TV
ట్రాక్టర్‌ ఢీకొని యువకుడు మృతి
ఆసిఫాబాద్‌: జిల్లా కేంద్రంలోని గుండి ఫైఓవర్‌ బ్రిడ్జి స మీపంలో సోమవా రం ఉదయం జరి గిన రోడ్డు ప్రమాదంలో పట్టణానికి చెందిన యువకుడు మృతి చెందినట్లు సీఐ రవీందర్‌ తెలిపారు. పట్టణంలోని రాజంపేటకు చెందిన షేక్‌ రిహాన్‌ (17) బైక్‌లో పెట్రోల్‌ పోసుకునేందుకు కేస్లాపూర్‌ హన్మాన్‌ మందిర్‌ పక్కన ఉన్న బంకుకు వెళ్తుండగా రాంగ్‌రూట్లో అతివేగంగా వచ్చిన ట్రాక్టర్‌ ఢీకొట్టింది. తలకు బలమైన గాయాలు కావడంతో రిహాన్‌ అక్కడికక్కడే మృతి చెందాడు. అనంతరం ట్రాక్టర్‌ మరో ఆటోను ఢీకొట్టి బోల్తా పడింది. ట్రాక్టర్‌ డ్రైవర్‌ వసాకే లోకాజీపై కేసు నమోదు చేసి దర్యాప్తు జరుపుతున్నట్లు సీఐ తెలిపారు.
Comments
Please login to add a commentAdd a comment