టాలీవుడ్ హీరో మంచు విష్ణు ప్రస్తుతం తన డ్రీమ్ ప్రాజెక్ట్ కన్నప్ప సినిమాతో బిజీగా ఉన్నారు. ఇప్పటికే మొదటి షెడ్యూల్ పూర్తి కాగా.. ఇటీవలే న్యూజిలాండ్‌కు బయలుదేరి వెళ్లారు. ప్రస్తుతం కన్నప్ప రెండో షెడ్యూల్‌ షూటింగ్‌ జరుగుతోంది. ఈ చిత్రంలో పలువురు టాలీవుడ్‌ ప్రముఖులు నటిస్తున్నారు. అయితే సినిమా షూటింగ్‌తో బిజీగా ఉన్నప్పటికీ తన ఫ్యామిలీ కోసం సమయం కేటాయిస్తూ ఉంటారు. ఇవాళ తన 15వ వివాహా వార్షికోత్సవం సందర్భంగా భార్య విరానికా కోసం సర్‌ప్రైజ్‌ ప్లాన్ చేశారు. ఈ సందర్భంగా హెలికాఫ్టర్‌లో ఆమెను తీసుకెళ్లి పెళ్లి రోజు శుభాకాంక్షలు తెలిపారు. ప్రస్తుతం న్యూజిలాండ్‌లో కన్నప్ప షూట్‌లో ఉన్న మంచు విష్ణు భార్య కోసం ప్రత్యేకంగా సమయం కేటాయించి సర్‌ ప్రైజ్‌ ఇచ్చారు. దీనికి సంబంధించిన వీడియోను విరానికా తన ఇన్‌స్టాలో పోస్ట్‌ చేసింది. ఇది చూసిన అభిమానులు టాలీవుడ్ జంటకు పెళ్లి రోజు విషెస్ చెబుతున్నారు.  కాగా.. మోహన్ బాబు తనయుడిగా ఇండస్ట్రీలోకి ఎంట్రీ ఇచ్చిన విష్ణు తనకంటూ ప్రత్యేక గుర్తింపు తెచ్చుకున్నారు. విరానికా రెడ్డిని మార్చి 1, 2009న ప్రేమ వివాహం చేసుకున్నాడు. ఈ జంటకు అరియానా, వివియానా, ఐరా, అర్వం అనే నలుగురు పిల్లలు కూడా ఉన్నారు. మరో వైపు.. విష్ణు భార్య విరానికా ఫ్యాషన్‌ డిజైనర్‌గా, వ్యాపారవేత్తగా రాణిస్తున్నారు.  View this post on Instagram A post shared by Viranica Manchu (@viranica)

ఎట్టకేలకు టాలీవుడ్‌ యంగ్‌ హీరో మంచు మనోజ్‌, భూమా మౌనికలు పెళ్లి బంధంతో ఒక్కటయ్యారు. ఫిల్మ్‌నగర్‌లోని మంచు లక్ష్మీ నివాసంలో ఇరు కుటుంబసభ్యులు, సన్నిహితుల సమక్షంలో మనోజ్‌-మౌనికల వివాహం ఘనంగా జరిగింది. ఎంతోకాలంగా స్నేహంగా ఉన్న మనోజ్‌-మౌనికలు తాజాగా పెళ్లిబంధంతో భార్యభర్తలుగా మారారు. వేదమంత్రాల సాక్షిగా ఏడడుగులు వేసి ఒక్కటయ్యారు..కొత్త జీవితానికి శ్రీకారం చుట్టారు. (ఫొటో గ్యాలరీ కోసం ఇక్కడ క్లిక్ చేయండి) చూడముచ్చటైన ఈ జంటకు టాలీవుడ్‌ ప్రముఖులు, రాజకీయ నేతలు, అభిమానుల నుంచి పెద్ద ఎత్తున శుభాకాంక్షలు వెల్లువెత్తుతున్నాయి. కాగా మంచు మోహన్‌ బాబుకు ఈ పెళ్లి ఇష్టం లేదని, కొడుకు పెళ్లికి ఆయన హాజరు కారంటూ పెద్ద ఎత్తున వార్తలు వచ్చినా వాటన్నింటిని పటాపంచెలు చేస్తూ మోహన్‌ బాబు దగ్గరుండి పెళ్లి జరిపించారు. ఇంతవరకు బాగానే ఉన్నా మంచు విష్ణు మాత్రం పెళ్లికి కేవలం అతిథిలా వచ్చి వెళ్లడం ఇప్పుడు నెట్టింట చర్చనీయాంశంగా మారింది. భార్య‌, పిల్ల‌ల‌తో త‌మ్ముడి పెళ్లికి వచ్చిన విష్ణు ఇంటి వ్యక్తిలా కాకుండా కేవలం గెస్టులా కొద్ది సమయం మాత్రమే పెళ్లిలో ఉండి వెంటనే వెళ్లిపోయాడు. ఇది చూసిన నెటిజన్లు సైతం షాక్‌ అయ్యారు. రీసెంట్‌గా మంచు లక్ష్మీ మనోజ్‌ పెళ్లికి సంబందించిన పలు ఫోటోలను సోషల్‌ మీడియాలో పోస్ట్‌ చేసింది. కానీ ఒక్క ఫోటోలో కూడా విష్ణు కనిపించలేదు. అటు విరానికా, విష్ణు దంపతులు కూడా మనోజ్‌ పెళ్లికి సంబంధించిన ఒక్క పోస్ట్‌ కూడా చేయలేదు. దీంతో మంచు వారి  వ్యవహారం ఇప్పుడు హాట్‌టాపిక్‌గా మారింది.

టాలీవుడ్‌ హీరో మంచు విష్ణుకు సర్‌ప్రైజ్‌ గిఫ్ట్‌ ఇచ్చారు ఆయన కూతుళ్లు అరియానా, వివియానా. బుధవారం (మార్చి 1న) మంచు విష్ణు- విరానికలు 15వ పెళ్లిరోజు జరుపుకున్నారు. పేరెంట్స్‌ పెళ్లిరోజును పురస్కరించుకుని వారికి మర్చిపోలేని బహుమతిచ్చారు అరియానా, వివియానా. వారికోసం ఓ బ్యూటిఫుల్‌ సాంగ్‌ ఆలపించారు. అంతే కాకుండా వారి  వివాహబంధంతో మొదలైన ప్రయాణాన్ని కళ్లకు కట్టినట్లు చూపించారు. విష్ణు దంపతుల ఫోటోలు, వీడియోలను ఒక స్పెషల్‌ వీడియోగా బయటకు వదిలారు. ఇది చూసి మంచు విష్ణు భావోద్వేగానికి లోనయ్యాడు. సదరు వీడియోను ట్విటర్‌లో షేర్‌ చేస్తూ ఎమోషనలయ్యాడు. 'ఈ పాట పూర్తయ్యే సమయానికి నాకు తెలియకుండానే కంట్లో నుంచి నీళ్లు వచ్చేశాయి. నా డార్లింగ్‌ పిల్లలకు థాంక్యూ.. నా జ్ఞాపకాలను మరోసారి గుర్తు చేశారు. నాకు, విరానికకు కలిపి ఇచ్చిన ఈ సర్‌ప్రైజ్‌ గిఫ్ట్‌ను ఎప్పటికీ మర్చిపోలేను' అని రాసుకొచ్చాడు. ఈ వీడియోపై జెనీలియా స్పందిస్తూ.. 'అద్భుతంగా ఉంది విష్ణు. నీ పిల్లలు చాలా గొప్పవాళ్లు' అని కామెంట్‌ చేసింది. I started crying towards the end of the song. Thank you my darling #Ariaana #Viviana, my little mommies ❤️❤️❤️❤️❤️. This has made my day and I will never forget this surprise gift for @vinimanchu and me. pic.twitter.com/RZI13tazny — Vishnu Manchu (@iVishnuManchu) March 1, 2023

టాలీవుడ్‌ బ్యూటిఫుల్‌ కపుల్‌ మంచు విష్ణు, విరానికా రెడ్డి వ్యక్తిగతంగా తమకంటూ ప్రత్యేక గుర్తింపు తెచ్చుకుని, వివాహ బంధంలో స్ఫూర్తిగా నిలుస్తున్నారు. ఒకరి అభిప్రాయాలు ఒకరు గౌరవించుకుంటూ, తెలుగు ఇండస్ట్రీలో చూడముచ్చటైన జంటగా నిలిచారు. నేడు (మార్చి 1) మంచు విష్ణు- విరానికల పెళ్లి రోజు. ఇద్దరి పెళ్లి జరిగి 14 ఏళ్లవుతోంది. ఈ సందర్భంగా మంచు విష్ణు సోషల్‌ మీడియాలో భార్యతో కలిసి దిగిన ఫోటో షేర్‌ చేసి.. మా నాన్న కంటే కూడా ఎక్కువగా భయపడేది విరానికకే! అయినా నిన్ను ఎంతగానో ప్రేమిస్తున్నాను. హ్యాపీ యానివర్సరీ అని రాసుకొచ్చాడు. ప్రస్తుతం ఈ ట్వీట్‌ సోషల్‌ మీడియాలో వైరల్‌గా మారింది. ప్రేమ చిగురించింది ఇలా.. మంచు విష్ణు-విరానిక మొదట స్నేహితులుగా మారి తర్వాత ప్రేమికులయ్యారు. తల్లిదండ్రులను ఒప్పించి 2009లో పెళ్లి చేసుకున్నారు. ప్రస్తుతం వీరికి నలుగురు పిల్లలు ఉన్నారు. విరానికా సోషల్ మీడియాలో యాక్టివ్‌గా ఉంటుంది. కానీ లాక్ డౌన్ సమయంలో కర్చీఫ్ ని కుట్టులేకుండా మాస్క్ లాగా ఎలా తయారు చేసుకోవాలో చెప్పి అందరినీ ఆకట్టుకుంది. విరానికా ఎక్కువగా ఫ్యామిలీతోనే సమయాన్ని గడిపేస్తుంటుంది. రంగస్థలం నుంచి అన్ని రంగాల వరకు.. మంచు విష్ణు నటుడిగా, నిర్మాతగా తనకంటూ ప్రత్యేక గుర్తింపు తెచ్చుకున్నాడు. అలాగే బిజినెస్‌మెన్‌గానూ రాణిస్తున్నాడు. తండ్రి మోహన్ బాబు స్థాపించిన మోహన్ బాబు కార్పొరేషన్ కి విష్ణు సీఈఓగా వ్యవహరిస్తున్నాడు. 1985లోనే "రగిలే గుండెలు" బాల నటుడిగా అరంగేట్రం చేశాడు. 2007లో అతడు హీరోగా నటించిన "ఢీ" చిత్రం మంచి విజయం సాధించింది. ఆ తర్వాత పాతిక సినిమాలకు పైగా విష్ణు హీరోగా నటించాడు. సాఫ్ట్ వేర్ ఇంజినీర్ అయిన విష్ణు.. కాలేజీ లెవెల్లో క్రికెట్, బాస్కెట్ బాల్‌లో పలు అవార్డులు కూడా అందుకున్నాడు. శ్రీ విద్యానికేతన్ విద్యా సంస్థలకు సీఈఓగానూ వ్యవహరిస్తున్నాడు. వివేకవంతురాలు విరానిక రెడ్డి... మంచు విష్ణు భార్య విరానిక రెడ్డికి తెలుగు సంస్కృతి, సంప్రదాయాలంటే ఎంతో గౌరవం. అన్నింటికీ మించి సేవాగుణానికి పెట్టింది పేరు. వైఎస్‌ రాజారెడ్డి కుటుంబంలో చిన్న మనవరాలు.. రాజారెడ్డి నాలుగో కొడుకు సుధాకర్ రెడ్డి, విద్యా రెడ్డి దంపతుల కుమార్తె. బాల్యం నుంచి ఆమె అమెరికాలోనే ఉంది. చిన్నతనంలో విరానికకు డాక్టర్ కావాలనే కోరిక ఉండేది. కానీ ఆ తర్వాత వ్యాపారంలోకి అడుగుపెట్టగా నాటి నుంచి నేటి వరకు సక్సెస్‌ఫుల్‌ బిజినెస్‌ వుమెన్‌గా దూసుకుపోతున్నారు. విరానికాకు ఆఫ్రికాలోనూ వ్యాపారాలు ఉన్నాయి. The only person I am more scared of, more than my dad, @vinimanchu. I love you to the moon and back. Happy anniversary ❤️ pic.twitter.com/GEAZTdPMPa — Vishnu Manchu (@iVishnuManchu) March 1, 2023

హీరో మంచు విష్ణు సతీమణి విరానిక ఎంటర్‌ప్రెన్యూర్‌ అన్న విషయం తెలిసిందే! ఓ పక్క నలుగురు పిల్లలను చూసుకుంటూనే మరో పక్క ద కేక్‌ రూమ్‌ పేరిట కస్టమైజ్డ్‌ కేక్స్‌ బిజినెస్‌ నడుపుతూ, న్యూయార్క్‌ అకాడమీ స్కూల్‌ బాధ్యతలు చూసుకుంటోంది. న్యూయార్క్‌ యూనివర్సిటీ నుంచి ఫ్యాషన్‌ మార్కెటింగ్‌లో శిక్షణ తీసుకున్న ఆమె మైసన్‌ అవా పేరుతో క్లాతింగ్‌ బిజినెస్‌ సైతం నిర్వహిస్తోంది. ఈ క్రమంలో 2023కి వెల్‌కమ్‌ చెప్తూ విరానిక పేరుతో బ్రైడల్‌ డిజైనర్‌వేర్‌ను ప్రారంభించింది మంచు కోడలు. తాజాగా సీతారామం హీరోయిన్‌ మృణాల్‌ ఠాకూర్‌ విరానికా బ్రాండ్‌కు చెందిన సారీ ధరించింది. మల్లెపూవులాంటి తెల్ల చీరలో ధగధగ వెలిగిపోయింది మృణాల్‌. ఈ ఫోటోలను విరానికా బ్రాండ్‌ తన ఇన్‌స్టాగ్రామ్‌లో షేర్‌ చేసింది. మృణాల్‌ ధరించిన జరీ గోల్డ్‌ టిష్యూ కాంచీవరం చీరను తయారు చేయడానికి వారికి 980 గంటలు పట్టిందట. అంటే ఒక్క చీర కోసం దాదాపు రెండున్నర నెలలకు పైగా సమయాన్ని కేటాయించినట్లు తెలుస్తోంది. ఇక ఈ బ్రాండ్‌ను రిలీజ్‌ చేశాక విరానిక సైతం తెల్ల చీరలో మెరిసిపోతున్న ఫోటో ఒకటి షేర్‌ చేసింది. 18 మీటర్ల పొడవున్న ఆ చీరను రెడీ చేయడానికి ఏకంగా 1860 గంటలు కష్టపడ్డారట. ఒక్క చీరను తయారు చేయడానికే నెలల తరబడి కష్టపడ్డారంటే దాని ఖరీదు ఓ రేంజ్‌లో ఉండటం ఖాయమని కామెంట్లు చేస్తున్నారు నెటిజన్లు. View this post on Instagram A post shared by VIRANICA (@viranicaofficial) View this post on Instagram A post shared by VIRANICA (@viranicaofficial) View this post on Instagram A post shared by VIRANICA (@viranicaofficial) View this post on Instagram A post shared by VIRANICA (@viranicaofficial) చదవండి: రామ్‌చరణ్‌ పిలిస్తే కచ్చితంగా వస్తా: షారుక్‌ ఆర్‌ఆర్‌ఆర్‌ బాలీవుడ్‌ మూవీ అన్న నటి.. ఓ రేంజ్‌లో క్లాస్‌ పీకిన నెటిజన్లు

Viranica Manchu Maison AVA Creative Revolution In Kids Fashion: ఎంటర్‌ప్రెన్యూర్‌గా తనకంటూ ప్రత్యేక గుర్తింపు తెచ్చుకున్నారు విరానిక మంచు. యెడుగూరి సందింటి వారి ఆడపడుచు.. మంచు వారి కోడలు అయిన ఆమెకు ఫ్యాషన్‌ రంగంలో మంచి ఫాలోయింగ్‌ ఉంది. భిన్న రకాల డిజైన్లతో ఆకట్టుకోవడం ఆమె ప్రత్యేకత. విరానికను సోషల్‌ మీడియాలో ఫాలో అయ్యే వారికి ఈ విషయాన్ని ప్రత్యేకంగా చెప్పనక్కర్లేదు. వేడుక ఏదైనా సరే... భర్త విష్ణుతో పాటు పిల్లలు అరియానా, వివియానా, అవ్రమ్ భక్త‌, ఐరాతో కలిసి అద్భుతమైన అవుట్‌ఫిట్స్‌లో తళుక్కుమనాల్సిందే.  పిల్లల కోసం పిల్లల పేరు మీదుగా.. విరానిక మంచు గతేడాది ఆగష్టులో మైసన్‌ అవా పేరు మీదుగా క్లాతింగ్‌ లేబుల్‌ను ప్రారంభించారు. తన కూతుళ్లు అరియానా, వివియానా, ఐరా పేర్లు కలిసి వచ్చేలా అవా(AVA) బ్రాండ్‌తో పిల్లలకు ప్రత్యేకంగా దుస్తులు డిజైన్‌ చేయిస్తున్నారు. చేనేతతో రూపుదిద్దుకుంటున్న ఈ వస్త్రాలు.. సెలబ్రిటీల దృష్టిని ఆకర్షిస్తున్నాయి. బాలీవుడ్‌ నుంచి హాలీవుడ్‌ దాకా విరానికా క్రియేటివ్‌ హెడ్‌గా వ్యవహరిస్తున్న అవా బ్రాండ్‌ సినీ ప్రముఖుల మనసు దోచుకుంటోంది. ఇప్పటికే అనేక మంది ప్రశంసలు అందుకున్న ఈ క్లాతింగ్‌ లేబుల్‌.. ఇటీవల ఆరాధ్య ధరించిన డ్రెస్‌తో మరోసారి చర్చనీయాంశమైంది. అవును.. మేము చెబుతుంది బాలీవుడ్‌ మెగాస్టార్‌ అమితాబ్‌ బచ్చన్‌ ముద్దుల మనుమరాలు, మాజీ మిస్‌ వరల్డ్‌ ఐశ్వర్యారాయ్‌- హీరో అభిషేక్‌ బచ్చన్‌ గారాల పట్టి ఆరాధ్య బచ్చన్‌ గురించే! ఆరాధ్య ఇటీవలే పదో వసంతంలోకి అడుగుపెట్టిన సంగతి తెలిసిందే. ఈ సందర్భగా ఐశ్‌ దంపతులు మైసన్‌ అవా బ్రాండ్‌ తయారు చేసిన ‘ఫ్లోరెంటీనా’ డ్రెస్‌ను ఆరాధ్య కోసం ఎంపిక చేశారు. పుట్టినరోజు వేడుకలో ఈ స్టార్‌ కిడ్‌ అద్భుతమైన గౌన్‌లో మెరిసిపోయింది. చేతితో ఎంబ్రాయిడరీ చేసిన సిల్క్‌ ఆర్గంజా పూలు, బీడ్స్‌ మేళవింపుతో ఈ డ్రెస్‌ను డిజైన్‌ చేశారు.    అమెరికన్‌ మీడియా పర్సనాలిటీ పారిస్‌ హిల్టన్‌ సైతం తన వివాహనంతరం నిర్వహించిన నియాన్‌ కార్నివాల్‌లో మైసన్‌ అవా బ్రాండ్‌ రూపొందించిన వీల్‌(తలపై ధరించే వస్త్రం) ధరించడం విశేషం. పలువురు సినీ, రాజకీయ సెలబ్రిటీలు హాజరైన ఈ వేడుకకు హిల్టన్‌ అవా నుంచి వీల్‌ను ఆర్డర్‌ చేయడం గమనార్హం. నా భర్త, పిల్లల నుంచి స్ఫూర్తి పొంది ఈ విషయాల గురించి విరానిక మంచు టైమ్స్‌ ఆఫ్‌ ఇండియాతో మాట్లాడుతూ...‘‘నా నలుగురు పిల్లలను దృష్టిలో పెట్టుకుని అందరిలోనూ చిన్నారులు మరింత ప్రత్యేకంగా కనబడాలనే తపనతో దుస్తులను డిజైన్‌ చేశాను. ఒక్కో డ్రెస్‌ తయారు చేయడానికి వందల గంటల పాటు శ్రమించాల్సి ఉంటుంది. ప్రతీ డ్రెస్‌ దేనికదే ప్రత్యేకం’’ అని బ్రాండ్‌ నెలకొల్పాన్న ఆలోచన రావడానికి గల కారణాలు వెల్లడించారు. అదే విధంగా... తన భర్త, సినీ హీరో, నిర్మాత, వ్యాపారవేత్త మంచు విష్ణు నుంచి స్ఫూర్తి పొందానన్న విరానిక.. సరికొత్త డిజైన్లు రూపొందిస్తూ ముందుకు సాగుతానని చెప్పుకొచ్చారు. కాగా విరానిక.. ఉమ్మడి ఆంధ్రప్రదేశ్‌ దివంగత సీఎం వైఎస్‌ రాజశేఖరరెడ్డి సోదరుడి కుమార్తె, ఆంధ్రప్రదేశ్‌ ప్రస్తుత ముఖ్యమంత్రి వైఎస్‌ జగన్‌మోహన్‌రెడ్డి సోదరి(కజిన్‌) అన్న విషయం ప్రత్యేకంగా చెప్పాల్సిన అవసరం లేదు. ఆమె న్యూయార్క్‌ యూనివర్సిటీ నుంచి ఫ్యాషన్‌ మార్కెటింగ్‌లో శిక్షణ తీసుకున్నారు. చదవండి: Thangka Print: మగువల మనసు దోచుకుంటున్న ‘తంగ్కా’ డిజైన్‌

ఇంతకాలం మూవీ ఆర్టిస్ట్‌ అసోసియేషన్‌(మా) ఎన్నికలతో బిజీ బిజీగా ఉన్న నూతన ‘మా’ అధ్యక్షుడు, నటుడు మంచు విష్ణు కాస్తా విరామం తీసుకున్నట్లు తెలుస్తోంది. ఇటీవల జరిగిన ‘మా’ ఎన్నికల్లో ప్రకాశ్‌ రాజ్‌పై గెలిచి అధ్యక్ష పిఠాన్ని కైవసం చేసుకున్న విషయం తెలిసిందే. అధ్యక్ష పదవి బాధ్యతలు చేపట్టిన అనంతరం కొత్త ప్రణాళికలతో వచ్చిన మంచు విష్ణు వీటికి కాస్తా బ్రేక్‌ ఇచ్చి ఫ్యామిలీతో టూర్‌కు ప్లాన్‌ చేశాడు. ఈ విషయాన్ని స్వయంగా మంచు విష్ణు సోషల్‌ మీడియా వేదిక వెల్లడించాడు.  భార్యతో కలిసి విమానంలో వెళుతున్న వీడియోను ఇన్‌స్టా స్టోరీలో పంచుకున్నాడు. ఈ సందర్భంగా భార్య విరానిక గురించి ఆసక్తికర విషయం చెప్పాడు మంచు విష్ణు. ఈ నేపథ్యంలో ఇన్‌స్టాగ్రామ్‌ స్టోరీలో వీడియో షేర్‌ చేస్తూ.. కాస్తా బ్రేక్‌ తీసుకుంటున్నా అని చెప్పాడు. అలాగే తన భార్య విరానికను చూపిస్తూ.. అవును తను హాట్‌..  ఎప్పుడూ  ఫోన్‌లో బిజీగా ఉంటుంది అంటూ చెప్పుకొచ్చాడు.

కలెక్షన్‌ కింగ్‌ మోహన్‌బాబు ప్రధాన పాత్రలో తెరకెక్కుతున్న చిత్రం ‘సన్నాఫ్‌ ఇండియా’. స్వాతంత్ర్య దినోత్సవం సందర్భంగా ఆగష్టు 15న ప్రకటించిన ఈ సినిమాకు సంబంధించి తాజా అప్‌డేట్‌ ఇచ్చింది మూవీ యూనిట్‌. డైమండ్‌ రత్నబాబు దర్శకత్వం వహిస్తున్న ఈ సినిమా షూటింగ్‌‌ నేడు లాంఛనంగా ప్రారంభమైనట్లు వెల్లడించింది. కాగా 24 ఫ్రేమ్స్ ఫ్యాక్ట‌రీ, ల‌క్ష్మీ ప్ర‌స‌న్న పిక్చ‌ర్స్ బ్యాన‌ర్స్‌పై మోహ‌న్‌బాబు, ‘సన్నాఫ్‌ ఇండియా’ సినిమాను నిర్మిస్తున్న సంగతి తెలిసిందే. మాస్ట్రో ఇళయరాజా ఈ చిత్రానికి సంగీతాన్ని సమకూరుస్తున్నారు. (చదవండి: 'బిల్లా-రంగా' రీమేక్‌‌లో వార‌సులు) ఇక మంచు కుటుంబం ఎంతో ప్రతిష్టాత్మకంగా తెరకెక్కిస్తున్న ఈ సినిమాతో విష్ణు సతీమణి విరానిక స్టైలిస్ట్‌గా ఇండస్ట్రీలో అడుగుపెట్టనున్నారు. కలెక్షన్‌ కింగ్‌ మోహన్‌బాబుకు ఆమె స్టైలింగ్‌ చేయనున్నారు. కాగా ‘సన్నాఫ్‌ ఇండియా’ షూటింగ్‌ ప్రారంభమైన సందర్భంగా, మోహన్‌బాబు తనయ, నటి మంచు లక్ష్మి తండ్రికి శుభాకాంక్షలు తెలిపారు. ‘‘కంగ్రాట్స్‌ డాడీ! ఈ సినిమా కోసం ఎంతో ఎగ్జయింట్‌గా ఎదురు చూస్తున్నా! బెస్ట్‌ ఆఫ్‌ లక్‌, నాకు తెలుసు మీ అత్యద్భుతమైన నటనతో అందరినీ అలరిస్తారు’’అంటూ ట్వీట్‌ చేశారు.  Congrats Daddy! I am so so so excited for this one, can't wait for the curtain to raise and gaze at your exceptional performance! Best of Luck to you, I know you're going to rock it!🥰✨🥳#LakshmiManchu #MohanBabu #SonOfIndia #LakshmiUnfiltered #ComingSoon #24Frames — Lakshmi Manchu (@LakshmiManchu) October 23, 2020 For the first time @vinimanchu (@iVishnuManchu 's better half) styling for Collection King Dr. @themohanbabu with #SonOfIndia. Directed by @ratnababuwriter Maestro #Ilaiyaraaja Musical. 🎶@LakshmiManchu @HeroManoj1 #SrilakshmiprasannaPuctures @24FramesFactory #SOI pic.twitter.com/c424pOwR01 — BARaju (@baraju_SuperHit) October 23, 2020

కరోనా వ్యాప్తి నేపథ్యంలో విధించిన లాక్‌డౌన్‌ కారణంగా అనేకమంది ఎక్కడివారు అక్కడే నిలిచిపోయారు. సాధారణ ప్రజలతోపాటు సెలబ్రిటీలు సైతం తమ కుటుంబాలకు దూరంగా ఇతర ప్రాంతాల్లో చిక్కుకుపోయారు. దాదాపు వంద రోజుల తర్వాత లాక్‌డౌన్‌ సడలింపులు ప్రకటించడంతో ఎంతోమంది సొంత ఇంటికి ప్రయాణబాట పడుతున్నారు. ఈ క్రమంలో ఇతర దేశాల్లో చిక్కుకున్న వారిని భారత్‌కు తిరిగి తీసుకు వచ్చేందుకు కేంద్ర ప్రభుత్వం వందే భారత్‌ మిషన్‌ పేరుతో ప్రత్యేక విమానాలు నడుపుతున్న​ విషయం తెలిసిందే. దీనిద్వారా ఇప్పటికే జోర్డాన్‌లో చిక్కుకున్న మలయాళ నటుడు పృథ్వీరాజ్‌ సుకుమారన్‌ కేరళకు తిరిగి వచ్చారు. ('సాహో' ద‌ర్శ‌కుడి నిశ్చితార్థం) తాజాగా వందే భారత్‌ మిషన్‌లో భాగంగా టాలీవుడ్‌ నటుడు మంచు విష్ణు భార్య విరానికా, అతని పిల్లలు గురువారం సింగపూర్‌ నుంచి ఇండియాకు చేరుకుంటున్నారు. ఈ విషయాన్ని విష్ణు భార్య విరానికా తన ట్విటర్‌ ద్వారా వెల్లడించారు. ఇందుకు విమానంలో మాస్కులు ధరించి కూతుళ్లతో దిగిన ఫోటోను షేర్‌ చేస్తూ.. ‘వంద రోజుల తర్వాత సింగపూర్‌ నుంచి ఇంటికి వెళ్తున్నాను. ఇంటికి చేరుకోవడానికి సహకరించిన వందేభారత్‌ మిషన్‌, ఎయిర్‌ ఇండియా, సింగపూర్‌ బృందానికి కృతజ్ఞతలు’. అంటూ ట్వీట్‌​ చేశారు. కాగా విరానికా తన పిల్లలతో కలిసి కొంతకాలం క్రితం సింగపూర్‌ వెళ్లారు. వారు వెళ్లిన అనంతరం లాక్‌డౌన్‌ అమలు కావడంతో ఇన్ని రోజులు సింగపూర్‌లోనే ఇరుక్కుపోయారు. (‘మూడేళ్ల క్రితమే నాకు పెళ్లి అయ్యింది’) అవ్రమ్‌కు హెయిర్‌ కట్ చేసిన విరానిక Finally going home after 100 days in Singapore. #vandebharatmission Thank you @indiainsingapor & @airindiain for the exemplary effort in taking us home. AI Singapore team was extremely wonderful & helpful! High commissioner @jawedashraf5 and your entire team, thank you so much! pic.twitter.com/aLkr1VtZ3J — Viranica Manchu (@vinimanchu) June 11, 2020

లాక్‌డౌన్‌ కారణంగా నిత్యావసరాలు మినహా అన్నిషాప్‌లు మూతపడ్డాయి. దీంతో చాలా పనులు పెండింగ్‌లో పడిపోయాయి. కనీసం బయటకు వెళ్లి హెయిర్‌కట్‌ చేయించుకోలేని పరిస్థితి. దీంతో కొందరకు ఇళ్లల్లోనే తమకు తోచిన రీతిలో షేవింగ్‌, హెయిర్‌కట్‌ చేసుకుంటున్నారు. ఇలా తమలోని కొత్త ట్యాలెంట్‌ను బయటకు తీసుకొస్తున్నారు. ముఖ్యంగా పిల్లల విషయానికి వస్తే.. కొందరు తల్లిదండ్రులే వారికి హెయిర్‌ కట్‌ చేసి మురిసిపోతున్నారు. తాజాగా హీరో మంచు విష్ణు సతీమణి విరానిక కూడా ఈ జాబితాలో చేరిపోయారు. లాక్‌డౌన్‌ కారణంగా విదేశాల్లో చిక్కుకుపోయిన విరానిక.. తన కుమారడు అవ్రమ్‌కు హెయిర్‌ కట్‌ చేశారు. ఇందుకు సంబంధించిన వీడియోను ఆమె తన ఇన్‌స్టాగ్రామ్‌లో పోస్ట్‌ చేశారు. ‘అవ్రమ్‌ హెయిర్‌ కట్‌ చేశాను. ఇలా చేయడం ఇదే తొలిసారి’ అని విరానిక పేర్కొన్నారు. అలాగే అందరూ ఇంట్లోనే ఉండాలని, క్షేమంగా ఉండాలని  పిలుపునిచ్చారు. అయితే హెయిర్‌కట్‌ చేసే సమయంలో ఏం జరుగుతుతందో తెలుసుకోవడానికి అవ్రమ్‌ పదే పదే వెనక్కి తిరిగి చూస్తూ.. చేసిన అల్లరి చాలా ఫన్నీగా ఉంది. ఈ వీడియోపై ప్రముఖ హీరోయిన్‌ హన్సిక స్పందిస్తూ.. ‘సో క్యూట్‌ విన్నీ’ అని కామెంట్‌ చేశారు. మరోవైపు ఇండియాలో ఉన్న విష్ణు విరానికను, పిల్లలను చాలా మిస్‌ అవుతున్నానని ఇటీవల ఓ వీడియో విడుదల చేసిన సంగతి తెలిసిందే. చదవండి : భార్య, పిల్లలు విదేశాల్లో చిక్కుకుపోయారు: మంచు విష్ణు

కరోనా భయాందోళనలతో పలు దేశాలు లాక్‌డౌన్‌ ప్రకటించిన సంగతి తెలిసిందే. అయితే లాక్‌డౌన్‌ విధించడంతో ఎక్కడున్నా వారు అక్కడికే పరిమితం కావాల్సిన పరిస్థితి ఏర్పడింది. మరోవైపు అంతర్జాతీయ విమాన సర్వీసులు కూడా నిలిచిపోవడంతో.. విదేశాల్లో ఉన్నవారు అక్కడే ఉండాల్సి వచ్చింది. ఈ క్రమంలోనే హీరో మంచు విష్ణు భార్య విరానిక, పిల్లలు అరియానా, వివియానా,  అవ్రమ్‌, ఐరావిద్య విదేశాల్లో ఉండిపోవాల్సి వచ్చింది. ఇందుకు సంబంధించి మంచు విష్ణు మంగళవారం ఇన్‌స్టాగ్రామ్‌లో ఓ వీడియో షేర్‌ చేశారు. విరానికను, పిల్లలను చాలా మిస్సవుతున్నానని, చాలా కష్టంగా ఉందని ఆవేదన వ్యక్తం చేశారు. తనలాగే చాలా మంది బాధ అనుభవిస్తూ ఉండొచ్చు.. కానీ లాక్‌డౌన్‌ అనేది చాలా ముఖ్యమైనదని పేర్కొన్నారు. ప్రతి ఒక్కరు లాక్‌డౌన్‌ పాటించి.. కరోనాను ఆరికట్టేందుకు మద్దతుగా నిలవాలని కోరారు. కాగా, ఆ వీడియోలో మాట్లాడుతున్న సమయంలో విష్ణు కళ్లలో నీళ్లు తిరగడం చూస్తే.. ఆయన ఎంత బాధ పడుతున్నారో అర్థమవుతుంది.  ‘నేను ఎందుకు గడ్డం పెంచుతున్నానని చాలా మంది అడుగుతున్నారు. అది కొంతమందికి నచ్చుతుంది.. ఇంకొందరికి నచ్చడం లేదు. ఎందుకు పెంచుతున్నానంటే ఓ కారణం వల్ల పెంచుతున్నాను. నా భార్య, పిల్లలు వేరే ఊరిలో ఉన్నారు. వాళ్లు ఇక్కడికి వచ్చిన తర్వాత గడ్డం తీస్తాను. ఫిబ్రవరి చివరి వారంలో మా ఫ్యామిలీ మెంబర్‌కు ఆరోగ్యం బాగోలేక సర్జరీ కోసం వేరే దేశానికి వెళ్లాం. అందరం వెళ్లాం. దేవుడి దయ వల్ల సర్జరీ బాగా జరిగింది. అయితే మార్చి 19న నాన్నగారి పుట్టినరోజు, విద్యానికేతన్‌లో వార్షికోత్సవం ఉండటంతో.. మార్చి 11న నేను, నాన్న, అమ్మ ఇక్కడికి వచ్చేశాం. పిల్లలు, విరానిక ఇంకో నాలుగైదు రోజుల్లో వచ్చేయాలి. అయితే మేము వచ్చిన తర్వాత పరిస్థితులు మారిపోవడంతో విద్యానికేతన వార్షికోత్సవం క్యాన్సల్‌ చేశాం. వాళ్లు ఉన్న దేశంలో కూడా సందర్శకులను అనుమతించకుండా ఆపేశారు. దాని తర్వాత మన దగ్గర కూడా అంతర్జాతీయ విమాన సర్వీసులు నిలిపివేశారు. ఏప్రిల్‌ 14న ఇంటర్నేషనల్‌ ఫ్లైట్స్‌ అనుమతిస్తారని అనుకుంటున్నాను. గత ఏడేళ్లుగా అరి, వివి పుట్టాకా.. నేను వేరే ఊరికి పనిమీద వెళ్లిన సాయంత్రానికి వచ్చేవాడిని.. ఎందుకంటే పిల్లలతో గడపాలని. వాళ్లతో నాకు అటాచ్‌మెంట్‌ చాలా ఎక్కువ. అందుకే ఇప్పుడు బాగా కష్టంగా ఉంది. మేము అంతా ఒకే దగ్గర క్వారంటైన్‌లో ఉండి ఉంటే పరిస్థితి వేరేలా ఉండేది. ఫోన్‌లో మాట్లాడుతున్నప్పటికీ.. చాలా బాధగా ఉంది. వాళ్లను చాలా మిస్సవుతున్నాను. నాలాగే చాలా మంది ఈ రకమైన బాధ అనుభవిస్తూ ఉండొచ్చు.. కానీ లాక్‌డౌన్‌ అనేది చాలా ముఖ్యమైనది. ప్రతి ఒక్కరు దీనిని పాటించాలి. ప్రతి ఒక్కరు లాక్‌డౌన్‌కు మద్దతుగా నిలవాలి. ధైర్యంగా ఉండండి’ అని విష్ణు తెలిపారు. 

హీరో మంచు విష్ణు.. తన భార్య విరానికకు పెళ్లి రోజు శుభాకాంక్షలు తెలిపారు. ట్విటర్‌ వేదికగా తన ప్రేమను తెలిపేలా విష్ణు ఓ ఫొటోను షేర్‌ చేశారు. L,O,V,E అక్షరాలతో కూడిన ఫొటోను అభిమానులతో పంచుకున్నారు. అలాగే కొన్నేళ్ల కిందట ఇదే రోజు.. నా బెస్ట్‌ ఫ్రెండ్‌ను వివాహం చేసుకున్నానని తెలిపారు. విరానిక తనకు జీవితంలో ఎంతో సహకరించిందని పేర్కొన్నారు. మరోవైపు విరానిక కూడా ఇన్‌స్టాగ్రామ్‌ వేదికగా తన భర్తపై ప్రేమను వెల్లడించారు. ‘ఇప్పుడు, ఎల్లప్పుడు, ఎప్పటికీ.. నువ్వు నా వాడివి. అనంతంగా నిన్ను ప్రేమిస్తున్నాను’ అని పేర్కొన్నారు.  2009లో విష్ణు, విరానికలు వివాహ బంధంతో ఒక్కటైన సంగతి తెలిసిందే. వీరికి నలుగురు పిల్లలు ఉన్నారు. సినిమాల విషయానికి వస్తే.. మంచు విష్ణు హీరోగా నటిస్తోన్న తాజా చిత్రం ‘మోసగాళ్లు’ షూటింగ్‌ చివరి దశలో ఉంది.కాజల్‌ అగర్వాల్, రుహాని సింగ్‌ హీరోయిన్లుగా నటిస్తున్నారు. ఈ సినిమాలో పవర్‌ఫుల్‌ సిక్కు పోలీసాఫీసర్‌గా బాలీవుడ్‌ నటుడు సునీల్‌ శెట్టి నటిస్తున్నారు. వియామార్‌ ఎంటర్‌టైన్‌మెంట్, ఎ.వి.ఎ ఎంటర్‌టైన్‌మెంట్‌ పతాకాలపై విరానికా మంచు నిర్మిస్తోన్న ఈ చిత్రానికి జెఫ్రీ గీ చిన్‌ దర్శకుడు. View this post on Instagram You are my Now, Always and Forever! Love you infinitely ❤️ A post shared by Viranica Manchu (@viranica) on Mar 1, 2020 at 12:11am PST

మంచు విష్ణు ముచ్చటగా మూడోసారి తండ్రైన సంగతి తెలిసింది. విష్ణు–విరానికలకు అరియానా, వివియానా అనే కవల ఆడపిల్లలు, అవ్రమ్‌ అనే బాబు ఉన్నారు. ఇటీవలే ఓ పాపకు జన్మనిచ్చారు విరానిక మంచు. ఈ పాపకు ఐరావిద్య మంచు అని నామకరణం చేశారు. పాప ఫోటోను మొదటిసారి ట్వీటర్‌లో షేర్‌ చేస్తూ ‘‘మీ అందరి ప్రేమ, ఆశీర్వాదాలు కావాలి’ అన్నారు విష్ణు.

శ్రావణ శుక్రవారం వేళ మంచు వారింట ఆనందం వెల్లివిరిసింది. మంచు విష్ణు సతీమణి విరానికా పండంటి ఆడబిడ్డకు జన్మనిచ్చారు. ఈ విషయాన్ని మంచు విష్ణు ట్విటర్‌ వేదికగా అభిమానులతో పంచుకున్నారు. ఈ క్రమంలో సినిమా ప్రముఖులతో పాటు అభిమానుల నుంచి విష్ణుకు శుభాకాంక్షలు వెల్లువెత్తుతున్నాయి. ‘వరలక్ష్మీ వ్రతం నాడు ఆడపిల్ల పుట్టింది కాబట్టి ఆ లక్ష్మీదేవి మీ ఇంట అడుగుపెట్టినట్టే. ఇకపై మీకు అన్నీ శుభాలే’ అంటూ అభిమానులు ఆనందం వ్యక్తం చేస్తున్నారు. కాగా విష్ణు దంపతులకు ఇప్పటికే ముగ్గురు పిల్లలు వివియానా, అరియానా, అవ్రామ్‌లు ఉన్న విషయం తెలిసిందే. వీరిలో అరియానా, వివియానా కవలలు. ఇక కెరీర్‌ పరంగా మంచు విష్ణు ఇటీవల ఓటర్‌ సినిమాతో ప్రేక్షకుల ముందుకు వచ్చాడు. It’s a GIRL!!!! It’s a GIRL!!!!!! ❤️❤️❤️❤️❤️❤️❤️❤️❤️❤️❤️❤️❤️❤️💋💋💋💋💋💋💋💋 — Vishnu Manchu (@iVishnuManchu) August 9, 2019

మంచు వారింట్లో ఆనందం వెల్లివిరుస్తోంది. మంచు విష్ణు సతీమణి విరానికా సీమంతం వేడుక ఘనంగా జరిగింది. ఈ కార్యక్రమానికి సంబంధించిన ఫోటోలను మంచు విష్ణు సోషల్‌ మీడియాలో షేర్‌ చేశారు. ఈ ఫోటోల్లో భార్య విరానికాతో పాటు పిల్లలు వివియానా, ఆరియానా, అవ్రమ్‌లు ఉన్నారు. ప్రస్తుతం ఈ ఫోటోలు సోషల్‌ మీడియాలో వైరల్‌ అవుతున్నాయి. రీసెంట్‌గా మంచు విష్ణు ఓటర్‌ చిత్రంలో ప్రేక్షకులను పలకరించారు. To the super Mumma. I love you to the moon and back @vinimanchu #Srimantham pic.twitter.com/p4c06yLWP9 — Vishnu Manchu (@iVishnuManchu) July 20, 2019

సాక్షి, సినిమా : కొత్త సంవత్సరం రోజున మంచువారి ఇంట సందడి నెలకొంది. మోహన్‌బాబు తనయుడు-నటుడు అయిన విష్ణు భార్య విరానికా మగబిడ్డకు జన్మనిచ్చినట్లు సమాచారం అందుతోంది. కాగా, నెల‌లు నిండ‌డంతో విరానికాను హాస్పిట‌ల్‌కు తీసుకువెళ్లిన‌ట్టు ఈరోజు మధ్యాహ్నం విష్ణు ట్విట‌ర్ ద్వారా తెలియ‌జేశాడు. ‘‘మా కుటుంబంలోకి మ‌రో వ్య‌క్తికి ఆహ్వానం ప‌లికే సమ‌యం వ‌చ్చేసింది. ఇప్పుడే హాస్పిట‌ల్‌కు వ‌చ్చాం. చాలా ఉత్కంఠ‌గా ఉంది’’ అని విష్ణు ట్వీట్ చేశాడు. ఆ దంపతులకు ఇప్పటికే అరియానా, వివియానా అనే ఇద్దరు ఆడపిల్లలు ఉన్నారు. ఇక వారసత్వానికి అమ్మాయి, అబ్బాయి తేడాలేదు అని మంచు విష్ణు ఓ ట్వీట్‌ ద్వారా కొందరికి కౌంటర్‌ ఇచ్చిన విషయం తెలిసిందే. విష్ణుకు మగబిడ్డ పుట్టినట్లు బీఏ రాజు తన ట్విట్టర్‌ లో పోస్ట్‌ చేశారు.


 హైదరాబాద్ : ప్రముఖ నటుడు మోహన్ బాబు కోడలు, హీరో మంచు విష్ణు భార్య విరోనికా రోడ్డు ప్రమాదంలో గాయపడ్డారు. పహాడీషరీఫ్ పోలీస్ స్టేషన్ పరిధిలో జల్పల్లి వద్ద శనివారం జరిగిన రోడ్డు ప్రమాదంలో విరోనికాతో పాటు మరొకరికి స్వల్పంగా గాయలయ్యాయి.
 వీరు ప్రయాణిస్తున్న కారును గుర్తు తెలియని వాహనం ఢీకొనడంతో ఈ ఘటన చోటుచేసుకుంది. వెంటనే వీరిని చికిత్స నిమిత్తం అపోలో ఆస్పత్రికి తరలించారు. హైదరాబాద్ నుంచి జల్పల్లి ఫాంహౌస్కు వెళుతుండగా ఈ ప్రమాదం జరిగింది. వోల్వో ఎస్‌యూవీలో వెళ్తుండగా స్వల్ప ప్రమాదం జరిగిందని, అది సురక్షితమైన వాహనం కావడంతో కొద్దిపాటి గాయాలతోనే విరోనికా బయటపడ్డారని టాలీవుడ్ వర్గాలు చెబుతున్నాయి.