుమ కూడా ఎలాంటి శత్రుత్వం, పోటీ వస్తుందో కామెడీ తరహాలో చూపించారు దర్శకుడు తుషర్‌ జలోటా. సొంత ఇంట్లోనే పాలిటిక్స్‌ ఎలా ఉంటాయో ఇదివరకూ చాలానే సినిమాలు వచ్చాయి. కానీ దస్వీ మాత్రం అటు పాలిటిక్స్, ఇటు చదువు విలువను రెండింటిని బ్యాలెన్స్‌ చేస్తూ కామెడీ, సెటైరికల్‌ జనర్‌లో రూపొందించారు. ప్రముఖ ఓటీటీ దిగ్గజం నెట్‌ఫ్లిక్స్‌. జియో సినిమా వేదికగా ఏప్రిల్‌ 7న విడుదలైన ఈ 'దస్వీ' చిత్రం ఎలా ఉందో రివ్యూలో చూద్దాం.  కథ:  'దస్వీ' అంటే పదో తరగతి. జాట్ తెగకు చెందిన గంగారామ్‌ చౌదరి (అభిషేక్‌ బచ్చన్‌) హరిత ప్రదేశ్‌ (కల్పిత రాష్ట్రం)కు ముఖ్యమంత్రి. గంగారామ్ చౌదరి నిరాక్షరాస్యుడు, అవినీతి పరుడైన రాజకీయవేత్త. అనేక కుంభకోణాలు చేసిన ముఖ్యమంత్రిగా పేరుంది. ఉపాధ్యాయ పోస్టుల భర్తీ స్కామ్‌లో గంగారామ్‌ చౌదరిని దోషిగా తేల్చి జైలు శిక్ష విధిస్తారు. దీంతో తన భార్య భీమ్లా దేవి (నిమ్రత్‌ కౌర్)ని సీఎంగా ప్రకటిస్తాడు గంగారామ్ చౌదరి. జైలుకు వెళ్లిన గంగారామ్‌ చౌదరి మొదటగా వీఐపీ సౌకర్యాలు పొందుతాడు. కానీ తర్వాత ఆ జైలుకు స్ట్రిక్ట్‌ సూపరింటెండెంట్‌గా జ్యోతి దేశ్వాల్‌ (యామీ గౌతమ్‌) ఎంటర్‌ అవుతుంది. దీంతో గంగారామ్ చౌదరి ఆటలు సాగవు. మిగతా ఖైదీల్లానే గంగారామ్ కూడా ఉండాలని హెచ్చరిస్తుంది జ్యోతి దేశ్వాల్.  ఇది తట్టుకోలేక జైలులో పని తప్పించుకునేందుకు పదో తరగతి చదవాలని నిశ్చయించుకుంటాడు గంగారామ్‌ చౌదరి. అదే విషయం సూపరింటెండెంట్‌గా జ్యోతి దేశ్వాల్‌కు చెబుతాడు. తను 10వ తరగతి తప్పించుకునేందుకే అని గ్రహించిన జ్యోతి దేశ్వాల్‌ అందులో ఫెయిల్‌ అయితే మళ్లీ సీఎం పదవికి పోటీ చేయొద్దని షరతు విధిస్తుంది. కండిషన్‌కు ఒప్పుకున్న గంగారామ్‌ పదో తరగతి పరీక్షలకు సన్నద్ధమవుతాడు. మరీ గంగారామ్ పదో తరగతి పూర్తి చేశాడా ? అతనికి ఎవరు సహాయపడ్డారు ? అతను పదో తరగతి పూర్తి చేయకుండా ఎవరూ అడ్డుకున్నారు ? చివరికి గంగారామ్‌ చౌదరి తెలుసుకున్నదేంటీ ? పదో తరగతి తర్వాత గంగారామ్ ఏ మార్గాన్ని ఎంచుకున్నాడు ? అనేదే 'దస్వీ' కథ.  విశ్లేషణ:  చదువు నేపథ్యంలో వచ్చిన చిత్రాలు తక్కువే​ అయినా రాజకీయాలకు, చదువుకు ముడిపెట్టి సెటైరికల్‌ డ్రామాగా 'దస్వీ'ని తెరకెక్కించారు డైరెక్టర్‌ తుషర్‌ జలోటా. 2007లో వచ్చిన 'షోబిజ్' సినిమాలో నటించిన తర్వాత తుషర్ జలోటా డైరెక్ట్‌ చేసిన తొలి చిత్రమిది. ఈ మధ్య సోషల్‌ మీడియాలో తెగ ట్రెండ్‌ అవుతున్న వివిధ ఛాలెంజ్‌ (గ్రీన్‌ ఛాలెంజ్, ఫిట్‌ ఛాలెంజ్‌)లను రాజకీయనాయకులు ఎలా తీసుకుంటారో వ్యంగంగా చూపిస్తూ సినిమా ప్రారంభమవుతుంది. అసలుకే చదువురాని, మోస్ట్ కరప్ట్‌డ్‌ సీఎంగా పేరొందిన హరిత ప్రదేశ్ ముఖ్యమంత్రి గంగారామ్‌ చౌదరికి టీచర్‌ పోస్టుల భర్తీ స్కామ్‌లో ఊహించని విధంగా కోర్టు తీర్పు వెలువడుతుంది. అయితే కథ దృష్ట్యా స్కామ్‌ ఎలా జరిగిందో అదేమి వివరించకుండా నేరుగా జైలు శిక్ష విధిస్తున్నట్లు సినిమాలో చూపించారు. ఇక జైలుకు వెళ్లిన గంగారామ్ చౌదరికి అక్కడ ఎదురయ్యే కష్టాలు ​అంతా ప్రభావంగా చూపించకపోయిన కామెడీ యాంగిల్‌లో చూపించారు. రాజకీయనాయకులు జైలులో ఉండి తమ పనులు తమ బంధువులతో ఎలా చేయగలరో ఈ సినిమాలో చూపించారు. అయితే జైలుకు కొత్త సూపరింటెండెంట్‌గా జ్యోతి దేశ్వాల్‌ రావడం, ఆమె రూల్స్‌ తట్టుకోలేక పదో తరగతి చదవాలని గంగారామ్ నిశ్చయించుకోవడంతో అసలు కథ ప్రారంభమవుతుంది.  ఈ సినిమాలో గంగారామ్ చౌదరి పదో తరగతి చదువుకునే తీరు చాలా నవ్విస్తూ ఆకట్టుకుంటుంది. పదో తరగతిలోని ఒక్కో సబ్టెక్ట్‌ను జైలులో ఉన్న ఒక్కో ఖైదీ గంగారామ్‌కు నేర్పించడం చాలా సరదాగా ఆకట్టుకుంటుంది. ఈ సన్నివేశాలు సినిమాకు చాలా ప్లస్‌గా కూడా నిలిచాయి. ఇక చరిత్ర చదివేటప్పుడు ఫ్రీడమ్‌ ఫైటర్స్‌ లాలా లజపతిరాయ్‌, మహాత్మ గాంధీజీ, చంద్రశేఖర్ ఆజాద్‌, సుభాష్‌ చంద్రబోస్‌ వంటి మహనీయులతో కలిసి గంగారామ్‌ చౌదరి ట్రావెల్‌ చేసినట్లు చూపించడం, వారి మధ్య సంభాషణలు నవ్వు తెప్పిస్తాయి. వారు తమ ప్రాణాలను ఎందుకు త్యాగం చేయాల్సివచ్చిందో చెప్పడం బాగా ఆకట్టుకున్నాయి. గంగారామ్‌ చౌదరి.. మ్యాథ్స్‌, కెమిస్ట్రీ, ఇంగ్లీష్‌, హిందీ నేర్చుకునే విధానం ఎంతో అలరిస్తుంది. అలాగే మరోవైపు గంగారామ్‌ చౌదరి భార్య భీమ్లా దేవి ముఖ్యమంత్రిగా రాణిస్తూ తన భర్తనే తొక్కేయ్యాలని చూసే సీన్లను కామెడీగా బాగా చూపించారు. గంగారామ్ చౌదరికి మళ్లీ సీఎం పదవి దక్కకుండా చేసే భీమ్లా దేవి ప్రయత్నాలు సైతం బాగున్నాయి. పొలిటిషియన్స్‌ తమను తాము ఎలా ప్రమోట్‌ చేసుకుంటారో సెటైరికల్‌గా చాలా బాగా చూపించారు డైరెక్టర్‌ తుషర్ జలోటా.  ఎవరెలా చేశారంటే ? హరిత ప్రదేశ్‌ అవినీతి, నిరాక్షరాస్యుడైన ముఖ్యమంత్రి గంగారామ్‌ చౌదరిగా అభిషేక్‌ బచ్చన్‌ అద్భుతంగా నటించాడు. తన యాస, డైలాగ్ డెలీవరీ, నిరాక్షరాస్యుడిగా పలికే కొన్ని మాటలు ఎంతో ఆకట్టుకున్నాయి. రాజకీయ నాయకుడి వ్యవహార శైలీ, అహంకారం, కామెడీ టైమింగ్, హావాభావాలు ఎంతో మెచ్చుకునేలా ఉన్నాయి. గంగారామ్ చౌదరి భార్య భీమ్లా దేవిగా నిమ్రత్‌ కౌర్‌ తన నటనతో మెస్మరైజ్‌ చేసిందనే చెప్పవచ్చు. తన సెటైరికల్ ​ఎక్స్‌ప్రెషన్స్‌, హౌజ్‌ వైఫ్‌ నుంచి సీఎంగా మారిన తన ట్రాన్స్‌ఫార్మెషన్‌ తీరు చాలా బాగా ఆకట్టుకుంది. తన హ్యూమరస్‌ డైలాగ్‌లతో మంచి ఫన్‌ జెనరేట్‌ చేసింది. ముఖ్యమంత్రిగా, భర్తను తొక్కేసే భార్యగా, సెల్ఫీల పిచ్చి ఉన్నసెలబ్రిటీగా తన నటనతో చాలా వరకు అలరించిందనే చెప్పవచ్చు.  ఇక జైలు సూపరింటెండెంట్‌ జ్యోతి దేశ్వాల్‌గా యామీ గౌతమ్‌ తనదైన నటనతో మెప్పించింది. పైఅధికారి హుందాతనం, అహంకారం నిండి ఉన్న పొలిటిషియన్‌ ఖైదీకి గుణపాఠం చెప్పే పోలీసు అధికారిగా ఆకట్టుకుంది. అప్పటిదాకా పూర్తి వినోదభరితంగా సాగి.. సినిమా క్లైమాక్స్‌లో మాత్రం అభిషేక్‌ బచ్చన్, యామీ గౌతమ్‌ మధ్య వచ్చే ఎమోషనల్‌ సీన్స్‌ కట్టిపడేశాయి. ఈ మూవీకి సచిన్‌, జిగర్‌లు అందించిన నేపథ్యం సంగీతం చాలా ఆకట్టుకుంది. సన్నివేశాలకు తగిన బీజీఎంతో వావ్‌ అనిపించారు. ఓవరాల్‌గా 'దస్వీ' చిత్రం చదువు ప్రాముఖ్యతను తెలియజేసే పూర్తి వినోదభరితపు పొలిటికల్‌ సెటైరికల్‌ డ్రామా. 

Actress Nimrat Kaur Leg Injury: నటి నిమ్రత్‌ కౌర్‌ తాజాగా ఎయిర్‌పోర్టులో కాలికి గాయంతో దర్శనమిచ్చింది. వాకింగ్‌ స్టిక్‌ సహాయంతో ఎయిర్‌పోర్టులో కనిపించింది. దీంతో కాలికి ఏమైందని రిపోర్టర్లు ప్రశ్నించగా.. వ్యాయామం చేస్తుండగా దెబ్బ తగిలిందని నిమ్రత్‌ పేర్కొంది. ప్రస్తుతం చికిత్స తీసుకుంటునట్లు తెలిపింది. దీనికి సంబంధించిన వీడియో నెట్టింట చక్కర్లు కొడుతుంది.  నిమ్రత్‌ త్వరగా కోలుకోవాలి, గెట్‌ వెల్‌ సూన్‌ అంటూ ఆమె ఫ్యాన్స్‌ కామెంట్లు చేస్తున్నారు. ఇక సినిమాల విషయానికి వస్తే..లంచ్ బాక్స్, ఎయిర్ లిఫ్ట్ వంటి చిత్రాల్లో నటించి విమర్శకుల ప్రశంసలు పొందిన నటి నిమ్రత్ ప్రస్తుతం దస్వీ సినిమాలో నటిస్తుంది. ఈ సినిమాలో అభిషేక్‌ బచ్చన్‌ సరసన ఆమె కనిపించనుంది. ఈ ఏడాది ప్రారంభంలోనే ఈ మూవీ షూటింగ్‌ ప్రారంభం అయ్యింది. త్వరలోనే ఈ సినిమా ప్రేక్షకుల ముందుకు రానుంది.  View this post on Instagram A post shared by Bollywood Pap (@bollywoodpap)

న్యూఢిల్లీ: భారత జట్టు హెడ్ కోచ్ రవిశాస్త్రి సోషల్‌మీడియాలో ఎప్పుడు ఏదో రకంగా నిలుస్తూనే ఉంటాడు. ఎందుకోగానీ రవిశాస్త్రి విషయంలో నెటిజన్లు ట్రోలింగ్‌కు ఎప్పుడెప్పుడా అని ఎదురుచూస్తుంటారు. తాజాగా రవిశాస్త్రి టీమిండియా హెడ్‌ కోచ్‌ స్థానంలో ప్రపంచ టెస్ట్‌ ఛాంపియన్‌షిప్‌ కోసం ఇంగ్లండ్‌కు వెళ్లిన సందర్భంగా మరోసారి ఓ వార్త నెట్టింట వైరల్‌గా మారి హల్‌ చల్‌ చేస్తోంది.  కాగా ఈ విషయంపై  2018 ఇంగ‍్లండ్‌ పర్యటనలోనే రవిశాస్త్రి క్లారిటీ ఇచ్చినప్పటికీ ప్రస్తుతం ఇది సోషల్‌మీడియాలో దర్శనమిస్తోంది. 2016లో నిమ్రత్ కౌర్‌తో కలిసి జర్మన్ బ్రాండ్ ఆడీ కారు ఓపెనింగ్‌కు రవిశాస్త్రి వెళ్లారు. ఆ తర్వాత కొన్ని పార్టీలు, పలు కార్యక్రమాలల్లో నిమ్రత్‌తో కలిసి కనిపించాడు. ఇక ఏముంది నెట్టింట వీరిద్దరు  పీకల్లోతు ప్రేమలో ఉన్నట్లు, త్వరలోనే పెళ్లాడబోతున్నాడని అప్పట్లో పుకార్లు ఓ రేంజ్‌లోనే వచ్చాయి. దీంతో రవి ముంబై టాబ్లాయిడ్‌కు ఈ వియంపై ఘటుగానే జవాబిచ్చాడు. 2018 ఇంగ్లండ్ పర్యటనకు ముందు మిడ్‌ డే దిన పత్రికకు ఇచ్చిన ఇంటర్వ్యూలో... ఇదంతా పెంట వ్యవహారమని, ఇలాంటి వాటిని తన ముందు ప్రస్తావించవద్దని ఘాటుగా బదులిచ్చాడు. 'ఏముంది చెప్పడానికి ఇదంతా పెంట యవ్వారం. పెంట అంటున్నానంటే మీరు అర్థం చేసుకోవాలని చెప్పుకొచ్చాడు. ఈ రూమర్స్‌ను నిమ్రత్ కౌర్ కూడా అప్పట్లో ఖండించింది. ఇక బాలీవుడ్ హీరోయిన్ అమృతా సింగ్‌తో ప్రేమాయణం నడిపిన రవిశాస్త్రి.. ఆ తర్వాత 1990లో రితూ సింగ్‌ను పెళ్లాడాడు.  చదవండి: కోహ్లీ, రవిశాస్త్రి ఆడియో లీక్.. 

సౌతాంప్టన్‌: భారత క్రికెట్‌ ప్రధాన కోచ్‌ రవిశాస్త్రితో డేటింగ్‌ వార్తలను ఇప్పటికే బాలీవుడ్‌ నటి నిమ్రత్‌ కౌర్‌ ఖండించిన సంగతి తెలిసిందే. అవన్నీ గాలి వార్తలంటూ ఒక్క ముక్కలో నిమ్రత్‌ కొట్టిపారేయగా, తాజాగా రవిశాస్త్రి స్పందించాడు. అసలు ఆ వార్తలు ఎటువంటి ప్రామాణికం లేదన్న రవిశాస్త్రి.. ఇలా తప్పుడు ప్రచారం చేయడం ఆవు పేడతో సమానమంటూ ఘాటుగా బదులిచ్చాడు. ‘ ఇందులో చెప్పడానికి ఏమీ లేదు. నిమ్రత్‌తో డేటింగ్‌, ప్రేమాయణ అంటూ వార్తలు ప్రచురించారు. ఆ వార్తల్లో ఎటువంటి వాస్తవం లేదు. నా దృష్టిలో ఆ వార్త ఆవు పేడతో సమానం’ అని రవిశాస్త్రి అసహనం ప్రదర్శించాడు. ప్రింట్‌ మోడల్‌గా కెరీర్‌ను ఆరంభించిన నిమ్రత్‌ కౌర్‌.. మ్యూజిక్ వీడియోల ద్వారా పాపులర్ అయ్యారు. అలాగే పలు బాలీవుడ్ సినిమాల్లో నటించారు. పలు అవార్డులు సొంతం చేసుకున్న ‘లంచ్ బాక్స్’ మూవీలో నటించారామె.  ప్రస్తుతం రవిశాస్త్రితో డేటింగ్ వార్తలతో ఆమె మళ్లీ హాట్‌ టాపిక్‌ అయ్యారు. నిమ్రత్‌తో రవిశాస్త్రి డేటింగ్‌ చేస్తున్నట్లు ముంబై మిర్రర్‌ ఓ కథనంలో పేర్కొంది. ప్రముఖ కార్ల కంపెనీ ‘ఆడి’కి సంయుక్తంగా బ్రాండ్‌ అంబాసిడర్లుగా వ్యవహరిస్తున్న వీరిద్దరూ.. ఈ కారు ప్రచార కార్యక్రమంలో భాగంగా కలిసినప్పుడు ప‍్రేమలో పడ్డారని తెలిపింది. ఆ క్రమంలోనే ఈ జంట గత కొంతకాలంగా డేటింగ్‌ చేస్తున్నట్లు తన వార్తలో స్పష్టం చేసింది. రవిశాస్త్రితో డేటింగ్‌.. స్పందించిన నటి రవిశాస్త్రి మళ్లీ ప్రేమలో పడ్డాడా?

ముంబై: మన్సూర్‌ అలీఖాన్‌ పటౌడీ-షర్మిల ఠాగుర్‌తో మొదలైన బాలీవుడ్‌-క్రికెటర్ల ప్రేమాయణాలు నేటి విరుష్క జంట వరకు కొనసాగుతున్నాయి. అయితే తాజాగా భారత హెడ్‌ కోచ్‌ రవిశాస్త్రి, బాలీవుడ్‌ నటి నిమ్రత్‌ కౌర్‌ల మధ్య ప్రేమ చిగురించిందని, గత రెండేళ్లుగా వీరు డేటింగ్‌ చేస్తున్నారనే వార్తలు హాట్‌టాపిక్‌ అయ్యాయి. గతంలోనే పెళ్లి అయ్యిన 56 ఏళ్ల రవిశాస్త్రికి  సంతానం కూడా ఉంది. అయితే గత కొన్నేళ్లుగా భార్య రితూ సింగ్‌కు రవిశాస్త్రి దూరంగా ఉంటున్నట్లు, విడాకులు తీసుకున్నట్లు ప్రచారం కూడా జరిగింది. ఈ క్రమంలోనే భారత హెడ్‌కోచ్‌, నిమ్రత్‌ కౌర్‌ ప్రేమ బౌలింగ్‌లో క్లీన్‌బౌల్డ్‌ అయ్యాడని జోరుగా ప్రచారం సాగుతోంది. దీంతో రవిశాస్త్రి 1980 నాటి ప్రేమ కథల మరోసారి చర్చనీయాంశమైంది. బాలీవుడ్‌ నటి అమ్రితా సింగ్‌తో రవిశాస్త్రి తొలిసారి ప్రేమలో పడ్డారు. ఓ మ్యాగజైన్‌ కవర్‌ ఫొటోకు వీరిద్దరు ఫోజివ్వడంతో దేశం మొత్తం వీరి గురించే గుసగుసలాడింది. 1986లో వీరికి నిశ్చితార్థం కూడా జరిగింది. కానీ ఈ జంట పెళ్లి పీటలెక్కలేకపోయింది. వారి పెళ్లి ఓ కలగానే మిగిలిపోయింది. ఓ సందర్భంలో.. ’ఓ నటిని నేను భార్యగా కోరుకోను. నేను ఆవేశపరుడిని. నా సతీమణికి తన ఇళ్లే తొలి ప్రాధాన్యంగా ఉండాలి.’  అని రవిశాస్త్రి వ్యాఖ్యానించగా.. దీనికి అమ్రితా సింగ్‌ బదులిస్తూ.. ’ప్రస్తుత తరుణంలో నా కెరీర్‌తో బిజీగా ఉన్నాను. కానీ కొన్నేళ్ల తర్వాత ఓ మంచి భార్యగా, తల్లిగా మారుతానని’ తెలిపారు. అనంతరం కొన్నిరోజులకే వారి ప్రేమకు ఎండ్‌కార్డ్‌ పడింది. 1990లో రవిశాస్త్రి రితూను పెళ్లి చేసుకోగా.. 1991లో అమ్రితాను సైఫ్‌ అలిఖాన్‌ను పెళ్లి చేసుకున్నాడు. 

ముంబై : టీమిండియా హెడ్‌ కోచ్‌ రవిశాస్త్రి, బాలీవుడ్‌ నటి నిమ్రత్‌ కౌర్‌తో రహస్యంగా డేటింగ్‌ చేస్తున్నాడనే వార్తలు హల్‌చల్‌ చేస్తున్న విషయం తెలిసిందే. గత రెండేళ్లుగా వీరి ప్రేమాయణం సాగుతుందని, ప్రముఖ కార్ల కంపెనీ ‘ఆడీ’ ప్రచార కార్యక్రమంలో భాగంగా కలిసినప్పుడు మొదలైన ప్రేమే మరింత గాఢంగా మారిందని సోషల్‌మీడియా కోడై కూస్తోంది. అయితే ఇవన్నీ గాలివార్తలని నిమ్రత్‌ కౌర్‌ ఒక్క ట్వీట్‌తో కొట్టి పారేసారు. మీడియాలో వచ్చిన కథనాలు చూసి ఆమె సాయంత్రం ట్విటర్‌లో స్పందించారు. తనకు రూట్‌ కెనాల్‌ అవసరమైతదేమోనని అనిపిస్తుందని, తన గురించి  వచ్చిన వార్తలు చదివానని, అవి చాలా బాధపెట్టాయని తెలుపుతూ.. ఇదంతా ట్రాష్‌ అని ఆ వార్తలను కొట్టిపారేశారు. Fact: I may need a root canal. Fiction: Everything else I read about me today. More facts: Fiction can be more hurtful, monday blues exist and I love ice cream. Here’s to trash free happy days ahead✌🏼✨ — Nimrat Kaur (@NimratOfficial) 3 September 2018 ప్రింట్‌ మోడల్గా కెరీర్ను ఆరంభించిన నిమ్రత్‌ కౌర్‌.. మ్యూజిక్ వీడియోల ద్వారా పాపులర్ అయ్యారు. అలాగే పలు బాలీవుడ్ సినిమాల్లో నటించారు. పలు అవార్డులు సొంతం చేసుకున్న ‘లంచ్ బాక్స్’ మూవీలో నటించారామె. ప్రస్తుతం రవిశాస్త్రితో డేటింగ్ వార్తలతో ఆమె మళ్లీ హాట్‌ టాపిక్‌ అయ్యారు. రవిశాస్త్రి వయసు 56 సంవత్సరాలు కాగా.. నిమ్రత్ వయసు 36. రవిశాస్త్రికి గతంలోనే పెళ్లి అయ్యింది. సంతానం కూడా ఉంది. అయితే గత కొన్నేళ్లుగా భార్య రితూ సింగ్‌కు రవిశాస్త్రి దూరంగా ఉంటున్నట్లు తెలుస్తోంది. ఈ క‍్రమంలోనే కొన్నేళ్ల కిందట రవిశాస్త్రి విడాకుల వార్తలు వినిపించాయి. చదవండి: రవిశాస్త్రి మళ్లీ ప్రేమలో పడ్డాడా?

ముంబై: ఇంగ్లండ్‌ చేతిలో టెస్టు సిరీస్‌ ఓటమి అనంతరం జట్టుతో పాటు కోచ్‌ రవిశాస్త్రిపై ఒకవైపు తీవ్ర విమర్శలు సాగుతుండగా... మరోవైపు శాస్త్రి కొత్త ప్రేమ పురాణం ఒకటి బయటపడింది. స్థానిక మీడియా కథనం ప్రకారం గత రెండేళ్లుగా రవిశాస్త్రి, బాలీవుడ్‌ నటి నిమ్రత్‌ కౌర్‌తో రహస్యంగా డేటింగ్‌ చేస్తున్నాడు. ప్రముఖ కార్ల కంపెనీ ‘ఆడి’కి వీరిద్దరు సంయుక్తంగా బ్రాండ్‌ అంబాసిడర్లుగా వ్యవహరిస్తున్నారు. ఈ కారు ప్రచార కార్యక్రమంలో భాగంగా కలిసినప్పుడు మొదలైన ప్రేమే మరింత గాఢంగా మారిందని సమాచారం.   బాలీవుడ్‌లో మంచి ప్రతిభావంతురాలైన నటిగా పేరు తెచ్చుకున్న 36 ఏళ్ల నిమ్రత్‌ ది లంచ్‌ బాక్స్, ఎయిర్‌లిఫ్ట్‌ చిత్రాలతో గుర్తింపు లభించింది. ప్రస్తుతం ఆమె టీవీ వెబ్‌ సిరీస్‌లలో నటిస్తోంది. క్రికెటర్‌గా ఉన్న రోజుల్లో సుదీర్ఘ కాలం నటి అమృతాసింగ్‌తో ప్రేమాయణం సాగించిన 56 ఏళ్ల రవిశాస్త్రి 1990లో రీతూ సింగ్‌ను పెళ్లి చేసుకున్నాడు. వీరిద్దరికి పదేళ్ల వయసున్న కూతురు ఉంది. అయితే చాలా కాలంగా శాస్త్రి, అతని భార్య విడివిడిగా ఉంటున్నారు.    

సౌతాంప్టన్‌: ఒకవైపు ఇంగ్లండ్‌లో టెస్టు సిరీస్‌ను టీమిండియా కోల్పోయి భారీ స్థాయిలో విమర్శలను ఎదుర్కొంటుంటే, ప్రధాన కోచ్‌ రవిశాస్త్రి మాత్రం ‘కొత్త ప్రేమాయణం’ వార్తల్లో నిలిచాడు. ప్రముఖ నటి నిమ్రత్‌ కౌర్‌తో రవిశాస్త్రి డేటింగ్ చేస్తున్నట్టుగా సమాచారం.  ప్రస్తుతం ఆమె కూడా ఇంగ్లండ్‌లోనే ఉంది. వీరిద్దరూ తరచూ కలుస్తున్నారని.. ప్రేమలో మునిగి తేలుతున్నట్లు తెలుస్తోంది. ప్రింట్‌ మోడల్ గా కెరీర్ ను ఆరంభించిన నిమ్రత్‌ కౌర్‌.. మ్యూజిక్ వీడియోల ద్వారా పాపులర్ అయ్యింది. అలాగే పలు బాలీవుడ్ సినిమాల్లో నటించింది. పలు అవార్డులు పొందిన ‘లంచ్ బాక్స్’ మూవీలో నటించిందామె. ఇప్పుడు రవిశాస్త్రితో డేటింగ్ వార్తలతో ఈమె పేరు వినిపిస్తోంది. ప్రస్తుతం రవిశాస్త్రి వయసు 56 సంవత్సరాలు. నిమ్రత్ వయసు 36. వీళ్లిద్దరూ రెండేళ్లుగా పరిచయస్తులని తెలుస్తోంది. ఒక ప‍్రమోషన్‌ కార‍్యక్రమంలో వీరిద్దరి మధ్య ఏర్పడిన పరిచయం కాస్తా ప్రేమగా చిగురించిందని తెలుస్తోంది. రవిశాస్త్రికి గతంలోనే పెళ్లి అయ్యింది. సంతానం కూడా ఉంది. అయితే గత కొన్నేళ్లుగా భార్య రితూ సింగ్‌కు రవిశాస్త్రి దూరంగా ఉంటున్నట్లు తెలుస్తోంది. ఈ క‍్రమంలోనే కొన్నేళ్ల కిందట రవిశాస్త్రి విడాకుల వార్తలు వచ్చాయి. ఇప్పుడు కొత్త ప్రేమాయణ రూమర్లు వినిపిస్తున్నాయి. 1980 ప్రాంతంలో బాలీవుడ్‌ నటి అమ్రితా సింగ్‌తో డేటింగ్‌ చేసిన రవిశాస్త్రిపై తాజాగా ప్రేమ, డేటింగ్‌ అంటూ వార్తల రావడం హాట్‌ టాపిక్‌గా మారింది.


 న్యూఢిల్లీలో గురువారం వివో వీ5ఎస్‌ స్మార్ట్‌ఫోన్‌ను బాలీవుడ్‌ నటి నిమ్రత్‌ కౌర్‌ ఆవిష్కరించారు. సెల్ఫీ ప్రియుల కోసం దీన్ని 20 ఎంపీ ఫ్రంట్‌ కెమెరాతో రూపొందించారు. దీని ధర రూ.18,990. మే 6 నుంచి రిటైల్‌ స్టోర్స్‌లోను, ఆన్‌లైన్లో ఫ్లిప్‌కార్ట్‌లోనూ విక్రయాలు ప్రారంభమవుతాయని వివో ఇండియా సీఈవో కెంట్‌ చెంగ్‌ తెలిపారు. 13 ఎంపీ రియర్‌ కెమెరా, 6.0 ఆండ్రాయిడ్‌ మార్‌‡్షమాలో ఆధారిత ఫన్‌టచ్‌ ఓఎస్‌ 3.0 ఆపరేటింగ్‌ సిస్టం, 4జీబీ ర్యామ్, 64 జీబీ రామ్, ఆక్టా కోర్‌ 64 బిట్‌ ప్రాసెసర్, 3,000 ఎంఏహెచ్‌ బ్యాటరీ మొదలైన ఫీచర్లు ఇందులో ఉన్నాయి.


 గత ఏడాది 'ఎయిర్ లిఫ్ట్' సినిమాతో ప్రేక్షకులతోపాటు విమర్శకుల ప్రశంసలందుకుంది నిమ్రత్ కౌర్. ఆ సినిమాలో అక్షయ్ కుమార్ భార్యగా ఆమె కనబర్చిన అభినయానికి మంచి మార్కులు పడ్డాయి. అయినా, ఇప్పటివరకు నిమ్రత్ మరో బాలీవుడ్ చిత్రాన్ని ఒప్పుకోలేదు.  
 
 ఈ ఏడాదికాలంలో ఒక్క సినిమా కూడా చేయకపోవడానికి కారణం ఏమిటంటే.. ఈ ముద్దుగుమ్మ చాలా విషయాలే చెప్పింది. ప్రస్తుతం హాలీవుడ్ సీరియల్ 'వేవార్డ్ పైన్స్' షూటింగ్ కోసం కెనడాలోని వాంకోవర్ లో బిజీగా ఉన్న ఈ అమ్మడు ఐఏఎన్ఎస్ వార్తాసంస్థతో ముచ్చటించింది. గడిచిన ఏడాదికాలంలో వ్యక్తిగతంగా, వృత్తిపరంగా తాను ఎన్నో ఎదుర్కోవాల్సి వచ్చిందని, వాటన్నింటి వల్ల ఊపరి సలుపనంత బిజీగా ఉండిపోయానని చెప్పింది. త్వరలోనే మళ్లీ బాలీవుడ్ కు తిరిగి రాబోతున్నట్టు ప్రకటించింది.
 
 'గడిచిన ఏడాదికాలంలో నేను ఎన్నో ఎదుర్కొన్నాను. ఎంతో ఉక్కిరిబిక్కిరిగా ఇది గడిచిపోయింది. జనవరిలో 'ఎయిర్ లిఫ్ట్' విడుదల అయింది. ఆ వెంటనే ఒకదాని వెంట ఒకటిగా చాలా విషయాలు జరిగిపోయాయి. ఇవన్నీ ఇలా ఉండగానే మా చెల్లి పెళ్లి చేసుకుంది. ఆ పెళ్లి సందండి, సంబరంలో మునిగితేలుతుండగానే వాంకోవర్ నుంచి సీరియల్ ఆఫర్ వచ్చింది' అని నిమ్రత్ పేర్కొంది.
 
 'లాంచ్ బాక్స్'లో నిమ్రత్ నటనను చూసి ముచ్చటపడ్డ అమెరికన్ టీవీ నిర్మాతలు ఆమెకు 'హోమ్ ల్యాండ్' సీరియల్ లో పాకిస్థాన్ ఐఎస్ఐ ఏజెంట్ పాత్రను ఇచ్చారు. ఆ పాత్రలోనూ రాణించడంతో మనోజ్ నైట్ శ్యామలన్ రూపొందిస్తున్న టీవీ సిరీస్ 'వేవార్డ్ పైన్స్'లో అవకాశం వచ్చింది. ఇలా హాలీవుడ్ సీరియళ్ల చుట్టూ చక్కర్లు కొడుతున్న నిమ్రత్ త్వరలోనే బాలీవుడ్ సినిమాల్లో కనిపిస్తానని చెప్తోంది.


 క్యాడ్బరీస్ డెయిరీ మిల్క్ చాక్లెట్ యాడ్ లో భర్తపై మంచు ముద్దలు విసిరిన ముద్దుగుమ్మ గుర్తుందికదా! అదేనండి, ఆ మధ్య లంచ్ బాక్స్, ఇటీవల ఎయిర్ లిఫ్ట్ సినిమాలతో భారీగా అభిమానుల్ని, అంతకు మించి ప్రశంసల్ని అందుకుంది నటి నిమ్రత్ కౌర్. శుక్రవారం ఢిల్లీలో అంగరంగవైభవంగా తన చెల్లెలి పెళ్లి జరిపించి మరోసారి వార్తల్లోకెక్కారామె.
  
 ఆర్మీలో పనిచేసిన నిమ్రత్ తండ్రి.. 2002లో కశ్మీర్ లో జరిగిన ఓ ఎన్ కౌంటర్ లో ప్రాణాలుకోల్పోయారు. అప్పటి నుంచి కుటుంబ భారాన్ని తన భుజస్కంధాలపైవేసుకున్న నిమ్రత్.. అన్నీతానై చెల్లెలి పెళ్లి జరిపించడం ఆనందంగా ఉందని పేర్కొన్నారు. అయితే వచ్చే నెలలో 34వ పడిలోకి అడుగుపెట్టనున్న నిమ్రత్ ను 'నీ పెళ్లెప్పుడు?' అని బంధువులు, మీడియా అడిగితే.. అందరు హీరోయిన్లలాగే 'దానికింకా టైముంది' అని బదులిచ్చింది!
 
 


 ముంబై: వాస్తవిక ఘటనల ఆధారంగా తెరకెక్కిన ఎమోషనల్ డ్రామాలకు వెండితెరపై ఆదరణ తగ్గలేదని 'ఎయిర్లిఫ్ట్' మరోసారి రుజువుచేసింది. 1990లో కువైట్ పై ఇరాక్ యుద్ధం సందర్భంలో అక్కడి భారతీయులను సురక్షితంగా తరలించే కథతో తెరకెక్కిన 'ఎయిర్లిఫ్ట్' సినిమా బాక్సాఫీసు వద్ద దుమ్మురేపుతోంది. బాలీవుడ్ యాక్షన్ స్టార్ అక్షయ్ కుమార్, నిమ్రత్ కౌర్ జంటగా ఈ నటించిన ఈ సినిమా కేవలం పదిరోజుల్లో 100 కోట్లు వసూలు చేసింది. రాజాకృష్ణ  మీనన్ దర్శకత్వంలో తెరకెక్కిన 'ఎయిర్లిఫ్ట్' జనవరి 22న ప్రేక్షకుల ముందుకువచ్చింది. తొలి వీకెండ్ లో అద్భుతమైన కలెక్షన్లతో అదరగొట్టిన ఈ సినిమా రెండో వీకెండ్ లో రూ. 19.22 కోట్లు వసూలు చేసింది. దీంతో పదిరోజుల్లో ఈ సినిమా పదిరోజుల్లో 102.7 కోట్లు రాబట్టింది.
 
 'ఎయిర్ లిఫ్ట్ సినిమా రూ. వందకోట్ల క్లబ్బులో చేరింది. మా అంచనాలకు తగ్గట్టు ప్రేక్షకుల ఆదరణ చూరగొంటున్న ఈ సినిమా మున్ముందు మరింత మెరుగ్గా కలెక్షన్లు రాబడుతుందని ఆశిస్తున్నాం. ఈ చిత్రానికి ఉత్తరప్రదేశ్ ప్రభుత్వం వినోద పన్ను మినహాయింపు ఇవ్వడంతో కలెక్షన్లు మరింత పెరిగే అవకాశముంది' అని ఈ సినిమాను విడుదల చేసిన ప్రతీక్ ఎంటర్ టైన్మెంట్స్ చైర్మన్ ప్రశాంత తివారీ ఓ ప్రకటనలో తెలిపారు.
 
 1990లో కువైట్‌పై ఇరాక్‌ దురాక్రమణ చేసిన సందర్భంలో అక్కడ చిక్కుకుపోయిన 1.70 లక్షలమంది భారతీయులను సురక్షితంగా స్వదేశానికి తరలించే కథాంశంతో 'ఎయిర్‌లిఫ్ట్' సినిమా తెరకెక్కింది. అక్షయ్‌కుమార్ తన కెరీర్‌లో ఉత్తమ అభినయాన్ని ఈ సినిమాలో చూపించారని విమర్శకుల ప్రశంసలందుకుంటున్నారు. ఈ సినిమాలో ఆయన పోషించిన భారత సంతతి వ్యాపారవేత్త రంజిత్ పాత్ర అభిమానులను అలరిస్తోంది.


 బాలీవుడ్ యాక్షన్ హీరో అక్షయ్ కుమార్ హీరోగా తెరకెక్కుతున్న మరో పీరియాడిక్ యాక్షన్ డ్రామా ఎయిర్ లిఫ్ట్. 1990లో ఇరాక్ కువైట్ యుద్ధం సందర్భంగా భారీ ఎత్తున భారతీయులను తరలించిన సమయంలో జరిగిన సంఘటనల నేపథ్యంలో ఈ సినిమాను తెరకెక్కిస్తున్నారు. రాజా కృష్ణ మీనన్ దర్శకత్వం వహిస్తున్న ఈ  చిత్రంలో అక్షయ్ కుమార్, నిమ్రత్ కౌర్ లీడ్ రోల్స్ పోషిస్తున్నారు.
 
 ఈ సినిమాలో అక్షయ్ కుమార్ కువైట్కు చెందిన బిజినెస్మేన్ రంజిత్ కట్యాల్ పాత్రలో నటిస్తున్నాడు. జనవరి 22న రిలీజ్కు రెడీ అవుతున్న  ఎయిర్ లిఫ్ట్ విశేషాలను అక్షయ్ కుమార్ తన ట్విట్టర్లో మూవీ పోస్టర్ను రిలీజ్ చేశాడు. ఈ సందర్భంగా  ఎయిర్ లిఫ్ట్ సినిమా భారతీయుడిగా గర్వించే విధంగా రూపొందిందని ట్వీట్ చేశాడు. నిజ జీవితంలో జరిగిన సంఘటనల ఆధారంగా తెరకెక్కిన ఈ సినిమాపై భారీ అంచనాలు ఉన్నాయి.


  లంచ్‌బాక్స్ సినిమా పుణ్యమాని ప్రపంచవ్యాప్తంగా పేరు సంపాదించుకున్న పంజాబీ భామ నిమ్రత్ కౌర్ హాలీవుడ్ టీవీ షోలో అవకాశం సంపాదించుకుంది. హోమ్‌ల్యాండ్ షో నాలుగో భాగంలో ఈమె పాకిస్థాన్ యువతిగా కనిపిస్తుంది. విశేషమేమింటే నిమ్రత్ పూర్వీకులు పాక్‌లోని లాహోర్, రావల్పిండి వాసులు. కాబట్టి ఇలాంటి అవకాశం రావడం ఎంతో సంతోషంగా ఉందని చెప్పింది. నిమ్రత్ ఇందులో పాక్ గూఢచారి సంస్థ ఐఎస్‌ఐ ఏజెంట్‌గా నటిస్తోంది. రెండో ఆలోచన లేకుండానే ఇందులో నటించేందుకు ఒప్పుకున్నానంటూ నవ్వేసింది.
  
  ‘పాక్ యువతిగా కనిపించడం అద్భుతంగా అనిపిస్తుంది. భారత్, పాకిస్థాన్ సంస్కృతుల్లో సారూప్యత కనిపిస్తుంది. ఈ దాయాదులు ఆహారప్రియులే కాదు సరదాగానూ ఉంటారు. కొన్ని పరిస్థితుల వల్ల పాకిస్థాన్ సమస్యల్లో చిక్కుకుంది’ అని వివరించిన నిమ్రత్ ప్రస్తుతం దీని షూటింగ్ కోసం కేప్‌టౌన్‌లో ఉంది. హోమ్‌ల్యాండ్ షో షూటింగ్ అంతా విదేశాల్లో జరుగుతున్నా, ఏదో ఒక రోజు పాకిస్థాన్‌కు వెళ్తానన్న నమ్మకం ఉందని చెప్పింది. నిమ్రత్ ఇది వరకే లవ్ షవ్ టే చికెన్ ఖురానా, జర్నలిస్ట్ , పెడ్లర్స్ వంటి సినిమాలు/షోల్లో కనిపించింది. హోమ్‌ల్యాండ్ షో స్టార్ వరల్డ్ ప్రీమియర్ హెచ్‌డీ చానెల్‌లో అక్టోబర్ ఆరు నుంచి ప్రసారమవుతుంది.
  
  అయితే నిమ్రత్ ఇది వరకు ఎన్నడూ హోమ్‌ల్యాండ్ షో చూడలేదట. ‘ఈ షోను ఇది వరకే చూసి ఉంటే బాగుండేది అనిపిస్తుంది. నాలుగో భాగం కొంత చూశాక మిగతా మూడింటి సీడీలు కావాలని అడిగాను. ఇప్పుడు తీరిక దొరికినప్పుడల్లా ఇదే షో చూస్తున్నాను’ అని వివరించింది. విదేశాల్లో ఎలా అనిపిస్తుందన్న ప్రశ్నకు బదులిస్తూ దక్షిణాఫ్రికాలో చలి, వర్షం ఎక్కువే అయినా, వాతావరణం అద్భుతంగా ఉంటుందని చెప్పింది. మరి భారతీయ సినిమాల సంగతి ఏమిటని అడిగితే.. త్వరలోనే ఒక సినిమా


 న్యూఢిల్లీ: అమెరికన్ పొలిటికల్ థ్రిల్లర్ టీవీ సిరీస్ నిర్మిస్తున్న హోమ్ ల్యాండ్ తదుపరి ఎడిషన్ లో బాలీవుడ్ నటి నిర్మత్ కౌర్ కు అవకాశం దక్కడం పట్ల బాలీవుడ్ నటుడు ఆలీ ఫజల్ ఆనందం వ్యక్తం చేశాడు.  ప్రింట్ మోడల్ గా కెరీర్ ను ఆరంభించి తనకంటూ ప్రత్యేక స్థానం ఏర్పరుచుకున్న నిర్మత్ కౌర్ కు  ఈ అవకాశం రావడం వెనుక ఆమె కష్టం చాలానే ఉందన్నాడు. 'హోమ్  ల్యాండ్ సిరీస్ లో నిర్మత్ చేస్తున్నందుకు సంతోషంగా ఉంది. బాలీవుడ్ లో ఆమె చేసిన పలు ప్రాజెక్టులతోనే ఆ అవకాశాన్ని దక్కించుకుంది. మేమిద్దరం కలిసి చాలా కార్యక్రమాలు చేశాం. నాకు ఆమె మంచి స్నేహితురాలు. ఈ చక్కటి అవకాశం ఆమెకు వచ్చినందుకు చాలా ఆనందంగా ఉంది' అని జాతీయ వార్త సంస్థకు ఇచ్చిన ఇంటర్యూలో పేర్కొన్నాడు.
  
 తాను ప్రస్తుతం ఖామోషియాన్ సినిమా షూటింగ్ లో బిజీగా ఉన్నానని ఆలీ ఫజల్ తెలిపాడు. 'బాబీ జాసెస్ విడుదలకు ముందే ఈ చిత్రాన్ని అంగీకరించినట్లు ఒక ప్రశ్నకు సమాధానంగా చెప్పాడు. తాను నటించిన 'సోనాలి కేబుల్' చిత్రం అక్టోబర్ లో విడుదలవుతుందన్నాడు.


 ముంబై: అంతర్జాతీయ చిత్రోత్సవం జగ్రాన్ నగరంలోని అంధేరీలో బుధవారం ప్రారంభమైంది. తొలి సినిమాగా ఇజ్రాయిల్-పాలస్తీనా చిత్ర నిర్మాత రూపొందించిన ‘వాటర్’ను ప్రదర్శించారు. అంధేరీలోని ఫన్ రిపబ్లిక్ సినిమా హాలులో నటుడు అక్షయ్‌కుమార్, నటి నిమ్రత్‌కౌర్ (లంచ్‌బాక్స్ ఫేం)లు జ్యోతి వెలిగించి ఈ ఉత్సవాన్ని ప్రారంభించారు. ఈ చలన చిత్రోత్సవం ఆరు రోజుల పాటు కొనసాగుతుందని నిర్వాహకులు తెలిపారు. 
  
  తొలి రోజు వాటర్‌తో పాటు హకో చెకో టర్కిష్ చిత్రం ‘నో వేర్ లి వీర్’, సంజయ్‌జాదవ్ చిత్రం ‘ధునియాదరి’, కుందన్‌షా చిత్రం జానే బీ దో యారోలను ప్రదర్శించారు. ఉత్సవాన్ని ప్రారంభించిన అక్షయ్‌కుమార్ ఈ సందర్భంగా మాట్లాడుతూ ‘‘చలన చిత్ర పరిశ్రమ ఆదరించి అక్కున చేర్చుకున్నందుకు కృతజ్ఞతలు తెలుపుతున్నాను. చలన చిత్రోత్సవాలకు హాజరైన సందర్భంగా అన్ని రకాల చిత్రాలను చూడడానికి అవకాశం లభిస్తుంది. ప్రపంచ సినిమా రీతులను తెలుసుకోవడానికి ఇష్టపడతాను’’ అని తెలిపాడు. నిమ్రత్‌కౌర్ మాట్లాడుతూ ‘‘తండ్రి కొడుకుల అనుబంధం నేపథ్యంలో ఓ చిత్రం రూపొందించాను. 
  
  ఇందులో మిధున్ చక్రవర్తిగారితో నేను నటించాను. ఇందులో నేను నటించిన హర్యాన్వీ పాత్ర ఇప్పటి వరకు హిందీ చలన చిత్రాల్లో ఎవరూ చేయలేదు. ఇది చిన్న చిత్రమైనా ప్రజలు ఆదరిస్తారని ఆశిస్తున్నాను’’ అని తెలిపింది. నమ్రత చిత్రం భారతదేశం తరఫున పోటీలో ఉంటుందని ఆశించినా.. గుజరాత్‌కు చెందిన ‘ది గుడ్ రోడ్’ ఎంపికైంది. ఈ చలనచిత్రోత్సవ ప్రారంభ కార్యక్రమానికి ప్రముఖులు అనిల్ శర్మ, సుధీర్ మిశ్రా, సునీల్ ప్రభు ముంబై మేయర్ తదితరులు హాజరయ్యారు.