క్రీస్తు మార్గంలో సంతోషం

క్రీస్తు మార్గంలో సంతోషం

బైబిల్‌ మిషన్‌ అధ్యక్షులు, మహోత్సవాల కన్వీనర్‌

రెవరెండ్‌ జె.శామ్యేల్‌ కిరణ్‌

పెదకాకాని: క్రీస్తు మార్గంలో సంతోషం సిద్ధిస్తుందని బైబిల్‌ మిషన్‌ అధ్యక్షులు, మహోత్సవాల కన్వీనర్‌ రెవరెండ్‌ జె.శామ్యేల్‌ కిరణ్‌ అన్నారు. ఆచార్య నాగార్జున యూనివర్సిటీ ఎదుట ప్రాంగణంలో జరుగుతున్న బైబిల్‌ మిషన్‌ మహోత్సవాలు మంగళవారం మూడో రోజుకు చేరుకున్నాయి. మహోత్సవాల కన్వీనర్‌ రెవరెండ్‌ జె.శామ్యేల్‌ కిరణ్‌ క్రీస్తు వాక్యోపదేశం చేశారు.

రజత వార్షికోత్సవం... మహోత్సవం

బైబిల్‌ మిషన్‌ అధ్యక్షులు, పెదకాకాని స్వస్థిశాల నిర్వాహకులు రెవరెండ్‌ జె.శామ్యేల్‌ కిరణ్‌ మహోత్సవాల నిర్వహణ బాధ్యతను చేపట్టి ఈ సంవత్సరానికి 25 ఏళ్లు పూర్తయ్యాయి. దీంతో రజత వార్షికోత్సవం సంద ర్భంగా ప్రత్యేక ప్రార్థనలు నిర్వహించారు. ముందుగా కృష్ణాజిల్లా సంగీత బృందం భక్తి కీర్తనలు ఆలపించింది. బైబిల్‌ మిషన్‌ వైస్‌ ప్రెసిడెంట్‌ రెవరెండ్‌ పి.జాన్‌ దేవదాసు, జాయింట్‌ సెక్రటరీ రెవరెండ్‌ జె.ఆగమనరావు వాక్యపరిచర్య చేశారు. మంగళవారం సాయంత్రం రెవరెండ్‌ జె.వినోద్‌ కుమార్‌, పాస్టర్లు జి. శామ్యూల్‌, వి.సతీష్‌బాబు తదితరులు దైవ సందేశాలు అందించారు.

నేటితో మహోత్సవాలు ముగింపు

బైబిల్‌ మిషన్‌ మహోత్సవాలు బుధవారంతో ముగియనున్నాయి. బైబిల్‌ మిషన్‌ జాయింట్‌ సెక్రెటరీ రెవరెండ్‌ ఎం.రవి, రెవరెండ్‌ డి.ఉజ్జీవం, రెవరెండ్‌. ఎ.తిమోతి రాజు, పాస్టర్‌ ఆర్‌.షాలేమురాజు దైవ సందేశాలు అందిస్తారు. మహోత్సవాల కన్వీనర్‌ రెవరెండ్‌ జె.శామ్యేల్‌ కిరణ్‌ 2025 మహోత్సవాల రిపోర్టును వెల్లడిస్తారు. బైబిల్‌ మిషన్‌ వైస్‌ ప్రెసిడెంట్‌ రెవరెండ్‌ పి.జాన్‌ దేవదాసు ఆఖరి ప్రార్థనతో మహోత్సవాలు ముగుస్తాయి.