Rahasya
-
హీరో కిరణ్ అబ్బవరంతో పెళ్లి... తేదీ రివీల్ చేసిన హీరోయిన్
హీరో కిరణ్ అబ్బవరం పెళ్లికి రెడీ అయిపోయాడు. తన మొదటి సినిమా హీరోయిన్నే ప్రేమించిన ఇతడు.. చాన్నాళ్ల పాటు సీక్రెట్గా తన బంధాన్ని మెంటైన్ చేస్తూ వచ్చాడు. ఈ ఏడాది మార్చిలో తన రిలేషన్ గురించి బయటపెట్టడంతో పాటు మార్చిలో నిశ్చితార్థం చేసుకున్నాడు. పెళ్లెప్పుడా అనేది ఇంకా చెప్పలేదు. అలాంటిది ఇప్పుడు కిరణ్కి పుట్టినరోజు శుభాకాంంక్షలు చెప్పిన కాబోయే భార్య.. పెళ్లి ఎప్పుడు జరగబోతుందో బయటపెట్టేసింది.(ఇదీ చదవండి: అనంత్ అంబానీ పెళ్లి.. నాగిని డ్యాన్స్తో అదరగొట్టిన స్టార్ హీరో!)షార్ట్ ఫిల్మ్స్తో కెరీర్ ప్రారంభించి 'రాజావారు రాణిగారు' మూవీతో కిరణ్ అబ్బవరం హీరోగా మారాడు. ఇందులో రహస్య గోరఖ్ అనే అమ్మాయి హీరోయిన్గా చేసింది. ఈ సినిమా తర్వాత కిరణ్ వరస చిత్రాల్లో నటిస్తూ మంచి గుర్తింపు తెచ్చుకోగా, రహస్య మాత్రం పూర్తిగా యాక్టింగ్ పక్కనబెట్టేసి, సాఫ్ట్వేర్ జాబ్ చేసుకుంటోంది.కిరణ్-రహస్య గత కొన్నాళ్లుగా రిలేషన్షిప్లో ఉన్నప్పటికీ దాన్ని బయటపెట్టలేదు. ఈ ఏడాది మార్చి 13న ఎంగేజ్మెంట్ చేసుకుని అందరికీ సర్ప్రైజ్ ఇచ్చారు. తాజాగా జూలై 15న కిరణ్ అబ్బవరం పుట్టినరోజు సందర్భంగా రహస్య ఓ క్యూట్ రొమాంటిక్ వీడియోని పోస్ట్ చేసి మరీ విషెస్ చెప్పింది. అలానే భర్త అనే పిలిచేందుకు తెగ వెయిట్ చేస్తున్నానని, దీనికి మరో 38 రోజులే ఉందని రాసుకొచ్చింది. ఈమె చెప్పిన దానిబట్టి చూస్తే ఆగస్టు 22న కిరణ్-రహస్య పెళ్లి బంధంతో ఒక్కటి కానున్నారు.(ఇదీ చదవండి: మీరు లేకపోతే నేను లేను : ప్రభాస్ స్వీట్ వీడియో) View this post on Instagram A post shared by Rahasya (@rahasya_gorak) -
హీరో కిరణ్ అబ్బవరంతో నిశ్చితార్థం.. హీరోయిన్ ఎమోషనల్ పోస్ట్
తెలుగు యంగ్ హీరో కిరణ్ అబ్బవరం నిశ్చితార్థం చేసుకున్నాడు. తనతో పాటు తొలి సినిమాలో హీరోయిన్గా చేసిన రహస్య గోరఖ్నే పెళ్లి చేసుకునేందుకు రెడీ అయిపోయాడు. హైదరాబాద్లో కుటుంబ సభ్యుల సమక్షంలో కిరణ్-రహస్య ఉంగరాలు మార్చుకున్నారు. ఇందుకు సంబంధించిన ఫొటోలు వైరల్ అవుతున్నాయి. ఇలాంటి టైంలో రహస్య.. కిరణ్తో ఆరేళ్ల ప్రేమ గురించి బయటపెట్టింది. షార్ట్ ఫిల్మ్స్తో కెరీర్ మొదలు పెట్టిన కిరణ్ అబ్బవరం, రహస్య గోరఖ్.. 'రాజావారు రాణిగారు' సినిమాతో వెండితెరకు పరిచయమయ్యారు. ఆ మూవీ తర్వాత రహస్య.. నటనని పక్కన పెట్టేసింది. కిరణ్ అబ్బవరం మాత్రం పలు చిత్రాల్లో నటించి హీరోగా కాస్తంత పేరు తెచ్చుకున్నాడు. అయితే వీళ్లిద్దరూ ప్రేమలో ఉన్నారని చాలారోజుల నుంచి రూమర్స్ వచ్చాయి. కాకపోతే ఇద్దరిలో వీటిపై ఎవరూ పెద్దగా స్పందించలేదు. తాజాగా నిశ్చితార్థంతో వీళ్ల ప్రేమ నిజమేనని అందరికీ తెలిసింది. (ఇదీ చదవండి: హీరో వెంకటేశ్ రెండో కూతురి పెళ్లి డేట్ ఫిక్స్.. ఎప్పుడో తెలుసా?) ఈ క్రమంలోనే తాజాగా కిరణ్-రహస్య నిశ్చితార్థం.. హైదరాబాద్లో మార్చి 13న జరిగింది. ఇది అయిన ఓ రోజు తర్వాత అంటే మార్చి 14న కిరణ్తో తన ప్రయాణం గురించి ఇన్ స్టా స్టోరీలో చెప్పుకొచ్చింది. 'ఆరేళ్లుగా నువ్వు నాకు తెలుసు. బెస్ట్ ఫ్రెండ్స్గా ఉన్నాం. ప్రేమలో పడ్డాం. ఎన్నో ఊసులు చెప్పుకున్నాం. ప్లానింగ్ లేకుండానే ట్రిప్స్కి వెళ్లాం. ఎన్నో ఎత్తుపల్లాలు చూశాం. ఏదైతేనేం మనది అద్భుతమైన జర్నీ. నీతోపాటు ఈ జర్నీని కొనసాగించేందుకు చాలా ఆత్రుతగా ఉన్నాను. నా సర్వస్వం కిరణ్ అబ్బవరం' అని రహస్య గోరఖ్ రాసుకొచ్చింది. అయితే వీళ్ల పెళ్లి ఈ ఏడాదిలోనే ఉండొచ్చని తెలుస్తోంది. (ఇదీ చదవండి: ఈ వారం ఓటీటీల్లోకి ఏకంగా 24 సినిమాలు.. ఆ మూడు స్పెషల్) -
ప్రియురాలితో ఎంగేజ్మెంట్ చేసుకున్న కిరణ్ అబ్బవరం!
రాజావారు రాణిగారు సినిమాతో తెలుగు తెరకు పరిచయమయ్యాడు కిరణ్ అబ్బవరం. ఇదే చిత్రంతో హీరోయిన్గా టాలీవుడ్ ప్రేక్షకులను పలకరించింది రహస్య గోరఖ్. జంటగా ఆన్స్క్రీన్లో రొమాన్స్ చేసిన వీళ్లిద్దరూ ఆఫ్స్క్రీన్లోనూ ప్రేమించుకుంటున్నారని ఎప్పటినుంచో ప్రచారం జరుగుతోంది. మొదట్లో స్నేహితులుగా ఉన్నప్పటికీ రానురానూ అది ప్రేమగా ముదిరిందని టాక్ నడిచింది. ఆ ప్రచారానికి మరింత ఆజ్యం పోస్తూ ఇద్దరూ కలిసి వెకేషన్కు వెళ్లేవారు. తాజాగా కిరణ్ అబ్బవరం, రహస్య గోరఖ్ ఎంగేజ్మెంట్ చేసుకున్నారు. కుటుంబ సభ్యులు, సన్నిహితుల సమక్షంలో ఉంగరాలు మార్చుకున్నారు. వీరిద్దరి నిశ్చితార్థానికి సంబంధించిన ఫోటోలు సోషల్ మీడియాలో తెగ వైరలవుతున్నాయి. త్వరలోనే ఓ ఇంటివాడు కాబోతున్న మన యంగ్ హీరోకు ఫ్యాన్స్ అభినందనలు చెబుతున్నారు. #TFNReels: Visuals from the engagement ceremony of @Kiran_Abbavaram & @rahasya_gorak!💍💕#KiranAbbavaram #RahasyaGorak #TeluguFilmNagar pic.twitter.com/HdVJmyV9mC — Telugu FilmNagar (@telugufilmnagar) March 13, 2024 -
హీరోయిన్ తో రహస్యంగా లవ్ !
-
హీరోయిన్తో రహస్యంగా లవ్..? సిగ్గుపడిపోయిన యంగ్ హీరో!
యంగ్ హీరో కిరణ్ అబ్బవరం రాజావారు రాణిగారు సినిమాతో తెలుగు తెరకు పరిచయమయ్యాడు. ఇదే మూవీతో టాలీవుడ్లో ఎంట్రీ ఇచ్చింది రహస్య గోరఖ్. ఈ చిత్రం హీరోహీరోయిన్లుగా వీరికి మంచి గుర్తింపు తీసుకొచ్చింది. అయితే రాజావారు రాణిగారు షూటింగ్ సమయంలో కిరణ్, రహస్యల మధ్య మొదలైన స్నేహం తర్వాత ప్రేమగా మారిందని టాక్ నడిచింది. సోషల్ మీడియాలో వీరిని లవ్ బర్డ్స్గా పేర్కొంటూ ఎన్ని వార్తలు వచ్చినా వీరిద్దరు మాత్రం పట్టించుకోలేదు. కలిసి వెకేషన్కు? ఆ మధ్య కిరణ్ వెకేషన్కు వెళ్లగా అక్కడ దిగిన ఫోటోలు షేర్ చేశాడు. అటు రహస్య కూడా అదే లొకేషన్లో దిగిన ఫోటో షేర్ చేయడంతో వీరిద్దరూ కలిసే షికారుకు వెళ్లారని తేలిపోయింది. ఆ తర్వాత కిరణ్ గృహప్రవేశ వేడుకలోనూ సందడి చేయడంతో వీరిమధ్య సమ్థింగ్ సమ్థింగ్ ఉందని అభిమానులు ఫిక్సయిపోయారు. తాజాగా మరోసారి దొరికిపోయాడు కిరణ్ అబ్బవరం. తెగ సిగ్గుపడిపోయిన హీరో పీపుల్స్ మీడియా ఫ్యాక్టరీ దావత్ అనే కొత్త షోను మొదలుపెట్టింది. ఈ షోలోకి కిరణ్ మొదటి గెస్టుగా విచ్చేశాడు. ఇక వచ్చీరావడంతోనే తన లవ్ లైఫ్ గురించి అడిగేసింది హోస్ట్ అషూ రెడ్డి. రహస్య గోరఖ్, మీరు రిలేషన్లో ఉన్నారా? అని అడగడంతో అలాంటిదేమీ లేదని, అలాంటిదేదైనా ఉంటే చెప్తామని బదులిచ్చాడు. చెప్తాము అంటున్నారంటే ఇద్దరూ కలిసి ఒకేసారి పెళ్లి డేట్ ఎప్పుడో చెప్తారా? అని ఆటపట్టించింది అషూ. దీంతో సిగ్గుపడిపోయిన కిరణ్.. నేను ఇచ్చిన ఇంటర్వ్యూలలో ఎప్పుడూ ఇంతలా దొరికిపోలేదు అని చెప్పుకొచ్చాడు. దొరికిపోయాను అంటున్నాడంటే నిజంగానే వీరిద్దరూ లవ్లో ఉన్నట్లేనని అభిమానులు అభిప్రాయపడుతున్నారు. చదవండి: గడగడలాడిస్తోన్న శోభా శెట్టి, గయ్యాలి గంపలా నోరేసుకుని సాధిస్తోంది! ఆఖరికి అర్జున్ కూడా.. -
‘రహస్య’ విడుదలను నిలిపేసిన బాంబే హైకోర్టు
ముంబై: ఆరుషి తల్వార్ హత్య నేపథ్యంలో వచ్చిన సినిమా ‘రహస్య’ విడుదలను బాంబే హైకోర్టు నిలిపివేసింది. జూన్ 13 వరకు విడుదల చేయకూడదని నిర్మాతలను ఆదేశించిన హైకోర్టు...ప్రోమోల నిలిపివేతకు నిరాకరించింది. సెలవుల తరువాత జూన్ 13న విచారించిన అనంతరం సినిమా విడుదలను నిర్ణయిస్తామని జస్టిస్ వీఎం కనడే, అనిల్ మీనన్ నేతృత్వంలోని ధర్మాసనం తెలిపింది. తమ కూతురు హత్య కేసులోని నిజానిజాలను వక్రీకరించేలా ఈ సినిమా ఉందంటూ ఈ కేసులో జీవిత ఖైదు అనుభవిస్తున్న తల్వార్ దంపతులు కోర్టును ఆశ్రయించారు. వారి అప్పీల్ను విచారించిన ధర్మాసనం పైవిధంగా తీర్పు వెలువరించింది.