ఆటో బోల్తా.. వ్యక్తి మృతి

ఆటో బోల్తా.. వ్యక్తి మృతి

పెదబయలు: మండలంలోని అడుగులుపుట్టు పంచాయతీ వడ్డేపుట్టు గ్రామ సమీపంలో మలుపు వద్ద జరిగిన రోడ్డు ప్రమాదంలో వ్యక్తి మృతి చెందగా ఎనిమిది మందికి తీవ్ర గాయాలయ్యాయి. ఆదివారం మధ్యాహ్నం లక్ష్మీపేట నుంచి ప్రయాణికులతో పెదబయలు వస్తున్న ఆటో అదుపుతప్పి బోల్తా కొట్టడంతో ఈ ఘటన చోటుచేసుకుంది. తీవ్రంగా గాయపడిన లక్ష్మీపేట పంచాయతీ కిలుములు గ్రామానికి చెందిన కిల్లో వలసన్న (56) సంఘటన స్థలంలోనే మృతి చెందాడు. ఆటోలో ఉన్న వళ్లంగి పార్వతమ్మ, బొండ భీమన్న, కిల్లో దొన్నమ్మ, కుర్తాడి బాబురావు, కిల్లో హరిబాబు, బి.గాసన్న, బి.తులసమ్మ, కుర్తాడి చిలకమ్మ తీవ్రంగా గాయపడ్డారు. వీరిని వెంటనే ముంచంగిపుట్టు సీహెచ్‌సీకి తరలించారు. మరింత మెరుగైన వైద్యం కోసం వీరిలో ఇద్దరిని పాడేరు జిల్లా ఆస్పత్రికి తరలించారు.స్థానిక పోలీసులు కేసు నమోదు చేసి దర్యాప్తు చేస్తున్నారు.

ఎనిమిది మందికి తీవ్ర గాయాలు

1/1

ఆటో బోల్తా.. వ్యక్తి మృతి