ఒలింపియాడ్‌లో అల్ఫోర్స్‌ విద్యార్థుల ప్రతిభ

ఒలింపియాడ్‌లో అల్ఫోర్స్‌ విద్యార్థుల ప్రతిభ

కొత్తపల్లి(కరీంనగర్‌): కర్నాటకకు చెందిన ప్రముఖ పోటీ పరీక్షల సంస్థ చింతన ప్రకాశన్‌ ఇటీవల నిర్వహించిన మ్యాథ్‌, సైన్స్‌, చిత్రలేఖనం ఒలింపియాడ్‌లో కొత్తపల్లిలోని అల్ఫోర్స్‌ ఇ టెక్నో స్కూల్‌ విద్యార్థులు అత్యున్నత ప్రతిభ కనబరిచి జాతీయ స్థాయిలో ర్యాంకులు సాధించినట్లు ఆ విద్యా సంస్థల చైర్మన్‌ డా.వి.నరేందర్‌ రెడ్డి తెలిపారు. పాఠశాల ఆవరణలో మంగళవారం ర్యాంకులు సాధించిన విద్యార్థులను అభినందించిన ఆయన మాట్లాడుతూ ప్రాథమిక స్థాయి నుంచి వివిధ విషయాలతో పాటు ముఖ్యంగా గణితం, సైన్స్‌లోని విషయాలపై ప్రత్యేక దృష్టి సారించేలా ప్రత్యేక శిక్షణ ఇస్తున్నట్లు తెలిపారు. జాతీయస్థాయిలో చిత్రలేఖనం ఒలింపియాడ్‌లో టి.భవిష్య (4వ తరగతి), ఎ.సమీక్ష, (8వ), మ్యాథమెటిక్స్‌ ఒలింపియాడ్‌లో ఇ.సుహాస్‌ (7వ), జి.సాయి సంహిత (8వ), సైన్స్‌ ఒలింపియాడ్‌లో ఎన్‌.వినాయక్‌ (7వ)రాణించగా మరికొంతమంది విద్యార్థులు రాష్ట్ర, జిల్లాస్థాయిలో ర్యాంకులు సాధించినట్లు పేర్కొన్నారు.