స్పెషల్‌ క్లాసుల నెపంతో ఆరో తరగతి విద్యార్థినిని..

సాక్షి, బెంగళూరు: విద్యార్థినిని లైంగిక వేధింపులకు పాల్పడిన ఉపాధ్యాయుడిని సస్పెండ్‌ చేశారు. వివరాలు.. తుమకూరు జిల్లా శిరాలోని బేగం మొహల్లా ప్రభుత్వ ఉర్దూ పాఠశాలలో హెడ్‌ మాస్టర్‌గా ఉన్న మహమ్మద్‌ ఇక్బాల్‌ ప్రత్యేక తరగతుల పేరుతో ఆరో తరగతి విద్యార్థినిని కార్యాలయ గదిలోకి పిలిపించాడు. రూ.50 నగదు ఇస్తానని ఆశ చూపి లైంగికంగా లొంగదీసుకోవాలని యత్నించాడు.

నివ్వెరపోయిన విద్యార్థిని వెంటనే ఇంటికి వెళ్లి తల్లిదండ్రులకు తెలియజేసింది. డిసెంబరు 21వ తేదీన శిరా పోలీసులకు ఫిర్యాదు చేశారు. పోలీసులు ఉపాధ్యాయుడిని అరెస్టు చేసి  న్యాయస్థానం ముందు హాజరు పరిచారు. అరెస్టయిన ఉపాధ్యాయుడు మహమ్మద్‌ ఇక్బాల్‌ను సస్పెండ్‌ చేస్తూ డీడీపీఐ కృష్ణమూర్తి శుక్రవారం ఆదేశాలు జారీ చేశారు.