బిగ్‌బాస్ నాల్గ‌వ సీజ‌న్‌లో మూడో వైల్డ్ కార్డ్ ఎంట్రీ ఇచ్చిన స్వాతి దీక్షిత్‌ హౌస్‌లో ప‌ట్టుమ‌ని ప‌ది రోజులు కూడా ఉండ‌లేదు. తెలుగ‌మ్మాయిగా తానేంటో నిరూపించుకునే అవ‌కాశాన్ని ఆమెకు ఇవ్వ‌లేద‌న్న వాద‌న‌లు వినిపిస్తున్నాయి. బ‌య‌ట చ‌లాకీగా ఉండే ఆమె ఇంట్లో చేసిన సంద‌డిని కొంచెం కూడా చూపించ‌కుండా బిగ్‌బాస్ టీమ్ ప‌క్ష‌పాతంగా వ్య‌వ‌హ‌రించార‌ని విమ‌ర్శ‌లు వినిపిస్తున్నాయి. ఈ నేప‌థ్యంలో త‌న‌కు అన్యాయం జ‌రిగింద‌ని స్వాతి దీక్షిత్ సాక్షి టీవీకి ఇచ్చిన ఇంట‌ర్వ్యూలో వెల్ల‌డించింది. ఈ సంద‌ర్భంగా స్వాతి ఏం మాట్లాడిందో ఆమె మాట‌ల్లోనే... నేను చేసిన‌దాంట్లో స‌గం కూడా చూపించ‌లేదు "బిగ్‌బాస్ షో నుంచి బ‌య‌ట‌కు వ‌చ్చాక నేను హౌస్‌లో ఉన్న‌ప్ప‌టి ఎపిసోడ్‌లు చూసి దిగులు‌ప‌డ్డాను. నేను చేసిన దాంట్లో క‌నీసం 50 శాతం కూడా చూపించ‌లేరు. అలా అని ఈ షో స్క్రిప్టెడ్ మాత్రం కాదు. అక్క‌డ అడుగు పెట్టాక‌ కొంద‌రితో బాండింగ్ ఏర్ప‌డింది. మ‌రికొంద‌రితో గొడ‌వ‌లు కూడా జ‌రిగాయి. అయినా న‌న్ను ఎక్కువ‌గా చూపించ‌నేలేదు. ఎలిమినేష‌న్ రోజు కూడా నాకు గ‌న్ పేలుతుంద‌ని అనుకోలేదు. ధైర్యంగా ఉన్నాను. స‌డ‌న్‌గా ఎలిమినేట్ అనేసరికి షాక‌య్యాను. నిజానికి నేను ప్ర‌స్తుతం వెబ్ సిరీస్ చేస్తున్నాను. దాన్ని మ‌ధ్య‌లో ఆపేసి మ‌రీ ఈ షోకి వెళ్లాను" (చ‌ద‌వండి: బిగ్‌బాస్‌కు స్వాతి గుడ్‌బై, మోనాల్‌పై అప‌నింద‌) వైల్డ్ కార్డ్ ఎంట్రీల‌కు ఆ వారం నామినేష‌న్స్ ఉండ‌వు "వేరే భాష‌ల్లోని బిగ్‌బాస్ షోల‌లో వైల్డ్ కార్డ్ ఎంట్రీల‌కు ఇమ్యూనిటీ ఉంటుంది. అంటే వైల్డ్ కార్డ్ కంటెస్టెంట్ల‌కు హౌస్‌లో అడుగు పెట్టిన మొద‌టి వారం నామినేష‌న్స్ నుంచి మిన‌హాయింపు ఉంటుంది. కానీ ఇక్క‌డ అలాంటిదేమీ లేదు. దానికోసం పోరాడాల్సింది అని ఇప్పుడు అనిపిస్తోంది. నేను తెలుగ‌మ్మాయిని, రీఎంట్రీ అవ‌కాశం వ‌స్తే త‌ప్ప‌కుండా వెళ్తాను, న‌న్ను నేను ప్రూవ్ చేసుకుంటాను.  ఎంట‌ర్‌టైన్ చేయ‌క‌పోతే స్వాతిలా మీరు కూడా వెళ్లిపోతారు అని నాగ్ ఇంటి స‌భ్యుల‌తో అన‌డం నాకు అస్స‌లు న‌చ్చ‌లేదు. అయితే హౌస్‌లో 24 గంట‌లు ఏం జ‌రుగుతుంద‌నేది ఆయ‌న‌కు తెలీదు. టెక్నిక‌ల్ టీమ్ చెప్పిన‌దాన్నే ఆయ‌న చెప్తారు. కానీ ఒక్క‌సారి కూడా నాగ్ న‌న్ను మెచ్చుకోలేదు. అందుకు చాలా ఫీల‌య్యాను. అమ్మ రాజ‌శేఖ‌ర్ సేఫ్ గేమ్ ఆడ‌టానికి న‌న్ను నామినేట్ చేశారు. నేను ఎలిమినేట్ అయిన‌ప్పుడు నోయ‌ల్ చాలా బాధ‌ప‌డ్డాడు. అభిజిత్ షాక‌య్యాడు" అని చెప్పుకొచ్చింది.(చ‌ద‌వండి: మూడో వైల్డ్ కార్డ్ ఎంట్రీ ఇచ్చిన స్వాతి దీక్షిత్‌)

వ‌చ్చిన వారానికే వెళ్లిపోతాడేమో అనుకున్న వైల్డ్ కార్డ్ కంటెస్టెంటు కుమార్ సాయి ఇంట్లోనే సెటిల్ అయిపోయాడు. కొన్నాళ్లు ఉండి గేమ్ ఛేంజ‌ర్ అవుతుందేమో అనుకున్న మూడో వైల్డ్ కార్డ్ కంటెస్టెంట్ స్వాతి దీక్షిత్ వారానికే బిగ్‌బాస్‌ను వీడి వ‌చ్చేసింది. ఆమె వెళ్లిపోతుంటే నోయ‌ల్ చిన్న పిల్లాడిలా మారిపోయి విల‌విలా ఏడ్చేశాడు. ఆమె రాగానే హారిక‌ను ప‌క్క‌న‌పెట్టిన అభిజిత్ త‌ను వెళ్లిపోతుంటే మాత్రం పెద్ద‌గా ఫీలైన‌ట్లు క‌నిపించ‌లేదు. ఆమె గురించి పూర్తిగా తెలుసుకునేలోపే బ్యాగు స‌ర్దుకుని బ‌య‌ట కాలు మోపింది. అయితే తాను ఎలిమినేట్ అవుతాన‌ని ఊహించ‌లేద‌ని స్వాతి దీక్షిత్ చెప్పుకొచ్చింది. (మాస్ట‌ర్‌పై ప్ర‌తీకారం తీర్చుకున్న స్వాతి దీక్షిత్‌) అఖిల్ పాపం, మోనాల్ ఆడుకుంటోంది రాహుల్ సిప్లిగంజ్ వ్యాఖ్యాత‌గా వ్య‌వ‌హ‌రిస్తున్న‌ బిగ్‌బాస్ బ‌జ్‌లో పాల్గొన్న ఆమె హౌస్‌లో ఎవ‌రెలాంటి వార‌నేది కుండ బ‌ద్ధ‌లు కొట్టి చెప్పింది. ఎలాంటి త‌త్త‌ర‌పాటు లేకుండా ఉన్న‌దున్న‌ట్లుగా త‌న అభిప్రాయాల‌ను వెల్ల‌డించింది. ఆమె చెప్పిన పాయింట్లు వింటే త‌క్కువ కాలంలోనే ఇంటి స‌భ్యుల‌ను ఎక్కువగా అర్థం చేసుకుందని అనిపించ‌క మాన‌దు. "అఖిల్ ఫోక‌స్ అంతా ఒక్క‌రి పైనే ఉంది.  అత‌న్ని చూస్తే పాపం అనిపిస్తుంది. మోనాల్‌ను గుడ్డిగా న‌మ్మేస్తున్నాడు. మోనాల్ గేమ్ ఆడితే ప‌ర్లేదు కానీ మ‌నుషుల ఫీలింగ్స్‌తో ఆడుకుంటుంది. ఈమెనే అఖిల్‌, అభి మ‌ధ్య చిచ్చు పెట్టింది. సోహైల్ నాకు న‌చ్చ‌డు. అత‌ని యాటిట్యూడ్‌, అమ్మాయిల‌తో మాట్లాడే విధానం అస్స‌లు న‌చ్చ‌దు. అత‌నికి మాట నియంత్ర‌ణ‌లో ఉండ‌దు. హారిక ఫోక‌స్ అంతా అభిజిత్‌పైనే ఉంది. ఎందుకో కానీ ఆమె అభి విష‌యంలో చాలా పొసెసివ్‌గా ఉంది" (బిగ్‌ బాస్‌: సెల‌బ్రెటీల‌కు ఒరిగిందేంటి?) అరియానా చిరాకు పుట్టిస్తుంది "అభిజిత్ నాకు తొంద‌ర‌గా ఫ్రెండ్ అయ్యాడు, స్మార్ట్ అండ్ ఇంటిలిజెంట్‌. అమ్మ రాజ‌శేఖ‌ర్ మామూలు వ్య‌క్తి కాదు, చాలా కంత్రీ. అస్స‌లు న‌మ్మ‌కూడ‌దు. లాస్య.. ఎప్పుడూ గంద‌ర‌గోళంలో ఉంటుంది. ప‌క్క‌న వాళ్లేం చేస్తున్నారు? ఏం జ‌రుగుతుంది? అనేదానిపై ఎక్కువ ఆతృత క‌నబ‌రుస్తుంది. క‌న్నింగ్‌. సుజాత న‌వ్వు ఫేక్ అనిపిస్తుంది. ఎప్పుడూ గాసిప్స్ మాట్లాడుతూ ఉంటుంది. అరియానా ఏం మాట్లాడుతుందో అర్థం కాదు, చిన్న పిల్ల‌లా వాగుతూ చిరాకు పుట్టిస్తుంది. దేవి క్ర‌మ‌శిక్ష‌ణ‌గా ఉండేది. దివి అన‌వ‌స‌ర విష‌యాల్లో దూర‌దు, వెన‌కాల మాట్లాడ‌దు. గంగ‌వ్వ సూప‌ర్‌గా, తెలివిగా ఆడుతోంది. మెహ‌బూబ్‌.. సొంత నిర్ణ‌యం తీసుకోలేడు. నోయ‌ల్‌.. చాలా మంచోడు. అంద‌రినీ న‌మ్మేస్తాడు. టాప్ 5లో ఉంటాడు. కుమార్ సాయి గంద‌ర‌గోళంలో ఉన్నాడు. అవినాష్‌.. చాలా ఫ‌న్నీ" అని అంద‌రి గురించి చెప్పుకొచ్చింది.

పోయిన వారం వైల్డ్ కార్డ్ ఎంట్రీ ఇచ్చిన స్వాతి దీక్షిత్‌ను సాద‌రంగా ఆహ్వానించి దేవ‌త అని కీర్తించిన మాస్ట‌ర్ ఆమె ఫేక్‌గా అనిపిస్తోంద‌ని నామినేట్ చేశాడు. కానీ అందుకు విరుద్ధంగా ఆమెతో మాత్రం అంద‌రితో క‌లిసిపోవాల‌ని, నువ్వెలాగో సేవ్ అయిపోతావ‌ని నామినేట్ చేసిన‌ట్లు క‌ప్పి పుచ్చాడు. కానీ మాస్ట‌ర్ ఏమ‌న్నాడ‌నేది నేటి ఎపిసోడ్‌లో చూపించ‌డంతో ఆయ‌న‌ అస‌లు రంగు బ‌య‌ట‌ప‌డింది. వెన్నుపోటు పొడిచిన అమ్మ రాజ‌శేఖ‌ర్‌పై స్వాతి బిగ్‌బాంబ్ ద్వారా ప్ర‌తీకారం తీర్చుకుంది. ఇక నేడు కూడా ఎలిమినేష‌న్ ఉంద‌ని కంటెస్టెంట్ల‌ను భ‌య‌పెట్టించిన నాగ్ చివ‌రి నిమిషంలో అంద‌రూ సేఫ్ అని ప్ర‌క‌టించారు. జంబ‌ల‌కిడి పంబ‌లో అమ్మాయిల క‌న్నా కూడా ఆడ‌ వేషం క‌ట్టిన అబ్బాయిలే బాగా ప‌ర్‌ఫార్మ్ చేశారు. మ‌రి నేటి బిగ్‌బాస్‌ ఎపిసోడ్‌లో ఇంకా ఏమేం జ‌రిగాయో చ‌దివేయండి.. లాస్య అవ‌కాశ‌వాది, మోనాల్ ఏమార్చే వ్య‌క్తి నిన్న ఎలిమినేట్ అయిన స్వాతి దీక్షిత్ నేడు స్టేజీ పైకి రాగా, ఆమెతో నాగ్ గేమ్ ఆడించారు. అందులో భాగంగా కుమార్‌ను న‌క్క తోక తొక్కిన వ్య‌క్తిగా పేర్కొంది. అన్నం పెట్టిన అమ్మ రాజ‌శేఖర్ మోసం చేశార‌ని స్వాతి వాపోయింది. న‌మ్మ‌క‌ద్రోహం చేశాడ‌ని బాద‌ప‌డింది. దీంతో‌ సేఫ్ గేమ్ ఆడకూడ‌ద‌న్న విష‌యం త‌న‌కు బోధ‌ప‌డింద‌ని మాస్ట‌ర్ చెప్పుకొచ్చాడు. ఆ త‌ర్వాత స్వాతి.. సుజాత‌ను పుకార్ల పుట్ట‌గా అభివ‌ర్ణించింది. సోహైల్‌ను దొంగ‌గా, లాస్య‌ను అవ‌కాశ‌వాదిగా, నోయ‌ల్‌ను గుడ్డిగా న‌మ్ముతాడ‌ని, మోనాల్‌ను గుడ్డిగా న‌మ్మ‌కూడ‌ద‌ని, ఆమె ఏమార్చే వ్య‌క్తి అని, మెహ‌బూబ్ మిగ‌తావాళ్ల‌ను అనుస‌రిస్తున్నాడ‌ని చెప్పుకొచ్చింది. అరియానా ఓవ‌ర్ కాన్ఫిడెన్స్, హారిక ట్యూబ్‌లైట్, అభిజిత్ అహంకారి‌, గంగ‌వ్వ‌ చాడీల చిట్టా, అఖిల్ గ‌మ్యం లేని వ్య‌క్తిగా అభిప్రాయ‌ప‌డింది. అవినాష్ త‌న‌కు హౌస్‌లో ఫేవ‌ర్‌రెట్ అని పేర్కొంది. కెప్టెన్సీ రేసులో మాస్ట‌ర్‌ పాల్గొన‌డానికి వీలు లేద‌ని అత‌డిపై బిగ్‌బాంబ్ వేసింది. (చ‌ద‌వండి: బిగ్‌ బాస్‌: సెల‌బ్రెటీల‌కు ఒరిగిందేంటి?) సోహైల్‌ను చూసి విజిలేసిన నాగ్‌ బిగ్‌బాస్ హౌస్‌లో అమ్మాయిలు, అబ్బాయిలు అంద‌రూ స‌మాన‌మే అని నాగ్ స్ప‌ష్టం చేశారు. ఈ విష‌యాన్ని రుజువు చేసేందుకు ఇంటిస‌భ్యులంద‌రితో జంబ‌ల‌కిడి పంబ స్కిట్‌ చేయించారు. అంటే ఆడవాళ్లు మ‌గ‌వాళ్లుగా, మ‌గ‌వాళ్లు ఆడ‌వాళ్లుగా త‌యార‌య్యారు. వాళ్ల పేర్ల‌ను కూడా మార్చేశారు. అనంత‌రం ఒక్కొక్క‌రిని గార్డెన్ ఏరియాలోకి ర‌మ్మ‌న్నారు. సోనాల్‌(సోహైల్‌) న‌డుస్తూ ఉంటే మాత్రం నాగ్ విజిల్ వేస్తూ అమ్మాయిని పిల‌వ‌లేదు క‌దా అని భ్రమ‌‌ప‌డ్డారు. (చ‌ద‌వండి: మీరు సిగ్గుప‌డితే చ‌చ్చిపోవాల‌నుంది: నాగ్‌) ఖుషీ సీన్‌ను ఖూనీ చేసిన హారిక‌, అవినాష్‌ అమ్మాయిల్లో ఎవ‌రు మీకు బాగా న‌చ్చార‌న్న ప్ర‌శ్న‌కు అరియానా సోహైల్‌ను, దివి మెహ‌బూబ్‌ను, గంగ‌వ్వ కుమార్‌ను, మోనాల్ సోహైల్‌ను, లాస్య మెహ‌బూబ్‌తో పాటు సోహైల్‌ను‌, సుజాత అమ్మ రాజ‌శేఖ‌ర్ ఇష్ట‌మ‌ని చెప్పింది. త‌ర్వాత లాస్య‌, మెహ‌బూబ్‌లు జంట‌గా డ్యాన్సు చేశారు. హారిక, అవినాష్ "ఖుషీ" సినిమాలోని న‌డుము సీన్ స్కిట్‌ను స‌ర్వ‌ నాశ‌నం చేశారు. ఈ అవ‌కాశం పోతే మళ్లీ రాద‌న్న‌ట్లుగా మోనాల్‌, అఖిల్ క‌లిసి రొమాంటిక్ డ్యాన్స్ చేశారు. సుజాత‌, అమ్మ రాజ‌శేఖ‌ర్ "చూడాల‌ని ఉంది" చిత్రంలో చిరంజీవి, సౌంద‌ర్య‌ల సీనును క‌ళ్ల ముందు ఉంచారు. (చ‌ద‌వండి: బిగ్‌బాస్‌: అందుకే గంగ‌వ్వ‌ను గెలిపించారా?) క‌బ‌డ్డీ ఆట‌లో మెహ‌బూబ్ టీమ్‌దే గెలుపు గంగ‌వ్వ‌, కుమార్ సాయి 'ముత్యాలు వ‌స్తావా..' డ్యాన్స్ చేస్తుంటే కుమార్‌ది విగ్గు, చీర ఊడిపోవ‌డంతో అంద‌రూ ఘొల్లుమ‌ని న‌వ్వారు. దివి, నోయ‌ల్ అత‌డులో మ‌హేశ్‌బాబు, త్రిష సీనును రక్తి క‌ట్టించారు. అరియానా, సోహైల్ 'ర‌త్తాలు ర‌త్తాలు' పాట‌కు ఇర‌గ‌దీశారు. అభిజిత్‌, హారిక 'సామ‌జ‌వ‌ర‌గ‌మ‌న' పాట‌కు సాల్సా డ్యాన్స్ చేశారు. మిమ్మ‌ల్ని ఇలా చూసి త‌న‌కేం క‌ల‌లు వ‌స్తాయోన‌ని నాగ్ భ‌య‌ప‌డ్డారు. అనంత‌రం డ్యాన్స్‌లో అరియానా, సీనులో అమ్మ రాజ‌శేఖ‌ర్‌, సుజాత‌ల‌ను బెస్ట్ ప‌ర్‌ఫార్మ‌ర్లుగా ప్ర‌క‌టించారు. త‌ర్వాత ఎప్ప‌టిలా సాధార‌ణ వేషానికి వ‌చ్చిన‌ ఇంటిస‌భ్యుల‌తో 'బెలూన్ క‌బ‌డ్డీ' ఆట ఆడించారు. మెహ‌బూబ్‌, సోహైల్‌, దివి, మోనాల్‌, హారిక‌, అరియానా, నోయ‌ల్ ఏ టీమ్ కాగా మిగ‌తా వాళ్లంతా బీ టీమ్‌గా ఏర్పడ్డారు. అవినాష్ కామెంటేట‌ర్‌గా వ్య‌వ‌హ‌రించాడు. త‌ర్వాత టీమ్ ఏ గెలిచిన‌ట్లు నాగ్‌ ప్ర‌క‌టించారు. (చ‌ద‌వండి: బిగ్‌బాస్‌: మాస్టర్‌ కాళ్లు పట్టుకున్న సోహైల్‌) మొద‌టి స్థానంలో అభిజిత్ ఏక‌గ్రీవం నామినేష‌న్‌లో ఉన్న హారిక‌,  కుమార్ సాయి, అభిజిత్‌, సోహైల్‌, మెహ‌బూబ్‌, లాస్య‌ల‌కు ఎలిమినేష‌న్ ఉందంటూ నాగ్‌ చెమ‌ట‌లు ప‌ట్టించారు. ఈ ఆరుగురిని హౌస్‌లో వారి ప్రాధాన్య‌త‌ను బ‌ట్టి నిల‌బ‌డ‌మ‌న్నారు. దీంతో తొలుత‌ అభిజిత్‌, రెండో స్థానంలో మెహ‌బూబ్‌, మూడో స్థానంలో లాస్య నిల‌బ‌డ్డారు. మిగిలిన స్థానాల్లో నిల‌బ‌డే విష‌యంలో మాత్రం బేధాభిప్రాయాలు వ‌చ్చాయి. దీంతో అరియానా వారి ప‌నితీరు ఆధారంగా కుమార్‌, సోహైల్‌, హారిక‌ల‌ను వ‌రుస‌గా 4,5,6 స్థానాల్లో నిల‌బెట్టింది. అవినాష్, అఖిల్‌ మాత్రం సోహైల్ నాలుగో స్థానంలో ఉండాల‌ని అభిప్రాయ‌ప‌డ్డారు. అయితే ప్రేక్ష‌కులు మాత్రం ఇక్క‌డున్న స్థానాల‌కు వ్య‌తిరేకంగా ఉన్నార‌ని నాగ్ బాంబు పేల్చారు. కానీ వాళ్లే మీ అంద‌రినీ సేఫ్ చేశార‌ని చెప్ప‌డంతో ఈ వారం గండం గ‌ట్టెక్కామ‌ని నామినేటెడ్ కంటెస్టెంట్లు ఊపిరి పీల్చుకున్నారు.

మొన్న జ‌రిగిన కాయిన్ల టాస్క్ గురించి నాగ్ పంచాయితీ పెట్టారు. ఈ గేమ్‌లో ఎవ‌రెవ‌రికి ఎవ‌రు దోషులుగా అనిపించార‌నేది గేమ్ ఆడించారు. కాయిన్ల వేట‌లో విల‌న్‌గా మారిన సోహైల్‌, మెహ‌బూబ్‌ల‌ను బాగా ఆడార‌ని మెచ్చుకున్నారు. నోరు తెరిస్తే చాలు ఇంగ్లీషు ముక్క‌లే మాట్లాడుతున్న హారిక‌, అభిజిత్‌ల‌కు శిక్ష విధించారు. నేటి ఎపిసోడ్‌లో సేఫ్ జోన్ కంటెస్టెంట్ల‌ను ప్ర‌క‌టించ‌కుండా నేరుగా స్వాతి దీక్షిత్‌ను ఎలిమినేట్ చేయ‌డం గ‌మ‌నార్హం. ఊహించ‌ని ప‌రిణామానికి ఇంటిస‌భ్యులు షాక్‌కు లోన‌య్యారు. బిగ్‌బాస్ షోలోని నేటి ఎపిసోడ్‌లో ఇంకా ఏమేం జ‌రిగాయో చ‌దివేసేయండి.. ఇంటి స‌భ్యుల‌తో దొంగా పోలీసు ఆట ఎప్ప‌టిలాగే మ‌ళ్లీ సుజాత నాగ్‌ను బిట్టు అని పిలుస్తూ, కిల‌కిల‌మ‌ని న‌వ్వుతూ ఉండ‌గా షో ప్రారంభ‌మైంది. ఇక ఈ వారం టాస్క్ ఎందుకు ఆడ‌లేద‌ని నాగ్ గంగ‌వ్వను ప్ర‌శ్నించారు. త‌న‌కు చేత కావ‌డం లేద‌ని ఆమె చెప్పడంతో త‌ర్వాత నుంచి బాగా ఆడాల‌ని హిత‌వు ప‌లికారు. నోయ‌ల్ నేర్పిన తెలుగు ర్యాప్ సాంగ్‌ను మోనాల్‌ పాడి అంద‌రినీ ఆక‌ట్టుకుంది. అనంత‌రం ఇంటి స‌భ్యుల‌తో దొంగా పోలీసు ఆట ఆడించారు. అరియానా.. అమ్మ రాజ‌శేఖ‌ర్‌ను దోషిగా నిల‌బెట్ట‌గా అత‌డిని మిగ‌తా ఇంటి స‌భ్యులు నిర్దోషిగా తేల్చి చెప్పారు. సుజాత‌.. సోహైల్‌ను దోషిగా బోనులో నిల‌బెట్టింది. కానీ నాగ్ మాత్రం సోహైల్‌కు స‌పోర్ట్ చేస్తూ, బాగా ఆడావ‌ని మెచ్చుకున్నారు. ఇంటి స‌భ్యులు కూడా అత‌డిని నిర్దోషిగా ప్ర‌క‌టించారు. అమ్మ రాజ‌శేఖ‌ర్ కూడా సోహైల్‌నే దోషిగా నిల‌బెట్టగా ప్ర‌తీ ఒక్క‌రూ అత‌డు నిర్దోషి అనే ప్ర‌క‌టించారు రుజువు చేశారు. కుమార్ సాయి.. అమ్మ రాజ‌శేఖ‌ర్‌ను దోషిగా అన్న‌ప్ప‌టికీ హౌస్‌మేట్స్ ఆయ‌న్ను అమాయ‌కుడిగా ప్ర‌క‌టించారు. (చ‌ద‌వండి:  బిగ్‌బాస్‌: లక్ష రూపాయలు పట్టేసిన గంగవ్వ) హారిక‌, అభిజిత్‌కు ప‌నిష్మెంట్ ఎప్పుడూ ఇంగ్లీషులోనే మాట్లాడుతున్నందుకు అభిజిత్‌, హారిక‌కు నాగ్ క్లాస్ పీకారు. రాక‌పోయినా తెలుగులో మాట్లాడుతున్నావ‌ని మోనాల్‌ను మెచ్చుకుంటూనే ఈ ఇద్ద‌రికీ అక్షింత‌లు వేశారు. ఇంగ్లీషులోనే వాగేస్తున్న అభిజిత్‌, హారిక‌ల వీడియోను నాగ్ ప్లే చేశారు. దీంతో ఏం చెప్పాలో అర్థం కాని అయోమ‌యంలో ప‌డిపోయిన అభిజిత్‌ త‌న ఆలోచ‌న‌ల‌ను తెలుగులో చెప్ప‌డానికి స‌మ‌యం ప‌డుతుంద‌ని, అందుకే ఇంగ్లీషులో మాట్లాడాన‌ని త‌ప్పును క‌ప్పి పుచ్చే ప్ర‌య‌త్నం చేశాడు. మీరు మాట్లాడేది చాలామందికి అర్థం కావ‌డం లేద‌ని అస‌హ‌నం వ్య‌క్తం చేసిన నాగ్‌ ఈ రోజు ఎపిసోడ్ పూర్త‌య్యేంత‌వ‌ర‌కు వీరిద్ద‌రూ నిల్చునే ఉండాలని శిక్ష విధించారు. అనంత‌రం సోహైల్.. దివిని దోష‌ని చెప్పగా.. ఆమెను నిర్దోషిగా రుజువు చేశారు. త‌ర్వాత‌ దివి సోహైల్‌నే దోషి అని ప్రక‌టించింది. అనంత‌రం అఖిల్.. మాస్ట‌ర్‌ను దోషిగా నిల‌బెట్ట‌గా అంద‌రూ అదే అభిప్రాయాన్ని వ్య‌క్తం చేశారు. అవినాష్‌.. దివిని దోషిగా బోనులోకి ర‌మ్మ‌న‌గా ఆమె బాగా ఆడ‌లేద‌ని అంద‌రూ పెద‌వి విరిచారు. అనంత‌రం అరియానా, అవినాష్‌ల సీక్రెట్ వ్య‌వ‌హారాన్ని నాగ్‌ బ‌య‌ట‌పెట్టారు. నువ్వు చాలా కూల్ అని అరియానా ‌గురించి రాశాడ‌ని నాగ్ వెల్ల‌డించారు. (చ‌ద‌వండి: నాతో జీవితంలో మాట్లాడ‌కు: అమ్మ రాజ‌శేఖ‌ర్‌) ట్ర‌యాంగిల్ ల‌వ్ స్టోరీపై చ‌ర్చ‌ లాస్య‌.. స్వాతిని దోషిగా చెప్ప‌గా నాగ్ కూడా అదే అభిప్రాయాన్ని తెలిపారు. నోయ‌ల్ దోషిగా నిల‌బెట్టిన సుజాతనే  మిగ‌తావారంద‌రూ దోషిగా తేల్చారు. మెహ‌బూబ్‌.. లాస్య సేఫ్ గేమ్ ఆడింద‌ని చెప్ప‌గా అదే నిజ‌మ‌ని రుజువైంది. మోనాల్‌.. అభిజిత్‌ను దోషిగా నిల‌బెట్ట‌గా అంద‌రూ అవున‌ని చెప్పారు. త‌ర్వాత హౌస్‌లో ట్ర‌యాంగిల్ లవ్ స్టోరీ గురించి చ‌ర్చ మొద‌లైంది  నువ్వంటే ఇష్టం అని మోనాల్‌.. అభికి చెప్పిన విష‌యాన్ని దివి బ‌య‌ట‌పెట్టింది. అఖిల్‌ ప‌డుకున్నాకే అభి ద‌గ్గ‌ర‌కు వ‌చ్చి మాట్లాడుతుంద‌ని చెప్పుకొచ్చింది. ఈ విష‌యంలో అభిపై జోకులు వేశామ‌ని తెలిపింది. కానీ ఆమె చెప్పిన పాయింట్ల‌కు బాధ‌ప‌డ్డ మోనాల్ క‌న్నీళ్లు పెట్టుకుంటూ దీన్ని ట్ర‌యాంగిల్ చేయ‌కండి, త‌న క్యారెక్ట‌ర్ కించ‌ప‌ర్చ‌కండంటూ బోరున ఏడ్చేసింది. కాయిన్ల టాస్క్‌లో పాల్గొన‌నందుకు గంగ‌వ్వ‌, తెలుగు మాట్లాడ‌నందుకు శిక్ష అనుభ‌విస్తున్న‌ అభి, హారికల‌కు ఈ గేమ్ ఆడేందుకు చాన్స్ ఇవ్వ‌లేదు. త‌ర్వాత స్వాతి దీక్షిత్ ఎలిమినేట్ అయిన‌ట్లు ప్ర‌క‌టించారు. దీంతో నోయ‌ల్ చిన్న‌పిల్లాడిలా ఏడ్చాడు. (ఫొటో గ్యాలరీ కోసం ఇక్కడ క్లిక్ చేయండి)

బిగ్‌బాస్ నాల్గ‌వ సీజ‌న్ నాలుగో వారంలో ఓ కొత్త ట్విస్ట్ ఇచ్చారు. ప్ర‌తిసారి ఆదివారం ఎలిమినేష‌న్ ఉంటే ఈ సారి మాత్రం శ‌నివారం నాడే హౌస్‌లో నుంచి ఒక‌రిని బ‌య‌ట‌కు పంపించేస్తున్నారు. ఈసారి ఒక్కొక్క‌రినీ సేఫ్ అంటూ ఊరించ‌డాలు ఏమీ లేవు. నేరుగా ఎలిమినేష‌న్ ప్ర‌క్రియ‌న చేప‌ట్టారు. అందులో భాగంగా నామినేష‌న్‌లో ఉన్న కంటెస్టెంట్లు చేత ప‌ట్టుకున్న తుపాకీతో త‌ల‌కు గురి పెట్టుకున్నారు. వీరిలో ఎవ‌రి గ‌న్ పేలిన శ‌బ్ధం వ‌స్తుందో వాళ్లే ఎలిమినేట్ అయిన‌ట్లు లెక్క‌. తాజాగా రిలీజ్ చేసిన ప్రోమో ప్ర‌కారం ఎలిమినేట్ అయిన కంటెస్టెంటును ఇంటిస‌భ్యులంద‌రూ క‌లిసి ద‌గ్గ‌రుండి మ‌రీ వీడ్కోలు చెప్తున్నారు. (చ‌ద‌వండి: బిగ్‌బాస్‌: రీ ఎంట్రీపై స్పందించిన‌ దేవి) ఇక ప్రోమోలో బిగ్‌బాస్ ఇంట్లోకి ప్ర‌వేశించే ద్వారం ద‌గ్గ‌ర మోనాల్‌, హారిక‌, లాస్య‌, సుజాత‌, దివి, అరియానా, గంగ‌వ్వ ఉన్నారు. కానీ స్వాతి దీక్షిత్ మాత్రం ఎక్క‌డా క‌నిపించ‌డం లేదు. అలాగే సోష‌ల్ మీడియాలోనూ స్వాతి ఎలిమినేట్ అయ్యిందంటూ లీకువీరులు దండోరా వేస్తున్నారు. నేటి ఎపిసోడ్‌లోనూ అదే నిజ‌మ‌వ‌నున్న‌ట్లు తెలుస్తోంది. కానీ ఎలిమినేష‌న్ ఒక‌రోజు ముందే జ‌ర‌గ‌డం కొత్త అనుమానాల‌కు తావిస్తోంది. స్వాతిని బ‌య‌ట‌కు తీసుకు వ‌చ్చినా ఆమెను సీక్రెట్ రూమ్‌లోకి పంపిస్తారో, లేదా ఆమె చేత వేరొకరు ఎలిమినేట్ అయ్యార‌ని చెప్పిస్తారో, అస‌లేం చేయ‌నున్నార‌నేది అత్యంత ఆస‌క్తిక‌రంగా మారింది. ఏదేమైనా స్వాతిని హౌస్‌లోకి తీసుకువ‌చ్చిన‌ ఒక్క‌వారానికే పంపించేస్తారా అని నెటిజ‌న్లు బిగ్‌బాస్‌ను నిల‌దీస్తున్నారు. ఈ మాత్రం దానికి ఆమెను ఎందుకు తీసుకొచ్చార‌ని విమ‌ర్శిస్తున్నారు.  (చ‌ద‌వండి: బిగ్‌బాస్‌: స్వాతి దీక్షిత్ త‌ప్పు చేస్తోందా?) (ఫొటో గ్యాలరీ కోసం ఇక్కడ క్లిక్ చేయండి)

బిగ్‌బాస్ నాల్గ‌వ సీజ‌న్‌లో నాలుగో కంటెస్టెంటు ఇంటి ముఖం ప‌ట్టే స‌మ‌యం ఆస‌న్న‌మైంది. ఇప్ప‌టికే సూర్య కిర‌ణ్‌, క‌రాటే క‌ల్యాణి, దేవి నాగ‌వ‌ల్లి ఎలిమినేట్ అయ్యారు. అయితే కొత్త‌గా వ‌చ్చి చేరిన వైల్డ్ కార్డ్ ఎంట్రీల‌తో క‌లిపి ప్ర‌స్తుతం 16 మంది ఇంటిస‌భ్యులు ఉన్నారు. వీరిలో అభిజిత్‌, లాస్య‌, హారిక‌, సోహైల్‌, మెహ‌బూబ్‌, కుమార్ సాయి, స్వాతి దీక్షిత్ నామినేష‌న్‌లో ఉన్నారు. అయితే అభిజిత్ అభిమాన‌గణం దండిగానే ఉండ‌టంతో ఓట్లు కూడా అంతే స్థాయిలో ప‌డుతున్నాయి. దీంతో అత‌డు సేఫ్ జోన్‌లో ఉన్నాడు. అన‌వ‌స‌ర విష‌యాల్లో త‌ల‌దూర్చ‌కుండా స‌హ‌నానికి నిలువెత్తు రూపంలా నిలుస్తోన్న లాస్య‌కూ ఎక్కువ ఓట్లే ప‌డ్డాయి. కెప్టెన్‌కు గండం త‌ప్పిన‌ట్టే! ఈ వారం సోహైల్ భీభ‌త్సంగా ఆడేసి ఎక్కువ ఓట్లు వ‌చ్చేలా చేసుకున్నాడు. హారిక కూడా ఎలిమినేష‌న్ ద‌రిదాపుల్లో లేదు. మిగిలింద‌ల్లా స్వాతి దీక్షిత్‌, కుమార్ సాయి, మెహ‌బూబ్ దిల్‌సే. ఇందులో స్వాతి, కుమార్ ఇద్ద‌రూ వైల్డ్ కార్డ్ కంటెస్టెంట్లే. వ‌చ్చిన‌ప్ప‌టి నుంచి సోమ‌రిత‌నం ప్ర‌ద‌ర్శిస్తూ వ‌చ్చిన కుమార్ సాయి ఈ వారం అనూహ్యంగా కెప్టెన్‌గా నిలిచి త‌న‌ను తిట్టిపోసిన వ్య‌క్తుల‌ చేతుల‌తోనే చ‌ప్ప‌ట్లు కొట్టించుకున్నాడు. సింప‌థీ ఓట్లు, దానికి తోడు కెప్టెన్ అయ్యాడు కాబ‌ట్టి అత‌డిని హౌస్ నుంచి పంపించే చాన్సులు చాలా త‌క్కువ‌గా ఉన్నాయి. ఇక స్వాతి దీక్షిత్ త‌న ఆట తాన‌డ‌కుండా ఉన్న కాయిన్లు అన్నింటినీ అభికి అప్ప‌గించేసింది. వ‌చ్చీరావ‌డంతోనే గేమ్‌పై ఫోక‌స్ పెట్ట‌లేక‌పోవ‌డం కొంత మైన‌స్‌గా మారింది. (చ‌ద‌వండి: బిగ్‌బాస్‌: అభి కోసం ఆట త్యాగం చేసిన స్వాతి) వ‌చ్చిన వారానికే తిరుగుముఖం ప‌ట్టిన స్వాతి అంతేకాక హౌస్‌లో ఆమెకు అప్ప‌గించిన ప‌ని కూడా స‌రిగా చేయ‌ట్లేద‌ని మిగ‌తా కంటెస్టెంట్లు చ‌ర్చించుకుంటూనే ఉన్నారు. ఇంకా ప్రేక్ష‌కులు ఆమెకు పెద్ద‌గా క‌నెక్ట్ కాక‌పోవ‌డంతో త‌క్కువ ఓట్లే ప‌డ్డ‌ట్టు తెలుస్తోంది. దీంతో స్వాతి ఎలిమినేట్‌ అయ్యేందుకు ఛాన్సులు ఎక్కువ‌గా ఉన్నాయి. మిగిలింది మెహ‌బూబ్‌.. నిజానికి చివ‌రి వార‌మే వెళ్లాల్సింది కానీ చివ‌రి నిమిషంలో అనూహ్యంగా దేవి నాగ‌వ‌ల్లిని ఎలిమినేట్ చేశారు. ఈ వారంలో అదృష్టాన్నిచ్చే స్విచ్ కాయిన్ పోగొట్టుకోవ‌డం, కావాల‌ని మ‌రీ అభిజిత్‌తో గొడ‌వ ప‌డ‌టం వ‌ల్ల‌ అత‌డిపై మ‌రింత వ్య‌తిరేక‌త వ‌చ్చింది. దీంతో మెహ‌బూబ్ మ‌ళ్లీ డేంజ‌ర్ జోన్‌లోకి వ‌చ్చాడు. దీంతో ఇత‌ను కూడా వెళ్లిపోయేందుకు ఆస్కారం ఉందంటున్నారు. మ‌రి ఈ వారం స్వాతి దీక్షిత్‌, మెహ‌బూబ్‌ల‌లో ఎవ‌రు బిగ్‌బాస్ హౌస్‌కు గుడ్‌బై చెప్తార‌నేది వేచి చూద్దాం.. (చ‌ద‌వండి: ద‌టీజ్ దేవి: మాస్టర్‌నే ఏడిపించేసింది)

బిగ్‌బాస్ రియాలిటీ షోలో వైల్డ్ కార్డ్ ఎంట్రీ ఇచ్చేవాళ్లకు అడ్వాంటేజ్ ఉంటుంద‌ని వ్యాఖ్యాత నాగార్జున‌ ఎప్పుడూ చెప్తూ ఉంటారు. ప్ర‌యోజనం విష‌యాన్ని ప‌క్క‌న‌పెడితే వారికి కష్ట‌న‌ష్టాలే ఎక్కువ‌గా ఉంటాయి. అప్ప‌టికే అంద‌రితో ఓ బంధాన్ని ఏర్ప‌రుచుకుని జంట‌లుగా మారిన కంటెస్టెంట్లు వైల్డ్ కార్డ్ ఎంట్రీల‌ను అంత తొంద‌ర‌గా స్వీక‌రించ‌లేరు. పైగా మీ క‌న్నా ముందు నుంచే హౌస్‌లో ఉన్నామ‌ని ఆజ‌మాయిషీ చూపిస్తారు. నామినేష‌న్‌లోనూ ఇంకో ఆప్ష‌న్ వెతుక్కోన‌వ‌స‌రం లేకుండా నేరుగా వారిని నామినేట్ చేసేస్తుంటారు. బిగ్‌బాస్ నాల్గ‌వ సీజ‌న్‌లో ముమ్మాటికీ ఇదే జ‌రుగుతోంది. (చ‌ద‌వండి: బిగ్‌బాస్‌: అనుష్క అందుకే రాలేద‌ట‌) సింప‌థీ ఓట్ల‌తో నెగ్గుకువ‌స్తున్న కుమార్ సాయి మొద‌టి వారంలోనే వైల్డ్ కార్డ్ ఎంట్రీ ఇచ్చిన కుమార్ సాయిని అంద‌రితో క‌ల‌వ‌లేక‌పోతున్నాడంటూ నామినేట్ చేశారు, చేస్తూనే ఉన్నారు. కానీ సింప‌థీ ఓట్ల‌తో అత‌డు ఎలాగోలా నెగ్గుకు వ‌స్తున్నాడు. ఇక‌ మూడో వైల్డ్ కార్డ్ ఎంట్రీగా ఇచ్చిన స్వాతి దీక్షిత్‌ అంద‌రితో క‌ల‌వ‌ట్లేద‌న్న కార‌ణంతో అమ్మ రాజ‌శేఖ‌ర్ ఆమెను నామినేట్ చేశారు. దీంతో హౌస్‌లో అడుగు పెట్టిన మూడు రోజులకే ఆమె నామినేష‌న్ గండంలో చిక్కుకుంది. కానీ ఎలిమినేష‌న్ నుంచి బ‌య‌ట‌ప‌డటం అంత సులువేమీ కాదు. ఈ గండం గ‌ట్టెక్కాలంటే ఆమె ముందు ఉన్న‌ది ఒక‌టే దారి. ఈ వారంలో త‌నేంటో నిరూపించుకోవాలి. టాస్కులు ఆడాలి, ఎంట‌ర్‌టైన్ చేయాలి, ఎలాగోలా ప్రేక్ష‌కులు ఓట్లను త‌న వైపు తిప్పుకోవాలి. కానీ అక్క‌డ స్వాతి అలాంటి ప్ర‌య‌త్నాలేమీ చేస్తున్న‌ట్లు క‌నిపించ‌డం లేదు. (చ‌ద‌వండి: బిగ్‌బాస్‌: ఈ వారం నామినేషన్‌లో ఏడుగురు) అభి కోసం ఆట త్యాగం లాస్య చెప్పిన‌ట్టుగానే ఎక్కువ‌గా అభిజిత్‌తో ఉంటోంది. దీంతో అభి, హారిక మ‌ధ్య కూడా ఎడం పెరిగిన‌ట్లు తెలుస్తోంది. ఇక నిన్న బిగ్‌బాస్ ఇచ్చిన టాస్కులోనూ స్వాతి సొంతంగా ఆడ‌కుండా అభితో జట్టు క‌ట్టింది. తాను సేక‌రించిన నాణాల‌ను కూడా అత‌డికే ఇస్తానంది. ఈ నిర్ణ‌యం ఆమె అభిమానుల‌కు కూడా న‌చ్చ‌డం లేదు. అత‌డితో క‌బుర్లు చెప్ప‌డం వ‌ర‌కు ఓకే కానీ అత‌డి కోసం ఆట త్యాగం చేయ‌డం అక్క‌ర్లేద‌ని హెచ్చ‌రిస్తున్నారు. అటు బిగ్‌బాస్ సైతం జంట‌లుగా ఆడ‌ద్ద‌ని ఇంటిస‌భ్యుల‌ను హెచ్చ‌రించారు. మ‌రి నేటి ఎపిసోడ్ నుంచైనా స్వాతి త‌న‌కు తానుగా గేమ్ ఆడితే బెట‌ర్ అని ప‌లువురు నెటిజ‌న్లు కామెంట్లు చేస్తున్నారు. (చ‌ద‌వండి: స్వాతి దీక్షిత్ గురించి లాస్య చెప్పింది నిజ‌మేనా?)

రోజులు గడుస్తున్న కొద్ది బిగ్‌బాస్ సీజన్ 4 మెల్లగా పుంజుకుంటుంది. బిగ్‌బాస్ ఒక్కోరోజు ఒక్కో రకంగా‌ టాస్కులు ఇస్తున్నాడు. ముఖ్యంగా షో మూడో వారంలోకి ఎంట్రీ ఇచ్చిన తర్వాత మరింత ఆసక్తికరంగా మారిపోయింది. పైగా ఇంట్లో కూడా ఒకరి మధ్య ఒకరు బాగానే పుల్లలు పెట్టుకుంటున్నారు. దాంతో ఒకరంటే ఒకరు మండిపడుతున్నారు. ఓ రకంలో అందరి నిజస్వరూపాలను టాస్క్‌లు బయటపడేలా చేస్తున్నాయి. ఈ వారం నామినేషన్స్‌లో భాగంగా కూడా ఒకరిపై ఒకరు చాలా సెటైర్లు వేసుకున్నారు. స్వాతి దీక్షిత్‌ మార్నింగ్‌ మస్తీతో ఇంటి సభ్యులను అలరించగా.. బిగ్‌బాస్‌లో ఈరోజు ఇంకేం జరిగిందంటే...(సై అంటే సై: లాస్య, నోయల్‌ మధ్య మాటల యుద్ధం) ఉదయం కాగానే మాస్‌ మహారాజ్‌ రవితేజ ‘గొంగూరు తోట కాడా కాపు కాసా’ మాస్‌ పాటకు ఇంట్లోని సభ్యులంతా ఎనర్జిటిక్‌గా డాన్స్‌ చేశారు. ఆ తర్వాత మార్నింగ్‌ మస్తిలో స్వాతి ఇంటి సభ్యులకు నవరసాలను నేర్పించాల్సి ఉంటుంది. అయితే స్వాతి తన పార్ట్‌నర్‌గా అభిజిత్‌ను ఎంపిక చేసుకుంది. శృంగార రసంలో భాగంగా అభిజిత్‌ను లవ్‌ చేస్తున్నట్లు చెప్పింది. ఇక ఏడుపులో స్వాతి కంటే ముందే మోనాల్‌ ఏడ్చేసింది. కోపం టాస్క్‌లో భాగంగా లాస్య, నోయల్‌ మధ్య గొడవ పడుతున్నట్లు నటించారు. నా గురించి వేరే వాళ్ల వద్ద ఎందుకు మాట్లాడినవ్‌ అని అనగా.. నాకు వెనకాల చెప్పే అవసరం లేదంటూ లాస్య గట్టిగానే కౌంటర్‌ ఇచ్చింది. బీభత్సంలో అవినాష్‌పై గంగవ్వ అరిచింది.  (బిగ్‌బాస్‌: ఈ వారం ఎవరు మర్డర్‌‌ కానున్నారు?) అక్కా , తమ్ముడిలా ఉన్నారు అనంతరం అభిని సులభంగా నామినేట్‌ చేయోచ్చు అంటూ దివి, మోహబూబ్‌ చర్చించుకున్నారు. అలాగే అరియానా, అవినాష్‌ మధ్య చర్చ జరిగింది. అందరితో ఉన్నట్లు నాతో ఉండటం లేదని అరియానా అవినాష్‌పై అలిగింది. ఇంతకు ముందు వేరేలా ఉండేవాడివని, నాపై నీకు వేరే అభిప్రాయం ఉండేదని అవినాష్‌ను ఆటపట్టించింది. అవినాష్‌ వచ్చి మోనాల్‌కు దగ్గరయ్యేందుకు అమ్మ గుర్తొస్తుందని సరదాగా అంటుండగా మధ్యలో అఖిల్‌ కల్పించుకొని సేమ​ అక్కా , తమ్ముడిలా ఉన్నారంటూ పంచ్‌ వేశాడు. దీంతో అవినాష్‌ మరింత ఏడుస్తున్నట్లు నటించాడు. అక్కడ ఒక ఫన్నీ క్రియోట్‌ చేశాడు అవినాష్‌. దివి, అభి మాట్లాడుకుంటూ కొన్ని కొన్ని సందర్భాలలో వేరేలా ప్రవర్తిస్తుంటావని అభి ముఖంపైనే దివి చెప్పేసింది. నేనైతే నిన్నే నామినేట్‌ చేస్తాను. అని తేల్చి చెప్పింది.  అనంతరం  అఖిల్‌, సోహైల్‌ను స్టోర్‌ రూమ్‌లో ఉన్న దుస్తులు ధరించాలని బిగ్‌బాస్‌ ఆదేశించాడు. ఆ దుస్తుల్ని ధరించి ఏదో హీరోల్లాగా ఫీల్‌ అయిపోయారు. ఇక సోమవారం నామినేషన్‌ ప్రారంభమైంది. ఇంట్లో ఇద్దరు హిట్‌ మెన్‌లు(అఖిల్‌, సోహైల్‌) ఉంటారు. మిగిలిన ఇంటి సభ్యులంతా లివింగ్‌ ఏరియాలో ఉండాలి. ప్రతి ఒక్కరికి బిగ్‌బాస్‌ 10 వేల రూపాయలు ఇస్తాడు. అలాగే ఇద్దరు హిట్‌మెన్‌లకు ఒక్కొక్కరికి 5 వేలు ఇస్తాడు. సమయానుసారం ఇంట్లో 5 బజర్లు మోగుతాయి. ప్రతి బజర్‌ మోగినప్పుడు లాంజ్‌లోకి ఎవరు మొదటగా వస్తే  వారే హిట్‌మెన్‌లతో మర్డర్‌ డీల్‌ చేసుకునే అవకాశం ఉంటుంది. అయితే ఎవరినైతే చంపాలి అనుకుంటున్నారో వారి పేరు చెప్పి, అంందుకు గల కారణాలను వివరించాలి. చనిపోయిన వ్యక్తి నాయినేట్‌ అయినట్లు. ఈ వారం ఇంటి కెప్టెన్‌ అయిన కారణంగా గంగవ్వ, అరియానాను దేవి సేఫ్‌ చేసినందున తనను కూడా ఇంటి సభ్యులెవరు  నామినేట్‌ చేయరాదు. ఈ టాస్క్‌లో ముందు బజర్‌కు అమ్మ రాజశేఖర్‌ మాస్టర్‌ వచ్చారు. వచ్చి రాగానే తను స్వాతిని చంపాలి అనుకుంటున్నట్లు వెల్లడించారు. స్వాతి ఇటీవల వచ్చినట్లు తనకు ఎవరితో ఎక్కువ కాంటాక్ట్‌ అవ్వడం లేదని చెప్పారు. అలాగే స్వాతి కొంచెం హౌజ్‌లో నటిస్తుందని తెలిపాడు. వెంటనే గన్‌ తీసుకొని స్వాతిని అఖిల్‌ మర్డర్‌ చేశాడు. అయితే తనను నామినేట్‌ చేసినందుకు స్వాతి కొంచెం ఫీల్‌ అయ్యింది. అనంతరం మాస్టర్‌తో కొంచెం సీరియస్‌ అ‍య్యింది. రెండోసారి మొహబూబ్‌ ఇంట్లోకి మొదట వచ్చాడు. అభిని చంపేందుకు ప్లాన్‌ ఇచ్చుకున్నాడు. రోబో టాస్క్‌లో భాగంగా గల్లీ బాయ్స్‌అని అభి ఎగతాళి చేసినట్లు కారణంగా చెప్పుకొచ్చాడు. రెండోసారి కూడా అఖిల్‌ గన్‌ అందుకొని అభిని షూట్‌ చూసి నామినేట్‌ అయినట్లు ప్రకటించాడు.  మోహబూబ్‌ చాలా ముక్కోపి మూడో బజర్‌కు అరియానా ముందుగా రూమ్‌లో వచ్చి లాస్యను చంపేందుకు ప్లాన్‌ ఇచ్చింది. అరియానా వల్ల ఇంటి సభ్యులంతా ఇరిటేడ్‌ అవుతున్నారని లాస్య చెప్పిందని, దాని వల్ల తనపై బయట తప్పుగా చూపిస్తుందని తెలిపింది. అది పక్కా అబద్దం అని తెలిపింది. మళ్లీ తనను నామినేట్‌ చేయటానికి అన్ని దెబ్బలు తగిలించుకొని వెళ్లలా అని లాస్య వెటకారంగా మాట్లాడింది. అయితే మధ్యలో ప్రతి సారి అఖిల్‌కు మర్డర్‌ డీల్‌ వస్తుందని అసూయతో సోహైల్‌ అఖిల్‌ డబ్బులను తన సూట్‌కేస్‌లోకి మార్చుకున్నాడు. నాలుగో బజర్‌కు వచ్చిన అలేఖ్య హారిక తన ఫ్రెంఢ్‌ మెహబూబ్‌ను అంతం చేసేందుకు డీల్‌ మాట్లాడుకుంది. టాస్క్‌లో భాగంగా మోహబూబ్‌ చాలా ముక్కోపిగా వ్యవహరించాడని, ఓవర్‌ కన్ఫిడెన్స్‌ కనిపించిందని తెలిపింది. ఈ సారి సోహైల్‌కు గన్‌ దొరికి మోహబూబ్‌ను చంపేశాడు.  అయిదో బజర్‌కు తెలివిగా నటించినట్లు చేస్తూ నోయల్‌ ఇంటి నుంచి కాకుండా గార్డెన్‌ ఏరియా నుంచి రూమ్‌లోకి వచ్చాడు. కానీ నిబంధనల ప్రకారం ఇంట్లో నుంచి రావాలి కాబట్టి నోయల్‌ ను ఆపేసి తన తర్వాత వచ్చిన సుజాత రూమ్‌లోకి వెళ్లింది. వెంటనే కుమార్‌ సాయిని నామినేట్‌ చేసింది. ఎంత ప్రయత్నించినా కుమార్‌ కలవడం లేదని, టాస్క్‌లో లీనం అవ్వడం లేదనే కారణంతో మర్డర్‌ డీల్‌ కుదుర్చుకున్నాడు. అఖిల్‌ వచ్చి కుమార్‌ను మర్డర్‌ చేశాడు. అయిదు బజర్‌లు అయిపోయాకా కూడా సోహైల్‌ అఖిల్‌ సూట్‌కేస్‌ లాక్కునేందుకు ప్రయత్నించాడు. చివరకు ఎవరి సూట్‌కేస్‌లో ఎంత డబ్బు ఉంటే వాళ్లు సేఫ్‌ అయినట్లు కావడంతో అఖిల్‌ వద్ద ఎక్కువ ఉండటంతో అఖిల్‌ సేఫ్‌ అయ్యాడు. దీంతో అఖిల్‌ ఒక్కరిని నామినేట్‌ చేయాల్సి ఉండగా, హారికను నామినేట్‌ చేశాడు. అఖరుగా ఈ వారం ఇంటినుంచి బయటకు వెళ్లేందుకు స్వాతి, అభిజిత్‌, మెహ‌బూబ్‌, లాస్య, హారిక, కుమార్‌సాయి, సోహైల్‌ నామినేట్‌ అయ్యారు. మరి ఎవరూ ఉంటారో, ఎవరూ ఎలిమినేట్‌ అవుతారో తెలియాలంటే ఆదివారం వరకు వేచి చూడాలి.

స్వాతి దీక్షిత్ న‌టి మాత్ర‌మే కాదు యోగా ట్రైన‌ర్ కూడా!. ఆమె 2009లో అంద‌మైన భామ‌లు కార్య‌క్ర‌మం విజేత‌గా నిల‌చింది. అప్ప‌టి నుంచి స‌రైన గుర్తింపు కోసం క‌ష్ట‌ప‌డుతూనే ఉంది. ఈ క్ర‌మంలో రాంగోపాల్ వ‌ర్మ తెర‌కెక్కించిన హార‌ర్ చిత్రం 'ప‌ట్ట‌ప‌గ‌లు'లో న‌టించింది. కానీ అది పెద్ద‌గా క్లిక్ అవ‌లేదు. అయితే దీని క‌న్నా ముందే 'తోర్ నామ్' అనే బెంగాలీ చిత్రంలో న‌టించింది. తెలుగులో "జంప్ జిలానీ"లో హీరో అల్ల‌రి న‌రేష్‌కు జోడీగా న‌టించింది. చివ‌రిగా సింబా అనే త‌మిళ‌ చిత్రంలో క‌నిపించింది.  బ్రేక‌ప్‌, లేడీస్ అండ్ జెంటిల్మెన్, చిత్రాంగ‌ద వంటి తెలుగు చిత్రాల్లోనూ న‌టించింది. కాగా 'ఆర్ఎక్స్ 100' సినిమాలో తొలుత స్వాతి హీరోయిన్‌గా ఎంపికైన‌ట్లు వార్త‌లు వ‌చ్చాయి. కానీ ఆ బోల్డ్ పాత్ర త‌న బాడీ లాంగ్వేజ్‌కు త‌గ‌ద‌ని భావించి స్వాతి చేజేతులా హిట్ సినిమాను చేజార్చుకుంది. ఇక‌ ఈ మ‌ధ్య స్క్రీన్‌పై కూడా స‌రిగా క‌నిపించ‌డం లేదు. అంటే పెద్ద‌గా అవ‌కాశాలు కూడా రావ‌డం లేదు. దీంతో ప్రేక్ష‌కుల్లో త‌న గుర్తింపును నిల‌దొక్కుకునేందుకు ఆమె బిగ్‌బాస్ నాల్గ‌వ సీజ‌న్‌లో అడుగుపెట్టింది. బ‌బ్లీగా క‌నిపించే ఈ ముద్దుగుమ్మ హౌస్‌లో ఎంత‌దూరం వ‌ర‌కు ప్ర‌యాణిస్తుందో చూడాలి..

బిగ్‌బాస్ నాల్గ‌వ సీజ‌న్ కంటెస్టెంట్లు ప‌క్కా ప్లాన్‌తోనే హౌస్‌లో అడుగు పెట్టార‌ని ఎలిమినేట్ అయిన కంటెస్టెంట్లు బ‌ల్ల‌గుద్ది మరీ చెప్తున్నారు. ఇది ఎంత‌వ‌ర‌కు నిజ‌మో తెలీదు కానీ వైల్డ్ కార్డ్ ఎంట్రీ ఇచ్చిన వాళ్లు మాత్రం ఎలా ఆడా‌ల‌నేది ముందే డిసైడ్ అయిన‌ట్లు క‌నిపిస్తోంది. కాగా '100 శాతం ఎంట‌ర్‌టైన్‌మెంట్' అన్న మాట‌ను నిల‌బెట్టుకోలేక‌పోతున్న త‌రుణంలో బిగ్‌బాస్‌ టీమ్ ముక్కు అవినాష్‌ను హౌస్‌లోకి దించింది. ఎవ‌రెలాంటి వారు? హౌస్‌లో ఏం జ‌రుగుతోంది? అని రెండువారాల‌పాటు బాగానే ప‌రిశీలించిన‌ అవినాష్ ఇంటి స‌భ్యుల‌తో క‌లిసిపోయి ప్రేక్ష‌కుల‌కు కావాల్సిన ఎంట‌ర్‌టైన్‌మెంట్ అందిస్తున్నాడు. (చ‌ద‌వండి: అఖిల్‌ను ద‌త్త పుత్రుడు చేసుకుంటా: గ‌ంగ‌వ్వ‌)‌ లాస్య చేసిన త‌ప్పే కుమార్ చేశాడు కానీ అత‌డి క‌న్నా ముందొచ్చిన కుమార్ సాయి మాత్రం అటు వాళ్ల‌తో క‌ల‌వ‌లేక‌, అలా అని ఒంట‌రిగా ఉండ‌లేక, త‌న‌కే అర్థం కాని ఓ అయోమ‌యంలో ప‌డిపోయాడు. దీన్ని అవ‌కాశంగా మలుచుకున్న ఇత‌ర కంటెస్టెంట్లు కుమార్‌ను టార్గెట్ చేస్తున్నారు. దీంతో న‌వ్విస్తాన‌ని వ‌చ్చిన అత‌డు బాధ‌లో కొట్టుమిట్టాడుతున్నాడు. పైగా నిన్న‌టి ఎపిసోడ్‌లో అభిజిత్‌, అఖిల్ విష‌యం గురించి ఇత‌ను ప్ర‌స్తావించి గొడ‌వ చేయ‌డం మొద‌టికే మోసం వ‌చ్చింది. అన‌వ‌స‌రంగా గ‌త వారం లాస్య చేసిన త‌ప్పే ఈసారి కుమార్ చేశాడ‌ని నెటిజ‌న్లు విమ‌ర్శిస్తున్నారు. (చ‌ద‌వండి: బిగ్‌బాస్‌: నేడే వైల్డ్ కార్డ్ ఎంట్రీ) స్వాతి ప్లాన్ నాకు న‌చ్చ‌లేదు ఇదిలా వుంటే మూడో వైల్డ్ కార్డ్ ఎంట్రీగా స్వాతి దీక్షిత్ హౌస్‌లో ఎంట‌ర్ అయింది. మ‌రిన్ని ల‌వ్‌స్టోరీలు క‌ల్పించాల‌నే ఉద్దేశ్యంతోనే ఆమెను తీసుకొచ్చిన‌ట్లు క‌నిపిస్తోంది. ఇక ఇంట్లోకి ప్ర‌వేశించి ఇంకా రెండు రోజులే అవుతుంది, కాబ‌ట్టి ఇప్ప‌టివ‌ర‌కు ఆమె గురించి ఎవ‌రూ త‌ప్పుగా అన‌లేదు. కానీ లాస్య మాత్రం ఆమెలో త‌న‌కు ఒక విష‌యం న‌చ్చ‌లేద‌ని అంద‌రి ముందే బ‌హిరంగంగా వెల్ల‌డించింది. బిగ్‌బాస్ హౌస్‌లో ఎవ‌రెవ‌రితో స్నేహం చేయాలి? ఎవ‌రితో క్లోజ్‌గా ఉండాల‌నేది స్వాతి ముందుగా డిసైడ్ చేసుకుని వ‌చ్చింద‌ని పేర్కొంది. ఆమె అభిజిత్‌, హారిక‌, నోయ‌ల్‌, మ‌రో ఇద్ద‌రు ముగ్గురితో ఎక్కువగా ఉంటోంద‌ని చెప్పింది. లాస్య చెప్పిన పేర్ల‌ను చూస్తే నిజంగానే ఆమె ప్లాన్ చేసుకుని వ‌చ్చిందా? అనే అనుమానాలు వ్య‌క్త‌మ‌వుతున్నాయి. ఎందుకంటే ఆమె ప్ర‌స్తావించిన వాళ్లంద‌రూ స్ట్రాంగ్ కంటెస్టెంట్లు మాత్ర‌మే కాకుండా ఇప్ప‌ట్లో ఎలిమినేట్ అయ్యేందుకు ఆస్కార‌మే లేని వారు కావ‌డం గ‌మ‌నార్హం. 

బిగ్‌బాస్ నాల్గ‌వ సీజ‌న్‌లో వారానికో వైల్డ్ కార్డ్ ఎంట్రీ న‌డుస్తోంది. మొద‌టి వారం క‌మెడియ‌న్‌, న‌టుడు కుమార్ సాయి హౌస్‌లో అడుగు పెట్ట‌గా రెండో వారం అవినాష్ ఇంట్లోకి వ‌చ్చి చేరాడు. ఇప్పుడు ముచ్చ‌టగా మూడో వైల్డ్ కార్డ్ ఎంట్రీగా హీరోయిన్ స్వాతి దీక్షిత్ హౌస్‌లో ప్ర‌వేశించింది. వ‌స్తూ వ‌స్తూనే అబ్బాయిల‌కు ఓ స‌ర్‌ప్రైజ్ తీసుకొచ్చానంది. అదేంటో, అస‌లు నేటి ఎపిసోడ్ ఎలా సాగిందో ఓ లుక్కేసేయండి.. ప్ర‌తిజ్ఞ నుంచి త‌ప్పించుకున్న అభి, అఖిల్‌ 'నాది నెక్కిలిసు గొలుసు..' అంటూ దుర్గారావు మాస్ సాంగ్‌ ఇంటి స‌భ్యులంద‌రినీ ఓ ఊపు ఊపేసింది. త‌ర్వాత‌ బిగ్‌బాస్ కంటెస్టెంట్ట్స్ ఆల‌ర్ ఆల్ మై బ్ర‌ద‌ర్స్ అండ్ సిస్ట‌ర్స్ అని అబ్బాయిలంద‌రూ ప్ర‌తిజ్క్ష చేశారు. ఇందులో అభిజిత్‌, అఖిల్ మాత్రం ఈ ప్ర‌తిజ్ఞ నుంచి త‌ప్పించుకున్నారు. బిగ్‌బాస్ నోయ‌ల్‌ను చెర‌సాల నుంచి విడుద‌ల చేశాడు. దీంతో ఇంటి స‌భ్యులు పాటలు పాడుతూ, డ్యాన్స్ చేస్తూ నోయ‌ల్‌కు ఇంట్లోకి గ్రాండ్‌ వెల్‌క‌మ్ చెప్పారు. అఖిల్ అంటే ఇష్ట‌మ‌ని, మోనాల్‌ న‌చ్చ‌ద‌ని గంగ‌వ్వ చెప్పుకొచ్చింది. గ‌త టాస్క్‌లో ఎవ‌రు ఎట్లా చేశార‌నేది అవ్వ చేసి చూపించ‌డంతో.. అవ్వ కూడా యాక్టింగ్ మొద‌లెట్టిందిరోన‌ని మాస్ట‌ర్ పంచ్ వేశాడు. (చ‌ద‌వండి: అభిజిత్ టాప్ 3లో ఉంటాడు: యాంక‌ర్ ర‌వి) కెప్టెన్సీ పోటీదారుల‌కు రంగు ప‌డింది బిగ్‌బాస్‌ రంగు పడుద్ది జాగ్ర‌త్త అని కెప్టెన్సీ టాస్క్ ఇచ్చాడు. టాస్క్ అయిపోయే స‌మ‌యానికి ఎవ‌రి బౌల్‌లో ఎక్కువ రంగు ఉంటుందో వాళ్లే గెలిచిన‌ట్లు. ఇంటి స‌భ్యులంద‌రూ ప‌గ‌ప‌ట్టిన‌ట్లు అభిజిత్‌, అవినాష్, హారిక పాత్ర‌లోని నీళ్ల‌ను మొత్తం కింద ప‌డేశారు. కానీ ఏ ఒక్క‌రూ గంగవ్వ‌ను క‌నీసం ట‌చ్ కూడా చేయ‌క‌పోవ‌డంతో ఆమె కెప్టెన్ అయింది. త‌ర్వాత అంద‌రూ కాసేపు స్విమ్మింగ్‌పూల్‌లో జ‌ల‌కాలాడారు. అఖిల్‌, మోనాల్ మాట్లాడుకోవ‌డ‌ట్లేర‌ని అవ్వ గుస‌గుస‌లు పెట్టింది. హౌస్‌మేట్స్‌పై బిగ్‌బాస్ గ‌రం నిజంగానే త‌ర్వాత మోనాల్.. అఖిల్‌కు సారీ చెప్పింది. నేనేం పెళ్లి చేసుకోవడానికి రాలేద‌ని అఖిల్ అన‌డంతో అత‌డిని కూల్ చేసేందుకు రాత్రికి గోరుముద్ద‌లు తి‌నిపించింది. ఇక త‌న ఆదేశాల‌ను బేఖాత‌రు చేస్తున్నార‌ని బిగ్‌బాస్ ఇంటి స‌భ్యుల‌పై సీరియ‌స్ అయ్యాడు. ల‌గ్జ‌రీ బ‌డ్జెట్ పాయింట్లు తొల‌గించ‌డంతో పాటు రేష‌న్‌లోనూ కోత విధించాడు. దీంతో దేవి మిన‌హా మిగ‌తా కంటెస్టెంట్లు అంద‌రూ చేతులెత్తి న‌మ‌స్క‌రిస్తూ బిగ్‌బాస్‌కు సారీ చెప్పారు. (చ‌ద‌వండి: బిగ్‌బాస్‌: ఇద్ద‌రి మ‌ధ్య న‌లుగుతున్న మోనాల్‌) క‌మెడియ‌న్ల‌కూ మ‌న‌సుంటుంది: అవినాష్‌ బుట్ట‌బొమ్మ సాంగ్‌తో స్వాతి దీక్షిత్‌ వైల్డ్ కార్డ్ ఎంట్రీ ఇచ్చింది. ఆ వెంట‌నే ఆమెను అభిజిత్ లోనికి తీసుకువెళ్తే, మాస్ట‌ర్ మాస్క్ తీశాడు. ఇక అవినాష్‌, మాస్ట‌ర్ ఆమెకు స‌క‌ల మ‌ర్యాద‌లు చేశారు. ఆ త‌ర్వాత బిగ్‌బాస్ అస‌లు ట్విస్ట్ ఇచ్చాడు. స్వాతి అబ్బాయిల‌కు స‌ర్‌ప్రైజ్ తీసుకొచ్చింద‌ని అది చెప్పాలంటే వారంతా ఆమెను మెప్పించాల్సి ఉంటుంద‌ని తెలిపాడు. "అందం ఎలా ఉంటుందో నిన్ను చూశాకే తెలిసింది.. చిన్న‌ప్పుడు ఆడుకునే బొమ్మ ప్రాణంతో ఉంటుంద‌ని ఇప్పుడే చూస్తున్నాను" అంటూ ‌మాస్ట‌ర్‌ క‌విత్వం చెప్పాడు. "నువ్వు న‌వ్వితే బాగుంటావు, నేను నీ తోడుంటే జీవితాంతం న‌వ్వుతూనే ఉంటావు. బుట్టబొమ్మ కాదు.. బాపు గీసిన బొమ్మ‌వు. నీ పేరు స్వాతి దీక్షిత్‌.. నీ కోసం ఎన్ని దీక్ష‌లైనా చేయొచ్చు. సాధార‌ణంగా హీరోయిన్లు హీరోల‌కు ప‌డిపోతారు. కానీ క‌మెడియ‌న్ల‌కు ప‌డిపోరు. మాకు మ‌న‌సుంటుంది" అని అవినాష్ ప్రేమ కావ్యాలు ప‌లికాడు. అఖిల్‌, మాస్ట‌ర్‌. నోయ‌ల్‌, అవినాష్‌తో స్వాతి పార్టీ మెహ‌బూబ్ 100 పుష‌ప్స్ చేశాడు. అంద‌రి ప్రేమ‌ను మీపై చూపిస్తాన‌ని సోహైల్ మాటిచ్చాడు. అఖిల్‌, అభిజిత్‌, నోయ‌ల్ పాట పాడ‌గా కుమార్ సాయి డ్యాన్స్ చేశాడు. అనంత‌రం స్వాతి. అయితే వీరంద‌రిలో త‌న‌ను మెప్పించిన‌ అఖిల్‌, మాస్ట‌ర్‌, నోయ‌ల్‌, అవినాష్‌కు ఎర్ర గులాబీలు ఇచ్చింది. ఆ త‌ర్వాత స‌ర్‌ప్రైజ్ రివీల్ చేశారు. ఈ న‌లుగురితో క‌లిసి స్వాతి ఓ ప్ర‌త్యేక గదిని ఓపెన్ చేసి గ్రాండ్‌ పార్టీ చేసుకున్నారు. మిగ‌తా ఇంటి స‌భ్యులు పార్టీ మిస్స‌య్యామ‌ని చాలా ఫీల‌య్యారు. (చ‌ద‌వండి: నోయ‌ల్‌కు రోజంతా రాగి జావ మాత్ర‌మే)

బుద్ధి బ‌లం ముందు కండ‌బ‌లం ఓడిపోయింది. ఎత్తుకు పై ఎత్తులు, పోట్లాట‌లు, కొట్లాట‌ల త‌ర్వాత ఎట్ట‌కేల‌కు రోబోల టీమ్ గెలుపును ముద్దాడింది. దీంతో అప్ప‌టివ‌ర‌కు చేసిన శ్ర‌మ వృథా అయిందే అని మ‌నుషుల టీమ్ ముఖం మాడ్చుకున్నారు. ఇంటి స‌భ్యులంద‌రూ నోయల్ చెత్త‌గా ఆడార‌న‌డంతో అత‌డిని బిగ్‌బాస్ చెర‌సాల‌లో బందీ చేశాడు. మ‌రి నేటి ఎపిసోడ్ హైలైట్స్ ఏంటో చ‌దివేయండి.. అవినాష్‌ న‌మ్మ‌క‌ద్రోహి: మాస్ట‌ర్‌ రోబోల టీమ్‌లోని అవినాష్ మాస్ట‌ర్‌కు తెలీకుండానే అత‌ని ద‌గ్గ‌రి నుంచి చార్జింగ్ పెట్టేసుకున్నాడు. అది గ‌మ‌నించిన‌ దివి అవినాష్‌ను రెండు త‌గిలించింది.  న‌మ్మ‌క‌ద్రోహంతో బాగా హ‌ర్ట్ అయిన‌ మాస్ట‌ర్‌ లైఫ్‌లో, జ‌న్మ‌జ‌న్మ‌లో త‌న‌తో మాట్లాడ‌కంటూ అవినాష్‌కు వార్నింగ్ ఇచ్చాడు. లైఫ్‌లో నాశ‌నం అయిపోతావ్ అని శాప‌నార్థాలు పెట్టాడు. దీంతో మాస్ట‌ర్‌ను కూల్ చేసేందుకు అవినాష్ నానా తంటాలు ప‌డ్డాడు. త‌ర్వాత‌ అవ్వ రోబో డ్రెస్‌ను తీసి విసిరేసినందుకు మోనాల్‌పై కుర్చీ ఎత్తి విసిరేసింది. మ‌రోవైపు వాష్‌రూమ్ ఆపుకోలేక‌పోయిన మనుషులు రోబోల‌కు ఎలాంటి చార్జింగ్ ఇవ్వ‌కుండానే వాష్‌రూమ్ వాడేసుకున్నారు. (చ‌ద‌వండి: బిగ్‌బాస్ హౌస్‌లో త‌ల‌నొప్పిగా మారుతోన్న గంగ‌వ్వ‌!) బ‌తికిన రెండు రోబోలు, గెలుపు డిక్లేర్‌ దీంతో అడ్డు వెళ్ల‌బోయిన అరియానాను మోనాల్ ఈడ్చి పారేసింది. లాస్య‌ను వెన‌క్కు నెట్టే క్ర‌మంలో ఇద్ద‌రూ కింద‌కు ప‌డిపోయారు.ఆహారం ఇస్తే చార్జ్ ఇస్తామ‌ని గంగ‌వ్వ‌తో బేరం కుదుర్చుకున్నారు. కానీ ఎలాంటి చార్జింగ్ లేక‌పోవ‌డంతో రోబోలు అరియానా, కుమార్ సాయి, అవినాష్‌, హారిక, లాస్య‌లు చ‌చ్చిపోయారు. బ‌జ‌ర్ మోగే స‌మ‌యానికి అభి, గంగ‌వ్వ లు బ‌తికే ఉండ‌టంతో రోబో టీమ్‌ గెలుపు సాధించిన‌ట్లు బిగ్‌బాస్ ప్ర‌క‌టించాడు. దీంతో సంతోషం ప‌ట్ట‌లేక రోబో టీమ్ ఎగ‌రి గంతేసింది. కానీ ఈ టాస్క్‌లో జ‌రిగిన ప‌రిణామాల నుంచి మ‌నుషులు బ‌య‌ట ప‌డలేదు. కెప్టెన్సీ పోటీకి ఆ న‌లుగురు రోబోల టీమ్‌లోని వాళ్లు న‌మ్మ‌కాన్ని పోగొట్టుకున్నారని నోయ‌ల్ మోనాల్‌తో చెప్పుకొచ్చాడు. అభితో మాట్లాడేందుకు ప్ర‌య‌త్నించినా మ‌ధ్య‌లో హారిక వ‌స్తుంద‌ని మోనాల్ బాధ‌పడింది. అభిని హారిక కంట్రోల్ చేస్తుంద‌ని మాస్ట‌ర్ అభిప్రాయ‌ప‌డ్డాడు. టాస్క్‌లో జ‌రిగిన ర‌భ‌స‌కో ఏమో కానీ అభి త‌న‌కు ఉండాల‌నిపించ‌డం లేద‌ని హారిక‌తో ఫీలింగ్స్ షేర్ చేసుకున్నాడు. ఇక‌ గెలిచిన టీమ్ నుంచి అవినాష్‌, గంగ‌వ్వ‌, హారిక‌, అభిజిత్ కెప్టెన్ పోటీలో నిల‌బ‌డ్డారు. అయితే మూడో కెప్టెన్‌గా గంగ‌వ్వే సెల‌క్ట్ అయింద‌ని లీకువీరులు చెప్తున్నారు. ఇక‌ ఇంటి స‌భ్యులంద‌రూ క‌లిసి ఓడిపోయిన టీమ్‌లో నోయ‌ల్‌ చెత్త ప‌ర్‌ఫార్మెన్స్ ఇచ్చాడ‌ని తెల‌ప‌డంతో అత‌డు‌ జైల్లోకి వెళ్లాల్సిందిగా బిగ్‌బాస్ ఆదేశించాడు. (చ‌ద‌వండి: వ‌ర్క‌వుట్ అయిన కిడ్నాప్‌; నాకిది అగ్ని ప‌రీక్ష‌) నోయ‌ల్‌కు రోజంతా రాగి జావ మాత్ర‌మే అత‌డికి తిండీ, టీ, కాఫీలు, జ్యూస్‌లు ఇవ్వ‌కూడ‌ద‌ని శిక్ష విధించాడు. కేవ‌లం రాగి జావ మాత్ర‌మే ఇవ్వాల్సి ఉంటుంద‌ని బిగ్‌బాస్ స్ప‌ష్టం చేశాడు. జావ‌కు అవ‌స‌ర‌మ‌య్యే రాగుల‌ను కూడా అత‌డే పిండి చేయాల్సి ఉంటుంద‌ని తెలిపాడు. త‌ర్వాత చెర‌సాల‌లో నుంచే నోయ‌ల్ ర్యాప్ పాడాడు. దివి పాట పాడితే మాస్ట‌ర్ స్టెప్పులేశాడు. ఇక రేప‌టి ఎపిసోడ్‌లో వైల్డ్ కార్డ్ ఎంట్రీ ఉంది. అంటే హీరోయిన్‌ స్వాతి దీక్షిత్ ఇంట్లోకి అడుగు పెట్ట‌నున్న‌ట్లు తెలుస్తోంది. ఆమె ఎంట్రీ ఏ రేంజ్‌లో ఉండ‌బోతుందో రేపు చూడాల్సిందే. (చ‌ద‌వండి: బిగ్‌బాస్‌: త్వ‌ర‌లో హీరోయిన్ ఎంట్రీ!)

రోజులు గ‌డిచే కొద్దీ బిగ్‌బాస్ షో కూడా ర‌స‌వ‌త్త‌రంగా మారుతోంది. అయితే బిగ్‌బాస్ ఆద‌ర‌ణ‌కు ఇండియ‌న్ ప్రీమియ‌ర్ లీగ్ గండి కొడుతోంది. ఎప్ప‌టినుంచో ఊరిస్తూ వ‌స్తోన్న ఐపీఎల్ రంగంలోకి దిగేస‌రికి ప్రేక్ష‌కులు మూడు భాగాలుగా విడిపోయారు. ఇందులో ఐపీఎల్ మాత్ర‌మే చూసేవారు కొంద‌రైతే, బిగ్‌బాస్ మాత్ర‌మే చూసేవారు మ‌రికొంద‌రు, రెండింటిని క‌వ‌ర్ చేసేవారు మూడో ర‌కం. అయితే మొన్న‌టివ‌ర‌కు బిగ్‌బాస్‌ను వీక్షించిన‌ వారిలో చాలామంది ఐపీఎల్ రాగానే షోను ప‌క్క‌న‌పెట్టారు. అస‌లే మొద‌టి ఎపిసోడ్‌తో టీఆర్పీ రికార్డులు బ‌ద్ధ‌లు కొట్టిన బిగ్‌బాస్ దాన్ని కాపాడుకునేందుకు విశ్వ‌ప్ర‌య‌త్నాలు చేస్తోంది. (బిగ్‌బాస్ మాయ గురించి చెప్పిన వితికా) అందులో భాగంగా గ‌తంలో ఎన్న‌డూ లేని విధంగా తొలి రెండు వారాల్లోనే రెండు వైల్డ్ కార్డ్ ఎంట్రీల‌ను ప్ర‌వేశ‌పెట్టింది. ఇప్పుడు ఐపీఎల్‌ను ఢీ కొట్టేందుకు ముచ్చ‌ట‌గా మూడో వైల్డ్ కార్డ్ ఎంట్రీని లోనికి పంపించాల‌ని ఆలోచిస్తోంది. ముందు నుంచీ చ‌క్క‌ర్లు కొడుతున్న ఊహాగానాల ప్ర‌కారం జంప్ జిలానీ సినిమా హీరోయిన్‌ స్వాతి దీక్షితే అని స‌మాచారం. నిజానికి ఆమెను ఓ ఆప్ష‌న్‌గా ప‌క్క‌న‌పెట్టారు. కానీ హౌస్ వేడెక్కించేందుకు వీలైనంత‌ త్వ‌ర‌గా ఆమెను కూడా షోలోకి పంపించేందుకు రెడీ అవుతున్న‌ట్లు తెలుస్తోంది. కాగా ఇప్ప‌టికే కుమార్ సాయి, అవినాష్ వైల్డ్ కార్డ్ ఎంట్రీ ఇచ్చిన సంగ‌తి తెలిసిందే. ఈ ఇద్ద‌రిలో అవినాష్ అంద‌రితో కలిసిపోయిన‌ప్ప‌టికీ కుమార్ మాత్రం ఇంకా పొరుగింటి అబ్బాయిగానే ఉంటున్నాడు. (బిగ్‌బాస్‌: గెలవడం‌ కోసం ఆమె ఏమైనా చేస్తుంది!)


  ‘‘తమిళంలో ఘనవిజయం సాధించిన ‘కలగలప్పు’ చిత్రాన్ని తెలుగు వాతావరణానికి అనుగుణంగా మార్పులూ చేర్పులూ చేసి తీస్తున్నాం. తాత సంపాదించిన హోటల్‌ను అభివృద్ధి చేయాలనే లక్ష్యంతో మనవళ్లు ఏం చేశారన్నదే కథాంశం. ‘అల్లరి’ నరేశ్‌కి సరిగ్గా సరిపోయే కథ ఇది’’ అని చిత్ర సమర్పకులు ‘అంబికా’ కృష్ణ చెప్పారు. అల్లరి నరేశ్, ఇషా చావ్లా, స్వాతి దీక్షిత్ కాంబినేషన్‌లో అంబికా రాజా, రిలయన్స్ ఎంటర్‌టైన్‌మెంట్ సంయుక్తంగా నిర్మిస్తున్న చిత్రం ‘జంప్ జిలాని’. ఇ.సత్తిబాబు దర్శకుడు. ఈ సినిమా ప్రచార చిత్రాలను దర్శకుడు కె.రాఘవేంద్రరావు ఇటీవల హైదరాబాద్‌లో ఆవిష్కరించారు. సత్తిబాబు మాట్లాడుతూ -‘‘ఇందులో కొన్ని పాత్రలు కథానుగుణంగా జంప్ అవుతుంటాయి. అందుకే ఈ టైటిల్ పెట్టాం. వేసవి వేడిని తగ్గించేంత వినోదం ఇందులో ఉంటుంది’’ అని చెప్పారు. ఇది నూటికి నూరుశాతం హిట్ మూవీ అవుతుందని ‘అల్లరి’ నరేశ్ నమ్మకం వ్యక్తం చేశారు. ఈ నెల 26న పాటలనూ, వచ్చే నెల మొదటి వారంలో చిత్రాన్నీ విడుదల చేస్తామని ‘అంబికా’ రాజా తెలిపారు. ఈ కార్యక్రమంలో కోట శ్రీనివాసరావు, స్వాతీ దీక్షిత్, రఘుబాబు, పోసాని, ‘అంబికా’ రామచంద్రరావు తదితరులు మాట్లాడారు.