9న నన్నయలో కవి సమ్మేళనం

9న నన్నయలో కవి సమ్మేళనం

రాజానగరం: ఆదికవి నన్నయ యూనివర్సిటీలో శనివారం జాతీయ శతాధిక కవి సమ్మేళనం నిర్వహించనున్నారు. వర్సిటీలోని సెమినార్‌ హాలులో తెలుగు విభాగం ఆధ్వర్యంలో నిర్వహించనున్న ఈ కార్యక్రమం బ్రోచర్‌ను ఇన్‌చార్జి వీసీ ఆచార్య వై.శ్రీనివాసరావు గురువారం విడుదల చేశారు. ఉభయ తెలుగు రాష్ట్రాలతో పాటు ఒడిషా రాష్ట్రం నుంచి 150 మంది కవులు హాజరుకానున్నారని, యువతలో కవితా స్ఫూర్తిని నింపాలనే ఉద్దేశంతో కళావేదిక చైర్మన్‌ కత్తిమండ ప్రతాప్‌ సహకారంతో ఈ కార్యక్రమాన్ని నిర్వహిస్తున్నామన్నారు. కార్యక్రమంలో రిజిస్టార్‌ ఆచార్య జి. సుధాకర్‌, కన్వీనర్‌ డాక్టర్‌ తరపట్ల సత్యనారాయణ, డాక్టర్‌ తలారి వాసు, డాక్టర్‌ పి.వెంకటేశ్వర్రావు, డాక్టర్‌ సంజీవయ్య, తదితరులు పాల్గొన్నారు.