TV
అంధ్రా అండర్‌–14 జట్టుకు ఎంపిక
అనంతపురం: ఆంధ్రా అండర్‌ –14 జట్టుకు జిల్లాకు చెందిన ముగ్గురు క్రీడాకారులు ఎంపికయ్యారు. అనంతపురం నగరానికి చెందిన వై. తిఖిత్‌ కుమార్‌, ఎం. రోహిత్‌తో పాటు ఆత్మకూరు మండలానికి ఆదినారాయణ రెడ్డి జట్టుకు ప్రాతినిథ్యం వహించనున్నారు.
● ఎం. రోహిత్‌ కుడి చేతి మీడియం పేసర్‌, మిడిల్‌ ఆర్డర్‌ బ్యాటర్‌. జోనల్‌ టోర్నీలో 14 వికెట్లు తీసి సత్తా చాటాడు.
● వై. లిఖిత్‌ ఎడమ చేతి స్పిన్నర్‌, కుడి చేతి మిడిల్‌ ఆర్డర్‌ బ్యాట్స్‌మెన్‌. జోనల్‌ మ్యాచ్‌ల్లో నాలుగు వికెట్లు, అంతర్‌ జిల్లా మ్యాచ్‌ల్లో 14 వికెట్లు తీసి ప్రతిభ కనబరిచాడు.
● ఎడమ చేతి ఓపెనింగ్‌ బ్యాట్స్‌మెన్‌ అయిన ఏ.ఆదినారాయణ రెడ్డి అంతర్‌ జిల్లా మ్యాచ్‌ల్లో ఒకే ఇన్నింగ్స్‌లో 181 పరుగులు చేసి శభాష్‌ అనిపించుకున్నాడు. అండర్‌–14 జట్టుకు ఎంపికై న క్రీడాకారులకు జిల్లా క్రికెట్‌ అసోసియేషన్‌ ఇన్‌చార్జ్‌ ప్రధాన కార్యదర్శి వి. భీమలింగా రెడ్డి అభినందనలు తెలిపారు. ఫిబ్రవరి 6 నుంచి 13 వరకూ విజయనగరంలో జరగనున్న ఏసీఏ అంతర జోన్‌ టోర్నీలో క్రీడాకారులు పాల్గొననున్నారు.
ఎమ్మెస్సీ ఫలితాల విడుదల
అనంతపురం: జేఎన్‌టీయూ అనంతపురం పరిధిలో ఎమ్మెస్సీ ఫలితాలు విడుదలయ్యాయి. గత ఏడాది నవంబర్‌, డిసెంబర్‌లో నిర్వహించిన ఎమ్మెస్సీ మూడో సెమిస్టర్‌ రెగ్యులర్‌, సప్లిమెంటరీ, నాలుగో సెమిస్టర్‌ సప్లిమెంటరీ (మూక్స్‌, కన్వెన్షనల్‌ మోడ్‌) ఫలితాలను విడుదల చేసినట్లు డైరెక్టర్‌ ఆఫ్‌ ఎవాల్యుయేషన్స్‌ నాగప్రసాద్‌ నాయుడు ఓ ప్రకటనలో తెలిపారు. ఫలితాల కోసం జేఎన్‌టీయూ(ఏ) పరీక్షల పోర్టల్‌ చూడాలని కోరారు.
న్యూస్‌రీల్‌
అంధ్రా అండర్‌–14 జట్టుకు ఎంపిక
అంధ్రా అండర్‌–14 జట్టుకు ఎంపిక
Comments
Please login to add a commentAdd a comment