Swara Bhaskar Says Her Career Made Up Of Roles Rejected By Others: బాలీవుడ్‌ నటి స్వరా భాస్కర్‌ గురించి ప్రత్యేక పరిచయం అక్కర్లేదు. రీల్‌ లైఫ్‌ పక్కన పెడితే.. వాస్తవ జీవితంలో మిగతా బాలీవుడ్‌ సెలబ్రిటీలకు భిన్నంగా ఉంటారామె. సమాజంలో చోటు చేసుకుంటున్న ప్రతి అంశంపై తనదైన శైలిలో స్పందిస్తారు స్వరా భాస్కర్‌. అయితే ఆమె ఎక్కువగా నెటిజనుల మనోభావాలు దెబ్బతినే పోస్టులు పెట్టి.. ఆపై ట్రోలింగ్‌కు గురవుతారు. అయితే తాజాగా తాను నటించిన పాత్రల గురించి పలు ఆసక్తిర విషయాలు ఓ ఇంటర్వ్యూలో వెల్లడించారు. తన కెరీర్‌లో అత్యంత ప్రజాదరణ పొందిన పాత్రలు ఇతరులు వద్దనుకోవడం వల్లే తనకు వచ్చాయని పేర్కొన్నారు.  'రాంజనా, ప్రేమ్‌ రతన్ ధన్‌ పాయో వంటి చిత్రాలలో నాకు వచ్చిన పాత్రలను మొదటగా వేరే నటీమణులకు ఆఫర్‌ చేశారు. ప్రేమ్‌ రతన్‌ ధన్‌పాయో సినిమాలో సల్మాన్‌ ఖాన్‌కు చెల్లెలిగా చేయాలని ఎవరు కోరుకుంటారు. ఇలాంటి పాత్రలన్నీ ఆఖరి నిమిషంలో అకస్మాత్తుగా వదులుకునేసరికి చివరిగా నన్ను సంప్రదించేవారు. అయితే ఇదందా నన్ను పెద్దగా బాధించేది కాదు. ఒక పాత్రను ఒప్పుకునేప్పుడు నేను బాక్సాఫీస్‌ గురించి, ప్రేక్షకులు ఎలా రిసీవ్‌ చేసుకుంటారో అనే విషయాలు పెద్దగా ఆలోచించను. ఇంకా వీరే ది వెడ్డింగ్‌ సినిమాలో ముందుగా నాకు బదులు రియా కపూర్‌ చేయాల్సింది.  కానీ, ఆ పాత్రను నాకివ్వమని స్వయంగా రియా కపూర్‌ ఒప్పించింది.' అని పేర్కొంది స్వరా భాస్కర్‌. ఇలా ఇతరులు తిరస్కరించిన పాత్రలతో తన కెరీర్‌ రూపొందినట్లు, ఆ పాత్రలతోనే తనకు మంచి గుర్తింపు వచ్చినట్లు తెలిపారు. 


 బాలీవుడ్ స్టార్ హీరో సల్మాన్ ఖాన్ హీరోగా తెరకెక్కుతున్న లేటెస్ట్ రొమాంటిక్ ఎంటర్టైనర్ 'ప్రేమ్ రతన్ ధన్ పాయో'. సోనమ్ కపూర్ హీరోయిన్గా నటిస్తున్న ఈ సినిమాకు సూరజ్ బరజాత్య దర్శకుడు. నార్త్ ఇండస్ట్రీలో ప్రముఖ నిర్మాణ సంస్థగా పేరున్న రాజశ్రీ ప్రొడక్షన్స్ ఈ చిత్రాన్ని భారీ బడ్జెట్తో ప్రతిష్టాత్మకంగా నిర్మిస్తోంది.
 
 గతంలో రాజశ్రీ ప్రొడక్షన్స్ బ్యానర్పై సల్మాన్ హీరోగా రూపొందిన మైనే ప్యార్ కియా, హమ్ ఆప్కే హై కౌన్ చిత్రాలు ప్రేమ పావురాలు, ప్రేమాలయం పేర్లతో తెలుగులో రిలీజ్ అయి మంచి విజయాలు సాధించాయి. ఆ తరువాత సల్మాన్ హీరోగా నటించిన సినిమాలేవి తెలుగు డబ్ కాలేదు. మళ్లీ ఇంత కాలం తరువాత అదే బ్యానర్లో సల్మాన్ హీరోగా తెరకెక్కిన ప్రేమ్ రతన్ ధన్ పాయో చిత్రాన్ని ప్రేమలీల పేరుతో తెలుగులో రిలీజ్ చేస్తున్నారు.
 
 టాలీవుడ్ యంగ్ హీరో రామ్ చరణ్ ఈ సినిమాలో సల్మాన్ పాత్రకు డబ్బింగ్ చెపుతుండగా, హిందీలో రిలీజ్ అవుతున్న నవంబర్ 12న తెలుగులో కూడా భారీ రిలీజ్కు ప్లాన్ చేస్తున్నారు చిత్రయూనిట్. మరి ఈ కండలవీరుడు సౌత్ ఆడియన్స్ను తన ప్రేమలీలతో ఎంత వరకు ఆకట్టుకుంటాడో చూడాలి.


 టాలీవుడ్, బాలీవుడ్ సర్కిల్స్లో ఓ ఆసక్తి కరమైన వార్త చక్కర్లు కొడుతుంది. బాలీవుడ్ సూపర్ స్టార్గా ప్రజెంట్ వరుస సక్సెస్లతో దూసుకుపోతున్న సల్మాన్ ఖాన్కు టాలీవుడ్ యంగ్ హీరో రామ్ చరణ్ డబ్బింగ్ చెప్పబోతున్నాడట.  సల్మాన్ చేస్తున్న లేటెస్ట్ ఫ్యామిలీ యాక్షన్ ఎంటర్టైనర్ 'ప్రేమ్ రతన్ ధన్ పాయో' సినిమా కోసం ఈ క్రేజీ కాంబినేషన్ను సెట్ చేస్తున్నారు చిత్రయూనిట్.
 
 'ప్రేమ్ రతన్ ధన్ పాయో' సినిమాను హిందీతో పాటు ఒకేసారి తెలుగులో కూడా రిలీజ్ చేయడానికి ప్లాన్ చేస్తుంది చిత్ర నిర్మాణ సంస్ధ రాజశ్రీ ప్రొడక్షన్స్, అయితే తెలుగు వర్షన్లో సల్మాన్ పాత్రకు ఓ స్టార్ హీరోతో డబ్బింగ్ చెప్పించాలని భావించిన యూనిట్ సభ్యులు సల్మాన్తో సన్నిహిత సంబందాలు ఉన్న మెగా ఫ్యామిలీ హీరో అయితే కరెక్ట్ అని భావించారట. అందుకే సల్మాన్ ఖాన్ స్వయంగా చెర్రీకి ఫోన్ చేసి అడగటంతో చరణ్ వెంటనే ఒప్పేసుకున్నాడన్న టాక్ వినిపిస్తుంది.
 
 గతంలో సల్మాన్ హీరోగా తెరకెక్కిన 'మైనే ప్యార్ కియా', 'హమ్ ఆప్కే హై కౌన్' సినిమాలు తెలుగులో డబ్ అయి మంచి విజయాలు సాదించాయి. ఈ రెండు సినిమాలు తెలుగులో సక్సెస్ చేసిన రాజశ్రీ సంస్థ మరోసారి సల్మాన్ హీరోగా అదే మ్యాజిక్ను రిపీట్ చేయాలని భావిస్తోంది. ఇప్పటి వరకు అఫీషియల్ ఎనౌన్స్మెంట్ లేకపోయినా సల్మాన్ సినిమాకు చరణ్ డబ్బింగ్ అన్న వార్త మాత్రం ఫిలిం నగర్లో గట్టిగానే వినిపిస్తుంది.