భర్త అంటే జీవితాంతం తన భార్యకు తోడునీడగా కలిసి జీవించాలి అంటారు. దాంపత్య జీవితంలో వచ్చే కష్టనష్టాలను భర్తిస్తూ బతుకు బండిని నడిపించాలి అంటారు. అయితే ఓ వ్యక్తి మాత్రం భర్త అనే పదానికి అర్థమే మార్చేశాడు. తన అర్థాంగిపై ఎవరూ చేయని దారుణానికి పాల్పడ్డాడు. అసలు విషయం తెలియడంతో ఆ మహిళ తన భర్తకి విడాకులు ఇచ్చేందుకు సిద్ధమైంది. అసలేం జరిగిందంటే.. వీడు భర్త కాదు శాడిస్ట్‌ పోలీసులు తెలిపిన వివరాల ప్రకారం.. ఫ్రాన్స్ కి చెందిన డొమినిక్ అనే వ్యక్తి తన భార్యకు రోజూ రాత్రి‌  తినే అన్నంలో మత్తు మందును  కలిపి ఇచ్చేవాడు. అది తిన్న ఆమె నిద్రలోకి జారుకునేది. ఆమె మత్తులోకి వెళ్లగానే పరాయి పురుషులను తన ఇంటికి పిలిపించి.. తన భార్యపై అత్యాచారం చేయించే వాడు. అంతేకాకుండా వాటిని వీడియోలు కూడా తీసేవాడు ఆ దుర​దుర్మార్గపు భర్త. ఇదే తంతుని ఆమెకు తెలియకుండానే పదేళ్లపాటు నడిపించాడు.  ఈ సమయంలో దాదాపు 92 మంది ఆ మహిళపై అత్యాచారం చేసినట్లు పోలీసులు గుర్తించారు. వారిలో 51 మంది..  26 నుంచి 73 సంవత్సరాల మధ్య వయస్సు గలవారని తెలిపారు.  వీరిలో ఫైర్‌మెన్, లారీ డ్రైవర్, మున్సిపల్ కౌన్సిలర్, బ్యాంకులో ఐటీ ఉద్యోగి, జైలు గార్డు, నర్సు, జర్నలిస్టు సహా పలు రంగాలకు చెందిన వారు ఉన్నారు. ఈ దారుణమైన విషయాన్ని ఫ్రాన్స్ లో ది టెలిగ్రాఫ్ అనే పత్రికలో వెల్లడించారు.   పొగతాగి, మద్యం సేవించి, పెర్ఫ్యూమ్ కొట్టుకొచ్చేవారిని డొమినిక్ అనుమతించేవాడు కాదు. ఎందుకంటే ఆ వాసనతో తన భార్యకు మెలుకువ వచ్చే అవకాశం ఉందని.. తన బండారం బయటపడుతుందని భావించేవాడు. అంతేకాకుండా బండ్లను తన ఇంటి ముందు కాకుండా దూరంగా పార్కింగ్ చేసి రావాలని సూచించేవాడు.  అసలు నిజం బయటపడిందిలా అయితే మహిళలు దుస్తులు మార్చుకునే గదిలో రహస్య కెమెరాలతో వీడియోలు తీస్తున్నట్లు అనుమానం రావడంతో డొమినిక్ దారుణాలు వెలుగులోకి వచ్చాయి. ప్రాథమిక విచారణలో అత్యాచార వీడియోలను పోలీసులు గుర్తించారు. ఈ కేసులో ఇప్ప‌టికీ డొమినిక్ తో  స‌హా 52 మందిని అరెస్ట్ చేశారు. మరికొంత మందిని గుర్తించే ప‌నిలో ప‌డ్డారు పోలీసులు.  ఇన్నాళ్లుగా తనపై జరుగుతున్న దారుణాన్ని గురించి తెలుసుకున్న ఆ మహిళ షాకయ్యింది. తన భర్తతో కలిసి ఉండడం ఇష్టం లేక విడాకుల కోసం దరఖాస్తు చేసుకుంది. చదవండి: టైటాన్ జలాంతర్గామి విషాదం.. భర్తతో, కుమారుడితో మాట్లాడిన మాటలు గుర్తుచేసుకుని..

సాక్షి, ముంబై: గూగుల్‌ పిక్సెల్‌ ఫోన్లతో స్మార్ట్‌ఫోన్‌ మార్కెట్లో హవా చాటుకున్న గూగుల్‌ ఫ్లాగ్‌షిప్ స్మార్ట్‌ఫోన్లపై మరోసారి  విమర్శలు వెల్లువెత్తాయి.  గత ఏడాది అక్టోబరులో లాంచ్‌  చేసిన గూగుల్ పిక్సెల్ 7 సిరీస్‌లో వీడియో కాల్‌ నాణ్యత బాగా లేదంటూ విమర్శలు వెల్లువెత్తడం కలకలం రేపుతోంది. అద్భుతమైన ఇమేజింగ్ నాణ్యత, పిక్చర్ క్యాప్చరింగ్‌ ఫోన్లగా చెప్పుకుంటున్న ఈ ఫోన్లలో రియర్‌, సెల్పీ కెమెరాల వీడియో క్వాలిటీ పూర్‌, మసక మసకగా ఉంటోందని యూజర్లు  ఫిర్యాదు చేశారు. (ఫోటో క్రెడిట్‌: ఆండ్రాయిడ్‌ పోలీస్‌) Google Meetతో సహా పలు యాప్‌లలో వీడియో క్వాలిటీ అసలు బాలేదనీ, ఇతర స్మార్ట్‌ఫోన్‌లతో పోలిస్తే వీడియో నాణ్యత చాలా తక్కువగా ఉన్నాయని  రెడిట్‌  యూజర్‌ ఒకరు ఫిర్యాదు చేశారు. అంతేకాదు  Pixel 7 నుండి  రిసీవ్‌ చేసుకున్న  వీడియోలు కూడా అస్పష్టంగా,మసక బారినట్లుగా ఉన్నాయని ఆరోపించారు.   పలువురు ట్విటర్ వినియోగదారులు కూడా దాదాపు ఇదే ఆరోపణ చేశారు. పిక్సెల్ 7 ప్రోతో Google Meetలో వీడియో కాల్ చేస్తున్నప్పుడు  నాసెల్పీ కెమెరా అసలు క్లియర్‌గా లేదు..దీనికేదైనా  పరిష్కారం ఉందా అని అని ఒకరు గత నెలలో ట్వీట్‌ చేశారు. (ఫోటో క్రెడిట్‌: ఆండ్రాయిడ్‌ పోలీస్‌) గూగుల్‌ సొంత యాప్‌తోపాటు ఇన్‌స్టాగ్రామ్, వాట్సాప్, టెలిగ్రాం యాప్స్‌లో వీడియో కాల్స్‌ అస్పష్టంగా ఉన్నాయని పిక్సెల్ 7 ప్రో యూజర్‌  సోషల్‌ మీడియాలో పోస్ట్‌ చేయగా, దీనిపై డజన్ల కొద్దీ ఇతర Android వినియోగదారులు వ్యాఖ్యానించినట్టు ఆండ్రాయిడ్‌ పోలీస్‌ నివేదించింది. గతంలో పిక్సెల్‌ 6లో ఇలాంటి సమస్యే వచ్చిందని నివేదించింది. సాఫ్ట్‌వేర్ సమస్య కావచ్చని సాఫ్ట్‌వేర్ అప్‌డేట్‌ద్వారా గూగుల్‌  దీన్ని పరిష్కరించాలని యూజర్లుకోరుతున్నారు.  కాగా గతంలో  కూడా గూగుల్‌ పిక్సెల్‌ 7 యూజర్లు రియర్‌ కెమెరా గ్లాస్‌ పగిలిన ఫిర్యాదుల నేపథ్యంలో  రీప్లేస్‌ చేసింది.  మరి తాజా ఫిర్యాదులపై  ఎలా స్పందిస్తుందో చూడాలి.  గూగుల్‌ పిక్సెల్‌ 7 ధర రూ. 52,950, గూగుల్‌ పిక్సెల్‌ 7 ప్రొ ధర రూ. 84,999గా ఉంది. గూగుల్‌ పిక్సెల్ 7, 7 ప్రో అక్టోబర్ 2022లో భారతదేశంలో లాంచ్‌ చేసిన సంగతి తెలిసిందే.  

మార్కాపురం: కన్న కుమార్తె పైనే లైంగిక దాడికి పాల్పడ్డాడో తండ్రి. పైగా బలవంతంగా కుమార్తెతో మద్యం తాగించి.. లైంగిక దాడి వ్యవహారాన్ని తన ప్రియురాలితో వీడియో తీయించాడు. సభ్య సమాజం తలదించుకునే ఈ ఘటన వైఎస్సార్‌ జిల్లాలో జరిగింది. నిందితుడిని అరెస్ట్‌ చేసినట్టు డీఎస్పీ డాక్టర్‌ కిషోర్‌కుమార్‌ తెలిపారు. సర్కిల్‌ కార్యాలయంలో ఆదివారం మీడియాకు వివరాలు వెల్లడించారు. ప్రకాశం జిల్లా మార్కాపురం పట్టణానికి చెందిన ఓ ప్రభుత్వోద్యోగి.. వైఎస్సార్‌ జిల్లాలో పని చేస్తున్నాడు. భార్య, కుమార్తె ఉన్నారు. ఇతను బేస్తవారిపేటకు చెందిన ఓ మహిళతో వివాహేతర సంబంధం పెట్టుకున్నాడు. ఇదిలా ఉండగా ఆ ఉద్యోగి తన 15 ఏళ్ల కుమార్తెను గత నెల 25న తన ఉద్యోగం చేస్తున్న ఊరికి తీసుకెళ్లాడు. అక్కడ తన ప్రియురాలితో కలిసి మద్యం తాగి.. కుమార్తెకు కూడా బలవంతంగా మద్యాన్ని తాగించాడు. ఆపై కుమార్తెపై లైంగిక దాడి చేస్తూ ప్రియురాలితో సెల్‌ఫోన్‌తో వీడియో తీయించాడు. ఈ ఘటన గురించి బాధిత బాలిక ఇంటికొచ్చాక తన తల్లితో చెప్పింది. చదవండి: (ఫేస్‌బుక్‌ ప్రేమ.. యువకుడి చేతిలో మోసపోయి) అదే రోజు పట్టణ పోలీస్‌ స్టేషన్‌లో తల్లితో కలిసి ఫిర్యాదు చేసింది. దీంతో నిందితుడిపై పోక్సో చట్టం కింద కేసు నమోదు చేశారు. ఈ నెల 2వ తేదీ సాయంత్రం 6.30 గంటల సమయంలో పట్టణ శివారులోని అల్లూరి పోలేరమ్మ గుడి వద్ద నిందితుడిని అరెస్ట్‌ చేసినట్టు ఎస్‌ఐ నాగరాజు చెప్పారు. నిందితుడి వద్ద ఉన్న సెల్‌ ఫోన్, అందులోని వీడియో, ఫొటోలను సీజ్‌ చేసినట్టు తెలిపారు.    

చెన్ట్నై,తిరువొత్తియూరు: యువతి స్నానం చేస్తుండగా వీడియో తీసిన యువకుడిని పోలీసులు ఆదివారం అరెస్టు చేశారు. రామనాథపురం జిల్లా కీళకరై సమీపంలోని కన్నిరాజపురం ప్రాంతానికి చెందిన యువతి తన ఇంటిలో స్నానం చేస్తోంది. ఆ సమయంలో అదే ప్రాంతానికి చెందిన ఎబేసన్‌ (23) అతని స్నేహితులు ఎబిరోన్, విఘ్నేష్‌ చాటుగా సెల్‌ఫోన్‌లో వీడియో తీశారు. అనంతరం ఆ వీడియోను వాట్సాప్‌లో పెట్టారు. దీనిపై యువతి ఈ నెల 2న కీళ్‌కరై మహిళా పోలీసుస్టేషన్‌లో ఫిర్యాదు చేసింది. పోలీసులు కేసు నమోదు చేసి పరారీలో ఉన్న ఎబేసన్‌తో సహా ముగ్గురి కోసం తీవ్రంగా గాలించారు. ఈ క్రమంలో కన్యాకుమారి జిల్లా తేంగాయ్‌పట్టినం తీర ప్రాంతంలో దాగి ఉన్న ఎబేసన్‌ను కీళకరై పోలీసులు ఆదివారం ఉదయం అరెస్టు చేశారు. సముద్రతీర పోలీసుల సాయంతో ఎబేసన్‌ను అరెస్టు చేశారు. అతన్ని కీళకరై పోలీసుస్టేషన్‌కు తీసుకొచ్చి విచారణ చేస్తున్నారు. మరో ఇద్దరి కోసం గాలిస్తున్నారు.

‘‘సినిమా పరిశ్రమలో రాణించాలనే ఆశయంతో అమెరికాలో సాఫ్ట్‌వేర్‌ ఇంజినీర్‌ ఉద్యోగాన్ని వదిలేశాను. నాన్న నిర్మాతగా వ్యవహరించడంతో ‘ప్రాణం ఖరీదు’ సినిమాతో ప్రేక్షకుల ముందుకు వచ్చాను. ఆ సినిమా నాకు చాలా సంతృప్తిని, టాలీవుడ్‌లో మంచి గుర్తింపని ఇవ్వడం ఆనందంగా ఉంది’’ అని ప్రశాంత్‌ రెడ్డి అన్నారు. నేడు ఆయన పుట్టినరోజు. ప్రశాంత్‌ రెడ్డి మాట్లాడుతూ– ‘‘ప్రాణం ఖరీదు’ తర్వాత ‘ఎంకి పాట–ఆర్పీ నోట’ అనే వీడియో ఆల్బమ్‌లో నటించాను. నండూరి సుబ్బారావు రాసిన ఎంకి పాటలను దృశ్యరూపంలోకి తీసుకొచ్చే ప్రాజెక్ట్‌ ఇది. ఇందుకు సంగీత దర్శకుడు ఆర్పీ పట్నాయక్, ఆయన సోదరుడు గౌతమ్‌ పట్నాయక్‌లకు రుణపడి ఉంటాను. త్వరలోనే నా రెండో సినిమా ప్రారంభం అవుతుంది. మా నాన్నగారే నిర్మిస్తారు. నేను హీరోగా నటిస్తూనే దర్శకత్వం చేస్తా. నా డైరెక్షన్‌లో సినిమా నవంబర్‌లో సెట్స్‌పైకి వెళ్తుంది. ఈ ఏడాది నాకు మెమరబుల్‌’’ అన్నారు.


 ♦ శారీరకంగా అనుభవిస్తూ.. నగ్న దృశ్యాల చిత్రీకరణ
 ♦ ఓ మహిళపై సహచరుడు సెల్‌ఫోన్‌లో వీడియో చిత్రీకరణ
 ♦ పోలీసులను ఆశ్రయించిన బాధితురాలు
 
 అమలాపురం టౌన్‌ : వారిద్దరి మధ్య ఉన్న అక్రమ సంబంధాన్ని అడ్డుపెట్టుకుని ఆమెను తరచూ శారీకంగా అనుభవిస్తూ...  రహస్యంగా నగ్న దృశ్యాలు సెల్‌ఫోన్‌ వీడియోలో చిత్రీకరించి తన స్నేహితుల సెల్‌ఫోన్లకు పోస్టింగ్‌లు చేశాడు. ఈ అక్రమాలకు పాల్పడ్డ నిందితుడిని అమలాపురం పోలీసులు సోమవారం అరెస్ట్‌ చేశారు. ఐ.పోలవరం మండలం కేశనకుర్రుపాలేనికి చెందిన కారు డ్రైవర్‌ పలివెల వెంకట సూరిబాబు ఆ మోసానికి పాల్పడినట్టు అదే మండలం చిన్న తిళ్లకుప్ప గ్రామానికి చెందిన బాధితురాలైన 35 ఏళ్ల మహిళ తనకు జరిగిన అవమానాన్ని పట్టణ పోలీసులకు ఫిర్యాదు చేయటంతో అతడిపై కేసు నమోదైంది. నిందితుడి సూరిబాబును పట్టణ సీఐ వైఆర్‌కే శ్రీనివాస్‌ అరెస్ట్‌ చేసి కోర్టులో హాజరు పరిచారు. అమలాపురం డీఎస్పీ లంక అంకయ్య, సీఐ శ్రీనివాస్‌లు పట్టణ పోలీసు స్టేషన్‌లో సోమవారం ఏర్పాటు చేసిన విలేకర్ల సమావేశంలో నిందితుడిని ప్రవేశపెట్టి అతడు చేసిన నేరాన్ని వివరించారు.
 
  బాధిత  మహిళ గతంలో ఉపాధి కోసం కువైట్‌ వెళ్లి అక్కడ కొంత కాలం ఉంది. తర్వాత ఓ వ్యక్తిని వివాహం చేసుకుని ముంబైలో కొన్నాళ్లు కాపురం చేసింది. ఇద్దరి మధ్య గొడవలు రావటతో భర్తను వదిలేసి తన ఇద్దరు  మగ పిల్లలతో చిన్న తిళ్లకుప్పలో నివాసం ఉంటోంది. మోటారు సైకిల్‌పై ఆమె ఊరూరూ వెళ్లి  చీరలను విక్రయిస్తూ జీవనం సాగిస్తోంది.  సూరిబాబు కారులో వస్త్రాల కొనుగోలుకు ద్వారపూడి, రాజమహేంద్రవరం వెళ్లేది. అలా ఇద్దరి మధ్య సాన్నిహిత్యం పెరిగి అక్రమ సంబంధంలో సహచర్యం చేస్తున్నారు.
 
 ఆమెను సూరిబాబు కారులో తీసుకు వెళుతూ అమలాపురంలోని ఓ లాడ్జిలో, మురమళ్లలోని ఓ ప్రైవేటు అతిథి గృహంలో కొన్నిసార్లు బస చేశాడు. ఆ సమయంలో సూరిబాబు ఆమెను శారీకంగా అనుభవిస్తూ ఆమెకు తెలియకుండా సెల్‌ఫోన్‌లో వీడియో ద్వారా వారు కలుసుకున్న, నగ్న దృశ్యాలు చిత్రీకరించాడు. వీడియోలో తాను మాత్రం కనిపించకుండా కేవలం ఆమెను మాత్రమే చిత్రీకరించి జాగ్రత్తలు తీసుకున్నాడు. ఈ నీలి దృశ్యాలతో ఉన్న వీడియోను సూరిబాబు తన సెల్‌ఫోన్‌ ద్వారా తన మిత్రుల సెల్‌ఫోన్లకు పంపించాడు.
 
  చివరకు ఆ వీడియో బాధితురాలు చూసి నిర్ఘాంతపోయింది. బెడ్‌ రూమ్‌లోని దృశ్యాలను అందరికీ బహిర్గతం చేస్తావా? అంటూ బాధితురాలు సూరిబాబును నిలదీసింది. నా ఇష్టం అందరికీ చూపిస్తాను...ఎక్కువగా మాట్లాడితే చంపేస్తానని సూరిబాబు బెదిరించాడని బాధితురాలు పోలీసులకు ఇచ్చిన ఫిర్యాదులో పేర్కొంది. మురమళ్ల, అమలాపురంలోని అతిథి గృహం, లాడ్జీలో సూరిబాబు ఆమెను నగ్నంగా వీడియో చిత్రీకరించినట్టు ఆధారాలు లభ్యం కావడంతో అతడిపై కేసు నమోదు చేసి అరెస్ట్‌ చేశారు. కోర్టులో హాజరు పరచినట్టు డీఎస్పీ అంకయ్య వివరించారు.


 ♦ బాత్‌రూంలో వీడియో చిత్రీకరించే యత్నం
 ♦ ఒకరిని పట్టుకున్న సిబ్బంది
 ♦ దేహశుద్ధి చేసి పోలీసులకు అప్పగింత
  బోధన్ టౌన్ :  పట్టణంలోని సమీకృత బాలికల వసతిగృహంలోకి ప్రవేశించి సెల్‌ఫోన్‌లో వీడియోలు తీసిన పోకిరీలపై పోలీసులు కేసు నమోదు చేశారు. సీఐ వెంకన్న తెలిపిన వివరాలిలా ఉన్నాయి. ముగ్గురు యువకులు బుధవారం ఉదయం పట్టణంలోని బాలికల వసతి గృహం గోడపైనుంచి లోపలికి ప్రవేశించారు. బాలికలు బాత్రూంలో స్నానం చేస్తుండగా సెల్‌ఫోన్‌లో చిత్రీకరించారు. దీనిని గమనించిన విద్యార్థినులు కేకలు వేయడంతో సిబ్బంది పరుగెత్తుకు వచ్చారు. వారిని చూసి పోకిరీలు పారిపోవడానికి యత్నించారు. ఇద్దరు యువకులు పారిపోగా.. సాయిసిద్ధార్థ పట్టుబడ్డాడు. అతడికి దేహశుద్ధి చేసి ఆర్డీవో శ్యాంప్రసాద్‌లాల్ వద్దకు తీసుకెళ్లారు. ఆయన పోలీసులకు సమాచారం ఇచ్చారు. నిందితుడిని అదుపులోకి తీసుకున్నామని సీఐ తెలిపారు. పారిపోయిన ఇద్దరు యువకులనూ అదుపులోకి తీసుకుని ముగ్గురికీ కౌన్సెలింగ్ ఇచ్చామన్నారు. ఈ వ్యవహారంపై ఎలాంటి ఫిర్యాదు అందలేదని, సుమోటోగానే కేసునమోదు చేసుకున్నామని తెలిపారు.
  వసతి గృహనికి భద్రత కరువు
 నిరుపేద విద్యార్థుల కోసం పట్టణంలోని రాకాసీపేట్‌లో ఏర్పాటు చేసిన సమీకృత బాలికల వసతి గృహనికి భద్రత కరువయ్యింది. బాలికల వసతి గృహంలో వార్డెన్‌లు అందుబాటులో ఉండరు. భద్రత లేకపోవడంతో హాస్టల్ చుట్టూ పోకిరీలు చేరి బాలికలను ఆటపట్టిస్తున్నారన్న ఆరోపణలున్నాయి. రాత్రివేళలో వసతిగృహం లోకి రాళ్లు విసురుతున్నారని బాలికలు గతంలో పోలీ సులకు ఫిర్యాదు చేశారు. వసతి గృహం గోడ ఎత్తులేకపోవడంతో పోకిరీలు తరచూ ఆమ్మాయిలను ఆటపట్టిస్తున్నారు. భద్రత కోసం హాస్టల్ వద్ద మహిళా కానిస్టేబుల్‌ను ఏర్పాటు చేయాలని విద్యార్థి సంఘాల నాయకులు అధికారులను కోరినా ఫలితం లేదు. ముగ్గురు యువకులు మూడు రోజులుగా వసతి గృహం వద్ద న్యూసెన్స్ చేస్తున్నారని తెలిసింది. అధికారులు స్పందించి హాస్టల్ వద్ద భద్రత పెంచాలని, బాలికలకు రక్షణ కల్పించాలని ప్రజలు కోరుతున్నారు.