ఆర్‌బీఐ డిప్యూటీ గవర్నర్ గాంధీ
 
 ముంబై: రుణాల చెల్లింపుల విషయంలో మంచి ధోరణులను అవలంభించేలా యువతకు తగిన మార్గనిర్ధేశం(కౌన్సిలింగ్) చేయాల్సిన అవసరం ఉందని  రిజర్వ్ బ్యాంక్(ఆర్‌బీఐ) డిప్యూటీ గవర్నర్ ఆర్. గాంధీ పేర్కొన్నారు. బ్యాంకులు, క్రెడిట్ ఇన్ఫర్మేషన్ కంపెనీ(సీఐసీ)లు దీనికి నడుంబిగించాలన్నారు. మంగళవారమిక్కడ సిబిల్ నిర్వహించిన ఒక కార్యక్రమంలో విద్యా రుణాల విభాగంలో మొండిబకాయిలు భారీగా పెరుగుతుండటాన్ని ప్రస్తావిస్తూ ఆయన ఈ వ్యాఖ్యలు చేశారు. ప్రాధాన్య రంగ రుణాల విభాగంలో రూ.4 లక్షల లోపు విద్యా రుణాల్లో మొండి బకాయిలు గతేడాది మార్చి నాటికి 7.54 శాతానికి ఎగబాకాయన్నారు. సగటు ఎన్‌పీఏలు 4 శాతంతో పోలిస్తే ఈ పరిమాణం చాలా ఎక్కువగా ఉన్నట్లు తెలిపారు.
  
 పీఎస్‌బీలు సొంతంగా నిధులను సమీకరించుకోవాలి
  ప్రభుత్వ రంగ బ్యాంకు(పీఎస్‌బీ)లు ప్రభుత్వ మూలధన నిధులపైనే ఆధారపడకుండా రానున్న రోజుల్లో ఇతర ప్రత్యామ్నాయ మార్గాల ద్వారా సొంతంగా నిధులను సమీకరించడంపై దృష్టిపెట్టాలని రిజర్వ్ బ్యాంక్(ఆర్‌బీఐ) డిప్యూటీ గవర్నర్ ఆర్. గాంధీ పేర్కొన్నారు. కొన్ని ఎంపిక చేసిన బ్యాంకులకు మాత్రమే కేంద్ర ప్రభుత్వం మూలధనాన్ని సమకూర్చడాన్ని స్వాగతిస్తున్నట్లు ఆయన చెప్పారు. ‘భవిష్యత్తులో బ్యాంకులకు మరింత మూలధనం అవసరమవుతుంది. ఈ నిధుల కోసం ఇతర మార్గాలను అన్వేషించాలి. ప్రభుత్వంపైనే ఆధారపడటం సరికాదు’ అని గాంధీ అభిప్రాయపడ్డారు.


 బాసెల్ 3 ప్రమాణాలపై ఆర్‌బీఐ డిప్యూటీ గవర్నర్ గాంధీ
 కోల్‌కతా: ప్రభుత్వ రంగ బ్యాంకులు (పీఎస్‌బీ) బాసెల్ 3 మూలధన ప్రమాణాలు అందుకోవాలంటే కేంద్రం వాటిల్లో వాటాలు విక్రయిస్తే సరిపోదని రిజర్వ్ బ్యాంక్ డిప్యూటీ గవర్నర్ ఆర్.గాంధీ చెప్పా రు. పీఎస్‌బీలు రాబోయే ఐదేళ్లలో నిధుల సమీకరణకు స్పష్టమైన ప్రణాళికను స్వయంగా సిద్ధం చేసుకోవాల్సి ఉంటుందని శనివారం జరిగిన ఒక సెమినార్‌లో పాల్గొన్న సందర్భంగా ఆయన ఈ విషయాలు తెలిపారు.
 
 పీఎస్‌బీలకు నిధులు సమకూర్చే క్రమంలో వాటిల్లో త న వాటాలను 52 శాతానికి తగ్గించుకోవాలని కేంద్రం యోచి స్తోన్న సంగతి తెలిసిందే. అయితే, కేంద్రం ఇలా వాటాలు తగ్గించుకోవడం ద్వారా నిధులు వచ్చినా అవి బాసెల్ 3 ప్రమాణాలు అందుకునేందుకు సరిపోవని గాంధీ పేర్కొన్నారు.
 
 పీఎస్‌బీలు స్వయంగా నిధులు సమీకరించుకునేందుకు నాన్-ఓటింగ్ రైట్స్ షేర్ క్యాపిటల్, డిఫరెన్షియల్ ఓటింగ్ రైట్స్ క్యాపిటల్, గోల్డెన్ ఓటింగ్ రైట్స్ షేర్ క్యాపిటల్ మొదలైన అంశాలను పరిశీలించవచ్చని తెలిపారు. రెండో అంచె మూలధన అవసరాల కోసం బ్యాం కులు కావాలంటే దీర్ఘకాలిక బాండ్ల జారీ ద్వారా నిధులు సమకూర్చుకోవచ్చన్నారు.