No Headline

‘‘ఇసుకపై జీఎస్టీ, సీనరేజి లేకుండా చేశాం.ఎక్కడైనా స్వేచ్ఛగా ఇసుక తీసుకెళ్లొచ్చు.ఎవరైనా అడ్డుకుంటే పీడీ చట్టం కింద కేసులు పెడతాం.ఎట్టి పరిస్థితుల్లో ఉచిత ఇసుక వినియోగదారులకు అందాల్సిందే.’’

– బుధవారం అసెంబ్లీలో సీఎం చంద్రబాబు చెప్పిన మాటలు ఇవి.

‘‘ఉచిత ఇసుక బాధ్యత ఎమ్మెల్యేదే’’

ఇది బుధవారం అసెంబ్లీలో ముఖ్యమంత్రి చెప్పిన మరోమాట.

బాబు మాటలకు, చేతలకు పొంతన కుదరటం లేదు. టీడీపీ ప్రజాప్రతినిధులే అందుకు భిన్నంగా వ్యవహరిస్తున్నారు. ఏ ఒక్క వినియోగదారుడికి ఉచిత ఇసుక అందకుండా చేస్తున్నారు. ఇసుక కావాలంటే రూ.3 నుంచి రూ.6 వేలు చెల్లించాల్సిందే అని హుకుం జారీ చేస్తున్నారు. నదులు, వంకలు, వాగులు, అసైన్డ్‌, అటవీ, ప్రభుత్వ భూములు వేటినీ వదలకుండా ఇసుక తవ్వితీసి అమ్మకానికి పెడుతున్నారు.