శాంతిభద్రతల పరిరక్షణే లక్ష్యం

శాంతిభద్రతల పరిరక్షణే లక్ష్యం

గూడూరు: ప్రజల్లో ఫ్రెండ్లీ పోలీసు భావన కలిగిస్తూ, శాంతి భద్రతల పరిరక్షణే లక్ష్యంగా విధులు నిర్వర్తించాలని ఎస్పీ సుధీర్‌ రాంనాథ్‌ కేకన్‌ అన్నారు. మండల కేంద్రంలోని పోలీస్‌ స్టేషన్‌ను శుక్రవారం ఎస్పీ తనిఖీ చేశారు. ముందుగా ఎస్పీ పోలీసులచే గౌరవ వందనం స్వీకరించారు. అనంతరం పోలీస్‌స్టేషన్‌ ప్రాంగణంలో ఏర్పాటు చేసిన వాలీబాల్‌, క్రికెట్‌, షటిల్‌ బ్యాడ్మింటన్‌ క్రీడా ప్రాంగణాలను ప్రారంభించారు. స్టేషన్‌ పరిధిలో జరిగిన పలు రకాల నేరాలకు సంబంధించిన వివరాలు, శిక్షలుపడిన, పెండింగ్‌లో ఉన్న రికార్డులను క్షుణ్ణంగా పరిశీలించారు. మండలంలో శాంతిభద్రతల పరిరక్షణ, సిబ్బంది పనితీరుపై సీఐ కె.బాబూరావు, ఎస్సై గిరిధర్‌రెడ్డిని అడిగి తెలుసుకున్నారు. ఎక్కడ ఎలాంటి సంఘటన జరిగిన వెంటనే వారికి సత్వర సేవలు అందించేందుకు కృషి చేయాలన్నారు. మండలంలోని పలు రకాల కేసుల్లో నిందితులు, రౌడీ షీటర్లపై ఎప్పటికప్పుడు వాకబ్‌ చేయాలని సూచించారు. కార్యక్రమంలో కొత్తగూడ ఎస్సై కుషకుమార్‌, గంగారం ఎస్సై రవికుమార్‌, సిబ్బంది తదితరులు పాల్గొన్నారు.

ఎస్పీ సుధీర్‌ రాంనాథ్‌ కేకన్‌