జాతీయ క్రికెట్‌ పోటీలకు సాహితిశ్రీ

దేవరపల్లి: హర్యానాలోని పంచకులలో వచ్చే నెల 3 నుంచి 8వ తేదీ వరకూ జరగనున్న జాతీయ అండర్‌–17 బాలికల ఎస్‌జీఎఫ్‌ క్రికెట్‌ టోర్నమెంట్‌లో పాల్గొనే రాష్ట్ర జట్టుకు దేవరపల్లి జెడ్పీ హైస్కూలు విద్యార్థిని ఓరుగంటి సాహితీశ్రీ ఎంపికై ంది. ఈ జట్టు గురువారం పంచకులకు బయలుదేరిందని స్థానిక అంబటి సత్యనారాయణరావు జెడ్పీ హైస్కూలు వ్యాయామోపాధ్యాయుడు ఓరుగంటి నాగరాజు తెలిపారు. ఈ జట్టుకు ఈ నెల 27 నుంచి 30 వరకూ గుంటూరులోని శుభం క్రికెట్‌ అకాడమీలో శిక్షణ ఇచ్చారు. క్రీడాకారులకు గుంటూరు జిల్లా స్కూల్‌ గేమ్స్‌ కార్యదర్శి మల్లెంపు రవి, టీం కోచ్‌ డి.భూపాల్‌రెడ్డి, మేనేజర్‌ శివప్రియ, క్రికెట్‌ ఆర్గనైజింగ్‌ కార్యదర్శి కరీముల్లా చౌదరి, సీనియర్‌ ఫిజికల్‌ డైరెక్టర్‌ డి.భాస్కరరావు శుభాకాంక్షలు తెలిపారు.

2న సీనియర్‌

వుమెన్‌ హాకీ ఎంపికలు

నాగమల్లితోట జంక్షన్‌ (కాకినాడ సిటీ): వచ్చే నెల 2న సీనియర్స్‌ వుమెన్‌ విభాగం హాకీ క్రీడాకారులను ఎంపిక చేయనున్నట్లు జిల్లా హాకీ సంఘం కార్యదర్శి నంబు శ్రీనివాసరావు గురువారం ఒక ప్రకటనలో తెలిపారు. ఎంపికై న క్రీడాకారులు వచ్చే నెల 8 నుంచి 10వ తేదీ వరకూ నెల్లూరులో జరిగే అంతర్‌ జిల్లాల వుమెన్‌ హాకీ పోటీల్లో పాల్గొంటారని పేర్కొన్నారు. కాకినాడలోని జిల్లా క్రీడా మైదానం హాకీ కోర్టులో ఈ ఎంపికలు ఉదయం 8 గంటలకు ప్రారంభమవుతాయని, ఆసక్తి ఉన్న వారు హాజరు కావాలని హాకీ కోచ్‌ వి.రవిరాజు కోరారు.