TV
ఉత్సాహంగా పోలీస్ క్రీడోత్సవాలు
● రెండోరోజు పోటీలను ప్రారంభించిన స్పోర్ట్స్‌ ఐజీ రమేశ్‌ రెడ్డి, సీపీ అభిషేక్‌ మహంతి
కరీంనగర్‌స్పోర్ట్స్‌: కరీంనగర్‌ వేదికగా జరుగుతున్న తెలంగాణ స్టేట్‌ మూడో పోలీస్ స్పోర్ట్స్‌ అండ్‌ గేమ్స్‌ మీట్‌–2025 పోటీలు ఉత్సాహంగా సాగుతున్నాయి. పోలీస్ క్రీడాకారులు సత్తా చాటుతూ తమ జోన్లకు పతకాలు సాధించి పెడుతున్నారు. బుధవారం పలు మ్యాచ్‌లను స్పోర్ట్స్‌ ఐజీ రమేశ్‌రెడ్డి, కరీంనగర్‌ సీపీ అభిషేక్‌ మహంతి ప్రారంభించారు. క్రీడలతో సమాజంలో మంచి గుర్తింపు లభిస్తుందని, వివిధ ప్రాంతాల మధ్య స్నేహ సంబంధాలు పెంపొందుతాయని తెలిపారు. వ్యక్తిత్వం, క్రమశిక్షణ, ఆరోగ్యానికి దోహదం చేస్తాయన్నారు. జాతీయ స్థాయి పోటీల్లో తెలంగాణ క్రీడా పతాకాన్ని ఎగురవేయాలని ఆకాంక్షించారు. కరీంనగర్‌ అడిషనల్‌ ఎస్పీ శుభం ప్రకాశ్‌, ట్రైనీ ఐపీఎస్‌ వసుంధర యాదవ్‌, ఏసీపీ విజయ్‌కుమార్‌, ఆర్‌ఐ కుమారస్వామి తదితరులు పాల్గొన్నారు.
విజేతలకు మెడల్స్‌ ప్రదానం..
పోలీస్ క్రీడోత్సవాల్లో భాగంగా రెండోరోజు సైకిల్‌ రోడ్‌ రేస్‌, ఆ ర్చరీ, స్విమ్మింగ్‌, అథ్లెటిక్స్‌, యోగా, రెజ్లింగ్‌, బ్యాడ్మింటన్‌, ఖో ఖో, కబడ్డీ తదితర క్రీడా పోటీలు నిర్వహించారు. 43 బంగా రు, 43 రజత, 49 కాంస్య పతకాల పోరు సాగింది. ఆయా క్రీడల్లో విజేతలుగా నిలిచినవారికి అతిథులు మెడల్స్‌ ప్రదానం చేశారు.
ఉత్సాహంగా పోలీస్ క్రీడోత్సవాలు
Comments
Please login to add a commentAdd a comment