తెలుగు చిత్ర పరిశ్రమలో చాలామంది సెలబ్రిటీలు  పెళ్లి పీటలు  ఎక్కుతున్నారు. ఇప్పటికే వరుణ్‌ తేజ్‌-లావణ్య త్రిపాఠిల పెళ్లి కొద్దిరోజుల్లో జరగనున్న విషయం తెలిసిందే.. విక్టరీ వెంకటేష్‌ కూతురు హయవాహిని ఎంగేజ్‌ మెంట్‌ కూడా ఈ మధ్యే ఘనంగా జరిగింది. మరోవైపు సంగీత దర్శకుడు కీరవాణి అబ్బాయి శ్రీసింహకు ప్రముఖ నటుడు మురళీమోహన్‌ మనుమరాలు రాగతో పెళ్లి జరగనున్నట్లు ప్రచారం జరుగుతుంది.  (ఇదీ చదవండి: అబద్ధం చెప్పి దొరికిపోయిన శ్రీలీల.. ఆ హీరోకి ఆల్రెడీ ముద్దు!) తాజాగా ప్రముఖ నిర్మాత దిల్ రాజు ఇంట పెళ్లి సందడి మొదలైనట్లు తెలుస్తోంది. దిల్ రాజు సోదరుడు అయిన శిరీష్ కుమారుడు, హీరో ఆశిష్ రెడ్డి త్వరలోనే పెళ్లి పీటలు ఎక్కనున్నాడట. రౌడీ బాయ్స్ సినిమాతో గతేడాది తెలుగుతెరకు పరిచయమయ్యాడు. కానీ ఆ సినిమా అంతగా ప్రేక్షకులకు రీచ్‌ కాలేదని చెప్పవచ్చు. ఈ సినిమా తర్వాత చాలా గ్యాప్‌ తీసుకున్న ఆశిష్‌ త్వరలో సెల్ఫిష్‌ చిత్రంతో మళ్లీ తెరపైకి రానున్నాడు. కొద్దిరోజుల క్రితం దిల్ రాజు, శిరీష్ నాన్నగారు మృతి చెందిన విషయం తెలిసిందే.   ఆంధ్రప్రదేశ్‌కు చెందిన ప్రముఖ వ్యాపారవేత్త కుటుంబంతో దిల్‌ రాజు ఫ్యామిలీ వియ్యం అందుకుంటున్నట్లు టాక్‌. దిల్‌ రాజు నాన్నగారు మరణించక ముందే ఈ పెళ్లి చర్చలు జరిగాయట. వీరి పెళ్లి పూర్తిగా పెద్దలు కుదిర్చినట్లు తెలుస్తోంది. ఈ ఏడాదిలో ఎంగేజ్‌మెంట్‌ కార్యక్రమం నిర్వహించి.. వచ్చే ఏడాది ప్రారంభంలో ఆశిష్‌ పెళ్లి సంబరాలు జరగనున్నాయిట.  ఈ విషయంపై దిల్‌ రాజు కుటుంబం ఎలాంటి అధికారిక ప్రకటన చేయలేదు... కానీ ఆయన అభిమానుల కోసం త్వరలో ప్రకటిస్తారని తెలుస్తోంది.  

‘హుషారు, రౌడీ బాయ్స్‌’ చిత్రాల ఫేమ్‌ తేజ్‌ కూరపాటి హీరోగా నటిస్తున్న తాజా చిత్రం ‘నా వెంట పడుతున్న చిన్నాడెవడమ్మా’. వెంకట్‌ వందెల దర్శకత్వం వహిస్తున్న ఈ చిత్రంలో అఖిల ఆకర్షణ హీరోయిన్‌. ముల్లేటి నాగేశ్వరావు నిర్మాణ సారథ్యంలో ముల్లేటి కమలాక్షి, గుబ్బల వేంకటేశ్వరావు నిర్మిస్తున్నారు. ఈ సందర్భంగా తేజ్‌ కూరపాటి మాట్లాడుతూ.. ‘‘నేను పుట్టి, పెరిగింది హైదరాబాద్‌లోనే. సినిమాపై ప్యాషన్‌తో డైరెక్షన్‌ కోర్స్‌ చేశాను. బెక్కం వేణుగోపాల్‌గారు ‘నాన్న నేను నా బాయ్‌ ఫ్రెండ్‌’ సినిమాకు అసిస్టెంట్‌ డైరెక్టర్‌గా అవకాశమిచ్చారు.  ఆ తర్వాత అల్లు అర్జున్‌ ‘డీజే’ సినిమాకి హరీష్‌ శంకర్‌గారి వద్ద కొద్ది రోజులు పనిచేశాను. ఆ తర్వాత బెక్కం వేణుగోపాల్‌గారి ‘హుషారు’ లో నలుగురు హీరోల్లో ఒకడిగా చేశా. ఆ తర్వాత ‘రౌడీ బాయ్స్‌’ లో సెకెండ్‌ హీరోగా చేశాను. ఆ తర్వాత ‘నా వెంట పడుతున్న చిన్నాడెవడమ్మా’  సినిమాలో సోలో హీరోగా అవకాశం వచ్చింది. పల్లెటూరి నేపథ్యంలో సాగే చక్కటి ప్రేమకథా చిత్రమిది. నేను నటించిన ‘షికారు’ చిత్రం జూన్‌ 24న రిలీజ్‌ అవుతుంది. హర్ష కొనగంటిగారితో ఓ చిత్రం, ‘దిల్‌’ రాజుగారి ప్రొడక్షన్‌లో ఓ సినిమా, బెక్కం వేణుగోపాల్‌తో ఓ సినిమా ఓకే అయ్యాయి’’ అన్నారు.   చదవండి: బెడ్‌ సీన్‌ను ఎన్నిసార్లు షూట్‌ చేశారు.. హీరోయిన్‌ ఘాటు రిప్లై

Rowdy Boys Movie Ready To Streaming On OTT: ప్రముఖ టాలీవుడ్‌ నిర్మాత దిల్‌ రాజు వారసుడిగా ఆయన సోదరుడు శిరీష్‌ తనయుడు అశిష్‌ హీరోగా పరిచమైన చిత్రం ‘రౌడీ బాయ్స్‌’. కాలేజీ బ్యాక్‌డ్రాప్‌లో ఈ మూవీ తెరకెక్కింది. శ్రీ వేంక‌టేశ్వ‌ర క్రియేష‌న్స్ బ్యాన‌ర్‌పై దిల్ రాజు ఈ చిత్రాన్ని నిర్మించాడు. హుషారు ఫేం శ్రీహ‌ర్ష క‌నుగంటి ద‌ర్శ‌క‌త్వంలో రూపొందిన ఈ సినిమా అనుపమ పరమేశ్వరన్‌ హీరోయిన్‌గా నటించింది. సంక్రాంతి కానుక‌గా జన‌వ‌రి 14న ఈ సినిమా ప్రేక్ష‌కుల ముందుకొచ్చింది. చదవండి: ‘కచ్చా బాదం’ పాటకు అర్హ డ్యాన్స్‌, వీడియో షేర్‌ చేసి మురిసిపోయిన బన్నీ ఈ చిత్రంలో ఆశిష్ న‌ట‌న‌కు మంచి మార్కులే ప‌డ్డాయి. దేవీ శ్రీ ప్రసాద్ సంగీతం కూడా ఆక‌ట్టుకుంది. ఇదిలా ఉంటే ఇప్పుడు ఈ సినిమా ఓటీటీకి రిలీజ్‌ రెడీ అవుతోంది. తాజా బజ్‌ ప్రకారం.. ఈ చిత్రం త్వ‌ర‌లోనే ఓటీటీలో సంద‌డి చేయ‌బోతుంది. ప్ర‌ముఖ ఓటీటీ సంస్థ జీ-5 యాప్‌లో మార్చి 4 నుంచి రౌడీ బాయ్స్ స్ట్రీమింగ్ కానున్న‌ట్లు వార్త‌లు వినిపిస్తున్నాయి. శ్రీకాంత్ అయ్యంగార్, విక్ర‌మ్, కార్తిక్ ర‌త్నం, తేజ్ కుర‌పాటి తదితరులు ఈ సినిమాలో నటించారు.  చదవండి: ఓటీటీ స్ట్రీమింగ్‌కు సిద్ధమవుతున్న ‘బంగార్రాజు’!, ఎక్కడంటే..

‘రౌడీబాయ్స్‌’ ఆశిష్‌ కెరీర్‌కు శుభారంభాన్నిచ్చింది. ఆశిష్‌ హీరోగా పరిచయం అయిన తొలి సినిమా రెండో వారం పూర్తయ్యేసరికి 12 కోట్ల గ్రాస్‌ కలెక్షన్స్‌ రాబట్టడం చాలా సంతోషంగా ఉంది. మూడోవారం పూర్తయ్యేసరికి 15 కోట్ల గ్రాస్‌ సాధిస్తుందనే నమ్మకం ఉంది. ఓ కొత్త హీరోకి ఈ స్థాయిలో కలెక్షన్స్‌ రావడం అంటే సాధారణ విషయం కాదు. ‘రౌడీబాయ్స్‌’ మా అంచనాలు అందుకుంది’’ అన్నారు ‘దిల్‌’ రాజు.  ఆశిష్‌ హీరోగా పరిచయం అయిన ‘రౌడీబాయ్స్‌’ ఈ నెల 14న విడుదలైంది. ఈ సందర్భంగా శనివారం హైదరాబాద్‌లో జరిగిన విలేకర్ల సమావేశంలో ‘దిల్‌’ రాజు ఇంకా మాట్లాడుతూ – ‘‘వచ్చే నెల మూడో వారం నుంచి కరోనా తీవ్రత తగ్గి పెద్ద సినిమాల విడుదలకు మార్గం సుగమం అవుతుందనే ఆశిస్తున్నాం. ప్రస్తుత పరిస్థితుల కారణంగానే ‘ఆర్‌ఆర్‌ఆర్‌’ రెండు విడుదల తేదీలను ప్రకటించింది. ఒకవేళ పరిస్థితుల కారణంగా మార్చి 18న కాకుండా ఏప్రిల్‌ 28న విడుదలకు ‘ఆర్‌ఆర్‌ఆర్‌’ సిద్ధమైతే ‘ఎఫ్‌ 3’ సినిమా వాయిదా పడవచ్చు. ఎందుకంటే పాన్‌ ఇండియన్‌ మూవీ ‘ఆర్‌ఆర్‌ఆర్‌’కు ప్రిఫరెన్స్‌ ఇవ్వాలి. అలాగే ఏపీలోని సినిమా టికెట్‌ ధరల సవరణ గురించి ఫిబ్రవరిలోపు పరిష్కారం లభిస్తుందనే నమ్ముతున్నాను. ప్రభుత్వం నియమించిన కమిటీ సిఫార్సుల ఆధారంగా నిర్ణయాలు ఉంటాయి’’ అన్నారు. 

‘‘రౌడీ బాయ్స్‌’ ఆశిష్‌కి తొలి చిత్రం. నా దృష్టిలో తను ఇప్పుడు ఒక నటుడు. ఒక్క సినిమాకే హీరో అని అనను.. ప్రేక్షకులు తనని బాగా ఆదరించినప్పుడే హీరో’’ అని నిర్మాత ‘దిల్‌’ రాజు అన్నారు. ఆశిష్, అనుపమా పరమేశ్వరన్‌ జంటగా శ్రీహర్ష కొనుగంటి దర్శకత్వంలో ‘దిల్‌’ రాజు, శిరీష్‌ నిర్మించిన ‘రౌడీ బాయ్స్‌’ ఈ నెల 14న విడుదలైంది. ఈ సందర్భంగా ‘దిల్‌’ రాజు మాట్లాడుతూ– ‘‘రౌడీ బాయ్స్‌’ ఆశిష్‌కు చక్కటి శుభారంభం. తొలి సినిమా అయినా నటన, డ్యాన్స్, ఎమోషన్స్, ఎంటర్‌టైన్‌మెంట్‌లో ఆకట్టుకున్నాడని అందరూ ప్రశంసిస్తున్నారు. మా సినిమా కథ, పాత్రలతో యువతరం కనెక్ట్‌ అవుతుండటంతో విడుదల నుంచి ఇప్పటివరకూ వసూళ్లు నిలకడగా ఉన్నాయి. ఆంధ్ర, తెలంగాణలో ఐదు రోజుల్లో ఏడుకోట్ల గ్రాస్, నాలుగున్నర కోట్ల షేర్‌ లభించింది. కొత్త హీరో సినిమాకు ఈ స్థాయి ఆదరణ దక్కడం హ్యాపీ. ఏపీలో యాభై శాతం ఆక్యుపెన్సీ మా సినిమాకు అడ్వాంటేజ్‌గానే భావిస్తున్నాం. తెలంగాణలో కంటే ఆంధ్రాలో వసూళ్లు బాగున్నాయి. దేవిశ్రీ ప్రసాద్‌ ఇచ్చిన పాటలకు మంచి స్పందన లభిస్తుండటంతో మ్యూజికల్‌ కాంటెస్ట్‌ పెట్టి ఈవెంట్‌ నిర్వహించబోతున్నాం. ఈ సంక్రాంతి తొలి విన్నర్‌ ‘బంగార్రాజు’ సినిమానే. రెండో స్థానం ‘రౌడీ బాయ్స్‌’ది. ‘సెల్ఫిష్‌’ పేరుతో తెరకెక్కనున్న ఆశిష్‌ రెండో చిత్రానికి  సుకుమార్‌ శిష్యుడు కాశీ దర్శకుడు. సుకుమార్‌ డైలాగ్స్‌ అందిస్తారు. ‘ఆర్య’ తర్వాత నేను, సుకుమార్‌ కలిసి చేస్తున్న చిత్రమిది (నిర్మాతలుగా).. అందుకే బాధ్యతగా భావిస్తున్నాం’’ అన్నారు.

క్యూట్ లుక్స్‌తో కుర్ర‌కారును ప‌డ‌గొట్టే అనుప‌మ ప‌ర‌మేశ్వ‌ర‌న్ తాజాగా న‌టించిన చిత్రం రౌడీ బాయ్స్‌. ఈ మూవీలో కొత్త హీరోతో లిప్‌లాక్ సీన్ల‌లో న‌టించి రెచ్చిపోయిందీ మ‌ల్లూ బ్యూటీ. ఇప్ప‌టివ‌ర‌కు డీసెంట్‌గా క‌నిపించిన అనుప‌మ త‌న‌లోని కొత్త కోణాన్ని బ‌య‌ట‌కు తీస్తూ రొమాన్స్‌ల‌తో చెల‌రేగిపోయింది. ఇది చూసి అభిమానులు సైతం షాక్ అయ్యారు! అనుపమ ఈ రేంజ్‌లో హ‌ద్దులు దాటి మ‌రీ న‌టించ‌డానికి ఆమెకు ఆఫ‌ర్ చేసిన‌ రెమ్యున‌రేష‌న్ కూడా ఓ కార‌ణం అంటున్నారు. రౌడీ బాయ్స్ మూవీకి అనుప‌మ‌కు రూ.50 ల‌క్ష‌ల పారితోషికం అప్ప‌జెప్పార‌ట‌! ఇప్ప‌టివ‌ర‌కు ఇంచుమించు పాతిక ల‌క్ష‌ల్లోపే రెమ్యున‌రేష‌న్ అందుకునే అనుప‌మకు ఇదు కెరీర్‌లో హ‌య్య‌స్ట్ రెమ్యున‌రేష‌న్ అని తెలుస్తోంది. ఆశిష్ రెడ్డి హీరోగా ప‌రిచ‌య‌మైన రౌడీ బాయ్స్ చిత్రానికి హ‌ర్ష కొనుగొంటి ద‌ర్శ‌క‌త్వం వ‌హించ‌గా దిల్ రాజు, శిరీష్‌ నిర్మించారు.

ఆశిష్‌ను పెద్ద దర్శకుడితో లాంచ్‌ చేయవచ్చు. ఆశిష్‌ లాంచ్‌కు పెద్ద డైరెక్టర్‌ని పెడదామని శిరీష్‌ కూడా అన్నాడు. కానీ దానికి నేను వ్యతిరేకం. పెద్ద డైరెక్టర్‌ అయితే డబ్బు కోసమో, ఆబ్లిగేషన్‌ కోసమో చేస్తాడు. నాకు ఈ రెండూ ఇష్టం లేవు. ఓ కుర్రాడితో సినిమా చేస్తున్నప్పుడు ఓవర్‌ బడ్జెట్‌ పెట్టాలని నాకు లేదు. ఓ కొత్త యాక్టర్‌లానే ఆశిష్‌ను ఎదగనివ్వాలని అనుకున్నాను’’ అని ప్రముఖ నిర్మాత ‘దిల్‌’ రాజు అన్నారు. Producer Speech About Rowdy Boys Movie Hero: ‘దిల్‌’ రాజు సోదరుడి కుమారుడు శిరీష్‌ తనయుడు ఆశిష్‌ హీరోగా పరిచయం అవుతున్న చిత్రం ‘రౌడీబాయ్స్‌’. ‘హుషారు’ ఫేమ్‌ శ్రీహర్ష కొనుగంటి దర్శకత్వంలో ‘దిల్‌’ రాజు, శిరీష్‌ నిర్మించిన ఈ చిత్రం నేడు విడుదల కానుంది. ఈ సందర్భంగా ‘దిల్‌’ రాజు మాట్లాడుతూ – ‘‘ఇప్పటి స్టార్‌ హీరోలు కొందరు ఒకప్పుడు మా నిర్మాణ సంస్థ నుంచే లాంచ్‌ అయ్యారు. అయితే ఆశిష్‌కు నేను ఎవరితో పోలికలు పెట్టను. ఎవరి బ్రాండ్‌ వారిది. ఇండస్ట్రీలో ప్రస్తుతం 20 మంది హీరోలు ఉన్నారు. రాబోయే రోజుల్లో ఇంకా వస్తారు.. వస్తూనే ఉంటారు. కానీ ఇందులో ఎంతమంది హీరోలు నిలబడతారు అనేది వారి హార్డ్‌ వర్క్, స్క్రిప్ట్‌ సెలక్షన్‌పై ఆధారపడి ఉంటుంది. అయితే ఆశిష్‌కు స్క్రిప్ట్‌ సెలక్షన్‌ విషయంలో నేను ఉన్నాను కాబట్టి సహాయం చేస్తాను. మూడు నాలుగు సినిమాల తరవాత తనే ఫలానా కథ నచ్చిందని చెప్పేస్తాడు. మంచి కంటెంట్‌కు ఆర్టిస్ట్‌ కష్టం తోడైతేనే ఆడియన్స్‌కు ఆ ఆర్టిస్ట్‌ ఎక్కువగా రీచ్‌ అవుతారని నేను నమ్ముతాను. నా సక్సెస్‌ రీజన్‌ కూడా అదే. నేను కూడా స్టోరీలను పట్టుకునే ఇప్పుడు నిర్మాతగా ఈ స్థాయికి చేరుకున్నాను. నా కెరీర్‌ స్టార్టింగ్‌లో నా మొదటి తొమ్మిది సినిమాలకు ఏ స్టార్‌ హీరో లేడు. ‘బృందావనం’తో ఎన్టీఆర్‌ రూపంలో ఆ సమయంలో నాకో స్టార్‌ హీరో దొరికారు. అప్పటివరకు నేను అప్‌కమింగ్‌ నిర్మాతగానే కెరీర్‌లో ముందుకు వెళ్లాను. అదే నా ఫిలాసఫీ. ఇప్పుడు ఆశిష్‌ కూడా అలానే ఎదగాలని కోరుకుంటున్నాను. ‘ఆశు డ్యాన్స్‌ బాగా చేస్తున్నాడు... వాడ్ని హీరో చేయండి’ అని నా భార్య అనేవారు. వాడిని అడిగితే, నటనపై ఆసక్తి ఉంది అన్నాడు. ‘ఆసక్తి ఉంటే సరిపోదు. చాలా కష్టపడాలి. మా బ్యాకప్‌ ఒక సినిమా లేదా రెండు సినిమాలకే ఉపయోగపడుతుంది. ఈలోపు నువ్వు నీ ప్రతిభతో ఆడియన్స్, దర్శకులు, రైటర్స్‌కు రీచ్‌ కాలేకపోతే నువ్వే ఇబ్బంది పడతావ్‌’ అని ఆశిష్‌కు చెప్పాను. ఇక ‘రౌడీబాయ్స్‌’ సినిమా టార్గెట్‌ యూత్‌. హర్ష తన లైఫ్‌లోని సంఘటనలతో ఈ సినిమా కథ చెప్పారు... నచ్చింది. ఓకే చేశాను. ఆశిష్‌ నవ్విస్తాడు.. ఏడిపిస్తాడు. డ్యాన్సులు చేస్తాడు. ఇక ‘దిల్‌’ రాజుగారి సినిమాలంటే ఫ్యామిలీ ఆడియన్స్‌కు నచ్చుతాయనే ఓ బ్రాండ్‌ ఉంది. కానీ ‘ఏంటి.. ‘దిల్‌’ రాజు ఎప్పుడూ క్లాసులు పీకుతాడు’’ అనుకున్నవారు కూడా ఉన్నారు. నేను కూడా ఒకే ధోరణిలో సినిమాలు చేస్తే ఆగిపోవాల్సి వస్తుంది. జనరేషన్‌ మారుతోంది. నాకు కష్టం అనిపించినా ఎక్కడో దాటాలి. ‘రౌడీబాయ్స్‌’లో ఉన్న ముద్దు సన్నివేశాన్ని ట్రైలర్‌లోనే చూపించి ఆడియన్స్‌ను ప్రిపేర్‌ చేశాం. కథ డిమాండ్‌ చేయడంతో కొన్ని ముద్దు సన్నివేశాలు పెట్టడం జరిగింది. ఓటీటీ వచ్చాక చాలా మార్పులు వచ్చాయి. నేనూ కథల్ని బట్టి మారుతూ ఉండాలి. ఈ మార్పులో నా ఫస్ట్‌ స్టెప్‌ ‘రౌడీబాయ్స్‌’ సినిమా’’ అన్నారు. అంతా పాజిటివ్‌... ఏపీ సీఎం జగన్‌మోహన్‌రెడ్డిగారితో గురువారం చిరంజీవిగారు సమావేశమయ్యారు. ఈ సమావేశంపై నాకు పూర్తి అవగాహన లేదు. అయితే అంతకుముందు మేం చిరంజీవిగారితో మాట్లాడాం. ఇండస్ట్రీ సమస్యలపై ఆయనకు ఓ అవగాహన ఉంది. చిరంజీవిగారు వెళ్లారు కాబట్టి ప్రస్తుతం ఉన్న సమస్యలు పరిష్కారమవుతాయనే నమ్ముతున్నాను. త్వరలో అంతా పాజిటివ్‌గా జరుగుతుంది. సహనంగా ఉండకుండా కొందరు ఏదో మాట్లాడుతున్నారు. దానివల్ల సమస్యలు జటిలం అవుతున్నాయే కానీ పరిష్కారం కావడం లేదు. పాతిక కిలోల బరువు తగ్గాను – ఆశిష్‌ ‘‘ఫ్యామిలీ ఫంక్షన్స్, పార్టీల్లో నేను డ్యాన్స్‌ చేసేవాడిని. డ్యాన్స్‌లో అల్లు అర్జున్‌గారు నా ఫేవరెట్‌. నేను హీరో అవ్వాలనుకుంటున్న విషయాన్ని ఇంట్లో వారికి ప్రూవ్‌ చేసిన తర్వాత నా జర్నీ స్టార్ట్‌ చేశాను’’ అన్నారు ఆశిష్‌. ఇంకా మాట్లాడుతూ – ‘‘అరుణ భిక్షు, సత్యానంద్‌గార్ల దగ్గర, బాంబేలో నటనలో శిక్షణ తీసుకున్నాను. అయితే అనుభవం కోసం ‘కేరింత’కు అసిస్టెంట్‌ డైరెక్టర్‌గా చేశాను. ‘రౌడీ బాయ్స్‌’ షూటింగ్‌ ముందు రోజే సీన్‌ పేపర్స్‌ తీసుకుని ప్రిపేర్‌ అయ్యేవాడిని. రొమాంటిక్‌ సీన్స్‌ కాస్త ఇబ్బందిగా అనిపించాయి. నాకు రొమాంటిక్‌ అండ్‌ కాలేజ్‌ స్టోరీలంటే ఇష్టం. ఆడియన్స్‌ ఎలా యాక్సెప్ట్‌ చేస్తే అలా వెళ్తాను. హీరోగా మారడానికి 25 కేజీల బరువు తగ్గాను. ఈ సినిమా కెమెరామేన్‌ మదిగారు చెప్పిన నా లోపాలను సరిదిద్దుకుంటూ యాక్టర్‌గా మెరుగుపడ్డాను. నా తర్వాతి చిత్రం కాశీ దర్శకత్వంలో  ‘సెల్ఫిష్‌’ టైటిల్‌తో చేస్తున్నాను’’ అన్నారు.

ఈ సంక్రాంతికి చిన్న సినిమాల హడావుడి ఎక్కువగా ఉంది. రౌడీ బాయ్స్‌తో ఆశిష్‌, హీరోతో గల్లా అశోక్‌ కథానాయకులుగా పరిచయం అవుతున్నారు. వీరిలో ఎవరు హిట్‌ అందుకుంటారన్నది ఆసక్తికరంగా మారింది. ఇప్పటికే ప్రమోషన్ల జోరు పెంచిన రౌడీ బాయ్స్‌ శుక్రవారం (జనవరి 14న) రిలీజ్‌ కానుంది. ఈ సందర్భంగా డైరెక్టర్‌ శ్రీ హర్ష సాక్షితో ముచ్చటించాడు.  'అనుపమ పరమేశ్వరన్‌ ఆశిష్‌కు సీనియర్‌గా నటించింది. ఎన్టీఆర్‌ ఇంటికి పిలిస్తే వెళ్లాం. నా ఫస్ట్‌ మూవీ హుషారు అంటే ఇష్టమని మెచ్చుకున్నాడు. రౌడీ బాయ్స్‌ ట్రైలర్‌ చూసి షాకయ్యారు. రెండుమూడు సార్లు చూశారు. ఆయన ఫ్యాన్స్‌ వల్లే మా మూవీకి హైప్‌ వచ్చింది. బన్నీగారు మా సాంగ్‌ లాంచ్‌ చేయడం క్రేజీ మూమెంట్‌' అని శ్రీహర్ష చెప్పుకొచ్చాడు. మరి ఆయన ఇంకా ఏమేం మాట్లాడారనేది తెలియాలంటే కింది వీడియో చూసేయండి.

కథ నచ్చితే చాలు స్టార్‌ హీరో, యంగ్‌ హీరో అన్న తేడా లేకుండా అందరితో సినిమాలు చేసేందుకు సై అంటుంది అనుపమ పరమేశ్వరన్‌. ఈ క్రమంలో దిల్‌ రాజు సోదరుడి కుమారుడు ఆశిష్‌ రెడ్డి హీరోగా పరిచయమవుతున్న 'రౌడీ బాయ్స్‌' సినిమాలో అనుపమ అతడితో జోడీ కట్టింది. ఇటీవల రిలీజైన ట్రైలర్‌లో ఈ కుర్రహీరోతో లిప్‌లాక్‌ సీన్లలో నటించింది మలయాళ కుట్టి. ఇది ఆమె అభిమానులకు అస్సలు నచ్చలేదు. డబ్బుల కోసం ఎంతకైనా దిగజారుతావా? అంటూ ఆమెను ఓ ఆటాడుకుంటూ మీమ్స్‌ వదిలారు. తాజాగా అనుపమ, ఆశిష్‌ ఈ ట్రోలింగ్‌పై స్పందించారు. ముద్దు సన్నివేశాలపై వచ్చిన మీమ్స్‌ చూసి గట్టిగా నవ్వేశారు. అయితే అభిమానుల మనోభావాలు దెబ్బతిన్నందుకు సారీ చెప్పిన అనుపమ ఇకపై ఆశిష్‌ను టచ్‌ చేయనని స్పష్టం చేసింది. ఇకపోతే సినిమాలో ముద్దులిచ్చుకుంది తాము కాదని తమ పాత్రలని చెప్పుకొచ్చింది. ఆ సీన్లు ఎందుకున్నాయో సినిమా చూశాక జనాలకే అర్థమవుతుందని తెలిపింది. రౌడీ బాయ్స్‌ మూవీ సంక్రాంతి కానుకగా జనవరి 14 థియేటర్లలో రిలీజ్‌ కానుంది. (మరిన్ని ఫొటోల కోసం ఇక్కడ క్లిక్ చేయండి) 

‘‘ఇండస్ట్రీలోనే కాదు.. ఏ రంగంలో అయినా ప్రతిభ ఒక్కటే కాదు.. క్రమశిక్షణ ముఖ్యం. క్రమశిక్షణ ఉంటే అవకాశాలు తెచ్చిపెడుతుంది. ప్రతిభ ఉండీ క్రమశిక్షణ లేకుంటే వేస్ట్‌. మా నాన్నగారు(చిరంజీవి) నాకు డ్యాన్స్, యాక్టింగ్‌ నేర్పలేదు.. క్రమశిక్షణే నేర్పారు’’ అని హీరో రామ్‌చరణ్‌ అన్నారు. ఆశిష్, అనుపమా పరమేశ్వరన్‌ జంటగా శ్రీహర్ష కొనుగంటి దర్శకత్వంలో తెరకెక్కిన చిత్రం ‘రౌడీ బాయ్స్‌’. అనిత సమర్పణలో ‘దిల్‌’ రాజు, శిరీష్‌ నిర్మించిన ఈ చిత్రం శుక్రవారం విడుదలవుతోంది. బుధవారం హైదరాబాద్‌లో జరిగిన ‘రౌడీ బాయ్స్‌ మ్యూజికల్‌ ఈవెంట్‌’లో రామ్‌చరణ్‌ మాట్లాడుతూ.. ‘రౌడీ బాయ్స్‌’కి అద్భుతమైన పాటలిచ్చిన దేవిశ్రీగారికి థ్యాంక్స్‌. చదవండి: 'ఆర్‌ఆర్‌ఆర్‌' వాయిదా పై స్పందించిన రామ్‌ చరణ్‌ హర్ష.. ఈ సంక్రాంతి నీదే. ‘రౌడీ బాయ్స్‌’ ట్రైలర్‌లో ఆశిష్‌లోని ఫైర్, ఎనర్జీ, డ్యాన్స్, క్యూట్‌ నెస్‌ కనిపించాయి. రాజు, లక్ష్మణ్‌గార్లు ఉండటం వల్లనో, నేను, మహేశ్‌ బాబు, ప్రభాస్‌ సపోర్ట్‌ చేయడం వల్లనో గొప్ప స్థాయి రాదు.. నీ కష్టమే(ఆశిష్‌) నిన్ను నిలబెడుతుంది. ప్రతి రోజూ వర్కవుట్స్‌ చేయడం, సమయానికి సెట్స్‌లో ఉండటం, షూటింగ్‌ చేయడం బోరింగ్‌గా ఉంటుంది. అయినా ఈ రోజు సక్సెస్‌ అయిన వారంతా అదేపని చేశారు. యాక్టింగ్‌ కుటుంబం నుంచి వచ్చిన నేను ‘సైరా’ నుంచి ప్రొడక్షన్‌ స్టార్ట్‌ చేసినా నా మనసంతా నటనవైపే ఉంటుంది. చదవండి: అప్పుడు భయపడ్డాను.. కానీ ఆ అనుభవం ఉపయోగపడింది: నాగ చైతన్య   మీ నాన్న, మీ బాబాయ్‌ ప్రొడక్షన్‌లో ఉన్నారు కాబట్టి నువ్వు(ఆశిష్‌) యాక్టింగ్‌పైనే దృష్టిపెట్టు. అనుపమా మంచి నటి. ఈ సంక్రాంతికి మా ‘ఆర్‌ఆర్‌ఆర్‌’ రాకపోయినా బాధగా లేదు.. ఎందుకంటే మూడున్నరేళ్లు కష్టపడ్డ సినిమా కరెక్ట్‌ టైమ్‌లో రావాలి. ఎప్పుడు రావాలన్నది రాజమౌళి, దానయ్యగార్లు నిర్ణయిస్తారు. నన్ను ఆశీర్వదించి నట్లే ఆశిష్‌ని కూడా ఆశీర్వదించండి.. ‘రౌడీ బాయ్స్‌’ టీమ్‌కి ఆల్‌ ది బెస్ట్‌’’ అన్నారు. ఈ వేడుకలో డైరెక్టర్స్‌ వేణు శ్రీరాం, అనిల్‌ రావిపూడి, ‘ఆదిత్య’ మ్యూజిక్‌ ఆదిత్య, నిరంజన్, మాధవన్, పాటల రచయితలు సుద్దాల అశోక్‌ తేజ, కృష్ణకాంత్, శ్రీమణి, సహ నిర్మాత హర్షిత్, సింగర్స్‌ మంగ్లీ, రోల్‌ రైడా, నటుడు శ్రీకాంత్‌ అయ్యంగార్, నిర్మాత బెక్కెం వేణుగోపాల్‌ తదితరులు పాల్గొన్నారు.  (మరిన్ని ఫొటోల కోసం ఇక్కడ క్లిక్ చేయండి) 

మెగా పవర్‌ స్టార్‌ రామ్‌ చరణ్‌ 'ఆర్‌ఆర్‌ఆర్‌' వాయిదా పై స్పంధించారు. తాజాగా 'రౌడీ బాయ్స్‌' చిత్ర ప్రీరిలీజ్‌ ఈవెంట్‌కు గెస్ట్‌గా వెళ్ళాడు ఈ హీరో. ఇక ఈవెంట్‌లో రామ్‌ చరణ్‌ చరణ్‌ మాట్లాడుతూ.. మా సినిమా ఈ సంక్రాంతికి రిలీజ్‌ కాకపోయినా మాకేం బాద లేదు. ఎందుకంటే అలాంటి చిత్రం సరైన సమయంలో రావాలి. ఆ సినిమా కోసం మూడున్నర సంవత్సరాలు చాలా కష్టపడ్డాం. దాని గురించి దర్శకుడు రాజమౌళి, నిర్మాత దానయ్య నిర్ణయిస్తారని పేర్కొన్నాడు. మాకు సంక్రాంతి ఎంత ముఖ్యమో కాదో మాకు తెలీదు కానీ.. సంక్రాంతి పండుగకి దిల్‌ రాజు గారు మాత్రం  చాలా ముఖ్యం. సంక్రాంతి మమ్మల్ని వదులుకోడానికైనా రెడీగా వుంది కానీ దిల్‌ రాజుని వదులుకోడానికి రెడీగా లేదు. ఇలాంటి సక్సస్‌ ఫుల్‌ సంక్రాంతులు ఎన్నో దిల్‌ రాజు చూసాడు. ఈ సంక్రాంతి కూడా ఆయనదే అవ్వాలన్నాడు చెర్రి. ఇక మమ్మల్ని ఆదరించినట్టే 'రౌడీ బాయ్స్‌' చిత్ర హీరో ఆశీష్‌ను కూడా ఆశీర్వధించాలని రామ్‌ చరణ్‌ కోరాడు.

Ye Zindagi Song Launch by Prabhas: ప్రముఖ నిర్మాత దిల్‌ రాజు మేనల్లుడు అశిష్‌ రెడ్డి హీరోగా నటిస్తున్న తొలి చిత్రం ‘రౌడీ బాయ్స్‌’. అనుపమ పరమేశ్వరన్‌ హీరోయిన్‌.  హర్ష కొనుగంటి దర్శకత్వం వహించిన ఈ చిత్రం జనవరి 14న విడుదల కానుంది. దీంతో సినిమాకు సంబంధించిన ప్రమోషన్స్ లో బిజీగా ఉన్నారు చిత్రబృందం. ఇటీలవల ఈ సినిమా నుంచి ‘డైట్‌ నైట్‌’అనే పాటను అల్లు అర్జున్‌ విడుదల చేసిన సంగతి తెలిసిందే. తాజాగా ఈ మూవీ నుంచి ఫ్రెండ్‌షిప్‌ సాంగ్‌ని పాన్‌ ఇండియా స్టార్‌ ప్రభాస్‌ విడుదల చేశారు. ‘యే జిందగీ’అంటూ సాగే ఈ పాట...స్నేహబంధానికి సంబంధించిన గొప్పతనాన్ని తెలియజేసేలా సాగుతుంది. ఈ పాటకు కృష్ణకాంత్‌ లిరిక్స్‌ అందించగా.. రామ్‌ మిర్యాల అద్భుతంగా ఆలపించారు. అలాగే ఈ సినిమాలోని మరో రెండు పాటలను కూడా ఈ రోజే విడుదల చేయనున్నారు. , 2 గంటలకు, 5 గంటలకు వరుసగా సినిమాలో నుంచి పాటలను విడుదల చేయబోతున్నారు మేకర్స్. ఇక ఈరోజు సాయంత్రం 6 గంటలకు “రౌడీ బాయ్స్” మ్యూజికల్ ఈవెంట్ ను నిర్వహించనున్నారు.  

‘‘రౌడీ బాయ్స్‌’ను చాలామంది ‘ప్రేమదేశం’ చిత్రంతో పోలుస్తున్నారు. నా జీవితంలోని కొన్ని సంఘటనల ఆధారంగా ‘రౌడీ బాయ్స్‌’ను తెరకెక్కించాను’’ అని డైరెక్టర్‌ శ్రీహర్ష కొనుగంటి అన్నారు. ఆశిష్, అనుపమా పరమేశ్వరన్‌ జంటగా నటించిన చిత్రం ‘రౌడీ బాయ్స్‌’. అనిత సమర్పణలో ‘దిల్‌’ రాజు, శిరీష్‌ నిర్మించిన ఈ చిత్రం ఈ నెల 14న విడుదలకానుంది. ఈ సందర్భంగా హైదరాబాద్‌లో జరిగిన విలేకరుల సమావేశంలో శ్రీహర్ష మాట్లాడుతూ– ‘‘నా తొలి సినిమా ‘హుషారు’ సక్సెస్‌ తర్వాత ‘దిల్‌’ రాజుగారు పిలిచి, కాలేజ్‌ నేపథ్యంలో ఏదైనా కథ ఉందా? అని అడిగారు. అప్పుడు ‘రౌడీ బాయ్స్‌’ లైన్‌ చెప్పాను. ఆ తర్వాత కథను పూర్తిస్థాయిలో వర్కౌట్‌ చేశాక ఈ సినిమాలో ఆశిష్‌ హీరోగా నటిస్తాడని ‘దిల్‌’ రాజుగారు అన్నారు. ఆశిష్‌ కొత్తవాడైనా అనుభవం ఉన్న యాక్టర్‌లా చేశాడు. రాజుగారు ఈ సినిమాకి స్పెషల్‌ కేర్‌ తీసుకోవడం కాస్త ఒత్తిడిగా అనిపించింది కానీ ఫిల్మ్‌మేకింగ్‌ పరంగా ఏ ఇబ్బందీ లేదు. ప్రతి కాలేజ్‌లో ఫ్రెషర్స్‌ డే పార్టీ ఉంటుంది. అదే ఫారిన్‌లో అయితే ‘ఫ్రాన్‌ నైట్‌’ అని కపుల్స్‌తో సెలబ్రేట్‌ చేస్తారు. దీని ఆధారంగానే ఈ సినిమాలో డేట్‌నైట్‌ కాన్సెప్ట్‌ ఉంటుంది. హీరో ఎంత క్రేజీగా ఉంటాడో అందుకు అపోజిట్‌గా హీరోయిన్‌ మెచ్యూర్డ్‌గా ఉండాలి. తెలుగు వచ్చిన హీరోయిన్‌ అయితే బాగుంటుందనిపించి అనుపమా పరమేశ్వరన్‌ని తీసుకున్నాం. ఈ సినిమా అబ్బాయిల కంటే అమ్మాయిలకే ఎక్కువగా నచ్చుతుంది. ఇందులో విక్రమ్‌ పాత్ర ఫుల్‌లెంగ్త్‌లో ఉంటుంది. దేవిశ్రీ ప్రసాద్‌గారు మంచి ట్యూన్స్‌ ఇచ్చారు. నా తర్వాతి ప్రాజెక్ట్‌ ఇంకా ఫిక్స్‌ కాలేదు. ‘రౌడీ బాయ్స్‌’ రిలీజ్‌ తర్వాత ప్లాన్‌ చేసుకోవాలి’’ అన్నారు.

‘‘ఈ సంక్రాంతికి చాలా సినిమాలొస్తున్నాయి.. అందరికీ ఆల్‌ ది బెస్ట్‌. ఈ సినిమా, ఆ సినిమా అని కాదు.. తెలుగు సినిమాలు గెలవాల్సిన సమయమిది. మొత్తం తెలుగు సినిమా బాగుండాలని కోరుకుంటున్నాను. ఒక్క తెలుగే కాదు.. అన్ని భాషల్లోని సినిమాలు బాగుండాలి.. మళ్లీ జనాలు థియేటర్లకు రావాలి’’ అని అల్లు అర్జున్‌ అన్నారు. ఆశిష్, అనుపమా పరమేశ్వరన్‌ జంటగా శ్రీహర్ష కొనుగంటి దర్శకత్వంలో తెరకెక్కిన చిత్రం ‘రౌడీ బాయ్స్‌’. అనిత సమర్పణలో ‘దిల్‌’ రాజు, శిరీష్‌ నిర్మించిన ఈ చిత్రం ఈ నెల 14న విడుదలవుతోంది. సోమవారం హైదరాబాద్‌లో జరిగిన కార్యక్రమంలో ‘డేట్‌ నైట్‌..’ అంటూ సాగే పాటను అల్లు అర్జున్‌ విడుదల చేసి, మాట్లాడుతూ–‘‘నా ప్రయాణం ‘ఆర్య’ సినిమాతో మొదలుపెట్టా. ‘దిల్‌’ రాజుగారు నా ప్రయాణంలో ఒక భాగం. ఆయన లేకుంటే ‘ఆర్య’ లేదు. ‘రౌడీ బాయ్స్‌’ ఫంక్షన్‌ నాకు చాలా ప్రత్యేకం, స్వీట్‌ మెమొరీ. ఇది నా కుటుంబ వేడుక.. చాలా సంతోషంగా ఉంది. ఈరోజు ఊరు వెళ్లాల్సినా ఇక్కడికొచ్చాను.. అది నేను చేస్తున్న ఫేవర్‌ కాదు.. నా బాధ్యత. ఆశిష్‌ని లాంచ్‌ చేస్తున్న ఈ వేడుకలో నేనూ భాగస్వామ్యం కావడం సంతోషంగా ఉంది. ‘రౌడీ బాయ్స్‌’ ట్రైలర్‌ చూస్తుంటే ఫిబ్రవరి 14న రిలీజ్‌ చేయాల్సిన సినిమా జనవరి 14నే విడుదల చేస్తున్నట్లు ఉంది. శ్రీహర్ష, ఆశిష్, యూనిట్‌కి ఆల్‌ ది బెస్ట్‌. లవ్‌ సాంగ్‌లో ఆశిష్‌ చాలా బాగా డ్యాన్స్‌ చేశాడు. లాక్‌డౌన్‌ తర్వాత డిసెంబరులో విడుదలైన సినిమాలు (అఖండ, పుష్ప, శ్యామ్‌ సింగరాయ్‌) సక్సెస్‌ఫుల్‌గా నడుస్తున్నాయి. ‘శ్యామ్‌ సింగరాయ్‌’ సినిమా చాలా బాగుంది. నాని, సాయిపల్లవి నటన బాగుంది. డైరెక్టర్‌ రాహుల్‌ బాగా తీశాడు. ఎవరైనా సినిమా చూడకుండా ఉంటే ఓటీటీలో వచ్చినప్పుడైనా చూడండి’’ అన్నారు.   ‘దిల్‌’ రాజు మాట్లాడుతూ– ‘‘2004 జనవరి 1న ‘ఆర్య’ సినిమాలోని ‘తకదిమితోం తకదిమి తోం..’ పాట వైజాగ్‌లో షూటింగ్‌ జరుగుతున్నప్పుడు ఆశిష్‌కి ఏడేళ్లు. ఆ పాటకి బన్ని(అల్లు అర్జున్‌) డ్యాన్స్‌ చేస్తుంటే అలా చూస్తున్నాడు. అలాంటిది ఆశిష్‌ హీరోగా నటించిన సినిమాలోని డ్యాన్స్‌ సాంగ్‌ను బన్నీ విడుదల చేయడం నిజంగా ఆశిష్‌ జీవితంలో మరచిపోలేని రోజు. ఈ సంక్రాంతికి మా బ్యానర్‌ నుంచి యూత్‌ఫుల్‌ ఎంటర్‌టైనర్‌ వస్తోంది. ‘ప్రేమదేశం, తొలిప్రేమ, ఆర్య, హ్యాపీడేస్‌’ ఇలా ఔట్‌ అండ్‌ ఔట్‌ యూత్‌ కంటెంట్‌ చిత్రమిది. హర్ష రెండుమూడేళ్లు ప్రయాణం చేసి ఆశిష్‌ భవిష్యత్తుకు ‘రౌడీ బాయ్స్‌’ లాంటి మంచి సినిమాని ఇచ్చినందుకు థ్యాంక్స్‌. మా బ్యానర్‌ నుంచి వచ్చిన సినిమాలన్నీ కుటుంబ విలువలతో సాగుతాయి. కానీ ‘రౌడీ బాయ్స్‌’ కోసం కొన్ని హద్దులు దాటాం. మా సంస్థ నుంచి సంక్రాంతికి ఇప్పటి వరకూ 5 సినిమాలొస్తే అన్నీ హిట్‌ అయ్యాయి.. ఈ ‘రౌడీ బాయ్స్‌’ కూడా హిట్‌ కొడితే సెకండ్‌ హ్యాట్రిక్‌ పూర్తి చేసినట్టు అవుతుంది’’ అన్నారు.   (మరిన్ని ఫొటోల కోసం ఇక్కడ క్లిక్ చేయండి)  ఆశిష్‌ మాట్లాడుతూ– ‘‘అల్లు అర్జున్‌ అన్నకి చాలా అంకితభావం, కమిట్‌మెంట్‌ ఉంది.. అలాంటి డెడికేషన్‌ ఉంటేనే సినిమాల్లోకి రావాలని ‘ఆర్య’ సమయంలో ఫిక్స్‌ అయ్యాను. ఆయన డ్యాన్స్‌తో పోలిస్తే నా డ్యాన్స్‌ కొంచెమే అనిపిస్తోంది. ఆయన ఎప్పటి నుంచో పాన్‌ ఇండియా స్టారే’’ అన్నారు. ‘ఆదిత్య’ మ్యూజిక్‌ నిరం జన్, మాధవన్‌ పాల్గొన్నారు.

మలయాళ బ్యూటీ అనుపమ పరమేశ్వరన్‌ సోషల్‌ మీడియాలో ఎంత యాక్టివ్‌గా ఉంటుందో అందరికీ తెలిసిందే. తన క్యూట్‌ ఎక్స్‌ప్రెషన్స్‌తో ఎంతోమంది అభిమానులను, ఫాలోవర్స్‌ను సంపాదించుకున్న అనుపమకు తాజాగా సోషల్‌ మీడియాలో చేదు అనుభవం ఎదురైంది. కాగా హీరోయిన్స్‌కు లిప్‌లాక్‌ సీన్స్‌ ఎంతో క్రేజ్‌ను తెచ్చి పెడతాయి. అది కూడా స్టార్‌ హీరోతో అయితేనే. సాధారణంగా యంగ్‌ హీరోలు కానీ డెబ్యూ హీరోలతో లిప్‌లాక్‌ సీన్‌ చేసేందుకు హీరోయిన్స్‌ ఒప్పుకోరు. చదవండి: మరో వివాదంలో హీరో సిద్ధార్థ్‌, మహిళా కమిషన్‌ ఎంట్రీ కానీ ఓ డెబ్యూ హీరోతో కిస్‌ సీన్‌ చేసి అనుపమ ట్రోల్స్‌ బారిన పడింది. ఆమె తాజాగా నటిస్తున్న చిత్రం ‘రౌడీ బాయ్స్‌’. ఈ చిత్రంతో అగ్ర నిర్మాత దిల్‌ రాజు నట వారసుడిగా ఆయన సోదరుడు కుమారుడు ఆశిష్ రెడ్డి హీరోగా పరిచయం అవుతున్నాడు. ఇందులో హీరోయిన్‌గా అనపమ నటిస్తోంది. ఇప్పటి వరకు సినిమాల్లో పద్దతిగా కనిపించన అనుపమా రౌడీ బాయ్స్‌లో రెచ్చిపోయి నటించిందట. ఇక బడా నిర్మాత వారసుడి సినిమా కావడంతో ఈ మూవీని దర్శకుడు భారీగానే ప్లాన్‌ చేశాడు. అతడికి ఎలాగైన సక్సెస్‌ ఇవ్వాలని దర్శకుడు ఆరాట పడుతున్నాడు. చదవండి: అవును జాకీతో ప్రేమలో ఉన్నా, కానీ అది రూమరే.. నేనే చెప్తా: రకుల్‌ ఈనేపథ్యంలో రౌడీ బాయ్స్‌పై ప్రేక్షకుల్లో ఆసక్తి పెంచేందుకు హీరోహీరోయిన్ల మధ్య భారీగానే లిప్‌లాక్‌ సీన్లు పెట్టారు. ఇటీవల విడుదలైన ఈ మూవీ ట్రైలర్‌లో కూడా కిస్‌ సీన్స్‌ చూపించి ఆకట్టుకున్నారు మేకర్స్‌. కానీ ఇదే సీన్‌పై అనుపమను ట్రోల్‌ చేస్తూ నెటిజన్లు ఆడేసుకుంటున్నారు. ‘నీకంటూ వ్యక్తిగత ఇమేజ్‌ లేదా.. ఎంత రెమ్యునరేషన్‌ ఇస్తే మాత్రం కొత్త కుర్రాళ్లకు లిప్‌లాక్‌ ఇచ్చేస్తావా?, కిస్‌ సీన్‌ చేయడానికి ఓ స్థాయి ఉండాలి. ఎంత అగ్ర నిర్మాత వారసుడు అయితే మాత్రం.. అది చూసుకోవా? రెమ్యునరేషన్‌ కోసం ఇంతగా దిగజారాలా’ అంటూ ఆమెపై విమర్శలు గుప్పిస్తున్నారు.  చదవండి: ఒంటరిగా ఉండటం నచ్చడం లేదు.. షాకింగ్‌ న్యూస్‌ చెప్పిన నటి మరికొందరైతే ఏకంగా ‘నీ నెక్ట్‌ సినిమా మా హీరో చేయాలని, అతడికి కూడా లిప్‌లాక్‌ ఇవ్వాల్సిందే’ అంటూ పలువురు హీరోల ఫ్యాన్స్‌ అనుపమకు వార్నింగ్‌ ఇస్తున్నారు. ప్రస్తుతం ఈ ట్రోల్స్‌ నెట్టింట చర్చనీయాంశమయ్యాయి. అనుపమ మొదటి సారి ఈ సినిమా కోసం రెచ్చిపోవటంతో హాట్ టాపిక్‌గా మారింది.  ఏకంగా ఈ సినిమాలో 5 లిప్ లాక్ సీన్స్ ఉన్నట్లు తెలుస్తుంది. కాగా  శ్రీ హర్ష కన్నెగంటి తెరకెక్కించిన ఈ చిత్రం జనవరి 14న విడుదల కానుంది.  

‘‘రౌడీ బాయ్స్‌’ సినిమా ట్రైలర్‌ చూస్తే ‘ప్రేమదేశం’ చిత్రం చూసిన ఎగ్జయిట్‌మెంట్‌ వచ్చింది. అందరికీ అలాంటి ఎగ్జయిట్‌మెంట్‌ కలుగుతుందని నమ్ముతున్నాను’’ అని హీరో ఎన్టీఆర్‌ అన్నారు. ఆశిష్, అనుపమా పరమేశ్వరన్‌ జంటగా శ్రీహర్ష కొనుగంటి దర్శకత్వంలో తెరకెక్కిన చిత్రం ‘రౌడీ బాయ్స్‌’. అనిత సమర్పణలో ‘దిల్‌’ రాజు, శిరీష్‌ నిర్మించిన ఈ చిత్రం ఈ నెల 14న విడుదలవుతోంది. ఈ సినిమా ట్రైలర్‌ని ఎన్టీఆర్‌ విడుదల చేసి, మాట్లాడుతూ– ‘‘ఆది’ సమయంలో ‘దిల్‌’ రాజు,  శిరీష్‌గార్లతో పరిచయం ఏర్పడింది. శిరీష్‌ తనయుడు ఆశిష్‌ హీరోగా పరిచయం అవుతున్న ‘రౌడీ బాయ్స్‌’ ట్రైలర్‌ను నేను రిలీజ్‌ చేయడం ఆనందంగా ఉంది. ఈ సినిమా ఘనవిజయం సాధించి, మంచి చిత్రంగా గుర్తుండిపోవాలని కోరుకుంటున్నాను. మన తెలుగు ప్రేక్షకులు కొత్త టాలెంట్‌ను ఎంకరేజ్‌ చేస్తారనే నమ్మకం ఉంది’’ అన్నారు. ‘దిల్‌’ రాజు, శిరీష్‌ మాట్లాడుతూ– ‘‘యూత్‌ సహా అన్ని వర్గాలకు నచ్చే ఎంటర్‌టైనర్‌ ‘రౌడీ బాయ్స్‌’. సంక్రాంతికి విడుదలవుతున్న మా సినిమాను ప్రేక్షకులు ఆశీర్వదిస్తారనే నమ్మకం ఉంది’’  అన్నారు.