కలకలం.. ఉక్రెయిన్‌పై ఖండాంతర బాలిస్టిక్ క్షిపణితో రష్యా దాడి!

కీవ్‌:  రష్యా-ఉక్రెయిన్‌ యుద్ధం తారా స్థాయికి చేరుకుంది. ఉక్రెయిన్‌పై 5వేల కిలోమీటర్ల పరిధిలోని శత్రు లక్ష్యాలను తుదముట్టించగల ఖండాంత‌ర క్షిపణిని రష్యా ప్రయోగించింది. ఇదే విషయాన్ని ఉక్రెయిన్‌ ఎయిర్‌ఫోర్స్‌ నిర్ధారించింది.

గురువారం తెల్లవారుజామున జరిగిన దాడిలో డ్నిప్రో నగరాన్ని క్షిపణి లక్ష్యంగా చేసుకున్నట్లు వైమానిక దళం తెలిపింది. 2022లో యుద్ధం ప్రారంభమైన తర్వాత రష్యా ఈ ఆయుధాన్ని మోహరించడం ఇదే తొలిసారి అని ఏఎఫ్‌పీ మీడియా సంస్థ వెల్లడించింది. 

ఖండాంత‌ర క్షిప‌ణ‌లు వేల కిలోమీట‌ర్ల దూరం ప్ర‌యాణించ‌గ‌ల‌వు. అత్య‌ధికంగా ఆ మిస్సైళ్లు 5వేల కిలోమీట‌ర్ల దూరం ప్ర‌యాణిస్తాయి. అయితే తాజా అటాక్ స‌మ‌యంలో.. ఆరు కేహెచ్‌-101 క్రూయిజ్ మిస్సైళ్ల‌ను కూల్చివేసిన‌ట్లు ఉక్రెయిన్ మిలిట‌రీ పేర్కొన్న‌ది. డిప్రో సిటీపై జ‌రిగిన దాడిలో భారీ న‌ష్టం సంభ‌వించింది. ప‌లు భ‌వ‌నాలు కూలిపోయాయి. అనేక మంది గాయ‌ప‌డ్డారు.