బుల్లితెర కమెడియన్‌ యాదమ్మరాజు తండ్రిగా ప్రమోషన్‌ పొందాడు. అతడి భార్య స్టెల్లా రాజ్‌ పండంటి బిడ్డకు జన్మనిచ్చిందని సోషల్‌ మీడియా వేదికగా వెల్లడించాడు. దీంతో ఈ జంటకు అభిమానులు శుభాకాంక్షలు తెలియజేస్తున్నారు. అయితే ఈ ప్రసవం అంత ఈజీగా జరగలేదంటూ తమ అనుభవాలను యూట్యూబ్‌ వీడియోతో పంచుకున్నారు.బిడ్డకు గ్యారెంటీ ఇవ్వలేమన్న వైద్యులుస్టెల్లా మాట్లాడుతూ.. సాధారణ చెకప్‌ కోసం ఆస్పత్రికి వెళ్తే ఉమ్మునీరు తగ్గిందన్నారు. త్వరగా డెలివరీ చేయాలన్నారు. ఒక ఇంజక్షన్‌ తీసుకుని ఇంటికి వచ్చాను. తర్వాత ఇంకో డాక్టర్‌ను సంప్రదిస్తే ఇది చాలా ఎమర్జెన్సీ.. వెంటనే అడ్మిట్‌ అవాలన్నారు. కడుపులో ఉన్న బిడ్డకు కూడా గ్యారెంటీ ఇవ్వలేమన్నారు. అప్పుడు యాదమ్మరాజును పట్టుకుని చాలా ఏడ్చాను. ఏం చేయాలో అర్థం కాక ఇంటికి వచ్చాం.అందుకే శ్రీమంతం క్యాన్సిల్‌తెలిసినవాళ్ల ద్వారా తర్వాతి రోజు గాంధీ ఆస్పత్రికి వెళ్తే ఉమ్మునీరు ఎక్కించారు. కానీ అక్కడి పరిస్థితులు చూశాక భయమేసి మరో ఆస్పత్రికి వెళ్లాం. నా పరిస్థితి క్లిష్టంగా ఉందన్నారు. బిడ్డ గురించి ఎలాంటి ఆశ పెట్టుకోవద్దన్నారు. ఇందువల్లే శ్రీమంతం కూడా క్యాన్సిల్‌ చేసుకున్నాం. డాక్టర్స్‌ చెప్పిన డేట్‌ కంటే దాదాపు 15 రోజుల ముందే డెలివరీ చేశారు. శుక్రవారం ఉదయం 11 గంటలకు నా డెలివరీ జరిగింది. బేబీ ఆరోగ్యంగా ఉంది అని స్టెల్లా రాజ్‌ చెప్పుకొచ్చింది. ఇకపోతే వీరికి బాబు పుట్టినట్లు తెలుస్తోంది.చదవండి: పాక్‌లో ఇండియన్‌ సినిమాల కోసం ఆరాటం.. ఏకంగా!

ఎక్కడా లేని విధంగా తెలుగులో బోలెడంత మంది కమెడియన్స్ ఉన్నారు. సినిమాలు, టీవీ షోలు చేస్తూ ఉన్నంతలో ఎంటర్‌టైన్ చేస్తుంటారు. అలా స్టాండప్ కమెడియన్‪‌గా కెరీర్ మొదలుపెట్టి, షోల్లో స్కిట్స్ చేసేంతలా గుర్తింపు తెచ్చుకున్న యాదమ్మ రాజు ఇప్పుడు గుడ్ న్యూస్ చెప్పేశాడు. తన భార్య ప్రెగ్నెన్సీతో ఉన్న విషయాన్ని వెల్లడించాడు.(ఇదీ చదవండి: భార్య ఉపాసనకి కొత్త పేరు పెట్టిన రామ్ చరణ్)'పటాస్' కామెడీ షోతో గుర్తింపు తెచ్చుకున్న యాదమ్మ రాజు.. సద్దాంతో కలిసి స్కిట్స్, ప్రోగ్రామ్స్ చేస్తూ అలరిస్తున్నాడు. ప్రస్తుతం 'జబర్దస్త్'లో కమెడియన్‌గా ఉన్నాడు. ఇకపోతే ఏడాదిన్నర క్రితం యూట్యూబర్ స్టెల్లా రాజ్‌ని ఇతడు పెళ్లి చేసుకున్నాడు. ఇప్పుడు ఈ జంటనే తాము తల్లిదండ్రులు కాబోతున్నట్లు ప్రకటించారు. ఇందుకు సంబంధించిన ఫొటోలని ఇన్ స్టాలో పోస్ట్ చేశారు.(ఇదీ చదవండి: 'కల్కి 2898' టీమ్‌కి లీగల్ నోటీసులు.. హీరో ప్రభాస్‌కి కూడా!) View this post on Instagram A post shared by sharon stella pastham (@stellaraj_777)

జీవితంలో అసంపూర్ణంగా ఆస్వాదించిన కొన్ని మధురక్షణాలు.. మళ్లీ తిరిగిరాని జ్ఞాపకాలుగా మిగిలిపోతుంటాయి. అలాంటప్పుడు పొంగుకొచ్చే భావోద్వేగాన్ని వర్ణించడం మహా కష్టం. ఇక ఆ తర్వాత అంతకుమించిన సంతోషాలెన్నొచ్చినా.. మనసు మాత్రం గతాన్నే నెమరువేసుకుంటుంది. కాలాన్ని వెనక్కి తీసుకెళ్లమని కోరుకుంటుంది. ‘స్టెల్లా హట్‌’ జీవితంలో కూడా అదే జరిగింది. ఆమె ఆలాపన, అన్వేషణ, ఆవేదన అంతా తన కన్నతల్లి కోసమే. అసలేంటా కథ? స్టెల్లా కథ.. ఓ అమెరికన్‌  అయిన ఆమె తండ్రి రాబర్ట్‌ వోర్ట్‌మన్‌ కథతోనే మొదలవుతుంది. అది 1971, జపాన్‌ . అప్పుడు రాబర్ట్‌కి 22 ఏళ్లు. తను జపాన్‌ లో ఎయిర్‌మన్‌ గా పనిచేసేవాడు. ఒకరోజు ఓ ప్రయాణంలో.. ఓక్‌చా అనే 20 ఏళ్ల కొరియన్‌  అమ్మాయితో పరిచయం అయ్యింది. ఆ పరిచయం ప్రేమగా మారి.. పెళ్లి కావడానికి ఎంతో సమయం పట్టలేదు. పెళ్లి అయిన ఏడాదికే స్టెల్లా పుట్టింది. రాబర్ట్‌.. తన భార్య ఓక్‌చాను ముద్దుగా ‘సన్నీ’ అని పిలుచుకునేవాడు. కొన్ని నెలలకు జపాన్‌ కి చెందిన ఒక అమెరికన్‌ ఎయిర్‌ ఫోర్స్‌కు.. రాబర్ట్‌ సెలెక్ట్‌ అయ్యాడు. దాంతో స్టెల్లాను సన్నీ(ఓక్‌చా)కి అప్పగించి.. అతడు అమెరికాలోని న్యూయార్క్‌కు వెళ్లాల్సి వచ్చింది. మధ్యమధ్యలో వచ్చి.. భార్యాబిడ్డలతో గడిపేవాడు. తండ్రి దూరంగా ఉండటంతో.. స్టెల్లాకు తల్లితో మరింత అనుబంధం పెరిగింది. ఐస్‌క్రీమ్‌ పార్లర్‌లో ఉద్యోగం చేసే సన్నీ.. కూతురు స్టెల్లాను చాలా ప్రేమగా చూసుకునేది. చాలా ప్రదేశాలకు తిప్పేది. వాటన్నిటినీ తల్లి ప్రేమకు గుర్తుగా గుండెలో దాచుకుంది స్టెల్లా. కొంతకాలానికి సన్నీకి బార్‌లో వెయిట్రెస్‌ జాబ్‌ వచ్చింది. అది నైట్‌ డ్యూటీ కావడంతో.. స్టేల్లాను న్యూజెర్సీలో ఉండే రాబర్ట్‌ బంధువులకు అప్పగించాల్సి వచ్చింది. తనతో స్టెల్లా కూడా లేకపోవడంతో.. సన్నీకి బయట స్నేహాలు పెరిగాయి. ఇంట్లో గడిపే సమయం తగ్గి.. బయట గడిపే సమయం పెరిగిపోయింది. దాంతో ఫ్యామిలీ వెకేషన్‌ ్స తగ్గిపోయాయి. రాబర్ట్‌తో గొడవలు మొదలయ్యాయి. కాల్‌ చేసుకున్నా, కలుసుకున్నా.. ఆ రోజంతా గొడవలతోనే ముగిసేది. పరిస్థితి చేయిదాటిపోతుందని గుర్తించిన రాబర్ట్‌.. సామరస్యంగా వ్యవహరించాలని నిర్ణయించుకున్నాడు. అందుకే భార్యతో ఓ ఒప్పందానికి వచ్చాడు. ‘ఇక నుంచి మనం కలసే ఉందాం.. నాతో పాటు అమెరికా వచ్చెయ్‌. న్యూజెర్సీ వెళ్లి స్టెల్లాతో సంతోషంగా ఉందాం’ అని కోరాడు. అందుకు సన్నీ సరే అంది. ఇద్దరూ న్యూజెర్సీలో సెటిల్‌ అవ్వాలని ఫిక్స్‌ అయ్యారు. దాంతో తన జాబ్‌ని న్యూయార్క్‌ నుంచి న్యూజెర్సీకి మార్పించుకున్నాడు రాబర్ట్‌. సన్నీని తీసుకెళ్లడానికి తిరిగి జపాన్‌  చేరుకున్నాడు. అయితే భర్త వెంట వెళ్లడానికి అభ్యంతరం చెప్పింది సన్నీ. ‘నేను ఇప్పుడే నీతో రాలేను. ఒకసారి మా కుటుంబాన్ని కలుస్తాను. వచ్చాక మనం న్యూజెర్సీ వెళ్లిపోదాం’ అని చెప్పి.. దక్షిణ కొరియాలోని సియోల్‌కి వెళ్లింది. కానీ తిరిగి రాలేదు. ఆమె గురించి ఎంత వెతికినా ఎలాంటి సమాచారం దొరకలేదు. ‘ఆమె అసలు పేరు ఓక్‌చా అని, ఆమె సొంత ఊరు దక్షిణకొరియాలోని సియోల్‌’ అని తప్ప.. మరే వివరాలూ రాబర్ట్‌కి తెలియవు. ఆ మాటకొస్తే తను వెళ్లింది సియోల్‌కేనో కాదో కూడా తెలియదు. ఆ తర్వాత సన్నీ ఎప్పుడూ కూతురు స్టెల్లాని కలవలేదు. కానీ.. స్టెల్లా మాత్రం తల్లి జ్ఞాపకాలతో తల్లడిల్లిపోయేది. సరిగ్గా రెండేళ్లకు..  రాబర్ట్‌ తల్లి ఓ ఫోన్‌  లిఫ్ట్‌ చేసింది. ‘స్టెల్లా స్టెల్లా’ అనే పిలుపుతో ఓ ఆడ గొంతును అవతలి నుంచి విన్నది. మరే మాట ఆమెకు అర్థం కాలేదు. దానికి కారణం.. రాబర్ట్‌ తల్లికి ఇంగ్లిష్‌ మాత్రమేవచ్చు. దాంతో ఫోన్‌ లో వినిపించిన మాటలేవీ రాబర్ట్‌ తల్లికి అర్థం కాలేదు. ఒక్క స్టెల్లా అనే పేరు తప్ప. అందుకే ఆ కాల్‌ చేసింది సన్నీయే కావచ్చు అన్న అనుమానం కలిగింది ఆ కుటుంబానికి. ఎందుకంటే.. సన్నీకి కొరియన్‌  మాత్రమే వచ్చు. తన తల్లి మాట్లాడే భాష అర్థంకాకే ఆ రోజు సన్నీ కాల్‌ కట్‌ చేసుంటుందనుకున్నాడు రాబర్ట్‌. 1985లో స్టెల్లాకు 4 గౌన్లు, ఓ కుక్కపిల్ల గిఫ్ట్‌గా వచ్చాయి. అయితే ప్యాకింగ్‌ మీద కాలిఫోర్నియా పోస్ట్‌ మార్క్‌ ఉంది. అది కచ్చితంగా తన తల్లే తనకోసం పంపించిందని ఇప్పటికీ నమ్ముతుంది స్టెల్లా. అయితే సన్నీ గురించి ఎలాంటి ఆధారం దొరకలేదు. కొన్నాళ్లకు తండ్రి రాబర్ట్‌.. మరో పెళ్లి చేసుకున్నాడు. అతడికి మరో పాప పుట్టింది. సవతి తల్లి కూడా స్టెల్లాను ప్రేమగా చూసుకునేది. కానీ కన్నతల్లిని చూడాలనే ఆశ.. స్టెల్లాలో చావలేదు. స్టెల్లాకు పెళ్లి అయ్యి.. ఒక బాబు కూడా పుట్టాడు. పెరిగి పెద్దవాడయ్యాడు. అయినా తన తల్లిని చూడలేకపోయానన్న వెలితి.. ఆమెను ఇప్పటికీ వెంటాడుతోంది. సన్నీ అలియాస్‌ ఓక్‌చాకి ప్రస్తుతం 73 ఏళ్లు దాటే ఉంటాయి. అసలు ప్రాణాలతో ఉందో లేదో తెలియని తల్లి కోసం స్టెల్లా మాత్రం ఇంకా అదే ఆశతో ఎదురుచూస్తోంది. మరి సన్నీ ఏమైంది? ఎందుకు చెప్పాపెట్టకుండా వాళ్ల జీవితాల్లోంచి వెళ్లిపోయింది.? ఒకవేళ మోసం చేయాలని తనకు లేకపోయినా.. అనుకోకుండా ఏదైనా ప్రమాదానికి గురైందా? అలా అయితే.. స్టెల్లా గురించి కాల్‌ చేసింది ఎవరు? స్టెల్లాకు గిఫ్ట్స్‌ పంపించింది ఎవరు?’ లాంటి ఎన్నో ప్రశ్నలకు నేటికీ సమాధానాలు లేవు. దాంతో ఓక్‌చా కథ ఓ మిస్టరీగా మిగిలిపోయింది. — సంహిత నిమ్మన ఇవి చదవండి: ఈ వారం కథ: శుభశకునం! 'నువ్వు చెప్పింది అక్షరాలా నిజం'

కమెడియన్ ‍యాదమ్మ రాజు గురించి ప్రత్యేకంగా చెప్పాల్సిన పనిలేదు. పటాస్ కామెడీ షో ద్వారా ఫేమ్ తెచ్చుకున్నారు. ఆ తర్వాత పలు కామెడీ షోల్లో మెప్పించారు. గతేడాది తన ప్రియురాలు షార్లీ స్టెల్లాను ప్రేమించి పెళ్లి చేసుకున్నారు. వీరిద్దరు ఎప్పటికప్పుడు సోషల్ మీడియాలో అభిమానులతో టచ్‌లో ఉంటున్నారు. తమ యూట్యూబ్ ఛానెల్‌లో పలు వీడియోలు చేస్తూ సందడి చేస్తున్నారు.(ఇది చదవండి: ప్రేయసిని పెళ్లాడిన కమెడియన్‌ యాదమ్మరాజు.. ఫొటోలు వైరల్‌)అయిచే వీరి పెళ్లి జరిగి కొద్ది నెలలకే ఓ షాకింగ్ న్యూస్ సోషల్ మీడియాలో వైరలవుతోంది. ఈ జంట త్వరలోనే విడాకులు తీసుకోబోతున్నారంటూ ప్రచారం జరుగుతోంది. అయితే ఇటీవలే ఓ టీవీ షో పాల్గొన్న ఈ జంట విడాకులు తీసుకుంటున్నట్లు చెప్పడంతో అందరూ షాక్ అయ్యారు. దీంతో ఇది చూసిన అభిమానులు నిజంగానే విడాకులు తీసుకుంటున్నారా? అనే చర్చ మొదలెట్టారు. అయితే ఇదంతా టీవీ షో ప్రోమో కోసమే ఇలా చేసినట్లు తెలుస్తోంది. అయితే సోషల్ మీడియాలో వైరలవుతున్న ఈ వార్తలపై యాదమ్మ రాజు, స్టెల్లా ఇన్‌స్టా వేదికగా స్పందించారు. తాము విడాకులు తీసుకుంటున్నట్లు వస్తున్న వార్తల్లో ఎలాంటి నిజం లేదన్నారు. కేవలం తాము పాల్గొంటున్న షోలో థీమ్ కోసం డైవర్స్ అనే కాన్సెప్ట్‌లో భాగంగా అలా చేసినట్లు తెలిపారు. దయచేసి ఈ వార్తలను ఎవరూ నమ్మొద్దు. ఉదయం నుంచి చాలమంది నుంచి కాల్స్ కూడా చేశారు. అందుకే క్లారిటీ కోసమే ఈ వీడియో చేస్తున్నాం. అంటూ ఇన్‌స్టాలో పోస్ట్ చేశారు. దీంతో ఈ జంట విడాకులు తీసుకుంటోందన్న వార్తలకు వీడియోతో చెక్ పెట్టారు. (ఇది చదవండి: విడిపోయి రెండు రోజులు.. నటిపై ట్రోలింగ్‌.. మాజీ భర్త ఏమన్నాడంటే?) View this post on Instagram A post shared by sharon stella pastham (@stellaraj_777)

అమాయకమైన హావభావాలతో పంచు డైలాగులు పేల్చే బుల్లితెర కమెడియన్‌ యాదమ్మరాజు ఓ ఇంటివాడయ్యాడు. తను ప్రేమించిన స్టెల్లాను వివాహమాడాడు. ఆదివారం వీరి వివాహం ఘనంగా జరిగింది. వీరి పెళ్లికి నాగబాబు, ఆకాష్‌ పూరి, యాంకర్‌ ప్రదీప్‌, బుల్లెట్‌ భాస్కర్‌, హైపర్‌ ఆది, ముక్కు అవినాష్‌, సోహైల్‌, నటి శ్రీవాణి తదితరులు హాజరయ్యారు. ప్రస్తుతం అందుకు సంబంధించిన ఫోటోలు, వీడియోలు సోషల్‌ మీడియాలో వైరల్‌గా మారాయి. కాగా యాదమ్మరాజు రెండేళ్లక్రితమే తన ప్రేయసి స్టెల్లాను ప్రేక్షకులకు పరిచయం చేశాడు. మొదట ఫ్రెండ్‌ అయిందని, తర్వాత ప్రేయసిగా మారిందని చెప్పుకొచ్చాడు. ఇక స్టెల్లా ప్రియుడి మీద ఉన్న ప్రేమను పచ్చబొట్టు రూపంలో బయటపెట్టింది. చేతిపై యాదమ్మరాజు పేరును పచ్చబొట్టు వేయించుకుంది. View this post on Instagram A post shared by sharon stella pastham (@stellaraj_777) View this post on Instagram A post shared by YADAMMA RAJU (@yadamma_raju) చదవండి: గుడ్‌న్యూస్‌.. తండ్రి కాబోతున్న రామ్‌చరణ్‌ అన్‌స్టాపబుల్‌ 2లో ప్రభాస్‌..ఫొటోలు, వీడియోలు లీక్‌

బుల్లితెర కమెడియన్‌ యాదమ్మ రాజు త్వరలోనే పెళ్లి పీటలు ఎక్కనున్నాడు. ఈ క్రమంలో ప్రియురాలు షార్లీ స్టెల్లాతో ఆయన నిశ్చితార్థం ఘనంగా జరిగింది. కుటుంబసభ్యులు, అతికొద్ది మంది సన్నిహితుల సమక్షంలో ఎంగేజ్‌మెంట్‌ జరిగింది. దీనికి సంబంధించిన ఫోటోలను యాదమ్మ రాజు తన ఇన్‌స్టాగ్రామ్‌లో షేర్‌ చేయడంతో పలువురు బుల్లితెర నటీనటలు ఈ జంటకు శుభాకాంక్షలు తెలుపుతున్నారు. కాగా పటాస్‌ అనే కామెడీ షోతో పాపులర్‌ అయిన యాదమ్మ రాజు పలు టీవీ షోలతో తనదైన కామెడీతో అలరించాడు. ప్రియురాలు స్టెల్లాతో సైతం అతను పలు షోస్‌లో పాల్గొన్నాడు.  View this post on Instagram A post shared by YADAMMA RAJU (@yadamma_raju)


 క్రైమ్ ఫైల్
 అక్టోబర్ 12, 2002... లండన్...
 ‘‘త్వరగా పద శామ్... ఇప్పటికే ఆలస్యమైపోయింది’’... పరిగెడుతున్నట్టే నడుస్తూ అంది స్టెల్లా.
  ‘‘ఓహ్ స్టెల్లా... పది నిమిషాలే కదా లేటయ్యింది. ఎప్పుడూ టైముకే వెళ్తాం కదా! ఈ ఒక్కరోజే ఆలస్యంగా వెళ్లితే నష్టమేం లేదులే. లెక్చెరర్‌కి నేను సంజాయిషీ ఇస్తా’’... అన్నాడు శామ్ ఎంతో కూల్‌గా.
 ‘‘అదే వద్దనేది. డిసిప్లిన్ డిసిప్లినే. టైమంటే టైముకి వెళ్లి తీరాలి. నా సంగతి నీకు తెలుసుగా? ఎట్టి పరిస్థితుల్లోనూ పంక్చువాలిటీ తప్పను.
 
 త్వరగా ప...’’... మాట పూర్తి చేసేలోపే కాళ్లకు బ్రేకులు వేసినట్టుగా ఠక్కున ఆగిపోయింది స్టెల్లా. ‘‘ఓ మై గాడ్’’... అరిచినట్టే అంది. చేతుల్లో ఉన్న పుస్తకాలు వదిలేసి పరిగెత్తుకు వెళ్లి శామ్‌ని గట్టిగా పట్టుకుంది.
  ‘‘ఏమైంది’’ అన్నాడతను కంగారుగా. ‘‘అటు చూడు’’ అంటూ చూపించింది.
  అక్కడ ... ఓ వ్యక్తి నేలమీద పడి ఉన్నాడు. అతడు సడెన్‌గా పైనుంచి కింద పడటం వల్లే స్టెల్లా ఆగిపోయింది. అతని తల చిట్లి రక్తం చిమ్మడం చూసి హడలిపోయి పరుగెత్తింది.
  స్టెల్లాను వదిలి గబగబా ఆ వ్యక్తి దగ్గరకు వెళ్లాడు శామ్. అతనికి యాభై యేళ్లుంటాయి. దెబ్బలు బాగా తగిలాయి. బాధతో మెలికలు తిరుగుతున్నాడు. ఏదో చెప్పాలని ప్రయత్నిస్తున్నాడు కానీ చెప్ప లేకపోతున్నాడు.
  
 చుట్టూ చూశాడు శామ్. టెలిఫోన్ బూత్ కనిపించింది. పరుగెత్తుకెళ్లి పోలీసులకు ఫోన్ చేశాడు. స్టేషన్ పక్కనే ఉండ టంతో క్షణాల్లో వచ్చేశారు పోలీసులు. ఆ వ్యక్తిని వెంటనే ఆస్పత్రికి పంపించారు. ఆ తర్వాత విచారణకు దిగాడు ఇన్‌స్పెక్టర్ స్టీవెన్సన్. ‘‘మీరేనా ఇతణ్ని మొదట చూసింది?’’... అడిగాడు శామ్‌ని.
  ‘‘లేదు సర్. స్టెల్లా చూసింది. మేము ఈ దారిలో నడుస్తున్నప్పుడు అతను హఠాత్తుగా పైనుంచి పడ్డాడు.’’
  
 శామ్ చెప్పింది వినగానే తలెత్తి పైకి చూశాడు స్టీవ్. ఓ పెద్ద అపార్ట్‌మెంట్ ఉందక్కడ. అందులోని ఏదో ఒక అంతస్తు నుంచి అతడు పడి ఉంటాడని అర్థమైంది. దాంతో బిల్డింగ్ దగ్గరకు వెళ్లి వాకబు చేశాడు. అతడు ఊహించింది నిజమే. ఆ వ్యక్తి ఆ భవంతిలోనే ఉంటున్నాడు. ఏడో ఫ్లోర్‌లోని ఓ ఫ్లాట్‌లో. అక్కడి నుంచే అతడు పడిపోయి ఉంటాడు. లేదంటే దూకేసి ఉంటాడు. అదీ కాదంటే ఎవరైనా తోసేసి ఉంటారు. అసలేం జరిగిందో ఆ ఫ్లాట్‌కు వెళ్తే తెలుస్తుంది.
  
 క్షణాల్లో తన టీమ్‌ని తీసుకుని ఏడో అంతస్తులోని ఆ ఫ్లాట్‌కు చేరుకున్నాడు స్టీవ్. మెయిన్ డోరు పక్కన గోడకు ఓ నేమ్ ప్లేట్ వేళ్లాడుతోంది. దానిమీద ‘అబ్దుల్లా యోన్స్’ అని రాసివుంది. ఫ్లాట్ తలుపు తీసేవుంది. అయినా వెళ్లడం మర్యాద కాదని కాలింగ్ బెల్ కొట్టాడు స్టీవ్. కానీ ఎవరూ బయటకు రాలేదు. దాంతో ఇక తప్పదని అందరూ లోనికి వెళ్లారు.
  ‘‘ఎక్స్‌క్యూజ్‌మీ... ఇంట్లో ఎవరూ లేరా?’’... అరిచాడు స్టీవ్. జవాబేమీ రాలేదు. అసలు ఎక్కడా ఏ అలికిడీ కూడా లేదు. అంటే ఇంట్లో ఎవరూ లేనట్టే.
 
 హాలంతా పరికించి చూశాడు. మధ్యలో అందమైన సోఫా సెట్, చక్కని గ్లాస్ టీపాయ్, ఓ మూలగా ఉన్న బుక్ షెల్ఫ్, దాన్నిండా బోలెడన్ని పుస్తకాలు, గోడలకు వేళ్లాడుతోన్న పెయింటింగులు... ఇల్లు చక్కగా తీర్చిదిద్దినట్టుగా ఉంది.
  ‘‘అతను తప్ప ఎవరూ ఉండటం లేదేమో సర్’’ అన్నాడు అసిస్టెంట్ బాబ్.
  ‘‘లేదు బాబ్. అతను, అతని కూతురు ఉంటారట. ఆ అమ్మాయి కాలేజీలో చదువుతోందట. రోజూ ఈపాటికి వెళ్లిపోయేది కానీ ఇవాళ  వెళ్లినట్టు లేదు అన్నాడు వాచ్‌మేన్.’’
  ‘‘అయితే తను ఇంట్లోనే ఉండాలి కద సర్?’’
  
 అవునన్నట్టు తల పంకించాడు స్టీవ్. ‘‘తను కాలేజీకి వెళ్లిపోయి ఉండొచ్చు. వాచ్‌మేన్ తనని చూసి ఉండకపోవచ్చు. లేదా తను ఇంట్లోనే దాక్కుని ఉండొచ్చు. లేదా తన తండ్రి మరణానికి తనే కారణమై, భయంతో పారిపోయి ఉండొచ్చు. లేదా తను కూడా...’’
  అర్ధోక్తిలో ఆగిపోయాడు స్టీవ్. అతని మెదడు చురుగ్గా పని చేసింది. ఏదో ఆలోచన ఫ్లాష్‌లా మెరిసింది. ‘‘గయ్స్... కమాన్ క్విక్... ఇల్లంతా వెతకండి’’... అరిచినట్టే అన్నాడు.
  
 తక్షణం అందరూ మెరుపు వేగంతో కదిలారు. ఒక్కొక్కళ్లూ ఒక్కో గదిలోకి పరుగు తీశారు. ఇంట్లోని అణువణువూ పరిశీలించారు. అంతలో ఓ బెడ్ రూమ్‌లోంచి బాబ్ గొంతు వినిపించింది... ‘‘సర్... ఇటు రండి’’ అంటూ. వేగంగా అటు వెళ్లాడు స్టీవ్. ఆ గదికున్న అటాచ్డ్ బాత్‌రూమ్‌లోని దృశ్యాన్ని చూసి అవాక్కయ్యాడు.
  బాత్‌రూమ్ అంతా రక్తం. గోడల నిండా రక్తపు మరకలు. తెల్లని బాత్‌టబ్ ఎర్రగా మారిపోయింది. అందులోని నీళ్లన్నీ కూడా ఎరుపురంగును పులుముకున్నాయి. ఆ నీటిలో సగం మునిగి సగం తేలుతోంది ఓ అమ్మాయి మృతదేహం.
  
 ‘‘తనను బయటకు తీయండి’’... ఆదేశించాడు స్టీవ్. అమ్మాయిని బయటకు తీసి నేలమీద పడుకోబెట్టారు. కత్తిపోట్లతో ఒళ్లంతా చీరుకుపోయింది. దాదాపు ఒంట్లోని రక్తమంతా బయటకు వచ్చేసి దేహం తెల్లగా పాలిపోయింది.
  ‘‘ఈ అమ్మాయి ఆయన కూతురై ఉంటుందా సర్?’’... అడిగాడు బాబ్.
  ‘‘అయివుండటం కాదు... ఆయన కూతురే. హాల్లో ఇద్దరూ కలిసున్న ఫొటో ఉంది. బాడీని పోస్ట్‌మార్టమ్‌కి పంపించండి. అతనికి స్పృహ వచ్చిందేమో కనుక్కోండి. అతడు మాత్రమే ఏం జరిగిందో చెప్పగలడు’’ అంటూ ఆ గదిలోంచి బయటకు నడిచాడు స్టీవ్.
    
 ‘‘చెప్పండి మిస్టర్ అబ్దుల్లా యోన్స్... ఏం జరిగింది?’’... రెండు రోజుల తర్వాత కళ్లు తెరిచిన అబ్దుల్లాని ప్రశ్నించాడు స్టీవ్. అతడు వెంటనే మాట్లాడలేకపోయాడు. చాలాసేపు ప్రయత్నించాక మెల్లగా పెదవి మెదిపాడు.
  ‘‘నా కూతురు హేషు కాలేజీకి తయారవుతోంది. నేను న్యూస్‌పేపర్ చదువుకుంటున్నాను. అంతలో కొందరు ఇంట్లోకి దూసుకొచ్చారు.
 
 ఒక్కసారిగా నా మీద, నా కూతురి మీద దాడి చేశారు. భయంతో హేషు లోపలికి పరుగు తీసింది. కాసేపటికి దాని అరుపులు వినిపించాయి. దాన్ని కాపాడుకునే అవకాశం కూడా నాకు దొరకలేదు. వాళ్లు చాకుతో నా గొంతుపై గాటు పెట్టారు. నన్ను బాల్కనీలోకి లాక్కొచ్చి పై నుంచి కిందకు తోసేశారు’’... ఏడుస్తూ చెప్పాడు.
  ‘‘వాళ్లెవరో మీకు తెలుసా?’’
  
 తల అడ్డంగా ఊపాడు అబ్దుల్లా. ‘‘ముఖాలకు మాస్కులు వేసుకున్నారు. నల్ల దుస్తులు తొడుక్కున్నాడు. మిలిటెంట్లో టైస్టులో అయివుంటారు. లేదంటే దొంగలన్నా అయివుంటారు. అవునూ... ఇంతకీ నా కూతురు ఎలా ఉంది? తనకేమీ కాలేదు కదా?’’
  తల దించుకున్నాడు స్టీవ్.
  ‘‘చెప్పండి సర్. నా హేషూకి ఏమైంది సర్? నా బంగారుతల్లి... అదే నా ప్రాణం. తనకేదైనా అయితే నేను బతకలేను. తను క్షేమంగానే ఉందా?’’
  
 తల ఎత్తి అబ్దుల్లా కళ్లలోకి తీక్షణంగా చూశాడు స్టీవ్. ‘‘క్షేమంగా ఎలా ఉంటుంది అబ్దుల్లా? కన్నతండ్రే కాలయముడిలాగ కత్తితో తనువును చీల్చేశాడు. చిత్రవధ చేసి దారుణంగా చంపేశాడు. నువ్వు మొదటి సారి పొడిచినప్పుడే తన మనసు చనిపోయి ఉంటుంది. పదమూడు సార్లు పొడిచాక తను పూర్తిగా చనిపోయింది.’’
  అబ్దుల్లా కళ్లు పెద్దవయ్యాయి. ‘‘ఏం మాట్లాడుతున్నారు మీరు? నేను... నేను నా హేషుని... అసలు మీరు మతుండే మాట్లాడుతున్నారా?’’... అరిచాడు అబ్దుల్లా.
  ‘‘ఇక చాలు మిస్టర్ అబ్దుల్లా. నువ్వు స్పృహలోకి ఎప్పుడు వస్తావా అని రెండు రోజులుగా ఎదురు చూస్తున్నాను. ఏం జరిగిందో నీ నుంచి తెలుసుకోవాలని కాదు. నువ్వేం కథ చెబుతావో వినాలని. నిజం నాకు ఆల్రెడీ తెలిసిపోయింది.
 
 ఇదిగో... ఈ ఉత్తరం చూశాక’’.... తన చేతుల్లో ఉన్న ఉత్తరాన్ని చూపిస్తూ అన్నాడు స్టీవ్. తర్వాత అందులో రాసి ఉన్నదాన్ని గట్టిగా చదివాడు.
  ‘‘ప్రియమైన నాన్నకు... నేను వెళ్లిపోతున్నాను నాన్నా. నిన్ను వదిలేసి, నువ్వు గీసిన గీతను దాటేసి వెళ్లి పోతున్నాను. నేను ఆకాశంలో పక్షిలా ఎగరాలనుకుంటున్నాను. నువ్వు నన్ను పంజరంలో బంధించాలని అనుకుంటు న్నావ్. నేను అలా బతకలేను నాన్నా! నాకు స్వేచ్ఛ కావాలి. మతం, సంప్రదాయం అంటూ నువ్వు సృష్టించిన చట్రంలో నేను బందీగా ఉండలేను.
 
 అది తెలిసి కూడా నువ్వు నన్ను నియంత్రించా లని ప్రయత్నిస్తున్నావ్. ఏ దేవుడు నాన్నా మోడ్రన్ డ్రెస్ వేసుకుంటే కోప్పడతాడు? ఏ దేవుడు నాన్నా పర మతస్తులతో స్నేహం చేస్తే శిక్షిస్తాడు? ఇలా అడిగితే కొడతావ్. ఈ వయసులో కూడా నీకెంత బలం ఉందో నిరూపించుకోవడానికి నా శరీరమే దొరికిందా నాన్నా! అయినా ఫర్లేదు. మా నాన్న చాలా బలవంతుడని నేను సంతోషపడుతున్నాను. కానీ నీ ఛాందస భావాలకు మాత్రం తల వంచ లేను. నువ్వేనాడూ పట్టించుకోని నా మన సును పూర్తిగా చదివిన వ్యక్తి దగ్గరకు వెళ్లి పోతున్నాను. నన్ను క్షమించు. బై నాన్నా.’’
  
 అబ్దుల్లా ముఖం కోపంతో ఎర్ర బారింది. కళ్లు చింతనిప్పుల్లా మారాయి. ‘‘అవును. నేనే చంపాను. నా కూతుర్ని నా చేతులతో పొడిచి పొడిచి చంపాను. నేను చేసింది తప్పు కాదు. నా మతానికి నేను న్యాయం చేశాను. అల్లా నన్ను చూసి గర్వ పడతాడు’’... పిచ్చి వాడిలా అరుస్తూ పగలబడి నవ్వసాగాడు. మతిపోయినట్టు చూస్తూండి పోయాడు స్టీవ్.  
  ‘‘నువ్వు నీ దేశమైన ఇరాక్ వదిలి వచ్చి మా దేశంలో బతకొచ్చు. ఇక్కడి తిండి తినొచ్చు. ఇక్కడి గాలి పీల్చొచ్చు. కానీ నీ కూతురు ఇక్కడి కుర్రాడిని మాత్రం ప్రేమించకూడదు.
 
 నీలాంటివాడి కడుపున పుట్టిన పాపానికి పాపం తను పదహారేళ్లకే ప్రాణాలు కోల్పోయింది. నిన్ను నీ దేవుడు క్షమిస్తాడేమో, ఈ దేశ చట్టం మాత్రం క్షమించదు’’ అనేసి విసవిసా వెళ్లిపోయాడు.
  స్టీవ్ అన్న మాటే నిజమైంది. చట్టం అబ్దుల్లాని క్షమించలేదు. ముప్ఫై ఎనిమి దేళ్ల కఠిన కారాగారశిక్ష విధించింది. మత మౌఢ్యంతో మృగంలా మారి కూతురినే పొట్టనబెట్టుకున్న ఆ కసాయివాడిని కటకటాల వెనక్కి నెట్టారు. కానీ విచిత్రం.. ఇప్పటికీ అబ్దుల్లా పశ్చాత్తాప పడటం లేదు. తాను చేసింది తన దేవుడి దృష్టిలో కరెక్టే అంటున్నాడు. అలాంటి వాడిని ఏ దేవుడు మాత్రం క్షమిస్తాడు??
  - సమీర నేలపూడి