టాలీవుడ్‌లో ఫేమస్ సెంటిమెంట్ ఒకటుంది. స్టార్ డైరెక్టర్ రాజమౌళితో పనిచేసిన తర్వాత ఎలాంటి హీరోకైనా సరే నెక్స్ట్ మూవీ డిజాస్టర్ అవుతుంది. రామ్ చరణ్, ప్రభాస్, రవితేజ.. ఇలా ఏ హీరో కూడా దీని బారి నుంచి తప్పించుకోలేకపోయారు. అలాంటిది 'దేవర' మూవీతో ఎన్టీఆర్ దీన్ని బ్రేక్ చేస్తాడా లేదా? అని గత కొన్నిరోజులుగా సోషల్ మీడియాలో ఒకటే చర్చ. మరి 'దేవర' రిలీజైపోయింది. ప్రేక్షకులు ఏమంటున్నారు? రాజమౌళి కొడుకు దీనిపై ఏం ట్వీట్ చేశాడు?(ఇదీ చదవండి: 'దేవర' చూస్తూ ఎన్టీఆర్ అభిమాని మృతి)'ఆర్ఆర్ఆర్' తర్వాత ఎన్టీఆర్ హీరోగా చేసిన సినిమా 'దేవర'. కొరటాల శివ దర్శకుడు. ఫుల్ ఆన్ యాక్షన్ ఎంటర్‌టైనర్‌గా దీన్ని తెరకెక్కించారు. తాజాగా థియేటర్లలోకి వచ్చింది. అయితే రిలీజ్‌కి ముందు మరీ ఎక్కువ అంచనాలు ఏర్పడటం వల్లనో ఏమో గానీ మిశ్రమ స్పందన వస్తోంది. చాలా బాగుందని అనట్లేదు. అలా అని పూర్తిగా బాగోలేదని కూడా చెప్పట్లేదు. రెండు మూడు రోజులు ఆగితే ఫెర్ఫెక్ట్ టాక్ బయటపడుతుంది. ఒకవేళ యావరేజ్ వచ్చినా సరే వసూళ్లు రావడంతో పాటు సెంటిమెంట్ కూడా బ్రేక్ అయినట్లే.ఇక రాజమౌళి కొడుకు కార్తికేయ అయితే ఎన్టీఆర్ ఈ సెంటిమెంట్‌ని బ్రేక్ చేసేశాడని ట్వీట్ వేశాడు. '23 ఏళ్ల క్రితం ఎవరితోనైతే ఈ సెంటిమెంట్ మొదలైందో మళ్లీ అతడే దీన్ని బ్రేక్ చేశాడు. అతడిని చూస్తూ పెరిగాను. ఇప్పుడు తెలుగు సినిమాలో అతడు చేస్తున్న అద్భుతాల్ని కళ్లారా చూస్తున్నాను. అస్సలు మాటలు రావట్లేదు. అభిమానులకు ఒకటే చెబుతున్నా. 'దేవర' రూపంలో మనందరికీ సెలబ్రేట్ చేసుకునే అతిపెద్ద గిఫ్ట్ ఇచ్చాడు. ఇక నుంచి సినిమానే మాట్లాడుతుంది. ఆల్ హైల్ ద టైగర్' అని రాసుకొచ్చాడు.(ఇదీ చదవండి: ‘దేవర’ మూవీ రివ్యూ)

టాలీవుడ్ దర్శకధీరుడు రాజమౌళి కుటుంబం ప్రస్తుతం జపాన్‌లో ఉంది. ఎన్టీఆర్‌, రామ్‌ చరణ్‌ నటించిన సూపర్‌ హిట్‌ సినిమా 'ఆర్‌ఆర్‌ఆర్‌' స్క్రీనింగ్ కోసం వారు అక్కడికి వెళ్లిన విషయం తెలిసిందే. కానీ అక్కడ స్వల్ప భూకంపం వచ్చిందని ఆయన కుమారుడు కార్తికేయ తన ఎక్స్‌ ఖాతాలో ఫోస్ట్ చేశాడు. జపాన్‌లో ఒక భారీ  బిల్డింగ్ 28వ ఫ్లోర్‌లో ఉన్నామని ఎందుకో బిల్డింగ్ కదులుతున్నటుగా  అనిపించిందని  కార్తికేయ రాసుకొచ్చాడు. కానీ కొంత సమయం తర్వాత అది భూకంపం వల్ల అలా జరిగినట్లు తెలిసి చాలా భయపడ్డానని ఆయన తెలిపాడు. మొదటిసారిగా  భూకంపం ద్వారా కలిగే అనుభూతిని పొందానని రాసుకొచ్చారు. మండిపడ్డ నెటిజన్స్.. అయితే ఇది చూసిన నెటిజన్స్ ఎస్ఎస్ కార్తికేయ తీరుపై మండిపడుతున్నారు. భూకంపం అంటే అదేమైనా జోక్ అనుకుంటున్నారా? అని ప్రశ్నించారు. మరో నెటిజన్ రాస్తూ భూకంపం అనేది నీ బకెట్ లిస్ట్‌లో ఉందా అంటూ ఆగ్రహం వ్యక్తం చేస్తున్నారు. ఇలాంటి సెన్సిటివ్‌ విషయాన్ని ఫన్నీగా ట్వీట్ చేయడంపై కార్తికేయపై మండిపడుతున్నారు. అలాగే ఇండియా బోర్డర్‌కు వెళ్లి బాంబుల మోత కూడా ఆస్వాదించు అంటూ సలహాలు కూడా ఇస్తున్నారు. ఏదేమైనా కార్తికేయ భూకంపంపై చేసిన ట్వీట్‌ ప్రస్తుతం సోషల్ మీడియాలోను ఊపేస్తోంది.  Felt a freaking earthquake in Japan just now!!! Was on the 28th floor and slowly the ground started to move and took us a while to realise it was an earthquake. I was just about to panic but all the Japanese around did not budge as if it just started to rain!! 😅😅😅😅😅… pic.twitter.com/7rXhrWSx3D — S S Karthikeya (@ssk1122) March 21, 2024 Experiencing an Earthquake is in your bucket list ? Weird — RAVI SANKAR GARIMELLA (@ravis_g239) March 21, 2024 Experience an earthquake box ticked. ✅ --> WTF 😒 😒 — KK (@krishjlk) March 21, 2024 Pls go to Indian border and EXPERIENCE A BOMB BLAST also ... Tick it bro — KK (@krishjlk) March 21, 2024

మలయాళంలో ఫిబ్రవరి 9న విడుదలైన యూత్‌ఫుల్‌ ఎంటర్‌టైనర్‌ చిత్రం 'ప్రేమలు'. ఓటీటీ వివరాలు నెట్టింట వైరల్‌ అవుతున్నాయి. ఎలాంటి అంచనాలు లేకుండా తక్కువ బడ్జెట్‌లో వచ్చిన ఈ సినిమా రూ. 100 కోట్లు సాధించి రికార్డ్‌ క్రియేట్‌ చేసింది. తెలుగులో కూడా ప్రేమలు అనే పేరుతో తాజాగా ఈ చిత్రం థియేటర్‌లోకి వచ్చింది. ఇక్కడ కూడా సూపర్‌ హిట్‌ టాక్‌తో దూసుకుపోతుంది. ఈ రొమాంటిక్ కామెడీ చిత్రంగా తెరకెక్కిన ప్రేమలు యూత్‌కు బాగా కనెక్ట్‌ అయింది. ఈ హిట్‌ చిత్రానికి గిరీష్ ఏడీ ద‌ర్శ‌క‌త్వం వ‌హించారు. నస్లేన్ కె.గఫూర్‌, మ‌మితా బైజు జంటగా నటించి మెప్పించారు. ప్రస్తుతం బాక్సాఫీస్‌ వద్ద కాసుల వ‌ర్షం కురిపిస్తోన్న ఈ మూవీ త్వ‌ర‌లో ఓటీటీలోకి రాబోతున్న‌ట్లు స‌మాచారం. ప్రేమ‌లు మూవీ హ‌క్కుల‌ను డిస్నీ ప్ల‌స్ హాట్‌స్టార్ సొంతం చేసుకుంది. మార్చి 29 నుంచి మూవీ ఓటీటీలో స్ట్రీమింగ్ కాబోతున్న‌ట్లు స‌మాచారం. మ‌ల‌యాళంతో పాటు తెలుగు, త‌మిళం, క‌న్న‌డ‌, హిందీ భాష‌లలో ఒకేసారి రిలీజ్‌ చేయాలని మేకర్స్‌ ప్లాన్‌ చేస్తున్నట్లు వార్తలు వస్తున్నాయి. మలయాళంలో విడుదలై ఇప్పటికే 30రోజులు దాటింది. దీంతో ఈ సినిమాను మార్చి మొదటి వారంలోనే ఓటీటీలో రిలీజ్ చేయాల‌ని డిస్నీ హాట్‌స్టార్ ప్లాన్ చేసింది. కానీ ప్రేమ‌లు చిత్రం నచ్చి ఎస్‌.ఎస్‌.కార్తికేయ తెలుగులో డిస్ట్రిబ్యూట్‌ చేశారు. దీంతో తెలుగు వెర్ష‌న్ మార్చి 8న థియేట‌ర్ల ద్వారా ప్రేక్ష‌కుల ముందుకొచ్చింది. త‌మిళ వెర్ష‌న్ మార్చి 15న రిలీజ్ కానుంది. అందువ‌ల్లే ఓటీటీ రిలీజ్‌ కాస్త ఆలస్యం అయినట్లు చెబుతున్నారు. మార్చి 29 నుంచి హాట్‌స్టార్‌లో ప్రేమలు స్ట్రీమింగ్‌ కావడం దాదాపు ఖాయంగా కనిపస్తుంది. అధికారికంగా ప్రకటన రావాల్సి ఉంది.

మరో మలయాళ హిట్ సినిమా తెలుగులో విడుదలకు సిద్ధమైంది. హైదరాబాద్ బ్యాక్ డ్రాప్‌తో తీసిన యూత్‌ఫుల్ రొమాంటిక్ కామెడీ మూవీ 'ప్రేమలు'.. కేరళలో సెన్సేషన్ క్రియేట్ చేసింది. కేవలం రూ.5 కోట్ల బడ్జెట్‌తో తీస్తే ఏకంగా రూ.50 కోట్ల వరకు కలెక్షన్స్ సాధించింది. దీంతో డబ్బింగ్ చేసి ఇక్కడ కూడా రిలీజ్ చేయాలనే డిమాండ్స్ వినిపించాయి. ఈ క్రమంలోనే ఇప్పుడు తెలుగు వెర్షన్ రిలీజ్‪‌కి రెడీ అయింది. (ఇదీ చదవండి: లండన్‌లో ప్రభాస్ కొత్త ఇల్లు.. నెలకు అన్ని లక్షల అద్దె?) ప్రముఖ దర్శకుడు రాజమౌళి కొడుకు కార్తికేయ.. 'ప్రేమలు' సినిమా తెలుగు హక్కుల్ని దక్కించుకున్నారట. ప్రస్తుతం డబ్బింగ్ పనులు జరుగుతున్నాయని, శివరాత్రి కానుకగా మార్చి 8న థియేటర్లలో రిలీజ్ చేయనున్నారని తెలుస్తోంది. అయితే అదే రోజున గోపీచంద్ 'భీమా', విశ్వక్ సేన్ 'గామి' చిత్రాలు కూడా విడుదల కానున్నాయి. అయితే ఈ మూడు సినిమాలు వేటికవే డిఫరెంట్ జానర్స్ కాబట్టి పెద్దగా ప్రాబ్లమ్ ఉండకపోవచ్చు. 'ప్రేమలు' సినిమా కథ విషయానికొస్తే.. ఇంజినీరింగ్ చేసిన సచిన్‌కి(నస్లేన్) యూకే వెళ్లాలనేది ప్లాన్. కానీ వీసా రిజెక్ట్ కావడంతో సొంతూరిలో ఉండటం ఇష్టం లేక ఫ్రెండ్‌తో కలిసి హైదరాబాద్‌కి వస్తాడు. ఇక్కడ ఓ పెళ్లిలో రీనూ(మమిత బైజు)ని చూసి ప్రేమలో పడతాడు. ఈ అమ్మాయి సాఫ్ట్ వేర్ ఇంజినీర్‌గా జాజ్ చేస్తుంటుంది. మరి వీళ్లిద్దరూ చివరకు ఒక్కటయ్యారా? ఈ జర్నీలో ఎలాంటి ప్రాబ్లమ్స్ ఎదుర్కొన్నారనేది స్టోరీ. (ఇదీ చదవండి: ఈ వారం ఓటీటీల్లోకి ఏకంగా 32 సినిమాలు.. అవేంటో తెలుసా?)

తెలుగు సినిమా ఆర్‌ఆర్‌ఆర్‌కు ఆస్కార్‌ వచ్చిందంటే యావత్‌ భారతదేశం పొంగిపోయింది. కానీ కొందరు మాత్రం ఆస్కార్‌ క్యాంపెయిన్‌ కోసం కోట్లు గుమ్మరించారు, అవార్డును కొన్నారంటూ ఎవరికి నచ్చినట్లు వాళ్లు విమర్శలు చేశారు. తాజాగా ఈ ఆరోపణలపై రాజమౌళి తనయుడు, ఆర్‌ఆర్‌ఆర్‌ లైన్‌ ప్రొడ్యూసర్‌ ఎస్‌ఎస్‌ కార్తికేయ క్లారిటీ ఇచ్చాడు.  తాజా ఇంటర్వ్యూలో ఆయన మాట్లాడుతూ.. 'ఆర్‌ఆర్‌ఆర్‌ సినిమాపై విదేశీయులు మక్కువ చూపించారు. అందుకే ఓటీటీలోకి వచ్చినప్పటికీ అమెరికాలో రిలీజ్‌ చేయాలనుకున్నాం. కేవలం ఒక రోజు 60 స్క్రీన్లలో ప్రదర్శిద్దామనుకున్నాం. ఒక రోజు కోసం అనుకుంటే నెల రోజులు గడిచిపోయింది. సినిమా చూశాక అందులో మీకు ఏం నచ్చింది? అని అక్కడి ప్రేక్షకులను అడిగాం. చరణ్‌ను తారక్‌ అన్న ఎత్తుకుని ఫైట్‌ చేసిన సన్నివేశం తెగ నచ్చిందన్నారు. పాటలు వస్తుంటే కూడా లేచి డ్యాన్స్‌ చేస్తున్నారు. వారికి మాత్రమే ఆహ్వానం కీరవాణి, చంద్రబోస్‌, జూనియర్‌ ఎన్టీఆర్‌, రామ్‌చరణ్‌, ప్రేమ్‌రక్షిత్‌, కాలభైరవలకు అకాడమీ ఆహ్వానం పంపింది. నామినీలకు, స్టేజీపై పర్ఫామ్‌ చేసేవాళ్లకు అకాడమీ కమిటీ ఆహ్వానిస్తుంది. సినిమాకు సంబంధించిన ఇతర నటీనటులు, సాంకేతిక బృందాలు టికెట్‌ కొనాల్సిందే! ఇందుకోసం నామినేషన్స్‌లో ఉన్నవాళ్లు కమిటీకి ఈమెయిల్‌ పంపుతారు. కీరవాణి, చంద్రబోస్‌ మాకోసం ఈమెయిల్‌ చేశారు. వాళ్లు అది చూసిన తర్వాత లింక్‌ పంపుతారు. దాని ద్వారా టికెట్లు బుక్‌ చేసుకోవాలి. ఆ టికెట్‌లలో కూడా రకరకాల క్లాసులుంటాయి.  లోయర్‌ లెవల్‌ సీట్ల కోసం ఒక్కొక్కటి 1500 డాలర్లు పెట్టి కొన్నాం. ఒక్కో టికెట్‌కు ఎంతంటే? టాప్‌లో కూర్చుని చూసేందుకు మా కుటుంబంలోని నలుగురికి 750 డాలర్లు పెట్టి టికెట్లు తీసుకున్నాం. ఆస్కార్‌ కొనడమనేది పెద్ద జోక్‌. 95 ఏళ్ల సుదీర్ఘ చరిత్ర కలిగిన ఇన్‌స్టిట్యూషన్‌ అది. అక్కడ ప్రతిదానికీ ఓ పద్ధతి ఉంటుంది. అయినా ఆడియన్స్‌ ప్రేమను కొనగలమా? స్టీవెన్‌ స్పీల్‌బర్గ్‌, జేమ్స్‌ కామెరూన్‌ మాటలను కొనలేం కదా.. హాలీవుడ్‌ సినిమాలు ప్రచారం కోసం స్టూడియోలను ఆశ్రయిస్తాయి. కానీ మాకు అలాంటి ఆస్కారం లేదు. ప్రచారం కోసం రూ.5 కోట్లు బడ్జెట్‌ అనుకున్నాం. మొదటి ఫేజ్‌లో రూ.3 కోట్లు ఖర్చయ్యాయి. నామినేషన్స్‌ అయ్యాక ఆ సెకండ్‌ ఫేజ్‌లో మరికొంత బడ్జెట్‌ పెంచాం. మొత్తంగా రూ.8.5 కోట్లు ఖర్చయింది' అని చెప్పుకొచ్చాడు కార్తికేయ.

దర్శకధీరుడు రాజమౌళి తెరకెక్కించిన ఆర్‌ఆర్‌ఆర్‌ దేశవ్యాప్తంగానే కాదు, ప్రపంచ వ్యాప్తంగా సంచలనం సృష్టించింది. ఇద్దరు స్వాతంత్ర్య సమరయోధులు కలిస్తే ఎలా ఉంటుందనే థీమ్‌తో జక్కన్న రూపొందించి ఈ సినిమాకు ప్రేక్షకులు బ్రహ్మారథం పట్టారు. వరల్డ్‌ వైడ్‌గా ఈ మూవీ రూ. రూ. 1200 కోట్లు వసూలు చేసి రికార్డు సృష్టించింది. ఇంతటి ప్రజాధారణ పొందిన ఈ చిత్రం భారతదేశం నుంచి ఆస్కార్ అవార్డులకు ఎంపిక అవుతుంది అని అందరూ భావించారు. హాలీవుడ్‌ ప్రేక్షకులు సైతం ఈ మూవీ ఆస్కార్‌ బరిలో నిలవాలని కోరుకు​న్నారు. కానీ అందరి అంచనాలను తారుమారు చేస్తూ ఫిలిం ఫెడరేషన్‌ ఆఫ్‌ ఇండియా గుజరాతీ మూవీ ఛైల్లో షోను ఆస్కార్స్‌కు నామినేట్ చేసింది. చదవండి: ‘ఆదిపురుష్‌ సినిమాను బ్యాన్‌ చేయాల్సిందే’.. అయోధ్య ప్రధాన పూజారి ఆగ్రహం దీంతో అంతా షాకయ్యారు. ఆర్‌ఆర్‌ఆర్‌ను ఆస్కార్‌ నామినేషన్స్‌కు పంపకపోవడంతో సర్వత్రా అసంతృప్తి వ్యక్తమయ్యింది. దీంతో అమెరికాలో ఆర్‌ఆర్‌ఆర్‌ను డిస్ట్రిబ్యూట్‌ చేసిన వేరియల్స్‌ ఫిలిం సంస్థ ఆర్‌ఆర్‌ఆర్‌ను ఆస్కార్‌ నామినేషన్స్‌కు పరిశీలించాలని అకాడెమీని కోరింది. ఇదిలా ఉంటే రీసెంట్‌గా ఆర్‌ఆర్‌ఆర్‌ లాస్‌ ఎంజెల్స్‌లో వారం రోజుల పాటు ప్రదర్శించబడిన సంగతి తెలిసిందే. అయితే ఆస్కార్ అకాడమీ రూల్స్ ప్రకారం.. ఏ సినిమా అయినా ‘లాస్ ఏంజెల్స్’లో ఇంగ్లీష్ సబ్ టైటిల్స్‌తో వారం పాటు ప్రదర్శించబడితే ఆస్కార్ అవార్డుల పోటీలో నిలవొచ్చు. ఈ క్రమంలో ‘ఫర్ యువర్ కన్సిడరేషన్’ (For Your Consideration) కింద 15 విభాగాల్లో ‘ఆర్ఆర్ఆర్‌’ను చిత్ర బృందం క్యాంపెయిన్‌ చేస్తోంది. చదవండి: యూట్యూబ్‌ ద్వారా బిగ్‌బాస్‌ గంగవ్వ నెల సంపాదన ఎంతంటే ఈ విషయాన్ని రాజమౌళి తనయుడు ఎస్‌ఎస్‌ కార్తికేయ సోషల్‌ మీడియా వేదికగా పంచుకున్నాడు. ఆయన ట్వీట్‌ చేస్తూ.. ఆర్‌ఆర్‌ఆర్‌ 15 విభాగాల్లో ఆస్కార్‌ నామినేషన్స్‌ కోసం క్యాంపెయినింగ్‌ చేస్తున్నట్లు చెప్పాడు. బెస్ట్ మోషన్ పిక్చర్: డివివి దానయ్య, బెస్ట్ డైరెక్టర్ : ఎస్ఎస్ రాజమౌళి, బెస్ట్ యాక్టర్ : జూ. ఎన్టీఆర్ , రాంచరణ్ .. బెస్ట్ సపోర్టింగ్ యాక్టర్ : అజయ్ దేవగన్ , బెస్ట్ ఒరిజినల్ సాంగ్ : నాటు నాటు , బెస్ట్ ఒరిజినల్ స్కోర్ : కీరవాణి, బెస్ట్ ఎడిటర్ : శ్రీకర్ ప్రసాద్ , బెస్ట్ సౌండ్, బెస్ట్ స్క్రీన్ ప్లే, బెస్ట్ సినిమాటోగ్రఫీ, బెస్ట్ విజువల్ ఎఫెక్ట్స్ ఇలా అన్ని విభాగాల్లో ఆర్ఆర్ఆర్ చిత్రం ఆస్కార్స్ బరిలో క్యాంపెయిన్‌ చేస్తోంది.  ❤️‍🔥🙏 #RRRforOscars https://t.co/83MUH5QuMH — S S Karthikeya (@ssk1122) October 6, 2022

దర్శకధీరుడు ఎస్‌ఎస్‌ రాజమౌళి తనయుడు కార్తికేయ నిర్మాతగా పరిచయమవుతున్న చిత్రం ‘ఆకాశవాణి’. ఈ చిత్రంతో అశ్విన్‌ గంగరాజు అనే యువదర్శకుడు టాలీవుడ్‌కు పరిచయం కాబోతున్నారు. కీరవాణి తనయుడు కాల భైరవ సంగీతాన్ని అందంచిన ఈ చిత్ర షూటింగ్‌ దాదాపు పూర్తయింది. నూతన నటీనటులతో వైవిధ్య భరితంగా తెరకెక్కించిన ఈ చిత్రానికి సంబంధించిన ఓ వార్త సోషల్‌ మీడియాలో తెగ వైరల్‌ అవుతోంది.  ఈ సినిమా నిర్మాణ బాధ్యతల నుంచి కార్తికేయ తప్పుకున్నట్లు తెలుస్తోంది. తన తండ్రి ‘ఆర్‌ఆర్‌ఆర్‌’ సినిమా కోసమే ఆయన ఈ నిర్ణయం తీసుకున్నారని టాలీవుడ్‌ వర్గాలు పేర్కొంటున్నాయి. రాజమౌళి చిత్రాలకు ప్రొడక్షన్‌, మార్కెటింగ్‌ వంటి బాధ్యతలను కార్తికేయనే చూసుకుంటాడన్న విషయం తెలిసిందే. అయితే లాక్‌డౌన్‌ కారణంగా ‘ఆర్‌ఆర్‌ఆర్‌’ చిత్ర షూటింగ్‌ వాయిదా పడింది.  దాదాపు రూ.400 కోట్ల భారీ బడ్జెట్‌తో రూపొందుతున్న ఈ సినిమాను అనుకున్న తేదీకి థియేటర్లలోకి తీసుకరావాలంటే ఊపిరి సలపడకుండా కష్టపడాల్సి ఉంటుంది. దీంతో తన సినిమా నుంచి తప్పుకుని పూర్తి సమయాన్ని ‘ఆర్‌ఆర్‌ఆర్‌’ కోసం కేటాయించాలని కార్తికేయ భావించినట్లు, అందుకే ‘ఆకాశవాణి’ నుంచి తప్పుకున్నారని తెలుస్తోంది. అయితే ఈ విషయంపై ఎలాంటి అధికారిక ప్రకటన వెలువడలేదు.  చదవండి: హారర్‌ చిత్రంలో చైతూ.. డైరెక్టర్‌ అతడేనా? మే 9 వెరీ స్పెషల్‌ డే ఎందుకంటే?     var request = 'https://www.sakshi.com/knowwidget/kwstr_691245605.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

ప్రముఖ దర్శకుడు ఎస్‌.ఎస్‌.రాజమౌళి వద్ద ‘ఈగ, బాహుబలి’ చిత్రాలకు అసిస్టెంట్‌ డైరెక్టర్‌గా పని చేసిన అశ్విన్‌ గంగరాజు దర్శకునిగా పరిచయమవుతోన్న చిత్రం ‘ఆకాశవాణి’. ఈ చిత్రంతో రాజమౌళి తనయుడు ఎస్‌.ఎస్‌.కార్తికేయ నిర్మాతగా మారారు. షోయింగ్‌ బిజినెస్‌ పతాకంపై ఆయన నిర్మిస్తున్న ఈ చిత్రం షూటింగ్‌ 90 శాతం పూర్తయింది. ఈ సినిమాతో ప్రముఖ సంగీత దర్శకుడు కీరవాణి తనయుడు కాలభైరవ సంగీత దర్శకుడిగా పరిచయమవుతున్నారు. అశ్విన్‌ గంగరాజు మాట్లాడుతూ– ‘‘వైవిధ్యమైన కథతో రూపొందిస్తోన్న చిత్రమిది. ఓ రేడియో చుట్టూ దట్టమైన అడవిలో కథ సాగుతుంది.  పాడేరు అటవీ ప్రాంతంలో వేసిన భారీసెట్‌తో పాటు ఇతర లొకేషన్స్‌లో దాదాపు 50 రోజుల పాటు ఒకే షెడ్యూల్‌లో 90శాతం సినిమాను పూర్తి చేశాం. ఈ షెడ్యూల్‌ చాలా సాహసంగా అనిపించింది. ఈ ఏడాదిలోనే సినిమాను విడుదల చేయడానికి సన్నాహాలు చేస్తున్నాం’’ అన్నారు. దర్శకుడు, తమిళ నటుడు సముద్రఖని కీలక పాత్ర పోషిస్తున్న ఈ చిత్రానికి కెమెరా: సురేశ్‌ రగుతు:

ఇటీవల కాలంలో సినీరంగంలో టైటిల్ వార్‌ తరచూ తెర మీదకు వస్తుంది. ఒక సంస్థ రిజిస్టర్‌ చేసుకున్న టైటిల్‌తో మరో సంస్థ సినిమాను ప్రారంభించటం, లేదా పోస్టర్‌లు, టీజర్‌ లాంటివి రిలీజ్ చేయటం వివాదాస్పదమయ్యింది. నిఖిల్ హీరోగా తెరకెక్కుతున్న అర్జున్‌ సురవరం సినిమాకు ముందుగా ముద్ర అనే టైటిల్‌ను నిర్ణయించినా వివాదం కావటంతో టైటిల్ మార్చి ప్రమోషన్‌ చేస్తున్నారు. తాజాగా ఇలాంటి వివాదమే మరొకటి తెర మీదకు వచ్చింది. ఒకే టైటిల్‌తో రెండు సినిమాలు రిలీజ్‌కు రెడీ అవుతున్నాయి. రాజమౌళి తనయుడు కార్తీకేయ నిర్మాతగా మారి తెరకెక్కిస్తున్న సినిమా ఆకాశవాణి. ఈ సినిమాతో అశ్విన్‌ గంగరాజు దర్శకుడిగా, కీరవాణి తనయుడు కాళభైరవ సంగీత దర్శకుడిగా పరిచయం అవుతున్నారు. అయితే దాదాపు ఇదే టైటిల్‌తో మరో సినిమా కూడా రెడీ అవుతుంది. సతీష్‌ బత్తుల దర్శకత్వంలో ఆకాశవాణి పేరుతో మరో సినిమా రిలీజ్కు రెడీ అవుతోంది. అయితే ఈ సినిమాకు విశాఖపట్టణ కేంద్రం అనే ట్యాగ్ లైన్‌ను జోడించారు. తాజాగా ఈ సినిమా టీజర్‌కు సంబంధించి ఓ పోస్టర్‌ను రిలీజ్ చేశారు చిత్రయూనిట్‌. మరి ఈ రెండు సినిమాలు అదే టైటిల్లతో ప్రేక్షకుల ముందుకు వస్తాయా..? లేక ఎవరైన టైటిల్ మార్చుకుంటారా..? చూడాలి.

వెల్‌కమ్‌ అల్లుడు గారు అంటూ తమ కొత్త అల్లుడికి స్వాగతం పలుకుతున్నారు మన జగ్గూభాయ్‌. ఇటీవలే జైపూర్‌లో రాజమౌళి తనయుడు కార్తికేయ, జగపతి బాబు అన్న కుమార్తె పూజా ప్రసాద్‌ల వివాహం అంగరంగ వైభవంగా జరిగిన సంగతి తెలిసిందే.  ఈ పెళ్లిలో రాజమౌళి, ఎన్టీఆర్‌, కీరవాణి, రానా, ప్రభాస్‌, రామ్‌ చరణ్‌లు చేసిన సందడి గురించి ప్రత్యేకంగా చెప్పనవసరం లేదు. అయితే ఈ తమ ఇంట్లోకి రాబోతోన్న కొత్త అల్లుడికి జగపతి బాబు సోషల్‌ మీడియా వేదికగా వెల్‌కమ్‌ చెప్పారు. ‘పూజ, కార్తికేయల వివాహ సంబరాల కారణంగా హైదరాబాద్ కొన్ని అద్భుతమైన ఫోటోలను సంపాదించింది. అల్లుడు గారి కుటుంబం మా జీవితాల్లోకి రావడంతో మా కుటుంబం పరిపూర్ణమైంది. వెల్‌కమ్ అల్లుడుగారు’అంటూ ట్వీట్‌ చేశారు.   . @RVRPRO Hyderabad have captured some wonderful moments from Pooja and Karthikeya’s wedding celebrations!!! Now our family is complete with Alludu garu"s family into our lives😊 welcome Alludu garu @ssk1122 pic.twitter.com/Skw5gZOH2L — Jaggu Bhai (@IamJagguBhai) January 11, 2019

దర్శక ధీరుడు రాజమౌళి కుమారుడు కార్తికేయ వివాహం, జగపతి బాబు సోదరుడి కుమార్తె పూజా ప్రసాద్‌తో జరిగిన సంగతి తెలిసిందే. రాజస్తాన్‌లో జరిగిన ఈ వివాహ వేడుకకు పలువురు టాలీవుడ్‌, బాలీవుడ్‌ ప్రముఖులు హాజరై నూతన జంటకు ఆశీస్సులు అందజేశారు. ఈ వివాహ వేడుకకు సంబంధించిన ఫొటోలు, వీడియోలు ప్రస్తుతం నెట్టింట్లో తెగ హల్‌చల్‌ చేస్తున్నాయి. పలువురు సెలబ్రిటీలు కూడా ఈ వివాహ వేడుకకు సంబంధించిన విశేషాలను సోషల్‌ మీడియా వేదికగా అభిమానులతో పంచుకుంటున్నారు. తన పిల్లలతో(దత్తత తీసుకున్న) కలిసి ఈ వివాహ వేడుకకు హాజరైన ప్రముఖ హీరోయిన్‌ సుస్మితా సేన్‌ పెళ్లి చాలా అందంగా జరిగిందని పేర్కొన్నారు. పెళ్లిలో కార్తికేయ, పూజాలు తలంబ్రాలు పోసుకుంటున్న వీడియోను ఆమె షేర్‌ చేశారు. ‘తలంబ్రాల్లోని ప్రతి ధాన్యం గింజ మీ ఇరువురికి దీవెనలు, ప్రేమ, ఆనందం, సిరిసంపదలు తీసుకురావాలని కోరుకుంటున్నాన’ని తెలిపారు. అంతేకాకుండా ప్రభాస్‌తోపాటు, తన బాయ్‌ ఫ్రెండ్‌ రోహ్మాన్ షాల్‌తో దిగిన ఫొటోలను కూడా ఇన్‌స్టాగ్రామ్‌లో షేర్‌ చేశారు. View this post on Instagram May each grain of rice bring abundance of blessings, love, happiness & divine prosperity to you both❤️💋🙏🎉😍 Congratulations Pooja & @sskarthikeya 🥰🎉Your wedding was filled with such beauty, joy & grace👏❤️😇 here’s to a blessed journey of togetherness!!! #duggadugga #sharing #moments #bangaramsaysss #jaipur #babysister #wedding ❤️💃🏻😁😍I love you guys!!!! @ramvee 😇 A post shared by Sushmita Sen (@sushmitasen47) on Jan 1, 2019 at 3:53am PST 2018లో నాకిష్టమైన ఫొటో: రానా రానా కూడా కార్తికేయ, పూజాలకు సోషల్‌ మీడియా వేదికగా శుభాకాంక్షలు చెప్పారు. వారిద్దరు జీలకర్ర, బెల్లం పెట్టుకున్న ఫొటోను షేర్‌ చేసిన రానా ఇది 2018లో తనకు ఇష్టమైన ఫొటో అని పేర్కొన్నారు. ఆ ఫొటో తీసింది ఉపాసన కొణిదెల అని తెలిపారు.  View this post on Instagram Favorite picture from 2018!! #bangaramsaysss Congratulations to you lovely people @sskarthikeya photo credits: @upasanakaminenikonidela A post shared by Rana Daggubati (@ranadaggubati) on Jan 1, 2019 at 6:47am PST

దర్శక ధీరుడు రాజమౌళి కుమారుడు కార్తికేయ వివాహం, జగపతి బాబు సోదరుడి కుమార్తె పూజా ప్రసాద్‌తో జరిగిన సంగతి తెలిసిందే. రాజస్తాన్‌ వేదికగా జరిగిన ఈ వేడుకకు ఫ్యామిలీ మెంబర్స్‌, ఫ్రెండ్స్‌తో పాటు టాలీవుడ్‌ ప్రముఖులు హాజరయ్యారు. వివాహ తంతు తెలుగు స్టైల్‌లో జరిగినప్పటికీ.. మిగితా వేడుకలన్ని రాజస్తానీ స్టైల్‌లోనే జరిగినట్లు టాక్‌. కార్తికేయ పెళ్లికి సంబంధించిన వీడియోలు, ఫోటోలు ప్రస్తుతం తెగ వైరలవుతున్నాయి. వీటన్నింటిలో హైలెట్‌గా నిలిచింది మాత్రం జక్కన్న డ్యాన్స్‌ వీడియో. View this post on Instagram Reposted from @local_celebrities_dps - #Rajamouli gaaruuuu ah dance enti sir 😍😍 . . . #ssrajamouli #ramcharan #jrntr #TFLers #SSKWedding #prabhas #rana #ranadaggubati #anushka #nani #akkineniakhil #tollywoodactress #telugufilmnagar #akkineninagarjuna #BangaramSaysSS - #regrann A post shared by local_celebrities_dps (@local_celebrities_dps) on Dec 30, 2018 at 10:10pm PST రామ్‌ చరణ్‌తో కలిసి రాజమౌళి వేసిన డ్యాన్స్‌ అభిమానులను తెగ ఆకట్టుకుంటుంది. ప్రస్తుతం ఈ వీడియో తెగ వైరలవుతోంది. రానా డోల్‌ వాయిస్తున్న వీడియో కూడా వైరల్‌గా మారింది. వీటితో పాటు సంగీత్‌ సందర్భంగా ప్రభాస్‌, రానా, ఎన్టీఆర్‌, రామ్‌ చరణ్‌లు కార్తికేయ - పూజాలతో కలిసి డ్యాన్స్‌ చేసిన వీడియో కూడా అభిమానులను తెగ ఆకట్టుకుంటోంది. View this post on Instagram @jrntr Annna Dance What A Energy Level💗🙈 Wow #Prabhas shaking legs on #Sskarthikeya wedding 😍💕 Thats so delightful to see, The way he is asking bride to dance with groom. .😍🙈💗 #Prabhas 💗 Anna @jrntr Anna , #RamCharan Anna and @ranadaggubati Anna In Full to Enjoy..... And This Part Is So amazing And Dedicated for Best Friend.... Prabhas Dance here is Full (HD) Video Last Part Must Watch Darlings 😍😅😊 Darling #Prabhas @jrntr #RamCharan Anna and @sskarthikeya garu and His Wife Puja Also And @ranadaggubati AnnaDance at #PrabhasAtSskWedding In #Jaipur For @ssrajamouli Son @sskarthikeya Wedding 💃😍 #PrabhasDance #SsKarthikeya #sskwedding #Saaho #DarlingPrabhas #Rebelstar #sandy_prabhas_bahubali #BangaramSaysSS #Baahubali2 #Baahubali #Saaho #PrabhasRaju #Darling #RebelStar #DarlingPrabhas #Prabhasraju #AnushkaShetty #Prabhasrajuuppalapati #UppalapatiPrabhasRaju #AlluArjun #MaheshBabu @hegdepooja #RebelstarPrabhas #Tollywood #Kollywood #Ramcharan #JrNtr #Nani #InstaPrabhas #Pabsu#Prabhas_Raju #Darling #Bahubaliprabhas A post shared by Prabhas Raju Uppalapati 🔵 (@sandy_prabhas_bahubali) on Dec 29, 2018 at 8:40pm PST

బాలీవుడ్‌ టు టాలీవుడ్‌ ఈ మధ్య అంతా ‘పెళ్లి యాత్రలకు.. రాజస్థానే నందనవనమాయనే’ అంటున్నారు. మొన్న ప్రియాంకా చోప్రా, ఇవాళేమో రాజమౌళి తనయుడు కార్తికేయల డెస్టినేషన్‌ వెడ్డింగ్‌కు రాజస్థాన్‌ వేదికైంది. రాజమౌళి తనయుడు కార్తికేయ, జగపతిబాబు సోదరుని కుమార్తె పూజా ప్రసాద్‌ నేడు వివాహం చేసుకోనున్నారు. ఫ్యామిలీ, ఫ్రెండ్స్‌తో పాటు టాలీవుడ్‌లో చాలామందిని తమ పెళ్లికి ఆహ్వానించారు కార్తికేయ, పూజా. వివాహమంతా మన సౌతిండియా స్టైల్‌లో జరగనున్నప్పటికీ కొంచెం రాజస్థానీ సంప్రదాయ టచ్‌ ఇవ్వనున్నారట. విందులో వడ్డించేవన్నీ అక్కడి వంటకాలే. పెళ్లికి విజిట్‌ చేసిన గెస్ట్స్‌ అందరికీ నెక్ట్స్‌ రెండు రోజులు రాజస్థానీ స్టైల్‌లోనే మర్యాదలు జరగనున్నాయి. సంగీత్‌లో రాజమౌళితో పాటు రామ్‌చరణ్, ప్రభాస్, అనుష్క డ్యాన్స్‌ చేయడం హైలైట్‌గా నిలిచిందని టాక్‌. అలాగే అందరూ కలసి అంత్యాక్షరీ కూడా ఆడారు. సుశాంత్, శేష్‌ అనుష్క రానా, రామ్‌చరణ్, ఎన్టీఆర్‌..

యస్‌.యస్‌. రాజమౌళి తనయుడిగానే కాకుండా ‘బాహుబలి’ సెకండ్‌ యూనిట్‌ దర్శకుడిగా, ‘యుద్ధం శరణం’ సినిమాకు లైన్‌ ప్రొడ్యూసర్‌గా తనకంటూ ప్రత్యేక గుర్తింపు తెచ్చుకున్నారు కార్తికేయ. ఇప్పటివరకూ సింగిల్‌గా ఉన్న కార్తికేయ ఇప్పుడు ఓ ఇంటివాడు కాబోతున్నారు. నటుడు జగపతిబాబు సోదరుడు రాంప్రసాద్‌ కుమార్తె పూజా ప్రసాద్‌తో కార్తికేయ ఎంగేజ్‌మెంట్‌ జరిగింది. భక్తి పాటలు పాడుతూ మంచి గుర్తింపు సంపాదించుకున్నారు పూజా. ఈ ఎంగేజ్‌మెంట్‌ కుటుంబ సభ్యుల మధ్యన జరిగింది. ఈ విషయాన్ని కార్తికేయ తెలియజేస్తూ – ‘‘నా ప్రేయసి పూజాతో జీవితంలో కొత్త ఫేజ్‌లోకి వెళ్లడం చాలా ఎగై్జటింగ్‌గా ఉంది. విషెస్‌ ద్వారా ప్రేమను కురిపిస్తున్న అందరికీ ధన్యావాదాలు’’ అని పేర్కొంటూ పై ఫొటోను షేర్‌ చేశారు.


 వరుస హిట్స్తో మంచి ఫాంలో ఉన్న యంగ్ హీరో నాగచైతన్య ఇప్పుడు రెండు సినిమాల షూటింగ్లతో బిజీగా ఉన్నాడు. సోగ్గాడే చిన్ని నాయనా ఫేం కళ్యాణ్ కృష్ణ దర్శకత్వంలో తెరకెక్కుతున్న రారండోయ్ వేడుక చూద్దాం ఇప్పటికే షూటింగ్ కార్యక్రమాలు పూర్తి చేసుకోగా.. కొత్త దర్శకుడు కృష్ణ మరిముత్తు దర్శకత్వంలో తెరకెక్కుతున్న సినిమా ప్రస్తుతం సెట్స్ మీద ఉంది. రాజమౌళి తనయుడు ఎస్ ఎస్ కార్తికేయ ఈ సినిమాకు లైన్ ప్రొడ్యూసర్గా వ్యవహరిస్తున్నాడు.
 
 ప్రస్తుతం షూటింగ్ కార్యక్రమాల్లో బిజీగా ఉన్న ఈ సినిమాకు సంబంధించిన లేటెస్ట్ అప్ డేట్ ఒకటి టాలీవుడ్ సర్కిల్స్లో సందడి చేస్తోంది. ఈ సినిమాలో నాగచైతన్యకు ప్రతినాయకుడిగా టాలీవుడ్ సీనియర్ హీరో శ్రీకాంత్ నటిస్తున్నాడు. ఇప్పటికే మలయాళ సూపర్ స్టార్ మోహన్ లాల్ సినిమాలో విలన్గా నటిస్తున్న శ్రీకాంత్.. చాలా ఏళ్ల తరువాత ఓ తెలుగు సినిమాలో విలన్ రోల్కు ఓకె చెప్పాడు. ఫ్యామిలీ హీరోగా టాలీవుడ్లో స్టార్ ఇమేజ్ ఉన్న శ్రీకాంత్ మరోసారి విలన్ రోల్లో ఎంత వరకు ఆకట్టుకుంటాడో చూడాలి.


 ప్రేమమ్ సినిమా సక్సెస్తో ఫాంలోకి వచ్చిన నాగచైతన్య స్పీడు పెంచాడు. ఆ తరువాత చేసిన సాహసం శ్వాసగా సాగిపో ఆశించిన స్ధాయిలో ఆకట్టుకోకపోయినా.. చైతూ జోరు మాత్రం తగ్గలేదు. ఇప్పటికే సోగ్గాడే చిన్ని నాయన ఫేం కళ్యాణ్ కృష్ణ దర్శకత్వంలో ఓ సినిమా చేస్తున్న ఈ యంగ్ హీరో సైలెంట్గా మరో సినిమా పనులు కూడా ముగించేస్తున్నాడు. ఇప్పటి వరకు అఫీషియల్గా ఒక్క అప్ డేట్ కూడా ఇవ్వకుండానే ఒక షెడ్యూల్ షూటింగ్ ముగించేశాడు.
 
 ఈ విషయాన్ని ఆ చిత్రానికి లైన్ ప్రొడ్యూసర్ ఎస్ ఎస్ కార్తీకేయ తన ట్విట్టర్ ద్వారా వెల్లడించాడు. దర్శకధీరుడు రాజమౌళి తనయుడు కార్తికేయ బాహుబలి సినిమాకు పనిచేస్తూనే బిజినెస్మేన్ గానూ దూసుకుపోతున్నాడు. ఇప్పటికే పలు చిత్రాల ప్రచార బాధ్యతలను నిర్వహిస్తున్న కార్తీకేయ, కృష్ణ మరియముత్తు దర్శకత్వంలో నాగచైతన్య హీరోగా తెరకెక్కుతున్న సినిమాకు లైన్ ప్రొడ్యూసర్గా వ్యవహరిస్తున్నాడు. ఈ సినిమాను సాయి కొర్రపాటి నిర్మిస్తున్నాడు.
  
 
 #NC14 A super exciting 18-day Schedule with a super efficient team. Can't wait to start next. pic.twitter.com/Wd6skkkC9l
 — S.S.Karthikeya (@ssk1122) 11 March 2017


 ఎస్ ఎస్ రాజమౌళి.. తెలుగు సినిమా రేంజ్ను అంతర్జాతీయ స్థాయికి చేర్చిన గ్రేట్ డైరెక్టర్. రాజమౌళి విజయం వెనుక ఆయన కుటుంబం అంతా ఉన్న సంగతి తెలిసిందే. అన్న కీరవాణితో పాటు ఆయన భార్య, వదిన, తమ్ముళ్లు ఇతర కుటుంబ సభ్యులు అంతా సినీరంగంలోనే ఉన్నారు. ముఖ్యంగా రాజమౌళి దర్శకత్వంలో తెరకెక్కే సినిమాలు ఈ కుటుంబం అంతా కలిసి సమిష్టిగా పనిచేస్తుంది. అయితే ఇంత మంది సినీ ప్రముఖులు ఉన్నా.., అందరూ తెరవెనుక పనిచేసేవారు. తన సినిమాల్లో రాజమౌళి చేసే చిన్న చిన్న రోల్స్ తప్ప పూర్తి స్థాయి నటులు ఈ కుటుంబం నుంచి రాలేదు.
 
 అయితే త్వరలో జక్కన్న వారసుడు హీరోగా ఎంట్రీ ఇవ్వబోతున్నాడట. ఇప్పటికే బాహుబలితో పాటు పలు చిత్రాలకు సహాయదర్శకుడిగా, కొన్ని సినిమాలకు పబ్లిసిటీ డిజైనర్గా పనిచేసిన రాజమౌళి తనయుడు, ఎస్ ఎస్ కార్తికేయ హీరోగా ఎంట్రీ ఇచ్చేందుకు రెడీ అవుతున్నాడు. ప్రస్తుతం నటనలో శిక్షణ తీసుకుంటున్న కార్తీకేయ తెరంగేట్రానికి సరైన ముహుర్తం కోసం  ఎదురుచూస్తున్నాడు. మరి ఈ స్టార్ వారసుడు తండ్రి దర్శకత్వంలోనే ఎంట్రీ ఇస్తాడా..? లేక ఇతర దర్శకులతో కలిసి పనిచేస్తాడా చూడాలి.