‘రంగస్థలం’లో రంగమ్మత్తగా అలరించిన బుల్లితెర హాట్‌ యాంకర్‌ అనసూయ భరద్వాజ్‌.. ఆ పాత్ర చేయడానికి ముందు ఇబ్బంది పడ్డానని తెలిపారు. ట్విటర్‌లో లైవ్‌ చాట్‌ చేసిన అనసూయ అభిమానులు అడిగిన అన్ని ప్రశ్నలకు ఓపికగా బదులిచ్చారు. ఈ సందర్భంగా ఓ అభిమాని రంగస్థలంలో వయసుకు మించిన పాత్ర చేయడానికి ఇబ్బంది పడలేదా అని ప్రశ్నించాడు. దీనికి అనసూయ బదులిస్తూ.. ‘నిజంగా ముందు చాలా ఇబ్బంది పడ్డాను. కానీ ఒకసారి ఒప్పుకుంటే వెనుదిరిగి చూసే టైప్‌ కాదు నేను. డబ్బింగ్‌ చెప్పెటప్పుడే నా భయమంతా పోయిందని’ తెలిపారు. ఇక జీవితంలో చివరి రోజు ఏం చేస్తారని మరో అభిమాని ప్రశ్నించగా.. కుటుంబంతో గడుపుతానని బదులిచ్చారు. మిమ్మల్ని ఆంటీ అని పిలవడంపై  రియాక్షన్‌ ఏమిటని అడగగా.. కొంచెం ఎదగండయ్యా అని సమాధానమిచ్చారు.  Honestly mundu ibbandi paddanu.. but okasari accept cheste nenu venutirigi chuse type kadu🙈 But na bhayamanta dubbing cheppeppudu poindi😊 https://t.co/oyhvP4BGTI — Anasuya Bharadwaj (@anusuyakhasba) June 14, 2018 Grow up!🙄 https://t.co/4wSjl3bj1P — Anasuya Bharadwaj (@anusuyakhasba) June 14, 2018 ‘రంగస్థలం’ సినిమాలో ‘రంగమ్మత్త’గా విలక్షణ పాత్ర పోషించి ప్రేక్షకలోకాన్ని మెప్పించడంతో.. ఆమె క్రేజ్ ఒక్కసారిగా రెట్టింపయ్యింది. దీంతో ఆమెకు వరుస అవకాశాలు తలుపు తడుతున్నాయి.

మెగా పవర్‌ స్టార్‌ రామ్‌ చరణ్‌, క్రియేటివ్‌ డైరెక్టర్‌ సుకుమార్‌ కాంబినేషన్‌లో తెరకెక్కుతున్న క్రేజీ చిత్రం రంగస్థలం 1985. సినిమా షూటింగ్‌ లోకేషన్లు, సెట్‌ల వివరాలను ఎప్పటికప్పుడు సోషల్‌ మీడియాలో రామ్‌చరణ్‌ అప్‌డేట్‌ ఇస్తూనే ఉంటారు. అయితే సినిమా విడుదలకు సంబంధించిన విషయాల్లో చరణ్‌తో పాటు చిత్ర బృందం గోప్యత పాటిస్తూ వస్తున్నారు. దీంతో మెగా అభిమానుల్లో కొంత అసంతృప్తి నెలకొంది. అయితే వారిని కూల్‌ చేస్తూ చిత్ర నిర్మాణ సంస్థ సోషల్‌ మీడియా ద్వారా ఓప్రకటన విడుదల చేసింది. రంగస్థలం 1985 ఫస్ట్‌లుక్‌ను మొదట డిసెంబర్‌ 8 సాయంత్రం 5.30 గంటలకు విడుదల చేస్తామని మైత్రీ మూవీ మేకర్స్‌ ప్రకటించినా తర్వాత వాయిదా వేసింది. డిసెంబర్‌ 9 (శనివారం) ఉదయం 9గంటలకు విడుదల చేయబోతున్నట్లు ప్రకటించింది. దీనిపై మెగా అభిమానులు ఆనందం వ్యక్తం చేశారు. పీరియడిక్‌ లవ్‌ స్టోరిగా తెరకెక్కుతున్న ఈ సినిమాలో రామ్‌ చరణ్‌ సరసన సమంత హీరోయిన్‌గా నటిస్తుండగా జగపతి బాబు, ఆది పినిశెట్టి, వైభవ్‌, అనసూయలు ఇతర కీలక పాత్రల్లో నటిస్తున్నారు. ఇంక సినిమా విషయానికి వస్తే 1985 కాలం నాటి వాతావ‌ర‌ణం క‌నిపించ‌డం కోసం సుకుమార్‌ ప్రత్యేకంగా వేసిన సెట్‌లో షూటింగ్ జరుపుతున్నారు. ప్రముఖ సంగీత దర్శకులు దేవీశ్రీ ప్రసాద్‌ సంగీతం అందిస్తున్నారు. The wait will be a bit longer. #RangasthalamFirstLook will be released at 9 AM on 9th Dec. pic.twitter.com/wlYkXWNzw2 — Mythri Movie Makers (@MythriOfficial) December 7, 2017

ఇప్పుడంటే బ్రాండెడ్‌ బట్టలు, బోలెడన్ని డిస్కౌంట్లు, ఫెస్టివల్‌ బంపర్‌ ఆఫర్లు ఉన్నాయి. కానీ, 30 ఏళ్ల క్రితం సీన్‌ వేరు. బ్రాండెడ్‌ ఉన్నప్పటికీ.. అందరికీ అందుబాటులో ఉండేవి కావు. ముఖ్యంగా పల్లెల్లో నేత దుస్తులే వాడేవారు. ఇప్పుడు టాప్‌ టు బాటమ్‌ బ్రాండెడ్‌ వేర్‌ వాడుతున్న రామ్‌చరణ్‌ నేత దుస్తుల గురించి తెలుసుకుంటున్నారు. ఒక్కసారి ఇన్‌సెట్‌లో ఉన్న ఫొటో చూడండి! పోగు.. పోగు కలిపి నేత బట్టలను ఇలా నేస్తారా? అని రామ్‌చరణ్‌ తెలుసుకుంటున్నట్లు ఉంది కదా! ఇది ‘రంగస్థలం’ సినిమా కోసం అని ఊహించే ఉంటారు. 1985 బ్యాక్‌డ్రాప్‌లో సుకుమార్‌ తెరకెక్కిస్తోన్న ఈ చిత్రం తాజా స్టిల్‌ ఇది. అదిరింది కదూ. ఇంతకీ ‘రంగస్థలం’ ఎందాకా వచ్చిందంటే.. ప్రస్తుతం ప్యాచ్‌వర్క్‌ జరుగుతోంది. హైదరాబాద్‌లో వేసిన విలేజ్‌ సెట్‌లో చిత్రీకరిస్తున్నారు. వచ్చే సోమవారం వరకూ ఈ షూట్‌ జరుగుతుంది. ఆ తర్వాత చిన్న బ్రేక్‌. టెన్‌ డేస్‌ రామ్‌చరణ్‌ వేరే సిన్మా ప్లాన్స్‌తో బిజీగా ఉంటారు. అంటే... ఇంకో సినిమా ఏమైనా కమిట్‌ అయ్యారనుకుంటున్నారేమో? హీరోగా కమిట్‌ అయ్యారు కానీ, ఈ బిజీ మాత్రం నిర్మాతగా. చిరంజీవి ‘సైరా’ ఈ నెల 6న ఆరంభం కానున్న విషయం తెలిసిందే. ఆ సినిమా కోసమే టెన్‌ డేస్‌ బ్రేక్‌. ‘రంగస్థలం’ కెమెరామేన్‌ రత్నవేలు ‘సైరా’కి కూడా వర్క్‌ చేయనున్నారు. పది రోజులు షూట్‌ తర్వాత ‘సైరా’కి చిన్ని బ్రేక్‌. వెంటనే ‘రంగస్థలం’ మొదలవుతుంది. ఆ షెడ్యూల్‌లో చిత్రీకరించే మూడు పాటలతో సినిమాకి గుమ్మడికాయ కొట్టేస్తారు. ఇంకో ఇంట్రెస్టింగ్‌ విషయం ఏంటంటే.. ఈ సినిమాలో ఆది పినిశెట్టి నటిస్తోన్న విషయం తెలిసిందే. చరణ్‌కి బ్రదర్‌గా నటిస్తున్నారని వార్త షికారు చేస్తోంది. ‘అది నిజమే. ఇద్దరి మధ్య వచ్చే సీన్స్‌ సూపర్‌’ అని యూనిట్‌ సన్నిహిత వర్గాలు తెలిపాయి.

మెగా పవర్ స్టార్ రామ్ చరణ్ ప్రస్తుతం సుకుమార్ దర్శకత్వంలో 'రంగస్థలం 1985' సినిమాలో నటిస్తున్న సంగతి తెలిసిందే. పీరియాడిక్ జానర్ లో సరికొత్త ప్రేమకథగా తెరకెక్కుతున్న ఈ సినిమాను 2018 వేసవిలో రిలీజ్ చేసేందుకు ప్లాన్ చేస్తున్నారు. ఈసినిమా సెట్స్ మీద ఉండగానే చరణ్ తన తదుపరి చిత్రాన్ని ప్రారంభించాడు. మాస్ యాక్షన్ సినిమాల స్పెషలిస్ట్ బోయపాటి శ్రీను దర్శకత్వంలో చరణ్ తదుపరి చిత్రం చేయనున్నాడు. ఈ సినిమా ఈ రోజు(శుక్రవారం) లాంచనంగా ప్రారంభమైంది. డివివి దానయ్య నిర్మాణంలో తెరకెక్కుతున్న ఈ సినిమా 2018 జనవరి నుంచి రెగ్యులర్ షూటింగ్ కు వెళ్లనుంది. ధృవ, రంగస్థలం లాంటి ప్రయోగాలు చేసిన చరణ్ తన నెక్ట్స్ సినిమా పక్కా కమర్షియల్ ఎంటర్ టైనర్ గా రూపొందించాలని ప్లాన్ చేస్తున్నాడు. ఈ సినిమాతో పాటు ఎన్టీఆర్ తో కలిసి  రాజమౌళి దర్శకత్వంలో ఓ మల్టీ స్టారర్ సినిమాకు కూడా ఓకె చెప్పాడన్న ప్రచారం జరుగుతోంది.

అద్భుత అధ్యాయం ఇప్పుడే ఆరంభమైందని నటి సమంత పేర్కొన్నారు. బానాకాత్తాడి అనే తమిళ చిత్రంతో నటిగా తెరపైకి వచ్చిన సమంత ఆ తరువాత ఏమాయ చేశావే చిత్రంతో టాలీవుడ్‌కు పరిచయమయ్యారు.  ఆ సినిమా సాధించిన విజయం సమంతకు నటిగా ఉన్నత స్థానాన్ని అందించింది. ఆ తరువాత నటిగా వెనుదిరిగి చూసుకోవాల్సిన అవసరం ఈ బ్యూటీకి లేకపోయింది. తెలుగుతో పాటు తమిళంలోనూ స్టార్‌ హీరోలతో జత కట్టి స్టార్‌ ఇమేజ్‌ను అందుకున్నారు.  అలా తొలి తెలుగు చిత్రం ఏమాయచేశావే చిత్ర షూటింగ్‌ సమయంలోనే ఈ చెన్నై చిన్నది టాలీవుడ్‌ యువ నటుడు నాగచైతన్యను ప్రేమించి పెద్దల అనుమతితో ఇటీవలే పెళ్లి చేసుకున్న విషయం తెలిసిందే. అలా సమంత రూత్‌ప్రభు ఇంటి పేరు మారి సమంత అక్కినేనిగా తెలుగింటి కోడలయ్యారు. విశేషం ఏమిటంటే చాలా మంది హీరోయిన్లు పెళ్లి తరువాత కొంతకాలం నటనకు విరామం ఇస్తారు. నటి సమంత మాత్రం పెళ్లి అయిన వారం లోపే నటించడానికి రెడీ అయిపోయారు. అలా చేతినిండా చిత్రాలున్న నటి కూడా ఈ బ్యూటీనే అవుతారు. ప్రస్తుతం తెలుగులో రామ్‌చరణ్‌తో రంగస్థలం 1985, నటి సావిత్రి జీవిత చరిత్రతో తెరకెక్కుతున్న మహానటి, తమిళంలో విశాల్‌కు జంటగా ఇరుంబుతిరై, విజయ్‌సేతుపతితో అనీతికథైగళ్, శివకార్తికేయన్‌తో ఒక చిత్రం అంటూ బిజీబిజీగా ఉన్నారు. ఈ ముద్దుగుమ్మ ఇటీవల ఇచ్చిన ఒక భేటీలో తన జీవితంలో నటిగా అద్భుత అధ్యాయం ఇప్పుడే ప్రారంభమైందన్నారు. నటనకు అవకాశం ఉన్న పాత్రల్లో నటించాలని ఆశపడుతున్నానని అన్నారు. వివాహానికి ముందు కత్తి, తేరి వంటి సక్సెస్‌ఫుల్‌ చిత్రాల్లో నటించానని, ఇప్పుడు కూడా నటనకు అవకాశం ఉన్న పాత్రలో నటించి తన ప్రతిభను నిరూపించుకోవాలని కోరుకుంటున్నానని అన్నారు. 

ఇటీవల కాలంలో రామ్ చరణ్ లో చాలా మార్పు వచ్చింది. సినిమాల ఎంపికతో పాటు ఫ్యాన్స్ ఇండస్ట్రీ ప్రముకులతో ఆయన వ్యవహరించే తీరులో కూడా మార్పు చాలా స్పష్టంగా కనిపిస్తోంది. గతంలో చాలా ఆవేశంగా కనిపించిన చరణ్ ఇప్పుడు హుందాగా ఉంటున్నాడు. అంతేకాదు తరుచూ అభిమానులను కలుస్తూ అందరి దృష్టిని ఆకర్షిస్తున్నాడు. తాజాగా తన సినిమా సాంకేతిక నిపుణుడి కొడుకు పుట్టిన రోజున వీడియో మెసేజ్ పంపి సర్ ప్రైజ్ చేశాడు చరణ్. మెగా పవర్ స్టార్ రామ్ చరణ్ ప్రస్తుతం సుకుమార్ దర్శకత్వంలో రంగస్థలం 1985 సినిమాలో నటిస్తున్న సంగతి తెలిసిందే. ఇప్పటికే మేజర్ పార్ట్ షూటింగ్ పూర్తి చేసుకున్న ఈ సినిమాకు రత్నవేలు సినిమాటోగ్రాఫర్. బుధవారం రత్నవేలు కొడుకు పుట్టిన రోజు సందర్భంగా చరణ్ ఓ వీడియో మేసేజ్ ను పంపించాడు. ఈ విషయాన్ని తన సోషల్ మీడియా ద్వారా వెల్లడించిన రత్నవేలు, చరణ్ కు కృతజ్ఞతలు తెలిపాడు. My dear son Adith wish u a Happy Birthday !! Thank you Charan for your wishes n love @KonidelaPro pic.twitter.com/04Ad1VqJfn — Rathnavelu ISC (@RathnaveluDop) 15 November 2017

మెగా పవర్‌ స్టార్‌ రామ్‌ చరణ్‌, క్రియేటివ్‌ డైరెక్టర్‌ సుకుమార్‌ కాంబినేషన్‌ లో రంగస్థలం 1985 సినిమాలో నటిస్తున్న సంగతి తెలిసిందే. ప్రస్తుతం నిర్మాణ దశలో ఉన్న ఈ సినిమా రిలీజ్‌ డేట్‌ విషయంలో చిత్రయూనిట్‌ ఇంత వరకు క్లారిటీ ఇవ్వలేదు. సంక్రాంతి అని కొద్ది రోజులు, తరువాత డిసెంబర్‌ లోనే రిలీజ్‌ అవుతుందని కొద్ది రోజులు ప్రచారం జరిగింది. కొద్ది రోజులుగా ఈ సినిమాను వేసవికి వాయిదా వేశారన్న టాక్‌ వినిపిస్తోంది. అయితే రిలీజ్‌ విషయంలో క్లారిటీ లేకపోయినా.. రంగస్థలం భారీగా బిజినెస్‌ చేస్తోంది. ప్రస్తుతం హైదరాబాద్‌ లో వేసిన ప్రత్యేక సెట్‌ లో ఈ సినిమా షూటింగ్‌ జరుగుతోంది. పీరియడిక్‌ లవ్‌ స్టోరిగా తెరకెక్కుతున్న ఈ సినిమాలో రామ్‌ చరణ్‌ సరసన సమంత హీరోయిన్‌గా నటిస్తుండగా జగపతి బాబు, ఆది పినిశెట్టి, వైభవ్‌, అనసూయలు ఇతర కీలక పాత్రల్లో నటిస్తున్నారు. ఈ సిమాకు సంబంధించి ఇప్పటికే 35 కోట‍్లకు పైగా బిజినెస్‌ జరిగిందన్న ప్రచారం జరుగుతోంది. తెలుగు శాటిలైట్‌, డిజిటల్‌ హక్కులు 20 కోట్ల వరకు ధర పలికాయట. అలాగే హిందీ ప్రసార హక్కులు 10 కోట్లకు పైగా అమ్ముడయినట్టుగా ప్రచారం జరుగుతోంది. ఆడియో హక్కులకు మరో కోటిన్నర వరకు రాగా మొత్తం కలిపి 35 కోట్ల వరకు ఉంటుందంటున్నారు ఫ్యాన్స్‌. ప్రస్తుతానికి రంగస్థలం 1985 బిజినెస్‌కు సంబందించి ఎలాంటి అధికారిక ప్రకటన లేకపోయినా.. అబిమానులు మాత్రం భారీగా బిజినెస్‌ జరుగుతోందని సంబరపడిపోతున్నారు.

మెగా పవర్‌ స్టార్‌ రామ్‌చరణ్‌ ప్రస్తుతం సుకుమార్‌ దర్శకత్వంలో రంగస్థలం 1985 సినిమాలో నటిస్తున్న సంగతి తెలిసిందే. చాలా రోజులుగా షూటింగ్‌ జరుపుకుంటున్న ఈ సినిమాను సంక్రాంతి కానుకగా రిలీజ్‌ చేసేందుకు ప్లాన్‌ చేస్తున్నారు. రామ్‌ చరణ్‌ ధృవ సినిమాతో సూపర్‌ హిట్‌ సాధించటంతో రంగస్థలం కు భారీ బిజినెస్‌ జరుగుతోంది. తాజాగా ఈ సినిమా శాటిలైట్‌ రైట్స్‌ భారీ మొత్తానికి అమ్ముడయ్యాయన్న ప్రచారం జరుగుతోంది. రామ్‌చరణ్‌ సరసన సమంత హీరోయిన్‌ గా నటిస్తున్న రంగస్థలం సినిమా శాటిలైట్‌ రైట్స్‌ 18 కోటలకు అమ్ముడయినట్టుగా వార్తలు వినిపిస్తున్నాయి. దీంతో అత్యధిక ధరకు శాటిలైట్స్‌రైట్స్‌ అమ్ముడయిన మూడో చిత్రంగా రంగస్థలం రికార్డ్‌ సృష్టించింది. చరణ్‌కంటే ముందు ఎవరికీ అందని రేంజ్‌లో బాహుబలితో ప్రభాస్‌ నిలవగా తాజాగా త్రివిక్రమ్‌తో చేస్తున్న సినిమాతో పవన్‌ రెండో స్థానంలో నిలిచాడు. అయితే రంగస్థలం 1985 శాటిలైట్‌ రైట్స్‌ కు సంబంధించి చిత్రయూనిట్‌ నుంచి మాత్రం ఎలాంటి అధికారిక ప్రకటనా లేదు.

మెగా పవర్‌స్టార్‌ రామ్‌చరణ్‌ ప్రస్తుతం సుకుమార్‌ దర్శకత్వంలో రంగస్థలం 1985 సినిమాలో నటిస్తున్న  సంగతి తెలిసిందే. చాలా రోజులుగా షూటింగ్‌జరుపుకుంటున్న ఈ సినిమాను ముందుగా సంక్రాంతికి రిలీజ్‌ చేయాలని భావించారు. అయితే సంక్రాంతి బరిలో పవన్‌, త్రివిక్రమ్‌ల కాంబినేషన్‌లో తెరకెక్కుతున్న సినిమా రిలీజ్‌ అవుతుండటంతో చరణ్‌ తన సినిమాను వేసవికి వాయిదా వేసుకున్నాడన్న ప్రచారం జరిగింది. కొద్ది రోజులుగా రంగస్థలం రిలీజ్‌ డేట్‌ విషయంలో రకరకాల వార్తలు వినిపిస్తున్నాయి. తాజా సమాచారం ప్రకారం ఈ సినిమాను వేసవికి ముందే రిలీజ్‌ చేయాలని భావిస్తున్నారట. సమ్మర్‌ భారీ చిత్రాలు రిలీజ్‌ కు రెడీ అవుతుండటంతో కాస్త ముందుగానే సినిమా రిలీజ్‌ చేస్తే బెటర్‌ అని భావిస్తున్నారట. అందుకే మార్చి నెలాఖరునే రంగస్థలం 1985 రిలీజ్‌ కు ప్లాన్‌ చేస్తున్నారు చిత్రయూనిట్‌.

పండగ అంటే ఇప్పుడు మనం చేసుకుంటున్నటువంటి పండగల్లా కాదండోయ్‌! అచ్చ తెలుగు పండగ... అందరూ కలసి చేసుకునే పండగ! చేతుల్లో సెల్లులు లేవ్‌. మనసుల్లో ముసుగులు లేవ్‌. మనుషులంతా మంచిగా చేసుకున్న ఆ పండగ ఎలా ఉందో... చూడాలంటే రామ్‌చరణ్‌ ‘రంగస్థలం’ విడుదల కావాల్సిందే. రామ్‌చరణ్‌ హీరోగా సుకుమార్‌ దర్శకత్వంలో మైత్రీ మూవీ మేకర్స్‌ పతాకంపై ఎర్నెనీ నవీన్, చెరుకూరి మోహన్, వై. రవిశంకర్‌ నిర్మిస్తున్న సినిమా ‘రంగస్థలం’. ప్రస్తుతం హైదరాబాద్‌లో వేసిన సెట్‌లో పండగ నేపథ్యంలో వచ్చే పాటను చిత్రీకరిస్తున్నారు. 1985వ సంవత్సరం నేపథ్యంలో రూపొందుతోన్న చిత్రమిది. అప్పట్లో జాతరలు ఎలా జరిగేవో... ఇందులో చూడొచ్చన్న మాట! ఈ పాట చిత్రీకరణ పూర్తయ్యాక, వారం రోజుల విరామం తీసుకుని, మళ్లీ ఫ్రెష్‌ షెడ్యూల్‌ను స్టార్ట్‌ చేయాలనుకుంటున్నారట! సమంత హీరోయిన్‌గా నటిస్తున్న ఈ చిత్రానికి దేవిశ్రీ ప్రసాద్‌ స్వరకర్త. అనసూయ, ఆది పినిశెట్టి కీలక పాత్రల్లో నటిస్తున్నారు. పూజా హెగ్డే ప్రత్యేక గీతంలో కనిపించనున్నారు.

మెగా పవర్ స్టార్ రామ్ చరణ్ ప్రస్తుతం సుకుమార్ దర్శకత్వంలో రంగస్థలం 1985 సినిమాలో నటిస్తున్న సంగతి తెలిసిందే. చరణ్ సరసన సమంత హీరోయిన్ గా నటిస్తున్న ఈ సినిమాలో జగపతి బాబు, ఆది, వైభవ్, అనసూయలు ఇతర కీలక పాత్రల్లో నటిస్తున్నారు. చరణ్... సైరా నరసింహారెడ్డి నిర్మాణ పనుల్లోనూ బిజీగా ఉండటంతో రంగస్థలం షూటింగ్ కాస్త నెమ్మదిగా సాగుతోంది. తాజాగా ఈ సినిమాకు  సంబంధించిన లోకేషన్ స్టిల్స్ సోషల్ మీడియాలో సందడి చేస్తున్నాయి. పీరియాడిక్ సినిమా కావటంతో అప్పటి వాతావరణాన్ని కళ్లకు కట్టేందుకు అద్భుతమైన సెట్స్ రూపొందించారు. తోట తరణి ఆధ్వర్యంలో రూపొందిన ఈ సెట్స్ అప్పటి పల్లె వాతావరణాన్ని ఈ తరానికి పరిచయం చేయనున్నాయి. పీరియాడిక్ లవ్ స్టోరిగా తెరకెక్కుతున్న రంగస్థలం 1985 సినిమాను 2018 జనవరిలో రిలీజ్ చేయాలని ప్లాన్ చేస్తున్నారు.

మెగా పవర్ స్టార్ రామ్ చరణ్ ప్రస్తుతం సుకుమార్ దర్శకత్వంలో రంగస్థలం 1985 సినిమాలో నటిస్తున్న సంగతి తెలిసిందే. చాలా రోజులుగా షూటింగ్ జరుపుకుంటున్న ఈ సినిమాను 2018 సంక్రాంతికి రిలీజ్ చేసేలా ప్లాన్ చేస్తున్నారు. పీరియాడిక్ లవ్ స్టోరిగా తెరకెక్కుతున్న ఈ సినిమాలో చరణ్ వినికిడి లోపం ఉన్న.. రంగస్థల కళాకారుడిగా నటిస్తున్నాడన్న ప్రచారం జరుగుతోంది. రామ్ చరణ్ సరసన సమంత హీరోయిన్ గా నటిస్తున్న ఈ సినిమాకు సంబంధించి మరో ఆసక్తికర వార్త టాలీవుడ్ సర్కిల్స్ లో వినిపిస్తోంది. సమంతతో పాటు అనసూయ మరో కీలక పాత్రలో నటిస్తున్న ఈ సినిమాలో ఓ స్పెషల్ సాంగ్ లో పూజా హెగ్డే ఆడి పాడనుంది. ఈ విషయాన్ని చిత్ర నిర్మాణ సంస్థ అధికారికంగా ప్రకటించింది. అల్లు అర్జున్ సరసన డీజే దువ్వాడ జగన్నాథ్ సినిమాలో గ్లామర్ షోతో ఆకట్టుకున్న పూజాను సుకుమార్ మార్క్ ఐటమ్ సాంగ్ లో చూసేందుకు అభిమానులు ఆసక్తిగా ఎదురుచూస్తున్నారు. .@hegdepooja will be doing a special song in Mega Power Star Ram Charan's #Rangasthalam🔥 More exciting updates coming your way in October ✊ pic.twitter.com/tmU4dbi3cv — Mythri Movie Makers (@MythriOfficial) 4 October 2017

మెగాపవర్ స్టార్ రామ్ చరణ్ హీరోగా సుకుమార్ దర్శకత్వంలో తెరకెక్కుతున్న సినిమా రంగస్థలం 1985. పీరియాడిక్ లవ్ ఎంటర్టైనర్ గా తెరకెక్కుతున్న ఈ సినిమాను సంక్రాంతి కానుకగా రిలీజ్ చేసేందుకు ప్లాన్ చేస్తున్నారు. ఇప్పటి వరకు టైటిల్ లోగోను మాత్రమే రిలీజ్ చేసిన చిత్రయూనిట్, దసరా సందర్భంగా ఫస్ట్ లుక్ పోస్టర్ ను రిలీజ్ చేయాలని భావిస్తున్నారు. తాజాగా ఈ ఫస్ట్ లుక్ రిలీజ్ కు సంబంధించిన ఇంట్రస్టింగ్ అప్ డేట్ ఒకటి టాలీవుడ్ సర్కిల్స్ లో వినిపిస్తోంది. గతంలో చెర్రీ హీరోగా తెరకెక్కిన నాయక్ సినిమా ఆడియో ఫంక్షన్ లో పాల్గొన్న పవర్ స్టార్ పవన్ కళ్యాణ్ తరువాత చరణ్ సినిమాలకు సంబంధించిన ఏ వేడుకలోనూ పాలు పంచుకోలేదు. ఇన్నాళ్లకు రంగస్థలం 1985 ఫస్ట్ లుక్ ను పవన్ చేతుల మీదుగా రిలీజ్ చేయనున్నారట. ఇప్పటి వరకు అధికారిక ప్రకటన లేకపోయినా.. పవన్, చరణ్ ల మధ్య ఉన్న సాన్నిహిత్యం దృష్ట్యా పవన్, రంగస్థలం ఫస్ట్ లుక్ రిలీజ్ చేసే అవకాశాలు కనిపిస్తున్నాయి.


 రామ్ చరణ్ తాజా చిత్రం రంగస్థలం 1985కి సంబంధించిన లుక్స్, మెగా అభిమానులను ఖుషీ చేస్తున్నాయి. ఇప్పటి వరకు చరణ్ మాస్ హీరోయిజం ఉన్న సినిమాలు చేసినా పూర్తిగా విలేజ్ బ్యాక్ డ్రాప్ సినిమాలో మాత్రం నటించలేదు. తొలిసారిగా అలాంటి క్యారెక్టర్ చేస్తుండటంతో రంగస్థలంపై భారీ అంచనాలు ఏర్పడ్డాయి. సుకుమార్ కూడా తొలిసారిగా తన రెగ్యులర్ ఫార్మాట్ కు భిన్నమైన సినిమా చేస్తుండం ఈ సినిమాపై మరింత ఆసక్తి కలిగిస్తుంది.
 
 1980ల నాటి కథతో తెరకెక్కుతున్న ఈసినిమాలో చరణ్, లుంగీతో పల్లెటూరి యువకుడిలా కనిపించనున్నాడు. చిరు మాస్ ఊరమాస్ క్యారెక్టర్ ను తొలిసారిగా ట్రై చేస్తున్న చరణ్, ఆ పాత్రకు పూర్తి న్యాయం చేస్తున్నాడని, అద్భుతంగా నటిస్తున్నాడని దర్శకుడు సుకుమార్ ప్రశంసిచ్చాడు. తాజాగా రంగస్థలం 1985 సినిమాకు సంబంధించిన చరణ్ లుక్ ఒకటి సోషల్ మీడియాలో హల్ చల్ చేస్తోంది. బనియన్, లుంగీతో ఉన్న చరణ్ పక్క పల్లెటూరి వాడిలా అదరగొడుతున్నాడు. ఇప్పటికే రాజమండ్రి పరిసర ప్రాంతాల్లో భారీ షెడ్యూల్ పూర్తి చేసుకున్న ఈ సినిమా త్వరలో హైదరాబాద్ లో మరో భారీ షెడ్యూల్ కు రెడీ అవుతోంది.


 ప్రస్తుతం మెగా పవర్ స్టార్ రామ్ చరణ్ రంగస్థలం 1985 సినిమాలో నటిస్తున్న సంగతి తెలిసిందే. సుకుమార్ దర్శకత్వంలో పీరియాడిక్ లవ్ స్టోరిగా తెరకెక్కుతున్న ఈ సినిమాలో చరణ్ మాస్ లుక్లో దర్శనమివ్వనున్నాడు. ఇప్పటికే రాజమండ్రి పరిసర ప్రాంతాల్లో గోదావరి నది, పల్లెటూరికి సంబంధించిన కొన్ని సీన్స్ను షూట్ చేశారు. త్వరలో మరో భారీషెడ్యూల్కు రెడీ అవుతున్నారు.
 
 నెక్ట్స్ షెడ్యూల్ కోసం 5 కోట్లతో భారీ సెట్ను రూపొందిస్తున్నారు. 1980ల నాటి వాతావరణం కనిపించేలా ఓ గ్రామాన్ని ఆర్టిఫిషియల్గా నిర్మిస్తున్నారు. దాదాపు 35 రోజులపాటు ఈ సెట్ లోనే షూటింగ్ జరగనుంది. చరణ్తో పాటు సినిమాలో కీలక పాత్రల్లో కనిపిస్తున్న హీరోయిన్ సమంత, ఆది పినిశెట్టి, జగపతిబాబు, అనసూయలో ఈ షూటింగ్లో పాల్గొననున్నారు.


 ధృవ లాంటి బ్లాక్ బస్టర్ హిట్ తరువాత మెగా పవర్ స్టార్ రామ్ చరణ్ హీరోగా తెరకెక్కుతున్న సినిమా రంగస్థలం 1985. పీరియాడిక్ లవ్ స్టోరిగా తెరకెక్కుతున్న ఈ సినిమాకు సుకుమార్ దర్శకుడు. ప్రస్తుతం షూటింగ్ జరుపుకుంటున్న ఈ సినిమా చరణ్ కెరీర్ లోనే బిగెస్ట్ ప్రీ రిలీజ్ బిజినెస్ చేస్తుందన్న ప్రచారం జరుగుతోంది. రామ్ చరణ్ సరసన సమంత హీరోయిన్ గా నటిస్తున్న ఈ సినిమా ఇప్పటికే 51 కోట్ల వరకు బిజినెస్ పూర్తి చేసుకుంది.
 
 శాటిలైట్ హక్కులకు గాను 16 కోట్లు, ఇతర డిజిటల్ హక్కులు 13 కోట్లతో పాటు.. పలు ఏరియాలకు సంబంధించిన బిజినెస్ కూడా పూర్తయ్యిందన్న ప్రచారం జరుగుతుంది. సినిమా రిలీజ్ అయ్యే లోపు రంగస్థలం 1985 ప్రీ రిలీజ్ బిజినెస్ 125 కోట్ల వరకు జరుగుతుందని అంచనా వేస్తున్నారు. ధృవ సినిమా 80 కోట్లకు పైగా వసూళ్లు సాధించిన చరణ్, రంగస్థలంతో 100 కోట్ల క్లబ్ లో ఎంటర్ అవ్వటం ఖాయంగా కనిపిస్తుంది.