అంకితభావంతో విధులు నిర్వర్తించాలి

అంకితభావంతో విధులు నిర్వర్తించాలి

ఆసిఫాబాద్‌రూరల్‌: ఉపాధ్యాయులు అంకితభావంతో విధులు నిర్వర్తించాలని అకాడమిక్‌ మానిటరింగ్‌ అధికారి శ్రీనివాస్‌ అన్నారు. జిల్లా కేంద్రంలోని బాలికల ఉన్నత పాఠశాలలో గురువారం జిల్లాలోని 77 ఉన్నత పాఠశాలల ఉపాధ్యాయులకు వృత్తి మార్గదర్శకత్వంపై శిక్షణ అందించారు. ఆయన మాట్లాడుతూ ప్రతీ ఉపాధ్యాయుడు విద్యార్థులకు మార్గదర్శకత్వం అందించాలన్నారు. వారు జీవితంలో ఉన్నతస్థాయికి వెళ్లేలా బోధన చేయాలని సూచించారు. ఆదర్శ ఉపాధ్యాయులుగా నిలవాలన్నారు. పదో తరగతి వార్షిక పరీక్షలు సమీపిస్తున్న నేపథ్యంలో మానసిక ఒత్తిడి, ఆందోళనకు గురికాకుండా విద్యార్థులకు కౌన్సెలింగ్‌ ఇవ్వాలని అన్నారు. సమావేశంలో జిల్లా విద్యాశాఖ అడిషనల్‌ డైరక్టర్‌ గామీనియల్‌, ఎస్‌వో అమరేందర్‌రెడ్డి, హెచ్‌ఎం సుభాష్‌ తదితరులు పాల్గొన్నారు.